ᠡᠵᠢ | ᠦᠨᠡᠭᠡᠨ ᠬᠠᠷᠠᠩᠭᠤᠢ ᠶᠢ ᠳᠤᠯᠭᠠᠨ ᠳᠤ ᠪᠠᠨ ᠨᠤᠴᠤᠭᠠᠵᠦ | ᠦᠨᠳᠦᠰᠦ ᠵᠠᠯᠭᠠᠬᠤ ᠤᠳᠤᠮ ᠤᠨ ᠴᠢᠰᠦᠨ ᠳᠤ | ᠦᠷᠡ ᠶᠢᠨ ᠵᠠᠶᠠᠭᠠ ᠪᠠᠨ ᠵᠠᠯᠪᠠᠷᠢᠨ ᠳᠠᠭᠠᠳᠬᠠᠭᠴᠢ | ᠦᠨᠡᠨᠴᠢᠭᠡᠨ ᠵᠢᠷᠦᠭᠡᠨ ᠤ ᠠᠷᠢᠭᠤᠨ ᠰᠠᠬᠢᠶᠠ | ᠦᠦᠷ ᠤᠨ ᠬᠡᠬᠡ ᠶᠢ ᠴᠠᠢ ᠲᠠᠢ ᠪᠠᠨ ᠰᠦᠯᠡᠵᠦ | ᠦᠯᠦ ᠮᠡᠳᠡᠬᠦ ᠰᠡᠳᠬᠢᠯ ᠤᠨ ᠬᠢᠵᠠᠭᠠᠷ ᠠᠴᠠ | ᠦᠶᠡ ᠶᠢᠨ ᠢᠶᠠᠨ ᠵᠤᠯᠠᠢ ᠶᠢ ᠦᠨᠦᠷᠯᠡᠨ ᠪᠠᠶᠠᠰᠤᠭᠴᠢ | ᠦᠷᠦᠪᠴᠢᠭᠡᠨ ᠪᠦᠰᠡᠬᠦᠢ ᠶᠢᠨ ᠭᠡᠭᠡᠨ ᠬᠠᠶᠢᠷᠠ | ᠨᠠᠷᠠᠨ ᠤ ᠰᠠᠴᠤᠷᠠᠭ ᠢ ᠠᠷᠤᠭ ᠲᠤ ᠪᠠᠨ ᠳᠡᠭᠡᠭᠡᠵᠦ | ᠨᠠᠰᠤ ᠰᠤᠩᠭᠠᠬᠤ ᠬᠦᠰᠡᠯ ᠤᠨ ᠵᠦᠭ ᠲᠤ | ᠬᠡᠤᠬᠡᠳ ᠤᠨ ᠢᠶᠠᠨ ᠪᠠᠷᠠ ᠶᠢ ᠰᠠᠷᠠᠪᠴᠢᠯᠠᠨ ᠪᠠᠷᠠᠭᠠᠯᠠᠭᠴᠢ | ᠬᠦᠨᠳᠦᠭᠡᠨ ᠮᠦᠷᠦᠭᠡᠳᠦᠯ ᠤᠨ ᠰᠦᠨ ᠰᠠᠴᠤᠯᠢ | ᠦᠳᠡᠰᠢ ᠶᠢᠨ ᠳᠤᠯᠤᠩ ᠢ ᠡᠷᠦᠭᠡᠨ ᠳᠤ ᠪᠠᠨ ᠤᠭᠤᠰᠤᠷᠯᠠᠵᠦ | ᠦᠭᠡᠶᠢᠯᠡᠵᠦ ᠰᠠᠨᠠᠬᠤ ᠠᠯᠤᠰ ᠤᠨ ᠬᠠᠷᠠᠭᠠᠨ ᠳᠤ | ᠦᠷᠦ ᠵᠢᠷᠦᠭᠡ ᠠᠴᠠ ᠪᠠᠨ ᠬᠦᠰᠡᠨ ᠵᠦᠩᠨᠡᠭᠴᠢ | ᠦᠭᠡᠳᠡᠯᠡᠬᠦ ᠢᠷᠡᠭᠡᠳᠦᠢ ᠶᠢᠨ ᠬᠠᠳᠤᠨ ᠤᠬᠠᠭᠠᠨ | ᠡᠬᠦᠯᠡᠰ ᠤᠨ ᠰᠡᠮᠡᠷᠭᠡᠢ ᠪᠠᠷ ᠪᠤᠳᠤᠯ ᠢᠶᠠᠨ ᠴᠢᠮᠡᠭᠯᠡᠵᠦ | ᠦᠨᠢ ᠮᠦᠩᠭᠡ ᠶᠢᠨ ᠲᠦᠮᠡᠨ ᠠᠮᠤᠭᠤᠯᠠᠩ ᠳᠤ | ᠦᠯᠡᠮᠵᠢ ᠶᠢᠨ ᠢᠷᠦᠭᠡᠯ ᠢ ᠳᠠᠭᠠᠳᠬᠠᠨ ᠬᠦᠰᠡᠭᠴᠢ | ᠦᠭᠡᠳᠡᠷᠭᠡᠭ ᠠᠮᠢᠳᠤᠷᠠᠯ ᠤᠨ ᠨᠤᠶᠠᠨ ᠨᠢᠷᠤᠭᠤ | ᠪᠤᠷᠤᠭᠠᠨ ᠤ ᠰᠤᠨᠳᠤᠷ ᠢᠶᠠᠷ ᠵᠡᠬᠦᠳᠦ ᠪᠠᠨ ᠬᠡᠯᠬᠢᠵᠦ | ᠪᠤᠰᠤᠭᠠ ᠵᠠᠶᠠᠭᠠᠨ ᠤ ᠠᠭᠤᠵᠢᠮ ᠤᠷᠤᠰᠢᠬᠤᠢ ᠳᠤ | ᠪᠤᠶᠠᠨ ᠤ ᠢᠪᠡᠭᠡᠯ ᠢ ᠨᠠᠮᠠᠨᠴᠢᠯᠠᠨ ᠰᠦᠰᠦᠭᠯᠡᠭᠴᠢ | ᠪᠤᠷᠬᠠᠨ ᠬᠠᠶᠢᠷᠠ ᠶᠢᠨ ᠨᠤᠭᠤᠭᠠᠨ ᠳ᠋ᠠᠷᠠ | ᠴᠠᠰᠤᠨ ᠰᠢᠷᠭᠡᠭ ᠢ ᠴᠠᠮᠴᠠᠨ ᠳᠤ ᠪᠠᠨ ᠪᠦᠪᠡᠶᠢᠯᠡᠵᠦ | ᠴᠢᠮᠠᠯᠠᠰᠢ ᠦᠭᠡᠢ ᠶᠢᠨ ᠡᠷᠢᠭᠡᠰ ᠤᠷᠴᠢᠯᠠᠩ ᠳᠤ | ᠴᠠᠭᠠᠨ ᠮᠦᠷ ᠢ ᠳᠠᠯᠠᠯᠤᠨ ᠬᠤᠷᠤᠶᠢᠯᠠᠭᠴᠢ | ᠴᠠᠮᠢᠨ ᠤᠬᠠᠭᠠᠨ ᠤ ᠤᠶᠠᠩᠭᠠᠳᠦ ᠡᠭᠡᠰᠢᠭ | ᠰᠠᠯᠬᠢᠨ ᠤ ᠠᠶᠠᠯᠭᠤ ᠶᠢ ᠠᠯᠠᠭᠠᠨ ᠳᠤ ᠪᠠᠨ ᠠᠷᠭᠠᠳᠠᠵᠦ | ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠶᠢᠨ ᠬᠢᠵᠠᠭᠠᠷᠬᠦᠢ ᠵᠠᠢ ᠳᠤ | ᠰᠠᠶᠢᠬᠠᠨ ᠪᠦᠬᠦᠨ ᠢ ᠬᠤᠷᠤᠶᠢᠯᠠᠨ ᠳᠠᠭᠤᠳᠠᠭᠴᠢ | ᠰᠠᠨᠠᠭᠠ ᠰᠡᠳᠬᠢᠯ ᠤᠨ ᠮᠦᠩᠭᠡ ᠶᠢᠨ ᠳᠦᠰᠢᠭ | ᠡᠵᠢ ᠭᠡᠳᠡᠭ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠤᠩᠭᠤᠨ ᠳᠦᠷᠦᠳᠡᠰᠦ | ᠡᠵᠢ ᠭᠡᠳᠡᠭ ᠡᠳᠦᠷ ᠬᠤᠨᠤᠭ ᠤᠨ ᠳᠠᠭᠱᠢᠨ ᠮᠦᠷᠦᠭᠡᠳᠦᠯ | ᠡᠵᠢ ᠭᠡᠳᠡᠭ ᠢᠷᠡᠵᠦ ᠪᠤᠴᠠᠬᠤ ᠶᠢᠨ ᠳᠤᠯᠠᠭᠠᠨ ᠪᠠᠭᠤᠴᠠ | ᠡᠵᠢ ᠭᠡᠳᠡᠭ ᠡᠪᠯᠡᠵᠦ ᠪᠦᠳᠦᠬᠦ ᠶᠢᠨ ᠪᠦᠳᠦᠨ ᠬᠤᠷᠸᠠ ᠡ | 2018.10.13 | | |