| | ᠰᠡᠩᠭᠡᠷᠡᠭᠦᠯᠦᠯ | ᠸ᠊ ᠠᠭᠤᠯᠠ | | ᠵᠠᠷᠢᠮ ᠦᠶᠠᠰ ᠲᠤᠬᠢᠷᠠᠮᠵᠢᠳᠠᠢ ᠬᠤᠳᠠᠯ ᠦᠭᠡ ᠨᠢ ᠬᠦᠮᠤᠰ ᠲᠤ ᠰᠠᠶᠢᠨ ᠰᠠᠶᠢᠬᠠᠨ ᠨᠦᠯᠦᠭ᠊ᠡ᠋ ᠲᠤᠰᠬᠠᠯ | ᠦᠵᠡᠭᠦᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠵᠠᠷᠢᠮ ᠬᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠬᠡᠪ ᠵᠠᠭᠪᠤᠷ ᠢ ᠦᠭᠡᠷᠡᠴᠢᠯᠡᠵᠤ ᠮᠡᠳᠡᠨᠡ᠃ | ᠦᠩᠭᠡᠷᠡᠭᠰᠡᠨ ᠳᠤ ᠨᠢᠭᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡ ᠵᠠᠯᠠᠭᠤ ᠲᠠᠮᠢᠷ ᠤᠨ ᠪᠠᠭᠰᠢ ᠲᠠᠩ ᠰᠠᠪᠠᠯᠠᠭᠤᠷ ᠲᠡᠭᠡᠷᠡ ᠪᠡᠶᠡ | ᠶᠢᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ ᠶᠢ ᠰᠤᠷᠤᠭᠴᠢᠳ ᠲᠠᠭᠠᠨ ᠲᠦᠷᠢᠮᠵᠢᠭᠦᠯᠤᠨ ᠵᠢᠭᠠᠵᠤ ᠪᠠᠶᠢᠭᠰᠠᠭᠠᠷ ᠦᠪᠡᠷ ᠢᠶᠠᠨ ᠬᠠᠷᠢᠨ | ᠭᠡᠨᠡᠳᠳᠡ ᠪᠠᠷ ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠡᠮᠤᠨᠡ ᠬᠦᠰᠡᠷ ᠤᠨᠠᠪᠠ᠃ ᠭᠡᠳᠡᠯᠡ ᠲᠡᠷᠡ ᠪᠠᠭᠰᠢ ᠴᠢᠷᠠᠢ ᠪᠠᠨ ᠲᠦᠪ | ᠪᠤᠯᠭᠠᠨ᠄ ︽ᠠᠢ︕ ᠲᠠ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ︕ ᠡᠶᠢᠮᠤ ᠪᠤᠯᠪᠠᠰᠤ ᠢᠩᠭᠢᠵᠤ ᠬᠦᠰᠡᠷ ᠤᠨᠠᠬᠤ ᠶᠤᠮ︕︾ | ᠭᠡᠳ ᠲᠠᠮᠢᠷ ᠤᠨ ᠬᠢᠴᠢᠶᠡᠯ ᠢᠶᠠᠨ ᠦᠴᠦᠬᠡᠨ ᠴᠦ ᠨᠦᠯᠦᠭᠡᠯᠡᠭᠰᠡᠨ ᠦᠭᠡᠢ ᠪᠢᠯᠡ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠳᠤ ᠪᠠᠷ ᠪᠢ ᠴᠢᠨᠢ ᠰᠠᠶ᠋ᠢ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠭᠠᠷᠤᠭᠠᠳ ᠨᠢᠭᠡᠨ | ᠤᠳᠠᠭᠠᠨ ᠤ ᠲᠡᠭᠡᠳᠤ ᠭᠤᠷᠪᠠ ᠶᠢᠨ ᠰᠢᠨᠡ ᠵᠢᠯ ᠤᠨ ᠦᠳᠡᠰᠢᠯᠡᠭᠡ ᠶᠢᠨ ᠨᠠᠶᠢᠷ ᠢ ᠡᠷᠬᠢᠯᠡᠪᠡ᠃ ᠨᠠᠶᠢᠷ ᠡᠬᠢᠯᠡᠩᠭᠦᠳᠡ | ᠪᠢ ᠤᠯᠠᠨ ᠢ ᠤᠷᠢᠶᠠᠯᠠᠨ ᠰᠤᠷᠤᠭᠴᠢ ᠨᠢᠭᠡᠪᠦᠷᠢ ᠵᠢᠵᠢᠭ ᠴᠠᠭᠠᠰᠤᠨ ᠳᠡᠭᠡᠷᠡ ᠦᠪᠡᠷ ᠤᠨ ᠪᠢᠰᠢᠷᠡᠵᠤ ᠪᠠᠶᠢᠬᠤ ᠨᠢᠭᠡᠨ | ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ ᠨᠡᠷᠡ ᠶᠢ ᠪᠢᠴᠢᠬᠦ ᠶᠢᠨ ᠬᠠᠮᠳᠤ ᠲᠡᠭᠦᠨ ᠠᠴᠠ ᠶᠠᠮᠠᠷ ᠨᠢᠭᠡᠨ ᠦᠵᠡᠭᠦᠯᠦᠯᠭᠡ ᠬᠦᠰᠡᠬᠦ | ᠰᠢᠯᠳᠠᠭᠠᠨ ᠢ ᠨᠢ ᠪᠢᠴᠢᠭᠦᠯᠪᠠ᠃ ᠬᠡᠯᠡᠯᠭᠡᠨ ᠦᠭᠡᠢ ᠪᠢᠴᠢᠭᠰᠡᠨ ᠰᠤᠷᠤᠭᠴᠢ ᠦᠪᠡᠷ ᠤᠨ ᠨᠡᠷᠡ ᠪᠠᠨ ᠪᠢᠴᠢᠬᠦ ᠦᠭᠡᠢ᠂ | ᠬᠡᠷᠪᠡ ᠪᠢᠴᠢᠪᠡᠯ ᠨᠠᠶᠢᠷ ᠤᠨ ᠬᠦᠷ ᠬᠦᠭᠵᠢᠭᠡᠨ ᠢ ᠨᠦᠯᠦᠭᠡᠯᠡᠵᠤ ᠮᠡᠳᠡᠬᠦ ᠶᠤᠮ᠃ ᠲᠠᠷᠠᠭᠠ ᠳᠤᠨᠢ ᠪᠢ ᠲᠡᠳᠡᠭᠡᠷ | ᠤᠯᠠᠨ ᠵᠢᠵᠢᠭ ᠬᠠᠭᠤᠳᠠᠰᠤ ᠨᠤᠭᠤᠳ ᠢ ᠪᠠᠶᠢᠳᠠᠯ ᠢ ᠨᠢ ᠵᠤᠬᠢᠴᠠᠭᠤᠯᠵᠤ ᠪᠠᠶᠢᠭᠠᠳ ᠲᠠᠷᠠᠭᠠᠯᠠᠨ ᠡᠮᠬᠢᠳᠭᠡᠳᠡᠭ ᠰᠡᠨ᠃ | ᠡᠨᠡ ᠠᠷᠭᠠ ᠪᠠᠷ ᠨᠠᠶᠢᠷ ᠢ ᠦᠷᠭᠦᠯᠵᠢᠯᠡᠭᠦᠯᠬᠦ ᠳᠤ ᠤᠯᠠᠨ ᠰᠤᠷᠤᠭᠴᠢᠳ ᠲᠤᠶᠢᠯ ᠢᠶᠠᠷ ᠬᠦᠭᠰᠡᠨ ᠪᠠᠶᠠᠷᠯᠠᠪᠠ᠃ | ᠲᠡᠭᠡᠭᠡᠳ ᠤᠳᠠᠯ ᠦᠭᠡᠢ ᠲᠡᠭᠦᠰᠬᠦ ᠲᠡᠳᠡᠨᠤᠰ ᠲᠤ ᠠᠪᠴᠤ ᠬᠡᠯᠡᠪᠡᠯ ᠬᠠᠮᠤᠭ ᠰᠡᠭᠦᠯ ᠤᠨ ᠨᠢᠭᠡ ᠤᠳᠠᠭᠠ ᠬᠠᠮᠳᠤ | ᠨᠦᠬᠦᠳ ᠤᠨ ᠢᠶᠠᠨ ᠡᠮᠦᠨᠡ ᠬᠤᠪᠢ ᠬᠤᠪᠢᠨ ᠤ ᠨᠢᠭᠤᠴᠠ ᠪᠠᠨ ᠲᠡᠯᠭᠡᠬᠦ ᠲᠤᠶᠢᠯ ᠤᠨ ᠰᠠᠶᠢᠬᠠᠨ ᠠᠵᠠ ᠵᠠᠪᠰᠢᠶᠠᠨ | ᠪᠢᠯᠡ︕ ᠡᠭᠦᠨ ᠤ ᠬᠠᠮᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠪᠠᠰᠠ ᠬᠠᠷᠢᠯᠴᠠᠨ ᠨᠠᠶᠢᠷ ᠰᠡᠳᠭᠢᠯᠭᠡ ᠪᠠᠨ ᠰᠤᠯᠢᠯᠴᠠᠵᠤ᠂ ᠬᠤᠪᠢ | ᠪᠡᠶᠡ ᠶᠢᠨ ᠢᠶᠠᠨ ᠤᠯᠠᠨ ᠨᠦᠬᠦᠳ ᠤᠨ ᠲᠤᠮᠳᠠᠬᠢ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠴᠦ ᠨᠢᠭᠡ ᠤᠳᠠᠭᠠ ᠰᠡᠷᠡᠵᠤ ᠮᠡᠳᠡᠭᠦ | ᠲᠤᠬᠢᠶᠠᠯ ᠠᠵᠠᠢ᠃ ᠲᠡᠭᠡᠭᠡᠳ ᠵᠠᠯᠠᠭᠤ ᠨᠠᠰᠤᠨ ᠤ ᠪᠢ ᠴᠢᠨᠢ ᠬᠠᠮᠳᠤ ᠰᠤᠷᠤᠭᠴᠢ ᠨᠠᠷ ᠲᠠᠢ ᠪᠠᠨ ᠨᠢᠭᠡ ᠯᠡ ᠠᠳᠠᠯᠢ | ᠪᠠᠷ ᠦᠩᠭᠡ ᠶᠢᠨ ᠴᠠᠭᠠᠰᠤᠨ ᠴᠡᠴᠡᠭ ᠤᠨ ᠮᠢᠷᠠᠯᠵᠠᠭᠠᠨ ᠲᠠᠢ ᠭᠡᠷᠡᠯᠳᠤ ᠳ᠋ᠧᠩ ᠤᠨ ᠲᠤᠥᠷᠠ ᠲᠤᠰ ᠲᠤᠰ ᠲᠠᠭᠠᠨ | ᠤᠯᠠᠪᠠᠯᠵᠠᠨ ᠮᠦᠰᠢᠶᠡᠬᠦ ᠰᠤᠷᠤᠭᠴᠢ ᠨᠢᠭᠡᠪᠦᠷᠢ ᠶᠢᠨ ᠴᠤᠭ ᠪᠠᠳᠠᠷᠠᠩᠭᠤᠢ ᠲᠦᠷᠢ ᠶᠢ ᠦᠵᠡᠭᠡᠳ ᠰᠡᠳᠭᠢᠯ ᠤᠨ | ᠴᠤᠥᠷᠢᠶᠠ ᠨᠠᠶᠢᠷ ᠤᠨ ᠶᠠᠪᠤᠭᠳᠠᠬᠤ ᠶᠢ ᠲᠠᠭᠠᠨ ᠬᠦᠭᠰᠡᠵᠤ ᠪᠠᠶᠢᠯᠠ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠲᠡᠳᠡᠭᠡᠷ ᠤᠯᠠᠨ | ᠵᠤᠷᠪᠤᠰ ᠵᠤᠷᠪᠤᠰ ᠵᠢᠵᠢᠭ ᠴᠠᠭᠠᠰᠤᠨ ᠳᠠᠬᠢ ᠤᠯᠠᠨ ᠪᠢᠴᠢᠭᠡᠰᠦ ᠨᠢ ᠮᠢᠨᠤ ᠭᠠᠷ ᠲᠤ ᠢᠷᠡᠵᠤ ᠵᠠᠯᠭᠠᠪᠡᠷ ᠪᠢ | ᠰᠤᠷᠤᠭᠴᠢ ᠨᠢᠭᠡᠪᠦᠷᠢ ᠶᠢᠨ ᠴᠢᠩ ᠰᠡᠳᠭᠢᠯ ᠤᠨ ᠴᠡᠪᠡᠷ ᠵᠠᠬᠢᠶᠠ ᠨᠤᠭᠤᠳ ᠢ ᠤᠯᠠᠨ ᠤ ᠡᠮᠤᠨᠡ ᠤᠩᠰᠢᠬᠤ ᠲᠡᠷᠡᠬᠦ | ᠬᠤᠷᠤᠮ ᠳᠤ ᠨᠠᠶᠢᠷ ᠤᠨ ᠲᠠᠯᠪᠠᠢ ᠲᠤᠶᠢᠯ ᠤᠨ ᠨᠠᠮ ᠭᠦᠮ ᠪᠠᠶᠢᠯᠠ᠂ ᠲᠡᠷᠡ ᠮᠦᠴᠡ ᠳᠤ ᠰᠤᠷᠤᠭᠴᠢ ᠨᠢᠭᠡᠪᠦᠷᠢ | ᠪᠦᠬᠦ ᠠᠩᠬᠠᠷᠤᠯ ᠢᠶᠠᠨ ᠲᠦᠪᠯᠡᠷᠡᠭᠦᠯᠤᠨ ᠨᠠᠳᠠ ᠶᠢ ᠰᠢᠷᠳᠡᠨ ᠠᠵᠢᠭᠯᠠᠬᠤ ᠳᠤ ᠲᠡᠳᠡᠨᠤᠰ ᠤᠨ ᠤᠯᠠᠭᠠ ᠪᠤᠳᠠᠷᠠᠭᠰᠠᠨ | ᠴᠢᠷᠠᠢ ᠠᠴᠠ ᠪᠠᠶᠠᠰᠤᠩᠭᠤᠢ ᠰᠠᠶᠢᠬᠠᠨ ᠴᠤᠭ ᠰᠦᠯᠳᠡ ᠭᠡᠷᠡᠯᠳᠤᠵᠤ᠂ ᠪᠠᠰᠠ ᠵᠠᠷᠢᠮ ᠰᠤᠷᠤᠭᠴᠢᠳ ᠨᠢ | ᠲᠤᠭᠳᠤᠯᠵᠠᠭᠰᠠᠨ ᠰᠡᠳᠭᠢᠯᠭᠡ ᠪᠠᠨ ᠲᠠᠷᠤᠵᠤ ᠶᠠᠳᠠᠨ ᠪᠠᠴᠢᠮᠳᠡᠨ ᠰᠠᠨᠳᠤᠷᠴᠤ ᠪᠠᠶᠢᠯᠠ︕ ᠲᠠᠷᠠᠭᠠ ᠪᠠᠷ ᠮᠢᠨᠦ | ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠤᠯᠠᠨ ᠳᠤ ᠤᠩᠰᠢᠬᠤ ᠶᠢ ᠳᠠᠭᠠᠯᠳᠤᠨ᠂ ᠰᠤᠷᠤᠭᠴᠢ ᠨᠦᠬᠦᠳ ᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ | ᠶᠢ ᠲᠤᠭᠠᠴᠠᠬᠤ ᠳᠤ ᠪᠦᠬᠦᠶᠢᠯᠡ ᠨᠠᠶᠢᠷ ᠤᠨ ᠲᠠᠯᠪᠠᠢ ᠳᠤ ᠰᠤᠷᠤᠭᠴᠢᠳ ᠦᠴᠦᠬᠡᠨ ᠴᠦ ᠴᠢᠮᠡᠭᠡ ᠠᠨᠢᠷ ᠦᠭᠡᠢ | ᠪᠠᠶᠢᠭᠰᠠᠭᠠᠷ ᠠᠭᠠᠵᠢᠮ ᠢᠶᠠᠷ ᠬᠠᠭᠤᠳᠠᠰᠤ ᠨᠢᠭᠡᠪᠦᠷᠢ ᠶᠢ ᠤᠩᠰᠢᠨ ᠲᠠᠭᠤᠰᠬᠤ ᠬᠤᠷᠤᠮ ᠳᠤ ᠲᠡᠳᠡᠨᠠᠷ ᠨᠢᠭᠡ ᠨᠢᠭᠡ | ᠪᠠᠷ ᠤᠯᠠᠨ ᠤ ᠡᠮᠤᠨᠡ ᠭᠠᠷᠴᠤ᠂ ᠮᠡᠨᠳᠦᠴᠢᠯᠡᠯ ᠲᠡᠪᠰᠢᠭᠦᠯᠤᠨ᠂ ᠱᠠᠭᠠᠷᠳᠠᠯᠭᠠ ᠳᠤ ᠲᠤᠬᠢᠷᠠᠭᠰᠠᠨ ᠲᠠᠭᠤᠥ ᠪᠤᠶᠤ | ᠰᠢᠯᠦᠭ ᠰᠤᠨᠢᠷᠬᠠᠭᠤᠯᠤᠨ᠂ ᠪᠠᠰᠠ ᠰᠡᠳᠭᠢᠯ ᠤᠨ ᠦᠭᠡ ᠪᠠᠨ ᠤᠯᠠᠨ ᠳᠠᠭᠠᠨ ᠬᠡᠯᠡᠬᠦ ᠳᠤ ᠰᠤᠷᠤᠭᠴᠢᠳ ᠤᠨ ᠭᠠᠷ | ᠠᠯᠠᠭᠠᠳᠠᠬᠤ ᠲᠠᠭᠤᠨ ᠨᠢ ᠶᠤᠰᠤᠳᠠᠢ ᠵᠢᠯ ᠴᠠᠭᠠᠨ ᠰᠠᠷᠠ ᠶᠢᠨ ᠫ᠊ ᠫᠤᠥᠵᠢᠩ ᠤᠨ ᠲᠠᠭᠤᠨ ᠠᠴᠠ ᠴᠦ ᠰᠦᠷ | ᠬᠦᠴᠦᠳᠠᠢ ᠴᠤᠥᠷᠢᠶᠠᠳᠤᠵᠤ ᠪᠠᠶᠢᠯᠠ︕ ᠡᠨᠡ ᠦᠶᠡᠰ ᠲᠡᠳᠡᠭᠡᠷ ᠨᠡᠷᠡ ᠪᠠᠨ ᠲᠤᠷᠠᠳᠤᠭᠤᠯᠤᠭᠰᠠᠨ ᠰᠤᠷᠤᠭᠴᠢᠳ | ᠶᠡᠬᠡᠯᠡ ᠢᠴᠢᠮᠡᠳᠡᠭᠡᠢ ᠴᠢᠷᠴᠢᠯᠠᠵᠤ᠂ ᠪᠠᠷᠢᠭᠰᠡᠨ ᠲᠠᠯᠪᠢᠭᠰᠡᠨ ᠢᠶᠠᠨ ᠠᠯᠳᠠᠨ ᠲᠤᠶᠢᠯ ᠤᠨ ᠰᠡᠳᠭᠢᠯ ᠲᠤᠭᠳᠤᠯᠤᠩᠭᠤᠢ | ᠪᠠᠷ ᠤᠯᠠᠨ ᠤ ᠡᠮᠤᠨᠡ ᠭᠠᠷᠴᠤ ᠢᠷᠡᠨ ᠮᠡᠨᠳᠦᠴᠢᠯᠡᠬᠦ ᠳᠤ ᠪᠦᠬᠦᠶᠢᠯᠡ ᠬᠠᠮᠳᠤ ᠰᠤᠷᠤᠭᠴᠢᠳ ᠴᠦ ᠲᠡᠭᠦᠨ ᠤ ᠴᠢᠷᠠᠢ | ᠶᠢᠨ ᠦᠩᠭᠡᠨ ᠠᠴᠠ ᠨᠢ ᠠᠪᠤᠭᠠᠳ ᠪᠦᠬᠦᠶᠢᠯᠡ ᠬᠦᠳᠠᠯᠦᠯ ᠪᠠᠶᠢᠳᠠᠯ ᠢ ᠨᠢ ᠠᠵᠢᠭᠯᠠᠨᠠ ᠳ᠋ᠠ︕ ᠵᠠᠯᠭᠠᠪᠡᠷ | ᠴᠠᠭᠠᠰᠤᠨ ᠵᠤᠷᠪᠤᠰ ᠨᠢᠭᠡᠪᠦᠷᠢ ᠶᠢ ᠤᠩᠰᠢᠬᠤ ᠳᠤ ᠪᠦᠬᠦᠶᠢᠯᠡ ᠠᠩᠭᠢ ᠶᠢᠨ ᠭᠡᠷ ᠲᠤ ᠪᠠᠶᠠᠷ ᠬᠦᠷ ᠤᠨ ᠲᠠᠪᠠᠯᠭᠠᠨ | ᠮᠢᠷᠠᠯᠵᠠᠵᠤ᠂ ᠬᠠᠷᠢᠯᠴᠠᠨ ᠬᠠᠶᠢᠷᠠ ᠰᠡᠳᠭᠢᠯ ᠤᠨ ᠲᠤᠯᠭᠢᠶᠠᠨ ᠲᠠᠪᠠᠯᠭᠠᠯᠠᠬᠤ ᠰᠢᠭ᠋ ᠢᠶᠠᠷ ᠬᠠᠮᠳᠤ ᠰᠤᠷᠤᠭᠴᠢ | ᠨᠢᠭᠡᠪᠦᠷᠢ ᠰᠡᠳᠭᠢᠯ ᠤᠨ ᠤᠭ ᠠᠴᠠ ᠪᠠᠨ ᠲᠤᠶᠢᠯ ᠤᠨ ᠢᠳᠡᠪᠬᠢᠲᠠᠢ ᠨᠠᠶᠢᠷᠠᠯᠳᠤᠵᠤ ᠯᠡ ᠪᠠᠶᠢᠯᠠ︕ | ᠭᠡᠪᠡᠴᠦ᠂ ᠪᠢ ᠤᠳᠤ ᠤᠳᠠᠯ ᠦᠭᠡᠢ ᠳᠡᠳᠡᠭᠡᠷ ᠴᠠᠭᠠᠰᠤᠨ ᠵᠤᠷᠪᠤᠰ ᠢ ᠤᠩᠰᠢᠨ ᠲᠠᠭᠤᠰᠬᠠᠬᠤ ᠰᠢᠬᠠᠬᠤ | ᠳᠤ᠂ ᠤᠯᠠᠨ ᠤ ᠦᠭᠡᠳᠡ ᠠᠵᠢᠭᠯᠠᠬᠤ ᠳᠤ ᠬᠠᠮᠤᠭ ᠤᠨ ᠠᠷᠤ ᠶᠢᠨ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠠ ᠦᠭᠡ ᠲᠠᠭᠤ ᠴᠦᠬᠡᠨ | ᠂ ᠡᠵᠢ ᠨᠢ ᠡᠷᠳᠡ ᠨᠠᠰᠤ ᠪᠠᠷᠠᠭᠰᠠᠨ᠂ ᠡᠭᠡᠯ ᠶᠡᠷᠦᠮᠳᠡᠭ ᠵᠠᠩ ᠠᠷᠠᠨᠰᠢᠨ ᠲᠠᠢ᠂ ᠶᠡᠷᠦ ᠳᠡᠭᠡᠨ ᠤᠯᠠᠨ ᠲᠠᠢ ᠨᠡᠶᠢᠯᠡᠬᠦ | ᠦᠭᠡᠢ ᠲᠤᠰᠬᠠᠷ ᠵᠠᠩ ᠠᠷᠠᠨᠰᠢᠨ ᠲᠠᠢ ᠪᠠᠶᠢᠳᠠᠭ ᠰᠤᠷᠤᠭᠴᠢ ᠠᠨᠠᠷ ᠤᠨ ᠨᠡᠷᠡ ᠶᠢ ᠲᠤᠷᠠᠳᠬᠤ ᠶᠢ ᠰᠡᠷᠡᠵᠤ ᠮᠡᠳᠡᠪᠡ᠃ | ᠲᠡᠭᠦᠨ ᠰᠢᠭ ᠰᠤᠷᠤᠭᠴᠢ ᠶᠡᠷᠦ ᠳᠡᠭᠡᠨ ᠤᠯᠠᠨ ᠲᠠᠢ ᠨᠡᠶᠢᠯᠡᠬᠦ ᠦᠭᠡᠢ ᠲᠤᠯᠠ ᠲᠤᠶᠢᠯ ᠤᠨ ᠬᠢᠯᠪᠠᠷ ᠢᠶᠠᠷ ᠤᠯᠠᠨ ᠤ | ᠠᠩᠬᠠᠷᠤᠯ ᠳᠤ ᠤᠷᠤᠬᠤ ᠦᠭᠡᠢ ᠪᠠᠷ ᠡᠨᠡᠬᠦ ᠲᠤᠬᠢᠶᠠᠯ ᠲᠡᠭᠦᠨ ᠠᠴᠠ ᠦᠩᠭᠡᠷᠡᠨ ᠭᠠᠷᠬᠤ ᠨᠢ ᠲᠡᠷᠡ ᠪᠢᠯᠡ︕ ᠶᠠᠭ | ᠡᠨᠡ ᠦᠶᠠᠰ ᠪᠢ ᠲᠡᠭᠦᠨ ᠢ ᠠᠵᠢᠭᠯᠠᠬᠤ ᠳᠤ ᠲᠡᠷᠡ ᠬᠠᠷᠢᠨ ᠲᠤᠯᠤᠭᠠᠢ ᠪᠠᠨ ᠰᠢᠷᠡᠭᠡᠨ ᠤ ᠰᠢᠷᠭᠤᠥᠯ ᠳᠠᠭᠠᠨ ᠬᠢᠮᠡᠷ | ᠲᠤᠷᠤᠭᠰᠢ ᠬᠠᠨᠳᠤᠵᠤ᠂ ᠢᠴᠢᠵᠤ ᠰᠢᠷᠪᠡᠭᠡᠳᠦᠬᠦ ᠪᠤᠶᠤ ᠡᠨᠡᠬᠦ ᠨᠠᠶᠢᠷ ᠨᠢ ᠶᠠᠭ ᠯᠡ ᠲᠡᠭᠦᠨ ᠳᠤ ᠲᠡᠶᠢᠮᠤ ᠯᠡ | ᠲᠤᠬᠢᠷᠠᠮᠵᠢ ᠦᠭᠡᠢ ᠰᠢᠭ ᠪᠠᠶᠢᠪᠠ᠂ ᠡᠨᠡ ᠦᠶᠡᠰ ᠪᠢ ᠭᠡᠨᠡᠳᠳᠡ ᠲᠡᠭᠦᠨ ᠢ ᠰᠡᠩᠭᠡᠷᠡᠭᠦᠯᠬᠦ ᠰᠠᠨᠠᠭᠠ ᠡᠭᠦᠰᠴᠤ᠂ ᠡᠨᠡᠬᠦ | ᠨᠠᠶᠢᠷ ᠢᠶᠠᠷ ᠲᠠᠮᠵᠢᠨ ᠲᠡᠭᠦᠨ ᠢ ᠬᠠᠪᠰᠤᠷᠬᠤ ᠢᠳᠡᠭᠡᠯ ᠤᠷᠤᠭᠰᠠᠨ ᠶᠤᠮ᠃ ᠪᠢ ᠵᠤᠷᠢᠭᠤᠳᠠ ᠪᠠᠷ ᠨᠢᠭᠡᠨ ᠵᠤᠷᠪᠤᠰ | ᠴᠠᠭᠠᠰᠤ ᠶᠢ ᠡᠷᠭᠦᠵᠤ᠂ ᠲᠦᠪ ᠴᠢᠭᠴᠢ ᠪᠠᠷ ︽ᠠᠨᠠᠷ︕︾ ᠭᠡᠵᠤ ᠲᠡᠭᠦᠨ ᠤ ᠨᠡᠷᠡ ᠶᠢ ᠲᠠᠭᠤᠳᠠᠵᠤ᠂ ᠪᠠᠰᠠ | ᠲᠡᠭᠦᠨ ᠤ ᠪᠤᠳᠠᠳᠤ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠬᠠᠮᠳᠤ ᠤᠯᠠᠨ ᠰᠤᠷᠤᠭᠴᠢᠳ ᠲᠠᠢ ᠬᠠᠮᠵᠢᠯᠴᠠᠭᠤᠯᠬᠤ ᠤᠷᠠ | ᠠᠪᠢᠶᠠᠰ ᠢ ᠨᠢ ᠨᠢᠭᠡ ᠪᠠᠳᠠᠭ ᠨᠠᠶᠢᠷᠠᠭᠤᠯᠵᠤ ︽ᠵᠠᠷᠢᠮ ᠬᠦᠮᠤᠨ ᠤ ᠵᠠᠩ ᠠᠭᠠᠯᠢ ᠨᠢ ᠬᠡᠵᠢᠶᠡᠳᠡ ᠯᠠᠪᠳᠠᠭᠤᠨ | ᠲᠤᠭᠳᠠᠭᠤᠨ᠂ ᠲᠦᠪ ᠴᠢᠭᠴᠢ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠪᠠᠶᠢᠳᠠᠭ ᠪᠢᠯᠡ︕ ᠠᠨᠠᠷ ᠪᠤᠯ ᠲᠠᠷᠤᠢ ᠡᠶᠢᠮᠦᠷᠬᠦ ᠰᠠᠶᠢᠨ | ᠰᠠᠶᠢᠬᠠᠨ ᠠᠷᠨᠰᠢᠨ ᠲᠠᠢ ᠲᠤᠯᠠ ᠡᠨᠡᠬᠦ ᠬᠦᠮᠦᠰ ᠤᠨ ᠰᠡᠳᠭᠢᠯᠭᠡ ᠶᠢ ᠬᠦᠳᠡᠯᠭᠡᠮᠡ ᠨᠠᠶᠢᠷ ᠲᠤ ᠲᠡᠷᠡ ᠯᠠᠪᠲᠠᠢ ᠨᠢᠭᠡ︔ | ︔︔︔︔︔︾ ᠭᠡᠵᠤ ᠤᠩᠰᠢᠬᠤ ᠳᠤ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ ᠤᠯᠠᠨ ᠤ ᠠᠩᠬᠠᠷᠤᠯ ᠢ ᠲᠡᠭᠡᠳᠦ ᠬᠡᠮᠵᠢᠶᠡ | ᠪᠠᠷ ᠲᠠᠳᠠᠪᠠ᠃ ᠪᠢ ᠨᠢᠵᠢᠭᠢᠨᠡᠭᠰᠡᠨ ᠠᠯᠠᠭᠠ ᠲᠠᠰᠢᠯᠳᠠ ᠶᠢᠨ ᠲᠤᠮᠳᠠ ᠠᠨᠠᠷ ᠢ ᠰᠢᠷᠲᠡᠬᠦ ᠳᠤ ᠠᠨᠠᠷ ᠴᠦ ᠡᠨᠡ ᠨᠠᠶᠢᠷ | ᠲᠤ ᠲᠡᠭᠦᠨ ᠤ ᠨᠡᠷᠡ ᠶᠢ ᠲᠤᠷᠠᠳᠬᠤ ᠶᠢ ᠰᠠᠨᠠᠭᠠᠨ ᠳᠠᠭᠠᠨ ᠠᠪᠴᠤ ᠦᠭᠡᠢ ᠰᠢᠭ ᠪᠠᠶᠢᠭᠰᠡᠨ ᠲᠤᠯᠠ ᠲᠡᠷᠡ | ᠰᠠᠨᠳᠤᠷᠤᠨ ᠲᠡᠷᠢᠭᠦᠨ ᠡᠷᠭᠦᠨ ᠰᠤᠨᠢᠭᠤᠴᠢ ᠬᠠᠷᠠᠴᠠ ᠪᠠᠷ ᠨᠠᠳᠠ ᠦᠭᠡᠳᠡ ᠰᠢᠷᠳᠡᠨ᠂ ᠪᠠᠷᠤᠭ ᠯᠡ ᠡᠨᠡᠬᠦ ᠬᠠᠷᠠᠴᠠ | ᠨᠢ ᠨᠢᠳᠤᠨ ᠡᠮᠦᠨᠡᠬᠢ ᠲᠤᠯᠤᠭᠠᠳ ᠢᠷᠡᠭᠰᠡᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠢᠳᠡᠭᠡᠵᠤ ᠶᠠᠳᠠᠨ ᠮᠡᠯᠡᠷᠡᠬᠦ ᠶᠢᠨ ᠴᠠᠭ ᠮᠦᠴᠡ | ᠳᠤ ᠪᠢ ᠬᠠᠷᠢᠨ ᠲᠡᠭᠦᠨ ᠤ ᠵᠦᠭ ᠲᠤᠯᠤᠭᠠᠢ ᠪᠠᠨ ᠠᠯᠭᠤᠷ ᠢᠶᠠᠷ ᠲᠤᠬᠢᠬᠤ ᠳᠤ ᠤᠯᠠᠨ ᠤ ᠨᠢᠵᠢᠭᠢᠨᠡᠭᠰᠡᠨ ᠠᠯᠠᠭᠠ | ᠲᠠᠰᠢᠯᠳᠠ ᠶᠢᠨ ᠲᠤᠮᠳᠠ ᠲᠡᠷᠡ ᠪᠤᠰᠴᠤ ᠵᠤᠭᠰᠤᠯᠠ︕ ᠲᠡᠷᠡ ᠶᠠᠭᠤᠨ ᠤ ᠡᠮᠤᠨᠡ ᠦᠪᠡᠷ ᠤᠨ ᠰᠡᠳᠭᠢᠯᠭᠡ ᠶᠢᠨ | ᠦᠭᠡ ᠪᠠᠨ ᠶᠠᠷᠢᠵᠤ᠂ ᠲᠡᠭᠦᠨ ᠢ ᠲᠤᠷᠠᠳᠤᠭᠰᠠᠨ ᠬᠠᠮᠳᠤ ᠰᠤᠷᠤᠭᠴᠢ ᠳᠠᠭᠠᠨ ᠲᠠᠯᠠᠷᠬᠠᠬᠤ ᠶᠢᠨ ᠶᠤᠰᠤ ᠶᠢ | ᠭᠦᠢᠴᠡᠳᠭᠡᠬᠦ ᠶᠢᠨ ᠲᠠᠭᠠᠥ᠂ ᠬᠠᠩᠭᠢᠨᠠᠮᠠ ᠬᠤᠭᠤᠯᠠᠢ ᠪᠠᠷ ︽ᠪᠢᠳᠡ ᠪᠤᠯ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠮᠦᠨ︾ ᠭᠡᠬᠦ ᠲᠠᠭᠤᠥ ᠶᠢ ᠲᠠᠭᠤᠥᠯᠠᠬᠤ ᠳᠤ ᠤᠯᠠᠨ ᠰᠤᠷᠤᠭᠴᠢᠳ ᠵᠡᠷᠭᠡ ᠪᠠᠷ | ᠪᠤᠰᠴᠤ ᠵᠤᠭᠰᠤᠨ ᠠᠨᠠᠷ ᠲᠠᠢ ᠬᠠᠮᠳᠤ ᠪᠠᠷ ᠲᠠᠭᠤᠥᠯᠤᠭᠰᠠᠨ ᠪᠠᠶᠢᠨᠠ᠃ ᠲᠤᠬᠠᠢ ᠶᠢᠨ ᠲᠠᠯᠪᠤᠷ ᠲᠠᠬᠢ ᠮᠢᠨᠤ | ᠬᠠᠶᠢᠷᠠᠳᠤ ᠰᠤᠷᠤᠭᠴᠢᠳ ᠤᠨ ᠮᠢᠨᠢ ᠲᠡᠭᠦᠨ ᠤ ᠲᠦᠯᠦᠭᠡ ᠭᠠᠷ ᠠᠯᠠᠭᠠᠳᠠᠭᠰᠠᠨ ᠲᠠᠭᠤᠨ ᠨᠢ ᠴᠢᠩ ᠦᠨᠡᠨᠴᠢ | ᠪᠦᠭᠡᠳ ᠭᠦᠨ ᠭᠦᠨᠵᠢᠭᠡᠢ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠪᠢᠯᠬᠠᠵᠤ ᠪᠠᠶᠢᠯᠠ᠃ ᠡᠨᠡᠬᠦ ᠭᠡᠨᠡᠳᠳᠡ ᠶᠢᠨ ᠲᠠᠭᠠᠷᠢᠯᠳᠠ ᠶᠢᠨ ᠴᠢᠨᠠᠷ | ᠲᠠᠢ ᠵᠤᠯ ᠵᠠᠪᠰᠢᠶᠠᠨ ᠤ ᠡᠮᠤᠨᠡ ᠬᠡᠵᠢᠶᠡᠳᠡ ᠤᠯᠠᠨ ᠤ ᠡᠮᠤᠨᠡ ᠭᠢᠯᠠᠷᠠᠳᠠᠭ ᠦᠭᠡᠢ ᠲᠡᠷᠡ ᠮᠠᠨᠢ ᠤᠳᠤ ᠰᠡᠳᠭᠢᠯ ᠤᠨ | ᠦᠭᠡ ᠪᠠᠨ ᠬᠡᠯᠡᠵᠤ᠂ ᠰᠡᠳᠭᠢᠯ ᠤᠨ ᠲᠠᠭᠤᠥ ᠪᠠᠨ ᠲᠠᠭᠤᠥᠯᠠᠭᠠᠳ ᠲᠡᠭᠦᠨ ᠤ ᠴᠢᠷᠠᠢ ᠨᠢ ᠤᠯᠠᠶᠢᠵᠤ᠂ ᠨᠢᠳᠤᠨ | ᠠᠴᠠ ᠨᠢ ᠪᠠᠶᠠᠷ ᠤᠨ ᠨᠢᠯᠪᠤᠰᠤ ᠮᠡᠯᠮᠡᠯᠵᠡᠵᠤ᠂ ᠭᠠᠷ ᠨᠢ ᠴᠡᠴᠡᠷᠬᠢᠯᠡᠵᠤ᠂ ᠦᠪᠴᠢ ᠪᠡᠶᠡ ᠨᠢ ᠲᠤᠭᠳᠤᠯᠵᠤ ᠪᠠᠶᠢᠯᠠ︕ | | ᠡᠨᠡ ᠤᠳᠠᠭᠠᠨ ᠤ ᠨᠠᠶᠢᠷ ᠠᠴᠠ ᠪᠤᠯᠵᠤ᠂ ᠠᠨᠠᠷ ᠤᠨ ᠠᠮᠢᠳᠤᠷᠠᠯ ᠤᠨ ᠵᠠᠩ ᠳᠠᠳᠬᠠᠯ ᠤᠨ ᠲᠠᠯᠠ ᠪᠠᠷ | ᠪᠦᠷᠢᠮᠤᠰᠤᠨ ᠬᠤᠪᠢᠷᠠᠵᠤ᠂ ᠲᠡᠭᠡᠳᠦ ᠭᠤᠷᠪᠠ ᠶᠢᠨ ᠬᠠᠮᠤᠭ ᠰᠡᠭᠦᠯ ᠤᠨ ᠡᠬᠡ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠰᠠᠯᠤᠨ | ᠠᠶᠠᠷᠯᠠᠬᠤ ᠡᠳᠦᠷ ᠤᠳ ᠲᠤ ᠲᠡᠷᠡ ᠬᠠᠷᠢᠨ ᠪᠤᠰᠤᠳ ᠡᠷᠭ᠍ᠳᠡᠢ ᠡᠮᠡᠭᠳᠡᠢ ᠬᠠᠮᠳᠤ ᠨᠦᠬᠦᠳ ᠲᠠᠢ ᠪᠠᠨ ᠮᠦᠷ ᠵᠡᠷᠭᠡᠴᠡᠨ | ᠰᠡᠳᠭᠢᠯ ᠤᠨ ᠦᠭᠡ ᠪᠠᠨ ᠬᠠᠯᠠᠭᠤᠨ ᠢᠶᠠᠷ ᠶᠠᠷᠢᠯᠴᠠᠵᠤ᠂ ᠠᠩᠭᠢ ᠶᠢᠨ ᠭᠡᠷ ᠲᠤ ᠠᠩᠬᠠᠳᠤᠭᠠᠷ ᠤᠳᠠᠭᠠ ᠲᠡᠭᠦᠨ ᠤ | ᠬᠦᠷᠴᠢᠭᠢᠨᠡᠨ ᠢᠨᠢᠶᠡᠬᠦ ᠲᠠᠭᠤᠨ ᠴᠤᠥᠷᠢᠶᠠᠳᠤᠯᠠ︕ | ᠬᠠᠮᠳᠤ ᠨᠦᠬᠦᠳ ᠶᠢᠨ ᠢᠶᠠᠨ ᠲᠡᠭᠦᠰᠭᠦ ᠲᠤᠷᠠᠰᠬᠠᠯ ᠤᠨ ᠲᠡᠪᠳᠡᠷ ᠲᠡᠭᠡᠷᠡ ᠠᠨᠠᠷ ᠬᠠᠷᠢᠨ ᠨᠦᠬᠦᠳ | ᠨᠢᠭᠡᠪᠦᠷᠢ ᠳᠤ ᠪᠠᠨ ᠲᠤᠥᠷᠠᠬᠢ ᠮᠡᠳᠦ ᠠᠳᠠᠯᠢ ᠪᠢᠴᠢᠭᠡᠰᠦ ᠶᠢ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠨᠠ᠄ ︽ᠪᠢ ᠲᠠ ᠨᠠᠷ ᠲᠠᠢ | ᠬᠠᠮᠳᠤ ᠰᠤᠷᠤᠭᠴᠢ ᠪᠤᠯᠵᠤ ᠶᠠᠪᠤᠭᠰᠠᠨ ᠤᠯᠠ ᠮᠦᠷ ᠮᠢᠨᠢ ᠨᠠᠳᠠ ᠶᠢ ᠨᠠᠰᠤᠨ ᠲᠤᠷᠰᠢ ᠨᠦᠯᠦᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ | ᠦᠭᠡᠢ᠂ ᠬᠤᠵᠢᠮ ᠤᠨ ᠮᠢᠨᠦ ᠦᠰᠦᠯᠳᠡ ᠪᠤᠶᠢᠵᠢᠯᠳᠡ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠵᠤᠯ ᠵᠢᠷᠭᠠᠯ ᠲᠠᠢ ᠲᠡᠥᠭᠡ ᠪᠤᠯᠵᠤ | ᠬᠤᠴᠤᠷᠬᠤ ᠨᠢ ᠲᠠᠮᠵᠢᠭ ᠦᠭᠡᠢ︕︾ ᠭᠡᠵᠠᠢ︕ ᠲᠡᠭᠦᠰᠬᠦ ᠶᠤᠰᠤᠯᠠᠯ ᠤᠨ ᠲᠠᠷᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ ᠰᠠᠯᠠᠬᠤ | ᠦᠶᠡᠰ ᠠᠨᠠᠷ ᠬᠠᠷᠢᠨ ᠲᠡᠳᠡᠭᠡᠷ ᠡᠮᠡᠭᠳᠡᠢ ᠬᠠᠮᠳᠤ ᠰᠤᠷᠤᠭᠴᠢᠳ ᠤᠨ ᠲᠤᠳᠤᠷᠠ ᠪᠠᠨ ᠬᠠᠮᠤᠭ ᠤᠨ ᠢᠯᠡᠭᠦᠥ ᠲᠠᠭᠤᠥ | ᠲᠠᠯᠪᠢᠨ ᠡᠭᠡᠷ ᠲᠠᠳᠠᠨ ᠤᠬᠢᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ ᠡ᠂᠂᠂᠂᠂᠂᠂᠂᠂᠂ |