| ᠭᠡᠷᠡᠯ ᠤᠨ ᠲᠣᠭᠤᠷᠠᠭ | ᠰ᠊ ᠮᠦᠩᠬᠡᠪᠠᠶᠠᠷ | ᠣᠳᠣᠮ ᠢᠵᠠᠭᠤᠷ ᠤᠨ ᠴᠢᠳᠠᠮᠣᠨᠢ ᠡᠷᠳᠡᠨᠢ ᠭᠤᠯᠣᠮᠳᠠ ᠲᠣᠯᠭᠠ ᠪᠠᠨ ᠲᠣᠭᠤᠷᠠᠭ ᠭᠡᠭᠡᠯᠡᠵᠦ | ᠣᠶᠠᠬᠠᠨ ᠲᠡᠯᠡᠬᠡᠢ ᠶᠢ ᠡᠷᠬᠡᠯᠡᠨ ᠲᠣᠭᠤᠶᠢᠷᠠᠭᠤᠯᠣᠭᠰᠠᠨ ᠭᠡᠷᠡᠯ ᠤᠨ ᠲᠣᠣᠯᠢ ᠳᠤ ᠨᠡᠪᠳᠡᠷᠡᠨᠡᠮ ᠪᠢ | ᠣᠭᠤᠷᠠᠭ ᠰᠢᠷᠭᠠᠯ ᠢᠯᠴᠢ ᠪᠠᠷ ᠢᠶᠠᠨ ᠠᠮᠢ ᠬᠦᠯᠬᠦᠭᠦᠯᠳᠡᠭ ᠠᠮᠠᠷᠠᠭ ᠴᠠᠭᠠᠨ ᠨᠠᠷᠠᠨ | ᠦᠪ ᠲᠡᠦᠬᠡ ᠶᠢ ᠡᠷᠢᠭᠳᠡᠭᠦᠯᠦᠨ ᠲᠣᠷᠠᠰᠣᠭᠤᠯᠵᠦ ᠡᠮᠡᠭᠡᠯ ᠲᠡᠭᠡᠷᠡ ᠭᠠᠨᠭ᠍ᠭᠠᠠᠷᠬᠠᠨᠠ | ᠪᠦᠭᠦᠷᠭᠡᠨ ᠬᠤᠶᠠᠷ ᠲᠣᠯᠢᠨ ᠳᠤ ᠨᠢ ᠪᠦᠰᠡᠭᠦᠢ ᠬᠤᠨᠭ᠍ᠭᠤᠷ ᠤᠨ ᠮᠢᠨᠢ ᠵᠢᠰᠦᠨ ᠰᠭᠦᠳᠡᠭᠨᠡᠨ ᠲᠣᠷᠣᠯᠵᠠᠨᠠ | ᠪᠦᠷ ᠨᠠᠭᠠᠨᠠ ᠨᠢ ᠡᠵᠢ ᠮᠢᠨᠢ ᠡᠮᠰᠡᠶᠢᠵᠦ ᠰᠠᠭᠤᠭᠠᠳ ᠬᠠᠷᠠᠴᠠ ᠨᠢ ᠲᠠᠭᠠᠯᠠᠨ ᠦᠬᠦᠭᠡᠷᠳᠡᠨᠠ | ᠪᠠᠷᠢᠨᠳᠠᠭ ᠢ ᠮᠢᠨᠢ ᠡᠰᠭᠡᠰᠡᠨ ᠲᠡᠷᠡ ᠯᠡ ᠭᠠᠷ ᠢᠶᠠᠷ ᠢᠶᠠᠨ | ᠪᠠᠶᠢᠨ ᠲᠠᠬᠢᠭᠠᠳ ᠯᠡ ᠪᠦᠭᠦᠷᠭᠡᠨ ᠲᠣᠯᠢ ᠶᠢ ᠡᠭᠬᠦᠷᠠᠶᠢᠯᠠᠨ ᠢᠯᠪᠢᠨᠡ | ᠪᠠᠷᠢᠨ ᠲᠡᠭᠡᠭᠡᠳ ᠰᠠᠨᠠᠯ ᠬᠠᠶᠢᠷᠠ ᠨᠢ ᠭᠦᠶᠦᠭᠰᠡᠨ ᠮᠡᠳᠦ ᠰᠦᠨ ᠲᠣᠶᠠᠭᠠ ᠣᠶᠢᠵᠦ | ᠰᠠᠮᠣᠷᠠᠭᠰᠠᠨ ᠴᠠᠢ ᠪᠠᠨ ᠮᠡᠳᠦ ᠢᠳᠡᠭᠡᠰᠢᠭᠡᠳ ᠪᠦᠰᠡᠭᠦᠢ ᠮᠢᠨᠢ ᠦᠵᠡᠰᠬᠦᠯᠡᠭ ᠤᠨ ᠲᠣᠶᠢᠯ ᠳᠤ ᠬᠦᠷᠦᠨᠡ | ᠪᠣᠷᠬᠠᠨ ᠤ ᠮᠡᠯᠮᠡᠢ ᠠᠴᠠ ᠠᠰᠬᠠᠷᠠᠭᠰᠠᠨ ᠭᠡᠷᠡᠯ ᠤᠨ ᠵᠦᠭᠡᠯᠡᠨ ᠣᠰᠣᠨ ᠠᠴᠠ ᠪᠣᠯᠪᠠᠣ ᠬᠡᠮᠡᠷ | ᠪᠣᠷᠣ ᠭᠡᠷ ᠤᠨ ᠬᠤᠶᠢᠮᠣᠷ ᠲᠤ ᠡᠮᠡᠭᠡᠯ ᠤᠨ ᠵᠢᠷᠤᠭ ᠲᠡᠯᠭᠡᠷᠡᠵᠦ ᠪᠠᠶᠢᠪᠠ | ᠨᠠᠷᠢᠨ ᠰᠠᠪᠠᠭ᠋ᠠᠨ ᠭᠠᠨᠵᠤᠭᠠ ᠨᠢ ᠱᠢᠷᠦᠨ ᠣᠨᠵᠢᠯᠭᠠ ᠲᠡᠭᠦᠵᠢᠯᠡᠭᠰᠡᠨ ᠮᠡᠳᠦ | ᠨᠠᠪᠴᠢᠨ ᠬᠤᠶᠠᠷ ᠬᠠᠷᠣᠣ ᠨᠢ ᠴᠡᠴᠡᠭ ᠤᠨ ᠬᠡᠯᠳᠡᠰ ᠬᠤᠪᠢᠯᠣᠭᠰᠠᠨ ᠪᠠᠶᠢᠪᠠ | ᠨᠡᠷᠡ ᠶᠣᠰᠣ ᠬᠤᠶᠠᠷ ᠢ ᠡᠮᠡᠭᠡᠯ ᠲᠡᠭᠡᠷᠡ ᠠᠴᠠ ᠪᠠᠨ ᠣᠷᠭᠤᠭᠤᠯᠣᠭᠰᠠᠨ | ᠨᠠᠷᠠ ᠪᠠᠨ ᠲᠣᠭᠤᠶᠢᠯᠠᠭᠰᠠᠨ ᠮᠢᠨᠦ ᠲᠡᠯᠡᠬᠡᠢ ᠳᠤ ᠦᠷᠯᠦᠭᠡ ᠢᠡᠭᠬᠢᠵᠦ ᠰᠡᠷᠢᠭᠰᠡᠨ ᠪᠠᠶᠢᠪᠠ | ᠡᠷᠳᠡ ᠶᠢᠨ ᠵᠢᠪᠠᠷ ᠢᠶᠠᠷ ᠬᠦᠭᠯᠡᠬᠦ ᠰᠠᠷᠠᠪᠴᠢᠨ ᠤ ᠬᠤᠶᠠᠷ ᠲᠠᠭᠳᠠᠭᠠ | ᠡᠯᠢᠭᠡ ᠪᠠᠷ ᠢᠶᠠᠨ ᠨᠠᠯᠠᠯᠴᠠᠵᠦ ᠦᠷᠡ ᠶᠢᠨ ᠢᠶᠠᠨ ᠲᠣᠬᠠᠢ ᠶᠠᠷᠢᠯᠴᠠᠨᠠ | ᠡᠪᠡᠰᠦ ᠢᠳᠡᠰᠢ ᠬᠤᠪᠣᠷᠳᠠᠭᠰᠠᠨ ᠲᠣᠬᠠᠢ ᠡᠰᠡᠭᠦᠯᠡ ᠡᠮᠡᠭᠡᠯ ᠶᠠᠭᠠᠬᠢᠭᠠᠳ ᠠᠳᠡ ᠪᠠᠶᠢᠬᠤ ᠲᠣᠬᠠᠢ | ᠡᠷᠬᠡᠯᠡᠭᠦᠯᠦᠨ ᠲᠠᠰᠬᠠᠭᠰᠠᠨ ᠡᠨᠡ ᠠᠶᠢᠯ ᠤᠨ ᠠᠴᠢ ᠬᠠᠷᠢᠭᠤ ᠶᠢᠨ ᠲᠣᠬᠠᠢ | ᠡᠷᠭᠢᠭᠡᠳ ᠴᠡᠩᠬᠡᠷ ᠠᠭᠠᠷ ᠲᠤ ᠨᠢᠰᠬᠦ ᠦᠳᠦ ᠵᠢᠭᠦᠷ ᠤᠨ ᠲᠣᠬᠠᠢ | ᠠᠰᠣᠷᠣ ᠴᠢᠩᠨᠠᠭᠰᠠᠨ ᠡᠮᠡᠭᠡ ᠮᠢᠨᠢ ᠠᠨᠢᠰᠬᠠ ᠨᠢ ᠵᠣᠳᠣᠯᠳᠣᠭᠰᠠᠨ ᠨᠢᠳᠦ ᠪᠠᠨ ᠠᠬᠢᠭᠠᠳ ᠠᠨᠢᠨᠠ | ᠠᠯᠳᠠᠨ ᠭᠦᠡᠭᠭᠦᠷᠸᠠ ᠳᠤ ᠵᠠᠯᠪᠢᠷᠠᠨ ᠰᠠᠭᠤᠭᠰᠠᠨ ᠳ᠋ᠠᠷᠠ ᠡᠬᠡ ᠶᠢᠨ ᠲᠦᠷᠢ ᠪᠦᠳᠦᠭᠡᠳ | ᠠᠯᠢ ᠣᠵᠣᠭᠤᠷ ᠤᠨ ᠦᠯᠢᠭᠡᠷ ᠲᠤ ᠪᠠᠨ ᠪᠣᠴᠠᠭᠠᠳ ᠶᠠᠪᠣᠴᠢᠬᠠᠭᠰᠠᠨ ᠴᠦ ᠮᠡᠳᠦ | ᠠᠭᠠᠳᠠᠷ ᠪᠣᠷᠦᠭᠠᠨ ᠤ ᠬᠦᠡᠭᠬᠦᠭᠦᠷ ᠲᠡᠭᠷᠢ ᠶᠢ ᠭᠢᠯᠠᠰᠣᠨ ᠵᠣᠷᠠᠬᠤ ᠴᠠᠬᠤᠯᠠᠢ ᠰᠢᠪᠠᠭᠤᠨ ᠮᠡᠳᠦ | ᠠᠳᠣᠭᠤᠨ ᠲᠡᠯ ᠳᠤ ᠪᠠᠨ ᠲᠣᠸᠠᠯᠠᠨ ᠨᠣᠴᠣᠭᠰᠠᠨ ᠠᠪᠤ ᠶᠢᠨ ᠲᠡᠨᠳᠡ ᠣᠴᠢᠴᠢᠬᠠᠭᠰᠠᠨ ᠴᠦ ᠮᠡᠳᠦ | ᠣᠷᠳᠣ ᠭᠡᠭᠴᠢ ᠰᠠᠨᠠᠭᠠ ᠠᠯᠳᠠᠬᠤ ᠳᠤ ᠨᠢ ᠭᠡᠷᠡᠯ ᠤᠨ ᠦᠡᠭᠭᠡ ᠰᠣᠴᠢᠮᠠᠭᠳᠠᠨᠠ | ᠠᠬᠢᠭᠠᠳ ᠲᠠᠶᠢᠪᠣᠰᠢᠷᠠᠬᠤ ᠳᠤ ᠭᠡᠷ ᠤᠨ ᠦᠷᠦᠴᠡ ᠪᠦᠯᠢᠶᠡᠰᠦᠨᠡ | ᠣᠨ ᠵᠢᠯ ᠤᠨ ᠪᠣᠴᠠᠰᠢ ᠦᠭᠡᠢ ᠣᠳᠣᠭᠰᠠᠨ ᠡᠳᠦᠷ ᠬᠤᠨᠤᠭ ᠢᠶᠠᠨ ᠪᠣᠴᠠᠭᠠᠬᠤ ᠴᠦ ᠮᠡᠳᠦ | ᠣᠮᠣᠭᠤᠯᠳᠣᠭᠰᠠᠨ ᠣᠷᠣᠭᠤᠯ ᠢᠶᠠᠨ ᠲᠠᠮᠰᠢᠶᠠᠨ ᠪᠠᠶᠢᠵᠦ | ᠣᠷᠣᠵᠣ ᠭᠠᠷᠬᠤ ᠭᠡᠷᠡᠯ ᠢ ᠡᠷᠢᠬᠡ ᠮᠡᠳᠦ ᠡᠷᠭᠢᠭᠦᠯᠦᠨ ᠢᠮᠡᠷᠴᠦ ᠲᠣᠭᠠᠯᠠᠨᠠᠮ | ᠭᠠᠳᠠᠨᠠ ᠠᠴᠠ ᠲᠡᠷᠡ ᠦᠶᠡ ᠦᠬᠢᠨ ᠮᠢᠨᠢ ᠭᠠᠷ ᠲᠤ ᠪᠠᠨ ᠪᠠᠪᠣᠣ ᠶᠢᠨ ᠯᠾᠪᠬᠠᠰᠦᠷᠦ᠋ᠡᠭ ᠤᠨ | ᠨᠣᠮ ᠲᠠᠢ ᠣᠷᠣᠵᠣ ᠢᠷᠡᠨᠡ | ᠭᠠᠳᠠᠷ ᠲᠡᠭᠡᠷᠡ ᠨᠢ ᠦᠷ ᠢᠶᠠᠷ ᠣᠡᠭᠰᠢᠭ᠌ᠰᠠᠨ ᠰᠣᠷᠣᠭᠴᠢᠳ ᠤᠨ ᠬᠢᠨᠢ | ᠨᠢᠳᠦᠨ ᠤ ᠬᠢᠨᠢ ᠭᠡᠷᠡᠯ ᠨᠢ ᠠᠷᠢᠯᠤᠭᠠ ᠦᠭᠡᠢ ᠪᠠᠶᠢᠪᠠ | ᠪᠠᠭᠰᠢ ᠬᠦᠮᠦᠨ ᠤ ᠪᠢᠷ ᠲᠣᠯᠢᠶᠠᠭᠰᠠᠨ ᠭᠠᠷ ᠯᠡ ᠳ᠋ᠠ ᠠᠩᠭᠢᠷ ᠮᠢᠨᠢ ᠬᠦᠭᠡᠷᠦᠬᠡᠢ ᠬᠡᠮᠡᠨ ᠡᠵᠢ | ᠪᠢᠴᠢᠬᠠᠨ ᠬᠡᠣᠬᠡᠳ ᠠᠷᠭᠠᠳᠠᠭᠠ ᠴᠦ ᠰᠢᠭ᠋ ᠠᠯᠠᠭᠠ ᠶᠢ ᠨᠢ ᠪᠢᠳᠡᠭᠦᠯᠡᠵᠦ ᠲᠣᠯᠠᠭᠠᠯᠠᠨ | ᠡᠷᠭᠢᠭᠦᠯᠦᠨ ᠲᠣᠭᠠᠯᠠᠭᠰᠠᠨ ᠡᠷᠢᠬᠡ ᠪᠦᠬᠦᠨ ᠤ ᠪᠠᠨ ᠰᠢᠳᠢ ᠶᠢ ᠨᠢ ᠦᠭᠬᠦ ᠬᠡᠮᠡᠨ ᠨᠢᠯᠬᠠᠷᠠᠬᠤ ᠳᠤ | ᠡᠷᠦᠬᠡ ᠶᠢᠨ ᠰᠠᠷᠠᠪᠴᠢᠨ ᠤ ᠬᠤᠶᠠᠷ ᠲᠠᠭᠳᠠᠭᠠ ᠴᠦ ᠪᠦᠯᠢ ᠪᠠᠷ ᠢᠶᠠᠨ ᠪᠠᠭᠤᠴᠠ ᠲᠣᠭᠤᠶᠢᠯᠠᠨ ᠬᠦᠭᠡᠷᠦᠨᠡᠮ | ᠣᠳᠣᠮ ᠢᠵᠠᠭᠤᠷ ᠤᠨ ᠴᠢᠳᠠᠮᠣᠨᠢ ᠡᠷᠳᠡᠨᠢ ᠭᠤᠯᠣᠮᠳᠠ ᠲᠣᠯᠭᠠ ᠪᠠᠨ ᠲᠣᠭᠤᠷᠢᠭ ᠭᠡᠭᠡᠯᠡᠵᠦ | ᠣᠶᠠᠬᠠᠨ ᠲᠡᠯᠡᠬᠡᠢ ᠳᠤ ᠪᠠᠨ ᠡᠷᠬᠡᠯᠡᠨ ᠲᠣᠭᠤᠶᠢᠷᠠᠵᠣ ᠲᠠᠭᠳᠠᠭᠠ ᠮᠡᠳᠦ ᠭᠡᠷᠡᠯ ᠤᠨ ᠲᠣᠣᠯᠢ ᠳᠤ ᠨᠡᠪᠳᠡᠷᠡᠬᠦ ᠨᠢ ᠪᠢ | ᠁ | ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠲᠣᠮᠳᠠᠳᠣ ᠰᠣᠷᠭᠠᠭᠤᠯᠢ | | |