ᠨᠠᠨᠳᠢᠨ | ᠪᠤᠷᠤᠭᠠᠨ ᠳᠤ ᠢᠯᠡᠭᠡᠬᠦ | ᠪᠤᠳᠤᠯ ᠤᠨ ᠲᠠᠰᠤᠷᠠᠬᠠᠢ…… | ᠨᠢᠭᠡ | ᠴᠢᠮᠠ ᠶᠢ ᠪᠢ ᠮᠦᠷᠦᠭᠡᠳᠴᠤ ᠪᠠᠶᠢᠨᠠ | ᠴᠢᠨᠤ ᠯᠡ ᠰᠡᠭᠦᠳᠡᠷ ᠲᠤᠤᠷᠠ ᠡᠷᠭᠡᠯᠡᠬᠦ | ᠴᠢᠨᠤ ᠯᠡ ᠠᠨᠢᠷ ᠢᠶᠠᠷ ᠬᠤᠷᠸᠠ ᠠᠮᠢᠷᠯᠠᠵᠦ᠂ | ᠵᠢᠰᠤ ᠪᠠᠨ ᠭᠤᠶᠤᠯᠠᠬᠤ | ᠲᠡᠭᠡᠭᠡᠳ ᠪᠢ ᠱᠤᠭᠤᠮᠠᠯ ᠰᠢᠭ᠋ ᠤᠳᠠᠳᠠᠯᠠ ᠵᠤᠭᠰᠤᠵᠦ | ᠴᠢᠨᠤ ᠲᠡᠷᠭᠡᠳᠡ ᠮᠢᠨᠢ ᠢᠷᠡᠭᠰᠡᠨ ᠢ | ᠵᠦᠩ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠬᠦ…… | ᠬᠤᠶᠠᠷ | ᠴᠢᠨᠤ ᠲᠠᠰᠤᠯᠬᠠᠨ ᠦᠨᠦᠷ ᠦᠨᠦᠰᠳᠡᠵᠦ ᠪᠠᠶᠢᠭᠠ ᠰᠢᠭ᠋ | ᠴᠢᠬᠢᠭ ᠲᠠᠢ ᠰᠠᠯᠬᠢ᠂ | ᠴᠢᠨᠤ ᠲᠠᠰᠤᠯᠬᠠᠨ ᠲᠦᠷᠢ ᠪᠦᠷᠦᠯᠵᠡᠵᠦ ᠪᠠᠶᠢᠭᠠ ᠰᠢᠭ᠋ | ᠡᠭᠦᠯᠡ ᠲᠠᠢ ᠤᠭᠳᠠᠷᠭᠤᠢ᠂ | ᠴᠢᠨᠤ ᠲᠠᠰᠤᠯᠬᠠᠨ ᠲᠠᠭᠤᠨ ᠲᠤᠭᠤᠯᠳᠠᠵᠦ ᠡᠬᠢᠯᠡᠯᠡ | ᠪᠤᠷᠤᠭᠠᠨ ᠤ ᠰᠢᠪᠡᠷᠡᠭᠡ…… | ᠭᠤᠷᠪᠠ | ᠦᠷᠬᠦᠯᠵᠢᠯᠡᠬᠦ ᠪᠤᠷᠤᠭᠠᠨ ᠤ ᠬᠠᠮᠳᠦ | ᠦᠭᠡᠶᠢᠯᠡᠭᠰᠡᠨ ᠰᠡᠳᠬᠢᠯ ᠴᠢᠨᠢ | ᠨᠠᠳᠠ ᠲᠡᠭᠡᠷᠡ ᠠᠰᠬᠠᠷᠠᠨᠠ᠂ | ᠦᠯᠢᠭᠡᠷ ᠤᠨ ᠲᠤᠮᠤᠭ ᠮᠡᠳᠦ | ᠮᠦᠷᠦᠭᠡᠳᠦᠯ ᠤᠨ ᠵᠡᠭᠦᠳᠦᠨ ᠴᠢᠨᠢ | ᠰᠤᠯᠤᠩᠭᠠᠨ ᠲᠤᠯᠤᠭᠠᠨ | ᠦᠩᠭᠡ ᠪᠠᠷ ᠵᠢᠷᠤᠭᠯᠠᠭᠳᠠᠨᠠ᠂ | ᠦᠩᠭᠡᠷᠡᠭᠰᠡᠨ ᠰᠦᠨᠢ ᠴᠢᠨᠤ ᠭᠠᠯ ᠤᠯᠠᠭᠠᠨ | ᠵᠡᠭᠦᠳᠦᠨ ᠶᠢᠷᠳᠢᠨᠴᠤ ᠪᠠᠷ ᠵᠤᠷᠴᠢᠬᠤ ᠳᠤ | ᠲᠡᠩᠳᠡᠭᠦᠦ ᠢᠨᠠᠭᠬᠠᠨ ᠪᠤᠯᠬᠤᠷ | ᠪᠤᠷᠤᠭᠠᠨ ᠤᠯᠠᠮ ᠱᠠᠭᠠᠬᠢᠬᠤ…… | ᠲᠦᠷᠪᠡ | ᠪᠤᠷᠤᠭᠠᠨ ᠲᠠᠢ ᠬᠠᠮᠳᠦ ᠱᠠᠬᠢᠬᠤ ᠶᠤᠮ ᠰᠠᠨ | ᠬᠠᠶᠢᠷᠠᠳᠦ ᠮᠢᠨᠢ᠂ | ᠪᠦᠯᠢᠶᠡᠭᠡᠨ ᠤᠷᠤᠭᠤᠯ ᠤᠨ ᠴᠢᠨᠢ ᠠᠨᠢᠷ ᠢᠶᠠᠷ | ᠵᠢᠩᠳᠡᠭᠦᠭᠡᠨ ᠠᠭᠠᠷ ᠢ ᠤᠮᠠᠷᠳᠠᠵᠦ | ᠪᠤᠷᠬᠠᠨ ᠤ ᠬᠠᠶᠢᠷᠠᠯᠠᠭᠰᠠᠨ ᠷᠠᠰᠢᠶᠠᠨ ᠳᠤ | ᠴᠡᠴᠡᠭᠡᠰ ᠲᠡᠯᠭᠡᠷᠡᠳᠡᠯᠡ ᠵᠤᠭᠰᠤᠬᠤ ᠶᠤᠮ ᠰᠠᠨ | ᠬᠠᠨᠢ ᠮᠢᠨᠢ…… | ᠲᠠᠪᠤ | ᠪᠤᠷᠤᠭᠠᠨ ᠤ ᠲᠠᠷᠠᠭᠠᠬᠢ ᠬᠤᠷᠸᠠ ᠰᠢᠨᠡ ᠪᠡᠷᠢ ᠰᠢᠭ | ᠪᠤᠯᠤᠷ ᠲᠤᠩᠭᠠᠯᠠᠭ ᠠᠭᠠᠷ ᠨᠢ | ᠲᠠᠭᠦᠨ ᠤ ᠰᠠᠶᠢᠬᠠᠨ ᠠᠭᠠᠯᠢ ᠰᠢᠭ᠋᠂ | ᠤᠷᠭᠤᠬᠤ ᠤᠯᠠᠭᠠᠨ ᠨᠠᠷᠠ ᠨᠢ | ᠲᠤᠯᠤᠭᠠᠢ ᠳᠤ ᠪᠠᠨ ᠵᠡᠭᠦᠭᠰᠡᠨ ᠠᠯᠴᠢᠭᠤᠷ ᠰᠢᠭ᠋᠂ | ᠤᠭᠠᠯᠵᠠᠯᠠᠬᠤ ᠤᠷᠤᠰᠬᠠᠯᠳᠦ ᠭᠤᠤᠯ ᠨᠢ | ᠴᠡᠩᠭᠡᠷ ᠲᠤᠷᠳᠤᠩ ᠪᠦᠰᠡ ᠨᠢ ᠰᠢᠭ᠂ | ᠤᠰᠤᠨ ᠳᠤ ᠬᠢᠯᠳᠤᠭᠠᠨᠠᠬᠤ ᠴᠢᠯᠠᠭᠤᠳ ᠨᠢ | ᠴᠢᠬᠢᠨ ᠳᠤ ᠨᠢ ᠵᠡᠭᠦᠭᠰᠡᠨ ᠭᠤᠶᠤᠯᠠᠯ ᠰᠢᠭ᠋᠂ | ᠠᠭᠤᠳᠠᠮ ᠨᠤᠭᠤᠭᠠᠨ ᠲᠠᠯᠠ ᠨᠢ | ᠤᠷᠠᠯᠠᠨ ᠤᠶᠤᠭᠰᠠᠨ ᠲᠡᠷᠯᠢᠭ ᠨᠢ ᠰᠢᠭ᠂ | ᠰᠢᠪᠠᠭᠤᠳ ᠤᠨ ᠬᠦᠭᠡᠷᠦᠬᠦᠨ ᠵᠢᠷᠬᠢᠭᠡ ᠨᠢ | ᠬᠠᠨᠢ ᠳᠤ ᠪᠠᠨ ᠡᠷᠬᠡᠯᠡᠬᠦ ᠲᠤᠨᠢᠷᠬᠠᠯ ᠰᠢᠭ᠋᠂ | ᠰᠢᠬᠦᠳᠡᠷᠢ ᠶᠢᠨ ᠤᠶᠠᠬᠠᠨ ᠮᠦᠬᠦᠯᠢᠭ ᠨᠢ | ᠨᠤᠳᠤᠭ ᠢᠶᠠᠨ ᠰᠠᠨᠠᠭᠰᠠᠨ ᠨᠢᠯᠪᠤᠰᠤ ᠰᠢᠭ᠋᠂ | ᠨᠠᠭᠤᠷ ᠤᠨ ᠠᠮᠤᠭᠤᠯᠠᠩ ᠬᠤᠨ ᠨᠢ | ᠠᠮᠢᠳᠤᠷᠠᠯ ᠤᠨ ᠪᠤᠷᠤ ᠵᠢᠷᠤᠭᠯᠠᠯ ᠰᠢᠭ᠋᠂ | ᠨᠢᠭᠡᠨ ᠰᠢᠨᠡᠭᠡᠨ ᠦᠷᠯᠦᠭᠡ | ᠰᠠᠶᠢᠬᠠᠨ ᠡᠬᠢᠯᠡᠯ ᠲᠠᠢ ᠡᠶᠢᠮᠦᠷᠬᠦ ᠯᠡ ᠪᠠᠶᠢᠬᠤ… | ᠵᠢᠷᠭᠤᠭᠠ | ᠢᠨᠢᠶᠡᠮᠰᠦᠭᠯᠡᠬᠦ ᠳᠤ ᠨᠢ ᠲᠤᠳᠤᠷᠠᠬᠤ | ᠲᠡᠷᠡ ᠪᠦᠰᠡᠭᠦᠢ ᠶᠢᠨ ᠬᠠᠴᠠᠷ ᠤᠨ ᠬᠤᠨᠳᠠᠭᠠ ᠰᠢᠭ᠋᠂ | ᠶᠢᠷᠳᠢᠨᠴᠤ ᠳᠤ ᠢᠷᠡᠭᠰᠡᠨ ᠮᠦᠷ ᠢ ᠴᠢᠨᠢ ᠦᠭᠡᠶᠢᠯᠡᠵᠦ | ᠡᠭᠡᠷᠡᠮᠡ ᠲᠠᠯᠠ᠂ ᠭᠤᠪᠢ ᠪᠠᠯᠠᠷ ᠢᠶᠠᠷ | ᠡᠷᠢᠵᠦ ᠴᠦᠬᠦᠯᠡ ᠴᠢᠮᠠ ᠶᠢ ᠪᠠᠨ᠂ | ᠴᠢᠮᠠ ᠶᠢ ᠮᠦᠷᠦᠭᠡᠳᠴᠤ | ᠵᠢᠷᠦᠭᠡ ᠮᠢᠨᠢ ᠡᠮᠵᠡᠭᠯᠡᠬᠦ ᠪᠤᠢ ᠭᠡᠵᠦ | ᠴᠢᠪ ᠴᠢᠮᠡᠭᠡ ᠦᠭᠡᠢ ᠠᠶᠠᠷᠯᠠᠵᠦ ᠤᠳᠬᠤ ᠳᠤ ᠪᠠᠨ | ᠴᠢᠩ ᠬᠠᠯᠠᠭᠤᠨ ᠬᠠᠶᠢᠷᠠ ᠪᠠᠨ | ᠤᠷᠬᠢᠪᠠ ᠤᠤ ᠴᠢ ᠮᠢᠨᠢ ᠂ | ᠨᠠᠷᠠ ᠲᠦᠭᠡᠨᠡᠭᠰᠡᠨ ᠡᠳᠦᠷ ᠤᠳ | ᠲᠠᠩᠳᠠ ᠦᠷᠬᠦᠯᠵᠢᠯᠡᠭᠦ… | ᠬᠠᠶ᠋ᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠪᠤᠷᠤᠡᠤᠰᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ | | | | |