| ★ ᠵᠢᠷᠤᠭ | ᠪᠢ ᠭᠡᠵᠤ ᠡᠶᠢᠮᠤ ᠯᠠ ᠬᠦᠮᠦᠨ | ᠡᠬᠡ ᠤᠷᠤᠨ ᠤ ᠪᠠᠨ ᠡᠯᠢᠭᠡᠨ ᠳᠤ ᠪᠠᠶᠢᠭᠰᠠᠨ ᠴᠦ | ᠦᠪᠡᠷ ᠢ ᠪᠠᠨ ᠲᠦᠭᠡᠷᠢᠴᠢᠬᠡᠬᠦ ᠪᠤᠢ ᠭᠡᠵᠤ | ᠬᠢᠴᠢᠶᠡᠵᠤ ᠶᠠᠪᠤᠳᠠᠭ ᠶᠤᠮ ᠡ ᠪᠢ᠂ | ᠡᠷᠬᠡ ᠬᠤᠩᠭᠤᠷ ᠨᠠᠰᠤᠨ ᠤ ᠪᠠᠨ ᠲᠤᠷᠠᠰᠤᠮᠵᠢ ᠤᠳ ᠢ | ᠠᠮᠢᠳᠤ ᠵᠢᠷᠤᠭ ᠢᠶᠠᠷ ᠨᠢ ᠠᠭᠢᠵᠤ ᠬᠠᠷᠠᠬᠤ ᠶᠤᠮᠰᠠᠨ ᠭᠡᠵᠤ | ᠪᠤᠳᠤᠳᠠᠭ ᠶᠤᠮ ᠡ ᠪᠢ᠂ | | ᠦᠷᠦᠭᠡᠯ ᠲᠠᠢ ᠮᠤᠷᠢ ᠴᠦ ᠦᠵᠡᠭᠰᠡᠨ ᠦᠭᠡᠢ ᠬᠡᠥᠬᠡᠳ ᠤᠳ ᠲᠤ ᠪᠠᠨ | ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠲᠠᠪᠠᠭ᠋ᠤ ᠤᠬᠠᠭᠠᠨ ᠢ | ᠤᠶᠢᠯᠠᠭᠠᠭᠤᠯᠬᠤ ᠭᠡᠵᠤ ᠮᠤᠩᠭᠠᠨᠢᠳᠠᠭ ᠶᠤᠮ ᠡ ᠪᠢ᠂ | ᠡᠪᠦᠷ ᠲᠤ ᠪᠠᠨ ᠬᠠᠳᠠᠭ ᠲᠠᠢ ᠡᠵᠢ ᠳᠤ ᠪᠠᠨ | ᠲᠡᠪᠡᠯ ᠲᠠᠢ ᠭᠤᠶᠤᠯᠠᠵᠤ ᠵᠤᠯᠭᠠᠬᠤ ᠪᠠᠷ ᠢᠶᠠᠨ | ᠰᠡᠳᠬᠢᠯ ᠪᠠᠶᠠᠷᠬᠠᠵᠤ ᠲᠤᠭᠳᠤᠯᠳᠠᠭ ᠶᠤᠮ ᠡ ᠪᠢ᠃ | | ᠰᠠᠶᠢᠬᠠᠨ ᠮᠤᠩᠭᠤᠯ ᠡᠷᠡᠴᠦᠳ ᠨᠢ | ᠰᠠᠷᠬᠤᠳ ᠢᠶᠠᠷ ᠰᠢᠯᠳᠠᠵᠤ ᠤᠶᠢᠴᠢᠬᠤ ᠦᠭᠡᠢ ᠯᠠ ᠪᠠᠶᠢᠪᠠᠯ | ᠮᠢᠨᠤ ᠲᠡᠯᠡᠬᠡᠢ ᠨᠠᠶᠢᠷᠠᠭ ᠢᠶᠠᠷ ᠲᠤᠳᠠᠬᠤ ᠦᠭᠡᠢ ᠶᠤᠮ᠂ | ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠲᠤᠶᠠᠭᠠᠷᠠᠳᠠᠭ ᠪᠦᠰᠡᠭᠦᠶᠢᠴᠤᠳ ᠨᠢ | ᠮᠦᠩᠭᠦ ᠪᠠᠷ ᠰᠢᠯᠳᠠᠵᠤ ᠲᠦᠭᠡᠷᠢᠬᠦ ᠦᠭᠡᠢ ᠯᠠ ᠪᠠᠶᠢᠪᠠᠯ | ᠮᠢᠨᠤ ᠤᠯᠠᠷᠢᠯ ᠴᠡᠴᠡᠭ ᠢᠶᠠᠷ ᠭᠤᠨᠳᠠᠬᠤ ᠦᠭᠡᠢ ᠶᠤᠮ᠃ | | ᠪᠤᠭᠤᠷᠤᠯ ᠤᠨ ᠢᠶᠠᠨ ᠢᠷᠦᠭᠡᠯ ᠢ | ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠰᠦᠬᠦᠷᠡᠵᠤ ᠲᠤᠰᠬᠤ ᠤᠬᠠᠭᠠᠨ ᠢ | ᠬᠡᠥᠬᠡᠳ ᠤᠳ ᠮᠢᠨᠢ ᠰᠤᠪᠢᠳᠠᠭ ᠪᠠᠶᠢᠪᠠᠯ | ᠪᠤᠴᠠᠰᠢ ᠦᠭᠡᠢ ᠤᠨ ᠵᠢᠯ ᠤᠨ ᠲᠦᠯᠦᠭᠡ | ᠪᠢ ᠲᠠᠩᠴᠢ ᠡᠷᠳᠡ ᠭᠤᠨᠢᠬᠤ ᠦᠭᠡᠢ᠂ | ᠪᠢ ᠭᠡᠵᠤ ᠡᠶᠢᠮᠤ ᠬᠦᠮᠦᠨ︕ | ᠪᠢ ᠭᠡᠵᠤ ᠡᠶᠢᠮᠤ ᠯᠠ ᠬᠦᠮᠦᠨ︕ | | |