| ᠨᠠᠳᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠮᠠᠨ ᠤ ᠨᠤᠳᠤᠭ ᠤᠨ ᠲᠤᠮᠤᠴᠤᠤᠯ ᠤᠳ ᠡᠩ ᠳᠡᠭᠡᠨ ᠪᠦᠷ ᠨᠠᠪᠴᠢᠨ ᠲᠠᠮᠠᠬᠢ | ᠲᠠᠲᠠᠵᠠᠭᠠᠳᠠᠭ ᠪᠠ ᠪᠦᠰᠡᠭᠦᠶᠢᠴᠦᠳ ᠤᠨ ᠲᠤᠲᠤᠷᠠ ᠭᠡᠳ ᠲᠠᠮᠠᠬᠢᠨ ᠬᠤᠷᠣᠬᠠᠢ ᠲᠠᠢ ᠨᠢ ᠴᠦᠬᠡᠨ ᠪᠤᠰᠣ ᠪᠠᠶᠢᠵᠠᠢ᠃ | ᠡᠪᠦᠭᠡᠨ ᠪᠤᠭᠤᠷᠣᠯᠴᠦᠳ ᠱᠤᠤᠯᠠᠵᠤ ᠡᠯᠳᠡᠭᠰᠡᠨ ᠬᠤᠨᠢᠨ ᠠᠷᠠᠰᠣᠨ ᠤᠭᠤᠲᠠᠨ ᠳᠤ ᠬᠡᠮᠬᠡᠳᠡᠭ ᠲᠠᠮᠠᠬᠢ ᠪᠠᠨ ᠬᠢᠵᠦ | ᠠᠪᠤᠭᠠᠳ ᠤᠷᠳᠤ ᠣᠬᠤᠷ ᠨᠢ ᠠᠳᠠᠯᠢ ᠦᠭᠡᠢ ᠰᠢᠷᠠ ᠭᠠᠤᠯᠢᠨ ᠲᠤᠯᠤᠭᠠᠢ ᠲᠠᠢ ᠮᠠᠨᠤᠨ ᠰᠢᠯᠪᠢᠲᠦ ᠭᠠᠩᠰᠠ | ᠵᠠᠷᠤᠳᠠᠭ ᠨᠢ ᠣᠯᠠᠩᠬᠢ ᠲᠤᠭᠠ ᠶᠢ ᠡᠵᠡᠯᠡᠳᠡᠭ ᠤᠨ ᠲᠤᠲᠤᠷᠠ ᠵᠠᠷᠢᠮ ᠨᠢᠭᠡ ᠬᠤᠶᠠᠷ ᠨᠢ ᠪᠠᠰᠠ ᠬᠠᠰ ᠤᠨ ᠰᠢᠯᠪᠢ | ᠲᠠᠢ ᠭᠠᠩᠰᠠ ᠪᠠᠷ ᠢᠶᠠᠨ ᠬᠠᠯᠠᠭᠤᠨ ᠰᠣᠷᠲᠤᠭᠤ ᠤᠷᠬᠢᠳᠠᠭ᠃ ᠵᠠᠯᠠᠭᠤᠴᠣᠳ ᠪᠤᠯᠤᠨ ᠬᠡᠦᠬᠡᠨᠴᠦᠳ ᠵᠦᠢᠯ | ᠪᠦᠷᠢ ᠶᠢᠨ ᠴᠡᠴᠡᠭ ᠬᠤᠸᠠᠷ ᠰᠢᠪᠠᠭᠤ ᠪᠤᠯᠵᠤᠮᠤᠷ ᠬᠠᠳᠬᠤᠮᠠᠯᠠᠭᠰᠠᠨ ᠪᠥᠰ ᠪᠤᠶᠤ ᠲᠣᠷᠭᠠᠨ ᠬᠠᠪᠲᠠᠭᠠ ᠲᠤᠲᠤᠷᠠ | ᠲᠠᠮᠠᠬᠢ ᠪᠠᠨ ᠤᠭᠤᠲᠠᠯᠠᠵᠤ ᠨᠢᠮᠭᠡᠨ ᠴᠠᠭᠠᠰᠣᠨ ᠳᠤ ᠪᠠᠭᠯᠠᠨ ᠤᠷᠢᠶᠠᠵᠤ ᠲᠠᠲᠠᠲᠠᠭ ᠪᠠᠶᠢᠵᠠᠢ᠃ ᠲᠡᠭᠡᠬᠦ ᠪᠠᠷ ᠲᠠᠮᠠᠬᠢ | ᠰᠠᠶᠢᠨ ᠲᠠᠲᠠᠳᠠᠭ ᠭᠠᠵᠠᠷ ᠤᠨ ᠬᠦᠮᠦᠰ ᠤᠳ ᠲᠠᠮᠠᠬᠢ ᠰᠠᠶᠢᠨ ᠲᠠᠷᠢᠳᠠᠭ ᠨᠢ ᠭᠠᠶᠢᠬᠠᠯᠳᠠᠢ ᠪᠢᠰᠢ ᠶᠠᠪᠤᠳᠠᠯ ᠶᠤᠮᠰᠠᠨ᠃ | | ᠮᠢᠨᠦ ᠡᠪᠦᠭᠡ ᠲᠠᠮᠠᠬᠢ ᠲᠠᠷᠢᠵᠤ ᠡᠳᠡᠰᠢᠭᠦᠯᠬᠦ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠷ ᠤᠶᠢᠷᠠ ᠬᠠᠪᠢ ᠳᠠᠭᠠᠨ ᠠᠯᠳᠠᠷ ᠲᠠᠢ | ᠪᠠᠶᠢᠵᠠᠢ᠃ ᠴᠡᠭᠡᠵᠢᠯᠡᠵᠦ ᠪᠠᠶᠢᠬᠤ ᠪᠠᠷ ᠮᠠᠨ ᠤ ᠨᠤᠲᠤᠭ ᠲᠤ ᠬᠠᠷᠠ ᠰᠣᠯᠢᠭ ᠲᠠᠮᠠᠬᠢ᠂ ᠰᠢᠷᠠ ᠰᠣᠯᠢᠭ ᠲᠠᠮᠠᠬᠢ᠂ | ᠮᠣᠩᠭᠤᠯ ᠲᠠᠮᠠᠬᠢ ᠭᠡᠵᠦ ᠭᠤᠷᠪᠠᠨ ᠲᠦᠷᠦᠯ ᠤᠨ ᠲᠠᠮᠠᠬᠢ ᠲᠠᠷᠢᠵᠤ ᠪᠠᠶᠢᠪᠠ᠃ ᠬᠠᠷᠠ ᠰᠣᠯᠢᠭ ᠨᠢ ᠨᠠᠪᠴᠢ ᠨᠢ ᠪᠠᠭᠠ | ᠂ ᠭᠦᠨ ᠬᠠᠷᠠᠪᠳᠤᠷ ᠨᠤᠭᠤᠭᠠᠨ ᠥᠩᠭᠡᠳᠡᠢ᠂ ᠡᠳᠡᠰᠢᠭᠦᠯᠵᠦ ᠬᠠᠲᠠᠭᠠᠭᠰᠠᠨ ᠬᠤᠶᠢᠨᠠ ᠪᠤᠷᠤ ᠤᠯᠠᠭᠠᠪᠳᠤᠷ ᠥᠩᠭᠡᠳᠡᠢ | ᠪᠣᠯᠳᠠᠭ ᠪᠠ ᠢᠳᠡ ᠨᠢ ᠢᠷᠮᠡᠭᠦᠨ᠃ ᠰᠢᠷᠠ ᠰᠣᠯᠢᠭ ᠨᠢ ᠭᠦᠶᠦᠬᠡᠨ ᠬᠠᠷᠠᠪᠳᠤᠷ ᠥᠩᠭᠡᠳᠡᠢ᠂ ᠬᠠᠷᠠ | ᠰᠣᠯᠢᠭ ᠠᠴᠠ ᠪᠠᠨ ᠭᠦᠶᠦᠬᠡᠨ ᠤᠯᠠᠭᠠᠨ ᠥᠩᠭᠡᠳᠡᠢ ᠪᠠᠶᠢᠵᠤ ᠢᠳᠡ ᠨᠢ ᠪᠠᠭᠠ ᠰᠣᠯᠠᠪᠳᠤᠷ ᠪᠠᠶᠢᠳᠠᠭ᠃ ᠮᠣᠩᠭᠤᠯ | ᠲᠠᠮᠠᠬᠢ ᠨᠢ ᠤᠷᠭᠤᠬᠤ ᠨᠢ ᠦᠨᠳᠦᠷ᠂ ᠨᠠᠪᠴᠢ ᠨᠢ ᠦᠷᠭᠡᠨ ᠪᠦᠭᠡᠳ ᠪᠦᠳᠦᠭᠦᠨ᠂ ᠡᠳᠡᠰᠢᠭᠦᠯᠵᠦ ᠭᠠᠷᠤᠭᠰᠠᠨ | ᠬᠤᠶᠢᠨᠠ ᠰᠢᠷᠡᠪᠳᠦᠷ ᠥᠩᠭᠡᠳᠡᠢ ᠪᠠᠶᠢᠵᠤ ᠲᠠᠲᠠᠬᠤ ᠳᠤ ᠬᠦᠴᠦ ᠨᠢ ᠰᠣᠯᠠ ᠠᠮᠲᠠ ᠨᠢ ᠲᠠᠭᠠᠳᠠᠢ ᠪᠠᠶᠢᠳᠠᠭ᠃ | ᠲᠡᠶᠢᠮᠦ ᠠᠴᠠ ᠤᠯᠠᠩᠬᠢ ᠬᠦᠮᠦᠰ ᠪᠦᠷ ᠮᠣᠩᠭᠤᠯ ᠲᠠᠮᠠᠬᠢ ᠪᠠᠨ ᠲᠠᠲᠠᠳᠠᠭ ᠪᠠ ᠰᠤᠯᠢᠭ ᠲᠠᠮᠠᠬᠢ ᠲᠠᠲᠠᠬᠤ ᠨᠢ ᠮᠠᠰᠢ | ᠴᠦᠬᠡᠨ ᠪᠠᠶᠢᠵᠠᠢ᠃ | ᠡᠪᠦᠭᠡ ᠮᠢᠨᠢ ᠬᠠᠩᠰᠢ ᠨᠡᠬᠡᠭᠡᠵᠦ ᠭᠠᠵᠠᠷ ᠤᠰᠤ ᠬᠥᠪᠦᠷᠢᠭᠡᠳ ᠬᠠᠪᠤᠷ ᠤᠨ ᠤᠷᠢᠬᠠᠨ ᠰᠠᠭᠠᠲᠠᠬᠤ ᠦᠶᠡᠰ ᠨᠢᠭᠡᠨ | ᠤᠶᠠᠨ ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠡᠳᠦᠷ ᠢ ᠰᠣᠩᠭᠤᠨ ᠠᠳᠠᠯᠢ ᠪᠤᠰᠤ ᠶᠢᠨ ᠭᠤᠷᠪᠠᠨ ᠲᠦᠷᠦᠯ ᠤᠨ ᠲᠠᠮᠠᠬᠢ ᠶᠢᠨ | ᠦᠷᠡ ᠪᠠᠨ ᠨᠢᠳᠤᠷᠭᠠᠨ ᠬᠢᠷᠢᠳᠡᠢ ᠭᠤᠷᠪᠠᠨ ᠪᠥᠰ ᠤᠭᠤᠲᠠᠨ ᠳᠤ ᠢᠯᠭᠠᠨ ᠬᠢᠵᠦ ᠠᠮᠠ ᠪᠠᠷ ᠢᠶᠠᠨ ᠤᠰᠤ | ᠰᠦᠷᠴᠢᠵᠦ ᠨᠣᠷᠠᠭᠠᠭᠠᠳ ᠬᠠᠨᠵᠤᠨ ᠤ ᠪᠠᠨ ᠬᠠᠯᠠᠭᠤᠨ ᠵᠠᠬᠠ ᠪᠠᠷ ᠲᠠᠷᠤᠵᠤ ᠲᠠᠯᠪᠢᠳᠠᠭ᠃ ᠲᠡᠭᠦᠨ ᠢᠶᠠᠨ ᠡᠳᠦᠷ | ᠪᠦᠷᠢ ᠨᠢᠭᠡ ᠤᠳᠠᠭᠠ ᠭᠠᠷᠭᠠᠨ ᠠᠪᠴᠤ ᠤᠰᠤ ᠰᠦᠷᠴᠢᠭᠡᠳ ᠲᠣᠣᠷᠠ ᠲᠡᠭᠡᠷᠡᠬᠢ ᠶᠢ ᠨᠢ ᠤᠷᠪᠠᠭᠤᠯᠵᠤ | ᠬᠥᠷᠪᠡᠭᠦᠯᠦᠭᠰᠡᠭᠡᠷ ᠲᠠᠯᠪᠢᠨᠠ᠃ ᠪᠠᠷᠤᠭ ᠭᠠᠷᠠᠭ ᠤᠨ ᠴᠠᠭ ᠪᠤᠯᠤᠭᠠ ᠦᠭᠡᠢ ᠪᠠᠷ ᠤᠭᠤᠲᠠᠨ ᠲᠤᠲᠤᠷᠠᠬᠢ ᠲᠠᠮᠠᠬᠢᠨ | ᠦᠷᠡ ᠨᠢ ᠬᠥᠪᠥᠷᠢᠨ ᠡᠬᠢᠯᠡᠵᠦ ᠨᠢᠯᠬᠠ ᠰᠢᠷᠠ ᠨᠢᠳᠦ ᠲᠦᠯᠬᠢᠬᠦ ᠦᠶᠡᠰ ᠭᠠᠷᠭᠠᠵᠤ ᠠᠪᠤᠭᠠᠳ ᠠᠯᠢ ᠡᠷᠲᠡ | ᠵᠠᠰᠠᠵᠤ ᠲᠠᠯᠪᠢᠭᠰᠠᠨ ᠵᠤᠵᠠᠭᠠᠨ ᠨᠦᠮᠦᠷᠢ ᠲᠠᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠰᠢᠷᠡᠭᠡ ᠳᠡᠭᠡᠨ ᠴᠢᠬᠢ ᠭᠠᠷᠭᠠᠵᠤ ᠲᠠᠯᠪᠢᠳᠠᠭ | ᠪᠦᠭᠡᠳ ᠡᠳᠦᠷ ᠪᠦᠷᠢ ᠲᠤᠭᠲᠠᠭᠰᠠᠨ ᠴᠠᠭ ᠲᠠᠢ ᠲᠤᠭᠲᠠᠭᠰᠠᠨ ᠬᠡᠮᠵᠢᠶᠡ ᠲᠠᠢ ᠤᠰᠤ ᠰᠦᠷᠴᠢᠭᠡᠳ ᠲᠡᠭᠡᠷᠡ ᠨᠢ | ᠵᠡᠭᠡᠰᠦᠨ ᠨᠦᠮᠦᠷᠢᠭᠡ ᠬᠤᠴᠠᠵᠤ ᠥᠭᠳᠡᠭ ᠪᠠᠶᠢᠯᠠ᠃ | ᠰᠢᠷᠡᠭᠡ ᠵᠠᠰᠠᠵᠤ ᠲᠠᠷᠢᠭᠰᠠᠨ ᠲᠠᠮᠠᠬᠢᠨ ᠦᠷᠡ ᠨᠢ ᠨᠠᠷᠠ ᠰᠠᠯᠭᠢᠨ ᠤ ᠰᠦᠨ ᠠᠮᠢᠰᠬᠤᠯ ᠠᠪᠴᠤ ᠬᠡᠳᠦᠬᠡᠨ | ᠡᠳᠦᠷ ᠪᠣᠯᠤᠯ ᠦᠭᠡᠢ ᠬᠦᠷᠦᠰᠦ ᠪᠠᠨ ᠲᠦᠯᠬᠢᠨ ᠪᠤᠯᠳᠠᠶᠢᠨ ᠭᠠᠷᠴᠤ ᠢᠷᠡᠭᠡᠳ ᠴᠢᠬᠢᠯᠡᠵᠦ ᠤᠷᠭᠤᠨᠠ᠃ ᠡᠪᠦᠭᠡ | ᠪᠠᠷᠤᠭ ᠡᠳᠦᠷ ᠪᠦᠷᠢ ᠲᠠᠮᠠᠬᠢᠨ ᠰᠢᠷᠡᠭᠡᠨ ᠤ ᠪᠠᠨ ᠲᠠᠯᠠ ᠳᠤ ᠤᠴᠢᠵᠣ ᠬᠠᠯᠠᠭᠤᠨ ᠬᠦᠢᠳᠡᠨ ᠢ ᠨᠢ ᠲᠡᠩᠴᠡᠭᠦᠯᠵᠦ | ᠥᠭᠬᠦ ᠶᠢᠨ ᠲᠠᠭᠤ ᠲᠠᠮᠠᠬᠢᠨ ᠴᠢᠬᠢᠨ ᠤ ᠤᠷᠭᠤᠴᠠ ᠶᠢ ᠠᠩᠬᠠᠷᠴᠤ ᠶᠠᠪᠤᠳᠠᠭ᠃ ᠵᠠᠷᠢᠮ ᠨᠢᠭᠡ ᠰᠠᠯᠬᠢ ᠵᠢᠪᠠᠷ ᠲᠠᠢ | ᠠᠭᠤᠷ ᠠᠮᠢᠰᠬᠤᠯ ᠵᠢᠭᠡᠭᠦᠨ ᠡᠳᠦᠷ ᠲᠠᠭᠠᠷᠠᠪᠠᠯ ᠲᠠᠮᠠᠬᠢᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠪᠠᠨ ᠵᠡᠭᠡᠰᠦ ᠪᠠᠷ ᠬᠦᠷᠦᠭᠰᠡᠨ ᠵᠣᠵᠠᠭᠠᠨ | ᠬᠤᠴᠢᠯᠭᠠ ᠪᠠᠨ ᠵᠠᠯᠭᠠᠵᠤ ᠨᠦᠮᠦᠷᠢᠭᠡᠨ ᠥᠭᠳᠡᠭ᠃ ᠤᠳᠠᠯ ᠦᠭᠡᠢ ᠲᠠᠮᠠᠬᠢᠨ ᠴᠢᠬᠢ ᠣᠷᠭᠤᠨ ᠦᠰᠴᠦ ᠲᠦᠷᠪᠡᠨ | ᠬᠤᠷᠤᠭᠤ ᠪᠤᠯᠲᠠᠯᠠ ᠪᠦᠳᠦᠭᠦᠷᠡᠬᠦ ᠳᠤ ᠬᠦᠷᠦᠰᠦ ᠱᠢᠷᠤᠢ ᠴᠤ ᠲᠤᠯᠠᠭᠠᠨ ᠪᠦᠯᠢᠶᠡᠨ ᠪᠣᠯᠵᠤ ᠪᠤᠷᠣᠭᠠᠨ ᠬᠤᠷᠠ | ᠰᠢᠪᠡᠷᠢᠵᠦ ᠡᠬᠢᠯᠡᠳᠡᠭ ᠢᠶᠠᠷ ᠡᠪᠦᠭᠡ ᠮᠢᠨᠢ ᠲᠠᠮᠠᠬᠢᠨ ᠴᠢᠬᠢ ᠪᠠᠷ ᠰᠣᠭᠤᠯᠣᠨ ᠠᠪᠴᠤ ᠨᠢᠭᠡ ᠨᠢᠭᠡ ᠰᠠᠭᠤᠷᠢ ᠪᠠᠷ ᠨᠢᠭᠡ | ᠨᠢᠭᠡ ᠵᠤᠷᠬᠠ ᠭᠠᠷᠭᠠᠵᠤ ᠵᠠᠶᠢᠯᠠᠵᠤ ᠲᠠᠯᠪᠢᠭᠠᠳ ᠲᠠᠮᠠᠬᠢᠨ ᠲᠠᠷᠢᠶᠠᠨ ᠳᠠᠭᠠᠨ ᠮᠤᠩᠭᠢᠨᠠᠭᠰᠠᠭᠠᠷ ᠨᠠᠮᠤᠷ ᠪᠣᠯᠣᠨᠠ᠃ | ᠵᠤᠨ ᠤ ᠭᠤᠣᠯ ᠦᠩᠭᠡᠷᠡᠵᠦ ᠨᠠᠮᠤᠷ ᠤᠨ ᠰᠠᠯᠬᠢ ᠮᠡᠷ ᠮᠡᠷ ᠦᠯᠢᠶᠡᠵᠦ ᠡᠬᠢᠯᠡᠬᠦ ᠦᠶᠡᠰ ᠡᠪᠦᠭᠡ ᠪᠠᠷᠤᠭ ᠲᠠᠪᠤ | ᠵᠢᠷᠭᠤᠭᠠᠨ ᠨᠠᠰᠤᠳᠠᠢ ᠬᠡᠦᠬᠡᠳ ᠤᠨ ᠪᠡᠶᠡ ᠳᠠᠪᠠᠲᠠᠯᠠ ᠦᠨᠳᠦᠷ ᠲᠡᠯᠭᠡᠵᠦ ᠤᠷᠭᠤᠭᠰᠠᠨ ᠲᠠᠮᠠᠬᠢᠨ ᠤ ᠪᠠᠨ ᠲᠠᠮᠠᠬᠢ | ᠤᠷᠤᠭᠰᠠᠨ ᠪᠦᠳᠦᠭᠦᠨ ᠨᠠᠪᠴᠢᠰ ᠶᠢ ᠲᠡᠭᠦᠨ ᠠᠪᠴᠤ ᠬᠡᠳᠦᠨ ᠡᠳᠦᠷ ᠠᠬᠢ ᠰᠦᠢᠬᠡ ᠪᠠᠷ ᠳᠠᠷᠤᠵᠤ ᠦᠨᠦᠷ | ᠰᠠᠭᠤᠯᠭᠠᠭᠰᠠᠨ ᠬᠤᠶᠢᠨᠠ ᠴᠢᠬᠢᠷᠮᠠ ᠪᠤᠶᠤ ᠤᠳᠣᠯ ᠡᠪᠡᠰᠦ ᠪᠠᠷ ᠤᠷᠲᠤ ᠤᠷᠲᠤ ᠲᠡᠭᠡᠰᠦᠯᠡᠵᠦ ᠠᠪᠳᠠᠭ᠃ | ᠲᠡᠭᠡᠰᠦᠯᠡᠭᠰᠡᠨ ᠲᠠᠮᠠᠬᠢ ᠪᠠᠨ ᠦᠳᠡᠰᠢ ᠳᠡᠭᠡᠨ ᠰᠢᠭᠦᠳᠡᠷᠢ ᠢᠳᠡᠭᠦᠯᠵᠦ ᠡᠳᠦᠷ ᠲᠡᠭᠡᠨ ᠬᠠᠰᠢᠶᠠᠨ ᠤ ᠰᠢᠪᠡᠭᠡ ᠪᠤᠶᠤ | ᠲᠤᠰᠬᠠᠢ ᠭᠠᠵᠠᠷ ᠠᠪᠠᠴᠢᠵᠤ ᠡᠯᠭᠦᠨᠡ᠃ ᠲᠡᠭᠡᠵᠦ ᠰᠠᠷᠠ ᠰᠢᠬᠠᠮ ᠠᠯᠵᠢᠶᠠᠯ ᠦᠭᠡᠢ ᠡᠭᠡᠯᠵᠢᠯᠡᠨ ᠰᠡᠯᠭᠦᠭᠰᠡᠭᠡᠷ | ᠲᠠᠮᠠᠬᠢ ᠨᠢ ᠢᠳᠡᠭᠡᠰᠢᠨ ᠭᠦᠢᠴᠡᠵᠦ ᠬᠠᠮᠠᠷ ᠴᠤᠷᠬᠢᠮᠠ ᠰᠠᠶᠢᠬᠠᠨ ᠦᠨᠦᠷ ᠰᠠᠭᠤᠬᠤ ᠦᠶᠡᠰ ᠲᠡᠭᠡᠰᠦ ᠲᠠᠢ | ᠳᠠᠮᠠᠬᠢ ᠢᠶᠠᠨ ᠤᠷᠢᠶᠠᠨ ᠠᠪᠴᠤ ᠴᠢᠬᠢᠭ ᠨᠦᠢᠳᠡᠨ ᠦᠭᠡᠢ ᠰᠠᠯᠬᠢ ᠵᠢᠪᠠᠷ ᠨᠡᠪᠳᠡᠷᠬᠡᠢ ᠭᠠᠵᠠᠷ ᠢ ᠰᠢᠯᠢᠨ ᠬᠠᠳᠠᠭᠠᠯᠠᠵᠤ | ᠲᠠᠯᠪᠢᠳᠠᠭ᠃ | ᠮᠢᠨᠦ ᠡᠪᠦᠭᠡ ᠢᠩᠭᠢᠵᠦ ᠨᠠᠪᠴᠢᠨ ᠲᠠᠮᠠᠬᠢ ᠰᠠᠶᠢᠨ ᠲᠠᠷᠢᠳᠠᠭ ᠪᠦᠭᠡᠳ ᠶᠢᠷᠢᠨ ᠬᠤᠶᠠᠷ ᠨᠠᠰᠣᠳᠠᠢ ᠪᠤᠷᠬᠠᠨ | ᠪᠤᠯᠲᠠᠯᠠ ᠲᠠᠮᠠᠬᠢ ᠪᠠᠨ ᠵᠤᠭᠰᠣᠯ ᠦᠭᠡᠢ ᠲᠠᠲᠠᠵᠠᠢ᠃ ᠡᠪᠦᠭᠡ ᠡᠳᠦᠷᠵᠢᠨ ᠡᠨᠡ ᠲᠡᠷᠡ ᠠᠵᠢᠯ ᠶᠠᠪᠤᠳᠠᠯ ᠬᠢᠬᠦ ᠪᠤᠶᠤ | ᠬᠡᠭᠡᠷᠡ ᠭᠠᠳᠠᠨᠠ ᠶᠠᠪᠤᠬᠤ ᠳᠠᠭᠠᠨ ᠠᠯᠵᠢᠶᠠᠯ ᠲᠠᠶᠢᠯᠬᠤ ᠶᠤᠮ ᠬᠡᠮᠡᠨ ᠬᠤᠨᠢᠨ ᠠᠷᠠᠰᠣᠨ ᠤᠭᠤᠲᠠ ᠲᠠᠢ ᠮᠤᠩᠭᠤᠯ | ᠲᠠᠮᠠᠬᠢ ᠪᠠᠨ ᠴᠠᠭᠠᠨ ᠬᠠᠰ ᠤᠨ ᠰᠢᠯᠪᠢ ᠲᠠᠢ ᠬᠤᠶᠠᠷ ᠲᠥᠭᠡ ᠤᠷᠲᠤ ᠪᠤᠷᠤ ᠤᠯᠠᠭᠠᠨ ᠮᠤᠳᠣᠨ ᠭᠠᠩᠰᠠ ᠳᠠᠭᠠᠨ | ᠨᠤᠴᠤᠭᠠᠵᠤ ᠵᠠᠯᠭᠠᠪᠠᠷ ᠬᠤᠶᠠᠷ ᠤᠳᠠᠭᠠ ᠲᠠᠲᠠᠭᠠᠳ ᠰᠠᠶ᠋ᠢ ᠪᠤᠰᠳᠠᠭ᠃ ᠦᠳᠡᠰᠢ ᠳᠡᠭᠡᠨ ᠬᠠᠨᠵᠤᠨ ᠤ ᠪᠠᠨ ᠵᠡᠭᠦᠨ | ᠵᠠᠬᠠ ᠶᠢᠨ ᠬᠠᠯᠠᠭᠤᠨ ᠤᠷᠤᠨ ᠳᠤ ᠬᠤᠨᠢᠨ ᠢᠰᠡᠭᠡᠢ ᠲᠠᠪᠢᠰᠴᠦ ᠤᠨᠳᠠᠬᠤ ᠳᠠᠭᠠᠨ ᠪᠠᠶᠢᠨ ᠲᠠᠬᠢᠨ | ᠬᠡᠪᠳᠡᠭᠡ ᠪᠠᠷ ᠢᠶᠠᠨ ᠲᠠᠮᠠᠬᠢ ᠪᠠᠨ ᠨᠤᠴᠤᠭᠠᠵᠤ ᠲᠡᠲᠠᠨᠠ᠃ ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠲᠤᠮᠲᠠ ᠡᠪᠦᠭᠡ ᠶᠢᠨ ᠬᠡᠲᠡ | ᠴᠣᠬᠢᠵᠤ ᠲᠠᠮᠠᠬᠢ ᠨᠤᠴᠤᠭᠠᠬᠤ ᠴᠠᠬᠢᠮ ᠭᠡᠷᠡᠯ ᠨᠢ ᠲᠤᠯᠠᠰ ᠲᠤᠯᠠᠰ ᠬᠢᠯᠠᠯᠵᠠᠵᠤ ᠭᠠᠩᠰᠠ ᠲᠠᠢ ᠳᠠᠮᠠᠬᠢ ᠨᠢ ᠤᠯᠠᠰ | ᠤᠯᠠᠰ ᠭᠡᠭᠡ ᠲᠠᠲᠠᠭᠤᠯᠤᠨ ᠬᠠᠷᠠᠭᠳᠠᠳᠠᠭ ᠪᠠᠶᠢᠵᠠᠢ᠃ | ᠶᠠᠭᠠᠬᠢᠭᠠᠳ ᠶᠤᠮ ᠪᠣᠯ︖ ᠨᠢᠭᠡ ᠰᠤᠨᠢᠨ ᠨᠢ ᠭᠡᠪᠡᠯ ᠲᠤᠬᠠᠢ ᠶᠢᠨ ᠦᠶᠡᠰ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠰᠢᠨᠡ | ᠬᠠᠭᠤᠴᠢᠨ ᠲᠠᠮᠠᠬᠢ ᠵᠠᠯᠭᠠᠬᠤ ᠦᠷᠢᠶᠡ ᠲᠥᠷᠥᠭᠡᠨ ᠲᠡᠭᠡᠷᠡ ᠦᠷᠭᠦᠯᠵᠢ ᠲᠠᠮᠠᠬᠢ ᠪᠠᠷ ᠶᠡᠭᠡ ᠲᠤᠲᠠᠭᠳᠠᠳᠠᠭ ᠪᠦᠭᠡᠳ | ᠨᠢᠭᠡᠳᠦᠯ ᠪᠠᠷᠢᠭᠠᠳᠠ ᠶᠢᠨ ᠬᠢᠨ ᠴᠤ ᠪᠠᠶᠢᠩᠭᠤ ᠲᠠᠮᠠᠬᠢ ᠬᠤᠮᠰᠠᠳᠠᠬᠤ ᠶᠠᠪᠤᠳᠠᠯ ᠭᠠᠷᠳᠠᠭ ᠪᠠᠶᠢᠵᠠᠢ᠃ ᠵᠢᠯ ᠪᠤᠯᠭᠠᠨ | ᠪᠠᠷᠢᠭᠠᠳᠠ ᠶᠢᠨ ᠱᠦᠵᠢ ᠡᠪᠦᠭᠡ ᠶᠢᠨ ᠳᠠᠮᠠᠬᠢ ᠠᠴᠠ ᠠᠷᠪᠠᠭᠠᠳ ᠪᠤᠭᠤᠳᠠᠯ ᠠᠪᠴᠤ ᠨᠢᠭᠡᠳᠦᠯ ᠤᠨ ᠳᠠᠷᠤᠭᠠ ᠨᠠᠷ ᠲᠤ | ᠬᠦᠷᠭᠡᠵᠦ ᠥᠭᠳᠡᠭ ᠨᠢ ᠵᠠᠩᠰᠢᠯ ᠪᠣᠯᠵᠤ ᠡᠪᠦᠭᠡ ᠮᠢᠨᠢ ᠢᠷᠡᠬᠦ ᠪᠤᠯᠭᠠᠨ ᠬᠤᠭᠤᠰᠤᠨ ᠪᠤᠴᠠᠭᠠᠳᠠᠭ ᠦᠭᠡᠢ ᠠᠪᠬᠤ | ᠬᠡᠮᠵᠢᠶᠡ ᠪᠠᠷ ᠨᠢ ᠥᠭᠭᠦᠭᠡᠳ ᠶᠠᠪᠤᠭᠤᠯᠳᠠᠭ ᠨᠢ ᠪᠠᠰᠠ ᠵᠤᠷᠰᠢᠯ ᠪᠤᠯᠵᠠᠢ᠃ ᠭᠡᠪᠡᠴᠦ ᠨᠢᠭᠡᠳᠦᠯ ᠪᠠᠷᠢᠭᠠᠳᠠ ᠶᠢᠨ ᠬᠢᠨ | ᠵᠦᠭᠡᠷ ᠠᠪᠳᠠᠭ ᠦᠭᠡᠢ᠂ ᠤᠳᠠᠭᠠ ᠪᠤᠯᠭᠠᠨ ᠲᠤᠭᠲᠠᠭᠰᠠᠨ ᠲᠤᠭᠠ ᠲᠠᠢ ᠮᠦᠩᠭᠦ ᠵᠤᠭᠤᠰ ᠥᠭᠴᠦ ᠠᠪᠳᠠᠭ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠦᠪᠡᠷ ᠤᠨ ᠠᠶᠢᠯ ᠤᠰᠤᠨ ᠤ ᠬᠢᠨ ᠬᠡᠨ ᠨᠢᠭᠡ ᠨᠢ ᠡᠪᠦᠭᠡ ᠶᠢᠨ ᠲᠠᠮᠠᠬᠢ ᠠᠴᠠ ᠠᠪᠬᠤ ᠪᠠᠷ | ᠢᠷᠡᠬᠦ ᠪᠤᠯᠭᠠᠨ ᠬᠠᠮᠤᠭ ᠴᠠᠭᠠᠨᠠ ᠪᠠᠨ ᠨᠦᠬᠦᠴᠡᠯᠡᠵᠦ ᠪᠠᠶᠢᠭᠰᠠᠨ ᠬᠠᠮᠤᠭ ᠰᠠᠶᠢᠨ ᠲᠠᠮᠠᠬᠢ ᠪᠠᠨ ᠬᠠᠷᠠᠮ ᠦᠭᠡᠢ | ᠲᠠᠮᠲᠡᠷᠢᠨ ᠦᠭᠴᠦ ᠲᠡᠳᠡᠭᠡᠷ ︿︿ᠨᠠᠮᠤᠷ ᠪᠤᠶᠤ ᠵᠢᠯ ᠤᠨ ᠰᠡᠭᠦᠯᠡᠷ ᠮᠦᠩᠭᠦ ᠶᠢ ᠴᠢᠨᠢ ᠬᠡᠳᠦᠢ ᠪᠣᠯ ᠲᠡᠳᠦᠢ ᠪᠠᠷ | ᠥᠭᠭᠦᠶᠡ᠃ ᠦᠭᠡᠢ ᠪᠣᠯ ᠰᠢᠨᠡ ᠲᠠᠮᠠᠬᠢ ᠪᠠᠭᠤᠭᠰᠠᠨ ᠬᠤᠶᠢᠨᠠ ᠠᠨᠳᠠᠭᠤ ᠦᠭᠡᠢ ᠣᠷᠣ ᠶᠢ ᠨᠢ ᠪᠤᠳᠣᠵᠤ ᠥᠭᠭᠦᠶᠡ | ﹀﹀ ᠭᠡᠳ ᠱᠠᠯ ᠬᠤᠳᠠᠯ ᠬᠤᠭᠤᠰᠣᠨ ᠦᠭᠡ ᠬᠡᠯᠡᠵᠦ ᠶᠠᠪᠤᠳᠠᠭ ᠤᠯᠤᠰ ᠤᠨ ᠠᠷᠤ ᠠᠴᠠ ᠨᠢᠭᠡᠯᠬᠡᠨ ᠤᠳᠠᠭᠠ ᠴᠤ | ᠪᠠᠰᠠ ᠬᠥᠭᠡᠭᠡᠵᠦ ᠨᠡᠬᠡᠭᠰᠡᠨ ᠶᠠᠪᠤᠳᠠᠯ ᠪᠠᠶᠢᠭᠰᠠᠨ ᠦᠭᠡᠢ ᠪᠢᠯᠡ᠃ ᠮᠢᠨᠦ ᠡᠪᠦᠭᠡ ᠦᠰᠦᠭ ᠪᠢᠴᠢᠭ ᠨᠢᠳᠦᠯᠡᠳᠡᠭ | ᠦᠭᠡᠢ ᠶᠤᠮ᠃ ᠭᠡᠪᠡᠴᠦ ᠨᠢᠭᠡ ᠨᠠᠰᠣᠨ ᠳᠠᠭᠠᠨ ᠭᠠᠷ ᠵᠤᠭᠤᠰ ᠢᠶᠠᠷ ᠲᠣᠲᠠᠭᠰᠠᠨ ᠦᠭᠡᠢ ᠪᠦᠭᠡᠳ ᠵᠤᠭᠤᠰᠤᠨ ᠤ | ᠲᠤᠭᠠ ᠶᠢ ᠪᠦᠳᠦᠨ ᠵᠦᠪ ᠲᠠᠨᠢᠵᠤ ᠭᠠᠷᠬᠤ ᠪᠠ ᠵᠢᠩ ᠬᠡᠮᠵᠢᠭᠦᠷ ᠤᠨ ᠲᠤᠭᠠ ᠬᠡᠮᠵᠢᠶᠡ ᠶᠢ ᠴᠤ ᠲᠠᠰᠢᠶᠠ ᠦᠭᠡᠢ | ᠨᠠᠷᠢᠨ ᠵᠦᠪ ᠢᠯᠠᠭᠠᠵᠤ ᠴᠢᠳᠠᠳᠠᠭ᠃ | ᠡᠪᠦᠭᠡ ᠶᠢᠨ ᠲᠠᠮᠠᠬᠢ ᠠᠴᠠ ᠵᠢᠭᠡᠯᠡᠵᠦ ᠠᠪᠬᠤ ᠬᠦᠮᠦᠨ ᠪᠤᠶᠤ ᠬᠤᠳᠠᠯᠳᠣᠨ ᠠᠪᠬᠤ ᠬᠦᠮᠦᠨ ᠶᠡᠷᠦ | ᠲᠠᠰᠤᠷᠠᠳᠠᠭ ᠦᠭᠡᠢ ᠪᠣᠯᠬᠤᠷ ᠨᠢᠭᠡ ᠬᠤᠷᠢᠨ ᠵᠢᠩ ᠳᠠᠭᠠᠭᠠᠬᠤ ᠵᠢᠩᠯᠡᠭᠦᠷ ᠬᠤᠳᠠᠯᠳᠣᠨ ᠠᠪᠤᠪᠠ᠃ ᠲᠡᠭᠦᠨ ᠢ ᠨᠢ | ᠵᠠᠷᠢᠮ ᠠᠶᠢᠯ ᠤᠨ ᠬᠢᠨ ᠵᠢᠭᠡᠯᠡᠵᠦ ᠵᠠᠷᠤᠳᠠᠭ ᠪᠤᠯᠪᠠᠴᠤ ᠶᠠᠭᠠᠬᠢᠵᠤ ᠬᠡᠷᠡᠭᠯᠡᠬᠦ ᠶᠢ ᠨᠢ ᠲᠡᠮᠡᠢ ᠲᠤᠲᠤᠷᠬᠠᠢ ᠮᠡᠳᠡᠬᠦ ᠦᠭᠡᠢ | ᠪᠣᠯᠬᠤ ᠳᠠᠭᠠᠨ ᠡᠪᠦᠭᠡ ᠲᠠᠢ ᠬᠠᠮᠳᠤ ᠵᠠᠯᠠᠵᠤ ᠠᠪᠠᠴᠢᠭᠠᠳ ᠬᠤᠭᠤᠯᠠ ᠪᠤᠳᠠᠭᠠ ᠬᠢᠵᠦ ᠢᠳᠡᠭᠦᠯᠦᠨ ᠬᠦᠷᠭᠡᠵᠦ | ᠢᠷᠡᠳᠡᠭ ᠨᠢ ᠴᠤ ᠵᠦᠩᠳᠡᠭᠡᠨ ᠪᠠᠶᠢᠵᠠᠢ᠃ ᠲᠡᠭᠡᠵᠦ ᠶᠠᠪᠤᠨ ᠶᠠᠪᠤᠭᠰᠠᠭᠠᠷ ᠪᠠᠷᠢᠭᠠᠳᠠ ᠲᠡᠭᠡᠷᠡ ᠡᠨᠡ ᠲᠡᠷᠡ ᠶᠠᠭᠤᠮᠠ | ᠬᠤᠪᠢᠶᠠᠬᠤ ᠦᠶᠡᠰ ᠡᠪᠦᠭᠡ ᠤᠨ ᠵᠢᠩ ᠪᠠᠷᠢᠬᠤ ᠨᠢ ᠤᠨᠤᠪᠴᠢᠳᠠᠢ ᠪᠦᠭᠡᠳ ᠭᠤᠣᠯᠴᠢ ᠶᠤᠮ ᠭᠡᠳ ᠵᠢᠩᠯᠡᠭᠦᠷ ᠲᠠᠢ | ᠨᠢ ᠬᠠᠮᠳᠤ ᠤᠷᠢᠵᠣ ᠠᠪᠠᠴᠠᠳᠠᠭ ᠪᠠᠶᠢᠵᠠᠢ᠃ ᠤᠳᠠᠭᠠ ᠪᠣᠯᠭᠠᠨ ᠡᠪᠦᠭᠡ ᠮᠢᠨᠢ ᠬᠤᠶᠢᠰᠢ ᠦᠭᠡᠢ ᠤᠴᠢᠳᠠᠭ ᠪᠦᠭᠡᠳ | ᠠᠶᠢᠯ ᠠᠶᠢᠮᠠᠭ ᠲᠠᠭᠠᠨ ᠲᠥᠪ ᠭᠤᠣᠯᠴᠢ ᠬᠠᠨᠳᠣᠵᠤ ᠤᠯᠠᠩᠬᠢ ᠳᠠᠭᠠᠨ ᠪᠠᠭᠠ ᠲᠦᠯᠬᠢᠭᠦᠦ ᠲᠠᠯᠪᠢᠭᠠᠳ ᠬᠠᠮᠤᠭ | ᠬᠤᠶᠢᠨᠠ ᠨᠢ ᠦᠪᠡᠷ ᠤᠨ ᠢᠶᠠᠨ ᠲᠡᠭᠡᠷᠡ ᠬᠦᠷᠴᠦ ᠢᠷᠡᠬᠦ ᠦᠶᠡᠰ ᠬᠤᠪᠢᠶᠠᠭᠰᠠᠨ ᠶᠠᠭᠤᠮᠠ ᠨᠢ ᠲᠤᠲᠠᠭᠳᠠᠳᠠᠭ | ᠤᠴᠢᠷ ᠪᠠᠶᠢᠩᠭᠤ ᠭᠠᠷᠤᠨᠠ᠃ ᠭᠡᠪᠡᠴᠦ ᠡᠪᠦᠭᠡ ᠮᠢᠨᠢ ᠶᠡᠷᠦ ᠶᠠᠭᠤᠮᠠ ᠪᠤᠯᠭᠠᠳᠠᠭ ᠦᠭᠡᠢ ᠬᠡᠳᠦᠢ ᠦᠯᠡᠳᠡᠭᠰᠡᠨ ᠪᠣᠯ | ᠲᠡᠳᠦᠢ ᠶᠢ ᠨᠢ ᠠᠪᠤᠭᠠᠳ ᠦᠭᠡ ᠲᠠᠭᠤ ᠦᠭᠡᠢ ᠬᠠᠷᠢᠵᠤ ᠢᠷᠡᠳᠡᠭ ᠪᠠᠶᠢᠯᠠ᠃ | ᠡᠪᠦᠭᠡ ᠮᠢᠨᠢ ᠢᠩᠭᠢᠵᠦ ᠲᠠᠮᠠᠬᠢ ᠪᠠᠨ ᠲᠠᠷᠢᠵᠤ ᠲᠠᠮᠠᠬᠢ ᠪᠠᠨ ᠲᠠᠲᠠᠭᠰᠠᠭᠠᠷ ᠶᠠᠪᠤᠬᠤ ᠳᠠᠭᠠᠨ ᠰᠤᠷᠬᠤ ᠦᠭᠡᠢ | ᠤᠯᠠᠨ ᠶᠠᠭᠤᠮᠠ ᠶᠢ ᠰᠤᠷᠴᠤ ᠠᠶᠢᠯ ᠤᠰᠤᠨ ᠳᠠᠭᠠᠨ ᠢᠲᠡᠭᠡᠯ ᠬᠦᠨᠳᠦ ᠲᠠᠢ ᠡᠪᠦᠭᠡᠨ ᠪᠤᠭᠤᠷᠣᠯ ᠶᠠᠪᠤᠵᠠᠢ ᠪᠢᠯᠡ᠃ | ᠣᠳᠣ ᠪᠣᠯᠲᠠᠯᠠ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠲᠡᠳᠡᠭᠡᠷ ᠦᠯᠢᠭᠡᠷ ᠵᠤᠭᠤᠭ ᠢ ᠨᠢ ᠲᠡᠯᠭᠡᠨ ᠶᠠᠷᠢᠵᠤ ᠲᠤᠷᠠᠰᠣᠨ | ᠬᠥᠥᠷᠨᠢᠳᠡᠭ ᠲᠤᠨᠢ ᠪᠢ ᠬᠢᠵᠠᠭᠠᠯᠠᠰᠢ ᠤᠮᠤᠭᠰᠢᠨ ᠭᠠᠷᠴᠤ ᠤᠯᠠᠮ ᠤᠯᠠᠮ ᠢᠶᠠᠷ ᠡᠪᠦᠭᠡ ᠪᠠᠨ ᠡᠷᠢᠵᠤ ᠰᠠᠨᠠᠬᠤ | ᠶᠤᠮᠰᠠᠨ᠃ | | | | |