| ᠪᠤᠶᠠᠨᠪᠠᠲᠤ | ᠨᠠᠶᠠᠨ ᠨᠢᠭᠡᠨ ᠬᠠᠲᠤᠨ ᠤ ᠨᠠᠨᠳᠢᠨ ᠰᠦᠨᠡᠰᠦᠨ ᠳᠤᠷ ᠡᠷᠭᠦᠮᠦ | | ᠱᠦᠩᠰᠢᠭᠲᠦ ᠬᠠᠳᠤᠳ ᠤᠨ ᠰᠦᠨᠡᠰᠦ ᠢᠨᠦ ᠳᠣᠮᠤᠭ ᠤᠨ ᠬᠡᠯᠪᠡᠷᠢ ᠪᠠᠷ ᠣᠷᠣᠰᠢᠬᠤᠢ | ᠰᠦᠨᠡᠰᠦᠨ ᠳᠤ ᠡᠷᠭᠦᠬᠦ ᠲᠠᠶᠢᠯᠭᠠ ᠠᠨᠤ ᠰᠢᠯᠦᠭ ᠤᠨ ᠬᠡᠯᠪᠡᠷᠢ ᠪᠠᠷ ᠣᠷᠣᠰᠢᠬᠤᠢ | ᠰᠢᠯᠦᠭ ᠲᠤ ᠣᠨᠣᠰᠢᠯᠠᠬᠤ ᠣᠷᠣᠰᠢᠯ ᠠᠨᠤ ᠮᠢᠨᠦ ᠬᠡᠯᠪᠡᠷᠢ ᠪᠠᠷ ᠣᠷᠣᠰᠢᠬᠤᠢ | | ᠶᠢᠰᠦᠨ ᠶᠢᠰᠦ ᠨᠠᠶᠠᠨ ᠨᠢᠭᠡ᠃ ᠶᠠᠮᠠᠷ ᠰᠠᠶᠢᠬᠠᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠲᠤᠭᠠ ᠪᠣᠢ⁈ | ᠦᠷᠯᠦᠭ ᠮᠣᠩᠭᠤᠯ ᠤᠨ ᠲᠡᠦᠬᠡᠨ ᠳᠤ ᠬᠠᠲᠤᠨ ᠨᠡᠷᠡ ᠪᠠᠨ ᠲᠣᠳᠣ ᠠᠴᠠ ᠲᠣᠳᠣ ᠦᠯᠡᠳᠡᠭᠡᠵᠦ ᠴᠢᠳᠠᠭᠰᠠᠨ ᠨᠠᠶᠠᠨ | ᠨᠢᠭᠡᠨ ᠬᠠᠲᠣᠨ ᠤ ᠦᠢᠯᠡ ᠠᠮᠢᠳᠤᠷᠠᠯ ᠢ ᠶᠢᠰᠦ ᠶᠢᠰᠦᠨ ᠱᠠᠳ ᠢᠶᠠᠷ᠂ ᠶᠢᠰᠦ ᠶᠢᠰᠦᠨ ᠪᠦᠯᠦᠭ ᠢᠶᠠᠷ ᠨᠠᠶᠢᠷᠠᠭᠯᠠᠯ | ᠪᠣᠯᠭᠠᠨ ᠲᠤᠭᠤᠷᠪᠢᠭᠰᠠᠨ ᠤ ᠤᠳᠬᠠ ᠤᠴᠢᠷ ᠴᠤᠬᠤᠮ ᠶᠠᠭᠤ ᠪᠠᠶᠢᠪᠠ ᠡ⁈ | ᠶᠢᠰᠦ ᠪᠤᠶᠤ ᠶᠢᠰᠦ ᠶᠢᠨ ᠳᠠᠬᠢᠨ ᠲᠤᠭᠠ ᠪᠣᠯ ᠮᠠᠨ ᠤ ᠮᠣᠩᠭᠤᠯ ᠤᠨ ᠡᠯᠡᠷ ᠪᠠᠯᠠᠷ ᠴᠠᠭ ᠠᠴᠠ ᠨᠠᠭᠠᠰᠢ ᠣᠨ ᠵᠢᠯ | ᠤᠳ ᠢ ᠥᠷᠲᠡᠭᠡᠯᠡᠨ ᠴᠣ ᠰᠢᠨᠡ ᠪᠠᠷ ᠡᠳᠦᠭᠡ ᠦᠶᠡ ᠳᠤ ᠬᠦᠷᠴᠦ ᠢᠷᠡᠭᠰᠡᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠤᠨ ᠲᠤᠭᠠ ᠠᠵᠢ᠃ | ᠮᠠᠨ ᠤ ᠮᠣᠩᠭᠤᠯᠴᠤᠳ ᠶᠢᠰᠦ ᠶᠢᠨ ᠲᠤᠭᠠ ᠶᠢ ᠬᠠᠮᠤᠭ ᠤᠨ ᠶᠡᠭᠡ᠂ ᠬᠠᠮᠤᠭ ᠤᠨ ᠨᠢᠭᠤᠴᠠᠯᠢᠭ᠂ ᠬᠠᠮᠤᠭ ᠤᠨ | ᠷᠢᠳᠢ ᠰᠢᠳᠢ ᠲᠠᠢ᠂ ᠬᠠᠮᠤᠭ ᠤᠨ ᠪᠡᠯᠭᠡ ᠲᠡᠭᠦᠰ ᠲᠤᠭᠠ ᠬᠡᠮᠡᠨ ᠳᠡᠭᠡᠳᠦᠯᠡᠨ ᠰᠢᠲᠦᠵᠦ ᠢᠷᠡᠭᠰᠡᠨ ᠦᠪᠡᠷᠮᠢᠴᠡ | ᠲᠡᠦᠬᠡ ᠲᠠᠢ ᠠᠷᠠᠳ ᠲᠦᠮᠡᠨ ᠶᠤᠮ᠃ ᠲᠡᠷᠡ ᠴᠦ ᠠᠷᠭᠠ ᠦᠭᠡᠢ ᠶᠤᠮ᠃ ᠨᠠᠷᠠᠨ ᠤ ᠠᠶᠢᠮᠠᠭ ᠶᠢᠰᠦ ᠪᠠᠶᠢᠬᠤ᠂ | ᠡᠪᠦᠯ ᠤᠨ ᠢᠳᠡ ᠬᠦᠢᠲᠡᠨ ᠶᠢᠰᠦᠨ ᠶᠢᠰᠦ ᠨᠠᠶᠠᠨ ᠨᠢᠭᠡᠨ ᠬᠤᠨᠤᠭ ᠪᠠᠶᠢᠬᠤ᠂ ᠨᠠᠷᠠ ᠰᠠᠷᠠ᠂ ᠭᠠᠷᠠᠭ ᠡᠷᠬᠡᠰ᠂ | ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠣᠪᠣᠭᠠ ᠰᠢᠪᠡᠭᠡ ᠂ ᠪᠤᠷᠬᠠᠨ ᠰᠠᠬᠢᠭᠤᠰᠤ ᠳᠠᠭᠠᠨ ᠶᠢᠰᠦᠨᠲᠡ ᠮᠦᠷᠭᠦᠵᠦ᠂ ᠶᠢᠰᠦᠨᠲᠡ | ᠰᠠᠴᠤᠯᠢ ᠡᠷᠭᠦᠬᠦ᠂ ᠴᠠᠭᠠᠨ ᠵᠦᠭ ᠤᠨ ᠲᠠᠪᠢᠨ ᠲᠠᠪᠤ᠂ ᠬᠠᠷᠠ ᠵᠦᠭ ᠤᠨ ᠳᠦᠴᠢᠨ ᠳᠦᠷᠪᠡᠨ ᠲᠡᠭᠷᠢ ᠨᠡᠶᠢᠯᠡᠭᠡᠳ | ᠶᠢᠷᠡᠨ ᠶᠢᠰᠦᠨ ᠲᠡᠭᠷᠢ ᠪᠠᠶᠢᠳᠠᠭ ᠭᠡᠵᠤ ᠢᠲᠡᠭᠡᠬᠦ᠂ ᠬᠠᠮᠤᠭ ᠤᠨ ᠳᠡᠭᠡᠳᠦ ᠪᠡᠯᠡᠭ ᠢ ᠶᠢᠰᠦᠨ ᠶᠢᠰᠦ ᠨᠠᠶᠠᠨ ᠨᠢᠭᠡᠨ | ᠪᠡᠯᠡᠭ ᠬᠡᠮᠡᠨ ᠪᠣᠳᠣᠬᠤ ᠁ ᠭᠡᠬᠦᠴᠢᠯᠡᠨ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠠᠴᠠ ᠣᠷᠣᠰᠢᠨ ᠪᠦᠬᠦᠢ ᠮᠠᠶᠢᠳᠤᠷᠠᠯ ᠠᠬᠤᠢ | ᠬᠦᠷᠲᠡᠯᠡ ᠪᠦᠷ ︽ᠶᠢᠰᠦ︾ ᠶᠢᠨ ᠲᠤᠭᠠ ᠲᠠᠢ ᠰᠢᠲᠦᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠠᠶᠢᠳᠠᠭ ᠢ ᠠᠯᠢ ᠶᠢ ᠨᠢ ᠲᠡᠷᠡ ᠭᠡᠬᠦᠪ | ᠃ | ᠶᠢᠰᠦ ᠶᠢᠨ ᠲᠣᠭᠠᠨ ᠤ ᠪᠡᠯᠭᠡᠳᠡᠯ ᠪᠣᠯ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠥᠭᠡ ᠮᠥᠷᠭᠦᠯ ᠤᠨ ᠰᠢᠲᠦᠯᠭᠡ ᠠᠴᠠ | ᠡᠬᠢ ᠡᠭᠦᠰᠪᠦᠷᠢ ᠲᠠᠢ ᠬᠡᠮᠡᠨ ᠡᠷᠲᠡᠮᠳᠡᠳ ᠦᠵᠡᠵᠦ ᠪᠠᠶᠢᠨᠠ᠃ ᠮᠣᠩᠭᠤᠯ ᠤᠯᠤᠰ ᠤᠨ ᠨᠡᠷᠡᠲᠦ ᠡᠷᠳᠡᠮᠲᠡᠨ ᠰᠤᠮᠢᠶᠠ | ᠶᠢᠨ ᠵᠠᠮᠪᠠᠯᠳᠣᠷᠵᠢ᠄ ︽᠁ ᠶᠢᠰᠦ ᠶᠢᠨ ᠲᠣᠭᠠᠨ ᠪᠡᠯᠭᠡᠳᠡᠯ ᠤᠨ ᠨᠡᠯᠢᠶᠡᠳ ᠨᠢ ᠮᠣᠩᠭᠤᠯᠴᠤᠳ ᠤᠨ | ᠤᠯᠠᠮᠵᠢᠯᠠᠯᠲᠤ ᠪᠥᠭᠡ ᠮᠥᠷᠭᠦᠯ ᠲᠠᠢ ᠬᠤᠯᠪᠣᠭᠠᠲᠠᠢ︾ ᠭᠡᠵᠤ ᠦᠵᠡᠭᠰᠡᠨ ᠪᠦᠭᠡᠳ ᠴᠠᠭᠠᠰᠢᠳᠠ ︽ᠮᠣᠩᠭᠤᠯᠴᠤᠳ | ᠶᠢᠰᠦ ᠶᠢᠨ ᠲᠤᠭᠠ ᠶᠢ ᠲᠡᠭᠷᠢ ᠶᠢᠨ ᠲᠤᠭᠠ ᠬᠡᠮᠡᠨ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠶᠢᠰᠦ ᠶᠢᠨ ᠲᠤᠭᠠ ᠲᠡᠭᠷᠢ ᠶᠢᠨ | ᠤᠳᠬᠠ ᠠᠭᠤᠯᠳᠠᠭ ᠤᠴᠢᠷ ᠪᠡᠯᠭᠡᠳᠡᠯ ᠰᠢᠲᠦᠯᠭᠡ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠢᠶᠠᠨ ᠡᠨᠡ ᠲᠤᠭᠠ ᠲᠠᠢ ᠬᠤᠯᠪᠤᠬᠤ | ᠳᠤᠷᠠᠲᠠᠢ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠡᠭᠷᠢᠯᠢᠭ ᠶᠢᠰᠦᠨ ᠬᠦᠰᠡᠯ᠂ ᠲᠡᠭᠷᠢ ᠳᠡᠭᠡᠨ ᠡᠷᠭᠦᠭᠰᠡᠨ ᠶᠢᠰᠦᠨ ᠰᠠᠴᠤᠯᠢ᠂ ᠲᠡᠭᠷᠢ | ᠢᠵᠠᠭᠤᠷᠲᠤ ᠬᠡᠮᠡᠨ ᠦᠵᠡᠳᠡᠭ ᠡᠵᠡᠨ ᠬᠠᠭᠠᠨ ᠳᠠᠭᠠᠨ ᠡᠷᠭᠦᠳᠡᠭ ᠶᠢᠰᠦᠨ ᠴᠠᠭᠠᠨ ᠤ ᠪᠡᠯᠭᠡ᠂ ᠬᠦᠮᠦᠨ ᠤ ᠲᠡᠭᠷᠢᠯᠢᠭ | ᠵᠠᠶᠠᠭᠠ ᠶᠢ ᠢᠯᠡᠷᠬᠡᠶᠢᠯᠡᠳᠡᠭ ᠶᠢᠰᠦᠨ ᠮᠡᠩᠭᠡ᠂ ᠲᠡᠭᠷᠢ ᠭᠠᠵᠠᠷ᠂ ᠯᠤᠤᠰ ᠲᠤ ᠶᠢᠰᠦᠨᠲᠡ ᠮᠥᠷᠭᠦᠬᠦ ᠭᠡᠬᠦ ᠮᠡᠲᠦ︾ | ᠭᠡᠵᠤ ᠥᠭᠦᠯᠡᠭᠰᠡᠨ ᠠᠴᠠ ᠦᠵᠡᠪᠡᠯ ᠪᠢᠳᠡ ᠶᠢᠰᠦ ᠶᠢᠨ ᠲᠤᠭᠠ ᠪᠣᠯ ᠮᠠᠨ ᠤ ᠮᠣᠩᠭᠤᠯ ᠤᠨ ᠢᠵᠠᠭᠤᠷ ᠰᠡᠳᠭᠢᠯᠭᠡᠨ | ᠤ ᠬᠦᠷᠦᠰᠦᠨ ᠳᠤ ᠭᠦᠨᠵᠡᠭᠡᠢ ᠪᠠᠲᠤ ᠦᠨᠳᠦᠰᠦᠯᠡᠭᠰᠡᠨ ᠴᠢᠨᠠᠳᠤ ᠶᠢᠨ ᠤᠳᠬᠠ ᠪᠦᠬᠦᠢ ᠪᠡᠯᠭᠡᠳᠡᠯ ᠵᠦᠢ ᠶᠢᠨ | ᠨᠢᠭᠡᠨ ᠴᠢᠬᠤᠯᠠ ᠠᠭᠤᠯᠭᠠ ᠶᠤᠮ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨᠠ᠃ ᠮᠥᠨ ᠴᠦ ᠦᠨᠢ ᠡᠷᠲᠡᠨ ᠠᠴᠠ ᠶᠠᠪᠤᠬᠤ | ᠲᠤᠲᠤᠮ ᠢᠶᠠᠨ ᠴᠡᠭᠴᠡᠷᠡᠵᠦ ᠢᠷᠡᠭᠰᠡᠨ᠂ ᠣᠳᠣ ᠳᠡᠯᠡᠬᠡᠢ ᠨᠡᠶᠢᠲᠡ ᠪᠠᠷ ᠢᠶᠠᠨ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠡᠳ ᠪᠠᠶᠢᠭᠠ | ᠮᠣᠩᠭᠤᠯ ᠤᠨ ᠲᠡᠭᠷᠢ ᠦᠵᠡᠯ ᠪᠤᠶᠤ ᠲᠡᠭᠷᠢᠰᠮ ᠤᠨ ᠴᠢᠨᠠᠳᠤ ᠨᠢᠭᠤᠴᠠᠯᠢᠭ ᠤᠳᠬᠠ ᠤᠴᠢᠷ ᠪᠦᠬᠦᠢ ᠭᠡᠷᠡᠯᠲᠦ ᠭᠡᠭᠡᠨ | ᠲᠠᠶᠢᠯᠤᠨ ᠤ ᠨᠢᠭᠡ ᠨᠢ ᠭᠡᠵᠤ ᠦᠵᠡᠵᠦ ᠪᠣᠯᠬᠤ ᠶᠤᠮ ᠰᠢᠭ᠋᠃ | ᠡᠭᠦᠨ ᠤ ᠲᠤᠬᠠᠢ ᠮᠣᠩᠭᠤᠯ ᠤᠯᠤᠰ ᠤᠨ ᠪᠠᠰᠠ ᠨᠢᠭᠡ ᠲᠣᠮᠣ ᠡᠷᠳᠡᠮᠲᠡᠨ ᠰ᠊᠂ ᠳᠤᠯᠮᠠ ᠭᠤᠸᠠᠢ᠄ ︽ | ᠮᠣᠩᠭᠤᠯᠴᠤᠳ ᠤᠨ ᠲᠡᠦᠬᠡ᠂ ᠤᠷᠠᠨ ᠵᠣᠬᠢᠶᠠᠯ ᠤᠨ ᠳᠤᠷᠠᠰᠬᠠᠯ ᠳᠤ ᠦᠯᠡᠳᠡᠵᠦ ᠬᠤᠴᠤᠷᠣᠭᠰᠠᠨ ᠲᠣᠭᠠᠨ ᠤ | ᠪᠡᠯᠭᠡᠳᠡᠯ ᠤᠨ ᠳᠣᠲᠣᠷᠠ ᠠᠴᠠ ᠡᠷᠲᠡᠨ ᠤ ᠳᠣᠮᠤᠭ᠂ ᠪᠥᠭᠡ ᠮᠥᠷᠭᠦᠯ ᠢ ᠳᠠᠮᠵᠢᠨ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠶᠢᠰᠦ | ᠶᠢᠨ ᠲᠣᠭᠠᠨ ᠤ ᠪᠡᠯᠭᠡᠳᠡᠯ ᠬᠠᠮᠤᠭ ᠤᠨ ᠲᠦᠭᠡᠮᠡᠯ ᠨᠢ ᠭᠡᠵᠤ ᠬᠡᠯᠡᠵᠦ ᠪᠣᠯᠣᠨᠠ︾ ᠭᠡᠰᠡᠨ ᠪᠠᠶᠢᠳᠠᠭ᠃ ᠢᠩᠭᠢᠭᠡᠳ | ᠯᠡ ᠶᠢᠰᠦ ᠶᠢᠨ ᠲᠣᠭᠠᠨ ᠤ ᠲᠤᠬᠠᠢ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠤᠨ ᠦᠭᠡ ᠪᠠᠷ ᠡᠰᠢ ᠲᠠᠲᠠᠨ ᠥᠪᠡᠷ ᠤᠨ ᠬᠡᠯᠡᠬᠦ ᠭᠡᠰᠡᠨ | ᠢᠶᠠᠨ ᠨᠣᠲᠠᠯᠠᠭᠠᠳ ᠨᠣᠷᠰᠢᠭᠠᠳ ᠪᠠᠶᠢᠬᠤ ᠶᠤᠮ ᠪᠣᠯ ᠬᠡᠯᠡᠬᠦ ᠪᠢᠴᠢᠬᠦ ᠭᠡᠰᠡᠨ ᠰᠡᠳᠦᠪ ᠠᠴᠠ ᠪᠠᠨ ᠲᠦᠮᠡᠨ ᠭᠠᠵᠠᠷ | ᠵᠠᠶᠢᠳᠠᠵᠤ᠂ ᠲᠥᠭᠡᠷᠢᠭᠳᠡᠯ ᠤᠨ ᠮᠠᠨᠠᠨ ᠳᠤ ᠣᠷᠣᠬᠤ ᠪᠣᠢ ᠶᠠ᠃ ᠳᠡᠭᠡᠷᠡᠬᠢ ᠵᠦᠢᠯ ᠢ ᠯᠠᠪᠰᠢᠷᠠᠭᠤᠯᠤᠨ ᠶᠠᠷᠢᠳᠠᠭ ᠤᠨ | ᠰᠢᠯᠲᠠᠭᠠᠨ ᠪᠣᠯᠪᠠᠰᠤ ᠲᠤᠰ ᠨᠠᠶᠢᠷᠠᠭᠯᠠᠯ ᠤᠨ ᠡᠵᠡᠨ ᠫ᠊᠂ ᠣᠶᠣᠨᠪᠢᠯᠢᠭ᠌ ᠶᠠᠭᠠᠭᠢᠭᠠᠳ ᠳᠣᠮᠤᠭ ᠲᠡᠦᠬᠡ ᠶᠢᠨ ᠬᠠᠳᠤᠳ | ᠤᠨ ᠲᠤᠬᠠᠢ ᠪᠢᠴᠢᠬᠦ ᠳᠡᠭᠡᠨ ᠶᠢᠰᠦᠨ ᠪᠦᠯᠦᠭ ᠨᠠᠶᠠᠨ ᠨᠢᠭᠡᠨ ᠪᠠᠳᠠᠭ ᠪᠣᠯᠭᠠᠪᠠ ᠡ︖ ᠳᠣᠮᠤᠭ ᠲᠡᠦᠬᠡ ᠶᠢᠨ | ᠬᠠᠲᠤᠳ ᠢ ᠪᠢᠴᠢᠬᠦ ᠳᠡᠭᠡᠨ ᠶᠠᠭᠠᠭᠢᠭᠠᠳ ᠨᠠᠶᠠᠨ ᠨᠢᠭᠡ ᠶᠢ ᠨᠢ ᠰᠣᠩᠭᠤᠵᠦ ᠪᠢᠴᠢᠪᠡ ᠡ︖ ᠮᠠᠨ ᠤ ᠮᠣᠩᠭᠤᠯ ᠤᠨ | ᠲᠡᠦᠬᠡᠲᠦ ᠬᠠᠲᠤᠨ ᠨᠠᠶᠠᠨ ᠨᠢᠭᠡ ᠪᠠᠷ ᠲᠣᠷᠬᠤ ᠦᠭᠡᠢ ᠴᠦ ᠪᠠᠶᠢᠵᠤ ᠮᠡᠳᠡᠨᠡ᠃ ᠡᠨᠡ ᠲᠡᠷᠡ ᠶᠢ ᠡᠪᠯᠡᠭᠦᠯᠪᠡᠯ ᠬᠡᠳᠦᠨ | ᠵᠠᠭᠤ ᠴᠦ ᠪᠠᠶᠢᠵᠤ ᠪᠣᠯᠣᠨᠠ ᠰᠢᠦ ᠳ᠋ᠡ᠃ ᠭᠡᠲᠡᠯᠡ ᠵᠣᠬᠢᠶᠠᠭᠴᠢ ᠠᠴᠠ ᠵᠠᠪᠠᠯ ᠨᠠᠶᠠᠨ ᠨᠢᠭᠡᠨ ᠬᠠᠲᠤᠨ ᠢ ᠶᠢᠰᠦᠨ | ᠪᠦᠯᠦᠭ ᠲᠤ ᠨᠠᠶᠠᠨ ᠨᠢᠭᠡᠨ ᠪᠠᠳᠠᠭ ᠢᠶᠠᠷ ᠪᠢᠴᠢᠭᠰᠡᠨ ᠪᠠᠶᠢᠬᠤ ᠶᠤᠮ᠃ ᠡᠨᠡ ᠶᠠᠭᠠᠭᠢᠭᠰᠠᠨ ᠴᠦ ᠰᠠᠨᠠᠮᠰᠠᠷ ᠦᠭᠡᠢ | ᠲᠤᠬᠢᠶᠠᠯᠳᠤᠯ ᠪᠢᠰᠢ᠃ ᠡᠭᠦᠨ ᠤ ᠴᠠᠭᠠᠨᠠ ᠯᠠᠪᠲᠠᠢ ᠳᠠᠯᠳᠠ ᠶᠢᠨ ᠤᠳᠬᠠ ᠤᠴᠢᠷ ᠠᠭᠤᠯᠵᠤ ᠪᠠᠶᠢᠭᠠ ᠭᠡᠰᠡᠨ | ᠬᠠᠷᠢᠭᠤᠯᠲᠠ ᠶᠢ ᠯᠠ ᠨᠡᠭᠡᠭᠡᠬᠦ ᠭᠡᠵᠤ ᠳᠡᠭᠡᠷᠡᠬᠢ ᠵᠦᠢᠯ ᠢ ᠳᠤᠷᠠᠳᠤᠭᠰᠠᠨ ᠬᠡᠷᠡᠭ᠃ ᠶᠠᠮᠠᠷ ᠴᠦ ᠵᠣᠷᠢᠯᠭᠠ ᠦᠭᠡᠢ | ᠰᠣᠬᠤᠷ ᠮᠤᠬᠤᠷ ᠢᠶᠠᠷ ᠪᠢᠴᠢᠳᠡᠭ ᠵᠣᠬᠢᠶᠠᠯᠴᠢ ᠪᠤᠶᠤ ᠨᠠᠶᠢᠷᠠᠭᠴᠢ ᠳᠡᠯᠡᠬᠡᠢ ᠳᠤ ᠬᠤᠪᠣᠷ ᠪᠠᠶᠢᠬᠠ᠃ ᠬᠡᠷᠪᠡ ᠪᠠᠶᠢᠪᠠᠯ | ᠲᠡᠷᠡ ᠵᠢᠩᠬᠢᠨᠢ ᠤᠷᠠᠨ ᠪᠦᠲᠦᠭᠡᠯᠴᠢ ᠪᠢᠰᠢ᠃ ᠣᠷᠣᠰᠢᠬᠤᠢ ᠪᠦᠬᠦᠨ ᠤᠴᠢᠷ ᠲᠠᠢ ᠪᠠᠰᠠ ᠰᠢᠯᠲᠠᠭᠠᠨ ᠲᠠᠢ ᠪᠦᠯᠦᠭᠡ | ᠃ ᠣᠶᠣᠨᠪᠢᠯᠢᠭ᠌ ᠤᠨ ᠢᠩᠭᠢᠵᠦ ᠰᠡᠳᠬᠢᠵᠦ ᠪᠢᠴᠢᠭᠰᠡᠨ ᠨᠢ ᠮᠥᠨ ᠮᠣᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ | ᠰᠡᠳᠭᠢᠯᠭᠡᠨ ᠤ ᠮᠥᠷᠳᠡᠯᠭᠡ ᠶᠢᠨ ᠨᠢᠭᠡ ᠢᠯᠡᠷᠡᠯ ᠶᠤᠮ ᠭᠡᠵᠤ ᠮᠡᠭᠦᠰ ᠪᠢ ᠪᠠᠷ ᠡᠶᠢᠨᠬᠦ ᠨᠣᠲᠠᠯᠠᠬᠤ ᠶᠢ ᠬᠢᠴᠢᠶᠡᠪᠡ᠃ | ︽ᠬᠠᠲᠤᠨ ᠰᠦᠨᠡᠰᠦ︾ ᠬᠡᠮᠡᠬᠦ ᠲᠡᠦᠬᠡᠨ ᠨᠠᠶᠢᠷᠠᠭᠯᠠᠯ ᠨᠢ ᠦᠯᠦ ᠮᠡᠳᠡᠭᠳᠡᠭᠴᠢ ᠨᠢᠭᠡᠨ ᠵᠠᠭᠤᠨ ᠤ ᠳᠣᠮᠤᠭ ᠲᠤᠤᠯᠢ | ᠶᠢᠨ ᠬᠠᠲᠤᠨ ᠠᠴᠠ ᠤᠯᠤᠰ ᠲᠥᠷᠥ ᠶᠢᠨ ᠵᠠᠭᠤᠨ ᠬᠡᠮᠡᠭᠳᠡᠭᠴᠢ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠶᠢᠨ | ᠮᠦᠳᠠᠨ ᠬᠠᠲᠤᠨ ᠬᠦᠷᠲᠡᠯᠡᠬᠢ ᠨᠠᠶᠠᠨ ᠨᠢᠭᠡᠨ ᠬᠠᠲᠤᠨ ᠤ ᠨᠠᠮᠲᠠᠷ ᠴᠠᠳᠢᠭ᠂ ᠠᠮᠢᠳᠤᠷᠠᠯ ᠦᠢᠯᠡ ᠶᠢ ᠲᠤᠰᠪᠤᠷᠢ | ᠶᠢᠰᠦᠨ ᠮᠦᠷᠲᠦ ᠳᠤ ᠪᠠᠭᠲᠠᠭᠠᠨ ᠰᠢᠯᠦᠭᠯᠡᠵᠦ᠂ ᠶᠢᠰᠦᠨ ᠪᠠᠳᠠᠭ ᠪᠦᠷᠢ ᠶᠢ ᠨᠢᠭᠡ ᠪᠦᠯᠦᠭ ᠪᠣᠯᠭᠠᠨ᠂ ᠶᠢᠰᠦᠨ ᠶᠢᠰᠦ | ᠨᠠᠶᠠᠨ ᠨᠢᠭᠡᠨ ᠪᠠᠳᠠᠭ ︵729 ᠱᠠᠳ︶ ᠪᠢᠴᠢᠭᠰᠡᠨ ᠪᠦᠭᠡᠳ ᠪᠠᠳᠠᠭ ᠪᠦᠷᠢ ᠶᠢᠨ ᠠᠷᠤ ᠳᠤ ᠲᠡᠷᠡ ᠬᠠᠲᠤᠨ ᠤ | ᠲᠤᠬᠠᠢ ᠵᠠᠭᠤᠭᠠᠳ ᠦᠰᠦᠭ ᠤᠨ ᠲᠠᠶᠢᠯᠪᠤᠷᠢ ᠵᠡᠭᠦᠯᠲᠡ ᠬᠠᠳᠠᠭᠰᠠᠨ ᠨᠢ ᠤᠩᠰᠢᠭᠴᠢᠳ ᠲᠤ ᠠᠯᠢ ᠨᠢᠭᠡ ᠬᠠᠲᠤᠨ ᠢ | ᠣᠶᠢᠯᠭᠠᠵᠤ ᠮᠡᠳᠡᠬᠦ ᠳᠤ ᠤᠯᠠᠮ ᠳᠦᠬᠦᠮ ᠪᠣᠯᠭᠠᠪᠠ᠃ ᠰᠡᠭᠦᠯ ᠤᠨ ᠪᠦᠯᠦᠭ ᠤᠨ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠰᠢᠯᠦᠭᠯᠡᠯ | ᠨᠢ ᠳᠦᠷᠪᠡ ᠳᠦᠷᠪᠡᠨ ᠮᠦᠷ ᠲᠠᠢ᠂ ᠳᠣᠯᠣᠭᠠᠨ ᠳᠣᠯᠤᠭᠠ ᠳᠦᠴᠢᠨ ᠶᠢᠰᠦᠨ ᠪᠠᠳᠠᠭ ︵196 ᠱᠠᠳ︶ ᠢᠶᠠᠷ | ᠪᠢᠴᠢᠭᠳᠡᠵᠡᠢ᠃ ᠡᠨᠡ ᠪᠣᠯ ᠲᠡᠭᠦᠨ ᠤ ᠨᠠᠶᠢᠷᠠᠭᠯᠠᠯ ᠤᠨ ᠪᠦᠲᠦᠴᠠ ᠪᠠᠶᠢᠭᠤᠯᠤᠮᠵᠢ᠃ ᠡᠨᠡ ᠪᠣᠯ ᠲᠡᠭᠦᠨ ᠤ ᠡᠨᠡ | ᠪᠦᠲᠦᠭᠡᠯ ᠤᠨ ᠦᠪᠡᠷᠮᠢᠴᠡ ᠥᠩᠭᠡ ᠠᠶᠠᠰ᠂ ᠰᠣᠨᠢᠨ ᠰᠣᠳᠣᠨ ᠪᠢᠴᠢᠯᠭᠡ ᠶᠢᠨ ᠠᠷᠭᠠ ᠬᠡᠯᠪᠡᠷᠢ ᠭᠡᠯᠲᠡᠢ᠃ | ᠠᠯᠤᠰᠯᠠᠭᠳᠠᠭᠰᠠᠨ ᠲᠡᠦᠬᠡ ᠶᠢᠨ ᠠᠳᠠᠷᠠᠮᠠ ᠲᠠᠢ ᠬᠡᠷᠡᠭ ᠢ ᠠᠭᠰᠢᠭᠠᠭᠰᠠᠨ ᠪᠠᠳᠠᠭ ᠲᠠᠭᠠᠨ ᠴᠢᠳᠠᠮᠭᠠᠢ ᠬᠠᠷᠠᠭᠤᠯᠵᠤ᠂ | ᠸᠠᠩᠴᠢᠨᠪᠠᠯ ᠤᠨ ︽ᠪᠢᠯᠢᠭᠲᠦ ᠲᠠᠪᠤᠨ ᠬᠥᠪᠡᠭᠦᠨ︾ ᠤ ᠰᠢᠯᠦᠭ ᠤᠨ ᠬᠡᠪ ᠵᠠᠭᠪᠤᠷ᠂ ᠬᠡᠯᠡ ᠨᠠᠶᠢᠷᠠᠭᠤᠯᠭᠠ᠂ | ᠣᠨᠴᠠᠯᠢᠭ ᠰᠢᠨᠵᠢ ᠳᠤ ᠳᠤᠯᠳᠤᠶᠢᠳᠤᠨ ᠪᠢᠴᠢᠭᠰᠡᠨ ᠰᠢᠨᠳᠠᠰᠤᠯᠢᠭ ᠪᠦᠲᠦᠭᠡᠯ ᠶᠤᠮ᠃ ᠭᠡᠬᠦ ᠳᠡᠭᠡᠨ ᠨᠠᠶᠠᠨ ᠨᠢᠭᠡᠨ | ᠬᠠᠲᠤᠨ ᠤ ᠶᠠᠩᠵᠤ ᠪᠦᠷᠢ ᠶᠢᠨ ᠬᠤᠪᠢ ᠲᠠᠪᠢᠯᠠᠩ ᠤᠨ ᠣᠨᠣᠭᠠᠯᠲᠠ᠂ ᠠᠯᠳᠠᠷ ᠭᠠᠪᠢᠶᠠ ᠠᠯᠳᠠᠭᠠ ᠣᠨᠣᠭᠠᠨ ᠤ | ᠳ᠋ᠦᠩᠨᠡᠯᠲᠡ ᠵᠡᠷᠭᠡ ᠶᠢ ᠮᠥᠩᠬᠡ ᠶᠢᠨ ᠰᠦᠨᠡᠰᠦ ᠪᠠᠷ ᠳᠠᠮᠵᠢᠭᠤᠯᠤᠨ ᠥᠪᠡᠷ ᠢᠶᠠᠷ ᠨᠢ ︽ᠬᠡᠯᠡᠭᠦᠯᠬᠦ︾ ᠮᠠᠶ᠋ᠢᠭ ᠢᠶᠠᠷ | ᠵᠣᠬᠢᠶᠠᠮᠵᠢᠯᠡᠨ ᠭᠠᠷᠭᠠᠭᠰᠠᠨ ᠪᠠᠶᠢᠬᠤ ᠶᠤᠮ᠃ ᠡᠭᠦᠨ ᠠᠴᠠ ᠲᠡᠦᠬᠡ ᠶᠢᠨ ᠮᠠᠳᠠᠭ ᠲᠠᠢ ᠵᠠᠷᠢᠮ ᠪᠦᠷᠬᠦᠭ ᠠᠰᠠᠭᠤᠳᠠᠯ | ᠢ ᠤᠷᠠᠨ ᠰᠠᠶᠢᠬᠠᠨ ᠤ ᠠᠷᠭᠠ ᠪᠠᠷ ᠡᠪᠯᠢᠭ ᠵᠣᠬᠢᠴᠠᠩᠭᠤᠢ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠭᠰᠠᠨ ᠵᠣᠬᠢᠶᠠᠭᠴᠢ ᠶᠢᠨ ᠤᠷᠠ | ᠴᠢᠳᠠᠪᠤᠷᠢ᠂ ᠤᠬᠠᠭᠠᠨ ᠤ ᠴᠠᠷᠠ ᠬᠢᠷᠢ ᠵᠡᠷᠭᠡ ᠭᠡᠳᠡᠭ ᠢ ᠲᠣᠳᠣᠷᠬᠠᠢ ᠣᠯᠵᠤ ᠬᠠᠷᠠᠵᠤ ᠪᠣᠯᠣᠨᠠ᠃ | ᠠᠪᠤᠨ ᠦᠵᠡᠬᠦ ᠳᠤ᠂ ᠲᠤᠰ ᠨᠠᠶᠢᠷᠠᠭᠤᠯᠤᠯ ᠲᠡᠶᠢᠮᠦ ᠤᠷᠲᠤ ᠪᠢᠰᠢ ᠪᠣᠯᠪᠠᠴᠤ ᠡᠭᠦᠨ ᠢ ᠪᠢᠴᠢᠬᠦ ᠭᠡᠵᠤ ᠶᠠᠮᠠᠷ ᠣᠯᠠᠨ | ᠲᠡᠦᠬᠡ ᠰᠤᠳᠤᠷ ᠯᠠᠪᠯᠠᠵᠤ᠂ ᠨᠣᠮ ᠡᠪᠬᠡᠮᠡᠯ ᠰᠢᠭᠦᠷᠳᠡᠨ ᠤᠩᠰᠢᠵᠤ᠂ ᠬᠡᠴᠢᠨᠡᠬᠡᠨ ᠨᠦᠷ ᠬᠥᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠵᠤ᠂ | ᠨᠦᠰᠡᠷ ᠰᠡᠳᠬᠢᠮᠵᠢᠯᠡᠯ ᠣᠷᠣᠭᠤᠯᠣᠭᠰᠠᠨ ᠢ ᠬᠦᠨᠳᠡᠯᠡᠨ ᠤ ᠬᠦᠮᠦᠨ ᠪᠤᠳᠤᠵᠤ ᠣᠯᠬᠤᠶᠠ ᠪᠡᠷᠬᠡ ᠡ᠃ ᠲᠡᠭᠡᠭᠡᠳ | ᠵᠣᠭᠰᠣᠬᠤ ᠦᠭᠡᠢ ᠶᠢᠰᠦᠨ ᠱᠠᠳ ᠪᠦᠷᠢ ᠳᠤ ᠨᠢᠭᠡ ᠬᠠᠲᠤᠨ ᠤ ᠲᠡᠦᠬᠡᠨ ᠦᠢᠯᠡ ᠬᠡᠷᠡᠭ᠂ ᠦᠯᠡᠮᠵᠢ ᠭᠠᠪᠢᠶᠠ ᠶᠢ | ᠲᠣᠪᠴᠢ ᠲᠣᠳᠣᠷᠠᠭᠤᠨ᠂ ᠡᠷᠴᠢ ᠬᠦᠴᠦ ᠲᠠᠢ ᠢᠯᠡᠷᠬᠡᠶᠢᠯᠡᠵᠦ ᠴᠢᠳᠠᠭᠰᠠᠨ ᠨᠢ ᠦᠨᠡᠯᠡᠬᠦ ᠦᠭᠡᠢ ᠥᠩᠭᠡᠷᠡᠵᠦ ᠦᠯᠦ | ᠪᠣᠯᠬᠤ ᠬᠢᠴᠢᠶᠡᠯ ᠵᠢᠳᠬᠦᠯ ᠪᠢᠯᠡ᠃ | ᠣᠶᠢᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠠᠴᠠ ᠬᠡᠦᠬᠡᠳ ᠪᠣᠯᠣᠨ ᠡᠮᠡᠭᠲᠡᠶᠢᠴᠦᠦᠯ ᠤᠨ ᠲᠤᠬᠠᠢ ᠰᠡᠳᠦᠪ ᠤᠷᠤᠭᠤ ᠵᠣᠷᠢᠭᠤᠳᠠ | ᠠᠭᠠᠳ ᠵᠣᠷᠢᠮᠠᠭ ᠬᠡᠯᠪᠡᠶᠢᠵᠦ᠂ ᠲᠡᠳᠡᠨ ᠤ ᠡᠮᠦᠨᠡ ᠠᠴᠠ ᠥᠪᠡᠷ ᠤᠨ ᠭᠡᠬᠦ ᠥᠪᠡᠷᠮᠢᠴᠡ ᠳᠠᠭᠤ ᠬᠤᠭᠤᠯᠠᠢ ᠪᠠᠨ | ᠬᠦᠴᠦᠲᠡᠢ ᠡᠷᠭᠦᠵᠦ ᠶᠠᠪᠤᠭᠠ ᠮᠠᠨ ᠤ ᠣᠷᠣᠨ ᠤ ᠤᠷᠠᠨ ᠵᠣᠬᠢᠶᠠᠯ ᠤᠨ ᠲᠠᠪᠴᠠᠩ ᠲᠡᠷᠡᠴᠢᠯᠡᠨ ᠡᠮᠡᠭᠲᠡᠢ | ᠵᠣᠬᠢᠶᠠᠯᠴᠢᠳ ᠤᠨ ᠡᠩᠨᠡᠭᠡᠨ ᠳᠤ ᠥᠪᠡᠷ ᠤᠨ ᠭᠡᠰᠡᠨ ᠣᠷᠣᠨ ᠪᠠᠶᠢᠷᠢ ᠪᠠᠨ ᠪᠠᠲᠤᠲᠠᠢ ᠡᠵᠡᠯᠡᠵᠦ᠂ ᠨᠣᠲᠠᠲᠠᠢ | ᠵᠠᠷᠯᠠᠭᠰᠠᠨ ᠪᠦᠰᠡᠭᠦᠢ ᠵᠣᠬᠢᠶᠠᠯᠴᠢ ᠪᠣᠯ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠫ᠊᠂ ᠣᠶᠣᠨᠪᠢᠯᠢᠭ᠌ ᠶᠤᠮ ᠭᠡᠳᠡᠭ ᠢ ᠬᠡᠨ | ᠪᠦᠬᠦᠨ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠬᠦ ᠳᠤ ᠪᠡᠯᠡᠬᠡᠨ ᠪᠠᠶᠢᠭᠠ ᠨᠢ ᠮᠡᠳᠡᠭᠡᠵᠢ᠃ ᠣᠳᠣ ᠲᠡᠭᠦᠨ ᠤ ᠪᠠᠰᠠ ᠨᠢᠭᠡ ᠳᠤᠷᠪᠢᠯᠢᠭ | ᠮᠥᠷᠲᠡᠭᠡᠨ ᠰᠣᠷᠯᠢᠭ ᠪᠦᠲᠦᠭᠡᠯ ︽ᠬᠠᠲᠤᠨ ᠰᠦᠨᠡᠰᠦ︾ ᠨᠠᠶᠢᠷᠠᠭᠯᠠᠯ ᠲᠠ ᠪᠦᠬᠦᠨ ᠤ ᠣᠶᠣᠨ ᠮᠡᠳᠡᠷᠡᠮᠵᠢ ᠶᠢᠨ | ᠴᠢᠨᠢ ᠥᠨᠳᠥᠷ ᠰᠡᠨᠲᠡᠢ ᠵᠦᠭ ᠭᠡᠭᠡ ᠲᠠᠲᠠᠭᠤᠯᠤᠨ ᠣᠴᠢᠵᠤ ᠶᠠᠪᠤᠨᠠ᠃ ᠵᠣᠬᠢᠶᠠᠯᠴᠢ ᠣᠶᠣᠨᠪᠢᠯᠢᠭ᠌ ᠪᠣᠯ ᠥᠪᠡᠷ ᠤᠨ | ᠡᠷᠡᠰ ᠪᠠᠷᠢᠮᠲᠠᠯᠠᠭᠰᠠᠨ ᠦᠵᠡᠯᠲᠡ ᠲᠠᠢ᠂ ᠥᠯᠮᠡᠢ ᠪᠠᠲᠤ ᠵᠣᠭᠰᠣᠯᠲᠠ ᠲᠠᠢ ᠲᠡᠭᠦᠪᠡᠷ ᠦᠯᠦ ᠪᠠᠷᠠᠨ ᠰᠢᠷᠭᠠᠭᠤ | ᠬᠥᠳᠡᠯᠮᠦᠷᠢᠴᠢ᠂ ᠰᠢᠨᠡᠯᠢᠭ ᠪᠠᠳᠠᠷᠠᠩᠭᠤᠢ ᠡᠷᠬᠢᠮᠰᠦᠭ ᠠᠭᠠᠳ ᠶᠡᠬᠡᠮᠰᠦᠭ ᠬᠠᠲᠤᠭᠲᠠᠢ ᠶᠤᠮ ᠰᠢᠦ ᠭᠡᠳᠡᠭ ᠢ ᠡᠨᠡ | ᠳᠠᠯᠢᠮ ᠳᠤ ᠵᠣᠷᠢᠭᠤᠳᠠ ᠲᠡᠮᠳᠡᠭᠯᠡᠬᠦ ᠳᠤ ᠢᠯᠡᠭᠦᠳᠡᠬᠦ ᠦᠭᠡᠢ ᠪᠤᠶᠤ᠃ | ᠲᠡᠷᠡ ᠪᠠᠷ ᠡᠨᠡ ᠨᠠᠶᠢᠷᠠᠭᠯᠠᠯ ᠳᠠᠭᠠᠨ ᠮᠣᠩᠭᠤᠯ ᠤᠨ ᠲᠡᠳᠦᠢ ᠦᠭᠡᠢ ᠳᠡᠯᠡᠬᠡᠢ ᠶᠢᠨ ᠲᠡᠦᠬᠡᠨ ᠵᠠᠮᠨᠠᠯ ᠳᠤ ᠮᠠᠨ ᠤ | ᠬᠠᠲᠤᠳ ᠪᠦᠰᠡᠭᠦᠶᠢᠴᠦᠯ ᠤᠨ ᠥᠵᠡᠭᠦᠯᠦᠭᠰᠡᠨ ᠠᠯᠳᠠᠷ ᠭᠠᠪᠢᠶᠠ᠂ ᠠᠯᠤᠰ ᠪᠣᠳᠣᠯ᠂ ᠰᠤᠤ ᠤᠬᠠᠭᠠᠨ᠂ ᠰᠦᠰᠦ | ᠵᠣᠷᠢᠭ᠂ ᠰᠦᠯᠳᠡ ᠬᠡᠶᠢᠮᠣᠷᠢ᠂ ᠰᠦᠷ ᠵᠢᠪᠬᠤᠯᠠᠩ ᠨᠢ ᠳᠡᠯᠡᠬᠡᠢ ᠳᠤ ᠬᠤᠣᠰ ᠦᠭᠡᠢ ᠶᠤᠮ ᠭᠡᠳᠡᠭ ᠢ ᠣᠮᠤᠭ ᠪᠠᠷᠳᠠᠮ | ᠳᠤᠷᠠᠶᠢᠯᠭᠠᠨ ᠬᠠᠷᠠᠭᠤᠯᠤᠭᠰᠠᠨ ᠪᠦᠭᠡᠳ ᠲᠡᠳᠡᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠭᠠᠪᠢᠶᠠ ᠪᠠᠳᠠᠷᠠᠭᠤᠯᠤᠭᠰᠠᠨ ᠦᠢᠯᠡᠳᠦᠯ ᠨᠢ | ᠲᠡᠦᠬᠡ ᠶᠢᠨ ᠬᠠᠯᠠᠭᠤᠨ ᠠᠯᠠᠭᠠᠨ ᠠᠴᠠ ᠦᠨᠢ ᠡᠭᠦᠷᠢᠳᠡ ᠠᠷᠴᠢᠭᠳᠠᠬᠤ ᠶᠣᠰᠣ ᠦᠭᠡᠢ ᠭᠡᠳᠡᠭ ᠢ ᠪᠠᠲᠤᠯᠠᠨ | ᠬᠠᠰᠬᠢᠷᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠪᠠᠰᠠ ᠮᠠᠨ ᠤ ᠮᠣᠩᠭᠤᠯ ᠤᠨ ᠦᠷᠡ ᠬᠤᠶᠢᠴᠢᠰ ᠢᠯᠠᠩᠭᠤᠶᠠ | ᠪᠦᠰᠡᠭᠦᠶᠢᠴᠦᠦᠯ ᠠᠭᠤᠤ ᠤᠬᠠᠭᠠᠯᠢᠭ ᠬᠠᠲᠤᠨ ᠨᠤᠭᠤᠳ ᠢᠶᠠᠷ ᠢᠶᠠᠨ ᠴᠠᠭᠯᠠᠰᠢ ᠦᠭᠡᠢ ᠪᠠᠭ᠋ᠠᠷᠬᠠᠨ᠂ ᠲᠡᠳᠡᠨ ᠤ | ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠭᠡᠷᠡᠯᠲᠦ ᠭᠡᠭᠡᠨ ᠮᠦᠷ ᠠᠴᠠ ᠨᠢ ᠠᠳᠢᠰ ᠠᠪᠴᠦ᠂ ᠢᠯᠴᠢ ᠡᠨᠧᠷᠭᠢ ᠪᠠᠨ ᠰᠡᠯᠪᠢᠨ | ᠦᠯᠢᠭᠡᠷ ᠵᠢᠱᠢᠶᠠ ᠪᠣᠯᠭᠠᠵᠤ ᠶᠠᠪᠤᠬᠤ ᠤᠴᠢᠷᠲᠠᠢ ᠶᠢ ᠳᠠᠪᠬᠤᠷ ᠰᠠᠨᠠᠭᠤᠯᠤᠭᠰᠠᠨ ᠮᠡᠲᠦ᠃ | ᠮᠣᠩᠭᠤᠯ ᠤᠨ ᠮᠢᠨᠢ ᠣᠷᠤᠭᠠ ᠪᠤᠰᠬᠠᠭᠠ᠂ ᠡᠩᠬᠦᠯ ᠳᠣᠩᠬᠤᠯ᠂ ᠮᠠᠨᠳᠤᠯ ᠪᠠᠭᠤᠷᠠᠯ ᠤᠨ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡ | ᠶᠢᠨ ᠨᠤᠭᠤᠴᠢᠭᠠᠨ ᠳᠤ ᠪᠦᠰᠡᠭᠦᠢ ᠬᠦᠮᠦᠨ ᠤ ᠲᠡᠷᠡ ᠳᠤᠮᠳᠠ ᠪᠠᠨ ᠳᠡᠭᠡᠳᠦᠰ ᠤᠨ ᠬᠦᠷᠢᠶᠡᠯᠡᠩ ᠤᠨ ᠬᠠᠲᠤᠳ ᠡᠮᠡᠰ | ᠤᠨ ᠬᠤᠪᠢ ᠲᠠᠪᠢᠯᠠᠩ ᠮᠣᠩᠭᠤᠯ ᠨᠤᠲᠤᠭ ᠤᠨ ᠠᠭᠤᠷ ᠠᠮᠢᠰᠬᠤᠯ ᠰᠢᠭ᠋ ᠬᠠᠲᠠᠭᠤ ᠰᠢᠷᠦᠭᠦᠨ ᠪᠠᠶᠢᠭᠰᠠᠨ ᠪᠢᠯᠡ᠃ | ᠮᠣᠩᠭᠤᠯ ᠲᠥᠷᠥ ᠶᠢᠨ ᠡᠷᠬᠡ ᠮᠡᠳᠡᠯ ᠤᠨ ᠲᠡᠮᠡᠴᠡᠭᠡᠨ᠂ ᠬᠠᠭᠠᠷᠠᠯ ᠪᠤᠲᠠᠷᠠᠯ᠂ ᠳᠣᠲᠣᠭᠠᠳᠤ ᠶᠢᠨ ᠦᠢᠮᠡᠭᠡᠨ | ᠭᠠᠳᠠᠭᠠᠳᠤ ᠶᠢᠨ ᠳᠦᠢᠪᠡᠭᠡᠨ ᠤ ᠬᠠᠷᠠ ᠰᠡᠭᠦᠳᠡᠷ ᠤᠬᠠᠭᠠᠯᠢᠭ ᠮᠡᠷᠭᠡᠨ ᠬᠠᠲᠤᠳ ᠤᠨ ᠵᠢᠷᠦᠬᠡᠨ ᠳᠤᠮᠳᠠᠭᠤᠷ | ᠬᠢᠲᠤᠭᠠ ᠰᠢᠭ᠋ ᠵᠦᠰᠦᠨ ᠥᠩᠭᠡᠷᠡᠵᠦ ᠪᠠᠶᠢᠭᠰᠠᠨ ᠢ ᠪᠢᠳᠡ ᠰᠠᠶᠢᠨ ᠮᠡᠳᠡᠬᠦ ᠪᠢᠵᠡ ᠡ⁈ ᠮᠡᠳᠡᠬᠦ ᠦᠭᠡᠢ ᠪᠣᠯ | ᠮᠡᠳᠡᠬᠦ ᠶᠣᠰᠣᠲᠠᠢ᠂ ᠮᠡᠳᠡᠭᠡᠳ ᠵᠠᠪᠠᠯ ᠤᠬᠠᠭᠠᠷᠠᠯ ᠠᠪᠬᠤ ᠶᠣᠰᠣᠲᠠᠢ᠃ ᠴᠠᠭ ᠦᠶᠡ ᠥᠪᠡᠷ ᠤᠨ ᠲᠥᠯᠥᠭᠡᠨ ᠤ | ᠬᠦᠮᠦᠨ ᠢᠶᠠᠨ ᠳᠠᠷᠤᠢ ᠠᠭᠤᠤ ᠬᠦᠮᠦᠨ ᠢᠶᠠᠨ ᠲᠦᠷᠦᠭᠦᠯᠳᠡᠭ ᠨᠢ ᠦᠨᠡᠨ ᠪᠢᠯᠡ᠃ ᠶᠠᠭ ᠯᠠ ᠪᠤᠷᠤᠩᠬᠤᠢ | ᠪᠤᠳᠤᠯᠢᠶᠠᠨᠳᠤ ᠴᠠᠭ ᠤᠨ ᠪᠣᠰᠣᠭᠠᠨ ᠳᠡᠭᠡᠷᠡ ᠶᠠᠭᠠᠭᠢᠭᠰᠠᠨ ᠴᠦ ᠨᠢᠭᠡ ᠲᠤᠭ ᠰᠢᠭ᠋ ᠬᠦᠮᠦᠨ ᠭᠠᠷᠴᠤ ᠢᠷᠡᠭᠡᠳ | ᠰᠡᠳᠬᠢᠯ ᠤᠨ ᠲᠡᠩᠬᠡᠭᠡ ᠰᠡᠯᠡᠮᠡ ᠶᠢᠨ ᠢᠷ ᠢᠶᠠᠷ ᠪᠤᠲᠠᠷᠠᠭᠰᠠᠨ ᠢᠶᠠᠨ ᠪᠥᠭᠡᠮᠨᠡᠷᠡᠭᠦᠯᠵᠦ᠂ ᠬᠠᠭᠠᠴᠠᠭᠰᠠᠨ ᠢᠶᠠᠨ | ᠬᠠᠮᠳᠤᠳᠬᠠᠨ ᠵᠠᠩᠭᠢᠳᠤᠭᠰᠠᠨ ᠨᠢᠳᠤᠷᠭᠠ ᠰᠢᠭ᠋ ᠪᠣᠯᠭᠠᠵᠤ᠂ ᠲᠡᠦᠬᠡ ᠶᠢᠨ ᠦᠨᠳᠦᠷᠯᠢᠭ ᠳᠡᠭᠡᠷᠡ ᠳᠠᠬᠢᠵᠦ ᠨᠠᠷᠠ ᠰᠢᠭ᠋ | ᠮᠠᠨᠳᠤᠨ ᠭᠠᠷᠴᠣ ᠢᠷᠡᠳᠡᠭ ᠪᠠᠶᠢᠭᠰᠠᠨ ᠢ ᠮᠠᠨ ᠤ ᠳᠡᠭᠡᠳᠦᠰ ᠤᠨ ᠲᠡᠦᠬᠡ ᠱᠠᠰᠲᠢᠷ ᠪᠡᠯᠡᠬᠡᠨᠡ ᠬᠠᠷᠠᠭᠤᠯᠠᠨᠠᠮ ᠪᠤᠰᠤ | ᠦᠦ᠃ ᠤᠳᠠᠭᠠ ᠪᠦᠷᠢ ᠶᠢᠨ ᠡᠭᠡᠳᠡᠷᠡᠭᠡᠨ ᠲᠠᠢ ᠦᠶᠡ ᠶᠢᠨ ᠲᠡᠦᠬᠡᠨ ᠠᠴᠢᠶᠠ ᠶᠢ ᠡᠷᠡ ᠬᠦᠮᠦᠨ ᠲᠠᠢ ᠴᠤᠭ | ᠪᠦᠰᠡᠭᠦᠢ ᠬᠦᠮᠦᠨ ᠪᠠᠰᠠ ᠡᠭᠦᠷᠦᠯᠴᠡᠵᠦ ᠢᠷᠡᠭᠰᠡᠨ ᠢ ᠲᠡᠦᠬᠡ ᠶᠠᠭᠠᠬᠢᠨ ᠮᠠᠷᠳᠠᠬᠤ ᠠᠵᠢᠶᠠᠮ᠃ | ᠮᠠᠨ ᠤ ᠮᠣᠩᠭᠤᠯ ᠤᠨ ᠵᠠᠷᠢᠮ ᠬᠠᠲᠤᠳ ᠨᠢ ᠭᠡᠷ ᠪᠢᠲᠡᠭᠡᠢ ᠬᠡᠯᠡ ᠲᠥᠷᠥ ᠲᠦᠰᠢᠯᠴᠡᠵᠦ ᠢᠷᠡᠭᠰᠡᠨ᠂ ᠵᠠᠷᠢᠮ | ᠬᠠᠲᠤᠳ ᠨᠢ ᠢᠯᠳᠦ ᠳᠠᠯᠠᠶᠢᠨ ᠡᠷᠡᠮᠡᠭᠡᠢ ᠳᠠᠶᠢᠴᠢᠨ ᠲᠤᠯᠤᠯᠳᠤᠵᠤ ᠶᠠᠪᠤᠭᠰᠠᠨ᠂ ᠵᠠᠷᠢᠮ ᠬᠠᠲᠤᠳ ᠨᠢ ᠪᠢᠷ | ᠬᠤᠷᠴᠠᠯᠠᠨ ᠪᠢᠯᠢᠭ ᠤᠨ ᠮᠠᠩᠯᠠᠢ ᠳᠤ ᠣᠳᠣ ᠪᠣᠯᠣᠨ ᠭᠢᠯᠠᠯᠵᠠᠵᠦ ᠪᠠᠶᠢᠭᠰᠠᠨ᠂ ᠪᠠᠰᠠ ᠵᠠᠷᠢᠮ ᠬᠠᠲᠤᠳ ᠨᠢ ᠪᠢᠴᠢᠭ | ᠴᠡᠷᠢᠭ ᠤᠨ ᠡᠷᠳᠡᠮ ᠢ ᠬᠤᠣᠰᠯᠠᠭᠤᠯᠤᠨ ᠭᠠᠶᠢᠬᠠᠮᠰᠢᠭ ᠢ ᠪᠦᠲᠦᠭᠡᠭᠰᠡᠨ᠂ ᠪᠠᠰᠠ ᠵᠠᠷᠢᠮ ᠬᠠᠲᠤᠳ ᠨᠢ ᠲᠥᠷᠥ | ᠪᠠᠷᠢᠬᠤ ᠤᠬᠠᠭᠠᠨ ᠳᠤ ᠲᠡᠭᠦᠰ ᠴᠠᠭᠠᠷᠠᠭᠰᠠᠨ ᠁ ᠭᠡᠬᠦᠴᠢᠯᠡᠨ ᠣᠯᠠᠨ ᠭᠠᠶᠢᠬᠠᠮᠰᠢᠭᠲᠤ ᠬᠠᠲᠤᠨ ᠨᠤᠭᠤᠳ | ᠮᠣᠳᠣ ᠰᠢᠭ᠋ ᠤᠷᠭᠤᠨ ᠣᠳᠣ ᠰᠢᠭ᠋ ᠲᠣᠳᠣᠷᠠᠵᠤ᠂ ᠠᠤᠭᠠ ᠮᠣᠩᠭᠤᠯ ᠲᠡᠦᠬᠡ ᠶᠢ ᠠᠯᠮᠠᠰ ᠰᠢᠭᠢᠳᠬᠡᠷᠢ ᠰᠢᠭ | ᠴᠢᠮᠡᠭᠯᠡᠵᠦ ᠢᠷᠡᠭᠰᠡᠨ ᠪᠠᠶᠢᠨᠠᠮ᠃ ᠡᠭᠦᠨ ᠢ ᠲᠠ ᠨᠠᠷ ︽ᠬᠠᠲᠤᠨ ᠰᠦᠨᠡᠰᠦ︾ ᠨᠠᠶᠢᠷᠠᠭᠯᠠᠯ ᠠᠴᠠ ᠣᠳᠣᠬᠠᠨ ᠣᠯᠵᠤ | ᠤᠩᠰᠢᠬᠤ ᠪᠣᠯᠣᠨᠠ᠃ | ᠬᠠᠭᠠᠨ ᠲᠡᠦᠬᠡ ᠶᠢᠨ ᠤᠯᠪᠠᠭᠠ᠂ ᠬᠠᠲᠤᠨ ᠤᠳᠤᠮ ᠤᠨ ᠬᠡᠯᠬᠢᠶᠡ ᠦᠯᠦ ᠲᠠᠰᠤᠷᠠᠨᠠᠮ᠃ ᠦᠨᠦᠳᠦᠷ ᠤᠨ ᠮᠣᠩᠭᠤᠯ | ᠪᠦᠰᠡᠭᠦᠶᠢᠴᠦᠦᠯ ᠲᠡᠷᠡ ᠬᠠᠲᠤᠨ ᠤᠳᠤᠮ ᠤᠨ ᠦᠷᠭᠦᠯᠵᠢᠯᠡᠯ ᠪᠣᠯᠠᠢ᠃ | ᠴᠠᠭ ᠤᠨ ᠤᠷᠤᠰᠬᠠᠯ ᠳᠤ ᠪᠦᠳᠡᠭᠢᠷᠡᠯ ᠦᠭᠡᠢ ᠴᠠᠳᠢᠭ ᠲᠡᠦᠬᠡ ᠶᠢᠨ ᠬᠠᠭᠤᠳᠠᠰᠤᠨᠠ ᠠᠯᠳᠠᠷ ᠨᠡᠷᠡ ᠪᠠᠨ ᠠᠯᠲᠠᠨ | ᠦᠰᠦᠭ ᠢᠶᠠᠷ ᠮᠥᠩᠬᠡᠯᠡᠭᠰᠡᠨ ᠨᠠᠶᠠᠨ ᠨᠢᠭᠡᠨ ᠬᠠᠲᠤᠨ ᠤ ᠨᠠᠨᠳᠢᠨ ᠰᠦᠨᠡᠰᠦᠨ ᠳᠤ ᠡᠷᠭᠦᠬᠦ ᠰᠢᠯᠦᠭᠡᠨ ᠰᠠᠴᠤᠯᠢ ᠡᠶᠢᠨ | ᠬᠦ ᠤᠷᠣᠰᠢᠪᠠᠢ᠃ | ᠬᠤᠲᠠᠯᠠ ᠳᠠᠶᠠᠭᠠᠷ ᠲᠠᠭᠠᠯᠠᠲᠤᠭᠠᠢ︕ | ︽ᠳᠣᠷᠣᠨᠠ︾ ᠪᠠ ︽ᠰᠣᠯᠣᠩᠭᠠ︾ ᠱᠠᠩᠨᠠᠯᠲᠤ ᠵᠣᠬᠢᠶᠠᠯᠴᠢ ᠪᠤᠶᠠᠨᠪᠠᠲᠤ ᠠᠴᠠ | ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ ᠴᠠᠭᠠᠨ ᠬᠤᠯᠤᠭᠠᠨᠠ ᠵᠢᠯ ᠤᠨ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷᠠ | ᠪᠤᠶᠤ | 2020 ᠣᠨ ᠤ 2 ᠰᠠᠷᠠ ᠶᠢᠨ 13 — ᠤᠯᠠᠭᠠᠨ ᠨᠣᠬᠠᠢ ᠡᠳᠦᠷ ᠣᠷᠣᠰᠢᠯ | ᠬᠡᠮᠡᠨ ᠪᠢᠴᠢᠪᠡᠢ᠃ | | | | | |