| | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢ ᠰᠤᠪᠬᠠᠢ ᠶᠢᠨ ᠲᠤᠬᠠᠢ ᠦᠭᠦᠯᠡᠬᠦ ᠨᠢ | ᠠᠭᠤᠯᠭᠠ ᠶᠢᠨ ᠲᠤᠪᠴᠢ | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢ ᠰᠤᠪᠬᠠᠢ ᠨᠢ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ | ᠵᠠᠳᠠᠷᠠᠯ ᠤᠨ ᠦᠶᠡ ᠳᠤ ᠠᠮᠢᠳᠦᠷᠠᠵᠦ ᠂ ᠴᠦᠬᠡᠨ ᠪᠤᠯᠪᠠᠴᠦ ᠬᠤᠷᠴᠠ ᠬᠦᠴᠦᠨ ᠢᠶᠠᠷ ᠮᠢᠩ ᠤᠨ | ᠲᠦᠷᠢᠮᠬᠡᠢ ᠬᠦᠴᠦᠨ ᠢ ᠵᠤᠷᠢᠭᠳᠠᠢ ᠰᠦᠨᠦᠭᠡᠵᠦ ᠂ ᠬᠤᠵᠢᠮ ᠨᠢ ᠬᠡᠳᠦᠶᠢᠪᠡᠷ ᠢᠯᠠᠭᠳᠠᠭᠰᠨᠨ ᠪᠤᠯᠪᠠᠴᠦ | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠨᠤᠳᠠᠳᠠᠢ ᠲᠠᠯᠪᠢᠵᠦ ᠦᠭᠴᠠᠢ ᠃ ᠲᠡᠷᠡᠪᠡᠷ ᠪᠤᠷᠵᠢᠬᠢᠨ ᠤᠪᠤᠭᠳᠠᠨ ᠂ | ᠬᠢᠶᠠᠳ ᠶᠠᠰᠤᠳᠠᠨ ᠂ ᠪᠠᠭᠠᠷᠢᠨ ᠤᠳᠤᠭ ᠤᠨ ᠠᠬᠠᠯᠭᠴᠢ ᠮᠦᠨ ᠂ ᠬᠤᠵᠢᠮ ᠤ ᠪᠠᠭᠠᠷᠢᠨ ᠤ ᠨᠠᠮᠳᠠᠭ ᠸᠠᠩ | ᠲᠡᠭᠦᠨ ᠤ ᠠᠯᠳᠠᠷ ᠭᠠᠪᠢᠶᠡ ᠶᠢ ᠲᠤᠷᠠᠰᠠᠬᠠᠨ ︿ ︿ ᠰᠤᠪᠬᠠᠢ ᠶᠢᠨ ᠰᠦᠮᠡ ﹀﹀ ᠪᠤᠰᠬᠠᠵᠠᠢ᠃ | ᠵᠠᠩᠭᠢᠯᠭᠠ ᠶᠢᠨ ᠦᠭᠡᠰ | ᠰᠤᠪᠬᠠᠢ ᠠᠶᠢᠮᠠᠭ ᠤᠪᠤᠭ ᠪᠠᠭᠠᠷᠢᠨ ᠬᠤᠰᠢᠭᠤ ᠰᠤᠪᠤᠳᠢ ᠶᠢᠨ ᠰᠦᠮᠡ | | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢ ᠂ ᠨᠢᠭᠡ ᠦᠶᠡ ᠶᠢᠨ ᠠᠤᠭᠠ ᠵᠤᠷᠢᠭᠳᠠᠨ ᠂ | ᠴᠢᠷᠡᠭ ᠲᠠᠶᠢᠨᠴᠢ ᠂ ᠦᠪᠦᠷ ᠬᠠᠯᠬᠠ ᠠᠶᠢᠮᠠᠭ ᠤᠨ ᠪᠠᠭᠠᠷᠢᠨ ᠤᠳᠤᠭ ᠤᠨ ᠠᠬᠠᠯᠠᠭᠴᠢ ᠂ ᠮᠤᠩᠭᠤᠯ | ᠤᠨ ᠬᠢᠶᠠᠳ ᠠᠶᠢᠮᠠᠭ ᠤᠨ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠰᠤᠪᠬᠠᠢ ᠠᠨᠤ ᠪᠤᠳᠠᠷᠠᠨ ᠵᠠᠳᠠᠷᠠᠭᠰᠠᠨ ᠤᠮᠠᠷᠠᠳᠦ | ᠶᠤᠸᠠᠨ ᠵᠢᠴᠢ ᠮᠤᠩᠭᠤᠯ ᠲᠤᠭᠤᠷᠭᠠᠳᠠᠨ ᠤ ᠨᠠᠶᠢᠳᠠ ᠶᠢᠨ ᠠᠰᠢᠭ ᠲᠤᠰᠠ ᠶᠢᠨ ᠡᠮᠤᠨᠡ | ᠰᠠᠭᠠᠴᠢᠯᠭᠠᠳᠠᠢ ᠪᠤᠶᠤ ᠰᠠᠭᠠᠴᠢᠯᠭᠠᠭᠦᠢ ᠪᠠᠷ ᠵᠤᠭᠰᠤᠵᠤ᠂ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠤ ᠪᠠᠶᠢᠷᠢ ᠰᠠᠭᠤᠷᠢ | ᠶᠢ ᠨᠦᠬᠦᠷᠰᠡᠭ ᠢᠶᠠᠷ ᠮᠡᠳᠡᠷᠡᠨ ᠂ ᠴᠠᠬᠠᠷ ᠤᠨ ᠤᠯᠠᠨ ᠠᠶᠢᠮᠠᠭ ᠲᠠᠢ ᠨᠠᠶᠢᠷᠠᠮᠳᠠᠭᠤ ᠪᠠᠷ ᠬᠠᠷᠢᠯᠴᠠᠵᠦ ᠂ | ᠮᠢᠩ ᠤᠨ ᠲᠦᠷᠢᠮᠬᠡᠢ ᠬᠦᠴᠦᠨ ᠲᠠᠢ ᠪᠠᠭᠠᠳᠤᠷᠯᠠᠨ ᠲᠡᠮᠡᠴᠡᠵᠦ ᠂ ᠡᠴᠦᠰ ᠲᠡᠭᠡᠨ ᠬᠦᠴᠦᠨ | ᠲᠤᠶᠢᠯᠳᠠᠨ ᠠᠮᠢ ᠪᠠᠨ ᠡᠷᠰᠳᠡᠭᠰᠡᠨ ᠴᠦ ᠮᠤᠩᠭᠤᠯ ᠲᠤᠭᠤᠷᠭᠠᠳᠠᠨ ᠤ ᠲᠡᠦᠬᠡᠨ ᠳᠤ ︿︿ᠪᠠᠭᠠᠷᠢᠨ ﹀﹀ | ᠬᠡᠮᠡᠬᠦ ᠴᠢᠬᠤᠯᠠ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠬᠤᠰᠢᠭᠤ ᠶᠢ ᠦᠯᠡᠳᠡᠭᠡᠨ ᠦᠭᠴᠠᠢ ᠃ | ᠨᠢᠭᠡ ᠄ ᠰᠤᠪᠬᠠᠢ ᠶᠢᠨ ᠲᠤᠪᠴᠢ ᠨᠠᠮᠳᠠᠷ | ᠰᠤᠪᠬᠠᠢ ᠠᠨᠦ ᠪᠤᠷᠵᠢᠬᠢᠨ ᠤᠪᠤᠭᠳᠠᠨ ᠃ ᠪᠤᠳᠠᠨᠴᠢᠷ ᠤᠨ ᠠᠪᠠᠯᠢ ᠡᠮᠡ ᠠᠴᠠ ᠲᠦᠷᠦᠭᠰᠡᠨ ᠪᠠᠷᠢᠮ | ᠰᠢᠬᠢᠷᠳᠦ ᠬᠠᠪᠢᠴᠢ ᠪᠠᠭᠠᠳᠤᠷ ᠤᠨ ᠬᠤᠶᠢᠴᠢ ᠂ ᠪᠤᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ | ᠦᠶᠡ ᠶᠢᠨ ᠬᠤᠶᠢᠴᠢ ᠪᠠᠳᠤᠮᠦᠩᠭᠡ ᠲᠢᠶᠠᠨ ᠬᠠᠭᠠᠨ ᠤ ᠤᠴᠢ ᠃ ᠬᠤᠯᠬᠠᠴᠢ ᠶᠢᠨ ᠲᠡᠳ᠋ ᠬᠦᠪᠡᠭᠦᠨ | ᠃ ᠮᠢᠩ ᠤᠯᠤᠰ ᠤᠨ ᠵᠢᠶᠠ ᠵᠢᠩ ᠤᠨ ᠤᠯᠠᠭᠠᠨ ᠮᠤᠷᠢ ᠤᠨ ︵1546︶ ᠳᠤ ᠯᠢᠶᠤᠤᠶᠠᠩ ᠤᠨ | ᠤᠮᠠᠷᠳᠦ ᠡᠯᠡᠰᠦᠨ ᠴᠦᠯ ᠳᠤ ᠴᠢᠷᠡᠭ ᠪᠠᠶᠢᠷᠰᠢᠵᠠᠢ ᠃ ᠵᠢᠶᠠ ᠵᠢᠩ ᠤᠨ ᠤᠨ ᠤ ︵1522 | —1582︶ ᠰᠡᠭᠦᠯᠴᠢ ᠪᠠᠷ ᠲᠠᠢ ᠨᠢᠩ ᠸᠧᠢ ᠂ ᠹᠦ᠋ ᠢᠦᠢ ᠸᠧᠢ ᠵᠡᠷᠭᠡ ᠭᠠᠵᠠᠷ ᠢᠶᠠᠷ | ᠰᠠᠭᠤᠷᠢᠰᠢᠵᠦ ᠂ ᠭᠤᠸᠠᠩ ᠨᠢᠩ ᠤᠨ ᠵᠡᠭᠦᠨ ᠬᠤᠶᠢᠳᠦ ᠯᠢᠶᠤᠤ ᠾᠧ ᠭᠤᠤᠯ ᠤᠨ ᠲᠤᠬᠤᠢ ᠭᠠᠵᠠᠷ | ᠢᠶᠠᠷ ᠮᠠᠯᠵᠢᠵᠤ ᠂ ᠮᠢᠩ ᠤᠯᠤᠰ ᠢ ᠤᠯᠠᠨᠳᠠ ᠰᠦᠷᠳᠡᠭᠦᠯᠦᠨ ᠴᠤᠬᠢᠵᠦ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠮᠢᠩ | ᠤᠯᠤᠰ ᠤᠨ ᠬᠦᠮᠦᠰ ᠲᠤ ᠲᠠᠢ ᠨᠢᠩ ᠸᠧᠢ ᠶᠢᠨ ᠠᠬᠠᠯᠠᠭᠴᠢ ᠬᠡᠮᠡᠭᠳᠡᠨ ᠰᠦᠷ ᠬᠦᠴᠦᠨ ᠪᠠᠳᠠᠷᠠᠵᠦ ᠂ | ᠦᠪᠦᠷ ᠬᠠᠯᠬᠠ ᠶᠢᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠵᠦ ᠂ ᠴᠠᠬᠠᠷ ᠲᠦᠮᠡᠨ ᠤ ᠬᠠᠭᠠᠨ ᠳᠤ ᠮᠤᠩᠭᠤᠯ ᠤᠨ ᠵᠠᠰᠠᠭ | ᠪᠠᠷᠢᠭᠴᠢ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠶᠢᠨ ᠭᠡᠰᠢᠭᠦᠨ ᠢᠶᠠᠷ ᠰᠤᠩᠭᠤᠭᠳᠠᠨ ᠂ ᠨᠢᠭᠡ ᠦᠶᠡ ᠯᠢᠶᠤᠤ ᠳ᠋ᠦᠩ | ᠤᠷᠤᠨ ᠢ ᠲᠤᠩᠰᠤᠯᠭᠠᠵᠠᠢ ᠃ ᠲᠦᠷᠪᠡᠨ ᠬᠦᠪᠡᠭᠦᠨ ᠲᠠᠢ ᠄ ᠤᠤᠭᠠᠨ ᠬᠦᠪᠡᠭᠦᠨ ᠪᠤᠶᠠᠨᠳᠦ ᠪᠠᠰᠠ | ᠪᠠᠶᠠᠨᠬᠦᠦ ᠭᠡᠳᠡᠭ ᠂ ᠲᠡᠳ᠋ ᠬᠦᠪᠡᠭᠦᠨ ᠪᠤᠶᠠᠨᠪᠠᠭᠠᠳᠤᠷ ᠂ ᠭᠤᠳᠠᠭᠠᠷ ᠬᠦᠪᠡᠭᠦᠨ ᠪᠦᠬᠡ ᠂ ᠤᠳᠬᠤᠨ | ᠬᠦᠪᠡᠭᠦᠨ᠂ ᠵᠤᠷᠢᠭᠳᠦ ᠪᠤᠯᠤᠨᠠ ᠃ | ᠬᠤᠶᠠᠷ ᠄ ᠴᠢᠷᠡᠭ ᠲᠠᠶᠢᠨ ᠤ ᠠᠵᠢᠯᠠᠯᠭᠠ | ︿︿ᠸᠠᠨ ᠯᠢ ᠶᠢᠨ ᠴᠢᠷᠡᠭ ᠤᠨ ᠵᠢᠳᠬᠦᠯᠳᠡᠨ ᠤ ᠲᠡᠮᠳᠡᠭᠡᠯᠡᠯ ﹀﹀ ᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠪᠤᠳᠢ ︿ | ︿ᠰᠤᠪᠬᠠᠢ ᠶᠢᠨ ᠱᠠᠰᠳᠢᠷ ﹀﹀ ᠲᠤ ᠲᠡᠭᠦᠨ ᠤ ᠨᠢᠭᠡ ᠨᠠᠰᠤᠨ ᠤ ᠪᠠᠶᠢᠯᠳᠤᠨ ᠲᠡᠶᠢᠯᠠᠭᠰᠠᠨ ᠲᠡᠦᠬᠡ | ᠶᠢ ᠨᠠᠷᠢᠨ ᠨᠢᠭᠳᠠ ᠲᠡᠮᠳᠡᠭᠡᠯᠡᠵᠠᠢ ᠃ ᠠᠳᠡ ᠰᠤᠩᠭᠤᠨ ᠲᠡᠮᠳᠡᠭᠡᠯᠡᠬᠦ ᠨᠢ ᠄ ︿︿ᠰᠤᠪᠬᠠᠢ ᠰᠠᠭᠤᠷᠢᠨ | ᠢ ᠵᠠᠯᠭᠠᠮᠵᠢᠯᠭᠰᠠᠨ ᠤ ᠲᠠᠷᠠᠭᠠ ᠰᠦᠷ ᠬᠦᠴᠦᠨ ᠨᠢ ᠤᠯᠠᠮ ᠪᠠᠳᠠᠷᠠᠵᠦ ᠂ ᠮᠤᠩᠭᠤᠯ ᠮᠤᠷᠢᠳᠠᠨ ᠢ | ᠲᠠᠶᠢᠴᠢᠯᠠᠨ ᠬᠠᠢ ᠴᠧᠩ᠂ ᠭᠠᠢ ᠰᠢᠶᠠ ᠂ ᠺᠠᠢ ᠶᠤᠸᠠᠨ ᠂ ᠮᠦᠭᠳᠡᠨ ᠂ ᠯᠢᠶᠤᠤᠶᠠᠩ ᠵᠡᠷᠭᠡ ᠤᠷᠤᠨ | ᠳᠤ ᠬᠦᠮᠦᠨ ᠦᠭᠡᠢ ᠭᠠᠵᠠᠷ ᠶᠠᠪᠤᠬᠤ ᠮᠡᠳᠦ ᠲᠠᠭᠠᠷᠢᠨ ᠲᠤᠪᠳᠤᠯᠠᠵᠠᠢ᠃ | ᠵᠢᠶᠠ ᠵᠢᠩ ᠤᠨ ᠲᠦᠴᠢᠨ ᠲᠦᠷᠪᠡᠨ ᠤᠨ ᠤ ︵1565︶ ᠶᠢᠰᠦᠨ ᠰᠠᠷᠠ ᠳᠤ ᠨᠠᠢᠮᠠᠨ ᠮᠢᠩᠭᠠᠨ | ᠮᠤᠷᠢᠳᠠᠨ ᠢ ᠲᠠᠭᠠᠭᠤᠯᠤᠨ ᠵᠧᠨ ᠠᠨ ᠠᠴᠠ ᠭᠠᠷᠴᠦ ᠂ ᠭᠤᠸᠠᠩ ᠨᠢᠩ ᠬᠤᠳᠠᠨ ᠳᠤ ᠲᠦᠷᠢᠮᠬᠡᠶᠢᠯᠡᠨ | ᠤᠷᠦᠵᠦ ᠂ ᠵᠡᠭᠦᠨᠰᠢ ᠴᠢᠩ ᠶᠦᠨ ᠲᠠᠢ ᠶᠢ ᠲᠠᠭᠠᠷᠢᠵᠦ ᠬᠦᠮᠦᠨ ᠠᠳᠦᠭᠤᠰᠦᠨ ᠤᠯᠵᠠᠯᠠᠵᠦ ᠡᠭᠡᠪᠡ ᠃ | ᠠᠷᠪᠠᠨ ᠰᠠᠷᠠ ᠳᠤ ᠢ ᠵᠧᠦ ᠠᠴᠠ ᠸᠠᠩ ᠬᠠᠨ ᠲᠦᠨ ᠳᠤ ᠤᠷᠤᠵᠦ ᠂ ᠮᠢᠩ ᠤᠯᠤᠰ ᠤᠨ ᠡᠤ | ᠯᠤᠸᠠᠨ ᠵᠡᠷᠭᠡ ᠠᠯᠪᠠᠨ ᠴᠢᠷᠡᠭ ᠲᠠᠯᠠᠭᠠᠳ ᠬᠦᠮᠦᠨ ᠢ ᠰᠦᠨᠦᠭᠡᠵᠦ ᠂ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠶᠢ | ᠰᠢᠷᠠᠭᠳᠤᠭᠤᠯᠵᠠᠢ ᠃ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠶᠢᠰᠦᠨ ᠮᠢᠩᠭᠠᠨ ᠮᠤᠷᠢᠳᠠᠨ ᠢ ᠲᠠᠭᠠᠭᠤᠯᠵᠦ | ᠫᠢᠡᠭ ᠯᠤ᠋ ᠪᠤᠦ ᠠᠴᠠ ᠮᠦᠭᠳᠡᠨ ᠳᠤ ᠤᠷᠤᠵᠤ ᠂ ᠤᠳᠠᠯ ᠦᠭᠡᠢ ᠲᠦᠮᠡ ᠢᠯᠡᠭᠦᠤ ᠮᠤᠷᠢᠳᠠᠨ ᠢ | ᠲᠠᠭᠠᠭᠤᠯᠤᠨ ᠮᠦᠭᠳᠡᠨ ᠠᠴᠠ ᠴᠠᠩ ᠱᠧᠡᠭ ᠪᠤᠦ ᠳᠤ ᠤᠷᠤᠵᠠᠢ ᠃ | ᠲᠦᠴᠢᠨ ᠲᠠᠪᠤᠨ ︵1566︶ ᠤᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠴᠠᠩ ᠱᠧᠩ ᠪᠤᠦ ᠳᠤ ᠲᠠᠬᠢᠨᠳᠠ | ᠤᠷᠤᠵᠦ ᠂ ᠲᠦᠷᠪᠡᠨ ᠰᠠᠷᠠ ᠳᠤ ᠵᠧᠨ ᠡᠦ ᠪᠤᠤ ᠤᠷᠴᠢᠮ ᠨᠠᠢᠮᠠᠨ ᠮᠢᠩᠭᠠᠨ ᠮᠤᠷᠢᠳᠦ ᠴᠢᠷᠡᠭ | ᠪᠦᠭᠭᠦᠭᠦᠯᠵᠦ ᠂ ᠨᠢᠭᠡ ᠰᠠᠯᠠᠭᠠ ᠴᠢᠷᠡᠭ ᠢᠶᠠᠷ ᠵᠧᠨ ᠡᠦ ᠪᠣᠦ ᠨᠢᠭᠤᠴᠠ ᠪᠠᠷ ᠴᠤᠬᠢᠵᠦ ᠂ ᠨᠢᠭᠡ | ᠵᠠᠮ ᠤᠨ ᠴᠢᠷᠡᠭ ᠢᠶᠠᠷ ᠰᠢᠩ ᠪᠠᠢ ᠬᠡᠦ ᠵᠡᠷᠭᠡ ᠠᠷᠪᠠᠨ ᠨᠢᠭᠡᠨ ᠰᠠᠭᠤᠷᠢ ᠮᠠᠨᠳᠠᠯ ᠢ ᠲᠠᠭᠠᠷᠢᠵᠦ᠂ | ᠮᠢᠩ ᠤᠨ ᠴᠢᠷᠡᠭ ᠢ ᠲᠦᠴᠢᠭᠡᠳ ᠰᠦᠨᠦᠭᠡᠵᠠᠢ ᠃ ᠲᠠᠷᠠᠭᠠᠪᠡᠷ ᠵᠧᠨ ᠡᠦ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ | ᠠᠴᠠ ᠭᠤᠸᠠᠩ ᠨᠢᠩ ᠤᠨ ᠵᠡᠭᠦᠨ ᠡᠮᠦᠨᠡ ᠤᠷᠤᠵᠤ ᠲᠦᠮᠡᠨ ᠮᠤᠷᠢᠳᠠᠨ ᠢᠶᠠᠷ ᠴᠢᠶᠠᠩ ᠯᠢᠩ ᠳᠤ | ᠤᠷᠤᠵᠤ ᠂ ᠲᠠᠶᠢᠰᠦᠨ ᠢ ᠦᠳᠦᠭᠡᠨ ᠮᠢᠩ ᠤᠨ ᠪᠧᠢ ᠢᠦᠢ ᠲᠦᠰᠢᠮᠡᠯ ᠭᠧᠦ ᠯᠢᠨ ᠢᠶᠠᠷ | ᠬᠡᠳᠦᠷᠬᠡᠶᠢᠮᠡᠯᠡᠨ ᠨᠡᠬᠡᠭᠦᠯᠵᠦ ᠂ ᠭᠧᠦ ᠯᠢᠨ ᠵᠡᠷᠭᠡ ᠮᠢᠩ ᠤᠨ ᠴᠢᠷᠡᠭ ᠢ ᠭᠤᠷᠪᠠᠨ ᠵᠠᠭᠤᠭᠠᠳ | ᠠᠯᠠᠵᠦ ᠂ ᠲᠦᠷᠪᠠ ᠲᠠᠪᠤᠨ ᠵᠠᠭᠤ ᠭᠠᠷᠤᠢ ᠬᠦᠯᠦᠭ ᠮᠤᠷᠢᠨ ᠢ ᠤᠯᠵᠠᠯᠠᠵᠠᠢ᠃ | ᠲᠦᠴᠢᠨ ᠵᠢᠷᠭᠤᠭᠠᠨ ᠤᠨ ︵1567︶ ᠤᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠬᠤᠶᠠᠷ ᠮᠢᠩᠭᠠᠨ ᠮᠤᠷᠢᠳᠠᠨ | ᠢᠶᠠᠷ ᠴᠠᠩ ᠵᠢᠩ ᠪᠤᠦ ᠠᠴᠠ ᠠᠨ ᠱᠠᠨ ᠳᠤ ᠤᠷᠤᠵᠦ ᠂ ᠭᠤᠷᠪᠠᠨ ᠰᠠᠷᠠ ᠳᠤ ᠮᠢᠩᠭᠠᠳ | ᠮᠦᠷᠢᠳᠠᠨ ᠢᠶᠠᠷ ᠴᠠᠩ ᠳ᠋ᠢᠩ ᠪᠤᠦ ᠠᠴᠠ ᠶᠢᠩ ᠲᠠᠢ ᠶᠢ ᠲᠠᠭᠠᠷᠢᠵᠦ ᠂ ᠮᠢᠩ ᠤᠯᠤᠰ ᠤᠨ ᠪᠧᠢ | ᠢᠦᠢ ᠲᠦᠰᠢᠮᠡᠯ ᠸᠠᠩ ᠴᠧᠩ ᠳ᠋ᠧ ᠶᠢ ᠲᠠᠶᠢᠳᠦᠨ ᠦᠬᠦᠭᠦᠯᠪᠡ᠃ ᠲᠤᠰ ᠤᠨ ᠤ ᠴᠠᠭᠠᠨ ᠰᠠᠷᠠ | ᠳᠤ ᠴᠠᠩ ᠶᠠ ᠳᠦᠨ ᠲᠤᠷ ᠤᠷᠤᠵᠤ ᠂ ᠲᠠᠶᠢᠰᠦᠨ ᠳᠤ ᠨᠡᠬᠡᠭᠳᠡᠨ ᠨᠢᠭᠡ ᠬᠦᠮᠦᠨ ᠬᠤᠶᠠᠷ ᠮᠤᠷᠢ | ᠰᠦᠢᠳᠴᠠᠢ ᠃ ᠤᠳᠠᠯ ᠦᠭᠡᠢ ᠰᠦᠩ ᠱᠤ᠋ ᠺᠧᠦ ᠠᠴᠠ ᠰᠢᠶᠤᠤ ᠭᠧᠦ ᠱᠠᠨ ᠳᠤ ᠮᠢᠩ ᠤᠨ | ᠬᠠᠵᠠᠭᠤ ᠶᠢᠨ ᠵᠠᠩᠵᠣᠨ ᠸᠠᠩ ᠱᠢ ᠯᠤ᠋ ᠨᠠᠷ ᠤᠨ ᠬᠠᠳᠠᠭᠤ ᠡᠰᠡᠷᠭᠦᠴᠡᠯ ᠳᠤ ᠲᠤᠯᠭᠠᠷᠠᠨ ᠬᠤᠶᠠᠷ | ᠬᠦᠮᠦᠨ ᠢᠶᠠᠨ ᠦᠷᠡᠭᠳᠡᠭᠦᠯᠵᠠᠢ ᠃ ᠲᠠᠪᠤᠨ ᠰᠠᠷᠠ ᠳᠤ ᠠᠨ ᠱᠠᠨ ᠠᠴᠠ ᠾᠦᠨ ᠾᠧ ᠳᠤ ᠤᠷᠤᠵᠦ | ᠲᠦᠷᠪᠡᠨ ᠬᠦᠮᠦᠨ ᠢᠶᠠᠨ ᠠᠯᠠᠭᠤᠯᠠᠵᠠᠢ᠃ ᠭᠡᠬᠦ ᠳᠤ ᠲᠠᠶᠢᠰᠦᠨ ᠤ ᠴᠢᠶᠠᠨ ᠪᠠ ᠽᠦᠩ ᠲᠦᠰᠢᠮᠡᠯ ᠸᠠᠩ | ᠰᠢ ᠵᠦᠩ ᠂ ᠰᠦᠨ ᠶᠠᠨ ᠴᠢᠩ ᠵᠡᠷᠭᠡ ᠲᠦᠴᠢᠨ ᠲᠦᠷᠪᠡᠨ ᠬᠦᠮᠦᠨ ᠦᠬᠦᠵᠦ᠂ ᠶᠢᠷᠡᠨ ᠬᠤᠶᠠᠷ | ᠬᠦᠮᠦᠨ ᠰᠢᠷᠠᠭᠳᠤᠨ᠂ ᠨᠠᠶᠠᠨ ᠬᠤᠶᠠᠷ ᠮᠤᠷᠢ ᠰᠦᠢᠳᠴᠠᠢ ᠃ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠵᠧᠨ ᠵᠢᠩ ᠪᠤᠦ | ᠳᠤ ᠤᠷᠤᠭᠠᠳ ᠴᠧᠨ ᠶᠠᠨ ᠬᠢᠭᠡᠳ ᠮᠢᠩᠭᠠᠨ ᠡᠷᠦᠬᠡ ᠶᠢᠨ ᠲᠠᠷᠤᠭᠠ ᠵᠣᠣ ᠱᠧᠨ ᠂ ᠵᠧᠦ ᡁᠢ | ᠸᠠᠩ ᠨᠠᠷ ᠵᠡᠭᠦᠨ ᠴᠠᠩ ᠯᠢᠩ ᠬᠦᠷᠳᠡᠯᠡ ᠨᠡᠬᠡᠭᠰᠡᠨ ᠳᠤ ᠭᠤᠴᠢᠨ ᠭᠤᠷᠪᠠᠨ ᠮᠢᠩ ᠤᠨ ᠴᠢᠷᠡᠭ ᠂ | ᠲᠠᠯᠠᠨ ᠵᠢᠷᠭᠤᠭᠠᠨ ᠮᠤᠷᠢ ᠶᠢ ᠨᠢ ᠠᠯᠠᠵᠠᠢ ᠃ | 1570 ᠣᠨ ᠳᠤ ᠰᠤᠪᠬᠠᠢ ᠂ ᠤᠶᠢᠵᠠᠩ ᠂ ᠲᠠᠶᠢᠴᠢᠨ ᠨᠠᠷ ᠶᠠᠩ ᠴᠠᠩ ᠾᠧ ᠭᠤᠤᠯ ᠳᠤ ᠴᠢᠷᠭ | ᠨᠡᠶᠢᠯᠡᠭᠦᠯᠡᠨ ᠲᠦᠮᠡᠨ ᠵᠠᠰᠠᠭᠳᠦ ᠢ ᠲᠠᠭᠠᠷᠢᠬᠤ ᠭᠡᠵᠦ ᠠᠯᠳᠠᠷᠰᠢᠭᠤᠯᠠᠨ ᠾᠧ ᠳ᠋ᠦᠩ ᠂ ᠯᠢᠶᠤᠤ ᠶᠠᠩ | ᠶᠢ ᠴᠤᠬᠢᠬᠤ ᠪᠠᠷ ᠲᠦᠯᠦᠪᠡᠯᠠᠵᠠᠢ᠃ ᠡᠭᠦᠨ ᠢ ᠮᠢᠩ ᠤᠨ ᠲᠠᠯᠠ ᠶᠢᠨ ᠬᠢᠨᠢ ᠰᠡᠷᠡᠨ ᠮᠡᠳᠡᠵᠦ ᠲᠡᠳ᠋ | ᠽᠦᠩ ᠷᠦᠩ ᠲᠦᠰᠢᠮᠡᠯ ᠵᠤᠤ ᠸᠠᠨ ᠨᠠᠷ ᠯᠢᠶᠤᠤ ᠶᠠᠩ ᠶᠢ ᠂ ᠽᠠᠨ ᠵᠢᠶᠦ᠋ᠨ ᠲᠦᠰᠢᠮᠡᠯ ᠭᠦᠸᠧ | ᠴᠧᠩ ᠡᠧᠨ ᠵᠡᠷᠭᠡ ᠪᠠᠷ ᠾᠧᠦ ᠫᠢ ᠽᠧ ᠶᠢ ᠂ ᠪᠧᠢ ᠢᠦᠢ ᠲᠦᠰᠢᠮᠡᠯ ᠵᠡᠷᠭᠡ ᠠᠨᠳᠠᠢ ᠪᠠᠷ | ᠹᠧᠩ ᠵᠢᠢ ᠪᠤᠦ ᠶᠢ ᠂ ᠫᠧᠢ ᠴᠧᠩ ᠽᠦ ᠨᠠᠷ ᠢᠶᠠᠷ ᠪᠤᠦ ᠵᠢᠶᠠ ᠲᠦᠨ ᠂ ᠾᠧ ᠸᠠᠨ ᠢᠶᠠᠷ ᠫᠢᠩ | ᠯᠦ ᠪᠤᠦ ᠶᠢ ᠲᠤᠰ ᠲᠤᠰ ᠰᠠᠬᠢᠭᠤᠯᠤᠨ ᠲᠡᠮᠦᠷ ᠬᠦᠷᠢᠶᠡ ᠮᠡᠳᠦ ᠪᠤᠯᠵᠠᠢ᠃ ᠲᠠᠷᠡ ᠲᠤᠬᠠᠢ | ᠰᠤᠪᠬᠠᠢ ᠶᠢᠨ ᠮᠠᠢ ᠵᠢᠦ ᠸᠠᠩ ᠲᠠᠪᠠᠭᠠ ᠪᠠᠷ ᠪᠠᠭᠤᠵᠦ ᠢᠷᠡᠬᠦ ᠳᠡᠭᠡᠨ ᠮᠢᠩ ᠤᠨ ᠴᠢᠷᠡᠭ ᠲᠤ | ᠬᠤᠮᠤᠷᠭᠠᠯᠠᠭᠳᠠᠨ ᠴᠤᠬᠢᠭᠳᠠᠵᠦ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠪᠠᠷᠰᠳᠠᠢ ᠵᠡᠷᠭᠡ ᠬᠦᠮᠦᠨ ᠠᠯᠭᠳᠠᠵᠤ ᠂ | ᠲᠠᠪᠤᠨ ᠵᠠᠭᠤᠨ ᠨᠠᠶᠠᠨ ᠬᠦᠮᠦᠨ ᠬᠤᠬᠢᠷᠠᠵᠠᠢ ᠃ | 1571 ᠤᠨ ᠳᠤ ᠰᠤᠪᠬᠠᠢ ᠂ ᠲᠠᠶᠢᠴᠢᠩ ᠨᠠᠷ ᠭᠤᠤᠯ ᠤᠨ ᠬᠦᠪᠡᠭᠡ ᠪᠠᠷ ᠪᠠᠷᠳᠠᠭᠠ ᠪᠤᠯᠭᠠᠨ ᠴᠢᠷᠡᠭ | ᠪᠠᠭᠤᠵᠠᠢ ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠲᠤᠩᠰᠤᠯᠭᠠᠭᠴᠢ ᠂ ᠱᠢᠩᠭᠡᠨᠲᠠᠭᠤᠳᠦ | ᠨᠠᠷ ᠽᠠᠨ ᠶᠠᠩ ᠭᠧᠦ ᠂ ᠴᠢᠩ ᠾᠧ ᠤᠷᠴᠢᠮ ᠢᠶᠠᠷ ᠴᠢᠷᠡᠭ ᠬᠤᠷᠠᠭᠤᠯᠠᠨ ᠮᠢᠩ ᠤᠨ ᠬᠢᠯᠢ ᠶᠢ | ᠲᠤᠪᠳᠤᠯᠠᠬᠤ ᠪᠠᠷ ᠪᠡᠯᠡᠳᠬᠡᠵᠠᠢ ᠃ ᠲᠡᠷᠡ ᠲᠤᠬᠠᠢ ᠰᠤᠪᠬᠠᠢ ᠵᠠᠭᠤᠭᠠᠳ ᠮᠤᠷᠢᠳᠠᠨ ᠢ ᠲᠠᠭᠠᠭᠤᠯᠵᠤ ᠴᠠᠩ | ᠱᠧᠩ ᠪᠤᠦ ᠵᠠᠷᠭᠡ ᠭᠠᠵᠡᠷ ᠲᠤ ᠤᠷᠤᠵᠤ ᠮᠢᠩ ᠤᠨ ᠶᠡᠭᠡ ᠵᠠᠩᠵᠤᠨ ᠴᠦ ᠯᠢᠶᠠᠨ ᠬᠤᠸᠠ ᠭᠦᠸᠧ | ᠳᠤ ᠢᠯᠠᠭᠳᠠᠵᠦ ᠲᠦᠴᠢᠭᠡᠳ ᠬᠦᠮᠦᠨ ᠬᠤᠷᠤᠭᠳᠠᠵᠠᠢ ᠃ ᠭᠡᠬᠦ ᠳᠤ ᠮᠢᠩ ᠤᠨ ᠴᠢᠷᠡᠭ ᠢ ᠪᠠᠰᠠ | ᠠᠷᠪᠠᠨ ᠨᠠᠶᠢᠮᠠᠨ ᠬᠦᠮᠦᠨ ᠢ ᠰᠢᠷᠠᠭᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠨᠠᠢᠮᠠ ᠶᠢᠰᠦᠨ ᠡᠳᠦᠷ ᠤᠨ ᠲᠠᠷᠠᠭᠠ | ᠰᠤᠪᠬᠠᠢ ᠶᠢᠨ ᠲᠠᠪᠤ ᠵᠢᠷᠭᠤᠭᠠᠨ ᠵᠠᠭᠤᠨ ᠴᠢᠷᠡᠭ ᠴᠢᠩ ᠠᠨ ᠺᠧᠦ ᠠᠮᠠ ᠪᠠᠷ ᠤᠷᠤᠭᠠᠳ ᠮᠢᠩ | ᠤᠨ ᠴᠢᠷᠡᠭ ᠲᠤ ᠨᠡᠭᠡᠭᠳᠡᠨ ᠲᠤᠩᠰᠤᠯᠭᠠᠭᠴᠢ ᠵᠡᠷᠭᠡ ᠨᠢᠭᠡ ᠵᠠᠭᠤ ᠲᠡᠪᠢᠨ ᠨᠢᠭᠡᠨ ᠬᠦᠮᠦᠨ ᠂ ᠵᠠᠭᠤ | ᠬᠤᠷᠢᠨ ᠵᠢᠷᠭᠤᠭᠠᠨ ᠮᠤᠷᠢ ᠬᠤᠬᠢᠷᠡᠪᠠ ᠃ ᠬᠠᠷᠢᠨ ᠮᠢᠩ ᠤᠨ ᠲᠠᠯᠠ ᠠᠴᠠ ᠭᠤᠷᠪᠠᠨ ᠬᠦᠮᠦᠨ ᠂ | ᠭᠤᠴᠢᠨ ᠲᠠᠪᠤᠨ ᠮᠤᠷᠢ ᠯᠡ ᠬᠤᠷᠤᠭᠳᠠᠵᠤ ᠂ ᠵᠠᠭᠤ ᠢᠯᠡᠭᠦᠦ ᠬᠦᠮᠦᠨ ᠢ ᠰᠢᠷᠠᠭᠳᠤᠵᠠᠢ ᠃ | 1572 ᠤᠨ ᠳᠤ ᠴᠠᠩ ᠱᠧᠩ ᠪᠤᠤ ᠳᠤ ᠢᠯᠠᠭᠳᠠᠭᠠᠳ ᠶᠠᠳᠠᠷ ᠲᠤᠷᠤᠢ ᠬᠦᠯᠦᠭ ᠮᠤᠷᠢ ᠪᠠᠨ | ᠲᠡᠩᠬᠡᠷᠡᠭᠦᠯᠬᠦ ᠭᠡᠵᠦ ᠭᠤᠸᠠᠩ ᠨᠢᠩ ᠤᠨ ᠬᠤᠶᠢᠳᠦ ᠪᠡᠶᠡ ᠳᠤ ᠪᠠᠭᠤᠳᠠᠯᠠᠯᠵᠦ ᠪᠠᠶᠢᠭᠠᠳ ᠮᠢᠩ ᠤᠨ | ᠵᠠᠩᠵᠤᠨ ᠯᠢ ᠴᠧᠩ ᠯᠢᠶᠠᠩ ᠳᠤ ᠰᠡᠷᠡᠭᠳᠡᠨ ᠲᠠᠭᠠᠷᠢᠭᠳᠠᠵᠠᠢ ᠃ ᠮᠢᠩ ᠤᠨ ᠽᠠᠩ ᠲᠧᠦ ᠵᠢᠶᠦ᠋ᠨ | ᠮᠧᠩ ᠳ᠋ᠠ ᠽᠢ ᠂ ᠯᠢᠦ ᠳ᠋ᠠ ᠼᠢ ᠨᠠᠷ ᠵᠧᠨ ᠠᠨ ᠪᠤᠦ ᠪᠠᠷ ᠭᠠᠷᠴᠦ ᠰᠤᠪᠬᠠᠢ ᠶᠢ ᠬᠡᠨᠡᠳᠡᠭᠦᠯᠦᠨ | ᠲᠠᠭᠠᠷᠢᠵᠠᠢ ᠃ ᠲᠠᠳᠡᠨ ᠤ ᠵᠦᠪᠯᠡᠬᠦ ᠵᠠᠩᠵᠤᠨ ᠾᠧᠢ ᠶᠦᠨ ᠯᠦᠩ ᠲᠤᠮᠳᠠ ᠵᠠᠮ ᠢᠶᠠᠷ ᠂ ᠪᠧᠢ | ᠢᠦᠢ ᠲᠦᠰᠢᠮᠡᠯ ᠳ᠋ᠠᠢ ᠭᠤᠸᠠᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠂ ᠴᠢᠷᠡᠭ ᠤᠨ ᠡᠷᠭᠦᠭᠰᠡᠳ ᠯᠢᠩ ᠶᠦᠨ | ᠵᠡᠭᠦᠨ ᠰᠦᠪᠡᠭᠡ ᠶᠢ ᠨᠢ ᠲᠤᠰ ᠲᠤᠰ ᠲᠠᠭᠠᠷᠢᠵᠠᠢ ᠃ ᠶᠢᠦ ᠵᠢᠢ ᠲᠦᠰᠢᠮᠡᠯ ᠹᠦ᠋ ᠶᠠᠨ ᠱᠦᠨ ᠂ | ᠵᠦᠩ ᠵᠢᠶᠦ᠋ᠨ ᠲᠦᠰᠢᠮᠡᠯ ᠰᠤ᠋ ᠴᠧᠩ ᠱᠦᠨ ᠪᠠᠶᠢᠯᠳᠣᠭᠠᠨ ᠤ ᠲᠡᠷᠭᠡ ᠶᠢ ᠬᠠᠮᠢᠶᠠᠷᠴᠠᠢ ᠃ ᠲᠡᠭᠡᠭᠡᠳ | ᠮᠢᠩ ᠤᠨ ᠬᠤᠯᠠᠭᠠᠢ ᠨᠠᠷ ᠲᠤᠰ ᠤᠨ ᠤ ᠴᠠᠭᠠᠨ ᠰᠠᠷᠠ ᠠᠴᠠ ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠭᠤᠷᠤᠨᠳᠦ | ᠰᠤᠪᠬᠠᠢ ᠶᠢᠨ ᠴᠢᠷᠡᠭ ᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠲᠠᠭᠠᠷᠢᠵᠠᠢ ᠃ ᠰᠤᠪᠬᠠᠢ ᠠᠷᠭᠠ ᠦᠭᠡᠶᠢᠳᠡᠨ ᠬᠦᠨ | ᠠᠭᠤᠯᠠᠨ ᠳᠤ ᠰᠢᠷᠭᠤᠬᠤ ᠳᠠᠭᠠᠨ ᠮᠢᠩ ᠤᠨ ᠴᠢᠷᠡᠭ ᠲᠤ ᠨᠡᠭᠡᠭᠳᠡᠨ ᠵᠢᠷᠭᠤᠭᠠᠨ ᠬᠦᠮᠦᠨ ᠂ ᠬᠤᠶᠠᠷ | ᠵᠠᠭᠤ ᠢᠯᠡᠭᠦᠦ ᠮᠤᠷᠢ ᠬᠤᠬᠢᠷᠠᠪᠠ ᠃ ᠬᠠᠷᠢᠨ ᠮᠢᠩ ᠤᠨ ᠴᠢᠷᠡᠭ ᠵᠦᠪᠬᠡᠨ ᠬᠤᠶᠠᠷ ᠬᠦᠮᠦᠨ ᠂ ᠠᠷᠪᠠᠨ | ᠮᠤᠷᠢ ᠯᠡ ᠰᠢᠷᠠᠭᠳᠤᠵᠠᠢ᠃ | ᠸᠠᠨ ᠯᠢ ᠶᠢᠨ ᠲᠡᠷᠢᠭᠦᠨ ᠤᠨ ︵1573︶ ᠳᠤ ᠰᠤᠪᠬᠠᠢ ᠲᠡᠶᠧ ᠯᠢᠩ ᠂ ᠮᠦᠭᠳᠡᠨ ᠵᠡᠷᠭᠡ ᠭᠠᠵᠠᠷ ᠢ | ᠲᠠᠭᠠᠷᠢᠬᠤ ᠪᠠᠷ ᠲᠦᠯᠦᠪᠡᠯᠵᠦ᠂ ᠨᠠᠢᠮᠠᠨ ᠮᠢᠩᠭᠠᠨ ᠮᠤᠷᠢᠳᠠᠨ ᠢ ᠠᠭᠤᠯᠠᠨ ᠰᠢᠭᠤᠢ ᠳᠤ ᠪᠦᠭᠦᠭᠦᠯᠵᠦ ᠪᠠᠶᠢᠬᠤ | ᠶᠢ ᠲᠡᠨᠦᠭᠦᠯ ᠬᠦᠮᠦᠨ ᠶᠤᠸᠠᠨ ᠶᠠ ᠽᠢ ᠳᠤ ᠤᠯᠵᠤ ᠮᠡᠳᠡᠭᠡᠳ ᠮᠢᠩ ᠤᠨ ᠴᠢᠷᠡᠭ ᠲᠤ | ᠮᠡᠳᠡᠭᠦᠯᠵᠠᠢ᠃ ᠮᠢᠩ ᠤᠨ ᠶᠡᠭᠡ ᠵᠠᠩᠵᠤᠨ ᠯᠢ ᠴᠧᠩ ᠯᠢᠶᠠᠩ ᠫᠧᠩ ᠵᠢᠶᠠ ᠸᠠᠨ ᠳᠤ ᠲᠤᠪᠳᠤᠯᠠᠨ | ᠬᠦᠷᠴᠦ ᠰᠠᠬᠢᠬᠤ ᠶᠢᠨ ᠬᠠᠮᠳᠦ ᠨᠠᠷᠢᠨ ᠪᠠᠶᠢᠷᠠᠭᠤᠯᠯᠤᠯᠳᠠ ᠶᠢ ᠬᠢᠵᠠᠢ᠃ ᠮᠢᠩ ᠤᠨ ᠲᠠᠯᠠ ᠶᠢᠨ | ᠲᠡᠳ᠋ ᠽᠠᠨ ᠵᠢᠶᠦ᠋ᠨ ᠲᠦᠰᠢᠮᠡᠯ ᠶᠠᠩ ᠲᠧᠩ ᠂ ᠶᠢᠦ ᠵᠢᠢ ᠨᠠᠷ ᠢᠶᠠᠷ ᠼᠧᠩ ᡂᠢ ᠪᠤᠤ ᠶᠢ ᠂ | ᠵᠦᠪᠯᠡᠬᠦ ᠵᠠᠩᠵᠤᠨ ᠽᠤᠤ ᠹᠦ᠋ ᠫᠢᠩ ᠢᠶᠠᠷ ᠳ᠋ᠢᠩ ᠪᠤᠤ ᠶᠢ ᠂ ᠵᠦᠪᠯᠡᠬᠦ ᠵᠠᠩᠵᠤᠨ ᠭᠦᠸᠧ ᠮᠧᠩ | ᠵᠧᠩ ᠂ ᠪᠧᠢ ᠢᠦᠢ ᠲᠦᠰᠢᠮᠡᠯ ᠰᠦ᠋ ᠭᠦᠸᠧ ᠹᠦ᠋ ᠂ ᠶᠠᠩ ᠴᠢᠶᠠᠨ ᠂ ᠾᠧ ᠸᠠᠨ ᠨᠠᠷ ᠨᠢ ᠵᠧᠨ | ᠰᠢ ᠪᠤᠤ ᠶᠢ ᠲᠤᠰ ᠲᠤᠰ ᠰᠠᠬᠢᠭᠤᠯᠵᠠᠢ ᠃ ᠰᠤᠪᠬᠠᠢ ᠲᠠᠶᠢᠰᠦᠨ ᠨᠢᠭᠡᠨᠳᠡ ᠪᠡᠯᠳᠬᠡᠭᠰᠡᠨ ᠢ ᠦᠵᠡᠭᠡᠳ | ᠲᠦᠷᠭᠡᠯᠡᠨ ᠴᠢᠷᠡᠭ ᠡᠭᠡᠵᠦ ᠲᠠᠶᠢᠰᠦᠨ ᠳᠤ ᠨᠡᠭᠡᠭᠳᠡᠨ ᠂ ᠳ᠋ᠢᠶᠤᠤ ᠪᠧᠢ ᠱᠠᠨ ᠠᠭᠤᠯᠠᠨ ᠳᠤ | ᠤᠶᠢᠷᠳᠤᠬᠤ ᠳᠤ ᠲᠡᠭᠷᠢ ᠭᠡᠨᠡᠳᠳᠡ ᠬᠤᠪᠢᠷᠠᠵᠦ ᠴᠠᠰᠦ ᠪᠤᠷᠤᠭᠠᠨ ᠬᠤᠯᠢᠯᠳᠤᠨ ᠪᠠᠭᠤᠭᠰᠠᠨ ᠳᠤ | ᠬᠡᠩᠷᠡᠭᠡ ᠲᠠᠯᠪᠠᠭᠠ ᠪᠠᠨ ᠤᠷᠬᠢᠵᠦ ᠠᠭᠤᠯᠠᠨ ᠳᠤ ᠰᠢᠷᠭᠤᠬᠤ ᠳᠠᠭᠠᠨ ᠲᠠᠪᠢᠨ ᠲᠤᠯᠤᠭᠠᠨ ᠬᠦᠮᠦᠨ | ᠢᠶᠠᠨ ᠠᠯᠠᠭᠤᠯᠵᠦ ᠂ ᠬᠤᠶᠠᠷ ᠵᠠᠭᠤ ᠲᠠᠯᠠᠨ ᠢᠯᠡᠭᠦᠦ ᠤᠨᠤᠭᠠ ᠬᠦᠯᠦᠭ ᠵᠢᠴᠢ ᠨᠡᠯᠢᠶᠡᠳ ᠲᠤᠭᠠᠨ ᠤ ᠵᠠᠷ | ᠵᠡᠪᠰᠡᠭ ᠢᠶᠠᠨ ᠪᠤᠯᠢᠶᠠᠯᠭᠠᠵᠠᠢ ᠃ | ᠸᠠᠨ ᠯᠢ ᠶᠢᠨ ᠬᠤᠶᠠᠷ ᠤᠨ ︵1574︶ ᠤ ᠰᠡᠭᠦᠯᠡᠷ ᠰᠤᠪᠬᠠᠢ ᠶᠢᠨ ᠴᠢᠷᠡᠭ ᠢᠯᠠᠭᠳᠠᠬᠤ ᠨᠢ | ᠤᠯᠠᠰᠢᠷᠠᠵᠠᠢ ᠃ ᠲᠦᠭᠦᠮ ᠪᠦᠷᠢᠳᠬᠡᠯ ᠢ ᠦᠨᠳᠦᠰᠦᠯᠡᠪᠡᠯ᠄ ᠸᠠᠨ ᠯᠢ ᠶᠢᠨ ᠶᠢᠰᠦᠨ ᠣᠨ ︵1581︶ | ᠪᠤᠯᠳᠠᠯᠠ ᠶᠢᠰᠦᠨ ᠵᠠᠭᠤᠨ ᠵᠢᠷᠠᠨᠢᠯᠡᠭᠦᠦ ᠬᠦᠮᠦᠨ ᠬᠤᠬᠢᠷᠠᠵᠦ᠂ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠬᠦᠮᠦᠨ | ᠰᠢᠷᠠᠭᠳᠦᠵᠠᠢ ᠃ ᠪᠠᠰᠠ ᠭᠤᠤᠯ ᠳᠤ ᠰᠢᠪᠠᠷᠳᠠᠨ ᠠᠯᠳᠠᠵᠦ ᠲᠠᠪᠤ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠬᠦᠮᠦᠨ ᠦᠷᠡᠭᠳᠡᠵᠦ ᠂ | ᠮᠢᠩᠭᠠ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠠᠭᠳᠠ ᠮᠤᠷᠢ ᠂ ᠵᠠᠭᠤ ᠶᠡᠷᠢᠨ ᠢᠯᠡᠭᠦᠦ ᠡᠯᠵᠢᠭᠡ᠂ ᠬᠤᠶᠠᠷ ᠵᠠᠭᠤᠨ | ᠲᠦᠴᠢᠨ ᠲᠡᠮᠡᠭᠡ ᠂ ᠲᠦᠮᠡ ᠭᠠᠷᠦᠢ ᠵᠡᠪᠰᠡᠭ ᠢᠶᠠᠨ ᠠᠯᠳᠠᠵᠠᠢ ᠃ ᠮᠢᠩ ᠤᠨ ᠲᠠᠯᠠ ᠶᠢᠨ ᠬᠢᠨᠢ ᠮᠢᠩᠭᠠ | ᠲᠠᠪᠤᠨ ᠵᠠᠭᠤ ᠭᠠᠷᠦᠢ ᠬᠦᠮᠦᠨ ᠦᠬᠦᠵᠦ ᠰᠢᠷᠠᠭᠳᠤᠵᠤ᠂ ᠲᠤᠯᠤᠭᠠᠨ ᠵᠠᠭᠤ ᠢᠯᠡᠭᠦᠦ ᠮᠤᠷᠢ | ᠪᠤᠯᠢᠶᠠᠭᠳᠠᠵᠦ ᠂ ᠠᠮᠤ ᠪᠤᠳᠠᠭᠠ ᠬᠤᠶᠠᠷ ᠮᠢᠩᠭᠠ ᠨᠢᠭᠡ ᠵᠠᠭᠤᠨ ᠳ᠋ᠠᠨ ᠰᠦᠢᠳᠴᠠᠢ ᠃ | ᠸᠠᠨ ᠯᠢ ᠶᠢᠨ ᠠᠷᠪᠠᠳᠤᠭᠠᠷ ᠤᠨ ︵1582︶ ᠲᠦᠷᠪᠡᠨ ᠰᠠᠷᠠ ᠳᠤ ᠰᠤᠪᠬᠠᠢ ᠲᠦᠴᠢᠭᠡᠳ ᠮᠤᠷᠢᠳᠠᠨ | ᠢ ᠲᠠᠭᠠᠭᠤᠯᠵᠤ ᠳ᠋ᠠᠢ ᠽᠠᠢ ᠾᠧ ᠤᠯᠤᠮ ᠢᠶᠠᠷ ᠭᠦᠨᠵᠡᠶᠢᠭᠡᠷᠡᠭᠡᠳ ᠮᠢᠩ ᠤᠨ ᠴᠢᠷᠡᠭ ᠲᠤ ᠨᠡᠬᠡᠭᠳᠡᠵᠠᠢ᠃ | ᠤᠳᠠᠯ ᠦᠭᠡᠢ ᠰᠤᠪᠬᠠᠢ ᠬᠤᠶᠠᠷ ᠮᠢᠩᠭᠠ ᠢᠯᠡᠭᠦᠦ ᠮᠤᠷᠢᠳᠠᠨ ᠲᠠᠭᠠᠭᠤᠯᠵᠤ ᠵᠧᠨ ᠢ ᠪᠤᠤ ᠳᠤ | ᠰᠢᠷᠦᠭᠦᠨ ᠲᠠᠶᠢᠨ ᠪᠤᠯᠵᠤ᠂ ᠲᠤᠰ ᠲᠠᠶᠢᠨ ᠤ ᠲᠤᠮᠳᠠ ᠮᠢᠩ ᠤᠨ ᠵᠠᠩᠵᠤᠨ ᠯᠢ ᠴᠧᠩ ᠯᠢᠶᠡᠩ ᠤᠨ ᠵᠦᠪᠯᠡᠬᠦ | ᠵᠠᠩᠵᠦᠨ ᠯᠢ ᠫᠢᠩ ᠾᠧᠦ ᠳᠤ ᠵᠡᠭᠦᠨ ᠰᠦᠪᠡᠭᠡ ᠨᠢ ᠬᠠᠷᠪᠤᠭᠳᠠᠨ ᠤᠨᠠᠵᠦ ᠂ ᠮᠢᠩ ᠤᠨ ᠽᠠᠩ ᠲᠧᠦ | ᠵᠢᠶᠦ᠋ᠨ ᠯᠢ ᠶᠢᠦ ᠮᠢᠩ ᠳᠤ ᠲᠡᠷᠢᠭᠦᠨ ᠢᠶᠠᠨ ᠤᠭᠳᠤᠯᠤᠭᠤᠯᠵᠠᠢ ᠃ ᠬᠢᠳᠡᠳ ᠲᠤ ᠲᠠᠭᠠᠭᠰᠠᠨ ᠵᠠᠩᠵᠤᠨ | ᠴᠠᠭᠠᠨ ᠬᠡᠭᠦᠷ ᠢ ᠨᠢ ᠨᠤᠳᠠᠯᠵᠠᠢ ᠃ ᠲᠡᠭᠦᠨ ᠤ ᠲᠡᠷᠢᠭᠦᠨ ᠨᠢ ᠳ᠋ᠧᠦ ᠶᠢᠨ ᠴᠢᠨᠡᠭᠡ ᠲᠤᠮᠦ | ᠪᠠᠶᠢᠪᠠ ᠭᠡᠨᠡᠮ ᠃ ᠦᠯᠡᠳᠡᠭᠳᠡᠯ ᠬᠦᠴᠦᠨ ᠨᠢ ᠢ ᠡᠤ ᠯᠢᠦᠢ ᠱᠠᠨ ᠤ ᠪᠠᠷᠠᠭᠤᠨ ᠰᠠᠯᠪᠤᠷᠢ ᠪᠤᠯᠬᠤ ᠳ᠋ᠠ | ᠴᠢᠩ ᠱᠠᠨ ᠠᠭᠤᠯᠠᠨ ᠳᠤ ᠤᠬᠤᠷᠢᠨ ᠤᠷᠦᠵᠠᠢ ᠃ ᠬᠦᠷᠭᠡᠨ ᠲᠡᠭᠦᠦ ᠬᠤᠸᠠ ᠳ᠋ᠠ ᠬᠡᠭᠦᠷ ᠢ ᠨᠢ | ᠠᠴᠢᠵᠦ ᠶᠠᠪᠤᠭᠠᠳ ᠰᠡᠷᠬᠡ ᠭᠤᠤᠯ ᠪᠠ ᠡᠮᠡᠭᠡᠯ ᠤᠨ ᠭᠤᠤᠯ ᠤᠨ ᠴᠢᠳᠬᠤᠯᠠᠩ ᠤᠨ ᠭᠤᠤᠯ ᠤᠨ | ᠪᠠᠷᠠᠭᠤᠨ ᠡᠷᠭᠢ ᠶᠢᠨ ᠲᠠᠮᠤᠬᠤ ᠤᠯᠤᠮ ᠭᠡᠬᠦ ᠭᠠᠵᠠᠷ ᠤᠷᠤᠰᠢᠭᠤᠯᠵᠠᠢ᠃ | ᠭᠤᠷᠪᠠ ᠄ ᠰᠤᠪᠬᠠᠢ ᠶᠢᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠢᠨ ᠲᠤᠬᠠᠢ | ᠰᠤᠪᠬᠠᠢ ᠨᠢ ᠪᠠᠭᠠᠷᠢᠨ ᠠᠶᠢᠮᠠᠭ ᠤᠨ ᠠᠭᠯᠠᠭᠴᠢ ᠪᠢᠰᠢ ᠃ ᠬᠠᠷᠢᠨ ᠪᠠᠭᠠᠷᠢᠨ ︵ᠪᠠᠶᠢᠷᠢᠨ︶ ᠣᠳᠤᠭ | ᠤᠨ ᠠᠬᠠᠯᠭᠴᠢ ᠮᠦᠨ ᠃ ᠰᠤᠪᠬᠠᠢ ᠶᠢᠨ ᠠᠮᠢᠳᠦᠷᠠᠵᠦ ᠬᠦᠳᠡᠯᠭᠡᠭᠡᠨ ᠬᠢᠵᠦ ᠪᠠᠶᠢᠭᠰᠠᠨ ᠴᠠᠭ | ᠬᠤᠭᠤᠴᠠᠭᠠ ᠪᠤᠯᠪᠠᠯ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠤ ᠦᠶᠡ ᠪᠢᠯᠡ | ᠃ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠪᠤᠰᠣᠳ ᠲᠦᠮᠡᠨ ᠤ ᠡᠯᠡ ᠶᠡᠭᠡ ᠡᠵᠡᠮᠰᠢᠯ ᠤᠨ ᠭᠠᠵᠠᠷ ᠲᠤ | ᠪᠦᠷ ᠵᠠᠰᠠᠭ ᠪᠠᠷᠢᠭᠴᠢ ᠸᠠᠩ ᠭᠦᠩ ᠲᠠᠯᠪᠢᠵᠠᠢ ᠃ ᠲᠡᠳᠡᠭᠡᠷ ᠵᠠᠰᠠᠭ ᠪᠠᠷᠢᠭᠴᠢ ᠸᠠᠩ ᠭᠦᠩ ᠨᠢ | ᠪᠦᠷᠢᠮᠦᠰᠦᠨ ᠪᠡᠶᠡ ᠪᠠᠨ ᠲᠠᠭᠠᠭᠠᠵᠦ ᠵᠠᠰᠠᠭ ᠶᠠᠪᠤᠭᠤᠯᠬᠤ ᠡᠷᠬᠡ ᠮᠡᠳᠡᠯ ᠲᠠᠢ ᠪᠠᠶᠢᠵᠦ ᠂ ᠤᠳᠤᠬᠠᠨ | ᠤ ᠬᠤᠯᠪᠤᠭᠠᠳᠦ ᠤᠯᠤᠰ ᠤᠨ ᠬᠠᠷᠢᠶᠠᠨ ᠳᠠᠬᠢ ᠲᠤᠰᠭᠠᠷ ᠡᠷᠬᠡ ᠮᠡᠳᠡᠯ ᠲᠠᠢ ᠤᠯᠤᠰ ᠲᠠᠢ | ᠲᠦᠰᠦᠭᠡᠳᠡᠢ ᠪᠠᠶᠢᠪᠠ᠃ ᠲᠡᠳᠡᠨ ᠤ ᠨᠤᠶᠠᠷᠬᠠᠯ ᠤᠨ ᠲᠤᠤᠷᠠᠬᠢ ᠡᠵᠡᠮᠰᠢᠯ ᠤᠨ ᠭᠠᠵᠠᠷ ᠢ ᠬᠤᠰᠢᠭᠤ | ᠭᠡᠵᠦ ᠂ ᠬᠤᠰᠢᠭᠤᠨ ᠤ ᠲᠤᠤᠷᠠᠬᠢ ᠶᠢ ᠤᠳᠤᠭ ᠪᠤᠶᠤ ᠠᠶᠢᠮᠠᠭ ᠭᠡᠵᠦ ᠂ ᠪᠦᠳᠦᠭᠦᠯᠢᠩ ᠦᠯᠢᠳᠬᠡᠪᠡᠯ | ᠲᠠᠪᠢᠭᠠᠳ ᠤᠨ ᠤ ᠨᠤᠳᠤᠭ ᠪᠤᠶᠤ ᠤᠳᠤᠬᠠᠨ ᠤ ᠰᠤᠮᠤ ᠲᠠᠢ ᠲᠡᠩᠴᠡᠭᠦᠦ ᠵᠠᠰᠠᠭ ᠵᠠᠬᠢᠷᠭᠠᠨ ᠤ | ᠨᠢᠭᠡᠴᠨ᠃ ᠤᠳᠤᠭ ᠤᠨ ᠲᠤᠤᠷᠠᠬᠢ ᠶᠢ ᠬᠦᠷᠢᠶᠠ ᠭᠡᠵᠠᠢ ᠪᠦᠳᠦᠭᠦᠯᠢᠩ ᠢᠶᠠᠷ ᠠᠳᠠᠯᠢᠳᠬᠠᠪᠠᠯ | ᠤᠳᠤᠬᠠᠨ ᠤ ᠭᠠᠴᠠᠭᠠ ᠲᠠᠢ ᠦᠨᠳᠦᠰᠦᠨ ᠱᠠᠳᠦᠨ ᠤ ᠪᠠᠶᠢᠭᠤᠯᠤᠮᠵᠢ᠃ | ᠰᠤᠪᠬᠠᠢ ᠨᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠵᠢᠩᠬᠢᠨᠢ ᠵᠡᠷᠭᠡ ᠲᠤᠰᠢᠶᠠᠯ ᠨᠢ ᠪᠠᠭᠠᠷᠢᠨ ︵ᠪᠠᠶᠢᠷᠢᠨ︶ ᠤᠳᠤᠭ | ᠤᠨ ᠠᠭᠯᠠᠭᠴᠢ ᠪᠠᠶᠢᠪᠠ ᠃ ᠡᠭᠦᠨ ᠤ ᠲᠤᠬᠠᠢ ︿︿ ᠤᠮᠠᠷᠠᠳᠦ ᠶᠤᠸᠠᠨ ᠤ ᠲᠡᠤᠬᠡ ﹀ 263 ᠳ᠋ᠤᠭᠠᠷ | ᠨᠢᠭᠤᠷ ᠲᠤ ᠲᠤᠳᠤᠷᠬᠠᠢ ᠲᠤᠭᠠᠴᠢᠵᠠᠢ᠃ ︿︿ᠲᠢᠶᠠᠨ ᠬᠠᠭᠠᠨ ᠵᠢᠷᠭᠤᠳᠤᠭᠠᠷ ᠬᠦᠪᠡᠭᠦᠨ ᠠᠯᠴᠤᠪᠤᠯᠤᠤᠳ | ᠪᠤᠯᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠬᠦᠪᠡᠭᠦᠨ ᠵᠠᠯᠠᠶᠢᠷ ᠬᠤᠩ ᠲᠠᠶᠢᠵᠢ ᠳᠤ ᠬᠠᠯᠬᠠ ᠠᠶᠢᠮᠠᠭ ᠢ ᠦᠭᠪᠡ ᠃ | ᠬᠠᠯᠬᠠ ᠠᠶᠢᠮᠠᠭ ᠨᠡᠶᠢᠳᠡ ᠠᠷᠪᠠᠨ ᠬᠤᠶᠠᠷ ᠤᠳᠤᠭ ᠲᠠᠢ ᠪᠠᠶᠢᠪᠠ ︔ ᠠᠯᠴᠤᠪᠤᠯᠤᠳ ᠡᠮᠤᠨᠡᠰᠢ | ᠨᠡᠭᠦᠭᠡᠳ ᠦᠪᠦᠷ ᠬᠠᠯᠬᠠ ᠪᠤᠯᠵᠠᠢ ︔ ᠠᠯᠴᠤᠪᠤᠯᠤᠳ ᠤᠨ ᠬᠦᠪᠡᠭᠦᠨ ᠬᠤᠷᠬᠠᠴᠢ ᠬᠠᠰᠠᠷ ᠲᠤ ᠲᠠᠪᠤᠨ | ᠬᠦᠪᠡᠭᠦᠨ ᠲᠠᠢ ᠪᠠᠶᠢᠵᠦ ᠲᠠᠪᠤᠨ ᠤᠳᠤᠭ ᠬᠠᠯᠬᠠ ᠶᠢᠨ ᠡᠵᠡᠨ ᠪᠤᠯᠪᠠ ︔ ᠠᠬᠠᠮᠠᠳ ᠬᠦᠪᠡᠭᠦᠨ | ᠤᠶᠢᠵᠢᠩ ᠨᠢ ᠵᠠᠷᠤᠳ ᠤᠳᠤᠭ ᠤᠨ ᠡᠵᠡᠨ ᠂ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠰᠤᠪᠬᠠᠢ ᠲᠠᠷᠬᠠᠨ ᠨᠢ | ᠪᠠᠭᠠᠷᠢᠨ ︵ᠪᠠᠶᠢᠷᠢᠨ︶ ᠤᠳᠤᠭ ᠤᠨ ᠡᠵᠡᠨ ᠂ ᠭᠤᠳᠠᠭᠠᠷ ᠬᠦᠪᠡᠭᠦᠨ ᠤᠪᠠᠨ ᠪᠤᠶᠢᠮᠦ ᠨᠢ | ᠬᠤᠩᠬᠢᠷᠠᠳ ᠤᠳᠤᠭ ᠤᠨ ᠡᠵᠡᠨ ᠂ ᠲᠦᠷᠪᠡᠳᠦᠭᠡᠷ ᠬᠦᠪᠡᠭᠦᠨ ᠲᠤᠭᠰᠢᠨ ᠰᠤᠨᠢᠨ ᠲᠠᠶᠢᠴᠢᠩ ᠨᠢ ᠪᠠᠶᠤᠳ | ᠤᠳᠤᠭ ᠤᠨ ᠡᠵᠡᠨ ᠂ ᠲᠠᠪᠤᠳᠤᠭᠠᠷ ᠬᠦᠪᠡᠭᠦᠨ ᠱᠤᠤᠬᠠᠨ ᠵᠤᠷᠢᠭᠳᠦ ᠬᠤᠩ ᠪᠠᠭᠠᠳᠦᠷ ᠨᠢ | ᠦᠵᠢᠶᠡᠳ ᠤᠨ ᠡᠵᠡᠨ ᠪᠤᠯᠪᠠ ﹀﹀ ᠭᠡᠵᠠᠢ ᠃ | ᠰᠤᠪᠬᠠᠢ ᠬᠡᠳᠦᠶᠢᠪᠡᠷ ᠨᠢᠭᠡᠨ ᠤᠳᠤᠭ ᠤᠨ ᠡᠵᠡᠨ ᠵᠡᠷᠭᠡ ᠲᠠᠢ ᠪᠤᠯᠪᠠᠴᠦ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠲᠦᠷᠦ ᠳᠤ ᠲᠦᠪᠯᠡᠷᠡᠨ ᠵᠠᠬᠢᠷᠠᠬᠤ ᠡᠷᠬᠡ ᠤᠨᠴᠠᠭᠠᠢ ᠰᠤᠯᠠᠷᠠᠭᠰᠠᠨ ᠦᠶᠡ ᠳᠤ ᠬᠦᠴᠦᠷᠭᠡᠵᠢᠨ | ᠴᠠᠬᠢᠷᠠᠭᠵᠢᠵᠦ ᠪᠤᠳᠠᠳᠤ ᠬᠦᠴᠦᠨ ᠨᠢ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠲᠠᠢ ᠮᠦᠷᠦ ᠵᠡᠷᠭᠡᠴᠭᠰᠡᠨ ᠪᠠᠶᠢᠳᠠᠯ | ᠲᠠᠢ ᠪᠤᠯᠵᠠᠢ ᠃ ᠤᠮᠠᠷᠠᠳᠦ ᠶᠤᠸᠠᠨ ᠤ ᠲᠡᠦᠬᠡ ᠶᠢᠨ365 — 366 ᠳ᠋ᠤᠭᠠᠷ ᠨᠢᠭᠤᠷ ᠲᠤ ︿︿ | ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠡᠪ ᠨᠠᠶᠢᠷᠠᠮᠳᠠᠯ ᠤᠨ ᠬᠡᠯᠪᠡᠷᠢ ᠪᠠᠷ ᠲᠦᠪ ᠵᠠᠬᠢᠷᠤᠯ ᠤᠨ ᠡᠷᠬᠡ ᠪᠠᠨ | ᠪᠠᠶᠢᠭᠤᠯᠵᠤ ᠂ ᠲᠡᠷᠡ ᠵᠡᠭᠦᠨ ᠪᠠᠷᠠᠭᠤᠨ ᠲᠦᠮᠡᠨ ᠤ ᠹᠧᠤᠳᠡᠯ ᠡᠵᠡᠨ ᠢ ᠦᠪᠡᠷ ᠤᠨ ᠲᠤᠭᠤᠷᠢᠨ ᠳᠤ | ᠨᠢᠭᠳᠠᠷᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠲᠠᠪᠤᠨ ᠬᠠᠨ ᠤ ᠵᠠᠰᠠᠭ ᠪᠠᠷᠢᠭᠴᠢ ᠨᠤᠶᠠᠨ ᠲᠠᠯᠪᠢᠵᠠᠢ ︔ ᠲᠠᠷᠦᠢ | ᠴᠠᠬᠠᠷ ᠲᠦᠮᠡᠨ ᠤ ᠠᠮᠤᠳᠠᠢ ᠬᠤᠩ ᠲᠠᠶᠢᠵᠢ ᠂ ᠦᠪᠦᠷ ᠬᠠᠯᠬᠠ ᠶᠢᠨ ᠦᠢᠵᠢᠩ ᠰᠤᠪᠬᠠᠢ ᠂ | ᠤᠷᠳᠤᠰ ᠲᠦᠮᠡᠨ ᠤ ᠬᠤᠳᠤᠭᠳᠦ ᠰᠡᠴᠡᠨ ᠬᠤᠩ ᠲᠠᠶᠢᠵᠢ ᠂ ᠲᠦᠮᠡᠳ ᠲᠦᠮᠡᠨ ᠤ ᠴᠦᠷᠦᠭᠡ ᠬᠤᠩ | ᠲᠠᠶᠢᠵᠢ ᠂ ᠶᠤᠩᠰᠢᠶᠠᠩᠪᠤ ᠲᠦᠮᠡᠨ ᠤ ᠠᠰᠤᠳ ᠠᠶᠢᠮᠠᠨ ᠤᠨ ᠨᠤᠮᠠᠳᠠᠷᠠ ᠭᠤᠤᠯᠴᠢ ᠨᠤᠶᠠᠨ ᠵᠡᠷᠭᠡ | ᠪᠤᠯᠤᠨᠠ ﹀﹀ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠡᠨᠡᠬᠦ ᠵᠠᠰᠠᠭ ᠤᠨ ᠪᠠᠶᠢᠭᠤᠯᠤᠮᠵᠢ ᠪᠠᠨ ︿ᠵᠠᠰᠠᠭ ﹀ ᠭᠡᠵᠦ | ᠨᠡᠷᠯᠡᠭᠰᠡᠨ ᠪᠤᠯᠪᠠᠴᠦ ᠬᠡᠷᠡᠭ ᠲᠡᠭᠡᠷᠡ ᠪᠠᠨ ᠹᠧᠦᠳᠡᠯ ᠡᠵᠡᠳ ᠤᠨ ᠲᠤᠳᠤᠷᠠᠬᠢ ᠬᠠᠮᠤᠭ ᠬᠦᠴᠦᠷᠬᠡᠭ ᠲᠠᠪᠤᠨ | ᠲᠦᠷᠦᠭᠦᠦ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠵᠢᠵᠢᠭ ᠬᠡᠪᠴᠢᠶᠡᠨ ᠤ ᠲᠦᠪ ᠵᠠᠰᠠᠭ ᠪᠠᠶᠢᠭᠤᠯᠤᠨ ᠂᠂᠂ ᠂᠂᠂﹀﹀ | ᠭᠡᠵᠦ ᠰᠤᠪᠬᠠᠢ ᠶᠢᠨ ᠨᠢᠭᠡᠨ ᠤᠳᠤᠭ ᠤᠨ ᠠᠬᠠᠯᠭᠴᠢ ᠪᠠᠶᠢᠭᠰᠠᠨ ᠢᠶᠠᠨ ᠵᠢᠩᠬᠢᠨᠢ ᠬᠦᠴᠦᠨ ᠳᠡᠭᠡᠨ | ᠲᠦᠰᠢᠭᠯᠡᠨ ᠦᠪᠦᠷ ᠬᠠᠯᠬᠠ ᠠᠶᠢᠮᠠᠭ ᠢ ᠲᠦᠯᠦᠭᠡᠯᠡᠨ ︿︿ ᠵᠠᠰᠠᠭ ﹀ ﹀ ᠲᠤ ᠰᠤᠩᠭᠤᠭᠳᠠᠨ | ᠤᠷᠤᠭᠰᠠᠨ ᠢ ᠭᠡᠷᠴᠢᠯᠠᠵᠠᠢ ᠃ ᠵᠠᠰᠠᠭ ᠭᠡᠳᠡᠭ ᠡᠷᠳᠡᠨ ᠤ ᠮᠤᠩᠭᠤᠯ ᠦᠭᠡ ᠶᠢ ᠤᠷᠴᠢᠨ ᠴᠠᠭ ᠤᠨ | ᠮᠤᠩᠭᠤᠯ ᠦᠭᠡ ᠪᠠᠷ ᠤᠶᠢᠯᠭᠠᠯᠪᠠᠯ ︿︿ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠭᠦᠨ ﹀﹀ ᠦᠭᠡ ᠲᠠᠢ ᠠᠳᠠᠯᠢ ᠭᠡᠵᠦ | ᠦᠵᠡᠵᠦ ᠪᠤᠯᠤᠨᠠ ᠃ | ᠲᠦᠷᠪᠡ ᠄ ᠰᠤᠪᠬᠠᠢ ᠶᠢᠨ ᠲᠡᠦᠬᠡᠳᠦ ᠭᠠᠪᠢᠶᠠᠳᠦ ᠵᠢᠳᠬᠦᠯ ᠤᠨ ᠲᠤᠬᠠᠢ ᠶᠠᠷᠢᠬᠤ ᠨᠢ | ᠨᠢᠭᠡ ᠳᠤ ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠠᠢ ᠃ ᠰᠤᠪᠬᠠᠢ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ | ᠦᠶᠡᠰ ᠪᠠᠭᠠᠷᠢᠨ ᠤᠳᠤᠭ ᠨᠢ ᠮᠠᠨᠳᠤᠨ ᠬᠦᠭᠵᠢᠵᠦ ᠬᠦᠴᠦᠷᠬᠡᠭ ᠶᠡᠭᠡ ᠬᠦᠴᠦᠨ ᠪᠤᠯᠵᠦ | ᠬᠤᠪᠢᠷᠠᠵᠠᠢ ᠃ ᠰᠤᠪᠬᠠᠢ ᠦᠷᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠢ ᠰᠡᠴᠡᠨ ᠲᠡᠭᠷᠢ ᠶᠢᠨ ᠬᠤᠶᠠᠷ ︵1628︶ ᠤᠨ | ᠳᠤ ᠲᠡᠭᠦᠨ ᠤ ᠤᠴᠢ ᠰᠠᠳᠡᠷ ᠦᠪᠡᠷ ᠤᠨ ᠬᠦᠪᠡᠭᠦᠨ ᠰᠡᠪᠳᠠᠨ ᠂ ᠡᠪᠦᠭᠡᠳᠠᠢ ᠬᠤᠩ ᠪᠠᠭᠠᠳᠦᠷ | ᠲᠠᠶᠢᠵᠢ ᠶᠢ ᠲᠠᠭᠠᠭᠤᠯᠵᠦ᠂᠂ ᠲᠤᠭᠠᠷ ᠠᠩᠭᠠ ᠲᠠᠢ ᠬᠠᠮᠳᠤᠪᠡᠷ ᠪᠠᠶᠢᠷᠢᠨ ᠠᠶᠢᠮᠠᠭ ᠤᠨ ᠨᠠᠷᠡ ᠪᠠᠷ | ᠰᠤᠪᠬᠠᠢ ᠶᠢᠨ ᠬᠠᠷᠢᠶᠠᠳᠦ ᠤᠯᠠᠨ ᠵᠢᠴᠢ ᠦᠯᠡᠳᠡᠭᠰᠡᠨ ᠴᠢᠷᠡᠭ ᠤᠨ ᠬᠦᠴᠦᠨ ᠢᠶᠠᠨ ᠲᠠᠭᠠᠭᠤᠯᠵᠦ ᠂ | ᠮᠠᠨᠵᠦ ᠶᠢᠨ ᠲᠠᠳᠬᠠᠯ ᠢᠶᠠᠷ ᠬᠤᠶᠢᠳᠦ ᠠᠯᠳᠠᠨ ᠤᠯᠤᠰ ᠲᠤ ᠲᠠᠭᠠᠵᠠᠢ ᠃ ᠬᠤᠵᠢᠮ ᠨᠢ ᠰᠠᠳᠡᠷ ᠤᠨ | ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠰᠡᠪᠳᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠦ ᠪᠠᠭᠠᠷᠢᠨ ᠬᠤᠰᠢᠭᠤ ᠶᠢᠨ ᠸᠠᠩ ᠪᠤᠯᠵᠠᠢ ᠃ | | ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠠᠬᠢ ︿︿ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠲᠡᠮᠳᠡᠭᠡᠯᠡᠯ ﹀﹀ ᠤᠨ | ᠭᠤᠷᠪᠠᠳᠤᠭᠠᠷ ᠡᠪᠬᠡᠮᠡᠯ ᠳᠤ ᠲᠡᠭᠦᠨ ᠤ ᠠᠶᠢᠮᠠᠭ ᠢ ︿︿ᠪᠠᠶᠢᠷᠢᠨ﹀﹀ ᠭᠡᠵᠦ ᠨᠠᠷᠡᠶᠢᠳᠴᠠᠢ᠃ ᠰᠢᠨᠡᠬᠡᠨ | ᠭᠡᠪᠯᠡᠭᠳᠡᠭᠰᠡᠨ ︿︿ᠦᠭᠡᠰ ᠤᠨ ᠲᠠᠯᠠᠢ ﹀﹀ ᠳᠤ ᠰᠤᠪᠬᠠᠢ ᠶᠢᠨ ᠨᠠᠷᠡᠶᠢᠳᠦᠭᠰᠡᠨ ︿︿ᠪᠠᠶᠢᠷᠡᠨ﹀﹀ ᠢ ᠮᠤᠩᠭᠤᠯ | ᠬᠡᠯᠡᠨ ᠤ ︿︿ᠴᠢᠷᠡᠭ ᠤᠨ ᠪᠠᠭᠤᠳᠠᠯ﹀﹀ ᠭᠡᠵᠦ ᠲᠠᠶᠢᠯᠪᠥᠷᠢᠯᠠᠵᠠᠢ ᠃ ︿︿ ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ | ᠤᠨ ᠲᠡᠮᠳᠡᠭᠡᠯᠡᠯ﹀﹀ ᠵᠡᠷᠭᠡ ᠲᠡᠦᠬᠡᠨ ᠮᠠᠲ᠋ᠧᠷᠡᠶᠠᠯ ᠢ ᠦᠨᠳᠦᠰᠦᠯᠡᠪᠡᠯ ᠤᠳᠤᠬᠠᠨ ᠤ ᠪᠠᠭᠠᠷᠢᠨ | ᠬᠤᠰᠢᠭᠤᠨ ᠤ ︿︿ ᠪᠠᠶᠢᠷᠢᠨ ﹀﹀ ᠢ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠤ ᠦᠶᠡᠰ | ᠠᠴᠠ ᠡᠬᠢᠯᠡᠨ ᠵᠠᠷᠢᠮ ᠡᠷᠳᠡᠮᠳᠡᠨ ︿︿ᠪᠠᠭᠠᠷᠢᠨ﹀﹀ ᠭᠡᠵᠦ ᠪᠢᠴᠢᠬᠦ ᠪᠤᠯᠵᠤ᠂ ᠪᠦᠷᠢᠨᠳᠦ ᠵᠠᠰᠠᠭᠴᠢ ᠶᠢᠨ | ᠦᠶᠡ ᠠᠴᠠ ᠡᠬᠢᠯᠡᠨ ᠰᠠᠶ᠋ᠢ ︿︿ᠪᠠᠭᠠᠷᠢᠨ﹀﹀ ᠭᠡᠵᠦ ᠦᠭᠡᠷᠴᠢᠯᠡᠨ ᠪᠢᠴᠢᠵᠦ ᠲᠦᠯᠦᠪᠰᠢᠷᠡᠵᠠᠢ᠃ ᠠᠳᠡ | ᠨᠡᠷᠡᠶᠢᠳᠦᠯ ᠤᠨ ᠲᠤᠬᠠᠢ ᠬᠤᠶᠠᠷ ᠵᠦᠢᠯ ᠤᠨ ᠠᠳᠠᠯᠢ ᠪᠤᠰᠤ ᠦᠵᠡᠯᠳᠡ ᠭᠠᠷᠦᠭ᠌ᠰᠠᠨ ᠨᠢ ᠢᠯᠡᠷᠬᠡᠢ | ᠪᠤᠯᠪᠠᠴᠦ ︿︿ᠪᠠᠭᠠᠷᠢᠨ﹀ ﹀ ᠬᠤᠰᠢᠭᠤ ᠪᠤᠢ ᠪᠤᠯᠤᠭᠰᠠᠨ ᠶᠠᠪᠤᠴᠠ ᠳᠤ ᠤᠨᠴᠠᠭᠠᠢ ᠵᠦᠷᠢᠶᠡ | ᠤᠷᠤᠰᠢᠵᠦ ᠦᠭᠡᠢ ᠃ | ᠬᠤᠶᠠᠷ ᠲᠤ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠢ ᠪᠠᠬᠢᠵᠢᠭᠦᠯᠵᠠᠢ ᠃ ᠡᠭᠦᠨ ᠤ ᠨᠢᠭᠡ ᠳᠤ | ᠤᠷᠢᠶᠠᠩᠬᠠᠢ ᠶᠢᠨ ᠭᠤᠷᠪᠠᠨ ᠸᠧᠢ ᠶᠢ ᠬᠤᠷᠢᠶᠠᠨ ᠲᠠᠭᠠᠭᠤᠯᠵᠦ ᠦᠪᠡᠷ ᠤᠨ ᠬᠦᠴᠦᠨ ᠢᠶᠠᠨ ᠰᠢᠭᠤᠳ | ᠦᠷᠭᠡᠳᠬᠡᠬᠦ ᠪᠠᠷ ᠲᠠᠮᠵᠢᠭᠤᠯᠤᠨ ᠤᠮᠠᠷᠠᠳᠦ ᠶᠤᠸᠠᠨ ᠤ ᠨᠢᠭᠡᠳᠦᠯ ᠢ ᠬᠠᠮᠠᠭᠠᠯᠵᠠᠢ ᠃ ᠡᠭᠦᠨ ᠤ | ᠬᠤᠶᠠᠷ ᠲᠤ ᠮᠢᠩ ᠤᠯᠤᠰ ᠲᠤ ᠤᠳᠠᠭᠠ ᠲᠠᠷᠭᠠᠨᠯᠠᠨ ᠬᠦᠨᠳᠦ ᠴᠤᠬᠢᠯᠳᠠ ᠦᠭᠴᠦ ᠂ ᠮᠢᠩ ᠤᠯᠤᠰ | ᠤᠨ ᠪᠤᠭᠤᠮᠳᠠ ᠭᠠᠷᠴᠦ ︿︿ᠠᠳᠤᠭᠤ ᠪᠤᠯᠢᠶᠠᠬᠤ﹀﹀ ᠂ ︿︿ᠦᠨᠳᠦᠰᠦ ᠲᠠᠰᠤᠯᠬᠤ ﹀﹀ ᠂ ︿︿ | ᠪᠡᠯᠴᠢᠭᠡᠷ ᠭᠠᠯᠳᠠᠬᠤ ﹀﹀ ᠭᠤᠷᠪᠠᠨ ᠭᠠᠵᠢᠭᠤ ᠵᠠᠰᠠᠭ ᠲᠤ ᠬᠦᠴᠦᠳᠠᠢ ᠴᠤᠬᠢᠯᠳᠠ ᠦᠭᠴᠠᠢ ᠃ | ᠡᠭᠦᠨ ᠤ ᠭᠤᠷᠪᠠ ᠳᠤ ᠮᠢᠩ ᠤᠯᠤᠰ ᠲᠤ ᠬᠢᠭᠰᠡᠨ ᠴᠢᠷᠡᠭ ᠲᠠᠶᠢᠨ ᠢᠶᠠᠷ ᠲᠠᠮᠵᠢᠭᠤᠯᠤᠨ ᠲᠤᠬᠠᠢ | ᠶᠢᠨ ᠦᠶᠡ ᠶᠢᠨ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠬᠢᠭᠡᠨ ᠠᠯᠳᠠᠨ ᠬᠠᠨ ᠨᠠᠷ ᠮᠢᠩ ᠤᠯᠤᠰ ᠢ | ᠠᠯᠪᠠᠳᠠᠨ ᠪᠤᠭᠤᠮᠳᠠ ᠶᠢᠨ ᠠᠷᠠᠯᠵᠢᠶᠠ ᠨᠡᠭᠡᠭᠡᠯᠭᠡᠬᠦ ᠬᠦᠳᠡᠯᠦᠩᠭᠭᠦᠢ ᠡᠷᠭᠡ ᠶᠢ ᠤᠯᠬᠤ ᠳᠤ ᠲᠤᠰᠠ | ᠲᠡᠮᠵᠢᠯᠭᠡ ᠪᠤᠯᠵᠤ ᠪᠠᠶᠢᠪᠠ ᠃ | ᠭᠤᠷᠪᠠ ᠳᠤ᠄ ᠠᠶᠢᠮᠠᠭ ᠬᠤᠯᠪᠤᠭᠠᠨ ᠤ ᠪᠦᠷᠢᠯᠳᠦᠯ ᠳᠤ ᠬᠦᠴᠦᠳᠠᠢ ᠨᠦᠯᠦᠭᠡ ᠭᠠᠷᠭᠠᠵᠠᠢ ᠃ | ᠰᠤᠪᠬᠠᠢ ᠶᠢᠨ ᠬᠦᠴᠦᠨ ᠦᠷᠭᠡᠵᠢᠨ ᠬᠦᠴᠦᠷᠬᠡᠵᠢᠭᠡᠳ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠲᠠᠢ ᠮᠦᠷᠦ | ᠵᠡᠷᠭᠡᠴᠡᠭᠡᠰᠨ ᠪᠠᠶᠢᠳᠠᠯ ᠲᠠᠢ ᠪᠤᠯᠵᠠᠢ ᠃ ᠡᠭᠦᠨ ᠢ ︿︿ ᠤᠮᠠᠷᠠᠳᠦ ᠶᠤᠸᠠᠨ ᠤ ᠲᠡᠦᠭᠡ ﹀﹀ ᠶᠢᠨ 366 | ᠨᠢᠭᠤᠷ ᠲᠤ ᠴᠤᠬᠤᠰ ᠲᠤᠷᠠᠳᠴᠠᠢ ᠃ ︿︿ ᠵᠡᠭᠦᠨ ᠭᠠᠷᠳ ᠲᠦᠮᠡᠨ ᠤ ᠵᠠᠰᠠᠭ ᠪᠠᠷᠢᠭᠰᠠᠨ ᠸᠠᠩ | ᠭᠦᠩ ᠤᠨ ᠲᠤᠳᠤᠷᠠ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠠᠴᠠ ᠭᠠᠳᠠᠨᠠ ᠠᠮᠤᠳᠠᠢ ᠬᠤᠩ ᠲᠠᠶᠢᠵᠢ ᠂ | ᠤᠶᠢᠵᠢᠩ ᠰᠤᠪᠬᠠᠢ ︵ ᠬᠤᠷᠬᠠᠴᠢ ᠶᠢᠨ ᠲᠡᠳ᠋ ᠬᠦᠪᠡᠭᠦᠨ ᠂ ᠲᠡᠭᠦᠨ ᠤ ᠦᠷᠡᠰ ᠨᠢ ᠪᠠᠭᠠᠷᠢᠨ ᠪᠤᠯᠵᠠᠢ ︶ | ᠨᠠᠷ ᠪᠠᠶᠢᠪᠠ﹀﹀ ᠭᠡᠵᠠᠢ ᠃ ᠭᠡᠳᠡᠯᠡ ᠰᠤᠪᠬᠠᠢ ᠮᠤᠩᠭᠤᠯ ᠲᠦᠮᠡᠨ ᠤ ᠠᠰᠢᠭ ᠲᠤᠰᠠ ᠡᠮᠦᠨᠡ | ᠡᠵᠡᠨ ᠬᠠᠭᠠᠨ ᠲᠠᠢ ᠡᠷᠭᠡ ᠪᠤᠯᠢᠶᠠᠯᠳᠤᠨ ᠲᠡᠮᠡᠴᠡᠭᠡᠭᠰᠡᠨ ᠦᠭᠡᠢ ᠬᠠᠷᠢᠨ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠤ | ᠵᠠᠰᠠᠭ ᠲᠤ ᠤᠷᠤᠯᠴᠠᠨ ᠬᠠᠮᠳᠦᠪᠡᠷ ᠲᠦᠷᠦ ᠵᠠᠰᠠᠭ ᠤᠨ ᠶᠡᠭᠡ ᠬᠡᠷᠡᠭ ᠢ ᠵᠦᠪᠯᠡᠨ ᠰᠡᠶᠢᠳᠪᠦᠷᠢᠯᠡᠬᠦ | ᠲᠦᠷᠢᠮ ᠲᠤᠭᠳᠠᠭᠠᠯ ᠢ ᠨᠢ ᠪᠠᠬᠢᠵᠢᠭᠦᠯᠵᠠᠢ ᠃ ᠡᠶᠢᠮᠦ ᠲᠦᠷᠢᠮ ᠲᠤᠭᠳᠠᠭᠠᠯ ᠨᠢ ᠠᠷᠠᠳᠴᠢᠯᠠᠯᠳᠦ | ᠵᠦᠪᠯᠡᠯᠡᠭᠡᠨ ᠤ ᠬᠡᠯᠪᠡᠷᠢ ᠪᠠᠷ ᠪᠤᠳᠠᠷᠠᠨ ᠰᠠᠷᠨᠢᠵᠦ ᠠᠭᠰᠠᠨ ᠡᠯᠡ ᠠᠶᠢᠮᠠᠭ ᠪᠦᠯᠦᠭ ᠢ ᠲᠦᠪ ᠵᠠᠬᠢᠷᠤᠯ | ᠤᠨ ᠡᠷᠬᠡᠨ ᠳᠤ ᠬᠤᠷᠠᠯᠳᠠᠭᠤᠯᠤᠨ ᠨᠢᠭᠡᠳᠬᠡᠵᠦ ᠴᠢᠳᠠᠭᠰᠠᠨ ᠮᠦᠷᠳᠡᠭᠡᠨ ᠬᠤᠵᠢᠮ ᠤᠨ ᠠᠶᠢᠮᠠᠭ | ᠴᠢᠭᠤᠯᠭᠠᠨ ᠤ ᠬᠤᠯᠪᠤᠭᠠᠨ ᠳᠤ ᠰᠠᠭᠤᠷᠢ ᠲᠠᠯᠪᠢᠵᠠᠢ ᠃ ᠡᠭᠦᠨ ᠤ ᠭᠤᠤᠯ ᠭᠠᠪᠢᠶᠠ ᠵᠢᠳᠬᠦᠯ ᠨᠢ | ᠶᠠᠷᠢᠶᠠᠨ ᠦᠭᠡᠢ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠤ ᠬᠢ ᠮᠦᠨ ᠃ ᠭᠡᠳᠡᠯᠡ ᠰᠤᠪᠬᠠᠢ ᠨᠠᠷ ᠤᠨ | ᠬᠦᠴᠦᠳᠠᠢ ᠲᠡᠮᠵᠢᠯᠭᠡ ᠦᠭᠡᠢ ᠪᠤᠯᠪᠠᠯ ᠲᠡᠳᠡᠨᠡᠷ ᠤᠨ ᠠᠤᠭᠠ ᠬᠦᠰᠡᠯ ᠨᠢ ᠪᠡᠶᠡᠯᠡᠭᠳᠡᠵᠦ ᠴᠢᠳᠠᠰᠢ ᠦᠭᠡᠢ | ᠨᠢ ᠮᠠᠷᠭᠤᠰᠢ ᠦᠭᠡᠢ ᠃ | ᠲᠦᠷᠪᠡ ᠳᠤ᠄ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠨᠢᠭᠡᠳᠦᠯ ᠤᠨ ᠵᠤᠷᠢᠭ ᠰᠠᠨᠠᠭᠠ ᠶᠢ | ᠪᠠᠳᠤᠳᠬᠠᠵᠠᠢ ᠃ ᠰᠤᠪᠬᠠᠢ ᠶᠢᠨ ᠪᠠᠳᠠᠷᠠᠵᠦ ᠬᠦᠭᠵᠢᠵᠦ ᠬᠦᠳᠡᠯᠭᠡᠭᠡᠨ ᠬᠢᠵᠦ ᠪᠠᠶᠢᠭᠰᠠᠨ ᠴᠠᠭ | ᠬᠤᠭᠤᠴᠠᠭᠠ ᠳᠤ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠬᠢᠭᠡᠳ | ᠠᠯᠳᠠᠨ ᠬᠠᠨ ᠵᠡᠷᠭᠡᠴᠡᠨ ᠤᠷᠤᠰᠢᠵᠦ ᠂ ᠮᠤᠩᠭᠤᠯ ᠤᠨ ᠶᠡᠭᠡ ᠪᠠᠭᠠ ᠹᠧᠥᠳᠡᠯ ᠤᠨ ᠬᠦᠴᠦᠨ | ᠬᠠᠷᠢᠯᠴᠠᠨ ᠲᠠᠶᠢᠳᠦᠵᠦ ᠪᠠᠶᠢᠭᠰᠠᠨ ᠴᠠᠭ ᠬᠤᠭᠤᠴᠠᠭᠠ ᠮᠦᠨ ᠃ ᠭᠡᠳᠡᠯᠡ ᠰᠤᠪᠬᠠᠢ ᠪᠠᠷᠤᠭ ᠰᠠᠷᠠ | ᠪᠦᠷᠢ ᠮᠢᠩ ᠤᠯᠤᠰ ᠢ ᠲᠤᠪᠳᠦᠯᠠᠵᠦ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠂ ᠮᠠᠨ ᠳᠤ ᠤᠯᠳᠠᠭᠰᠠᠨ ᠲᠡᠦᠬᠡᠨ | ᠮᠠᠲ᠋ᠧᠷᠢᠶᠠᠯ ᠳᠤ ᠰᠤᠪᠬᠠᠢ ᠶᠢᠨ ᠮᠤᠩᠭᠤᠯ ᠢᠵᠠᠭᠤᠷᠳᠠᠨ ᠲᠠᠢ ᠲᠠᠶᠢᠨ ᠲᠠᠵᠢᠨ ᠡᠭᠦᠰᠭᠡᠰᠡᠨ ᠲᠡᠮᠳᠡᠭᠡᠯᠡᠯ | ᠬᠠᠷᠬᠠᠨ ᠦᠭᠡᠢ ᠪᠠᠶᠢᠨᠠ ᠃ ᠬᠠᠷᠢᠨ ︿ ︿ᠸᠠᠨ ᠯᠢ ᠴᠢᠷᠡᠭ ᠤᠨ ᠵᠢᠳᠬᠦᠯᠳᠡᠨ ᠤ ᠲᠡᠮᠳᠡᠭᠡᠯᠡᠯ ﹀﹀ | ᠤᠨ ᠤᠯᠠᠩᠬᠢ ᠬᠠᠭᠤᠳᠠᠰᠤᠨ ᠳᠤ ︿︿ ᠴᠠᠬᠠᠷ ᠤᠨ ᠡᠯᠡ ᠠᠶᠢᠮᠠᠭ ᠯᠤᠭᠠ ᠬᠤᠯᠪᠤᠭᠠᠨᠯᠠᠨ ﹀﹀ | ᠭᠡᠵᠦ ᠲᠡᠮᠳᠡᠭᠡᠯᠡᠭᠰᠡᠨ ᠪᠠᠶᠢᠳᠠᠭ ᠃ ᠬᠠᠷᠢᠨ ᠮᠢᠩ ᠤᠨ ᠬᠤᠯᠭᠠᠢ ᠵᠠᠩ ᠰᠢᠦᠧᠠᠢ ᠶᠠᠨ ᠲᠦᠮᠡᠨ ᠯᠠᠩ | ᠤᠨ ᠬᠦᠨᠳᠦ ᠪᠠᠷ ᠮᠤᠩᠭᠤᠯ ᠢᠵᠠᠭᠤᠷᠳᠠᠳ ᠢ ᠵᠠᠪᠰᠠᠷᠠᠭᠤᠯᠤᠨ ᠂ ᠮᠤᠩᠭᠤᠯ ᠢᠵᠠᠭᠤᠷᠳᠠᠳ ᠤᠨ ᠭᠠᠷ | ᠢᠶᠠᠷ ᠰᠤᠪᠬᠠᠢ ᠶᠢ ᠠᠯᠠᠭᠤᠯᠬᠤ ᠶᠢ ᠭᠤᠷᠢᠳᠠᠭᠰᠠᠨ ᠴᠦ ᠤᠶᠢᠰᠢᠶᠠᠭᠰᠨ ᠬᠦᠮᠦᠨ ᠭᠠᠷᠤᠭᠰᠠᠨ ᠦᠭᠡᠢ | ᠪᠠᠶᠢᠳᠠᠭ ᠃ ᠡᠨᠡ ᠨᠢ ᠰᠤᠪᠬᠠᠢ ᠬᠢᠭᠡᠳ ᠪᠤᠰᠤᠳ ᠨᠤᠶᠠᠷᠬᠠᠭᠴᠢᠳ ᠤᠨ ᠬᠠᠷᠢᠴᠠᠭᠠ ᠲᠤᠶᠢᠯ ᠤᠨ | ᠲᠤᠳᠤᠨᠤ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠨᠠ ᠃ ᠰᠤᠪᠬᠠᠢ ᠲᠦᠮᠡᠨ ᠵᠠᠰᠠᠭᠳᠦ ᠬᠠᠭᠠᠨ ᠤ ︿︿ | ᠵᠠᠰᠠᠭ ﹀﹀ ᠲᠤ ᠰᠤᠩᠭᠤᠭᠳᠠᠨ ᠤᠷᠤᠭᠰᠠᠨ ᠨᠢ ᠲᠡᠭᠦᠨ ᠤ ᠲᠦᠪ ᠲᠤ ᠲᠦᠪᠯᠡᠷᠡᠬᠦ ᠡᠷᠬᠡ ᠨᠢ | ᠰᠤᠯᠠᠷᠠᠭᠰᠠᠨ ᠲᠦᠷᠦ ᠵᠠᠰᠠᠭ ᠢᠶᠠᠨ ᠮᠡᠳᠡᠷᠡᠨ ᠬᠠᠷᠠᠭᠠᠯᠵᠠᠵᠤ ᠪᠦᠯᠬᠦᠮᠳᠡᠯ ᠤᠨ ᠬᠦᠴᠦᠨ ᠢᠶᠠᠷ | ᠲᠡᠳᠬᠦᠬᠦ ᠭᠡᠰᠡᠨ ᠬᠦᠰᠡᠯ ᠢ ᠨᠢ ᠢᠯᠡᠷᠬᠡᠶᠢᠯᠡᠵᠠᠢ ᠃ | ᠲᠠᠪᠤ ᠄ ᠰᠤᠪᠬᠠᠢ ᠶᠢᠨ ᠤᠪᠤᠭ ᠬᠢᠭᠡᠳ ᠠᠶᠢᠮᠠᠭ ᠤᠨ ᠲᠤᠬᠠᠢ | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢ ᠰᠤᠪᠬᠠᠢ ᠨᠢ ᠭᠢᠶᠠᠳ ᠠᠶᠢᠮᠠᠭ ᠤᠨ | ᠪᠤᠷᠵᠢᠬᠢᠨ ᠤᠪᠤᠭᠳᠠᠨ ᠮᠦᠨ ᠃ ᠪᠠᠭᠠᠷᠢᠨ ᠭᠡᠳᠡᠭ ᠨᠢ ᠲᠡᠭᠦᠨ ᠤ ᠵᠠᠬᠢᠷᠤᠭᠰᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ | ᠤ ᠨᠡᠷᠡᠶᠢᠳᠦᠯ ᠮᠦᠨ ᠃ ᠬᠠᠷᠢᠨ ᠠᠶᠢᠮᠠᠭ ᠨᠢ ᠪᠢᠰᠢ ᠂ ᠤᠪᠤᠭ ᠨᠢ ᠨᠡᠩ ᠪᠢᠰᠢ ᠃ ᠤᠳᠤᠬᠠᠨ | ᠳᠤ ᠬᠡᠰᠡᠭ ᠪᠦᠯᠦᠭ ᠮᠤᠩᠭᠤᠯ ᠬᠦᠮᠦᠨ ᠢ ᠪᠠᠭᠳᠠᠭᠠᠭᠰᠠᠨ ᠨᠢᠭᠡ ᠪᠦᠯᠦᠭ ᠬᠦᠮᠦᠰ ᠮᠤᠩᠭᠤᠯ ᠬᠦᠮᠦᠨ | ᠳᠤ ᠤᠪᠤᠭ ᠦᠭᠡᠢ ᠭᠡᠵᠦ ᠶᠠᠷᠢᠵᠦ ᠪᠤᠢ ᠃ ᠮᠤᠩᠭᠤᠯᠴᠤᠤᠳ ᠲᠡᠭᠡᠳᠦ ᠶᠢᠨ ᠦᠶᠡ ᠲᠡᠭᠡᠨ ᠤᠪᠤᠭ | ᠪᠠᠶᠢᠭᠰᠠᠨ ᠦᠭᠡᠢ ᠨᠢ ᠯᠠᠪᠳᠠᠢ ᠂ ᠤᠴᠠᠷ ᠨᠢ ᠶᠠᠮᠠᠷ ᠪᠠ ᠦᠨᠳᠦᠰᠦᠳᠡᠨ ᠨᠢ ᠪᠦᠷᠢᠯᠳᠦᠮᠡᠩᠴᠨ ᠤᠪᠤᠭ | ᠪᠠᠶᠢᠭᠰᠨ᠋ ᠦᠭᠡᠢ ᠂ ᠨᠡᠷᠡ ᠴᠦ ᠪᠠᠶᠢᠭᠰᠠᠨ ᠦᠭᠡᠢ ᠃ ᠭᠡᠳᠡᠯᠡ ᠮᠤᠩᠭᠤᠯ ᠬᠦᠮᠦᠨ ᠳᠤ ᠬᠠᠮᠤᠭ ᠨᠠᠭᠠᠳᠦ | ᠵᠠᠬᠠ ᠳᠠᠭᠠᠨ ᠤᠳᠤᠬᠠᠨ ᠳᠤ ᠨᠢᠭᠡᠨᠳᠡ ᠤᠪᠤᠭ ᠲᠠᠢ ᠪᠤᠯᠤᠭᠰᠠᠨ ᠭᠡᠳᠡᠭ ᠮᠡᠳᠡᠷᠡᠬᠦ ᠬᠡᠷᠡᠭᠳᠠᠢ ᠃ | ᠮᠤᠩᠭᠤᠯ ᠬᠦᠮᠦᠨ ᠤ ᠤᠪᠤᠭ ᠨᠢ ᠶᠡᠷᠦᠩᠭᠬᠢ ᠳᠡᠭᠡᠨ ᠭᠤᠷᠪᠠᠨ ᠢᠷᠡᠯᠳᠡ ᠲᠠᠢ ᠃ ᠨᠢᠭᠡ ᠳᠤ ᠄ | ᠡᠷᠳᠡᠨ ᠤ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠬᠦᠭᠵᠢᠵᠦ ᠤᠪᠤᠭ ᠪᠤᠯᠤᠭᠰᠠᠨ ᠲᠡᠳᠡᠨᠡᠷ ᠪᠤᠯᠪᠠᠯ | ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠨᠢᠷᠤᠭᠤ ᠲᠤᠯᠭᠠᠭᠤᠷᠢ ᠮᠦᠨ︔ ᠬᠤᠶᠠᠷ ᠲᠤ᠄ ᠮᠤᠩᠭᠤᠯ ᠤᠨ | ᠬᠦᠴᠦᠷᠬᠡᠵᠢᠯ ᠤᠨ ᠦᠶᠡ ᠳᠤ ᠮᠤᠩᠭᠤᠯ ᠢᠵᠠᠭᠤᠷᠳᠠᠨ ᠤ ᠪᠤᠭᠤᠯ ᠠᠯᠪᠠᠳᠦ ᠨᠠᠷ ᠹᠢᠥᠳᠡᠯ | ᠢᠵᠠᠭᠤᠷᠳᠠᠨ ᠤ ᠪᠠᠨ ᠠᠶᠢᠮᠠᠭ ᠤᠪᠤᠭ ᠤᠨ ᠨᠡᠷᠡ ᠶᠢ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ ︔ ᠡᠳᠡᠭᠡᠷ ᠬᠦᠮᠦᠰ | ᠲᠤ ᠤᠯᠠᠨ ᠲᠤᠭᠠᠨ ᠤ ᠬᠠᠷᠢ ᠦᠨᠳᠦᠰᠦᠳᠡᠨ ᠤ ᠠᠯᠪᠠᠳᠦ ᠢᠷᠭᠡᠨ ᠪᠠᠭᠳᠠᠵᠦ ᠂ ᠲᠡᠦᠬᠡᠨ ᠬᠦᠭᠵᠢᠯᠳᠡ | ᠶᠢ ᠲᠠᠭᠠᠯᠳᠦᠨ ᠵᠢᠩᠬᠢᠨᠢ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠵᠤ ᠬᠤᠪᠢᠷᠠᠨ ᠠᠭᠤᠰᠴᠦ ᠮᠤᠩᠭᠤᠯᠴᠤᠳ ᠤᠨ | ᠮᠠᠨᠳᠤᠯ ᠪᠠᠭᠤᠷᠠᠯ ᠳᠤ ᠬᠦᠨᠳᠦ ᠨᠦᠯᠦᠭᠡ ᠭᠠᠷᠭᠠᠭᠰᠠᠭᠠᠷ ︔ ᠭᠤᠷᠪᠠ ᠳᠤ ᠴᠢᠩ ᠤᠯᠤᠰ ᠤᠨ | ᠬᠠᠭᠠᠳ ᠮᠤᠩᠭᠤᠯ ᠸᠠᠩ ᠭᠦᠩ ᠳᠤ ᠮᠤᠷᠳᠠᠭᠤᠯᠠᠭᠰᠠᠨ ᠠᠪᠠᠭᠠᠢ ᠭᠦᠩᠵᠦ ᠨᠠᠷ ᠤᠨ ᠲᠠᠭᠠᠭᠰᠠᠨ ᠢᠨᠵᠦ | ᠮᠠᠨᠵᠦ ᠨᠠᠷ ᠤᠨ ᠬᠤᠶᠢᠴᠢᠰ ᠦᠪᠡᠷ ᠤᠨ ᠤᠪᠤᠭ ᠢᠶᠠᠨ ᠰᠢᠭᠤᠳ ᠪᠠᠷᠢᠮᠳᠠᠯᠠᠭᠰᠠᠨ ᠃ ᠡᠳᠡᠭᠡᠷ ᠬᠦᠮᠦᠨ | ᠮᠤᠩᠭᠤᠯ ᠲᠠᠢ ᠢᠵᠢᠯᠰᠢᠨ ᠠᠭᠤᠰᠤᠭᠠᠳ ᠮᠤᠩᠭᠤᠯ ᠰᠤᠶᠤᠯ ᠂ ᠨᠡᠶᠢᠭᠡᠮ ᠂ ᠠᠵᠤ ᠠᠬᠤᠢ ᠶᠢᠨ | ᠴᠢᠨᠨᠠᠭᠰᠢᠯᠠᠪᠠᠯ ᠴᠢᠷᠡᠭ ᠲᠠᠶᠢᠨ ᠤ ᠲᠡᠦᠬᠡᠨ ᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠦᠢᠯᠳᠦᠯ ᠦᠵᠡᠭᠦᠯᠦᠭᠰᠡᠭᠡᠷ ᠃ | ᠭᠡᠬᠦ ᠳᠤ ᠬᠡᠰᠡᠭ ᠪᠦᠯᠦᠭ ᠢᠪᠴᠦ ᠦᠵᠡᠯᠳᠡᠳ ᠲᠡᠳᠡᠨᠡᠷ ᠢ ᠭᠠᠳᠠᠭᠤᠷᠴᠢᠯᠠᠵᠦ ᠶᠠᠷᠢᠳᠠᠭ ᠨᠢ ᠲᠡᠦᠬᠡᠨ | ᠴᠢᠨᠠᠷᠳᠠᠢ ᠬᠠᠷᠠᠮᠰᠠᠯ ᠪᠤᠯᠬᠤ ᠶᠤᠮ ᠃ ᠮᠤᠩᠭᠤᠯ ᠬᠦᠮᠦᠨ ᠳᠤ ᠤᠪᠤᠭ ᠲᠠᠢ ᠪᠤᠯᠤᠭᠰᠠᠨ ᠬᠠᠮᠤᠭ | ᠢᠯᠡ ᠪᠠᠷᠢᠮᠳᠠ ᠪᠤᠯᠪᠠᠯ ︿︿ ᠤᠪᠤᠭ﹀﹀ ᠭᠡᠬᠦ ᠨᠡᠷᠡ ᠦᠭᠡ ᠮᠦᠨ ᠃ ᠮᠤᠩᠭᠤᠯ ᠬᠦᠮᠦᠨ ᠳᠤ ᠤᠪᠤᠭ | ᠲᠠᠢ ᠭᠡᠳᠡᠭ ᠲᠤ ᠵᠤᠬᠢᠶᠠᠯ ᠠᠭᠤᠯᠠᠭᠠ ᠠᠴᠠ ᠬᠤᠯᠠᠳᠠᠬᠤ ᠦᠭᠡᠢ ᠶᠢᠨ ᠲᠦᠯᠦᠭᠡ ᠬᠤᠶᠠᠷᠬᠠᠨ | ᠵᠢᠰᠢᠶᠡ ᠲᠤᠷᠠᠳᠤᠶᠠ ᠃ ᠨᠢᠭᠡ ᠳᠤ ᠦᠭᠡ ᠪᠤᠯᠪᠠᠯ ᠪᠤᠰᠤᠳᠴᠢ ᠠᠬᠤᠢ ᠶᠢᠨ ᠰᠢᠭᠤᠳ ᠲᠤᠰᠬᠠᠯ ᠮᠦᠨ | ᠃ ︿︿ ᠤᠪᠤᠭ ﹀﹀ ᠭᠡᠰᠡᠨ ᠦᠭᠡ ᠪᠤᠢ ᠪᠤᠯᠵᠤ ᠬᠡᠷᠡᠭᠯᠡᠳᠡᠭᠰᠡᠨ ᠨᠢ ᠨᠢᠭᠡ ᠪᠠᠷᠢᠮᠳᠠ ᠃ ᠬᠤᠶᠠᠷ | ᠲᠤ ᠤᠷᠴᠢᠨ ᠦᠶᠡ ᠶᠢᠨ ᠠᠯᠳᠠᠷᠳᠦ ᠡᠷᠳᠡᠮᠳᠡᠨ ᠲᠠᠮᠳᠢᠩᠰᠦᠷᠤᠩ ᠤᠨ ᠰᠢᠯᠦᠭ ᠲᠤ ︿︿ ᠬᠠᠳᠠᠭᠢᠨ | ᠤᠪᠤᠭ ᠤᠨ ᠨᠡᠭᠦᠳᠡᠯᠴᠢᠨ ᠂ ᠬᠠᠷᠠᠴᠦ ᠢᠵᠠᠭᠤᠷᠳᠦ ᠲᠠᠮᠳᠢᠩᠰᠦᠷᠦᠩ ﹀﹀ ᠭᠡᠵᠦ ᠤᠶᠠᠩᠭᠠᠯᠭᠰᠠᠨ | ᠪᠠᠶᠢᠳᠠᠭ ᠃ ᠲᠠᠮᠳᠢᠩᠰᠦᠷᠦᠩ ᠨᠠᠷ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠤᠷᠴᠢᠨ ᠦᠶᠡ ᠶᠢᠨ ᠲᠡᠦᠬᠡᠨ | ᠲᠠᠬᠢ ᠬᠠᠮᠤᠭ ᠭᠠᠷᠮᠠᠭᠠᠢ ᠬᠡᠯᠡ ᠰᠤᠶᠤᠯ ᠂ ᠲᠡᠦᠬᠡ ᠶᠢᠨ ᠡᠷᠳᠡᠮᠳᠡᠨ ᠭᠡᠳᠡᠭ ᠲᠤ ᠮᠠᠷᠭᠤᠬᠤ | ᠬᠦᠮᠦᠨ ᠴᠦᠬᠡᠨ ᠪᠠᠶᠢᠭᠠ ᠃ᠮᠤᠩᠭᠤᠯ ᠬᠦᠮᠦᠨ ᠢ ᠤᠪᠤᠭ ᠦᠭᠡᠢ ᠭᠡᠳᠡᠭ ᠨᠢ ᠨᠢᠭᠡ ᠵᠦᠢᠯ ᠤᠨ | ᠲᠤᠷᠤᠮᠵᠢ ᠪᠠᠶᠢᠭᠠ ᠶᠤᠮ ᠃ | ᠡᠶᠢᠮᠦ ᠠᠴᠠ ᠰᠤᠪᠬᠠᠢ ᠶᠢᠨ ᠪᠠᠭᠠᠷᠢᠨ ᠢ ᠪᠤᠳᠠᠨᠴᠢᠷ ᠤᠨ ᠪᠠᠷᠢᠵᠦ ᠠᠪᠤᠭᠰᠠᠨ ᠡᠬᠡᠨᠡᠷ ᠠᠴᠠ | ᠲᠦᠷᠦᠭᠰᠡᠨ ︿︿ᠪᠠᠷᠢᠶᠠᠳᠠᠢ ﹀ ᠶᠢᠨ ᠬᠤᠶᠢᠴᠢᠰ ᠲᠠᠢ ᠬᠤᠳᠬᠤᠨ ᠶᠠᠷᠢᠳᠠᠭ ᠦᠵᠡᠯᠳᠡ ᠳᠤ ᠨᠠᠷᠢᠨ | ᠰᠤᠳᠤᠯᠤᠯᠳᠠ ᠬᠢᠪᠡᠯ ᠵᠤᠬᠢᠨᠠ ᠃ ᠤᠯᠠᠭᠠᠨᠬᠠᠳᠠ ᠶᠢᠨ ᠡᠳᠦᠷ ᠤᠨ ᠰᠤᠨᠢᠨ ᠤ 2010 ᠤᠨ 1 ᠰᠠᠷᠠ | ᠶᠢᠨ 1 ᠤ ᠬᠢᠳᠠᠳ ᠬᠡᠪᠯᠡᠯ ᠲᠤ ᠴᠧᠨ ᠭᠤᠸᠠᠩ ᠡᠦ ᠶᠢᠨ ᠪᠢᠴᠢᠭᠰᠡᠨ ︿︿ ᠵᠡᠭᠦᠨ ᠪᠠᠷᠠᠭᠤᠨ | ᠬᠤᠶᠠᠷ ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠨᠡᠷᠡᠶᠢᠳᠦᠯ ᠲᠤᠬᠠᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠯ ﹀﹀ ᠭᠡᠬᠦ ᠵᠤᠬᠢᠶᠠᠯ | ᠳᠠᠭᠠᠨ ︿︿ ᠬᠤᠶᠢᠳᠦ ᠠᠯᠳᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠪᠠᠷ ᠤᠤᠯ ᠤᠨ ᠮᠤᠩᠭᠤᠯ ᠠᠶᠢᠮᠠᠭ ᠪᠦᠯᠦᠭ | ᠪᠦᠯᠦᠭ ᠢᠶᠠᠷ ᠵᠠᠳᠠᠷᠠᠨ ᠰᠢᠨᠡ ᠠᠶᠢᠮᠠᠭ ᠪᠦᠷᠢᠯᠳᠦᠨ ᠲᠤᠭᠳᠠᠨᠢᠵᠠᠢ ᠃ ᠡᠨᠡᠬᠦ ᠦᠶᠡᠰ ᠪᠠᠭᠠᠷᠢᠨ | ᠭᠠᠷᠦᠯ ᠲᠠᠢ ᠮᠤᠩᠭᠤᠯ ᠴᠢᠷᠡᠭ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠢᠨᠡ ᠪᠠᠭᠠᠷᠢᠨ ᠠᠶᠢᠮᠠᠭ ᠪᠦᠷᠢᠯᠳᠦᠵᠦ | ᠰᠤᠪᠬᠠᠢ ᠲᠡᠭᠦᠨ ᠢ ᠶᠡᠷᠦᠩᠭᠡᠶᠢᠯᠡᠨ ᠵᠠᠬᠢᠷᠴᠠᠢ ᠃ ᠲᠤᠰ ᠠᠶᠢᠮᠠᠭ ᠨᠢ ᠪᠠᠭᠠᠷᠢᠨ ᠠᠶᠢᠮᠠᠭ ᠤᠨ ᠬᠦᠮᠦᠨ | ᠪᠠ ᠴᠢᠷᠡᠭ ᠪᠠᠭᠤᠳᠠᠯᠯᠠᠭᠰᠠᠨ ︿︿ᠪᠠᠶᠢᠷᠢ ﹀﹀ ᠪᠤᠯᠤᠭᠰᠠᠨ ᠠᠴᠠ ︿ ︿ ᠪᠠᠶᠢᠷᠢᠨ ﹀﹀ ᠬᠡᠮᠡᠭᠳᠡᠬᠦ | ᠪᠤᠯᠵᠠᠢ ᠭᠡᠵᠦ ᠬᠤᠶᠠᠷ ᠦᠵᠡᠯᠳᠡ ᠶᠢ ᠨᠡᠶᠢᠯᠡᠭᠦᠯᠦᠨ ᠲᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ ᠃ ᠡᠨᠡᠬᠦ ᠪᠦᠭᠡᠷᠡᠩᠬᠢ | ᠦᠵᠡᠯᠳᠡ ᠪᠠᠷ ᠲᠡᠦᠬᠡ ᠶᠢᠨ ᠨᠠᠷᠢᠨ ᠢ ᠲᠠᠶᠢᠯᠪᠦᠷᠢᠯᠠᠬᠤ ᠨᠢ ᠵᠤᠬᠢᠰ ᠦᠭᠡᠢ ᠃ ᠶᠠᠭᠤ ᠴᠦ ᠭᠡᠰᠡᠨ | ᠰᠤᠪᠬᠠᠢ ᠶᠢᠨ ᠪᠠᠭᠠᠷᠢᠨ ᠬᠢᠭᠡᠳ ︿︿ᠪᠠᠷᠢᠶᠠᠳᠠᠢ ﹀﹀ ᠶᠢᠨ ᠬᠤᠶᠢᠴᠢᠰ ᠪᠠᠭᠠᠷᠢᠨ ᠤᠪᠤᠭᠳᠠᠨ ᠲᠠᠢ | ᠶᠠᠮᠠᠷ ᠨᠢᠭᠡᠨ ᠬᠤᠯᠪᠤᠭᠳᠠᠯᠳᠠᠢ ᠭᠡᠳᠡᠭ ᠢ ᠤᠠᠯᠮ ᠨᠢᠭᠡ ᠠᠯᠬᠤᠮ ᠲᠤᠳᠤᠷᠬᠠᠶᠢᠯᠠᠬᠤ ᠴᠢᠬᠤᠯᠠ ᠲᠠᠢ ᠃ | ᠠᠳᠡ ᠵᠤᠬᠢᠶᠠᠯ ᠤᠨ ᠰᠡᠳᠦᠪ ᠠᠴᠠ ᠰᠠᠯᠬᠤ ᠠᠴᠠ ᠬᠢᠴᠢᠶᠡᠬᠦ ᠶᠢᠨ ᠲᠦᠯᠦᠭᠡ ᠠᠳᠡ ᠬᠦᠷᠳᠡᠯᠡ | ᠶᠠᠷᠢᠶᠠ ᠃ | ᠵᠢᠷᠭᠤᠭᠠ ᠄ ᠰᠤᠪᠬᠠᠢ ᠶᠢᠨ ᠰᠦᠮᠡ ᠶᠢᠨ ᠲᠤᠬᠠᠢ | ᠰᠤᠪᠬᠠᠢ ᠶᠢᠨ ᠰᠦᠮᠡ ᠶᠢᠨ ᠪᠦᠷᠢᠨ ᠨᠡᠷᠡᠶᠢᠳᠦᠯ ᠨᠢ ︿︿ ᠰᠤᠪᠬᠠᠢ ᠶᠢᠨ ᠲᠠᠷᠬᠠᠨ ᠰᠦᠮᠡ﹀﹀ | ᠭᠡᠳᠡᠭ ᠃ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠤᠳ ᠲᠡᠭᠦᠨ ᠢ ︿︿ ᠰᠤᠪᠤᠳᠢ ᠶᠢᠨ ᠰᠦᠮᠡ ﹀﹀ ᠭᠡᠳᠡᠭ ᠃ | | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠩᠬᠠᠳᠤᠭᠴᠢ ᠸᠠᠩ ᠰᠡᠪᠳᠠᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠵᠢᠷᠭᠤᠳᠤᠭᠠᠷ ᠤᠨ ᠳᠤ ᠲᠡᠭᠷᠢ ᠳᠤ ᠬᠠᠯᠢᠬᠤ ᠳᠠᠭᠠᠨ ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠭᠤᠷᠢ ᠲᠠᠯᠪᠢᠭᠴᠢ | ᠰᠤᠪᠬᠠᠢ ᠳᠤ ᠰᠦᠮᠡ ᠪᠤᠰᠬᠠᠨ ᠲᠤᠷᠰᠬᠠᠬᠤ ᠶᠢ ᠭᠡᠷᠢᠶᠡᠰᠦᠯᠡᠵᠠᠢ᠃ ᠭᠡᠷᠢᠶᠡᠰ ᠵᠠᠷᠯᠢᠭ ᠢᠶᠠᠷ ᠪᠠᠭᠠᠷᠢᠨ | ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠭᠤᠷᠪᠠᠳᠤᠭᠠᠷ ᠸᠠᠩ ᠨᠠᠮᠳᠠᠭ ᠪᠠᠭᠠᠷᠢᠨ ᠤ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠵᠡᠭᠦᠨ | ᠪᠤᠯᠤᠩ ︵ᠤᠳᠤᠬᠠᠨ ᠤ ᠯᠢᠨᠰᠢ ᠰᠢᠶᠠᠨ ᠤ ᠯᠢᠨᠰᠢ ᠪᠠᠯᠭᠠᠰᠦᠨ ᠠᠴᠠ ᠵᠡᠭᠦᠨᠰᠢ ᠨᠠᠢᠮᠠᠨ ᠭᠠᠵᠠᠷ | ᠵᠠᠶᠢᠳᠠᠢ ︶ ᠰᠦᠮᠡ ᠪᠤᠰᠬᠠᠵᠦ ᠲᠠᠬᠢᠵᠠᠢ ᠃ 1744 ᠤᠨ ᠳᠤ ᠲᠡᠭᠷᠢ ᠲᠡᠳᠬᠦᠭᠴᠢ ᠵᠡᠭᠦᠨᠰᠢ | ᠪᠠᠶᠢᠴᠠᠭᠠᠬᠤ ᠳᠠᠭᠠᠨ ᠰᠢᠳᠠᠷ ᠶᠠᠪᠤᠭᠰᠠᠨ ᠪᠠᠭᠠᠷᠢᠨ ᠤ ᠷᠢᠨᠴᠢᠨ ᠸᠠᠩ ᠳᠤ ᠴᠢᠨ ᠸᠠᠩ ᠤᠨ ᠭᠡᠷᠬᠡᠮ | ᠬᠦᠷᠳᠡᠭᠡᠵᠦ ᠃ᠰᠤᠪᠬᠠᠢ ᠶᠢᠨ ᠰᠦᠮᠡ ᠶᠢ ᠯᠠᠮᠠ ᠶᠢᠨ ᠰᠦᠮᠡ ᠪᠤᠯᠭᠠᠨ ᠦᠷᠭᠡᠳᠬᠡᠨ ᠪᠠᠶᠢᠭᠤᠯᠬᠤ | ᠶᠢ ᠰᠤᠶᠤᠷᠬᠠᠨ ︿︿ᠪᠦᠬᠦᠳᠡ ᠶᠢ ᠦᠷᠨᠢᠭᠦᠯᠦᠭᠴᠢ ᠰᠦᠮᠡ ﹀﹀ ᠬᠡᠮᠡᠨ ᠨᠡᠷᠡᠶᠢᠳᠴᠠᠢ ᠃ ᠭᠡᠳᠡᠯᠡ | ᠨᠤᠳᠤᠭ ᠤᠨ ᠬᠦᠮᠦᠨ ᠮᠦᠨ ᠯᠡ ︿︿ᠰᠤᠪᠬᠠᠢ ᠶᠢᠨ ᠰᠦᠮᠡ ﹀﹀ ᠭᠡᠵᠦ ᠲᠠᠭᠤᠳᠠᠵᠤ ᠂ ᠬᠤᠵᠢᠮ ᠨᠢ | ︿︿ᠰᠤᠪᠤᠳᠢ ᠶᠢᠨ ᠰᠦᠮᠡ﹀﹀ ᠭᠡᠵᠦ ᠠᠪᠢᠶᠠᠨ ᠤ ᠤᠨᠳᠤᠤᠰᠢᠯ ᠡᠭᠦᠰᠴᠠᠢ ᠃ | ᠰᠤᠪᠬᠠᠢ ᠶᠢᠨ ᠰᠦᠮᠡ ᠨᠢ ᠠᠭᠤᠯᠠᠨ ᠰᠢᠭᠤᠢ ᠶᠢ ᠠᠷᠤᠯᠠᠵᠤ ᠂ ᠭᠠᠯᠳᠠᠰᠤᠳᠠᠢ ᠭᠤᠤᠯ ᠢ ᠢᠰᠭᠦᠯᠡᠨ | ᠪᠠᠶᠢᠷᠰᠢᠵᠠᠢ ᠃ ᠪᠠᠳᠠᠷᠠᠨ ᠬᠦᠭᠵᠢᠭᠰᠡᠨ ᠴᠠᠭ ᠲᠠᠭᠠᠨ 300 ᠢᠯᠡᠭᠦᠦ ᠯᠠᠮᠠ ᠬᠤᠸᠠᠷᠠᠭ ᠂ 80 ᠢᠯᠡᠭᠦᠦ | ᠤᠷᠤᠨ ᠰᠠᠭᠤᠴᠠ ᠲᠠᠢ ᠪᠠᠶᠢᠵᠠᠢ ᠃ ᠪᠠᠭᠠᠷᠢᠨ ᠤ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠶᠢᠨ ᠦᠶᠡᠰ ᠂ | ᠪᠠᠳᠠᠷᠭᠤᠯᠳᠦ ᠲᠦᠷᠦ ᠶᠢᠨ 33 ᠤᠨ ︵1908︶ ᠳᠤ ᠯᠠᠮᠠ ᠬᠤᠸᠠᠷᠠᠭ ᠢ ᠨᠢ ᠠᠯᠪᠠᠳᠠᠨ | ᠵᠠᠶᠢᠯᠠᠭᠤᠯᠵᠤ ᠂ ᠰᠦᠮᠡ ᠶᠢ ᠨᠢ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠲᠤᠪᠴᠢᠶᠠ ᠳᠤ ᠲᠦᠷᠢᠶᠡᠰᠦᠯᠡᠨ ᠦᠭᠴᠦ ᠂ | ᠢᠷᠭᠡᠨ ᠤᠯᠤᠰ ᠤᠨ 10 ᠤᠨ ︵1921︶ ᠤᠨ ᠳᠤ ᠨᠤᠷᠠᠭᠠᠵᠦ ᠤᠷᠬᠢᠵᠠᠢ ᠃ | ᠨᠠᠶᠢᠷᠠᠭᠤᠯᠤᠭᠰᠠᠨ ᠤ ᠲᠠᠷᠠᠭᠠᠬᠢ ᠦᠭᠡ | ᠪᠠᠭᠠᠷᠢᠨ ᠬᠤᠰᠢᠭᠤᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢ ᠰᠤᠪᠬᠠᠢ ᠶᠢᠨ ᠲᠤᠬᠠᠢ ᠪᠢᠴᠬᠦ ᠪᠠᠷ ᠨᠡᠯᠢᠶᠡᠳ | ᠡᠷᠳᠡ ᠲᠦᠯᠦᠪᠡᠯᠭᠰᠡᠨ ᠃ ᠭᠡᠳᠡᠯᠡ ᠮᠡᠳᠡᠯᠭᠡ ᠂ ᠮᠠᠲ᠋ᠡᠷᠢᠶᠠᠯ ᠂ ᠴᠠᠭ ᠵᠢᠴᠢ ᠵᠦᠪᠯᠡᠯᠭᠡ ᠦᠭᠬᠦ ᠬᠦᠮᠦᠨ | ᠲᠤᠳᠠᠭᠳᠠᠭᠠᠳ ᠦᠨᠦᠬᠡᠨ ᠲᠤᠭᠤᠷᠪᠢᠵᠦ ᠲᠠᠭᠤᠰᠬᠠᠯᠠ ᠃ ᠭᠤᠤᠯ ᠲᠦᠰᠢᠭᠯᠡᠭᠰᠡᠨ ᠮᠠᠲ᠋ᠡᠷᠢᠶᠠᠯ ᠪᠤᠯᠪᠠᠯ ︿ | ︿︿︿ᠸᠠᠨ ᠯᠢ ᠶᠢᠨ ᠴᠢᠷᠡᠭ ᠤᠨ ᠵᠢᠳᠬᠦᠯᠳᠡᠨ ᠤ ᠲᠡᠮᠳᠡᠭᠡᠯᠡᠯ ﹀﹀ ᠂ ︿︿ ᠤᠮᠠᠷᠠᠳᠦ ᠶᠤᠸᠠᠨ ᠤ | ᠲᠡᠦᠭᠡ ﹀ ﹀ ᠂ ︿︿ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠶᠢᠯᠯᠭᠠ ﹀﹀ ᠪᠤᠯᠤᠨᠠ ᠃ ᠪᠢᠴᠢᠬᠦ | ᠠᠴᠠ ᠡᠮᠦᠨᠡ ᠪᠤᠰᠤᠳ ᠤᠨ ᠵᠤᠬᠢᠶᠠᠯ ᠲᠠᠢ ᠠᠭᠤᠯᠭᠠ ᠰᠡᠳᠦᠪ ᠪᠦᠷᠢᠮᠦᠰᠨ ᠲᠠᠪᠬᠤᠴᠠᠬᠤ ᠠᠴᠠ | ᠬᠢᠴᠢᠶᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠳᠤ ᠲᠤᠷᠠ ᠪᠠᠭ᠋ᠠᠳᠠᠢ ᠬᠠᠮᠳᠦ ᠰᠤᠷᠤᠯᠭᠠᠳᠠᠨ ᠨᠠᠷ ᠠᠴᠠ ᠪᠠᠨ | ᠰᠤᠷᠠᠭᠰᠠᠨ ᠂ ᠬᠠᠷᠢᠭᠤ ᠨᠢ ︿︿ ᠬᠠᠷᠠᠬᠠᠨ ᠤᠩᠰᠢᠭᠠ ᠦᠭᠡᠢ ﹀﹀ ᠭᠡᠰᠡᠨ ᠂ ᠂ ᠠᠭᠤᠯᠭᠠ ᠂ | ᠰᠡᠳᠦᠪ ᠪᠦᠷᠢᠮᠦᠰᠨ ᠲᠠᠪᠬᠤᠴᠠᠭᠰᠠᠨ ᠦᠭᠡᠢ ᠪᠠᠶᠢᠬᠤ ᠶᠢ ᠵᠦᠩᠨᠡᠨ ᠬᠢᠴᠢᠶᠡᠶᠡ ᠃ ᠲᠤᠭᠤᠷᠪᠢᠨ | ᠪᠢᠴᠢᠬᠦ ᠶᠠᠪᠤᠴᠠᠡᠷᠳᠡᠨ ᠤ ᠮᠤᠩᠭᠤᠯ ᠬᠦᠮᠦᠨ ᠤ ᠨᠡᠷᠡ ᠶᠢ ᠬᠢᠳᠠᠳ ᠬᠡᠯᠡᠨ ᠠᠴᠠ ᠠᠪᠢᠶᠠᠯᠠᠨ | ᠪᠤᠴᠠᠭᠠᠬᠤ ᠳᠤ ᠬᠦᠴᠢᠷᠳᠡᠭᠰᠡᠨ ᠂ ᠠᠯᠳᠠᠭᠠ ᠪᠤᠷᠤᠭᠤ ᠤᠯᠠᠨ ᠪᠠᠶᠢᠬᠤ ᠨᠢ ᠲᠡᠮᠵᠢᠭ ᠦᠭᠡᠢ ᠂ ᠦᠵᠡᠬᠦ | ᠮᠡᠷᠭᠡᠳ ᠠᠭᠤᠴᠢᠯᠠᠨ ᠤᠩᠰᠢᠮᠦ ᠃ | ᠨᠠᠶᠢᠷᠠᠭᠤᠯᠦᠨ ᠡᠮᠡᠳᠬᠢᠬᠦ ᠶᠠᠪᠤᠴᠠ ᠳᠤ ᠯᠢᠨᠰᠢ ᠰᠢᠶᠠᠨ ᠤ ᠠᠷᠠᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ | ᠪᠠᠶᠢᠩᠭᠤ ᠶᠢᠨ ᠶᠡᠭᠡ ᠬᠤᠷᠠᠯ ᠤᠨ ᠤᠤᠯ ᠤᠨ ᠲᠡᠳ᠋ ᠡᠷᠬᠢᠯᠡᠭᠴᠢ ᠡᠤ ᠶᠦᠩ ᠱᠠᠨ ᠠᠪᠤᠭᠠᠢ | ᠬᠠᠯᠠᠭᠤᠨ ᠭᠠᠷ ᠢᠶᠠᠨ ᠰᠤᠩᠭᠠᠵᠦ ᠬᠠᠷᠠᠮ ᠦᠭᠡᠢ ᠲᠡᠮᠵᠢᠯᠭᠡ ᠦᠵᠡᠭᠦᠯᠦᠨ ᠂ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠬᠤ ᠶᠢᠨ | ᠬᠠᠮᠳᠦ ᠵᠦᠪᠯᠡᠯᠭᠡ ᠦᠭᠴᠦ ᠵᠤᠬᠢᠶᠠᠯ ᠤᠨ ᠨᠤᠤᠷᠠᠭ ᠢ ᠬᠢᠨᠡᠨ ᠲᠤᠭᠳᠠᠭᠠᠰᠠᠨ ᠶᠤᠮ ᠃ ᠲᠠᠯᠠᠷᠬᠠᠯ | ᠢᠯᠡᠷᠬᠡᠶᠢᠯᠡᠶᠡ ᠃ | | | | | | | | | | | | | |