| ᠨᠠ᠊ · ᠵᠢᠷᠭᠠᠯ | | ᠰᠢᠨᠡᠯᠡᠬᠦ ᠶᠢᠨ ᠰᠠᠶᠢᠬᠠᠨ | ︵ᠬᠦᠲᠦᠯᠦᠭᠡ ᠨᠢᠭᠡ︶ | ᠦᠳᠡᠰᠢ ᠪᠠᠷ ᠨᠠᠷᠭᠢᠨ ᠪᠠᠶᠠᠰᠤᠭᠰᠠᠨ | ᠦᠶᠦᠭ ᠠᠮᠢᠳᠤᠷᠠᠯ ᠤᠨ ᠪᠡᠯᠭᠡᠳᠡᠯ | ᠦᠤᠷ ᠢᠶᠠᠷ ᠲᠡᠭᠷᠢ ᠳᠤ ᠮᠦᠷᠭᠦᠬᠦ | ᠦᠨᠢᠷ ᠬᠡᠰᠢᠭ ᠤᠨ ᠵᠦᠩᠨᠡᠯ | ᠬᠠᠰᠢᠶᠠᠨ ᠳᠠᠬᠢ ᠰᠦᠷᠦᠭ ᠢ ᠦᠵᠡᠭᠡᠳ | ᠬᠠᠮᠤᠭ ᠪᠦᠬᠦᠨ ᠢ ᠪᠠᠨ ᠠᠵᠢᠶᠠᠷᠠᠨᠠ | ᠬᠠᠰᠢᠷ ᠳᠤᠬᠢ ᠡᠪᠦᠭᠡᠳ ᠤᠨ ᠮᠢᠨᠢ | ᠬᠠᠨᠤᠮᠵᠢᠲᠡᠢ ᠮᠦᠰᠢᠶᠡᠳᠦ ᠲᠤᠳᠤᠷᠠᠨᠠ | ᠤᠷᠭᠤᠬᠤ ᠨᠠᠷᠠ ᠶᠢ ᠤᠭᠲᠤᠨ | ᠦᠯᠵᠡᠢ ᠬᠤᠳᠤᠭ ᠢ ᠪᠡᠯᠭᠡᠳᠡᠨᠡ | ᠦᠲᠡᠯᠦᠭᠡ ᠪᠤᠭᠤᠷᠤᠯ ᠳᠤ ᠵᠤᠯᠭᠠᠨ | ᠦᠪ ᠰᠤᠷᠭᠠᠯ ᠢ ᠨᠢ ᠬᠦᠷᠲᠡᠨᠡ | ᠬᠠᠯᠠᠭᠤᠨ ᠭᠠᠯ ᠢᠶᠠᠨ ᠰᠢᠲᠦᠵᠦ | ᠬᠠᠮᠤᠭ ᠪᠦᠬᠦᠨ ᠢ ᠳᠠᠭᠠᠳᠬᠠᠨᠠ | ᠬᠠᠮᠲᠤ ᠤᠯᠠᠨ ᠢᠶᠠᠷ ᠴᠤᠭᠯᠠᠷᠠᠨ | ᠬᠠᠶᠢᠷᠠ ᠡᠨᠡᠷᠢᠯ ᠳᠤ ᠵᠢᠷᠭᠠᠨᠠ | ᠵᠢᠯ ᠤᠨ ᠦᠩᠭᠡ ᠶᠠᠷᠢᠯᠳᠤᠨ | ᠵᠢᠷᠭᠠᠯᠲᠦ ᠵᠤᠭᠤᠭ ᠢ ᠬᠦᠤᠷᠨᠢᠯᠳᠦᠨᠡ | ᠵᠠᠯᠠᠭᠤ ᠪᠠᠭᠠᠴᠤᠳ ᠵᠤᠯᠭᠠᠯᠲᠠ ᠭᠦᠢᠴᠡᠳᠬᠡᠵᠦ | ᠵᠣᠤᠵᠠᠢ ᠬᠤᠯᠪᠤᠨ ᠰᠢᠨᠡ ᠪᠠᠷ ᠲᠤᠭᠤᠷᠢᠨᠠ | ᠬᠡᠮᠨᠡᠭᠰᠡᠨ ᠰᠠᠷᠬᠤᠳ ᠢ ᠡᠷᠭᠦᠭᠰᠡᠨ | ᠬᠦᠭᠡᠷᠦᠬᠦᠢ ᠪᠤᠭᠤᠷᠤᠯ ᠮᠢᠨᠢ ᠪᠠᠶᠠᠰᠤᠨᠠ | ᠬᠡᠤᠬᠡᠳ ᠪᠠᠭᠠᠴᠤᠳ ᠨᠠᠷᠭᠢᠯᠳᠤᠨ | ᠬᠡᠳᠦ ᠶᠢᠨ ᠰᠠᠶᠢᠬᠠᠨ ᠢ ᠵᠤᠷᠢᠨᠠ | ᠠᠶᠢᠯ ᠬᠤᠲᠠ ᠶᠢᠨ ᠡᠭᠦᠳᠡᠨ ᠳᠤ | ᠠᠭᠲᠠ ᠶᠢᠨ ᠲᠦᠪᠡᠷᠭᠡᠨ ᠳᠤᠭᠤᠯᠳᠠᠨᠠ | ᠠᠭᠤᠯᠠ ᠰᠢᠯᠢ ᠶᠢᠨ ᠵᠠᠮ ᠢᠶᠠᠷ | ᠠᠭᠤᠯᠵᠠᠯᠲᠠ ᠶᠢᠨ ᠠᠶᠠᠨ ᠴᠦᠷᠬᠦᠯᠡᠨᠡ | ᠠᠮᠤᠷ ᠮᠡᠨᠳᠦ ᠪᠠᠨ ᠠᠰᠠᠭᠤᠯᠴᠠᠬᠤ | ᠠᠩᠬᠠ ᠤᠵᠠᠭᠤᠷ ᠤᠨ ᠶᠤᠰᠤ ᠰᠠᠶᠢᠬᠠᠨ | ᠠᠬᠠᠮᠠᠳ ᠳᠡᠭᠡᠳᠦᠰ ᠲᠠᠢ ᠪᠠᠨ ᠵᠤᠯᠭᠠᠬᠤ | ᠠᠷᠢᠭᠤᠨ ᠴᠠᠭᠠᠨ ᠰᠡᠳᠬᠢᠯ ᠰᠠᠶᠢᠬᠠᠨ | ᠬᠤᠯᠠ ᠤᠶᠢᠷᠠ ᠲᠠᠢ ᠪᠠᠨ ᠤᠴᠠᠷᠠᠬᠤ | ᠬᠤᠣᠰ ᠦᠭᠡᠢ ᠪᠠᠶᠠᠷᠲᠤ ᠴᠠᠭᠠᠨ ᠰᠠᠷᠠ | ᠬᠤᠨᠤᠭ ᠡᠪᠬᠡᠨ ᠵᠢᠳᠬᠦᠵᠦ ᠢᠷᠡᠭᠰᠡᠨ | ᠬᠤᠲᠠᠯᠠ ᠲᠦᠮᠡᠨ ᠤ ᠢᠨᠢᠶᠡᠳᠦ ᠰᠠᠶᠢᠬᠠᠨ | ᠤᠯᠠᠮᠵᠢᠯᠠᠯᠲᠦ ᠶᠤᠰᠤ ᠪᠠᠨ ᠵᠢᠷᠤᠮᠯᠡᠨ | ᠤᠴᠠᠷᠠᠨ ᠰᠢᠨᠡᠯᠡᠬᠦ ᠮᠢᠨᠢ ᠰᠠᠶᠢᠬᠠᠨ | ᠤᠳᠤᠮ ᠵᠠᠯᠭᠠᠨ ᠦᠷᠭᠦᠯᠵᠢᠯᠡᠭᠰᠡᠨ | ᠣᠤᠭᠠᠯ ᠮᠤᠩᠭᠤᠯ ᠤᠨ ᠰᠢᠨᠡᠯᠡᠬᠦ ᠰᠠᠶᠢᠬᠠᠨ᠃ | ᠴᠠᠭᠠᠨ ᠰᠠᠷᠠ | ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠶᠠᠷ | ᠴᠠᠭᠯᠠᠰᠢ ᠦᠭᠡᠢ ᠬᠦᠭᠵᠢᠭᠡᠨ ᠲᠠᠢ | ᠴᠠᠭ ᠤᠨ ᠰᠠᠶᠢᠬᠠᠨ ᠳᠤ ᠪᠠᠶᠠᠰᠤᠨ | ᠴᠡᠩᠭᠡᠯ ᠨᠠᠶᠢᠷ ᠤᠨ ᠳᠠᠭᠤᠤ ᠲᠠᠢ | ᠲᠡᠷᠯᠢᠭ ᠵᠠᠰᠠᠯ ᠢᠶᠠᠨ ᠡᠮᠦᠰᠦᠭᠡᠳ | ᠲᠡᠭᠷᠢ ᠪᠤᠷᠬᠠᠨ ᠳᠤ ᠮᠦᠷᠭᠦᠨᠡ | ᠳᠡᠭᠡᠳᠦᠰ ᠰᠢᠲᠦᠭᠡᠨ ᠢᠶᠠᠨ ᠬᠦᠨᠳᠦᠳᠬᠡᠨ | ᠲᠦᠪᠰᠢᠨ ᠠᠮᠤᠭᠤᠯᠠᠩ ᠢ ᠬᠤᠷᠤᠶᠢᠯᠠᠨᠠ | ᠠᠭᠤᠯᠠ ᠤᠰᠤᠨ ᠳᠤ ᠪᠠᠨ ᠨᠠᠮᠠᠨᠴᠢᠯᠠᠨ | ᠠᠯᠢᠪᠠ ᠪᠦᠬᠦᠨ ᠢ ᠬᠦᠰᠡᠨ ᠤᠷᠠᠶᠢᠯᠠᠨᠠ | ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢᠶᠠᠷ | ᠠᠵᠠ ᠬᠡᠢ ᠮᠤᠷᠢ ᠶᠢ ᠳᠠᠯᠠᠯᠤᠨᠠ | ᠡᠪᠦᠭᠡᠳ ᠪᠤᠭᠤᠷᠤᠯ ᠲᠠᠢ ᠪᠠᠨ ᠵᠤᠯᠭᠠᠨ | ᠢᠷᠦᠭᠡᠯ ᠵᠦᠩᠨᠡᠯ ᠢ ᠰᠣᠨᠣᠰᠣᠨᠠ | ᠠᠬᠠᠰ ᠵᠠᠬᠠᠰ ᠲᠠᠢ ᠪᠠᠷ ᠮᠡᠨᠳᠦᠴᠢᠯᠡᠨ | ᠢᠲᠡᠭᠡᠯ ᠬᠠᠶᠢᠷᠠ ᠶᠢ ᠬᠦᠷᠲᠡᠨᠡ | ᠠᠶᠢᠯ ᠬᠤᠲᠠ ᠪᠠᠷ ᠠᠶᠢᠯᠴᠢᠯᠠᠨ | ᠵᠢᠯ ᠤᠨ ᠶᠤᠰᠤ ᠪᠠᠨ ᠭᠦᠢᠴᠡᠳᠬᠡᠨᠡ | ᠠᠶᠢᠮᠠᠭ ᠲᠦᠷᠦᠯ ᠲᠠᠢ ᠪᠠᠨ ᠰᠢᠨᠡᠯᠡᠨ | ᠦᠯᠵᠡᠢ ᠪᠡᠯᠭᠡ ᠶᠢ ᠠᠶᠢᠯᠠᠳᠬᠠᠨᠠ | ᠡᠳᠦᠷ ᠤᠨ ᠰᠠᠶᠢᠨ ᠢ ᠰᠤᠩᠭᠤᠨ | ᠠᠵᠢᠯ ᠦᠢᠯᠡᠰ ᠢᠶᠠᠨ ᠡᠬᠢᠯᠡᠨᠡ | ᠦᠭᠡᠳᠡ ᠡᠰᠡᠷᠡᠭ ᠢ ᠵᠦᠩᠨᠡᠨ | ᠡᠩᠬᠡ ᠮᠡᠨᠳᠦ ᠶᠢ ᠳᠠᠭᠠᠳᠬᠠᠨᠠ | ᠠᠭᠲᠠ ᠬᠦᠯᠦᠭ ᠲᠤ ᠪᠠᠨ ᠮᠤᠷᠳᠠᠨ | ᠠᠳᠤᠭᠤ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠤᠨᠠ | ᠦᠨᠢᠷ ᠦᠰᠬᠦ ᠶᠢᠨ ᠪᠡᠯᠭᠡᠳᠡᠯ ᠢ | ᠦᠨᠡᠨᠴᠢ ᠰᠡᠳᠬᠢᠯ ᠢᠶᠠᠷ ᠰᠠᠴᠤᠯᠠᠨᠠ | ᠤᠵᠠᠭᠤᠷ ᠵᠠᠩᠰᠢᠯ ᠤᠨ ᠴᠠᠭᠠᠨ ᠰᠠᠷᠠ | ᠦᠰᠬᠦ ᠬᠡᠤᠬᠡᠳ ᠤᠨ ᠪᠠᠶᠠᠷᠲᠦ ᠴᠠᠭ | ᠦᠪ ᠰᠤᠶᠤᠯ ᠤᠨ ᠢᠵᠠᠭᠤᠷ ᠤᠯᠠᠮᠵᠢᠯᠠᠯ | ᠦᠨᠢᠷ ᠰᠠᠶᠢᠬᠠᠨ ᠶᠤᠰᠤ ᠶᠤᠮ ᠡ᠃ | |