| ᠳᠤᠭᠤᠴᠤᠭ ᠨᠠ᠊ · ᠮᠠᠨᠳᠤᠯᠠ | ᠤᠨᠠᠭᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ | ᠨᠣᠲᠤᠭ ᠵᠦᠭ ᠠᠴᠠ ᠪᠤᠷᠤᠭᠠᠨ ᠤᠨ ᠴᠢᠭᠢᠭ ᠲᠠᠢ ᠴᠢᠮᠡᠭᠡ ᠸᠢᠴᠠᠲ ᠳᠠᠮᠵᠢᠨ ᠢᠷᠡᠵᠦ ᠪᠤᠢ | ᠨᠤᠬᠠᠢ ᠭᠠᠰᠠᠯᠠᠭᠰᠠᠨ ᠭᠠᠩ ᠤᠨ ᠬᠠᠯᠠᠭᠤᠨ ᠪᠠᠭᠠ ᠴᠦ ᠬᠡᠰᠡᠨ ᠳᠠᠷᠤᠭᠳᠠᠭᠰᠠᠨ ᠪᠠᠶᠢᠬᠠ | ᠨᠤᠷᠮᠠ ᠦᠨᠦᠷᠳᠦᠭᠰᠡᠨ ᠭᠠᠵᠠᠷ ᠤᠨ ᠬᠦᠷᠦᠰᠦ ᠪᠠᠭᠠ ᠴᠤ ᠭᠡᠰᠡᠨ ᠰᠡᠷᠪᠡᠶᠢᠭᠰᠡᠨ ᠪᠠᠶᠢᠬᠠ | ᠤᠷᠮᠠ ᠬᠤᠭᠤᠷᠠᠭᠰᠠᠨ ᠠᠷᠠᠳ ᠤᠨ ᠰᠡᠳᠬᠢᠯ ᠪᠠᠭᠠ ᠴᠤ ᠭᠡᠰᠡᠨ ᠲᠡᠨᠢᠢᠭᠰᠡᠨ ᠪᠠᠶᠢᠬᠠ ᠡ | — ᠲᠡᠮᠳᠡᠭᠯᠡᠯ ᠠᠴᠠ ᠪᠠᠨ | ᠪᠠᠷᠠᠭᠤᠨ ᠮᠠᠩᠬᠠᠨ※ ᠤ ᠮᠤᠳᠤᠨ ᠰᠡᠬᠦᠳᠡᠷ ᠠᠴᠠ | ᠪᠠᠭᠠ ᠶᠢᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠰᠤᠨᠢᠶᠠᠵᠦ ᠰᠡᠷᠢᠨᠡ | ᠶᠠᠰᠤᠨ ᠳᠤᠭᠤᠷᠠᠭ※ ᠤᠨ ᠴᠠᠭᠠᠨ ᠳᠡᠷᠡᠰᠦᠨ ᠠᠴᠠ | ᠢᠯᠳᠠᠮᠬᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠳᠡᠭᠳᠡᠵᠦ ᠪᠤᠰᠤᠨᠠ | ᠤᠯᠠᠭᠠᠨ ᠴᠢᠯᠠᠭᠤᠳᠤ※ ᠶᠢᠨ ᠬᠠᠳᠤᠯᠠᠩ ᠤᠨ ᠵᠦᠷᠢᠭ ᠠᠴᠠ | ᠤᠨᠠᠭᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠵᠢᠷᠢᠯᠵᠡᠵᠦ ᠨᠠᠭᠠᠰᠢᠯᠠᠨᠠ | ᠬᠦᠯ ᠤᠨ ᠬᠤᠸᠠ※ ᠶᠢᠨ ᠮᠠᠯ ᠤᠨ ᠴᠤᠪᠤᠭᠠᠨ ᠠᠴᠠ | ᠬᠦᠭᠡᠷᠦᠬᠦᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠴᠤᠪᠤᠵᠦ ᠵᠢᠷᠭᠠᠨᠠ | ᠰᠦ ᠦᠨᠦᠷᠳᠦᠭᠰᠡᠨ ᠡᠵᠢ ᠶᠢᠨ ᠬᠤᠷᠮᠤᠢ ᠠᠴᠠ | ᠰᠦ ᠰᠢᠭ ᠴᠠᠶᠢᠯᠭᠠᠨ ᠳᠤᠷᠠᠰᠤᠮᠵᠢ ᠰᠡᠩᠬᠢᠨᠡᠵᠦ ᠳᠡᠷᠪᠡᠨᠡ | ᠰᠦᠷᠦᠭ ᠬᠤᠨᠢᠳ ᠤᠨ ᠬᠠᠯᠠᠭᠤᠨ ᠢᠯᠴᠢᠨ ᠠᠴᠠ | ᠰᠦᠮᠪᠦᠷ ᠶᠡᠭᠡ ᠨᠤᠳᠤᠭ ᠤᠨ ᠳᠤᠷᠠᠰᠤᠮᠵᠢ ᠨᠢᠯᠴᠢᠬᠢᠨᠡᠨᠡ | ᠠᠵᠢᠯ ᠳᠤ ᠪᠠᠨ ᠮᠤᠷᠳᠠᠭᠰᠠᠨ ᠠᠪᠤ ᠶᠢᠨ ᠪᠠᠷᠠ ᠠᠴᠠ | ᠠᠯᠳᠠ ᠰᠢᠭ᠋ ᠬᠠᠳᠠᠭᠤ ᠰᠤᠷᠭᠠᠯ ᠬᠠᠩᠬᠠᠶᠢᠵᠦ ᠰᠦᠮᠪᠦᠷᠯᠡᠨᠡ | ᠠᠯᠳᠠᠶᠢᠷᠬᠠᠨ ᠰᠦᠷᠦᠭ ᠤᠨ ᠪᠤᠷᠤ ᠳᠤᠭᠤᠰᠤᠨ ᠠᠴᠠ | ᠠᠰᠠᠷᠤᠤ ᠳᠤᠮᠤ ᠰᠤᠶᠤᠯ ᠤᠨ ᠮᠦᠷᠦᠭᠡᠳᠦᠯ ᠳᠡᠭᠳᠡᠨᠡ | ᠦᠳᠠ ᠳᠤᠮᠳᠠ ᠶᠢᠨ ᠤᠰᠤᠨ ᠵᠡᠷᠭᠡᠯᠭᠡᠨ ᠢ | ᠦᠷᠪᠡᠭᠡᠢ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠵᠠᠶᠢᠳᠠᠯᠠᠨᠠ | ᠰᠦᠨᠢ ᠳᠤᠮᠳᠠ ᠶᠢᠨ ᠤᠳᠤᠳ ᠤᠨ ᠭᠡᠭᠡ ᠶᠢ | ᠰᠦᠮᠡᠯᠵᠡᠬᠦ ᠤᠬᠠᠭᠠᠨ ᠤ ᠬᠦᠰᠡᠯᠡᠩ ᠬᠦᠯᠬᠦᠯᠡᠨᠡ | ᠠᠭᠤᠯᠠᠨ ᠴᠤᠤᠷᠢᠶᠠᠨ ᠤ ᠢᠷᠠᠭᠤ ᠰᠤᠨᠤᠰᠬᠤᠯᠠᠩ ᠳᠤ | ᠠᠭᠤᠵᠢᠮ ᠳᠠᠯᠠ ᠶᠢᠨ ᠮᠢᠨᠢ ᠰᠤᠨᠤᠷ ᠳᠠᠶᠢᠪᠤᠰᠢᠷᠠᠨᠠ | ᠤᠷᠳᠤ ᠶᠢᠨ ᠳᠠᠭᠤᠨ ᠤ ᠤᠶᠠᠷᠠᠭᠤᠨ ᠬᠦᠭ ᠲᠤ | ᠤᠬᠠᠭᠠᠨᠳᠤ ᠠᠷᠠᠳ ᠤᠨ ᠰᠡᠳᠬᠢᠯ ᠳᠡᠯᠪᠡᠭᠡᠯᠡᠨᠡ | ᠪᠤᠳᠤᠯ ᠤᠨ ᠰᠡᠮᠡᠷᠭᠡᠢ ᠤᠴᠢᠭ ᠤᠳ ᠵᠠᠳᠠᠷᠠᠵᠦ | ᠪᠤᠳᠠᠷᠠᠭᠰᠠᠨ ᠰᠠᠶᠢᠮᠡᠭᠡᠢ ᠡᠬᠦᠯᠡᠰ ᠨᠡᠬᠦᠳᠡᠯᠯᠡᠨᠡ | ᠪᠤᠷᠬᠠᠳ ᠤᠨ ᠠᠷᠢᠭᠤᠨ ᠳᠠᠷᠨᠢ ᠪᠠᠷ ᠷᠠᠰᠢᠶᠠᠯᠠᠵᠦ | ᠪᠤᠷᠤᠭᠠᠨ ᠤ ᠵᠦᠭᠡᠯᠡᠨ ᠳᠤᠷᠠᠰᠤᠮᠵᠢ ᠵᠢᠷᠤᠭᠠᠯᠠᠨᠠ | ᠵᠤᠨ ᠤ ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠬᠠᠨᠠᠭᠠᠷᠠᠵᠦ | ᠵᠤᠰᠠᠯᠠᠩ ᠤᠨ ᠪᠡᠯᠴᠢᠭᠡᠷ ᠰᠤᠭᠤᠷᠠᠵᠦ ᠠᠯᠢᠶᠠᠯᠠᠨᠠ | ᠵᠦᠢᠯ ᠤᠨ ᠴᠡᠴᠡᠭᠡᠰ ᠳᠠᠯᠠ ᠳᠤ ᠡᠷᠭᠡᠯᠡᠵᠦ | ᠵᠡᠬᠦᠳᠦᠨ ᠤ ᠶᠤᠮ ᠰᠢᠭ ᠳᠤᠷᠠᠰᠤᠮᠵᠢ ᠰᠤᠭᠳᠤᠭᠤᠷᠠᠨᠠ | ᠤᠨᠠᠭᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠮᠢᠨᠢ ᠵᠡᠬᠦᠳᠦᠯᠡᠨᠡ | ᠵᠡᠬᠦᠳᠦ ᠪᠠᠷ ᠢᠶᠠᠨ ᠴᠡᠴᠡᠭᠯᠡᠵᠦ ᠢᠨᠢᠶᠠᠨᠡ | ᠵᠡᠬᠦᠳᠦ ᠪᠠᠷ ᠢᠶᠠᠨ ᠵᠤᠯᠭᠠᠷᠠᠵᠦ ᠦᠭᠡᠶᠢᠯᠡᠨᠡ | ᠵᠡᠬᠦᠳᠦ ᠪᠠᠷ ᠢᠶᠠᠨ ᠦᠨᠡᠨ ᠶᠤᠮ ᠰᠢᠭ ᠵᠡᠬᠦᠳᠦᠯᠡᠨᠡ | ᠵᠡᠬᠦᠳᠦᠨ ᠳᠤ ᠮᠢᠨᠢ ᠵᠢᠬᠦᠷ ᠤᠷᠭᠤᠴᠢᠬᠠᠭᠰᠠᠨ | ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠬᠤᠯᠬᠢᠵᠦ ᠳᠦᠭᠡᠷᠢᠨᠡ | ᠮᠢᠨᠦ ᠤᠨᠠᠭᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠡ | ᠤᠨᠠᠭᠠᠨ ᠨᠤᠭᠤᠭᠠᠨ ᠳᠤᠷᠠᠰᠤᠮᠵᠢ ᠮᠢᠨᠢ ᠡ | ※ ᠳᠦᠷᠦᠭᠰᠡᠨ ᠨᠤᠳᠤᠭ ᠤᠨ ᠮᠢᠨᠢ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠪᠤᠯᠤᠨᠠ᠃ | 2018.07.25 —08.09 | |