| | ᠪᠠ᠊ · ᠤᠳᠽᠠᠷ | ᠤᠭᠠᠯᠵᠠᠨ ᠰᠢᠭᠤᠷᠭᠠ ᠲᠠᠢ ᠡᠪᠤᠯ ᠴᠢᠷᠠᠢ ᠬᠤᠵᠠᠶᠢᠨ ᠠᠶᠠᠷᠯᠠᠬᠤᠶᠠ | ᠤᠶᠠᠬᠠᠨ ᠰᠠᠯᠬᠢ ᠢᠯᠪᠢᠭᠰᠡᠨ ᠬᠠᠪᠤᠷ ᠮᠤᠷᠢᠯᠠᠨ ᠰᠠᠭᠠᠳᠠᠨᠠ | ᠤᠶᠠᠨ ᠲᠡᠭᠵᠢᠨ ᠪᠠᠭᠠ ᠨᠠᠰᠤ ᠭᠡᠳᠤᠶᠢᠨ ᠠᠷᠤ ᠳᠤ ᠬᠤᠴᠤᠷᠠᠬᠤᠶᠠ | ᠤᠬᠠᠭᠠᠨ ᠮᠠᠭᠤᠳᠠᠬᠤ ᠦᠳᠡᠯᠦᠭᠡ ᠨᠠᠰᠤᠨ ᠤ ᠰᠠᠨᠴᠢᠭ ᠲᠤ ᠬᠢᠷᠠᠭᠤ ᠪᠠᠭᠤᠯᠠ᠃ | | | ᠠᠯᠢᠶᠠ ᠬᠦᠭᠡᠷᠦᠬᠦᠨ ᠨᠢᠭᠡ ᠠᠪᠤ ᠶᠢᠨ ᠭᠡᠤᠭᠡᠳ ᠦᠶᠡᠳᠡᠨ ᠨᠡᠷ | ᠠᠵᠢᠭ ᠦᠭᠡᠢ ᠲᠠᠰᠤᠯᠴᠠᠭᠠᠳ ᠨᠠᠭᠠᠳᠴᠤ ᠲᠤᠬᠯᠠᠵᠤ ᠪᠠᠶᠢᠬᠰᠠᠨ | ᠠᠨᠳᠠ ᠨᠠᠶᠢᠵᠠ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠨᠢᠭᠡ ᠪᠠᠭᠰᠢ ᠶᠢᠨ ᠱᠠᠪᠢ ᠪᠠᠶᠢᠬᠰᠠᠨ | ᠠᠯᠠᠭ ᠦᠭᠡᠢ ᠰᠡᠳᠬᠢᠯ ᠢᠶᠠᠷ ᠨᠠᠶᠢᠵᠠᠯᠠᠨ ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠵᠤ ᠪᠠᠶᠢᠬᠰᠠᠨ᠃ | | | ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠰᠢᠪᠡᠷ ᠪᠠᠶᠢᠰᠢᠩ ᠤᠨ ᠬᠢᠴᠢᠶᠠᠯ ᠤᠨ ᠲᠠᠩᠬᠢᠮ ᠳᠤ | ᠠ ᠡ ᠢ ᠠᠶᠠᠯᠠᠭᠤᠯᠵᠤ ᠤᠡᠭᠰᠢᠬᠰᠠᠨ ᠴᠤᠤᠷᠢᠶᠠ ᠬᠠᠨᠭ᠍ᠬᠢᠨᠠᠨᠠ | ᠠᠯᠳᠠᠨ ᠨᠤᠮ ᠤᠨ ᠠᠩᠬᠠᠨ ᠤ ᠬᠠᠭᠤᠳᠠᠰᠤ ᠶᠢ ᠪᠠᠨ | ᠠᠴᠢᠳᠤ ᠪᠠᠭᠰᠢ ᠪᠠᠷ ᠢᠶᠠᠨ ᠨᠡᠭᠡᠭᠡᠯᠭᠡᠭᠰᠡᠨ ᠡᠬᠢᠯᠡᠯᠳᠠ ᠪᠤᠳᠤᠬᠳᠠᠨᠠ᠃ | | | ᠭᠡᠤᠭᠡᠳ ᠦᠶᠠ ᠶᠢᠨ ᠠᠵᠤ ᠠᠮᠢᠳᠤᠷᠠᠯ ᠮᠢᠨᠢ | ᠭᠦᠭᠵᠢᠮ ᠲᠠᠭᠠᠷᠠᠭᠤᠯᠤᠬᠰᠠᠨ ᠲᠠᠭᠤ ᠴᠤᠤᠷᠢᠶᠠ ᠲᠠᠢ | ᠬᠦᠷᠦᠰᠤᠳᠤ ᠲᠡᠯᠡᠭᠡᠢ ᠶᠢᠨ ᠦᠷᠦᠴᠠᠨ ᠲᠡᠭᠡᠷᠡᠬᠢ | ᠬᠦᠰᠡᠯ ᠮᠦᠷᠦᠭᠡᠲᠦᠯᠳᠤ ᠴᠠᠭ ᠦᠶᠠ ᠶᠢᠨ ᠴᠢᠪᠬᠠᠳᠠᠰᠤ ᠡ᠃ | | | ᠨᠠᠩᠬᠢ ᠰᠢᠪᠡᠷᠳᠤ ᠪᠤᠷᠤ ᠪᠠᠶᠢᠰᠢᠩ ᠳᠠᠭᠠᠨ | ᠨᠠᠷᠬᠢᠶᠠᠨ ᠬᠦᠭᠵᠢᠶᠠᠨᠳᠡᠢ ᠵᠤᠭᠤᠭ ᠲᠡᠯᠭᠡᠨ ᠶᠠᠷᠢᠯᠴᠠᠵᠤ ᠪᠠᠶᠢᠬᠰᠠᠨ | ᠪᠠᠶᠠᠷ ᠭᠤᠨᠢᠭ ᠢᠶᠠᠨ ᠬᠤᠪᠢᠶᠠᠯᠴᠠᠨ ᠡᠳ᠋ᠯᠡᠭᠡᠳ | ᠪᠠᠭᠰᠢ ᠶᠢᠨ ᠰᠤᠷᠭᠠᠯ ᠢ ᠬᠦᠷᠳᠡᠳᠡᠭ ᠪᠠᠶᠢᠬᠰᠠᠨ ᠶᠤᠮ᠃ | | | ᠨᠦᠬᠦᠳ ᠦᠶᠠ ᠪᠠᠷ ᠢᠶᠠᠨ ᠨᠢᠭᠡ ᠪᠦᠯᠦᠭ ᠴᠡᠷᠢᠭ ᠪᠠᠶᠢᠭᠤᠯᠵᠤ | ︽ᠨᠦᠭᠡᠨ ᠵᠠᠮ ᠤᠨ ᠰᠢᠷᠦᠬᠦᠨ ᠲᠡᠶᠢᠨ︾ ᠢ ᠬᠢᠯᠴᠠᠨᠠ | ᠴᠠᠰᠤᠳᠡᠢ ᠡᠪᠤᠯ ᠮᠦᠰᠤᠨ ᠲᠡᠭᠡᠷᠡ ᠲᠡᠰᠢᠨ ᠬᠦᠶᠦᠯᠴᠡᠭᠡᠳ | ᠴᠠᠰᠤᠨ ᠲᠡᠯᠡᠢ ᠶᠢᠨ ᠲᠤᠮᠳᠠ ᠰᠢᠷᠦᠬᠦᠨ ᠲᠡᠶᠢᠨ ᠢ ᠬᠢᠨᠠ᠃ | | | ᠤᠴᠢᠷ ᠦᠭᠡᠢ ᠶᠠᠭᠤᠮᠠᠨ ᠳᠤ ᠠᠭᠤᠷᠯᠠᠵᠤ ᠭᠡᠷᠡᠯᠲᠦᠳᠡᠭ ᠪᠤᠯᠪᠠᠴᠤ | ᠤᠳᠠᠯ ᠦᠭᠡᠢ ᠲᠡᠬᠢᠭᠠᠳ ᠡᠶᠡᠯᠳᠤᠵᠤ ᠲᠠᠳᠴᠤ ᠪᠠᠶᠢᠬᠰᠠᠨ ᠶᠤᠮ | ᠤᠨᠠᠭᠠᠨ ᠪᠠᠭᠠ ᠶᠢᠨ ᠮᠠᠷᠳᠠᠬᠳᠠᠰᠢ ᠦᠭᠡᠢ ᠨᠠᠶᠢᠵᠠᠳ ᠪᠠᠶᠢᠬᠰᠠᠨ | ᠤᠷᠳᠤ ᠶᠢᠨ ᠬᠤᠪᠢ ᠢᠷᠦᠭᠡᠯ ᠲᠠᠢ ᠲᠠᠩᠭᠠᠷᠢᠭ ᠪᠠᠶᠢᠬᠰᠠᠨ ᠶᠤᠮ᠃ | | | | ᠬᠦᠨᠳᠤᠳᠤ ᠬᠠᠶᠢᠷᠠᠳᠤ ᠠᠬᠠᠮᠠᠳ ᠰᠤᠷᠭᠠᠬᠴᠢ ᠪᠡᠯᠡ ᠪᠠᠭᠰᠢ | ᠭᠡᠤᠭᠡᠳ ᠪᠢᠳᠠᠨ ᠤ ᠠᠰᠠᠷᠠᠬᠴᠢ ᠰᠤᠪᠢᠯᠠᠬᠴᠢ ᠪᠠᠭᠰᠢ | ᠬᠦᠳᠡᠭᠡ ᠲᠡᠯᠡ ᠶᠢᠨ ᠮᠠᠯᠴᠢᠳ ᠤᠨ ᠦᠷᠡᠰ ᠤᠨ | ᠬᠦᠰᠡᠯ ᠨᠠᠶᠢᠳᠠᠪᠤᠷᠢᠳᠤ ᠬᠠᠮᠳᠤ ᠶᠢᠨ ᠰᠢᠲᠦᠭᠡᠨ ᠪᠤᠯᠬᠤ ᠪᠠᠭᠰᠢ᠃ | | | ᠦᠷᠦᠭᠡᠯ ᠪᠤᠰᠤᠳ ᠤᠨ ᠦᠷᠠ ᠭᠡᠤᠭᠡᠳ ᠢ ᠰᠠᠨᠠᠵᠤ | ᠦᠪᠡᠷ ᠤᠨ ᠰᠡᠳᠬᠢᠯ ᠢᠶᠠᠨ ᠴᠢᠯᠡᠭᠡᠵᠤ ᠶᠠᠪᠤᠬᠰᠠᠨ | ᠦᠷᠯᠦᠭᠡ ᠪᠦᠷᠢ ᠡᠷᠳᠡᠯᠡᠨ ᠪᠤᠰᠤᠨ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠴᠤ | ᠡᠷᠦᠭᠡ ᠪᠠᠶᠢᠷᠢ ᠶᠢᠨ ᠬᠢᠰᠠ ᠶᠢ ᠨᠤᠴᠤᠭᠠᠵᠤ ᠲᠤᠯᠠᠭᠠᠴᠠᠭᠤᠯᠤᠨᠠ᠃ | | | ᠬᠠᠬᠢᠷ ᠡᠪᠤᠯ ᠤᠨ ᠬᠦᠢᠳᠡᠨ ᠳᠤ ᠲᠠᠭᠠᠷᠠᠴᠢᠬᠠᠨᠠ ᠭᠡᠳ | ᠬᠠᠯᠠᠭᠤᠨ ᠵᠤᠨ ᠤ ᠠᠭᠠᠬᠢᠮᠠ ᠳᠤ ᠰᠢᠷᠠᠬᠳᠠᠴᠢᠬᠠᠨᠠ ᠭᠡᠳ | ᠬᠠᠨᠢᠶᠠᠳᠤ ᠲᠠᠬᠰᠢᠭᠤᠷ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠴᠢᠭᠡᠨᠡ ᠭᠡᠳ | ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠬᠦᠮᠤᠵᠢᠬᠦᠯᠤᠨ ᠦᠰᠭᠡᠭᠰᠡᠨ᠃ | | | ᠠᠷᠭᠠ ᠤᠬᠠᠭᠠᠨ᠂ ᠬᠦᠴᠤᠨ ᠴᠢᠳᠠᠯ ᠢᠶᠠᠨ ᠰᠢᠪᠬᠠᠵᠤ | ᠠᠮᠠᠷᠠᠯᠳᠠ ᠪᠠᠨ ᠲᠡᠪᠴᠢᠨ᠂ ᠰᠤᠶᠤᠯ ᠤᠨ ᠲᠠᠪᠴᠠᠩ ᠳᠤ | ᠠᠷᠠᠳ ᠤᠨ ᠭᠡᠤᠭᠡᠳ ᠦᠨᠲᠦᠰᠦᠳᠡᠨ ᠤ ᠭᠡᠭᠡᠷᠡᠯ ᠤᠨ ᠲᠦᠯᠦᠭᠡ | ᠠᠷᠠᠯ ᠤᠨ ᠱᠠᠷ ᠰᠢᠭ᠋ ᠵᠢᠳᠬᠦᠭᠰᠡᠨ ᠮᠠᠨᠳᠤᠯᠠ ᠪᠠᠭᠰᠢ᠃ | | | | ᠤᠬᠠᠭᠠᠨ ᠪᠠᠭᠠ ᠶᠢᠨ ᠠᠯᠳᠠᠭᠠ ᠲᠤᠳᠠᠬᠳᠠᠯ ᠢ ᠮᠢᠨᠢ | ᠤᠷᠠᠨ ᠠᠷᠭᠠ ᠪᠠᠷ ᠡᠪᠳᠡᠶᠢᠭᠡᠨ ᠡᠶᠡᠳᠡᠬᠦᠯᠵᠤ ᠶᠠᠪᠤᠬᠰᠠᠨ | ᠤᠬᠠᠭᠠᠨ ᠰᠠᠨᠠᠭᠠ ᠪᠦᠷᠢᠲᠦᠭᠡᠳᠤᠢ ᠪᠢᠳᠠ ᠨᠡᠷ ᠢ ᠪᠠᠨ | ᠤᠬᠠᠭᠠᠷᠠᠭᠤᠯᠵᠤ ᠲᠠᠮᠢᠷᠵᠢᠭᠤᠯᠤᠨ ᠤᠬᠳᠠᠷᠭᠤᠢ ᠳᠤ ᠨᠢᠰᠭᠡᠭᠰᠡᠨ᠃ | | | ᠭᠤᠴᠢ ᠭᠠᠷᠤᠢ ᠬᠠᠯᠢᠰᠤ ᠪᠠᠨ ᠬᠠᠭᠠᠯᠤᠬᠰᠠᠨ ᠴᠤᠷᠪᠠᠭᠠ ᠰᠢᠭ᠋ | ᠭᠤᠷᠪᠠ ᠲᠠᠪᠤ ᠪᠠᠷ ᠪᠡᠷᠡ ᠠᠪᠤᠯᠴᠠᠬᠰᠠᠨ ᠵᠡᠭᠡᠷᠡ ᠰᠢᠭ | ᠭᠤᠳᠤᠷᠠᠵᠤ ᠤᠴᠠᠭᠠᠷᠯᠠᠬᠤ ᠶᠢ ᠡᠬᠦᠷᠢᠳᠠ ᠤᠶᠢᠰᠢᠶᠠᠳᠠᠭ ᠦᠭᠡᠢ | ᠭᠤᠴᠢᠨ ᠵᠢᠯ ᠨᠢᠭᠡ ᠯᠠ ᠵᠠᠩ ᠲᠠᠢ ᠴᠠᠩ ᠴᠢᠩ ᠪᠠᠭᠰᠢ᠃ | | | ᠬᠠᠨᠭ᠍ᠬᠢᠨᠠᠮᠠ ᠰᠠᠶᠢᠬᠠᠨ ᠤᠶᠠᠨ ᠡᠭᠡᠰᠢᠭᠲᠦ ᠬᠤᠭᠤᠯᠠᠢ ᠪᠠᠷ ᠢᠶᠠᠨ | ᠬᠠᠨᠭ᠍ᠭᠠᠯ ᠪᠠᠶᠢᠭᠠᠯᠢ ᠶᠢᠨ ᠴᠡᠪᠡᠷᠭᠡᠨ ᠪᠤᠷᠤ ᠮᠤᠩᠭᠤᠯ ᠦᠷᠡᠰ ᠲᠤ | ᠬᠠᠶᠢᠷᠠ ᠶᠢᠨ ᠢᠪᠢᠯᠭᠡ ᠲᠠᠢ ᠰᠤᠳᠤᠨ ᠲᠠᠭᠤᠤ ᠨᠤᠭᠤᠳ ᠢ | ᠬᠠᠳᠠᠭᠠᠰᠤ ᠪᠤᠯᠳᠠᠯᠠ ᠵᠢᠷᠦᠭᠡᠨ ᠳᠤ ᠰᠢᠩᠭᠡᠵᠤ ᠦᠭᠬᠦᠭᠰᠡᠨ᠃ | | | ᠰᠠᠳᠤᠨ ᠲᠦᠷᠦᠯ ᠠᠴᠠ ᠪᠠᠨ ᠢᠯᠡᠬᠦᠤ ᠰᠡᠳᠬᠢᠯ ᠢᠶᠠᠨ ᠴᠢᠯᠡᠭᠡᠨ | ᠰᠠᠨᠠᠭᠠᠨ ᠠᠴᠠ ᠪᠠᠨ ᠢᠯᠡᠬᠦᠤ ᠤᠶᠤᠨ ᠢᠶᠠᠨ ᠰᠢᠪᠬᠠᠬᠰᠠᠨ | ᠡᠵᠢ ᠶᠢᠨ ᠤᠡᠭᠭᠤᠨ ᠬᠠᠶᠢᠷᠠ ᠶᠢᠨ ᠢᠪᠡᠭᠡᠯᠳᠡᠢ | ᠡᠨᠡᠷᠢᠯ ᠤᠨ ᠰᠠᠬᠢᠭᠤᠯᠰᠤᠨ ᠤ ᠲᠦᠷᠢ ᠲᠠᠢ ᠬᠠᠳᠠ ᠪᠠᠭᠰᠢ᠃ | | | | ᠲᠠᠨᠠᠷ ᠤᠨ ᠢᠶᠠᠨ ᠪᠤᠶᠠᠨ ᠭᠡᠰᠢᠭ ᠲᠤ ᠢᠪᠡᠭᠡᠭᠳᠡᠭᠰᠡᠨ | ᠲᠠᠪᠢ ᠭᠠᠷᠤᠢ ᠲᠠᠷᠪᠠᠵᠤ ᠲᠡᠭᠳᠡᠵᠤ ᠦᠰᠦᠭᠰᠡᠨ ᠰᠤᠷᠤᠬᠴᠢ | ᠲᠠᠪᠤᠳᠤᠭᠠᠷ ᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠡᠬᠦᠰᠬᠦ ᠳᠤ | ᠲᠠᠪᠤᠨ ᠠᠩᠬᠢ ᠳᠤ ᠬᠤᠪᠢᠶᠠᠷᠢᠯᠠᠵᠤ ᠲᠡᠨ ᠤ ᠮᠠᠨ ᠤ ᠠᠩᠬᠢ ᠪᠤᠯᠵᠡᠢ᠃ | | | ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠹᠷᠤᠨᠲ ᠲᠡᠭᠡᠷᠡ ᠨᠠᠰᠤᠨ ᠲᠤᠷᠰᠢ | ᠰᠤᠳᠤᠨ ᠤᠬᠠᠭᠠᠨ ᠢᠶᠠᠨ ᠰᠢᠷᠬᠢᠳᠠᠯᠠ ᠰᠢᠨᠠᠯᠭᠠᠬᠰᠠᠨ | ᠰᠤᠷᠬᠤ ᠨᠠᠰᠤᠨ ᠤ ᠮᠤᠩᠭᠤᠯ ᠤᠨ ᠦᠷᠠ ᠬᠤᠶᠢᠴᠢᠰ ᠲᠠᠭᠠᠨ | ᠰᠠᠭᠤᠷᠢ ᠮᠡᠳᠡᠯᠭᠡ ᠶᠢ ᠲᠡᠷᠢᠬᠢᠨ ᠳᠤ ᠨᠢ ᠬᠠᠳᠠᠩᠰᠢᠭᠤᠯᠤᠬᠰᠠᠨ᠃ | | | ᠠᠭᠤᠵᠢᠮ ᠰᠡᠳᠬᠢᠯᠳᠤ᠂ ᠠᠴᠢᠯᠠᠯ ᠶᠡᠭᠡᠳᠤ ᠪᠠᠭᠰᠢ ᠨᠡᠷ ᠮᠢᠨᠢ | ᠠᠮᠤᠷᠯᠢᠩᠭᠤᠢ ᠲᠠᠶᠢᠪᠤᠡᠭ ᠨᠤᠶᠢᠷᠰᠤᠬᠤ ᠶᠢ ᠢᠷᠦᠭᠡᠶᠠ | ᠠᠷᠢᠭᠤᠨ ᠰᠦᠨᠡᠰᠤᠳᠤ ᠰᠡᠷᠡᠬᠦᠨ ᠠᠮᠢᠰᠬᠤᠯᠳᠤ ᠨᠠᠶᠢᠵᠠ ᠨᠡᠷ ᠮᠢᠨᠢ | ᠠᠰᠢᠳᠠ ᠪᠢᠳᠠ ᠨᠡᠷ ᠲᠠᠢ ᠪᠠᠨ ᠵᠠᠶᠠᠭᠠᠬᠤ ᠶᠢ ᠨᠠᠮᠠᠨᠴᠢᠯᠠᠶᠠ᠃ | | | ᠤᠬᠢᠯᠠᠵᠤ ᠤᠨᠠᠬᠤ᠂ ᠲᠠᠭᠤᠯᠠᠵᠤ ᠵᠢᠷᠭᠠᠬᠤ᠂ ᠦᠳᠡᠯᠵᠤ ᠦᠬᠦᠬᠦ | ᠤᠷᠪᠠᠭᠠᠨ ᠬᠦᠷᠪᠡᠭᠡᠨ ᠲᠠᠢ ᠬᠤᠷᠸᠠ ᠳᠤ ᠲᠠᠭᠤᠯᠠᠵᠤ ᠬᠠᠶᠢᠯᠠᠯᠠ ᠪᠢᠳᠠ | ᠤᠬᠠᠭᠠᠷᠠᠵᠤ ᠰᠡᠭᠡᠭᠡᠷᠡᠬᠦ ᠰᠤᠷᠭᠠᠭᠤᠯᠢ ᠳᠤ ᠬᠠᠮᠳᠤ ᠪᠠᠶᠢᠬᠰᠠᠨ ᠢᠶᠠᠨ | ᠠᠭᠤᠯᠵᠠᠬᠤ ᠴᠢᠭᠤᠯᠭᠠᠨ ᠤ ᠡᠲᠦᠷ ᠲᠤᠷᠠᠰᠴᠤ ᠰᠠᠨᠠᠯᠠ ᠲᠠᠨᠠᠷ ᠢᠶᠠᠨ᠃ | | | | ᠰᠢᠷᠠ ᠨᠤᠬᠠᠢ ᠵᠢᠯ ᠭᠠᠨᠵᠤᠭᠠ ᠪᠠᠯᠭᠠᠰᠤᠨ ᠳᠤ ᠪᠢᠳᠠ ᠴᠤᠬᠯᠠᠷᠠᠯᠠ | ᠬᠠᠷᠠ ᠨᠢᠳᠤᠨ ᠳᠡᠭᠡᠨ ᠨᠢᠯᠪᠤᠰᠤ ᠪᠦᠮᠪᠦᠷᠢᠬᠦᠯᠤᠨ ᠠᠭᠤᠯᠵᠠᠯᠠ ᠪᠢᠳᠠ | ᠬᠠᠷᠠᠵᠤ ᠬᠠᠯᠢᠶᠠᠬᠰᠠᠨ ᠬᠦᠰᠡᠵᠤ ᠬᠦᠯᠢᠶᠡᠭᠰᠡᠨ ᠨᠠᠶᠢᠵᠠ ᠨᠡᠷ ᠲᠠᠢ ᠪᠠᠨ | ᠬᠠᠮᠳᠤᠷᠠᠬᠤ ᠶᠢᠨ ᠤᠷᠢᠳᠡᠬᠢ ᠤᠨᠠᠭᠠᠨ ᠪᠠᠭᠠ ᠨᠠᠰᠤᠨ ᠢᠶᠠᠨ ᠡᠷᠬᠢᠴᠡᠬᠦᠯᠤᠭ᠍ᠰᠡᠨ᠃ | | | ᠠᠮᠤᠷ ᠤᠤ︖ ᠮᠠᠨᠳᠤ ᠤᠤ︖ ᠡᠪᠦᠭᠡ ᠡᠮᠡᠭᠡ ᠪᠤᠯᠴᠢᠬᠠᠬᠰᠠᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠳ ᠮᠢᠨᠢ | ᠠᠶᠠᠨ ᠤ ᠭᠠᠯ ᠲᠠᠢ ᠴᠤᠭ ᠲᠠᠢ ᠠᠷᠤ ᠭᠡᠷ ᠤᠨ ᠪᠤᠶᠠᠨ ᠭᠡᠰᠢᠭ ᠭᠡᠢ ᠮᠤᠷᠢ ᠦᠭᠡᠳᠠ | ᠠᠩᠬᠠᠨ ᠤ ᠪᠤᠯᠵᠤᠭᠠ ᠶᠢᠨ ᠨᠢᠭᠡ ᠡᠲᠦᠷ ᠤᠨ ᠴᠠᠭ ᠪᠤᠯᠪᠠᠴᠤ | ᠠᠮᠢᠳᠤ ᠶᠠᠪᠤᠬᠤ ᠶᠢᠨ ᠵᠠᠶᠠᠭᠠᠨ ᠤ ᠲᠤᠷᠠᠳᠬᠠᠯ ᠲᠠᠢ ᠬᠠᠮᠳᠤ ᠰᠤᠷᠤᠯᠭᠠᠳᠠᠳ ᠲᠠᠢ ᠵᠤᠯᠭᠠᠯᠴᠠᠯᠠ︕ | | | ᠲᠦᠡᠭᠯᠢᠶᠤᠤ ᠬᠤᠳᠠ ᠶᠢᠨ ᠮᠤᠩᠭᠤᠯ ᠦᠨᠲᠦᠰᠦᠳᠡᠨ ᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠶᠢᠨ ᠮᠤᠩᠭᠤᠯ ᠭᠡᠯᠡᠨ ᠤ ᠵᠢᠭᠠᠨ ᠰᠤᠳᠤᠯᠬᠤ ᠲᠤᠭᠤᠶᠢᠯᠠᠩ | 姓名：敖斯尔 | 电话：15750560906 | | | | | |