| ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ | ᠰ᠊᠂ ᠬᠤᠷᠴᠢᠨᠬᠦᠤ | ᠨᠠᠷᠠᠨ ᠲᠠᠮᠠᠭᠠ ᠲᠠᠢ ᠤᠷᠴᠢᠯᠠᠩ ᠤᠨ | ᠨᠠᠯᠠᠭᠠᠷ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ | ᠨᠠᠪᠴᠢ ᠴᠡᠴᠡᠭ ᠤᠨ ᠮᠢᠷᠠᠯᠵᠠᠭᠠᠨ ᠲᠠᠢ | ᠨᠠᠶᠢᠮᠠᠨ ᠵᠠᠭᠤᠨ ᠤ ᠪᠠᠷᠠ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠠᠭᠳᠠᠶᠢᠨ ᠲᠦᠷᠪᠡᠨ ᠲᠤᠭᠤᠷᠠᠢ ᠪᠠᠷ | ᠠᠳᠠᠷ ᠲᠠᠯᠠ ᠪᠠᠨ ᠲᠠᠮᠠᠭᠠᠯᠠᠭᠰᠠᠨ | ᠠᠷᠤᠣᠬᠠᠨ ᠪᠠᠭᠠᠳᠤᠷ ᠤᠨ ᠰᠦᠰᠦ ᠪᠠᠷ | ᠠᠷᠤ ᠬᠠᠩᠭᠠᠢ ᠶᠢ ᠦᠮᠴᠢᠷᠭᠡᠭᠰᠡᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠡᠴᠢᠭᠡ ᠶᠢᠨ ᠠᠯᠳᠠᠨ ᠰᠤᠷᠭᠠᠯ ᠢᠶᠠᠷ | ᠡᠷᠡᠨ ᠵᠠᠭᠤᠨ ᠢ ᠪᠠᠳᠤᠵᠢᠭᠤᠯᠤᠭᠰᠠᠨ | ᠡᠷᠡᠯᠭᠡᠭ ᠪᠠᠭᠠᠳᠤᠷᠯᠢᠭ ᠲᠡᠦᠬᠡ ᠪᠠᠨ | ᠡᠩ ᠲᠡᠯᠡᠬᠡᠢ ᠳᠤ ᠴᠡᠳᠢᠭᠯᠡᠭᠰᠡᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠡᠵᠢ ᠶᠢᠨ ᠲᠤᠯᠠᠭᠠᠨ ᠬᠠᠷᠠᠴᠠ ᠪᠠᠷ | ᠡᠨᠡ ᠭᠠᠵᠠᠷ ᠢ ᠤᠶᠠᠰᠬᠠᠭᠰᠠᠨ | ᠤᠷᠤᠰᠬᠠᠯ ᠲᠤᠩᠭᠠᠯᠠᠭ ᠤᠰᠤ ᠪᠠᠷ | ᠦᠬᠡᠷ ᠮᠠᠯ ᠢᠶᠠᠨ ᠤᠮᠳᠠᠯᠠᠭᠤᠯᠤᠭᠰᠠᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠲᠠᠪᠤᠨ ᠮᠦᠰᠦ ᠶᠢᠨ ᠰᠤᠷᠭᠠᠯ ᠢᠶᠠᠷ | ᠲᠠᠷᠠᠬᠠᠢ ᠪᠤᠳᠠᠷᠬᠠᠢ ᠶᠢ ᠨᠢᠭᠡᠳᠭᠡᠭᠰᠡᠨ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠷ | ᠲᠠᠩᠰᠤᠭ ᠠᠮᠢᠳᠤᠷᠠᠯ ᠢᠶᠠᠨ ᠲᠤᠯᠭᠤᠷᠢᠯᠠᠭᠰᠠᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠬᠦᠬᠡ ᠲᠤᠷᠭᠠᠨ ᠲᠡᠷᠯᠢᠭ ᠢᠶᠠᠷ | ᠬᠦᠬᠡᠬᠡ ᠡᠪᠦᠯ ᠢ ᠨᠦᠭᠴᠢᠭᠡᠭᠰᠡᠨ | ᠬᠦᠬᠡ ᠰᠤᠳᠤᠷ ᠤᠨ ᠴᠤᠣᠷᠢᠶᠠ ᠪᠠᠷ | ᠬᠦᠳᠡᠭᠡ ᠨᠤᠳᠤᠭ ᠢᠶᠠᠨ ᠬᠦᠩᠭᠢᠨᠡᠭᠦᠯᠦᠭᠰᠡᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠬᠤᠩᠭᠤᠷ ᠭᠠᠯᠠᠭᠤᠨ ᠤ ᠭᠠᠩᠭᠠᠨᠠᠭᠠ ᠪᠠᠷ | ᠬᠤᠯᠤᠰᠤ ᠵᠡᠭᠡᠰᠦ ᠪᠦᠵᠢᠭᠰᠡᠨ | ᠬᠤᠨᠢ ᠮᠠᠯ ᠤᠨ ᠪᠡᠯᠴᠢᠭᠡᠨ ᠢᠶᠠᠷ | ᠬᠤᠳᠤᠭᠤᠷ ᠪᠦᠷᠢᠳᠦ ᠠᠯᠠᠭᠯᠠᠭᠰᠠᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠᠳᠠᠢ ᠨᠤᠳᠤᠭ᠃ | ᠢᠨᠠᠭ ᠤᠨ ᠬᠠᠯᠠᠭᠤᠨ ᠪᠤᠯᠵᠤᠭᠠ ᠪᠠᠷ | ᠢᠯᠭᠤᠮ ᠢᠷᠦᠭᠡᠯ ᠲᠠᠢ ᠪᠠᠷ ᠠᠭᠤᠯᠵᠠᠭᠰᠠᠨ | ᠢᠷᠡᠬᠦ ᠵᠠᠭᠤᠨ ᠤ ᠪᠤᠱᠤᠭᠠ ᠪᠠᠷ | ᠢᠷᠠᠯᠵᠠᠳᠠᠯᠠ ᠰᠠᠶᠢᠬᠠᠨ ᠪᠠᠶᠠᠵᠢᠭᠰᠠᠨ | ᠬᠠᠨᠢᠯᠠᠬᠤ ᠶᠢᠨ ᠰᠠᠶᠢᠬᠠᠨ ᠤᠷᠤᠨ | ᠬᠠᠶᠢᠷᠠ ᠶᠢᠨ ᠤᠶᠠᠭᠠ ᠲᠠᠢ ᠨᠤᠳᠤᠭ᠃ | 2019 12 24 | |