ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠶᠤᠸᠠᠨ  ᠤᠯᠤᠰ ᠤᠨ  ᠦᠶ᠎ᠡ ᠶᠢᠨ  ᠡᠷᠬᠢᠨ ᠰᠠᠶᠢᠳ  ᠲᠤᠭᠳᠠᠬᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-07-01
ᠶᠤᠸᠠᠨ  ᠤᠯᠤᠰ ᠤᠨ  ᠰᠡᠭᠦᠯᠴᠢ ᠶᠢᠨ  ᠦᠶ᠎ᠡ ᠶᠢᠨ  ᠡᠷᠬᠢᠨ ᠰᠠᠶᠢᠳ  ᠲᠤᠭᠳᠠᠬᠤ ᠶᠢᠨ ᠲᠤᠬᠠᠢ ᠤᠷᠴᠢᠭᠤᠯᠤᠨ ᠡᠮᠬᠢᠳᠭᠡᠨ ᠨᠡᠶᠢᠳᠡᠯᠡᠯ᠎ᠡ᠃  ᠲᠤᠭᠳᠠᠬᠤ ᠶᠢᠨ ᠲᠤᠬᠠᠢ  ᠤᠶᠢᠭᠤᠷᠵᠢᠨ ᠮᠤᠩᠭᠤᠯ ᠢᠶᠠᠷ ᠪᠢᠴᠢᠭᠰᠡᠨ  ᠵᠤᠬᠢᠶᠠᠯ ᠪᠠᠶᠢᠬᠤ ᠭᠡᠳᠡᠭ ᠨᠢ ᠯᠠᠪᠳᠠᠢ᠃  ᠲᠠᠪᠬᠤᠷᠳᠠᠭᠰᠠᠨ  ᠪᠠᠶᠢᠬᠤ ᠭᠡᠳᠡᠭ ᠨᠢ ᠮᠠᠷᠭᠤᠰᠢ ᠦᠭᠡᠢ᠃  ᠠᠳᠡ ᠵᠤᠬᠢᠶᠠᠯᠴᠢ᠂  ᠤᠷᠴᠢᠭᠤᠯᠤᠭᠴᠢ ᠨᠠᠷ ᠠᠴᠠ  ᠠᠭᠤᠴᠢᠯᠠᠯ ᠬᠦᠰᠡᠰᠦ᠃  ᠶᠤᠸᠠᠨ ᠤᠯᠤᠰ ᠤᠨ  ᠠᠯᠳᠠᠷᠳᠤ ᠵᠠᠩᠵᠤᠨ  ᠴᠠᠭᠠᠨᠳᠡᠮᠦᠷ  ᠲᠤᠤᠷᠠᠬᠢ ᠬᠦᠮᠦᠨ ᠲᠡᠭᠡᠨ ᠬᠤᠤᠷᠯᠠᠭᠳᠠᠵᠤ᠂  ᠪᠤᠯᠤᠳᠡᠮᠦᠷ ᠡᠵᠡᠨ ᠬᠠᠭᠠᠨ  ᠎ ᠤ ᠶᠠᠪᠤᠭᠤᠯᠤᠭᠰᠠᠨ  ᠬᠦᠮᠦᠨ ᠳᠤ  ᠠᠯᠠᠭᠳᠠᠵᠤ᠂  ᠠᠯᠠᠭᠳᠠᠮᠡᠦᠷ  ︵ ᠦᠭᠡᠳᠠᠢ ᠬᠠᠭᠠᠨ ᠤ  ᠬᠤᠶᠢᠴᠢᠰ  ︶  ᠬᠠᠭᠠᠨ ᠤ ᠴᠡᠷᠢᠭ ᠲᠤ  ᠠᠯᠠᠭᠳᠠᠵᠤ᠂  ᠲᠤᠭᠳᠠᠬᠤ ᠨᠢ  ᠦᠪᠡᠷ ᠤᠨ  ᠲᠡᠪᠰᠢᠭᠦᠯᠦᠭᠰᠡᠨ  ᠶᠡᠭᠡ ᠰᠠᠶᠢᠳ ᠤᠨ  ᠬᠤᠪ ᠦᠭᠡ  ᠬᠠᠭᠤᠷᠮᠠᠭ ᠵᠤᠤ᠂ ᠬᠤᠤᠷᠳᠤ ᠲᠠᠷᠠᠰᠤᠨ ᠳᠤ ᠦᠭᠦᠵᠠᠢ᠃   ᠠᠳᠡ ᠡᠷᠳᠡᠨ ᠤ  ᠮᠤᠩᠭᠤᠯ ᠬᠦᠮᠦᠨ ᠤ ᠨᠡᠷ᠎ᠡ ᠶᠢ ᠪᠤᠴᠠᠭᠠᠨ  ᠪᠠᠭᠤᠯᠭᠠᠭᠰᠠᠨ ᠲᠠᠯ᠎ᠠ ᠎ ᠪᠠᠷ ᠤᠨᠤᠪᠴᠢ ᠦᠭᠡᠢ  ᠂   ᠲᠠᠰᠢᠶ᠎ᠠ ᠦᠰᠦᠭ ᠢᠶᠠᠷ ᠡᠯᠪᠡᠭ᠂  ᠨᠠᠶᠢᠷᠠᠭᠤᠯᠭ᠎ᠠ ᠪᠠᠷ ᠮᠠᠭᠤ ᠵᠡᠷᠭᠡ  ᠤᠯᠠᠨ ᠠᠭᠤᠴᠢᠯᠠᠰᠢ ᠦᠭᠡᠢ  ᠲᠤᠳᠠᠭᠳᠠᠯ  ᠪᠠᠶᠢᠬᠤ ᠨᠢ ᠯᠠᠪᠳᠠᠢ᠂  ᠲᠠᠨᠠᠷ ᠪᠤᠯᠭᠤᠭᠠᠨ ᠤᠩᠰᠢᠭᠠᠷᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ   ᠰᠡᠭᠦᠯᠴᠢ ᠶᠢᠨ  ᠦᠶ᠎ᠡ ᠶᠢᠨ ᠡᠷᠬᠢᠨ ᠰᠠᠶᠢᠳ  ᠲᠤᠭᠳᠠᠬᠤ  ᠲᠤᠭᠳᠠᠬᠤ  ᠂  ︵1314 —   1356︶  ᠂ ᠡᠷᠭᠦᠭᠰᠡᠨ ᠨᠡᠷ᠎ᠡ ᠨᠢ   ᠳ᠋ᠠ ᠶᠦᠩ  ᠂  ᠬᠠᠰᠠᠭ ᠤᠨ  ᠮᠡᠷᠬᠢᠳ ᠤᠪᠤᠭᠳᠠᠨ  ᠂ ᠪᠠᠰᠠ ᠲᠤᠭᠳᠠᠬᠤᠳᠡᠮᠦᠷ  ᠭᠡᠳᠡᠭ  ᠃ ᠶᠤᠸᠠᠨ ᠤᠯᠤᠰ ᠤᠨ  ᠰᠡᠭᠦᠯᠴᠢ ᠶᠢᠨ  ᠦᠶ᠎ᠡ ᠶᠢᠨ  ᠤᠯᠤᠰ  ᠲᠦᠷᠦᠴᠢᠨ  ᠂   ᠴᠡᠷᠢᠭ  ᠎ ᠤᠨ ᠡᠷᠳᠡᠮᠳᠡᠨ  ᠃  ᠶᠡᠭᠡ ᠠᠪᠠᠭ᠎ᠠ  ᠎ ᠨᠢ ᠪᠠᠶᠠᠨ  ᠂  ᠡᠴᠢᠭᠡ ᠨᠢ ᠮᠠᠷᠭᠤᠳᠠᠢ᠃  ᠷᠧᠨᠽᠦ᠋ᠩ   ᠬᠠᠭᠠᠨ ᠤ ᠦᠶ᠎ᠡ ᠠᠴᠠ  ᠴᠢᠬᠤᠯᠠ  ᠲᠦᠰᠢᠮᠡᠯ  ᠪᠤᠯᠵᠤ  ᠪᠠᠶᠠᠨ ᠤ   ᠴᠧᠩᠰᠢᠶᠡᠩ ᠎ ᠤᠨ   ᠲᠤᠰᠢᠶᠠᠯ ᠠᠴᠠ ᠤᠭᠴᠠᠷᠠᠭᠰᠠᠨ ᠤ ᠲᠠᠷᠠᠭ᠎ᠠ  ᠵᠦᠩᠱᠦ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠡᠩ  ᠎ ᠢᠶᠠᠷ ᠪᠠᠶᠢᠷᠰᠢᠵᠠᠢ᠃  ᠲᠤᠭᠳᠠᠬᠤ   ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ  ᠎ ᠪᠠᠨ  ᠪᠠᠶᠠᠨ ᠤ ᠭᠡᠷ ᠲᠤ ᠦᠰᠴᠦ  ᠡᠦ ᠵᠧᠩ ᠹᠠᠩ  ᠎ ᠢ  ᠪᠠᠭᠰᠢ ᠪᠤᠯᠭᠠᠨ   ᠪᠢᠴᠢᠭ ᠤᠨ  ᠰᠤᠷᠭᠠᠯ ᠢ  ᠭᠦᠨ ᠬᠦᠷᠳᠡᠵᠠᠢ᠃  ᠪᠠᠭ᠎ᠠ ᠦᠶ᠎ᠡ ᠶᠢᠨ  ᠲᠤᠭᠳᠠᠬᠤ   ᠮᠦᠷᠦ ᠶᠢᠨ  ᠬᠦᠴᠦ  ᠤᠯᠠᠨ ᠠᠴᠠ  ᠬᠡᠳᠦᠶᠢᠳᠴᠦ  ᠨᠢᠭᠡ  ᠳ᠋ᠠᠨ ᠤ  ᠨᠤᠮᠤ  ᠲᠠᠳᠠᠵᠤ ᠲᠡᠶᠢᠯᠡᠮᠦᠢ  ᠃  ᠦᠰᠦᠨ ᠪᠢᠷ ᠤᠨ  ᠲᠢᠩ ᠨᠢ  ᠶᠠᠨ ᠵᠧᠨ ᠴᠢᠩ ᠤᠨ    ᠬᠡᠪ ᠨᠠᠮᠪᠠᠳᠠᠢ᠂  ᠂   ᠤᠷᠠᠨ   ᠵᠢᠷᠤᠭ ᠲᠤ  ᠪᠠᠭ᠋ᠠᠳᠠᠢ᠂  ᠲᠡᠷᠡᠪᠡᠷ  ᠪᠢᠴᠢᠭ ᠤᠨ  ᠰᠤᠷᠭᠠᠯᠳᠠᠨ ᠤ  ᠪᠠᠷᠢᠮᠵᠢᠶ᠎ᠠ ᠪᠠᠷ ᠬᠦᠮᠦᠨ  ᠪᠤᠯᠵᠤ   ︽  ᠡᠷᠳᠡᠨ ᠤ ᠬᠦᠮᠦᠨ ᠤ   ᠰᠤᠷᠭᠠᠯ  ᠲᠠᠭᠤᠷᠢᠶᠠᠯ ᠢ  ᠴᠠᠭ ᠢᠮᠠᠭᠳᠠ ᠴᠡᠭᠡᠵᠢᠯᠡᠵᠦ  ᠂ ᠨᠠᠰᠤᠨ ᠲᠤᠷᠰᠢᠳᠠ  ᠬᠡᠷᠡᠭᠯᠡᠮᠦᠢ︾   ᠭᠡᠰᠡᠨ  ᠨᠡᠷᠡᠳᠦ ᠦᠭᠡ ᠶᠢ ᠦᠯᠡᠳᠡᠭᠡᠵᠠᠢ᠃ ᠪᠠᠶᠠᠨ  ᠎ ᠤ ᠲᠤᠰᠢᠶᠠᠯ ᠬᠡᠳᠦᠶᠢᠳᠡᠭᠰᠡᠨ ᠠᠴᠠ  ᠶᠠᠨ ᠸᠠᠩ  ᠰᠡᠴᠡᠨᠳᠦ  ᠎ ᠶᠢ   ᠠᠯᠠᠵᠤ᠂  ᠰᠢᠦᠸᠠᠨ ᠸᠠᠩ ᠲᠡᠮᠦᠷᠪᠤᠭ᠎ᠠ ᠶᠢ  ᠪᠠᠭᠤᠷᠠᠭᠤᠯᠵᠤ᠂  ᠰᠦᠨ ᠸᠠᠩ   ᠬᠤᠸᠠᠭᠴᠢᠪᠤᠬ᠎ᠠ  ᠎ ᠶᠢ  ᠰᠦᠷ  ᠎ ᠢᠶᠠᠷ    ᠰᠢᠯᠵᠢᠭᠦᠯᠵᠠᠢ  ᠃ 1338 ᠤᠨ ᠳᠤ   ᠪᠠᠶᠠᠨ ᠬᠢᠭᠡᠳ   ᠬᠤᠸᠠᠩ  ᠲᠠᠶᠢᠬᠡᠦ  ᠵᠦᠪᠰᠢᠶᠡᠯᠳᠤᠵᠤ   ᠡᠰᠡᠨᠲᠡᠭᠦᠰ  ᠎ ᠢ   ᠬᠤᠤᠷᠯᠠᠵᠤ  ᠲᠤᠭᠤᠭᠠᠨᠳᠡᠮᠦᠷ ᠶᠢᠨ  ᠪᠠᠭᠤᠷᠠᠭᠤᠯᠬᠤ  ᠴᠢᠮᠡᠭᠡ ᠶᠢ  ᠲᠤᠭᠳᠠᠬᠤ  ᠤᠯᠵᠤ ᠰᠤᠨᠤᠰᠤᠭᠠᠳ  ᠡᠦ ᠵᠧᠩ ᠹᠠᠩ ᠳᠤ  ᠶᠠᠷᠢᠭᠰᠠᠨ ᠳᠤ  ᠬᠠᠷᠢᠭᠤ ᠵᠢᠭᠠᠷᠤᠨ  ᠄ ︽ ᠨᠢᠭᠤᠴᠨ ᠶᠢ ᠠᠨᠤ ᠡᠵᠡᠨ ᠳᠤ  ᠮᠡᠳᠡᠭᠦᠯᠦᠭᠳᠤᠨ  ᠂  ᠡᠵᠡᠨ ᠰᠡᠷᠡᠭᠰᠡᠨ ᠎ ᠤ ᠲᠠᠷᠠᠭ᠎ᠠ  ᠰᠡᠷᠭᠡᠶᠢᠯᠡᠬᠦ ᠪᠤᠯᠳᠤᠭᠠᠢ  ︾ ᠭᠡᠵᠠᠢ  ᠃ ︵ ᠴᠢᠤᠸᠠᠨ  ᠾᠧᠩ  ︽ ᠴᠠᠭᠠᠨ ᠪᠡᠴᠢᠨ ᠵᠢᠯᠤᠨ  ᠎ ᠤ  ᠰᠤᠯᠠ  ᠲᠡᠦᠭᠡ  ︾  ︶  ᠃  ᠢᠩᠬᠢᠵᠤ ᠲᠤᠭᠳᠠᠬᠤ ᠬᠢᠭᠡᠳ ᠲᠤᠭᠤᠭᠠᠨᠳᠡᠮᠦᠷ  ᠬᠠᠮᠳᠤ ᠶᠢᠨ  ᠦᠵᠡᠯ ᠰᠠᠨᠠᠭᠠᠨ ᠤ ᠰᠠᠭᠤᠷᠢ ᠲᠠᠢ ᠪᠤᠯᠵᠠᠢ᠃ 1340 ᠤᠨ  ᠎ ᠤ 2 ᠰᠠᠷ᠎ᠠ ᠳᠤ  ᠪᠠᠶᠠᠨ  ᠲᠤᠭᠤᠭᠠᠨᠳᠡᠮᠦᠷ ᠢ  ᠤᠷᠢᠵᠤ ᠠᠪᠠᠯᠠᠰᠤ ᠬᠡᠮᠡᠭᠰᠡᠨ ᠳᠤ  ᠬᠠᠭᠠᠨ ᠡᠪᠡᠳᠴᠢᠨ ᠳᠤ ᠰᠢᠯᠳᠠᠵᠤ ᠦᠯᠦ   ᠭᠠᠷᠤᠭᠰᠠᠨ ᠳᠤ ᠪᠠᠶᠠᠨ  ᠲᠠᠶᠢᠽᠢ  ᠡᠰᠡᠨᠲ᠋ᠡᠭᠦᠰ ᠢ  ᠤᠷᠢᠵᠤ ᠬᠠᠮᠳᠤ ᠠᠪᠠᠯᠠᠷ᠎ᠠ ᠭᠠᠷᠴᠠᠢ᠃  ᠲᠤᠭᠳᠠᠬᠤ  ᠬᠠᠭᠠᠨ ᠳᠤ ᠨᠢᠭᠤᠴᠨ ᠪᠠᠷ ᠦᠭᠦᠯᠡᠷᠦᠨ  ︽ ᠶᠡᠭᠡ ᠠᠪᠠᠭ᠎ᠠ ᠤᠨᠳᠤᠤ ᠰᠡᠳᠬᠢᠯ ᠢ  ᠪᠠᠷᠢᠵᠤᠬᠤᠢ᠂  ᠤᠯᠠᠨ  ᠴᠡᠷᠢᠭ ᠮᠤᠷᠢᠳ  ᠎ ᠢ ᠲᠠᠭᠠᠭᠤᠯᠵᠤ ᠶᠠᠪᠤᠬᠤ ᠨᠢ ᠲᠦᠷᠦ ᠭᠦᠷᠦᠨ ᠳᠤ  ᠠᠰᠢᠭ ᠦᠭᠡᠢ  ︾  ᠃  ᠲᠤᠭᠳᠠᠬᠤ  ᠰᠢ ᠵᠢᠶᠧ ᠪᠠᠨ᠂  ᠠᠯᠤᠬ᠎ᠠ  ᠨᠠᠷ ᠯᠤᠭ᠎ᠠ  ᠵᠦᠪᠯᠡᠵᠦ  ᠵᠢᠩ ᠬᠤᠳᠠ ᠶᠢ  ᠡᠷᠭᠡᠰᠢᠶᠡᠵᠠᠢ᠃  ᠲᠤᠰ ᠰᠦᠨᠢ ᠳᠤ  ᠲᠤᠭᠤᠭᠠᠨᠳᠡᠮᠦᠷ   ᠬᠠᠭᠠᠨ  ᠰᠢᠳᠠᠷ ᠲᠦᠰᠢᠮᠡᠯ ᠸᠠᠩ ᠵᠢᠶᠠ ᠨᠦ᠂  ᠰᠢᠷᠠᠪᠠᠭᠠᠨ   ᠨᠠᠷ ᠢ  ᠲᠠᠭᠤᠳᠠᠵᠤ ᠤᠴᠠᠷᠠᠵᠠᠢ᠃  ᠭᠡᠰᠢᠭᠳᠡᠨᠶᠤᠭᠴᠠᠷ  ᠎ ᠢᠶᠠᠷ 30 ᠮᠤᠷᠢᠳᠠᠨ ᠲᠠᠭᠠᠭᠤᠯᠵᠤ  ᠢᠦᠢ ᠯᠢᠨ ᠤ ᠲᠠᠶᠢᠽᠢ  ᠎ ᠶᠢᠨ ᠬᠦᠷᠢᠶᠠᠨ ᠳᠤ  ᠬᠦᠷᠴᠦ  ᠡᠰᠡᠨᠲᠡᠭᠦᠰ ᠢ  ᠲᠤᠰᠴᠦ  ᠠᠪᠴᠢᠷᠠᠭᠰᠠᠨ ᠲᠠᠷᠦᠢ ᠵᠤᠤ ᠪᠢᠴᠢᠭ ᠦᠢᠯᠡᠳᠴᠦ   ᠪᠠᠶᠠᠨ    ᠎ ᠢ  ᠾᠧᠨᠠᠨ ᠤ ᠮᠤᠵᠢ ᠢ  ᠪᠠᠷᠠᠭᠤᠨ ᠴᠧᠩᠰᠢᠶᠠᠩ ᠪᠤᠯᠭᠠᠵᠠᠢ᠃  ᠬᠤᠵᠢᠮ ᠨᠢ ᠪᠠᠶᠠᠨ  ᠯᠦᠩ ᠰᠢᠩ ᠯᠤ᠋ ᠳᠤ  ᠡᠪᠡᠳᠴᠢᠨ ᠢᠶᠠᠷ ᠬᠠᠯᠢᠵᠠᠢ᠃  ᠲᠤᠰ ᠤᠨ ᠤ  11  ᠰᠠᠷ᠎ᠠ ᠳᠤ ᠲᠤᠭᠳᠠᠬᠤ  ᠵᠦᠩᠱᠦ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠡᠩ ᠢᠶᠠᠷ  ᠪᠠᠶᠢᠷᠰᠢᠵᠠᠢ᠃  ᠲᠤᠭᠳᠠᠬᠤ ᠡᠭᠦᠨᠴᠨ  ᠡᠬᠢᠯᠡᠵᠦ  ᠦᠭᠡᠷᠴᠢᠯᠡᠯᠳᠡ ᠶᠢᠨ  ᠴᠢᠨᠠᠷᠳᠠᠢ ᠲᠦᠷᠦ ᠎ ᠶᠢᠨ  ᠪᠤᠳᠤᠯᠭ᠎ᠠ ᠬᠡᠷᠡᠭᠵᠢᠭᠦᠯᠵᠠᠢ᠃ 1340 ᠤᠨ ᠳᠤ ᠰᠢᠯᠭᠠᠭᠤᠯᠢ ᠶᠢᠨ  ᠲᠦᠷᠢᠮ ᠢ    ᠰᠡᠷᠭᠦᠭᠡᠪᠡ  ︔    ᠰᠢᠤᠸᠠᠨ ᠸᠧᠨ ᠭᠧ  ᠎ ᠶᠢ  ᠪᠠᠶᠢᠭᠤᠯᠵᠤ  ᠲᠦᠷᠦ  ᠎ ᠢ  ᠰᠤᠷᠭᠠᠨ ᠬᠦᠮᠦᠵᠢᠯ ᠢ   ᠴᠢᠩᠭᠠᠳᠬᠠᠨ   ︽ᠭᠤᠷᠪᠠᠨ ᠲᠡᠦᠭᠡ  ︾  ᠎ ᠶᠢ ᠨᠠᠶᠢᠷᠠᠭᠤᠯᠵᠤ  ᠂ ᠡᠷᠳᠡᠨ ᠤ ᠨᠤᠮ ᠢ    ᠪᠠᠭᠤᠯᠭᠠᠪᠠ  ︔  ᠮᠤᠩᠭᠤᠯ ᠢᠵᠠᠭᠤᠷᠳᠠᠨ ᠤ  ᠲᠤᠳᠤᠭᠠᠳᠤ ᠶᠢᠨ  ᠨᠤᠶᠠᠷᠬᠠᠯ ᠤᠨ  ᠲᠤᠳᠤᠭᠠᠳᠤ  ᠬᠠᠷᠢᠴᠠᠭ᠎ᠠ ᠶᠢ  ᠲᠤᠬᠢᠷᠠᠭᠤᠯᠪᠠ᠃  ᠡᠭᠦᠨ ᠳᠤ  ᠪᠠᠶᠠᠨ  ᠎ ᠤ ᠤᠭᠴᠠᠷᠠᠭᠤᠯᠤᠭᠰᠠᠨ  ᠲᠡᠮᠦᠷᠪᠤᠭ᠎ᠠ᠂  ᠬᠤᠸᠠᠭᠴᠢᠪᠤᠬ᠎ᠠ  ᠨᠠᠷ ᠤᠨ  ᠲᠤᠰᠢᠶᠠᠯ ᠢ  ᠰᠡᠷᠭᠦᠭᠡᠵᠦ᠂  ᠪᠤᠭᠤᠷᠴᠦ ᠶᠢᠨ   ᠬᠤᠶᠢᠴᠢᠰ  ᠠᠷᠤᠳᠤ  ᠎ ᠪᠠᠷ  ᠵᠧᠩ  ᠭᠤᠸᠠᠩ ᠫᠢᠩ ᠸᠠᠩ  ᠎ ᠤᠨ  ᠰᠠᠭᠤᠷᠢᠨ ᠳᠤ  ᠵᠠᠯᠠᠵᠤ   ᠮᠤᠩᠭᠤᠯ ᠢᠵᠠᠭᠤᠷᠳᠠᠨ ᠤ ᠲᠤᠳᠤᠭᠠᠳᠤ ᠶᠢᠨ  ᠡᠮᠡᠬᠢ ᠲᠢᠭᠯᠢᠮ  ᠎ ᠢ ᠴᠡᠭᠴᠡᠯᠡᠬᠦ  ᠎ ᠳᠤ ᠵᠢᠭᠠᠬᠠᠨ ᠰᠠᠭᠤᠷᠢ ᠲᠠᠯᠪᠢᠵᠠᠢ᠃    ︔  ᠮᠤᠷᠢᠨ ᠤ  ᠬᠤᠷᠢᠭ᠎ᠠ ᠶᠢ ᠲᠠᠯᠪᠢᠵᠤ᠂  ᠲᠠᠪᠤᠰᠤᠨ ᠤ  ᠨᠤᠷᠮ᠎ᠠ ᠶᠢ ᠪᠠᠭᠠᠰᠬᠠᠵᠤ  ᠬᠠᠷᠠᠴᠤ ᠠᠷᠠᠳ  ᠎ ᠤᠨ  ᠭᠠᠶᠢᠯᠢ ᠭᠤᠪᠴᠢᠭᠤᠷ ᠢ  ᠪᠠᠭᠠᠰᠬᠠᠵᠠᠢ  ︔  ᠨᠤᠶᠠᠳ  ᠎ ᠢ  ᠴᠡᠭᠴᠡᠯᠡᠪᠡ᠃ ᠡᠭᠦᠨ ᠤ  ᠵᠡᠷᠭᠡᠪᠡᠷ  ᠯᠢᠶᠤᠤ  ᠂ ᠠᠯᠳᠠᠨ  ᠂  ᠰᠦᠩ  ᠭᠤᠷᠪᠠᠨ ᠤᠯᠤᠰ ᠤᠨ  ᠲᠡᠦᠭᠡ ᠶᠢ  ᠡᠷᠬᠢᠯᠡᠨ  ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠪᠡ᠃ ᠡᠳᠡᠭᠡᠷ ᠭᠤᠷᠪᠠᠨ ᠲᠡᠦᠭᠡ ᠨᠢ ᠲᠤᠮᠳᠠᠳᠤ ᠤᠯᠤᠰ ᠤᠨ  ᠠᠯᠳᠠᠷᠳᠠᠢ  ︽ᠬᠤᠷᠢᠨ ᠲᠦᠷᠪᠡᠨ ᠪᠢᠴᠢᠭ︾᠎ ᠲᠤ ᠪᠠᠭᠳᠠᠵᠠᠢ᠃    ᠡᠭᠦᠨ ᠳᠤ  ︽ᠰᠦᠩ ᠤᠯᠤᠰ ᠤᠨ  ᠲᠡᠦᠭᠡ  ︾᠎ ᠶᠢ ᠨᠠᠶᠢᠷᠠᠭᠤᠯᠵᠤ ᠠᠮᠵᠢᠬᠤ ᠠᠴᠠ  ᠡᠮᠦᠨ᠎ᠡ ᠲᠤᠭᠳᠠᠬᠤ ᠲᠤᠰᠢᠶᠠᠯ ᠢᠶᠠᠨ ᠠᠯᠳᠠᠵᠤ  ᠂ ᠵᠦᠩ ᠱᠦ  ᠪᠠᠷᠠᠭᠤᠨ ᠴᠧᠩᠰᠢᠶᠠᠩ  ᠠᠷᠠᠳᠤ  ︵ᠪᠤᠭᠤᠷᠴᠢ ᠶᠢᠨ  ᠵᠢᠴᠢ —— ᠤᠷᠴᠢᠭᠤᠯᠤᠭᠴᠢ ᠠᠴᠠ︶  ᠵᠦᠩ ᠱᠦ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠠᠩ  ᠪᠠᠭᠤᠷᠴᠢᠪᠤᠬ᠎ᠠ  ᠨᠠᠷ  ᠎ ᠢ  ︽ ᠭᠤᠷᠪᠠᠨ ᠲᠡᠦᠭᠡ ᠶᠢᠨ  ᠤᠳᠤᠷᠢᠳᠤᠭᠴᠢ︾ ᠪᠤᠯᠭᠠᠵᠠᠢ᠃  ᡁᠢ ᠵᠧᠩ ᠤᠨ  ᠲᠦᠷᠪᠡᠨ ᠤᠨ ᠤ  ᠲᠠᠪᠤᠨ ᠰᠠᠷ᠎ᠠ ᠳᠤ  ᠲᠤᠭᠳᠠᠬᠤ ᠡᠪᠡᠳᠴᠢᠨ ᠢᠶᠠᠷ  ᠲᠤᠰᠢᠶᠠᠯ  ᠎ ᠢᠶᠠᠨ  ᠤᠷᠬᠢᠵᠤ᠂ 6  ᠰᠠᠷ᠎ᠠ ᠎ ᠳᠤ ᠲᠡᠭᠦᠨ ᠤ ᠡᠴᠢᠭᠡ ᠨᠢ  ᠪᠠᠭᠤᠷᠴᠢᠪᠤᠬ᠎ᠠ ᠴᠧᠩᠰᠢᠶᠠᠩ ᠳᠤ ᠵᠠᠭᠠᠯᠳᠤᠭᠳᠠᠵᠤ  ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ  ᠭᠠᠨᠰᠤ ᠎ ᠳᠤ  ᠰᠢᠯᠵᠢᠭᠰᠡᠨ ᠳᠤ  ᠲᠤᠭᠳᠠᠬᠤ ᠬᠠᠮᠳᠤ  ᠶᠠᠪᠤᠵᠠᠢ᠃ 11 ᠰᠠᠷ᠎ᠠ ᠳᠤ  ᠮᠠᠷᠭᠤᠳᠠᠢ  ᠨᠠᠰᠤᠨ ᠡᠴᠦᠰᠯᠡᠵᠦ᠂ ᠲᠤᠭᠳᠠᠬᠤ ᠵᠢᠩ ᠬᠤᠳᠠᠨ᠎ᠠ ᠪᠤᠴᠠᠵᠤ  ᠲᠠᠶᠢᠹᠦ᠋ ᠶᠢᠨ  ᠲᠤᠰᠢᠶᠠᠯ  ᠎ ᠢ ᠡᠭᠦᠷᠭᠡᠯᠡᠨ ᠵᠡᠭᠦᠨ ᠤᠷᠳᠤᠨ ᠤ  ᠶᠠᠪᠤᠳᠠᠯ ᠢ  ᠬᠠᠮᠢᠶᠠᠷᠴᠠᠢ᠃  1349 ᠤᠨ  ᠎ ᠤ 9 ᠰᠠᠷ᠎ᠠ ᠳᠤ ᠲᠠᠬᠢᠨᠳᠠ  ᠵᠦᠩᠱᠦ  ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠠᠩ ᠤᠨ  ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠵᠠᠢ᠃  ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠠᠭᠠᠨ  ᠲᠤᠭᠳᠠᠬᠤ  ᠬᠡᠳᠦᠨ  ᠵᠦᠢᠯ  ᠎ ᠤᠨ  ᠬᠦᠴᠢᠷᠳᠠᠢ ᠠᠰᠠᠭᠤᠳᠠᠯ ᠢ  ᠰᠡᠢᠳᠪᠤᠷᠢᠯᠡᠬᠦ ᠪᠠᠷ ᠬᠦᠴᠦᠯᠡᠵᠠᠢ᠃  ᠨᠢᠭᠡ ᠳᠤ ᠭᠤᠤᠯ ᠤᠨ  ᠠᠶᠤᠯ ᠠᠴᠠ  ᠪᠤᠯᠤᠭᠰᠠᠨ ᠡᠳ᠋ ᠤᠨ  ᠵᠠᠰᠠᠭ ᠤᠨ   ᠬᠦᠴᠢᠷᠳᠡᠯ  ︔  ᠭᠤᠤᠯ ᠤᠨ  ᠠᠶᠤᠯ  ᠨᠡᠶᠢᠭᠡᠮ ᠤᠨ  ᠲᠤᠭᠳᠠᠪᠤᠷᠢ ᠦᠭᠡᠢ ᠪᠠᠶᠢᠳᠠᠯ ᠢ  ᠡᠭᠦᠰᠭᠡᠭᠰᠡᠨ︔  ᠭᠤᠷᠪᠠ ᠳᠤ  ᠨᠤᠶᠠᠷᠬᠠᠭᠴᠢ ᠠᠩᠬᠢ ᠶᠢᠨ  ᠲᠤᠳᠤᠭᠠᠳᠤ ᠶᠢᠨ ᠵᠦᠷᠢᠴᠡᠯ ᠬᠤᠷᠴᠠᠳᠤᠭᠰᠠᠨ︔  ᠡᠨᠡᠬᠦ  ᠤᠯᠠᠨ ᠬᠤᠷᠴᠠ ᠰᠢᠷᠦᠭᠦᠨ ᠵᠦᠷᠢᠴᠡᠯ ᠤᠨ   ᠡᠮᠦᠨ᠎ᠡ ᠲᠤᠭᠳᠠᠬᠤ ᠡᠳ᠋ ᠤᠨ  ᠵᠠᠰᠠᠭ ᠤᠨ  ᠬᠢᠮᠦᠷᠠᠯ ᠬᠢᠭᠡᠳ ᠬᠠᠳᠤᠨ ᠭᠤᠤᠯ ᠤᠨ  ᠠᠶᠤᠯ ᠢ  ᠰᠡᠢᠳᠪᠤᠷᠢᠯᠡᠬᠦ ᠪᠠᠷ ᠰᠡᠢᠳᠴᠦ ᠮᠦᠩᠬᠦᠨ ᠬᠦᠢᠯᠡᠭᠡᠨ ᠤ  ᠠᠷᠭ᠎ᠠ ᠠᠪᠴᠠᠢ᠃  ᠨᠢᠭᠡ ᠳᠤ  ᡁᠢ ᠵᠧᠩ ᠤᠨ  ᠵᠤᠭᠤᠰ ᠲᠠᠷᠬᠠᠵᠤ  ᠵᠤᠭᠤᠰ ᠤᠨ  ᠦᠨ᠎ᠡ ᠶᠢ ᠦᠰᠭᠡᠵᠠᠢ᠃  ᠬᠤᠶᠠᠷ ᠲᠤ  ᡁᠢ ᠵᠧᠩ ᠎ ᠤᠨ  ᠲᠦᠩ ᠪᠤᠤ  ᠵᠤᠭᠤᠰ ᠢ ᠲᠠᠷᠬᠠᠭᠠᠵᠤ ᠲᠤᠰ  ᠵᠤᠭᠤᠰ ᠢᠶᠠᠷ   ᠴᠠᠭᠠᠰᠤᠨ ᠵᠤᠭᠤᠰ ᠢ  ᠎ ᠪᠠᠨ ᠨᠢᠭᠡᠴᠡᠯᠡᠵᠠᠢ᠃  ᠭᠡᠳᠡᠯ᠎ᠡ  ᠡᠨᠡᠬᠦ ᠠᠷᠭ᠎ᠠ  ᠠᠪᠴᠠᠯ ᠨᠢ ᠪᠦᠷᠢᠮᠦᠰᠤᠨ ᠢᠯᠠᠭᠳᠠᠯ ᠢᠶᠠᠷ ᠲᠡᠭᠦᠰᠴᠠᠢ᠃ ᠡᠭᠦᠨ ᠤ ᠵᠡᠷᠭᠡᠪᠡᠷ ᠬᠠᠳᠤᠨ ᠭᠤᠤᠯ ᠢ  ᠵᠠᠰᠠᠪᠠ᠃ 1351 ᠤᠨ ᠤ 11 ᠰᠠᠷ᠎ᠠ ᠶᠢᠨ  ᠰᠢᠨ᠎ᠡ ᠶᠢᠨ 4᠎ ᠳᠤ  ᠲᠤᠭᠤᠭᠠᠨᠳᠡᠮᠦᠷ ᠬᠠᠭᠠᠨ  ᠵᠠᠷᠯᠢᠭ  ᠬᠠᠳᠤᠨ ᠭᠤᠤᠯ  ᠵᠠᠰᠠᠬᠤ  ᠲᠦᠰᠦᠪ ᠢ  ᠵᠦᠪᠰᠢᠶᠡᠷᠡᠵᠦ  ᠵᠢᠶᠠ ᠯᠦ ᠪᠠᠷ  ᠤᠰᠤ ᠵᠠᠰᠠᠬᠤ  ᠬᠢᠨᠠᠭᠴᠢ ᠲᠦᠰᠢᠮᠡᠯ ᠪᠤᠯᠭᠠᠨ 190 ᠡᠳᠦᠷ ᠬᠡᠷᠡᠭᠰᠡᠨ ᠬᠠᠳᠤᠨ ᠭᠤᠤᠯ ᠢ  ᠠᠮᠵᠢᠯᠳᠠ ᠲᠠᠢ ᠵᠠᠰᠠᠵᠠᠢ᠃ ᠵᠢᠶᠠ ᠯᠦ  ᠨᠠᠷ ᠬᠠᠳᠤᠨ ᠭᠤᠤᠯ ᠢ  ᠵᠠᠰᠠᠬᠤ ᠲᠠᠰᠢᠷᠠᠮ ᠢᠶᠠᠷ ᠪᠠᠢ ᠯᠢᠶᠠᠨ ᠵᠢᠶᠤᠤ ᠢ  ᠱᠠᠪᠢ  ᠯᠢᠦ ᠹᠦ᠋ ᠲᠦᠩ  ᠭᠠᠭᠴᠠ ᠨᠢᠳᠤᠳᠤ ᠴᠢᠯᠠᠭᠤᠨ  ᠬᠦᠮᠦᠨ ᠢ ᠤᠷᠢᠳᠠᠪᠠᠷ  ᠬᠤᠸᠠᠩ ᠯᠢᠩ ᠭᠠᠩ ᠳᠤ ᠨᠢᠭᠤᠵᠤ  ᠄ ᠭᠠᠭᠴᠠ ᠨᠢᠳᠤᠳᠤ ᠴᠢᠯᠠᠭᠤᠨ ᠬᠦᠮᠦᠨ ᠢᠯᠡᠷᠡᠪᠡᠰᠦ  ᠭᠠᠯᠪᠠ ᠶᠠᠷᠢᠳᠢᠨᠴᠦ  ᠶᠡᠭᠡᠪᠡᠷ ᠰᠠᠮᠠᠭᠤᠷᠠᠮᠦᠢ   ᠬᠡᠮᠡᠭᠰᠡᠨ ᠴᠤᠤᠷᠬᠠᠯ ᠲᠠᠷᠬᠠᠭᠠᠵᠠᠢ᠃   ᠴᠤᠤᠷᠬᠠᠯ ᠲᠠᠷᠬᠠᠭᠠᠨ  5 ᠰᠠᠷ᠎ᠠ ᠳᠤ  ᠶᠤᠸᠠᠨ ᠤᠯᠤᠰ ᠤᠨ  ᠰᠡᠭᠦᠯᠴᠢ ᠦᠶ᠎ᠡ ᠶᠢᠨ  ᠲᠠᠷᠢᠶᠠᠴᠢᠨ ᠤ ᠲᠠᠶᠢᠨ ᠡᠬᠢᠯᠡᠵᠠᠢ᠃  ᠡᠭᠦᠨ ᠢ  ᠲᠦᠭᠦᠮᠴᠢᠯᠡᠨ ᠲᠤᠭᠠᠴᠠᠪᠠᠯ  ᠯᠢᠦ ᠹᠦ᠋ ᠲᠦᠩ ᠤᠨ  ᠰᠠᠯᠠᠭ᠎ᠠ  ᠶᠢᠩ ᠵᠧᠦ  ᠎ ᠶᠢ ᠡᠵᠡᠯᠡᠵᠦ︔  ᠨᠢᠦ ᠭᠤᠤ  ᠂  ᠯᠦᠸᠧ ᠱᠠᠨ᠂  ᠵᠧᠨ ᠶᠠᠩ᠂  ᠴᠢᠦᠸᠠᠨ ᠱᠠᠨ᠂  ᠷᠦ᠋ ᠨᠢᠩ᠂  ᠰᠢ ᠵᠧᠦ᠂  ᠭᠤᠸᠠᠩ ︵光 ）  ᠵᠧᠦ  ᠵᠡᠷᠭᠡ ᠭᠠᠵᠠᠷ ᠢ  ᠡᠵᠡᠯᠡᠵᠦ  ︔ ᠫᠧᠩ ᠢᠩ  ᠢᠦᠢ  ᠬᠤᠸᠠᠢ ᠰᠢ ᠭᠠᠵᠠᠷ ᠠᠴᠠ  ᠪᠤᠰᠴᠦ  ︔ 8 ᠰᠠᠷ᠎ᠠ ᠳᠤ  ᠵᠤᠤ  ᠵᠢᠶᠦ᠋ᠨ  ᠶᠦᠩ  ᠂ ᠫᠧᠩ  ᠳ᠋ᠠ᠂  ᠯᠢ ᠡᠯ ᠵᠡᠷᠭᠡ ᠬᠦᠮᠦᠰ   ᠰᠢᠦᠢ  ᠵᠧᠦ ᠶᠢ ᠡᠵᠡᠯᠡᠵᠦ︔ ᠮᠠ ᠴᠧᠩ  ᠎ ᠤᠨ  ᠲᠡᠮᠦᠷ ᠤᠨ  ᠲᠠᠷᠬᠠᠨ  ᠽᠦ  ᠫᠦ᠋ ᠱᠧᠩ   ᠬᠢᠭᠡᠳ ᠯᠥᠸᠧ ᠲᠢᠶᠠᠨ ᠤ ᠬᠦᠮᠦᠨ  ᠪᠦᠰ ᠤᠨ  ᠠᠷᠠᠯᠵᠢᠶᠠᠴᠢᠨ  ᠰᠢᠦᠢ ᠱᠦ ᠾᠦᠢ  ᠨᠠᠷ  ᠴᠢ  ᠵᠧᠦ  ᠎ ᠶᠢ ᠡᠵᠡᠯᠡᠵᠦ  ᠲᠢᠶᠠᠨ ᠸᠠᠨ ᠲᠦᠷᠦ ᠶᠢ ᠪᠠᠶᠢᠭᠤᠯᠵᠠᠢ᠃  ᠸᠠᠩ ᠴᠢᠤᠸᠠᠨ  ᠂ ᠵᠠᠩ ᠴᠦᠨ ᠵᠡᠷᠭᠡ ᠳ᠋ᠡᠩᠵᠧᠦ ᠶᠢ ᠡᠵᠡᠯᠡᠵᠦ  ︔ 12 ᠰᠠᠷ᠎ᠠ ᠳᠤ  ᠮᠧᠩ ᠬᠠᠢ ᠴᠢᠦᠸᠠᠨ ᠵᠡᠷᠭᠡ ᠬᠦᠮᠦᠨ  ᠰᠢᠶᠠᠩ ᠶᠠᠩ ᠢ  ᠡᠵᠡᠯᠡᠵᠦ  ᠂2 ᠰᠠᠷ᠎ᠠ ᠳᠤ  ᠳ᠋ᠢᠩ ᠶᠤᠸᠠᠨ  ᠎ ᠤ ᠬᠦᠮᠦᠨ  ᠭᠦᠸᠧ ᠽᠢ ᠰᠢᠩ ᠬᠤᠤ ᠵᠧᠦ  ᠎ ᠶᠢ ᠡᠵᠡᠯᠡᠵᠠᠢ᠃    ᠡᠨᠡᠬᠦ ᠪᠠᠶᠢᠳᠠᠯ ᠳᠤ ᠲᠤᠭᠤᠭᠠᠨᠳᠡᠮᠦᠷ ᠬᠠᠭᠠᠨ  ᠲᠤᠭᠳᠠᠬᠤ  ᠎ ᠶᠢ ᠲᠠᠭᠤᠳᠠᠵᠤ᠄  ︽ᠴᠢ ᠦᠷᠭᠦᠯᠵᠢᠳᠡ ᠲᠡᠭᠷᠢ ᠶᠢᠨ  ᠲᠤᠤᠷ᠎ᠠ  ᠠᠮᠦᠷ ᠲᠠᠶᠢᠪᠤᠩ  ᠤᠴᠠᠷ ᠦᠭᠡᠢ ᠭᠡᠳᠡᠭ᠂  ᠡᠳᠦᠭᠡ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ  ᠬᠠᠭᠠᠰ  ᠲᠡᠯᠡᠭᠡᠢ ᠶᠢ ᠡᠵᠡᠯᠡᠪᠡ᠂  ᠴᠧᠩᠰᠢᠶᠠᠩ ᠶᠠᠮᠠᠷ ᠪᠤᠳᠤᠯᠭ᠎ᠠ ᠪᠠᠶᠢᠮᠦᠢ  ︾  ᠭᠡᠪᠡ  ᠃  ᠲᠤᠭᠳᠠᠬᠤ ᠶᠢᠨ  ᠠᠷᠠᠭᠠᠴᠠᠬᠤ ᠪᠤᠳᠤᠯᠭ᠎ᠠ ᠨᠢ ᠬᠤᠶᠠᠷ ᠪᠠᠶᠢᠵᠠᠢ᠃  ᠨᠢᠭᠡ ᠳᠤ ᠬᠢᠳᠠᠳ  ᠬᠦᠮᠦᠨ ᠳᠤ ᠰᠡᠷᠭᠡᠶᠢᠯᠡᠯᠳᠡ ᠪᠠᠨ ᠴᠢᠩᠭᠠᠳᠬᠠᠨ᠎ᠠ᠃  ᠬᠤᠶᠠᠷ  ᠎ ᠲᠤ  ᠪᠤᠰᠤᠯᠭ᠎ᠠ ᠳᠤ ᠴᠢᠰᠤᠳᠤ ᠲᠠᠷᠦᠩᠭᠤᠶᠢᠯᠠᠯ ᠶᠠᠪᠤᠭᠤᠯᠤᠨ᠎ᠠ᠃  ᠡᠭᠦᠨ ᠳᠤ  ᠤᠷᠢᠳ ᠬᠤᠵᠢᠳ  ᠬᠤᠤᠰ  ᠂    ᠲᠦᠰᠢ    ᠂  ᠡᠰᠡᠨᠳᠡᠮᠦᠷ  ᠂  ᠴᠠᠭᠠᠨᠳᠡᠮᠦᠷ᠂  ᠯᠢ ᠰᠧ ᠴᠢ  ᠨᠠᠷ  ᠎ ᠢᠶᠠᠷ   ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ  ᠲᠠᠷᠤᠩᠭᠤᠶᠢᠯᠠᠭᠰᠠᠨ ᠳᠤ  ᠡᠮᠦᠨᠡᠬᠢ ᠴᠦᠮ ᠢᠯᠠᠭᠳᠠᠵᠤ ᠴᠠᠭᠠᠨᠳᠡᠮᠦᠷ᠂  ᠯᠢ ᠰᠧ ᠴᠢ ᠨᠠᠷ ᠨᠢ  ᠤᠯᠠᠭᠠᠨ ᠠᠯᠴᠢᠭᠤᠷᠳᠠ ᠢ  ᠭᠡᠴᠡᠭᠦᠦ  ᠰᠦᠷᠳᠡᠭᠦᠯᠵᠤ ᠪᠠᠶᠢᠵᠠᠢ᠃ 1352 ᠤᠨ ᠳᠤ ᠲᠤᠭᠳᠠᠬᠤ  ᠪᠡᠶᠡᠪᠡᠷ ᠢᠶᠠᠨ ᠶᠡᠭᠡ ᠴᠡᠷᠢᠭ ᠲᠠᠶᠢᠴᠢᠯᠠᠨ  ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠢ ᠲᠠᠷᠤᠩᠭᠤᠶᠢᠯᠠᠵᠤ  ᠡᠬᠢᠯᠡᠪᠡ᠂  ᠲᠡᠷᠡᠪᠡᠷ 9 ᠰᠠᠷ᠎ᠠ ᠳᠤ  ᠰᠢᠦᠢ ᠵᠧᠦ ᠶᠢ  ᠡᠪᠳᠡᠨ  ᡁᠢ  ᠮᠠ ᠯᠢ ᠵᠡᠷᠭᠡ ᠬᠦᠮᠦᠨ ᠎ ᠢ  ᠠᠯᠠᠵᠤ᠂  ᠲᠦᠷᠦ ᠳᠤ ᠪᠤᠴᠠᠭᠰᠠᠨ ᠤ ᠲᠠᠷᠠᠭ᠎ᠠ ᠡᠵᠡᠨ ᠬᠠᠭᠠᠨ ᠲᠡᠭᠦᠨ ᠢ   ᠲᠠᠶᠢᠱᠢ  ᠡᠷᠭᠦᠮᠵᠢᠯᠡᠨ ᠰᠢᠦᠢ ᠵᠧᠦ  ᠎ ᠳᠤ ᠲᠡᠭᠦᠨ ᠤ  ᠠᠮᠢᠳᠤ  ᠭᠡᠶᠢᠳ  ᠪᠤᠰᠬᠠᠨ  ︽ᠰᠢᠦᠢ ᠵᠧᠦ  ᠎ ᠶᠢᠨ  ᠬᠤᠯᠠᠭᠠᠢ ᠶᠢ  ᠲᠦᠪᠰᠢᠳᠭᠡᠭᠰᠡᠨ  ᠬᠦᠢᠰᠢᠶ᠎ᠡ  ︾ ᠪᠤᠰᠠᠬᠠᠨ ᠠᠯᠳᠠᠷ ᠭᠠᠪᠢᠶ᠎ᠠ ᠶᠢ ᠲᠡᠮᠳᠡᠭᠯᠡᠵᠠᠢ᠃ ᠲᠤᠭᠳᠠᠬᠤ  ᠴᠧᠩᠰᠢᠶᠠᠩ ᠤᠨ  ᠲᠤᠰᠢᠶᠠᠯ ᠢᠶᠠᠨ  ᠰᠡᠷᠭᠦᠭᠡᠭᠳᠡᠭᠰᠡᠨ ᠤ ᠲᠠᠷᠠᠭ᠎ᠠ  ᠬᠠᠮᠠ  ᠠᠬ᠎ᠠ ᠲᠡᠭᠦᠦ ᠬᠤᠶᠠᠭᠤᠯᠠ ᠳᠤ ᠶᠡᠭᠡᠯ᠎ᠡ ᠲᠠᠯᠠᠷᠠᠬᠠᠵᠤ  ᠬᠠᠮᠠ  ᠎ ᠶᠢ ᠵᠦᠩᠱᠦ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠠᠩ ᠪᠤᠯᠭᠠᠵᠠᠢ᠃  ᠭᠡᠳᠡᠯ᠎ᠡ  ᠲᠤᠭᠳᠠᠬᠤ ᠽᠦ᠋ᠸᠧ ᠽᠢ ᠯᠠᠩ ᠵᠦᠩ   ᠿᠦ ᠵᠦᠩ ᠪᠠᠢ  ᠎ ᠶᠢ ᠲᠤᠩ   ᠡᠷᠬᠢᠮᠨᠡᠨ  ᠦᠵᠡᠵᠦ  ᠬᠠᠮᠠ  ᠎ ᠶᠢᠨ  ᠲᠤᠷ᠎ᠠ ᠦᠭᠡᠶᠢᠴᠡᠯ ᠢ  ᠬᠦᠷᠭᠡᠵᠠᠢ᠃  ᠬᠤᠶᠢᠨ᠎ᠠ ᠲᠤᠭᠳᠠᠬᠤ  ᠬᠠᠮᠠ  ᠎ ᠶᠢ  ᠰᠢᠥᠸᠠᠨ ᠵᠧᠩ ᠶᠤᠸᠠᠨ  ᠎ ᠤ  ᠰᠠᠶᠢᠳ  ᠪᠤᠯᠭᠠᠭᠰᠠᠨ ᠳᠤ ᠬᠠᠮᠠ  ᠎ ᠶᠢᠨ ᠲᠤᠰᠢᠶᠠᠯ ᠨᠢ ᠲᠦᠷᠦ ᠶᠢᠨ  ᠰᠠᠶᠢᠳ ᠤᠨ   ᠭᠤᠷᠪᠠᠳᠤᠭᠠᠷ  ᠎ ᠳᠤ  ᠵᠢᠭᠰᠠᠭᠠᠭᠳᠠᠨ   ᠬᠠᠮᠠ  ᠨᠡᠩ  ᠬᠤᠷᠤᠰᠴᠠᠢ᠃ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ  ᠲᠦᠷ ᠴᠠᠭ ᠲᠤᠷᠦᠶᠢᠳᠠᠯ ᠤᠨ  ᠬᠤᠭᠤᠴᠠᠭᠠᠨ᠎ᠠ ᠤᠷᠤᠭᠰᠠᠨ ᠦᠶ᠎ᠡ ᠳᠤ   ᠲᠠᠶᠢᠵᠧᠦ ᠎ ᠶᠢᠨ  ᠵᠠᠩ ᠰᠢ  ᠴᠧᠩ  ᠴᠡᠷᠢᠭ ᠪᠤᠰᠬᠠᠵᠤ  ᠲᠠᠶᠢᠵᠧᠦ  ᠂ ᠭᠤᠤ ᠶᠢᠦ ᠵᠡᠷᠭᠡ ᠭᠠᠵᠠᠷ ᠢ  ᠡᠪᠳᠡᠵᠠᠢ᠃ 14 ᠤᠨ ᠎ ᠤ  ᠴᠠᠭᠠᠨ ᠰᠠᠷ᠎ᠠ ᠳᠤ ᠭᠤᠤ ᠶᠢᠦ ᠳᠤ  ᠬᠠᠭᠠᠨ ᠰᠠᠭᠤᠵᠤ  ᠤᠯᠤᠰ ᠤᠨ  ᠴᠤᠯᠠ  ᠎ ᠪᠠᠨ  ︽ᠶᠡᠭᠡ ᠵᠧᠦ︾  ᠬᠡᠮᠡᠵᠠᠢ᠃ 9 ᠰᠠᠷ᠎ᠠ ᠳᠤ   ᠲᠤᠭᠤᠭᠠᠨᠳᠡᠮᠦᠷ ᠬᠠᠭᠠᠨ  ᠲᠠᠬᠢᠨᠳᠠ ᠲᠤᠭᠳᠠᠬᠤ ᠪᠠᠷ ᠴᠡᠷᠢᠭ ᠲᠠᠭᠠᠭᠤᠯᠤᠨ  ᠭᠤᠤ ᠶᠢᠦ ᠶᠢ ᠲᠠᠶᠢᠯᠠᠭᠤᠯᠵᠠᠢ᠃ 11 ᠰᠠᠷ᠎ᠠ ᠳᠤ  ᠶᠤᠸᠠᠨ ᠤ ᠴᠡᠷᠢᠭ ᠭᠤᠤ ᠶᠢᠦ ᠳᠤ ᠬᠦᠷᠴᠦ᠂  ᠴᠡᠷᠢᠭ ᠬᠤᠪᠢᠶᠠᠨ  ᠯᠢᠦ   ᠾᠧ  ᠂  ᠶᠠᠨ ᠴᠧᠩ ᠵᠡᠷᠭᠡ ᠭᠠᠵᠠᠷ ᠢ ᠡᠪᠳᠠᠵᠠᠢ᠃ ᠲᠤᠭᠳᠠᠬᠤ ᠴᠡᠷᠢᠭ ᠭᠠᠷᠬᠤ ᠠᠴᠠ  ᠡᠮᠦᠨ᠎ᠡ    ᠿᠦ ᠵᠦᠩ ᠪᠠᠢ  ᠎ ᠪᠠᠷ ᠲᠡᠭᠦᠦ ᠡᠰᠡᠨᠳᠡᠮᠦᠷ  ᠎ ᠢᠶᠠᠨ  ᠬᠠᠪᠰᠠᠷᠠᠭᠤᠯᠤᠨ ᠲᠦᠷᠦ ᠶᠢᠨ   ᠭᠡᠷᠡᠭ  ᠎ ᠢ  ᠰᠡᠶᠢᠳᠪᠤᠷᠢᠯᠡᠭᠦᠯᠵᠠᠢ᠃   ᠿᠦ ᠵᠦᠩ ᠪᠠᠢ   ︽ ᠬᠠᠮᠠ  ᠠᠨᠤ  ᠬᠤᠤᠷ ᠤᠨ  ᠦᠨᠳᠤᠰᠦ ᠪᠤᠯᠠᠢ  ᠂ ᠠᠷᠢᠯᠭᠠᠨᠳᠤᠨ  ︾ ᠭᠡᠰᠡᠨ ᠳᠤ  ᠲᠤᠭᠳᠠᠬᠤ ᠲᠠᠳᠠᠭᠠᠯᠵᠠᠨ  ᠲᠤᠭᠳᠠᠭᠠᠭᠰᠠᠨ ᠦᠭᠡᠢ᠃  ᠡᠨᠡᠬᠦ ᠴᠢᠮᠡᠭᠡ ᠶᠢ ᠬᠠᠮᠠ ᠰᠤᠨᠤᠰᠴᠦ ᠨᠡᠩ ᠬᠤᠷᠤᠰᠤᠯ  ᠲᠦᠷᠦᠨ ᠡᠵᠡᠨ ᠬᠠᠭᠠᠨ ᠳᠤ ᠲᠤᠭᠳᠠᠬᠤ ᠶᠢ  ᠵᠠᠭᠠᠯᠳᠤᠭᠰᠠᠨ ᠳᠤ  ᠲᠤᠭᠤᠭᠠᠨᠳᠡᠮᠦᠷ ᠢᠳᠡᠭᠡᠵᠦ  ᠡᠰᠡᠨᠳᠡᠮᠦᠷ ᠤᠨ  ᠲᠤᠰᠢᠶᠠᠯ ᠢ  ᠤᠭᠴᠠᠷᠠᠭᠤᠯᠵᠤ᠂ ᠲᠤᠭᠳᠠᠬᠤ ᠎ ᠶᠢᠨ  ᠴᠡᠷᠢᠭ ᠤᠨ ᠡᠷᠭᠡ ᠶᠢ  ᠬᠠᠰᠤᠪᠠ᠃  ᠵᠤᠤ ᠪᠢᠴᠢᠭ  ᠬᠦᠷᠦᠭᠰᠡᠨ ᠦᠶ᠎ᠡ ᠳᠤ  ᠭᠦᠩ ᠪᠠᠢ ᠽᠦᠢ  ᠲᠤᠭᠳᠠᠬᠤ ᠳᠤ    ︽ ᠵᠠᠩᠵᠤᠨ  ᠲᠠᠶᠢᠨ ᠤ ᠦᠶ᠎ᠡ ᠳᠤ ᠡᠵᠡᠨ ᠤ  ᠵᠠᠷᠯᠢᠭ  ᠎ ᠤᠨ  ᠵᠠᠷᠢᠮ ᠢ  ᠎ ᠨᠢ ᠦᠯᠦ ᠲᠠᠭᠠᠵᠤ ᠪᠤᠯᠤᠮᠦᠢ  ︾ ᠭᠡᠰᠡᠨ ᠳᠤ ᠲᠤᠭᠳᠠᠬᠤ  ︽ ᠲᠡᠭᠷᠢ ᠶᠢᠨ  ᠬᠦᠪᠡᠭᠦᠨ  ᠎ ᠤ ᠵᠤᠤ ᠪᠢᠴᠢᠭ ᠢ  ᠪᠢ ᠦᠯᠦ  ᠲᠠᠭᠠᠬᠤ ᠠᠨᠤ  ᠲᠡᠭᠷᠢ ᠶᠢᠨ  ᠲᠤᠤᠷᠠᠬᠢ ᠯᠤᠭ᠎ᠠ  ᠲᠡᠮᠡᠴᠡᠭᠰᠡᠨ ᠬᠡᠷᠡᠭ ᠪᠤᠯᠤᠮᠦᠢ᠂   ᠡᠵᠡᠨ ᠲᠦᠰᠢᠮᠡᠯ ᠤᠨ  ᠬᠡᠯᠬᠢᠶ᠎ᠡ ᠬᠠᠮᠢᠭ᠎ᠠ ᠪᠠᠶᠢᠬᠤ ᠪᠤᠢ  ︾ ᠬᠡᠮᠡᠨ ᠴᠡᠷᠢᠭ ᠤᠨ  ᠡᠷᠭᠡ ᠪᠠᠨ  ᠲᠠᠶᠢᠪᠤᠬ᠎ᠠ ᠳᠤ ᠲᠤᠰᠢᠶᠠᠪᠠ᠃   ᠡᠭᠦᠨ ᠳᠤ  ᠬᠠᠷᠠᠳᠠᠢ   ︽ᠴᠧᠩᠰᠢᠶᠠᠩ  ᠢᠩᠬᠢᠪᠡᠰᠦ ᠪᠢᠳᠡᠨᠠᠷ ᠪᠤᠰᠤᠳ ᠤᠨ   ᠭᠠᠷ  ᠎ ᠲᠤ ᠦᠭᠦᠮᠦᠢ  ᠂  ᠴᠧᠩᠰᠢᠶᠠᠩ ᠠᠴᠠ  ᠤᠷᠢᠳᠠ ᠦᠭᠦᠬᠦ ᠶᠢ ᠬᠦᠷᠬᠦ ᠦᠭᠡᠢ  ︾  ᠬᠡᠮᠡᠨ  ᠬᠦᠵᠦᠭᠦᠦ ᠪᠠᠨ ᠤᠭᠳᠤᠯᠤᠨ ᠦᠭᠦᠪᠠᠢ᠃  ᠲᠤᠭᠤᠭᠠᠨᠳᠡᠮᠦᠷ ᠬᠠᠭᠠᠨ  ᠵᠢᠭᠰᠠᠭᠠᠯ ᠤᠨ  ᠡᠮᠦᠨ᠎ᠡ  ᠵᠠᠩᠵᠤᠨ ᠰᠤᠯᠢᠭᠰᠠᠨ ᠠᠴᠠ  ᠵᠠᠭᠤᠨ ᠲᠦᠮᠡᠨ  ᠴᠡᠷᠢᠭ ︵ ᠵᠠᠷᠢᠮ ᠮᠠᠲ᠋ᠡᠷᠢᠶᠠᠯ ᠎ ᠳᠤ  ᠲᠦᠴᠢᠨ ᠲᠦᠮᠡ  ᠭᠡᠳᠡᠭ ——  ᠤᠷᠴᠢᠭᠤᠯᠤᠭᠴᠢ ᠠᠴᠠ︶  ᠪᠠᠶᠢᠯᠳᠤᠯ ᠦᠭᠡᠢ ᠰᠠᠷᠨᠢᠵᠠᠢ᠃   ᠭᠤᠤ ᠶᠢᠦ ᠶᠢᠨ  ᠲᠠᠶᠢᠨ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠴᠡᠷᠢᠭ  ᠪᠠᠶᠢᠯᠳᠤᠯ ᠦᠭᠡᠢ ᠰᠠᠷᠨᠢᠭᠰᠠᠨ ᠨᠢ  ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠦᠶ᠎ᠡ ᠶᠢᠨ  ᠲᠠᠶᠢᠨ ᠤ ᠡᠷᠬᠢᠯᠳᠡ ᠮᠦᠨ᠃   ᠡᠯ᠎ᠡ ᠭᠠᠵᠠᠷᠤᠨ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠲᠠᠬᠢᠨᠳᠠ ᠦᠷᠨᠢᠯᠳᠡ ᠳᠤ ᠤᠷᠤᠵᠠᠢ᠃  ᠪᠠᠷᠤᠭ ᠠᠷᠪᠠᠨ ᠵᠢᠯᠦᠨ ᠲᠠᠷᠠᠭ᠎ᠠ ᠬᠦᠮᠦᠨ ᠪᠢᠴᠢᠭ ᠡᠷᠭᠦᠵᠦ ᠦᠭᠦᠯᠡᠷᠦᠨ  ᠄   ︽ᠵᠠᠯᠢᠬᠠᠢ ᠬᠠᠷᠬᠢᠰ ᠶᠡᠭᠡ ᠲᠦᠰᠢᠮᠡᠯ ᠢ   ᠬᠤᠤᠷᠯᠠᠵᠤ  ᠂ ᠲᠠᠶᠢᠰᠤᠨ ᠤ ᠡᠮᠦᠨ᠎ᠡ  ᠵᠠᠩᠵᠤᠨ  ᠰᠤᠯᠢᠵᠤ  ᠂ ᠠᠷᠠᠳ ᠢᠷᠭᠡᠨ ᠤ ᠵᠤᠪᠠᠯᠠᠩ ᠢ  ᠡᠭᠦᠰᠭᠡᠪᠠᠢ᠃  ᠭᠡᠷᠪᠡᠵᠢᠨ ᠲᠤᠭᠳᠠᠬᠤ ᠦᠯᠦ  ᠦᠭᠦᠭᠰᠡᠨ ᠪᠦᠭᠡᠰᠦ ᠲᠡᠭᠷᠢ ᠶᠢᠨ  ᠲᠤᠤᠷᠠᠬᠢ  ᠬᠡᠷᠬᠢᠨ ᠰᠠᠮᠠᠭᠤᠷᠠᠮᠦᠢ  ︾  ︵ ︽ᠶᠤᠸᠠᠨ ᠤᠯᠤᠰ ᠤᠨ  ᠲᠡᠦᠭᠡ᠂ ᠱᠦᠨ ᠳ᠋ᠢ ᠬᠠᠭᠠᠨ ᠤ ᠱᠠᠰᠳᠢᠷ  ︾  ︶  ᠃  ᠲᠤᠭᠳᠠᠬᠤ  ᠤᠷᠢᠳᠠᠪᠠᠷ ᠬᠤᠸᠠᠢ ᠠᠨ ᠯᠤ᠋ ᠳᠤ  ᠲᠤᠪᠬᠢᠨᠠᠭᠤᠯᠤᠭᠳᠠᠨ᠂  ᠲᠠᠬᠢᠨ ᠵᠢᠢ ᠨᠠᠢ ᠯᠤ᠋  ᠎ ᠳᠤ ︵ᠦᠪᠦᠷ ᠮᠤᠩᠭᠤᠯ ᠤᠨ  ᠡᠵᠡᠨ᠎ᠠ ᠬᠤᠰᠢᠭᠤ  ︶  ᠎ ᠳᠤ  ᠰᠢᠯᠵᠢᠭᠦᠯᠦᠭᠳᠡᠨ  ᠂ 1353 ᠤᠨ ᠤ 3 ᠰᠠᠷ᠎ᠠ ᠳᠤ    ᠶᠦᠨᠨᠠᠨ  ᠎ ᠤ  ᠳ᠋ᠠ ᠯᠢ  ᠎ ᠶᠢᠨ  ᠰᠢᠦᠸᠠᠨ  ᠸᠧᠢ  ᠰᠧ ᠵᠧᠨ ᠰᠢ ᠯᠦ  ᠎ ᠳᠤ ᠴᠦᠯᠡᠭᠳᠡᠵᠦ  ᠂ ᠲᠡᠭᠦᠦ ᠨᠢ  ᠡᠰᠡᠨᠳᠡᠮᠦᠷ  ᠰᠧᠴᠤᠸᠠᠨ ᠳᠤ  ᠴᠦᠯᠡᠭᠳᠡᠵᠦ  ᠂ ᠲᠤᠭᠳᠠᠬᠤ ᠶᠢᠨ  ᠠᠬᠠᠮᠠᠳ ᠬᠦᠪᠡᠭᠦᠨ  ᠬᠠᠷᠠᠵᠠᠩ  ︵ ᠤᠮᠠᠷᠠᠳᠤ  ᠶᠤᠸᠠᠨ ᠤ ᠦᠶ᠎ᠡ ᠶᠢᠨ   ᠴᠧᠩᠰᠢᠶᠠᠩ ᠬᠠᠷᠠᠵᠠᠩ  ᠂  ᠤᠷᠴᠢᠭᠤᠯᠤᠭᠴᠢ ᠠᠴᠠ  ︶  ᠎ ᠨᠢ  ᠭᠠᠨᠰᠦ  ᠎ ᠳᠤ  ᠲᠤᠪᠬᠢᠨᠠᠭᠳᠠᠵᠤ᠂  ᠲᠡᠳ᠋ ᠬᠦᠪᠡᠭᠦᠨ  ᠰᠠᠨᠪᠤᠨᠤ  ᠎ ᠨᠢ  ᠯᠠᠨᠵᠧᠦ ᠳᠤ ᠲᠤᠪᠬᠢᠨᠠᠭᠳᠠᠵᠤ᠂  ᠭᠡᠷ ᠬᠦᠷᠦᠩᠭᠡ ᠶᠢ ᠨᠢ ᠤᠯᠤᠰ ᠲᠤ ᠬᠤᠷᠢᠶᠠᠵᠠᠢ᠃ 12 ᠰᠠᠷ᠎ᠠ ᠳᠤ  ᠬᠠᠮᠠ  ᠬᠠᠭᠠᠨ ᠤ ᠬᠠᠭᠤᠷᠮᠠᠭ ᠵᠤᠤ  ᠪᠢᠴᠢᠭ ᠢᠶᠠᠷ  ᠬᠤᠤᠷᠠᠳᠤ ᠲᠠᠷᠠᠰᠤᠨ ᠢᠶᠠᠷ  ᠲᠤᠭᠳᠠᠬᠤ ᠶᠢ  ᠶᠦᠨᠨᠡᠨ ᠳᠤ  ᠦᠭᠦᠬᠦᠯᠪᠠᠢ᠃  ᠠᠷᠠᠶᠢᠬᠠᠨ 42 ᠨᠠᠰᠤᠳᠠᠢ  ᠪᠦᠯᠦᠭᠡ  ᠃ 1362 ᠤᠨ ᠳᠤ  ᠬᠢᠯᠢᠰ ᠠᠨᠤ ᠴᠠᠭᠠᠳᠬᠠᠭᠳᠠᠵᠤ   ᠵᠡᠷᠭᠡ ᠬᠡᠷᠬᠢᠮ  ᠰᠡᠷᠭᠦᠭᠡᠵᠦ  ᠭᠡᠷ ᠬᠦᠷᠦᠩᠭᠡ ᠶᠢ ᠠᠨᠤ ᠪᠤᠴᠠᠭᠠᠵᠠᠢ ᠬᠠᠷᠠᠵᠠᠩ  ᠂ ᠰᠠᠨᠪᠤᠨᠤ  ᠲᠦᠷᠦ ᠳᠤ ᠡᠷᠬᠢᠵᠤ  ᠲᠦᠰᠢᠮᠡᠯ ᠡᠷᠭᠦᠭᠳᠡᠵᠠᠢ᠃
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠦᠡᠭᠭᠠᠷ ᠬᠠᠭᠠᠨᠳᠦ ᠤᠯᠤᠰ  ᠤᠨ ᠦᠶ᠎ᠡ  ᠶᠢᠨ ᠴᠢᠷᠡᠭ ᠲᠠᠶᠢᠨ ᠤ ᠡᠷᠳᠡᠮᠳᠡᠨ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠁
ᠯᠢᠨᠰᠢ ᠰᠢᠶᠠᠨ ᠢ ᠪᠠᠶᠢᠭᠤᠯᠤᠭᠰᠠᠨ ᠵᠠᠩ ᠸᠧᠨ ᠬᠤᠤ  ᠶᠢᠨ ᠲᠤᠬᠠᠢ ᠦᠭᠦᠯᠡᠬᠦ ᠨᠢ
ᠡᠷᠳᠡᠨ ᠤ ᠲᠦᠷᠦᠭ ᠤᠨ ᠡᠯᠲ᠋ᠡᠷᠡᠰ ᠬᠠᠭᠠᠨ ᠤ ᠮᠡᠷᠭᠡᠨ ᠰᠠᠶᠢᠳ ᠲᠤᠨᠢᠶᠤᠺᠤᠺ ᠤᠨ ᠬᠦᠰᠢᠶ᠎ᠡ ᠴᠢᠯᠠᠭᠤᠨ  ᠤ ᠪᠢᠴᠢᠭ ᠁
ᠣᠩᠨᠢᠭᠤᠳ ᠳᠠᠬᠢ ᠵᠠᠩ ᠢᠩ ᠷᠦᠢ ᠶᠢᠨ ᠬᠦᠰᠢᠶᠡᠨ ᠤ ᠪᠢᠴᠢᠭ
ᠪᠢᠯᠢᠭ ᠬᠠᠭᠠᠨ  ᠤ ᠬᠦᠰᠢᠶᠡᠨ ᠪᠢᠴᠢᠭ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备07002090号