| ᠵᠦᠩᠭᠠᠷ ᠬᠠᠭᠠᠨᠳᠦ ᠤᠯᠤᠰ ᠤᠨ ᠦᠶᠡ ᠳᠤ ᠶᠡᠭᠡ ᠂ ᠪᠠᠭᠠ ᠬᠤᠶᠠᠷ ᠴᠠᠷᠢᠩᠳᠤᠨᠳᠤᠪ ᠬᠡᠮᠡᠬᠦ | ᠰᠢᠯᠭᠠᠷᠠᠭᠰᠠᠨ ᠪᠠᠭᠠᠳᠦᠷ ᠡᠷᠡ ᠪᠠᠶᠢᠵᠦ ᠴᠠᠸᠠᠨᠷᠠᠪᠳᠠᠨ ᠂ ᠭᠠᠯᠳᠠᠨᠴᠢᠷᠡᠩ ᠬᠤᠶᠠᠷ ᠬᠠᠭᠠᠨ ᠳᠤ ᠬᠦᠴᠦᠨ | ᠢᠶᠠᠨ ᠡᠷᠭᠦᠵᠦ ᠪᠠᠶᠢᠭᠰᠠᠨ ᠂ ᠠᠳᠡ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠤᠨ ᠲᠤᠬᠠᠢ ᠴᠤᠬᠤᠯᠠᠨ ᠲᠡᠮᠳᠡᠭᠯᠡᠵᠦ | ᠤᠩᠰᠢᠭᠴᠢ ᠲᠠᠨᠠᠷ ᠲᠤ ᠲᠤᠯᠢᠯᠠᠭᠤᠯᠬᠤ ᠶᠢ ᠬᠦᠰᠡᠯᠡ ᠃ ᠶᠡᠭᠡ ᠴᠢᠷᠠᠩᠳᠤᠨᠳᠤᠪ ᠨᠢ ᠵᠤᠷᠢᠭ | ᠤᠬᠠᠭᠠᠨ ᠬᠤᠤᠰᠯᠠᠭᠰᠠᠨ ᠬᠦᠮᠦᠨ ᠮᠦᠷᠳᠡᠭᠡᠨ ᠪᠠᠭᠠ ᠳᠠᠭᠠᠨ ᠵᠠᠰᠢᠯᠤᠩᠪᠤ ᠭᠡᠶᠢᠳ ᠲᠤ ᠱᠠᠪᠢᠯᠠᠨ | ᠰᠠᠭᠤᠵᠦ᠂ ᠲᠦᠪᠡᠳ ᠤᠨ ᠪᠠᠶᠢᠳᠠᠯ ᠢ ᠰᠠᠶᠢᠨ ᠤᠶᠢᠯᠭᠠᠳᠠᠭ ᠃ ᠲᠠᠷᠡᠪᠡᠷ ᠵᠦᠩᠭᠠᠷ ᠤᠨ ᠬᠤᠶᠠᠷ | ᠦᠶᠡ ᠶᠢᠨ ᠬᠠᠭᠠᠨ ᠳᠤ ᠬᠦᠴᠦᠨ ᠢᠶᠠᠨ ᠡᠷᠭᠦᠵᠦ ᠡᠮᠦᠨᠡᠰᠢ ᠲᠦᠪᠡᠳ ᠢ ᠲᠠᠶᠢᠯᠠᠨ ᠂ ᠪᠠᠷᠠᠭᠤᠨᠰᠢ | ᠬᠠᠰᠠᠭ ᠢ ᠰᠡᠷᠭᠡᠶᠢᠯᠡᠨ ᠂ ᠤᠮᠠᠷᠠᠰᠢ ᠤᠷᠤᠰ ᠢ ᠬᠤᠷᠢᠭᠯᠠᠨ ᠂ ᠵᠡᠭᠦᠨᠰᠢ ᠲᠠᠶᠢᠴᠩ ᠭᠦᠷᠦᠨ ᠲᠠᠢ | ᠲᠠᠶᠢᠳᠦᠨ ᠂ ᠲᠤᠳᠤᠭᠠᠳᠦ ᠲᠠᠭᠠᠨ ᠬᠠᠭᠠᠨ ᠤ ᠲᠦᠪ ᠡᠷᠬᠡ ᠶᠢ ᠬᠠᠮᠠᠭᠠᠯᠵᠤ ᠪᠠᠶᠢᠵᠠᠢ ᠃ | ᠠᠷᠪᠠᠨ ᠨᠠᠶᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠳᠤ ᠬᠤᠱᠤᠳ ᠮᠤᠩᠭᠤᠯ ᠤᠨ ᠬᠠᠷᠢᠶᠠᠨ ᠳᠤ | ᠪᠠᠶᠢᠭᠰᠠᠨ ᠬᠦᠬᠡᠨᠨᠠᠭᠤᠷ ᠲᠦᠪᠡᠳ ᠤᠨ ᠵᠢᠩᠬᠢᠨᠠᠢ ᠬᠠᠭᠤᠷᠮᠠᠭ ᠲᠠᠯᠠᠢ ᠯᠠᠮᠠ ᠶᠢᠨ ᠲᠤᠬᠠᠢ ᠮᠠᠷᠭᠤᠭᠠᠨ | ᠡᠭᠦᠰᠴᠦ᠂ 1706 ᠤᠨ ᠳᠤ ᠳ᠋ᠢᠪᠠ ᠰᠠᠭᠵᠠᠶᠢᠵᠠᠮᠰᠦ ᠶᠢᠨ ᠲᠤᠳᠤᠯᠠᠭᠰᠠᠨ ᠽᠠᠶᠠᠩᠵᠠᠮᠰᠦ ᠶᠢ ᠯᠠᠽᠠᠩ | ᠬᠠᠭᠠᠨ ᠪᠡᠭᠡᠵᠢᠩ ᠵᠦᠭ ᠴᠢᠷᠡᠭ ᠢᠶᠠᠷ ᠬᠦᠷᠭᠡᠬᠦ ᠵᠠᠮ ᠲᠤᠮᠳᠠ ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ ᠤ ᠲᠠᠷᠠᠭᠠ | ᠯᠠᠽᠠᠩ ᠬᠠᠭᠠᠨ ᠢᠯᠡᠷᠡᠭᠦᠯᠵᠦ ᠴᠢᠩ ᠤᠨ ᠲᠦᠷᠦ ᠮᠡᠳᠡᠷᠡᠭᠰᠡᠨ ᠢᠰᠢᠵᠠᠮᠰᠦ ᠲᠠᠯᠠᠢ ᠯᠠᠮᠠ ᠰᠠᠭᠤᠷᠢᠨ | ᠳᠤ ᠵᠠᠯᠠᠷᠠᠭᠰᠠᠨ ᠢ ᠲᠦᠪᠡᠳ ᠤᠨ ᠬᠠᠷᠠ ᠰᠢᠷᠠ ᠶᠢᠨ ᠡᠳᠡᠭᠡᠳ ᠤᠨ ᠬᠢᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ | ᠬᠠᠭᠤᠷᠮᠠᠭ ᠭᠡᠵᠦ ᠦᠵᠡᠵᠠᠢ ᠃ 1708 ᠤᠨ ᠳᠤ ᠯᠢᠳᠠᠩ ᠭᠠᠵᠠᠷ ᠰᠤᠨᠤᠮᠳᠤᠷᠵᠢ ᠭᠡᠭᠴᠢ ᠬᠦᠮᠦᠨ ᠠᠴᠠ | ᠭᠠᠶᠢᠬᠠᠮᠰᠢᠭᠳᠦ ᠬᠦᠪᠡᠭᠦᠨ ᠮᠡᠨᠳᠦᠯᠡᠭᠰᠡᠨ ᠢ ᠬᠠᠮ ᠤᠷᠤᠨ ᠤ ᠠᠰᠤᠷᠤ ᠨᠦᠯᠦᠭᠡ ᠲᠠᠢ ᠹᠯᠠᠮᠠ | ᠲᠡᠭᠦᠨ ᠳᠤ ᠭᠠᠯᠰᠠᠩᠵᠠᠮᠰᠦ ᠭᠡᠭᠴᠢ ᠨᠡᠷᠡ ᠬᠠᠶᠢᠷᠯᠠᠵᠠᠢ ᠃ 1714 ᠤᠨ ᠳᠤ ᠬᠦᠬᠡᠨᠨᠠᠭᠤᠷ ᠤᠨ | ᠤᠯᠠᠨ ᠲᠠᠶᠢᠵᠢ ᠨᠠᠷ ᠴᠠᠭᠠᠨ ᠲᠤᠯᠤᠭᠠᠢ ᠭᠡᠬᠦ ᠭᠠᠵᠠᠷ ᠴᠤᠭᠯᠠᠭᠠᠨ ᠪᠤᠯᠵᠦ ᠭᠠᠯᠰᠠᠩᠵᠠᠮᠰᠦ ᠶᠢ | ᠽᠠᠶᠠᠩᠵᠠᠮᠰᠦ ᠶᠢᠨ ᠬᠤᠪᠢᠯᠭᠠᠨ ᠬᠡᠮᠡᠨ ᠮᠡᠳᠡᠷᠡᠨ ᠲᠡᠳᠬᠦᠵᠦ ᠪᠡᠭᠡᠵᠢᠩ ᠵᠦᠭ ᠬᠠᠮᠳᠦᠷᠠᠭᠰᠠᠨ | ᠠᠶᠢᠯᠠᠳᠬᠠᠯ ᠡᠷᠭᠦᠭᠡᠳ ᠴᠢᠩ ᠤᠨ ᠲᠦᠷᠦ ᠶᠢᠨ ᠲᠡᠮᠵᠢᠯᠭᠡ ᠶᠢ ᠤᠯᠤᠭᠰᠠᠨ ᠦᠭᠡᠢ ᠳᠤ ᠵᠦᠩᠭᠠᠷ | ᠲᠤ ᠬᠦᠰᠡᠯ ᠨᠠᠶᠢᠳᠠᠯ ᠢᠶᠠᠨ ᠲᠠᠯᠪᠢᠵᠠᠢ ᠃1715 ᠤᠨ ᠤ ᠬᠠᠪᠤᠷ ᠲᠦᠪᠡᠳ ᠤᠨ ᠰᠢᠷᠠ ᠶᠢᠨ | ᠭᠤᠷᠪᠠᠨ ᠬᠡᠶᠢᠳ ᠪᠤᠯᠤᠨ ᠬᠦᠬᠡᠨᠡᠭᠤᠷ ᠤᠨ ᠲᠠᠶᠢᠵᠢ ᠨᠠᠷ ᠵᠦᠩᠭᠠᠷ ᠲᠤ ᠤᠳᠠᠭᠠ ᠲᠠᠷᠠᠭᠠᠨᠯᠠᠨ | ᠬᠦᠮᠦᠨ ᠢᠯᠭᠡᠵᠦ ᠭᠠᠯᠰᠠᠩᠵᠠᠮᠰᠦ ᠶᠢ ᠲᠡᠳᠬᠦᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠯᠭᠠᠬᠤ ᠶᠢ ᠴᠠᠸᠠᠩᠷᠠᠪᠳᠠᠨ ᠳᠤ | ᠭᠤᠶᠤᠴᠢᠯᠠᠵᠠᠢ ᠃ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠲᠡᠳᠬᠦᠨ ᠵᠢᠩᠨᠠᠢ ᠲᠠᠯᠠᠢ ᠯᠠᠮᠠ ᠶᠢ ᠰᠢᠷᠡᠭᠡᠨ ᠳᠤ | ᠰᠠᠭᠤᠯᠭᠠᠬᠤ ᠨᠢ ᠲᠦᠢᠯ ᠤᠨ ᠴᠢᠬᠤᠯᠠ ᠭᠡᠵᠦ ᠦᠵᠡᠭᠰᠡᠨ ᠴᠠᠸᠠᠩᠷᠠᠪᠳᠠᠨ ᠬᠠᠭᠠᠨ ᠪᠤᠯᠭᠤᠮᠵᠢᠳᠠᠢ | ᠤᠪᠤᠷ ᠢᠶᠠᠷ ᠬᠦᠯᠢᠶᠡᠵᠦ ᠠᠪᠴᠠᠢ ᠃ | 1715 ᠣᠨ ᠤ ᠪᠢᠯᠢᠩ ᠤᠨ ᠤᠯᠠᠷᠢᠯ ᠤᠨ 3 ᠰᠠᠷᠠ ᠳᠤ ᠲᠦᠪᠡᠳ ᠵᠦᠭ ᠴᠢᠷᠭ ᠤᠷᠤᠬᠤ ᠵᠠᠮ ᠢ | ᠲᠤᠷᠰᠢᠨ ᠴᠢᠩ ᠤᠨ ᠬᠦᠴᠦᠨ ᠢ ᠲᠡᠩᠰᠡᠬᠦ ᠶᠢᠨ ᠲᠦᠯᠦᠭᠡ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠵᠠᠷᠯᠢᠭ ᠢᠶᠠᠷ | ᠬᠤᠶᠠᠷ ᠮᠢᠩᠭᠠᠨ ᠴᠢᠷᠡᠭ ᠲᠠᠶᠢᠴᠢᠯᠠᠨ ᠬᠠᠮᠢ ᠶᠢᠨ ᠠᠷᠦ ᠬᠢᠯᠢ ᠳᠠᠬᠢ ᠲᠠᠪᠤᠨ ᠵᠢᠵᠢᠭ ᠪᠠᠯᠭᠠᠰᠤ ᠶᠢ | ᠪᠠᠶᠢᠯᠳᠤᠨ ᠡᠵᠡᠯᠡᠪᠡ ᠃ ᠴᠢᠨᠠᠭᠰᠢᠳᠠᠨ ᠬᠠᠮᠢ ᠬᠤᠳᠠ ᠶᠢ ᠪᠦᠰᠡᠯᠡᠨ ᠲᠠᠶᠢᠴᠢᠩ ᠤᠯᠤᠰ ᠤᠨ ᠴᠢᠷᠡᠭ | ᠤᠨ ᠬᠦᠴᠦ ᠶᠢ ᠠᠵᠢᠭᠯᠠᠵᠠᠢ ᠃ ᠲᠡᠭᠡᠭᠡᠳ ᠴᠢᠩ ᠤᠨ ᠴᠢᠷᠡᠭ ᠨᠢᠭᠡᠨᠳᠡ ᠬᠦᠬᠡᠨᠡᠭᠤᠷ ᠵᠦᠭ | ᠨᠡᠪᠳᠡᠷᠡᠬᠦ ᠵᠠᠮ ᠢ ᠬᠠᠭᠠᠭᠰᠠᠨ ᠢ ᠤᠶᠢᠯᠭᠠᠵᠠᠢ ᠃ | 1716 ᠤᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 10 ᠰᠠᠷᠠ ᠳᠤ ᠂ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠤᠷᠢᠶᠠᠩᠬᠠᠢ | ᠡᠷᠡᠰ ᠢᠶᠠᠷ ᠭᠤᠤᠯᠯᠠᠭᠰᠠᠨ 6000 ᠮᠢᠩᠭᠠᠨ ᠴᠢᠷᠡᠭ ᠢ ᠠᠵᠢᠷᠭᠠ ᠤᠨᠤᠭᠤᠯᠵᠤ ᠂ ᠬᠠᠰᠠᠭ ᠢ | ᠲᠠᠶᠢᠯᠠᠬᠤ ᠬᠡᠮᠡᠨ ᠠᠯᠳᠠᠷᠰᠢᠭᠤᠯᠠᠨ ᠪᠤᠷᠦ ᠲᠠᠯᠠ ᠠᠴᠠ ᠮᠤᠷᠳᠠᠨ ᠭᠠᠷᠴᠦ ᠲᠡᠭᠷᠢ ᠠᠭᠤᠯᠠ ᠂ ᠲᠠᠷᠢᠮ | ᠤᠨ ᠬᠤᠳᠤᠭᠤᠷ ᠢ ᠲᠤᠭᠤᠯᠵᠤ ᠂ ᠴᠠᠰᠤ ᠮᠦᠰᠦᠨ ᠳᠤ ᠬᠤᠴᠢᠭᠳᠠᠭᠰᠠᠨ ᠺᠦᠨᠯᠦᠨ ᠠᠭᠤᠯᠠ ᠶᠢ | ᠠᠮᠢ ᠲᠡᠮᠡᠴᠡᠨ ᠬᠦᠨᠳᠡᠯᠡᠨ ᠲᠤᠭᠤᠯᠠᠵᠤ ᠲᠦᠪᠡᠳ ᠲᠤ ᠤᠷᠤᠵᠠᠢ ᠃ | ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠲᠦᠪᠡᠳ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠴᠢᠷᠡᠭ ᠤᠨ ᠲᠠᠭᠠᠷᠢᠯᠳᠠ ᠬᠢᠬᠦ ᠶᠢ | ᠶᠠᠭᠠᠷᠠᠭᠰᠠᠨ ᠦᠭᠡᠢ ᠃ ᠬᠠᠷᠢᠨ ᠳ᠋ᠠᠮ ᠤᠷᠤᠨ ᠳᠤ ᠴᠡᠷᠢᠭ ᠲᠦᠪᠯᠡᠷᠡᠭᠦᠯᠦᠨ ᠤᠯᠤᠰ ᠲᠦᠷᠦ ᠶᠢᠨ | ᠤᠪ ᠮᠡᠭᠡ ᠪᠠ ᠱᠠᠰᠢᠨ ᠤ ᠬᠦᠴᠦᠨ ᠢ ᠤᠷᠠᠨ ᠢᠶᠠᠷ ᠠᠰᠢᠭᠯᠠᠵᠦ ᠂ ᠲᠦᠪᠡᠳ ᠤᠨ ᠰᠢᠷᠠ ᠶᠢᠨ | ᠱᠠᠰᠢᠨ ᠤ ᠲᠠᠯᠠ ᠶᠢᠨ ᠬᠢᠨᠢ ᠭᠤᠷᠪᠠᠨ ᠭᠡᠶᠢᠳ ᠤᠨ ᠬᠦᠴᠦᠳᠠᠢ ᠲᠡᠮᠵᠢᠯᠭᠡ ᠶᠢ ᠤᠯᠵᠠᠢ ᠃ ᠲᠦᠪᠡᠳ | ᠤᠨ ᠲᠠᠯᠠ ᠶᠢᠨ ᠬᠢᠨᠢ ᠵᠠᠩᠵᠤᠨ ᠹᠤᠯᠤᠨᠢ ᠶᠢ ᠲᠤᠮᠢᠯᠠᠨ ᠳ᠋ᠠᠩ ᠰᠢᠶᠦᠩ ᠬᠡᠮᠡᠬᠦ ᠭᠠᠵᠠᠷ ᠵᠦᠩᠭᠠᠷ ᠴᠢᠷᠡᠭ | ᠲᠠᠢ ᠪᠠᠶᠢᠯᠳᠤᠭᠠᠳ ᠢᠯᠠᠭᠳᠠᠭᠰᠠᠨ ᠳᠤ ᠯᠠᠽᠠᠩ ᠬᠠᠭᠠᠨ ᠮᠡᠩᠳᠡᠵᠦ ᠵᠠᠰᠢᠯᠤᠩᠪᠤ ᠭᠡᠶᠢᠳ ᠤᠨ | ᠪᠠᠨᠴᠢᠨ ᠡᠷᠳᠡᠨᠢ ᠶᠢ ᠵᠠᠯᠠᠵᠦ ᠲᠡᠭᠦᠨ ᠤ ᠱᠠᠪᠢ ᠪᠤᠯᠬᠤ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠢ ᠢᠳᠬᠠᠨ | ᠬᠤᠷᠢᠭᠯᠠᠭᠤᠯᠵᠠᠢ ᠃ ᠭᠡᠬᠦ ᠳᠤ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠡᠵᠡᠨ ᠤ ᠬᠠᠭᠠᠨ ᠤ ᠵᠠᠷᠯᠢᠭ ᠢ ᠲᠡᠷᠢᠭᠦᠨ ᠳᠤ | ᠲᠠᠯᠪᠢᠵᠦ᠂ ᠱᠠᠰᠢᠨ ᠤ ᠪᠠᠭᠰᠠᠢ ᠶᠢᠨ ᠢᠶᠠᠨ ᠢᠳᠬᠠᠯ ᠢ ᠦᠢᠰᠢᠶᠠᠯ ᠦᠭᠡᠢ ᠦᠷᠭᠦᠯᠵᠢᠯᠡᠨ ᠪᠠᠶᠢᠯᠳᠦᠵᠠᠢ ᠃ | | 10 ᠰᠠᠷᠠ ᠳᠤ ᠴᠠᠷᠢᠩᠳᠤᠨᠳᠤᠪ ᠲᠠᠨ ᠯᠾᠰᠠ ᠬᠤᠳᠠ ᠳᠤ ᠲᠭᠠᠷᠢᠨ ᠤᠷᠤᠵᠦ ᠪᠤᠳᠠᠯᠩ ᠤᠷᠳᠤᠨ | ᠢ ᠪᠦᠰᠡᠯᠡᠵᠦ ᠂ 10 ᠰᠠᠷᠠ ᠶᠢᠨ 30 ᠤ ᠰᠦᠨᠢ ᠪᠤᠳᠠᠯᠩ ᠤᠷᠳᠤᠨ ᠢ ᠲᠠᠭᠠᠷᠢᠨ ᠡᠵᠡᠯᠠᠵᠠᠢ᠃ | ᠯᠠᠽᠠᠩ ᠬᠠᠭᠠᠨ ᠵᠦᠩᠭᠠᠷ ᠴᠢᠷᠡᠭ ᠲᠤ ᠲᠠᠭᠠᠷᠢᠬᠳᠠᠬᠤ ᠲᠠᠢ ᠵᠡᠷᠭᠡ ᠴᠢᠩ ᠤᠯᠤᠰ ᠠᠴᠠ ᠲᠤᠰᠠᠯᠠᠮᠵᠢ | ᠭᠤᠶᠤᠭᠰᠠᠨ ᠳᠤ ᠂ 1718 ᠤᠨ ᠤ 3 ᠰᠠᠷᠠ ᠳᠤ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤᠰᠠᠯᠬᠤ | ᠴᠢᠷᠡᠭ ᠭᠠᠷᠭᠠᠵᠠᠢ ᠃ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠬᠦᠬᠡᠨᠡᠭᠤᠷ ᠪᠠ ᠲᠦᠪᠡᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠠ | ᠤᠰᠤᠨ ᠬᠡᠮᠡᠬᠦ ᠭᠠᠵᠠᠷ ᠬᠡᠳᠦᠨ ᠲᠦᠮᠡᠨ ᠴᠢᠷᠡᠭ ᠴᠤᠭᠯᠠᠭᠤᠯᠯᠠᠨ ᠂ ᠲᠠᠶᠢᠴᠢᠩ ᠤᠨ ᠵᠢᠷᠭᠤᠭᠠᠨ | ᠮᠢᠩᠭᠠᠨ ᠴᠢᠷᠡᠭ ᠢ ᠬᠠᠷᠠᠰᠠᠯᠳᠠᠢ ᠬᠢᠳᠦᠵᠠᠢ᠃ ᠬᠤᠵᠢᠮ ᠨᠢ ᠲᠠᠶᠢᠴᠢᠩ ᠭᠦᠷᠦᠨ ᠲᠠᠪᠠᠭᠤ ᠴᠢᠷᠡᠭ ᠤᠨ | ᠬᠦᠴᠦᠨ ᠲᠤᠮᠢᠯᠠᠬᠤ ᠶᠢᠨ ᠬᠠᠮᠳᠦ ᠭᠠᠯᠰᠠᠩᠵᠠᠮᠰᠦ ᠶᠢᠨ ᠬᠠᠤᠯᠠᠢ ᠶᠤᠰᠦᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠶᠢ | ᠮᠡᠳᠡᠷᠡᠨ ᠰᠢᠷᠡᠭᠡᠨ ᠳᠤ ᠵᠠᠯᠠᠵᠦ ᠲᠦᠪᠡᠳ ᠤᠨ ᠤᠯᠠᠨ ᠤ ᠡᠰᠡᠷᠭᠦᠴᠡᠯ ᠢ ᠨᠠᠮᠳᠠᠭᠠᠵᠠᠢ ᠃ ᠡᠭᠦᠨ ᠳᠤ | ᠶᠡᠭᠡ ᠴᠠᠷᠢᠩᠳᠦᠨᠳᠤᠪ ᠤᠯᠠᠨ ᠤ ᠲᠡᠮᠵᠢᠯᠭᠡ ᠪᠠᠨ ᠠᠯᠳᠠᠬᠤ ᠶᠢᠨ ᠬᠠᠮᠳᠦ ᠴᠢᠷᠡᠭ ᠤᠨ ᠬᠦᠴᠦ | ᠬᠠᠷᠢᠴᠢᠯᠠᠰᠢ ᠦᠭᠡᠢ ᠪᠠᠭᠤᠷᠠᠢ ᠪᠠᠶᠢᠷᠢᠨ ᠳᠤ ᠤᠷᠤᠭᠰᠠᠨ ᠢᠶᠠᠨ ᠤᠶᠢᠯᠠᠭᠠᠵᠦ ᠂ 1720 ᠤᠨ ᠤ 9 | ᠰᠠᠷᠠ ᠳᠤ ᠦᠯᠡᠳᠡᠭᠰᠡᠨ ᠲᠦᠷᠪᠡᠨ ᠮᠢᠩᠭᠠᠨ ᠵᠦᠩᠭᠠᠷ ᠴᠢᠷᠡᠭ ᠢᠶᠠᠨ ᠲᠠᠭᠠᠭᠤᠯᠠᠨ ᠨᠠᠭᠠᠴᠠᠨ ᠰᠦᠪᠡ ᠂ | ᠭᠡᠷᠡᠶᠢᠯᠡᠨ ᠲᠠᠪᠠᠭᠠ ᠪᠠᠷ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠠᠢ ᠃ ᠮᠦᠨ ᠤᠨ ᠤ 10 ᠰᠠᠷᠠ ᠳᠤ ᠭᠠᠯᠰᠠᠩᠵᠠᠮᠰᠦ | ᠪᠤᠳᠠᠯᠠ ᠤᠷᠳᠤᠨ ᠳᠤ ᠤᠷᠤᠭᠠᠳ ᠢᠰᠢᠵᠠᠮᠰᠦ ᠪᠡᠭᠡᠵᠢᠩ ᠲᠤ ᠬᠦᠷᠭᠡᠭᠳᠡᠵᠠᠢ ᠃ | ᠲᠡᠷᠡ ᠲᠤᠬᠠᠢ ᠬᠠᠭᠠᠨᠳᠦ ᠤᠷᠤᠰ ᠂ ᠵᠦᠩᠭᠠᠷ ᠤᠨ ᠤᠮᠠᠷᠠ ᠲᠠᠯᠠ ᠠᠴᠠ ᠨᠢ ᠮᠡᠷᠡᠵᠦ ᠡᠬᠢᠯᠡᠵᠠᠢ ᠃ | 1716 ᠤᠨ ᠤ 2 ᠰᠠᠷᠠ ᠳᠤ ᠂ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠲᠦᠮᠡ ᠭᠠᠷᠦᠢ ᠴᠢᠷᠡᠭ ᠲᠠᠶᠢᠴᠢᠯᠠᠨ ᠶᠠᠮᠤᠰᠢ | ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠤᠷᠤᠰ ᠤᠨ ᠲᠦᠷᠢᠮᠬᠡᠢ ᠴᠢᠷᠡᠭ ᠢ ᠲᠠᠪᠬᠤᠷ ᠲᠠᠪᠬᠤᠷ ᠪᠦᠰᠡᠯᠡᠨ ᠠᠪᠴᠢ ᠃ | ᠪᠦᠬᠦᠳᠡ ᠶᠢ ᠵᠠᠬᠢᠷᠤᠭᠴᠢ ᠲᠦᠪᠧᠷᠰᠺᠧᠨ ᠬᠤᠳᠠᠨ ᠠᠴᠠ ᠨᠢᠭᠡᠨ ᠰᠠᠯᠠᠭᠠ ᠲᠤᠰᠠᠯᠠᠬᠤ ᠴᠢᠷᠡᠭ | ᠢᠯᠭᠡᠭᠰᠡᠨ ᠪᠤᠯᠪᠠᠴᠦ ᠵᠦᠩᠭᠭᠠᠷ ᠴᠢᠷᠡᠭ ᠲᠤ ᠤᠰᠠᠳᠬᠠᠭᠳᠠᠵᠠᠢ ᠃ 1717 ᠤᠨ ᠤ 2 ᠰᠠᠷᠠ ᠳᠤ | ᠺᠠᠺᠠᠷᠢᠨ ᠨᠤᠶᠠᠨ ᠴᠧᠷᠢᠳᠤᠪ ᠬᠡᠬᠦ ᠡᠯᠴᠢ ᠶᠢ ᠵᠦᠩᠭᠭᠠᠷ ᠲᠤ ᠵᠠᠷᠤᠵᠦ ᠬᠤᠶᠠᠷ ᠡᠳᠡᠬᠡᠳ ᠢᠶᠠᠷ ᠢᠶᠠᠨ | ᠡᠪᠰᠡᠬᠦ ᠶᠢ ᠬᠦᠰᠡᠭᠰᠨ ᠪᠤᠯᠪᠠᠴᠦ ᠴᠠᠸᠠᠩᠷᠠᠪᠳᠠᠨ ᠬᠠᠭᠠᠨ ᠦᠯᠦ ᠤᠶᠢᠰᠢᠶ᠋ᠶᠠᠵᠦ ᠴᠧᠷᠢᠳᠤᠪ ᠡᠯᠴᠢ ᠶᠢ | ᠪᠠᠷᠢᠵᠦ ᠬᠤᠷᠢᠵᠦ ᠲᠠᠯᠪᠢᠵᠠᠢ ᠃ ᠬᠠᠭᠠᠨᠳᠦ ᠤᠷᠤᠰ ᠤᠨ ᠴᠢᠷᠡᠭ ᠵᠢᠯ ᠭᠠᠷᠦᠢ ᠪᠦᠰᠡᠯᠡᠭᠳᠡᠭᠡᠳ | ᠦᠯᠦᠰᠦᠭᠦᠯᠡᠩ ᠪᠠ ᠬᠢᠵᠢᠭ ᠡᠪᠡᠳᠴᠢᠨ ᠳᠤ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠬᠦᠮᠦᠨ ᠦᠬᠦᠵᠦ ᠃1717 | ᠤᠨ ᠤ ᠲᠦᠷᠪᠡᠨ ᠰᠠᠷᠠ ᠳᠤ ᠬᠠᠭᠠᠨᠳᠦ ᠤᠷᠤᠰ ᠤᠨ ᠠᠮᠢᠳᠦ ᠦᠯᠡᠳᠡᠭᠰᠡᠨ ᠲᠤᠯᠤᠭᠠᠨ ᠵᠠᠭᠤᠨ ᠴᠢᠷᠡᠭ | ᠨᠢ ᠪᠦᠭᠡᠺᠡᠯᠢᠽᠢ ᠶᠢᠨ ᠲᠠᠭᠠᠭᠤᠯᠯᠭᠠ ᠪᠠᠷ ᠵᠢᠭᠤᠳᠠᠨ ᠶᠠᠪᠤᠵᠠᠢ᠃ | 1722 ᠤᠨ ᠳᠤ ᠲᠠᠶᠢᠴᠢᠩ ᠤᠯᠤᠰ ᠬᠢᠭᠡᠳ ᠮᠠᠨᠵᠦ ᠬᠤᠶᠠᠷ ᠶᠡᠭᠡ ᠭᠦᠷᠦᠨ ᠤ ᠬᠠᠪᠴᠢᠯᠳᠠ | ᠲᠦᠷᠢᠯᠳᠠ ᠳᠤ ᠤᠴᠠᠷᠠᠭᠰᠠᠨ ᠵᠦᠩᠭᠠᠷ ᠬᠠᠭᠠᠨᠳᠦ ᠤᠯᠤᠰ ᠨᠢ ︿︿ᠵᠠᠷᠭᠤ ﹀﹀ ᠶᠢᠨ ᠵᠦᠪᠯᠡᠯᠭᠡᠨ | ᠬᠢᠵᠠᠢ ᠃ ᠲᠡᠷᠡ ᠵᠦᠪᠯᠡᠯᠭᠡᠨ ᠳᠤ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠤᠷᠤᠯᠴᠠᠵᠦ ᠂ ᠤᠷᠤᠰ ᠤᠨ ᠬᠠᠷᠢᠶᠠᠳᠦ | ᠪᠤᠯᠬᠤ ᠶᠢ ᠡᠷᠡᠰ ᠡᠰᠡᠷᠭᠦᠴᠡᠨ ᠂ ᠴᠢᠩ ᠤᠯᠤᠰ ᠲᠠᠢ ᠬᠡᠯᠡᠯᠴᠡᠭᠡᠷ ᠤᠨ ᠬᠦᠴᠦᠨ ᠢᠶᠠᠷ ᠲᠤᠰᠭᠠᠷ | ᠲᠤᠭᠳᠠᠨᠢᠯ ᠢᠶᠠᠨ ᠬᠠᠮᠠᠭᠠᠯᠬᠤ ᠶᠢ ᠵᠤᠷᠢᠵᠦ ᠪᠠᠶᠢᠪᠠ ᠃ ᠬᠡᠳᠦᠷᠬᠡᠢ ᠠᠭᠤᠷᠯᠠᠭᠰᠠᠨ ᠴᠠᠷᠢᠩᠳᠤᠨᠳᠤᠪ ᠰᠠᠨᠵᠢ | ᠵᠠᠶᠢᠰᠠᠩ ᠶᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠵᠢᠭᠠᠵᠦ ︿︿ ᠠᠯᠢ ᠨᠢᠭᠡᠨ ᠡᠳᠦᠷ ᠪᠢ ᠴᠢᠮᠠ ᠶᠢ ᠠᠯᠠᠮᠤᠢ ﹀﹀ ᠭᠡᠵᠦ | ᠶᠠᠷᠢᠵᠦ ᠪᠠᠶᠢᠵᠠᠢ ᠃ | 1723 ᠤᠨ ᠳᠤ ᠭᠠᠯᠳᠠᠨᠴᠠᠷᠢᠩ ᠬᠠᠭᠠᠨ ᠲᠠᠶᠢᠴᠢᠩ ᠬᠢᠭᠡᠳ ᠤᠷᠤᠰ ᠲᠠᠢ ᠨᠠᠶᠢᠷᠠᠮᠳᠠᠭᠰᠠᠨ ᠲᠤᠬᠢᠶᠠᠯ | ᠢᠶᠠᠨ ᠠᠰᠢᠭᠯᠠᠨ ᠂ ᠴᠢᠷᠡᠭ ᠲᠤᠮᠢᠯᠠᠨ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠨᠢ ᠲᠦᠢᠪᠡᠭᠡᠵᠦ ᠪᠠᠶᠢᠭᠰᠠᠨ ᠬᠠᠰᠠᠭ ᠢ | ᠪᠤᠳᠠᠷᠠᠳᠠᠯᠠ ᠴᠤᠬᠢᠵᠠᠢ ᠂ ᠡᠨᠡ ᠲᠠᠶᠢᠨ ᠳᠤ ᠶᠡᠭᠡ ᠴᠢᠷᠢᠩᠳᠤᠨᠳᠤᠪ ᠰᠢᠭᠤᠳ ᠤᠷᠤᠯᠴᠠᠭᠰᠠᠨ ᠦᠭᠡᠢ ᠴᠦ | ᠪᠤᠰᠤᠳ ᠲᠠᠯᠠ ᠶᠢᠨ ᠲᠠᠶᠢᠰᠣᠨ ᠲᠠᠷᠦᠵᠦ ᠲᠠᠮ ᠤᠨ ᠬᠦᠴᠦᠨ ᠢᠶᠠᠨ ᠡᠷᠭᠦᠵᠠᠢ ᠃ | ᠶᠡᠭᠡ ᠪᠠᠭᠠ ᠴᠠᠷᠢᠩᠳᠤᠨᠳᠤᠪ ᠵᠦᠩᠭᠠᠷ ᠤᠨ ᠭᠤᠤᠯ ᠬᠦᠴᠦᠨ ᠢ ᠲᠠᠶᠢᠴᠢᠯᠠᠨ | 1731 ᠤᠨ ᠤ ᠬᠠᠪᠤᠷ ᠂ ᠡᠷᠴᠢᠰ ᠂ ᠦᠷᠦᠩᠭᠦ ᠂ ᠬᠤᠪᠤᠭᠰᠠᠶᠢᠷ ᠲᠤ ᠬᠦᠴᠦᠨ ᠢᠶᠠᠨ | ᠲᠦᠪᠯᠡᠷᠡᠭᠦᠯᠦᠭᠰᠡᠨ ᠶᠡᠭᠡ ᠪᠠᠭᠠ ᠬᠤᠶᠠᠷ ᠴᠠᠷᠢᠩᠳᠤᠨᠳᠤᠪ ᠨᠠᠷ ᠲᠠᠶᠢᠴᠢᠩ ᠤᠯᠤᠰ ᠤᠨ ᠤᠮᠠᠷᠠᠳᠦ ᠵᠠᠮ | ᠶᠢᠨ ᠲᠠᠶᠢᠯᠠᠬᠤ ᠪᠠᠷ ᠪᠡᠯᠡᠳᠬᠡᠵᠠᠢ ᠃ ᠴᠡᠷᠢᠭ ᠤᠨ ᠪᠡᠯᠡᠳᠬᠡᠯ ᠪᠦᠬᠦ ᠲᠠᠯᠠ ᠪᠠᠷ ᠬᠢᠭᠰᠡᠨ ᠶᠡᠭᠡ | ᠪᠠᠬᠠ ᠬᠤᠶᠠᠷ ᠴᠠᠷᠢᠩᠳᠤᠨᠳᠤᠪ ᠪᠠ ᠲᠤᠷᠵᠢᠳᠠᠮᠪᠠ ᠨᠠᠷ ᠵᠦᠩᠭᠠᠷ ᠤᠨ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠴᠢᠷᠡᠭ | ᠭᠤᠷᠪᠠᠨ ᠲᠦᠮᠡ ᠭᠠᠷᠦᠢ ᠶᠢ ᠵᠠᠬᠢᠷᠦᠨ ᠵᠡᠭᠦᠨᠰᠢ ᠡᠷᠴᠢᠰ ᠮᠦᠷᠡᠨ ᠢ ᠭᠠᠳᠤᠯᠤᠨ ᠂ ᠠᠯᠳᠠᠢ ᠶᠢᠨ | ᠬᠢᠷᠠ ᠠᠭᠤᠯᠠᠨ ᠤ ᠡᠩᠭᠡᠷ ᠲᠤ ᠢᠷᠡᠵᠦ ᠲᠦᠪᠯᠡᠷᠡᠵᠠᠢ ᠃ ᠲᠡᠷᠡ ᠬᠢᠷᠢ ᠪᠦᠷᠳᠠᠨ ᠤ ᠶᠡᠭᠡ ᠴᠢᠷᠡᠭ | ᠬᠤᠪᠳᠤ ᠳᠤ ᠬᠦᠷᠢᠶᠡ ᠪᠠᠭᠤᠭᠰᠠᠨ ᠲᠡᠳᠡᠨᠡᠷ ᠲᠠᠩᠨᠠᠨ ᠮᠡᠳᠡᠵᠠᠢ ᠃ ᠲᠡᠭᠡᠭᠡᠳ ᠭᠤᠷᠪᠠᠨ ᠲᠦᠮᠡᠨ | ᠴᠢᠷᠡᠭ ᠪᠦᠭᠭᠦᠭᠦᠯᠵᠦ ᠲᠠᠰᠤᠷᠬᠠᠢ ᠪᠠᠭᠠᠳᠤᠷ ᠢ ᠵᠤᠷᠢᠭᠤᠳᠠ ᠪᠠᠷᠢᠭᠳᠠᠭᠤᠯᠵᠦ ᠵᠦᠩᠭᠠᠷ ᠤᠨ ᠴᠢᠷᠡᠭ | ᠰᠠᠶ᠋ᠢᠬᠠᠨ ᠬᠦᠷᠴᠦ ᠢᠷᠡᠵᠠᠢ ᠭᠡᠵᠦ ᠦᠴᠢᠭᠯᠡᠭᠦᠯᠵᠠᠢ ᠃ ᠵᠠᠩᠵᠦᠨ ᠪᠦᠷᠳᠠᠨ ᠴᠠᠷᠢᠩᠳᠤᠨᠳᠤᠪ ᠲᠠᠨ ᠤ | ᠠᠷᠭᠠ ᠳᠤ ᠤᠷᠤᠵᠦ ᠵᠦᠩᠭᠠᠷ ᠤᠨ ᠬᠢᠯᠢ ᠳᠤ ᠶᠡᠭᠡ ᠴᠢᠷᠡᠭ ᠢᠶᠠᠷ ᠲᠠᠷᠤᠨ ᠬᠤᠳᠤᠩ ᠨᠠᠭᠤᠷ ᠲᠤ | ᠬᠦᠷᠢᠶᠠ ᠪᠠᠭᠤᠵᠠᠢ ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 6 ᠰᠠᠷᠠ ᠶᠢᠨ 21 ᠳᠤ ᠭᠤᠷᠪᠠᠨ ᠲᠦᠮᠡᠨ ᠵᠦᠩᠭᠠᠷ | ᠴᠢᠷᠡᠭ ᠭᠡᠨᠡᠳᠳᠡ ᠲᠦᠯᠬᠢᠯᠡᠨ ᠬᠤᠳᠤᠩ ᠨᠠᠭᠤᠷ ᠲᠤ ᠬᠤᠨᠤᠭᠰᠠᠨ ᠪᠦᠷᠳᠠᠨ ᠤ ᠴᠢᠷᠡᠭ ᠢ ᠪᠠᠰᠠ | ᠪᠦᠰᠡᠯᠡᠨ ᠠᠪᠴᠦ ᠬᠢᠳᠦᠵᠠᠢ ᠃ ᠬᠤᠳᠤᠩ ᠨᠠᠭᠤᠷ ᠤᠨ ᠲᠠᠶᠢᠨ ᠳᠤ ᠵᠦᠩᠭᠠᠷ ᠴᠢᠷᠡᠭ ᠲᠠᠶᠢᠴᠢᠩ ᠤᠯᠤᠰ | ᠤᠨ ᠴᠢᠷᠡᠭ ᠢ ᠲᠦᠷᠪᠡᠨ ᠮᠢᠩᠭᠠ ᠰᠢᠬᠠᠮ ᠰᠦᠨᠦᠭᠡᠵᠦ ᠂ ᠲᠠᠪᠤᠨ ᠮᠢᠩᠭᠠ ᠰᠢᠬᠠᠮ ᠤᠯᠵᠠᠯᠠᠵᠠᠢ ᠃ | 1731 ᠤᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 8 ᠰᠠᠷᠠ ᠶᠢᠨ 11 ᠤ ᠡᠳᠤᠷ ᠶᠡᠭᠡ ᠪᠠᠭᠠ | ᠴᠠᠷᠢᠩᠳᠤᠨᠳᠤᠪ ᠭᠤᠷᠪᠠᠨ ᠲᠦᠮᠡᠨ ᠴᠢᠷᠡᠭ ᠲᠠᠶᠢᠴᠢᠯᠠᠨ ᠠᠯᠳᠠᠢ ᠶᠢ ᠲᠠᠪᠠᠭᠠᠳ ᠴᠠᠭᠠᠨ ᠪᠤᠷᠭᠠᠰᠦ ᠳᠤ | ᠪᠠᠭᠤᠳᠠᠯᠯᠠᠵᠠᠢ ᠃ ᠡᠨᠡ ᠦᠶᠡ ᠳᠤ ᠪᠦᠷᠳᠠᠨ ᠬᠡᠳᠦᠶᠢᠪᠡᠷ ᠬᠤᠪᠳᠤ ᠳᠤ 159000 ᠴᠢᠷᠡᠭ ᠲᠠᠢ | ᠪᠠᠶᠢᠭᠰᠠᠨ ᠴᠦ ᠵᠦᠩᠭᠠᠷ ᠴᠢᠷᠡᠭ ᠲᠠᠢ ᠡᠮᠢᠶᠡᠵᠦ ᠦᠯᠦ ᠬᠠᠯᠳᠠᠪᠠ ᠃ ᠴᠠᠷᠢᠩᠳᠤᠨᠳᠤᠪ ᠲᠠᠨ ᠪᠦᠷᠳᠠᠨ ᠢ | ᠰᠡᠷᠬᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠰᠤᠷᠪᠢ ᠤᠯᠠᠭᠠᠭᠴᠢᠨ ᠭᠡᠳᠡᠭ ᠭᠠᠵᠠ᠊ ᠲᠠᠷᠤᠩᠭᠤᠢ ᠴᠢᠷᠡᠭ ᠬᠡᠮᠡᠨ 4000 | ᠴᠢᠷᠡᠭ ᠦᠯᠡᠳᠡᠭᠡᠵᠠᠢ ᠃ ᠲᠡᠭᠡᠭᠡᠳ 26000 ᠴᠢᠷᠡᠭ ᠢᠶᠠᠷ ᠵᠡᠭᠦᠨᠰᠢ ᠲᠠᠪᠰᠢᠨ ᠲᠡᠷᠪᠢ ᠂ ᠬᠦᠪᠦᠭᠡᠷ | ᠢᠶᠠᠷ ᠦᠩᠭᠡᠷᠡᠨ ᠨᠠᠮᠠᠬᠤ ᠲᠠᠪᠠᠭᠠ ᠶᠢ ᠲᠠᠪᠠᠵᠠᠢ ᠃ ᠶᠡᠭ᠊ ᠴᠠᠷᠢᠩᠳᠤᠨᠳᠤᠪ 20000 ᠴᠢᠷᠡᠭ ᠵᠠᠬᠢᠷᠴᠦ | ᠰᠦᠬᠡ ᠠᠯᠳᠠᠬᠤ ᠭᠡᠳᠡᠭ ᠭᠠᠵᠠᠷ ᠬᠦᠷᠢᠶᠠ ᠪᠠᠭᠤᠵᠠᠢ ᠃ ᠪᠠᠭᠠ ᠴᠠᠷᠢᠩᠳᠤᠨᠳᠤᠪ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠴᠢᠷᠡᠭ | ᠢᠶᠠᠷ ᠵᠠᠰᠠᠭᠳᠦ ᠬᠠᠨ ᠠᠶᠢᠮᠠᠭ ᠤᠨ ᠤᠷᠪᠠᠨ ᠲᠠᠭᠠᠬᠤ ᠲᠠᠶᠢᠵᠢ ᠢᠷᠭᠡᠳ ᠶᠢ ᠦᠮᠦᠭᠡᠯᠡᠨ ᠭᠠᠷᠭᠠᠬᠤ | ᠡᠭᠦᠷᠭᠡ ᠶᠢ ᠬᠦᠢᠴᠡᠳᠬᠡᠵᠠᠢ ᠃ ᠪᠠᠭᠠ ᠴᠠᠷᠢᠩᠳᠤᠨᠳᠤᠪ ᠤᠨ ᠡᠭᠦᠷᠭᠡ ᠪᠡᠶᠡᠯᠡᠭᠦᠯᠦᠭᠰᠨᠡ ᠤ ᠰᠡᠬᠦᠯᠡᠷ ᠶᠡᠭᠡ | ᠴᠠᠷᠢᠩᠳᠤᠨᠳᠤᠪ ᠴᠦ ᠬᠡᠳᠤᠨ ᠪᠠᠶᠢᠯᠳᠤᠭᠠᠨ ᠢ ᠦᠩᠭᠡᠷᠭᠡᠨ ᠵᠦᠩᠭᠠᠷ ᠲᠠᠭᠠᠨ ᠪᠤᠴᠠᠵᠠᠢ ᠃ | 1739 ᠤᠨ ᠳᠤ ᠵᠦᠩᠭᠠᠷ ᠬᠢᠭᠡᠳ ᠲᠠᠶᠢᠴᠢᠩ ᠤᠯᠤᠰ ᠨᠢ ᠬᠡᠯᠡᠯᠴᠡᠭᠡᠷ ᠢᠶᠠᠷ ᠬᠢᠯᠢ ᠶᠢᠨ ᠱᠤᠭᠤᠮ ᠢᠶᠠᠨ | ᠵᠢᠷᠤᠭᠯᠠᠭᠰᠠᠨ ᠤ ᠲᠠᠷᠠᠭᠠ ᠭᠠᠯᠳᠠᠨᠴᠠᠷᠢᠩ ᠬᠠᠭᠠᠨ ᠦᠭᠡᠷᠴᠢᠯᠡᠳᠡ ᠬᠢᠵᠦ ᠲᠤᠰᠭᠠᠷ ᠲᠤᠭᠳᠠᠨᠢᠯ ᠢᠶᠠᠨ | ᠪᠠᠬᠢᠵᠢᠭᠦᠯᠵᠠᠢ ᠃ ᠲᠡᠭᠦᠨ ᠤ ᠦᠭᠡᠷᠴᠢᠯᠡᠯᠳᠡ ᠨᠢ ᠶᠡᠭᠡ ᠴᠠᠷᠢᠩᠳᠤᠨᠳᠤᠪ ᠤᠨ ᠬᠤᠪᠢᠨ ᠤ ᠠᠰᠢᠭ | ᠲᠤᠰᠠ ᠶᠢ ᠬᠦᠨᠳᠡᠭᠰᠡᠨ ᠴᠦ ᠲᠡᠷᠡ ᠶᠡᠭᠡ ᠲᠠᠯᠠ ᠠᠴᠠ ᠡᠭᠦᠰᠴᠦ ᠦᠭᠡᠷᠴᠢᠯᠠᠯᠳᠡ ᠶᠢ ᠬᠦᠴᠦᠳᠠᠢ | ᠲᠡᠮᠵᠢᠵᠦ ᠢᠯᠭᠤᠮ ᠶᠠᠪᠤᠭᠳᠠᠬᠤ ᠶᠢ ᠪᠠᠳᠤᠯᠠᠵᠠᠢ ᠃ ᠬᠤᠵᠢᠮ ᠤ ᠲᠡᠭᠦᠨ ᠤ ᠤᠮᠪᠤᠯ ᠬᠦᠪᠡᠭᠦᠨ | ᠲᠦᠷᠦ ᠶᠢᠨ ᠡᠷᠭᠡ ᠶᠢ ᠪᠤᠯᠢᠶ᠋ᠶᠠᠵᠦ ᠵᠦᠩᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠮᠦᠬᠦᠯ ᠢ ᠲᠦᠷᠭᠡᠳᠬᠡᠵᠠᠢ ᠃ | ᠨᠠᠮᠰᠠᠷᠠᠢ ᠶᠢᠨ ︽ᠵᠦᠩᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠲᠡᠦᠬᠡ ︾ ᠠᠴᠠ ᠱᠦᠭᠦᠪᠡ | |