ᠵᠢ᠊᠂ ᠨᠠᠰᠤᠨᠳᠡᠯᠭᠡᠷ | ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠰᠡᠮᠬᠡᠨ ᠰᠠᠵᠢᠯᠠᠬᠤ ᠰᠠᠷᠠᠨ ᠳᠤ | ᠰᠡᠳᠭᠢᠯ ᠢᠶᠠᠨ ᠦᠭᠭᠦᠭᠡᠴᠢ ᠭᠡᠵᠦ ᠦᠨᠡᠨᠴᠢᠬᠡᠨ ᠰᠢᠪᠡᠨᠡᠭᠰᠡᠨ | ᠰᠠᠳᠠᠷᠠᠨ ᠮᠦᠩᠭᠦᠷᠡᠬᠦ ᠲᠤᠶᠠᠭᠠ ᠨᠢ ᠨᠠᠮᠬᠠᠨ ᠴᠡᠴᠡᠷᠬᠢᠯᠡᠵᠦ | ᠰᠡᠷᠴᠢᠭᠢᠨᠡᠬᠦ ᠮᠤᠳᠤᠳ ᠤᠨ ᠨᠠᠪᠴᠢᠨ ᠳᠤ ᠲᠣᠳᠤᠬᠠᠨ ᠭᠡᠷᠡᠯᠳᠦᠨᠡ | ᠰᠠᠶᠢᠬᠠᠨ ᠪᠦᠬᠦᠨ ᠮᠢᠨᠦᠬᠢ ᠪᠣᠯᠳᠠᠭ ᠠᠯᠪᠠ ᠦᠭᠡᠢ ᠶᠢᠨ ᠬᠤᠶᠢᠨᠠ | ᠰᠠᠨᠠᠨ ᠪᠣᠳᠤᠬᠤ ᠬᠠᠶᠢᠷᠠ ᠦᠳᠭᠡᠷᠡᠬᠦ ᠶᠢᠨ ᠲᠤᠳᠤᠮ ᠡᠮᠵᠡᠭᠬᠡᠨ | ᠰᠠᠭᠯᠠᠭᠠᠷ ᠤᠳᠠᠨ ᠤ ᠲᠤᠤᠷᠠ ᠮᠦᠷᠦ ᠢᠪᠡᠯᠴᠡᠬᠦ ᠶᠢᠨ ᠬᠤᠷᠤᠮ | ᠰᠠᠯᠬᠤ ᠦᠭᠡᠢ ᠶᠠᠪᠤᠬᠤ ᠶᠢᠨ ᠲᠠᠩᠭᠠᠷᠢᠭ ᠬᠡᠵᠢᠶᠡᠳᠡ ᠬᠡᠪᠡᠷᠡᠭᠬᠡᠨ | ᠶᠠᠯᠢᠩ ᠴᠠᠭᠠᠨ ᠮᠦᠩᠭᠦᠨ ᠳᠤ ᠦᠭᠴᠡᠢ ᠭᠡᠬᠦ ᠠᠴᠠ | ᠶᠠᠭ ᠦᠭᠡᠢ ᠬᠠᠴᠢᠨ ᠭᠤᠮᠤᠷᠬᠠᠯ ᠢᠶᠠᠷ ᠦᠪᠡᠷ ᠢ ᠪᠠᠨ ᠤᠷᠢᠶᠠᠯᠭᠠᠵᠦ | ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠬᠠᠷᠢᠯᠠᠭᠰᠠᠨ ᠬᠦᠭᠡᠷᠦᠬᠦᠨ ᠬᠡᠣᠬᠡᠨ ᠤ ᠠᠷᠤ ᠠᠴᠠ | ᠬᠤᠩᠭᠤᠷᠬᠠᠨ ᠲᠤᠷᠠᠳᠬᠠᠯ ᠬᠦᠪᠦᠷᠡᠭᠦᠯᠬᠦ ᠬᠠᠶᠢᠷᠠ ᠭᠡᠳᠡᠭ ᠢ ᠮᠡᠳᠡᠷᠡᠵᠦ | ᠴᠢᠭᠢᠭ ᠨᠡᠪᠳᠡ ᠲᠠᠯᠠ ᠶᠢᠨ ᠡᠯᠢᠭᠡᠨ ᠳᠤ ᠰᠠᠯᠬᠢᠨ ᠤ ᠴᠢᠮᠡᠭᠡ ᠪᠦᠳᠦᠴᠢᠨ | ᠴᠢᠳᠦᠷ ᠲᠠᠢ ᠮᠤᠷᠢᠨ ᠤ ᠲᠤᠷᠬᠢᠬᠤ ᠲᠠᠭᠤ ᠰᠦᠨᠢ ᠶᠢᠨ ᠠᠨᠢᠷ ᠢ ᠴᠤᠭᠤᠴᠢᠨ | ᠴᠢᠩ ᠦᠨᠡᠨ ᠲᠣᠷᠠᠯᠠᠯ ᠤᠨ ᠲᠤᠬᠠᠢ ᠠᠮᠠᠷᠠᠭ ᠦᠯᠢᠭᠡᠷ ᠤᠳ ᠬᠤᠭᠤᠰᠳᠠᠨ | ᠴᠢᠨᠦᠬᠢ ᠬᠦᠭᠡᠷᠦᠬᠦᠨ ᠲᠤᠷᠮᠤᠭᠤᠷ ᠬᠠᠷᠠᠴᠠ ᠰᠠᠷᠠᠨ ᠤ ᠭᠡᠷᠡᠯ ᠳᠤ ᠪᠦᠳᠡᠭᠢᠷᠡᠨ | ᠴᠠᠯᠭᠢᠵᠦ ᠢᠷᠡᠭᠡᠳ ᠴᠠᠬᠢᠯᠤᠨ ᠤᠳᠬᠤ ᠴᠠᠭ ᠭᠡᠭᠴᠢ ᠬᠡᠨ ᠳᠤ ᠭᠡᠯᠡ ᠢᠵᠢᠯᠢᠬᠡᠨ | ᠴᠠᠮᠨᠠᠨ ᠬᠤᠯᠠᠳᠠᠬᠤ ᠵᠠᠯᠠᠭᠤ ᠨᠠᠰᠤ ᠡᠷᠭᠢᠵᠦ ᠤᠯᠳᠠᠬᠤ ᠦᠭᠡᠢ ᠡᠩᠭᠦᠷᠡᠶᠢᠬᠡᠨ | ᠴᠠᠬᠢᠯᠳᠠᠭ ᠬᠦᠬᠡ ᠪᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠭᠡᠢ ᠬᠠᠭᠤᠴᠢ ᠦᠭᠡ ᠦᠨᠡᠨᠬᠡᠨ | ᠴᠠᠭᠠᠰᠤᠨ ᠠᠴᠠ ᠨᠢᠮᠭᠡᠨ ᠲᠠᠪᠢᠯᠠᠩ ᠲᠠᠢ ᠦᠩᠭᠡᠪᠴᠢ ᠬᠠᠶᠢᠷᠠ ᠶᠠᠳᠠᠷᠠᠭᠤᠬᠠᠨ | ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠨᠠᠮᠬᠠᠨ ᠱᠤᠤᠭᠢᠬᠤ ᠮᠤᠳᠤᠳ ᠤᠨ ᠵᠠᠶᠢᠴᠠ ᠪᠠᠷ | ᠰᠠᠷᠠᠨ ᠤ ᠢᠯᠭᠤᠮ ᠲᠤᠶᠠᠭᠠ ᠬᠦᠯᠬᠦᠵᠦ ᠮᠦᠷᠦᠭᠡᠳᠦᠯ ᠳᠤ ᠤᠨᠠᠨᠠ | ᠰᠠᠨᠠᠵᠦ ᠤᠶᠢᠷᠠᠳᠤᠨ ᠰᠠᠯᠵᠦ ᠵᠠᠶᠢᠳᠠᠳᠠᠭ ᠬᠤᠷᠸᠠ ᠶᠢᠨ ᠲᠡᠭᠰᠢ ᠦᠭᠡᠢ ᠳᠤ | ᠰᠡᠭᠦᠷᠡᠰᠦ ᠲᠠᠮᠨᠠᠭᠰᠠᠨ ᠰᠢᠯᠦᠭ ᠤᠨ ᠱᠠᠳ ᠡᠭᠦᠯᠡᠰᠢᠵᠦ ᠢᠷᠡᠨᠡ…… | 地址:通辽市扎鲁特旗格日朝鲁苏木敖包嘎查 | 016号 | 笔名:吉·那申德力格尔 | 实名:那申德力格尔 | 手机:13754055788 | 邮编:029119 | |