| — ᠦᠢᠯᠡᠰ | | ᠦᠨᠦᠳᠦᠷ ᠲᠡᠭᠷᠢ ᠲᠠᠯᠪᠢᠭᠤᠷᠠᠵᠤ ᠡᠬᠦᠯᠡᠰ ᠬᠦᠪᠪᠦᠯᠵᠡᠭᠰᠡᠨ ᠰᠠᠶᠢᠬᠠᠨ ᠡᠳᠦᠷ᠃ ᠬᠦᠮᠦᠰ ᠵᠦᠭ ᠪᠦᠷᠢ ᠠᠴᠠ | ᠬᠤᠳᠠ ᠶᠢᠨ ᠮᠤᠩᠭᠤᠯ ᠴᠡᠴᠡᠷᠯᠢᠭ ᠲᠤ ᠬᠡᠦᠬᠡᠳ ᠢᠶᠠᠨ ᠬᠦᠷᠭᠡᠨ ᠢᠷᠡᠵᠦ ᠪᠠᠶᠢᠯᠠ᠃ | ᠭᠠᠨᠳᠢᠭᠪᠦ᠋ᠷᠬᠦᠳ ᠪᠤᠯᠤᠨ ᠨᠠᠷᠠᠨᠰᠠᠶᠢᠬᠠᠨ ᠬᠤᠶᠠᠷ ᠴᠤ ᠰᠠᠨᠠᠵᠤ ᠤᠳᠠᠭᠰᠠᠨ ᠲᠦᠯᠦᠪᠯᠡᠭᠡ ᠶᠤᠰᠤᠭᠠᠷ ᠭᠤᠷᠪᠠᠨ | ᠨᠠᠰᠤᠳᠠᠢ ᠤᠮᠪᠤᠯᠤ ᠪᠠᠨ ᠴᠤᠯ ᠮᠤᠩᠭᠤᠯ ᠠᠩᠬᠢ ᠳᠤ ᠨᠢ ᠬᠦᠷᠭᠡᠵᠦ ᠦᠭᠭᠦᠭᠡᠳ ᠪᠤᠴᠠᠬᠤ ᠳᠠᠭᠠᠨ ᠠᠮᠢᠳᠤ ᠶᠠᠪᠤᠬᠤ | ᠡᠨᠡ ᠨᠠᠰᠤᠨ ᠤ ᠬᠠᠮᠤᠭ ᠵᠠᠩᠬᠢᠯᠭᠠ ᠶᠢᠨ ᠨᠢᠭᠡ ᠠᠰᠠᠭᠤᠳᠠᠯ ᠢ ᠦᠭᠡᠳᠡ ᠮᠦᠷ ᠲᠠᠢ ᠬᠦᠢᠴᠡᠳ ᠰᠠᠶᠢᠬᠠᠨ | ᠪᠡᠶᠡᠯᠡᠬᠦᠯᠦᠭᠰᠡᠨ ᠪᠤᠯᠵᠤ ᠬᠤᠭᠤᠷᠤᠨᠳᠤ ᠪᠠᠨ ᠦᠬᠡ ᠵᠤᠭᠤᠭ ᠲᠠᠢ ᠶᠠᠪᠤᠨᠠ᠃ | — ᠮᠤᠩᠭᠤᠯᠰᠠᠨᠠᠭᠠ ᠮᠢᠨᠢ ᠦᠨᠦᠳᠦᠷ ᠠᠴᠠ ᠡᠬᠢᠯᠡᠵᠦ ᠴᠡᠴᠡᠷᠯᠢᠭ ᠤᠨ ᠬᠡᠦᠬᠡᠳ ᠪᠤᠯᠴᠢᠬᠠᠯᠠ᠃ ᠬᠤᠵᠢᠮ ᠳᠤ | ᠨᠢᠭᠡ ᠦᠪᠡᠷ ᠤᠨ ᠢᠶᠠᠨ ᠦᠬᠡ ᠬᠡᠯᠡ ᠲᠠᠢ ᠬᠦᠮᠦᠨ ᠪᠤᠯᠤᠨᠠ ᠳ᠋ᠡ︕ ᠬᠦᠭᠡᠷᠦᠬᠦᠢ ᠮᠢᠨᠢ ᠭᠡᠭᠰᠡᠭᠡᠷ | ᠭᠠᠨᠳᠢᠭᠪᠦ᠋ᠷᠬᠦᠳ ᠨᠢᠭᠡ ᠤᠳᠠᠭᠠᠨ ᠤ ᠢᠯᠡᠵᠦ ᠢᠯᠠᠭᠳᠠᠬᠤ ᠶᠢᠨ ᠪᠠᠴᠢᠮ ᠲᠤᠯᠤᠯᠲᠤᠭᠠᠨ ᠳᠤ ᠠᠩᠬᠠᠨ ᠤ | ᠰᠢᠪᠲᠤᠯᠤᠯᠲᠠ ᠬᠢᠭᠰᠡᠨ ᠬᠤᠰᠢᠭᠤᠴᠢ ᠪᠠᠶᠢᠯᠳᠤᠭᠴᠢ ᠶᠤᠮᠰᠢᠭ ᠬᠦᠭᠰᠢᠨ ᠵᠦᠭ ᠢᠶᠠᠨ ᠬᠦᠭᠵᠢᠯᠳᠡᠢ ᠬᠠᠷᠠᠵᠤ | ᠮᠡᠯᠮᠡᠯᠵᠡᠳᠡᠯᠡ ᠢᠨᠢᠶᠠᠮᠰᠦᠭᠯᠡᠵᠦ ᠭᠠᠷᠪᠠ᠃ | — ᠴᠢ ᠭᠡᠵᠢ ᠳ᠋ᠡ︕ ᠠᠮᠠᠷ ᠴᠤ ᠦᠬᠡᠢ ᠶᠢᠨ ᠨᠢᠭᠡᠨ ᠶᠤᠮ ᠡ᠃ ᠲᠦᠷᠦᠭᠰᠡᠨ ᠬᠦᠦ ᠲᠠᠢ ᠪᠠᠨ ᠤᠮᠪᠤᠯᠤ ᠪᠠᠨ | ᠪᠤᠯᠢᠶᠠᠯᠳᠤᠵᠤ ᠦᠬᠦᠬᠦ ᠢᠶᠠᠷ ᠢᠶᠠᠨ ᠰᠢᠬᠠᠮᠳᠠᠭᠤᠯᠵᠤ ᠪᠠᠶᠢᠭᠠᠳ ᠵᠠᠪᠠᠯ ᠮᠤᠩᠭᠤᠯ ᠢᠶᠠᠷ ᠰᠤᠷᠭᠠᠨᠠ ᠭᠡᠳᠡᠭ ᠴᠢᠨᠢ ᠡᠨᠡ | ᠶᠢᠷᠳᠢᠨᠴᠦ ᠳᠤ ᠪᠠᠷᠤᠭ ᠴᠢ ᠯᠡ ᠭᠠᠭᠴᠠᠭᠠᠷ ᠪᠠᠶᠢᠯᠭᠤᠢ ᠭᠡᠳ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠦᠷᠡ ᠶᠢᠨ ᠭᠠᠭᠴᠠ ᠬᠦᠦ | ᠪᠠᠨ ᠦᠷᠦᠪᠳᠦᠨ ᠡᠬᠢᠯᠡᠵᠦ ᠰᠠᠨᠠᠭᠠ ᠠᠯᠲᠠᠭᠰᠠᠨ ᠪᠤᠯᠪᠠᠴᠤ ᠴᠠᠭᠠᠨᠠ ᠪᠠᠨ ᠪᠠᠰᠠ ᠡᠪᠦᠭᠡᠨ ᠠᠴᠠ ᠪᠠᠨ ᠲᠤᠲᠠᠭᠤ | ᠦᠬᠡᠢ ᠪᠠᠶᠠᠰᠤᠯ ᠬᠦᠷᠴᠦ ᠪᠠᠶᠢᠭᠰᠠᠨ ᠨᠢ ᠢᠯᠡᠷᠬᠡᠢ᠃ | ᠡᠪᠦᠭᠡᠨ ᠬᠦᠭᠰᠢᠨ ᠬᠤᠶᠠᠷ ᠲᠤ ᠠᠷᠠᠭᠠᠮᠵᠢᠶᠠ ᠭᠡᠳᠡᠭ ᠭᠠᠭᠴᠠᠬᠠᠨ ᠬᠦᠦ ᠲᠠᠢ᠃ ᠬᠤᠳᠠ ᠭᠠᠵᠠᠷ ᠦᠰᠴᠦ | ᠬᠢᠳᠠᠳ ᠬᠡᠯᠡ ᠲᠠᠢ ᠮᠤᠩᠭᠤᠯ ᠬᠦᠮᠦᠨ ᠤ ᠨᠢᠭᠡᠨ ᠪᠤᠯᠵᠠᠢ᠃ ᠪᠠᠭᠠ ᠳᠠᠭᠠᠨ ᠭᠡᠷ ᠵᠠᠭᠤᠷᠠ ᠳᠠᠭᠠᠨ ᠠᠪᠤ ᠡᠵᠢ ᠲᠠᠢ | ᠪᠠᠨ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠬᠡᠯᠡᠯᠴᠡᠵᠦ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠡᠬᠦᠯ ᠰᠡᠬᠦᠯ ᠳᠡᠭᠡᠨ ᠦᠪᠡᠷ ᠤᠨ ᠨᠡᠷᠡ | ᠳᠡᠭᠡᠨ ᠬᠦᠷᠳᠡᠯᠡ ᠶᠠᠷᠰᠢᠭᠯᠠᠬᠤ ᠪᠤᠯᠤᠭᠰᠠᠨ ᠨᠢ ᠡᠪᠦᠭᠡᠨ ᠬᠦᠭᠰᠢᠨ ᠬᠤᠶᠠᠭᠤᠯᠠ ᠶᠢᠨ ᠶᠠᠭᠠᠬᠢᠭᠰᠠᠨ ᠴᠤ ᠵᠠᠰᠠᠭᠤᠯᠬᠤ | ᠠᠪᠬᠤ ᠤᠴᠢᠷᠳᠠᠢ ᠰᠡᠳᠬᠢᠯ ᠤᠨ ᠬᠦᠨᠳᠦ ᠭᠡᠮ ᠪᠤᠯᠪᠠ᠃ | ᠡᠬᠦᠨ ᠢ ᠴᠤ ᠪᠠᠰᠠ ᠶᠠᠭᠠᠬᠢᠯᠳᠠᠢ ᠶᠤᠮ ᠪᠢᠯᠡ᠃ ᠲᠡᠷᠡᠬᠦ ᠰᠢᠷᠦᠶᠢᠨ ᠲᠦᠮᠡ ᠪᠠᠷ ᠭᠠᠭᠴᠠ ᠬᠡᠯᠡᠨ ᠳᠤ | ᠬᠠᠵᠠᠶᠢᠭᠰᠠᠨ ᠶᠡᠭᠡ ᠨᠡᠶᠢᠭᠡᠮ ᠢ ᠡᠪᠦᠭᠡᠨ ᠬᠦᠭᠰᠢᠨ ᠡᠨᠡ ᠬᠤᠶᠠᠷ ᠬᠦᠮᠦᠨ ᠬᠦᠰᠢᠭᠡᠳ ᠲᠡᠶᠢᠯᠳᠡᠭ ᠶᠠᠭᠤᠮᠠ ᠪᠢᠰᠢ᠂ | ᠬᠤᠵᠢᠮ ᠰᠡᠬᠦᠯᠡᠷ ᠨᠠᠰᠤᠨ ᠳᠤ ᠬᠦᠷᠴᠦ ᠪᠡᠷᠢ ᠬᠡᠯᠡᠯᠴᠡᠬᠦ ᠦᠶᠡ ᠳᠤ ᠨᠢ ᠶᠠᠭᠠᠬᠢᠵᠤ ᠪᠠᠶᠢᠭᠠᠳ ᠴᠤ ᠵᠠᠪᠠᠯ ᠨᠢᠭᠡ | ᠦᠪᠡᠷ ᠤᠨ ᠢᠶᠠᠨ ᠦᠬᠡ ᠬᠡᠯᠡ ᠲᠠᠢ ᠮᠤᠩᠭᠤᠯ ᠬᠡᠦᠬᠡᠨ ᠢᠶᠠᠨ ᠡᠷᠢᠵᠦ ᠦᠭᠭᠦ ᠲᠤᠬᠠᠢ ᠪᠤᠳᠤᠯᠭᠠ ᠲᠤᠭᠲᠠᠵᠤ ᠬᠦᠦ | ᠲᠠᠢ ᠪᠠᠨ ᠬᠡᠷᠡ ᠪᠢᠴᠢᠭ ᠤᠨ ᠪᠠᠳᠤᠯᠭᠠ ᠬᠢᠵᠦ ᠠᠪᠤᠭᠰᠠᠨ ᠶᠤᠮ᠃ | ᠲᠡᠭᠷᠢ ᠳᠤ ᠡᠬᠦᠯᠡ ᠭᠠᠷᠬᠤ ᠨᠢ ᠨᠢᠭᠡ ᠵᠦᠢ᠃ ᠲᠤᠤᠷᠠ ᠨᠢ ᠠᠮᠢᠲᠤᠷᠠᠭᠰᠠᠨ ᠬᠦᠮᠦᠨ ᠴᠤ ᠬᠦᠳᠡᠯᠭᠡᠭᠡᠨ | ᠲᠤᠮᠲᠠ ᠤᠷᠤᠰᠢᠳᠠᠭ ᠪᠤᠯᠬᠤᠷ ᠶᠠᠭᠤ ᠪᠦᠬᠦᠨ ᠰᠠᠨᠠᠭᠰᠠᠨ ᠢᠶᠠᠷ ᠪᠤᠯᠵᠤ ᠦᠭᠳᠡᠭ ᠦᠬᠡᠢ ᠨᠢ ᠵᠦᠩᠳᠡᠭᠡᠨ᠃ ᠬᠦᠦ | ᠨᠢ ᠬᠤᠳᠠ ᠭᠠᠵᠠᠷ ᠰᠡᠳᠬᠢᠯ ᠳᠤ ᠪᠠᠭᠤᠭᠰᠠᠨ ᠮᠤᠩᠭᠤᠯ ᠬᠡᠦᠬᠡᠨ ᠤᠯᠳᠠᠬᠤ ᠨᠢ ᠪᠡᠷᠭᠡ ᠭᠡᠵᠦ ᠰᠢᠯᠲᠠᠭ ᠪᠢᠰᠢ | ᠨᠦᠭᠦᠴᠡᠯ ᠲᠤᠷᠠᠳᠤᠭᠰᠠᠭᠠᠷ ᠪᠠᠶᠢᠵᠤ ᠡᠴᠦᠰ ᠲᠡᠭᠡᠨ ᠬᠠᠰᠢᠯᠠ ᠡᠪᠦᠭᠡᠨ ᠬᠦᠭᠰᠢᠨ ᠬᠤᠶᠠᠷ ᠢ ᠠᠷᠤ ᠪᠠᠷ ᠨᠢ | ᠰᠠᠭᠤᠯᠭᠠᠵᠤ ᠨᠢᠭᠡᠨ ᠨᠠᠷᠢᠨ ᠨᠢᠷᠤᠭᠤ ᠲᠠᠢ ᠦᠨᠳᠦᠷ ᠰᠢᠷᠠ ᠬᠡᠦᠬᠡᠨ ᠲᠠᠢ ᠨᠢᠭᠤᠴᠠ ᠪᠠᠷ ᠤᠷᠤᠭ ᠤᠨ ᠪᠠᠳᠤᠯᠠᠪᠤᠷᠢ | ᠠᠪᠴᠤ ᠲᠠᠷᠠᠭᠠ ᠵᠢᠯ ᠳᠤ ᠨᠢ ᠠᠰᠢᠬᠦᠢ ᠪᠤᠬᠠᠨ ᠴᠠᠭᠠᠨ ᠬᠦᠦ ᠲᠠᠢ ᠪᠤᠯᠤᠭᠰᠠᠨ ᠨᠢ ᠶᠠᠭᠤ ᠴᠤ ᠭᠡᠰᠡᠨ ᠡᠪᠦᠬᠡᠨ | ᠬᠦᠭᠰᠢᠨ ᠤ ᠵᠢᠷᠦᠬᠡᠨ ᠡᠭᠡᠳᠡᠷᠡᠭᠡ ᠢ ᠨᠢᠭᠡ ᠬᠡᠮᠵᠢᠶᠡᠨ ᠳᠤ ᠨᠠᠮᠵᠢᠷᠠᠭᠤᠯᠤᠭᠠᠳ ᠵᠤᠯ ᠵᠢᠷᠭᠠᠯ ᠭᠡᠭᠴᠢ ᠶᠠᠭᠤ ᠪᠤᠯᠬᠤ ᠶᠢ | ᠮᠡᠳᠡᠬᠦᠯᠵᠡᠢ᠃ | ᠬᠦᠦ ᠳᠡᠭᠡᠨ ᠨᠢᠭᠡᠯᠡ ᠢᠳᠡᠭᠡᠵᠦ᠂ ᠪᠠᠰᠠ ᠲᠤᠭᠲᠠᠭᠠᠭᠰᠠᠨ ᠬᠡᠷᠡ ᠪᠢᠴᠢᠭ ᠲᠡᠭᠡᠨ ᠪᠠᠷᠳᠠᠮ ᠢᠳᠡᠭᠡᠵᠦ ᠪᠠᠶᠢᠭᠠᠳ | ᠠᠷᠤ ᠲᠤᠬᠤ ᠪᠠᠷ ᠢᠶᠠᠨ ᠲᠠᠯᠪᠢᠭᠳᠠᠭᠰᠠᠨ ᠡᠪᠦᠭᠡᠨ ᠮᠠᠨᠢ ᠤᠮᠪᠤᠯᠤ ᠲᠠᠢ ᠪᠤᠯᠤᠭᠰᠠᠨ ᠬᠤᠶᠢᠨᠠ ᠰᠢᠨᠡ ᠨᠢᠭᠡ ᠰᠠᠨᠠᠭᠠ | ᠲᠦᠷᠦᠭᠳᠡᠵᠦ ᠤᠢ ᠲᠤᠯᠤᠭᠰᠠᠨ ᠡᠳᠦᠷ ᠨᠢ ᠤᠮᠪᠤᠯᠤ ᠪᠠᠨ ᠦᠪᠡᠷ ᠤᠨ ᠲᠠᠯᠠ ᠳᠠᠭᠠᠨ ᠲᠤᠰᠴᠤ ᠠᠪᠴᠢᠷᠠᠪᠠ᠃ | ᠦᠵᠡᠵᠦ ᠪᠠᠶᠢᠲᠠᠯᠠ ᠤᠮᠪᠤᠯᠤ ᠨᠢ ᠭᠤᠷᠪᠠᠨ ᠤᠢ ᠲᠤᠯᠵᠤ ᠴᠡᠴᠡᠷᠯᠢᠭ ᠲᠤ ᠤᠷᠤᠬᠤ ᠪᠤᠯᠤᠭᠰᠠᠨ ᠳᠤ ᠬᠦᠦ ᠪᠤᠯᠤᠨ | ᠪᠡᠷᠢ ᠬᠤᠶᠠᠭᠤᠯᠠ ᠨᠢ ᠵᠠᠪᠳᠠᠨ ᠢᠷᠡᠵᠦ ᠬᠢᠳᠡᠳ ᠴᠡᠴᠡᠷᠯᠢᠭ ᠲᠤ ᠬᠦᠷᠭᠡᠨᠡ ᠭᠡᠵᠦ ᠬᠡᠳᠦᠨ ᠡᠳᠦᠷ ᠠᠭᠠᠰᠢ | ᠠᠯᠳᠠᠭᠰᠠᠨ ᠪᠤᠯᠪᠠᠴᠤ ᠡᠪᠦᠭᠡᠨ ᠨᠢᠭᠡᠯᠭᠡᠨ ᠬᠦᠨᠳᠡᠯᠡᠨ ᠬᠦᠰᠢᠵᠦ ᠵᠦᠪᠰᠢᠶᠡᠷᠡᠨᠡ ᠭᠡᠳᠡᠭ ᠦᠬᠡ ᠶᠢ ᠠᠮᠠᠨ ᠲᠤᠲᠤᠷᠠ | ᠪᠠᠨ ᠲᠠᠰᠤ ᠵᠠᠭᠤᠭᠠᠳ ᠰᠢᠭᠤᠷᠬᠠᠢ ᠲᠤᠳᠤᠭᠰᠢᠪᠠᠨ ᠵᠠᠯᠬᠢᠪᠠ᠃ | ᠡᠪᠦᠭᠡᠨ ᠤᠮᠪᠤᠯᠤ ᠶᠢ ᠮᠢᠨᠢ ᠬᠡᠷᠪᠡ ᠮᠠᠨ ᠤ ᠲᠠᠯᠠ ᠠᠴᠠ ᠠᠪᠴᠤ ᠶᠠᠪᠤᠪᠠᠯ ᠪᠢ ᠲᠡᠨ ᠤ ᠬᠤᠶᠠᠷ ᠤᠨ ᠡᠮᠦᠨᠡ | ᠪᠠᠷᠢᠨ ᠲᠤᠯᠤᠭᠠᠢ ᠪᠠᠷ ᠢᠶᠠᠨ ᠬᠠᠨᠠ ᠮᠦᠷᠬᠦᠵᠦ ᠦᠬᠦᠨᠡ ᠬᠡᠮᠡᠨ ᠰᠦᠷᠳᠡᠬᠦᠯᠬᠦ ᠨᠢ ᠮᠡᠳᠦ᠂ ᠦᠨᠡᠨ ᠲᠡᠭᠡᠨ ᠴᠤ | ᠪᠠᠰᠠ ᠲᠡᠶᠢᠮᠦ ᠶᠤᠮᠰᠢᠭ ᠬᠡᠳᠦ ᠤᠳᠠᠭᠠ ᠵᠠᠭᠤᠳᠠᠯ ᠬᠠᠳᠠᠭᠤ ᠤᠷᠤᠯᠳᠤᠭᠰᠠᠨ ᠪᠠ ᠨᠢᠭᠡ ᠡᠳᠦᠷ ᠵᠤᠷᠢᠭᠤᠳᠠ | ᠤᠨᠲᠠᠭᠤᠯᠬᠤ ᠡᠮ ᠪᠠᠨ ᠢᠯᠡᠬᠦᠦ ᠢᠳᠡᠵᠦ ᠵᠢᠷᠦᠬᠡᠨ ᠬᠠᠳᠬᠤᠭᠠ ᠨᠢ ᠲᠠᠬᠢᠭᠠᠳ ᠡᠮᠨᠡᠯᠭᠡ ᠳᠤ ᠰᠠᠭᠤᠭᠰᠠᠨ ᠠᠴᠠ | ᠬᠤᠶᠢᠰᠢ ᠬᠦᠦ ᠪᠤᠯᠤᠨ ᠪᠡᠷᠢ ᠬᠤᠶᠠᠷ ᠨᠢ ᠡᠪᠦᠭᠡᠨ ᠤ ᠰᠠᠨᠠᠭᠠ ᠠᠴᠠ ᠵᠦᠷᠢᠴᠡᠵᠦ ᠲᠡᠶᠢᠯᠬᠦ ᠦᠬᠡᠢ ᠪᠤᠯᠤᠭᠰᠠᠨ | ᠪᠠᠶᠢᠯᠠ᠃ | — ᠠᠷᠭᠠᠮᠵᠢᠶᠠ ᠭᠡᠵᠦ ᠬᠠᠶᠢᠷᠠ ᠪᠦᠬᠡᠷᠡ ᠲᠠᠢ ᠨᠡᠷᠡ ᠦᠭᠭᠦᠭᠡᠳ ᠠᠷᠭᠠᠮᠵᠢᠵᠤ ᠲᠡᠶᠢᠯᠦᠭᠰᠡᠨ ᠦᠬᠡᠢ ᠪᠤᠯᠪᠠᠴᠤ | ᠤᠮᠪᠤᠯᠤ ᠪᠠᠨ ᠶᠠᠭᠠᠬᠢᠭᠰᠠᠨ ᠴᠤ ᠦᠪᠡᠷ ᠤᠨ ᠬᠢᠨ ᠦᠬᠡ ᠬᠡᠯᠡ ᠲᠠᠢ ᠪᠤᠯᠭᠠᠨ ᠠᠷᠭᠠᠮᠵᠢᠵᠤ ᠠᠪᠤᠨᠠ᠃ ᠬᠡᠯᠡ ᠪᠠᠨ | ᠠᠯᠳᠠᠪᠠᠯ ᠬᠦᠯ ᠢᠶᠠᠨ ᠠᠯᠲᠠᠭᠰᠠᠨ ᠭᠡᠵᠦ ᠮᠡᠳᠡ᠂ ᠬᠡᠯᠡ ᠦᠬᠡᠢ ᠬᠦᠮᠦᠨ ᠳᠤ ᠡᠬᠡ ᠨᠤᠳᠤᠭ ᠭᠡᠵᠦ ᠬᠠᠮᠢᠭᠠ | ᠪᠠᠶᠢᠳᠠᠭ ᠶᠤᠮ ᠪᠤᠢ︖ ᠡᠬᠡ ᠨᠤᠳᠤᠭ ᠪᠠᠰᠠ ᠦᠬᠡᠢ ᠬᠦᠮᠦᠨ ᠳᠤ ᠡᠪᠦᠭᠡ ᠲᠡᠭᠡᠳᠦᠰ ᠭᠡᠵᠦ ᠬᠠᠮᠢᠭᠠ ᠪᠠᠶᠢᠬᠤ | ᠶᠤᠮ ᠪᠤᠢ︖ ᠲᠡᠷᠡ ᠴᠢᠨᠢ ᠮᠠᠰᠢ ᠠᠶᠤᠯᠳᠠᠢ ᠶᠠᠪᠤᠳᠠᠯ ᠶᠤᠮ︕ ᠭᠠᠨᠳᠢᠭᠪᠦ᠋ᠷᠬᠦᠳ ᠤᠨ ᠦᠬᠡ ᠢᠩᠬᠢᠵᠤ | ᠵᠠᠯᠭᠠᠪᠠ᠃ | — ᠲᠡᠶᠢᠮᠦ ᠦᠬᠡᠢ ᠨᠢ ᠶᠠᠭᠠᠬᠢᠬᠤ ᠪᠤᠢ᠃ ᠮᠠᠨ ᠤ ᠤᠮᠪᠤᠯᠤ ᠭᠡᠵᠦ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠢᠶᠠᠨ ᠤᠢ | ᠪᠢᠯᠢᠭ ᠢ ᠠᠪᠴᠤ ᠲᠦᠷᠦᠭᠰᠡᠨ ᠠᠪᠬᠠᠯᠵᠢ ᠰᠡᠷᠬᠦᠯᠡᠩ ᠬᠡᠦᠬᠡᠳ ᠶᠤᠮ᠃ ᠲᠡᠭᠡᠷᠡ ᠨᠢ ᠮᠠᠨ ᠲᠠᠢ ᠵᠠᠢ ᠦᠬᠡᠢ | ᠲᠠᠰᠤᠭᠰᠠᠨ ᠲᠡᠳᠦᠢ ᠦᠬᠡᠢ ᠮᠤᠩᠭᠤᠯ ᠦᠬᠡ ᠬᠡᠯᠡ ᠲᠠᠢ ᠪᠠᠨ ᠴᠤᠭᠠᠷ ᠦᠰᠴᠦ ᠲᠤᠮᠤᠭᠤᠵᠢᠭᠰᠠᠨ ᠨᠢ ᠦᠨᠡᠭᠡᠷ | ᠨᠢᠭᠡ ᠵᠢᠷᠭᠠᠯ ᠤᠨ ᠲᠤᠲᠤᠷᠠᠬᠢ ᠵᠢᠷᠭᠠᠯ ᠶᠤᠮ ᠡ︕ ᠨᠠᠷᠠᠨᠰᠠᠶᠢᠬᠠᠨ ᠡᠶᠢᠨᠬᠦ ᠨᠡᠮᠡᠵᠦ ᠬᠡᠯᠡᠨᠡ᠃ | ᠨᠠᠷᠠ ᠪᠠᠷᠠᠭᠤᠨᠰᠢ ᠬᠡᠯᠪᠡᠶᠢᠵᠦ ᠴᠠᠭ ᠤᠨ ᠵᠡᠬᠦᠦ ᠲᠦᠷᠪᠡ ᠬᠠᠭᠠᠰ ᠲᠡᠭᠡᠷᠡ ᠵᠢᠭᠠᠵᠤ ᠪᠠᠶᠢᠯᠠ᠃ | ᠭᠠᠨᠳᠢᠭᠪᠦ᠋ᠷᠬᠦᠳ᠂ ᠨᠠᠷᠠᠨᠰᠠᠶᠢᠬᠠᠨ ᠬᠤᠶᠠᠭᠤᠯᠠ ᠠᠳᠬᠤᠨ ᠳᠠᠭᠠᠨ ᠪᠠᠶᠢᠭᠰᠠᠨ ᠪᠦᠬᠦ ᠶᠠᠭᠤᠮᠠ ᠪᠠᠨ ᠠᠵᠢᠭ ᠦᠬᠡᠢ | ᠴᠠᠰᠢ ᠲᠦᠯᠬᠢᠭᠡᠳ ᠤᠮᠪᠤᠯᠤ ᠳᠠᠭᠠᠨ ᠲᠠᠪᠬᠤᠷᠯᠠᠨ ᠡᠮᠦᠰᠭᠡᠬᠦ ᠬᠦᠬᠡ ᠲᠤᠷᠭᠠᠨ ᠲᠡᠷᠯᠢᠭ ᠢ ᠨᠢ ᠪᠠᠭᠯᠠᠵᠤ ᠠᠪᠤᠭᠰᠠᠨ | ᠢᠶᠠᠨ ᠶᠠᠭ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠳᠠᠭᠠᠨ ᠵᠢᠯᠤᠭᠤ ᠨᠡᠶᠢᠯᠡᠬᠦᠯᠦᠨ ᠬᠠᠮᠳᠤ ᠳᠠᠭᠠᠨ ᠲᠠᠪᠬᠢᠭᠤᠯᠳᠠᠭ ᠲᠠᠢ ᠪᠠᠨ | ᠠᠳᠠᠯᠢ ᠦᠷᠢᠶᠡ ᠮᠤᠷᠢᠨ ᠲᠤᠪᠲᠤᠯᠤᠭᠠ ᠪᠠᠷ ᠦᠭᠡᠳᠡᠯᠡᠬᠦ ᠵᠠᠶᠠᠭᠠ ᠨᠢ ᠮᠠᠨᠳᠤᠭᠰᠠᠨ ᠮᠤᠩᠭᠤᠯ ᠴᠡᠴᠡᠷᠯᠢᠭ ᠵᠦᠭ ᠲᠤ | ᠭᠠᠷᠴᠤ ᠬᠦᠶᠦᠯᠭᠡᠪᠡ᠃ | | | ᠬᠠᠶ᠋ᠢᠭ᠄ 内蒙古赤峰市图书馆 ︔ 伟丽嗣 | 赤峰学院环境与资源科学学院: | 金 翠 叶 ︵ ᠳᠤ ᠲᠠᠮᠵᠢᠭᠤᠯᠤᠨᠠ︶ | ᠰᠢᠦᠳᠠᠨ᠄ 024000 | ᠤᠳᠠᠰᠤ᠄ 15848999841 | | | | | | | | |