| ᠦᠯᠢᠭᠡᠷ ᠲᠠᠢ ᠬᠦᠮᠦᠨ ᠤ ᠠᠷᠤ ᠠᠴᠠ ᠠᠮᠢᠲᠤᠷᠠᠯ ᠬᠡᠵᠢᠶᠡᠳᠡ ᠦᠯᠢᠭᠡᠷ ᠪᠣᠯᠵᠤ ᠤᠷᠭᠤᠭᠠᠳ ᠯᠠ ᠪᠠᠶᠢᠳᠠᠭ ᠢ | ᠦᠨᠡᠨᠬᠦ ᠠᠷᠠᠳ ᠤᠨ ᠰᠠᠶᠢᠬᠠᠨ ᠤᠷᠠᠯᠢᠭ ᠭᠡᠳᠡᠭ ᠶᠤᠮᠰᠠᠨ᠃ ᠦᠩᠭᠡᠷᠡᠭᠰᠡᠨ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠳᠤ | ᠡᠭᠦᠰᠴᠦ ᠦᠷᠨᠢᠭᠰᠡᠨ ᠨᠢᠭᠡ ᠶᠡᠭᠡ ᠬᠤᠪᠢᠰᠬᠠᠯ ᠭᠡᠬᠦ ᠪᠠᠷ ᠦᠪᠡᠷ ᠤᠨ ᠢᠶᠠᠨ ᠴᠠᠭ ᠬᠤᠭᠤᠴᠠᠭᠠ ᠪᠤᠶᠤ ᠤᠷᠣᠨ ᠵᠠᠢ | ᠠᠪᠳᠠᠭ᠃ ᠲᠡᠷᠡ ᠨᠢ ᠪᠦᠬᠦ ᠤᠯᠤᠰ ᠲᠠᠶᠠᠭᠠᠷ ᠪᠦᠬᠦᠯᠢ ᠠᠷᠪᠠᠨ ᠵᠢᠯ ᠦᠢᠮᠡᠭᠡᠨ ᠲᠡᠪᠵᠢᠶᠡᠨ ᠪᠣᠯᠵᠤ ᠦᠷᠭᠡᠵᠢᠵᠦ | ᠪᠠᠶᠢᠭᠰᠠᠨ ᠪᠦᠭᠡᠳ ᠦᠪᠦᠷ ᠮᠣᠩᠭᠤᠯ ᠳᠤ ᠦᠪᠡᠷᠮᠢᠴᠡ ᠤᠨᠴᠠᠭᠠᠢ ᠠᠭᠤᠯᠭᠠ ᠲᠠᠢ ᠶᠠᠪᠤᠭᠳᠠᠵᠠᠢ᠃ | ᠠᠩᠬᠠ ᠲᠦᠷᠦᠭᠦᠦ ᠠᠩᠭᠢ ᠢᠯᠭᠠᠬᠤ ᠦᠶᠡᠰ ᠮᠠᠨ ᠤ ᠬᠢᠨ ᠲᠡᠭᠡᠳᠦ ᠲᠤᠮᠳᠠ ᠲᠠᠷᠢᠶᠠᠴᠢᠨ ᠤ ᠭᠡᠷ ᠤᠨ | ᠭᠠᠷᠤᠯ ᠢᠶᠠᠷ ᠢᠯᠭᠠᠭᠠᠭᠳᠠᠭᠰᠠᠨ ᠪᠤᠯᠪᠠᠴᠤ ᠮᠢᠨᠦ ᠠᠪᠤ ᠪᠠᠷᠢᠭᠠᠳᠠ ᠳᠤ ᠲᠠᠮᠠᠭᠠ ᠪᠠᠷᠢᠵᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ | ᠪᠣᠯᠬᠤᠷ ᠠᠶᠢᠯ ᠤᠰᠣᠨ ᠳᠠᠭᠠᠨ ᠵᠤᠬᠢᠬᠤ ᠥᠩᠭᠡ ᠨᠦᠯᠦᠭᠡ ᠪᠦᠬᠦᠢ ᠠᠶᠢᠯ ᠭᠡᠷ ᠲᠤ ᠲᠤᠭᠠᠴᠠᠭᠳᠠᠨᠠ᠃ ᠭᠡᠪᠡᠴᠦ | ᠨᠢᠭᠡ ᠪᠦᠯᠦᠭ ᠤᠯᠠᠭᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠭᠡᠳᠡᠭ ᠬᠠᠷᠢᠳᠦᠨ ᠳᠠᠭᠠᠨ ᠤᠯᠠᠭᠠᠨ ᠲᠡᠮᠳᠡᠭ ᠵᠡᠭᠦᠭᠰᠡᠨ ᠬᠦᠮᠦᠰ ᠤᠳ | ᠪᠠᠶᠢᠨ ᠲᠠᠬᠢᠨ ᠬᠡᠩᠭᠡᠷᠭᠡ ᠪᠦᠷᠢᠶᠡ ᠲᠡᠯᠡᠳᠦᠨ ᠦᠯᠢᠶᠡᠭᠰᠡᠭᠡᠷ ᠴᠠᠭᠠᠨ ᠴᠠᠭᠠᠰᠣᠨ ᠲᠡᠭᠡᠷᠡ ᠬᠠᠷᠠ ᠪᠡᠭᠡ ᠪᠠᠷ | ᠪᠢᠴᠢᠭᠰᠡᠨ ᠪᠦᠳᠦᠭᠦᠨ ᠦᠰᠦᠭ ᠲᠠᠢ ᠲᠤᠮᠤ ᠬᠠᠭᠤᠳᠠᠰᠤ ᠶᠢ ᠬᠦᠷᠭᠡᠨ ᠢᠷᠡᠵᠦ ︿︿ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠦ | ᠡᠷᠬᠡ ᠪᠠᠷᠢᠭᠴᠢᠳ ᠭᠦᠵᠦᠭᠦᠦ ᠪᠦᠬᠦᠶᠢᠨ ᠬᠢᠭᠰᠡᠨ ᠶᠠᠯᠠ ᠪᠠᠨ ᠬᠦᠯᠢᠶᠡᠵᠦ ᠤᠯᠠᠨ ᠲᠦᠮᠡᠨ ᠤ ᠶᠡᠭᠡ ᠦᠰᠦᠭᠳᠦ | ᠰᠤᠨᠢᠨ ᠢ ᠲᠤᠰᠴᠦ ᠠᠪᠤᠭᠳᠣᠨ︕﹀﹀ ᠬᠡᠮᠡᠨ ᠡᠷᠢᠶᠡᠨ ᠮᠠᠷᠢᠶᠠᠨ ᠪᠠᠷᠬᠢᠷᠠᠵᠤ ᠮᠤᠬᠤᠭᠠᠳ ᠶᠠᠪᠤᠳᠠᠭ ᠪᠠᠶᠢᠯᠠ᠃ | ᠠᠪᠤ ᠭᠡᠷ ᠲᠡᠭᠡᠨ ᠪᠠᠶᠢᠭᠰᠠᠨ ᠬᠠᠷᠭᠤᠪᠠᠯ ᠦᠪᠡᠷᠳᠡᠭᠡᠨ ᠭᠠᠷᠴᠤ ᠲᠤᠰᠴᠦ ᠠᠪᠳᠠᠭ ᠪᠠ ᠠᠪᠤ ᠭᠡᠷ ᠲᠡᠭᠡᠨ ᠦᠭᠡᠢ | ᠦᠶᠡ ᠲᠠᠭᠠᠷᠠᠪᠠᠯ ᠡᠪᠦᠭᠡ ᠲᠤᠰᠴᠤ ᠠᠪᠳᠠᠭ᠃ ᠲᠡᠭᠡᠵᠦ ᠮᠠᠨ ᠤ ᠬᠢᠨ ᠪᠠᠰᠠ ᠰᠠᠨᠠᠭᠠ ᠠᠮᠤᠷ ᠰᠠᠭᠤᠵᠤ | ᠴᠢᠳᠠᠬᠤ ᠪᠠᠨ ᠪᠠᠶᠢᠭᠰᠠᠨ ᠪᠠ ᠪᠠᠷᠢᠭᠠᠳᠠ ᠶᠢᠨ ᠰᠦᠨᠢ ᠶᠢᠨ ᠬᠠᠷᠠᠭᠤᠯ ᠮᠠᠨᠠᠭᠠᠴᠢᠨ ᠬᠦᠮᠦᠰ ᠦᠷᠭᠦᠯᠵᠢ ᠠᠶᠢᠯ | ᠭᠡᠷ ᠤᠨ ᠡᠷᠭᠢᠨ ᠲᠤᠭᠤᠷᠢᠨ ᠳᠤ ᠠᠨᠢᠷ ᠠᠪᠴᠤ ᠡᠷᠭᠡᠴᠡᠳᠡᠭ ᠪᠠᠶᠢᠵᠠᠢ᠃ | ᠡᠳᠦᠭᠡ ᠡᠷᠭᠢᠴᠡᠭᠦᠯᠵᠦ ᠪᠤᠳᠣᠪᠠᠯ ᠲᠡᠷᠡᠬᠦ ᠬᠠᠴᠢᠨ ᠰᠢᠷᠦᠭᠦᠨ ᠣᠨ ᠵᠢᠯ ᠭᠡᠵᠦ ᠶᠤᠰᠤᠳᠠᠢ ᠡᠭᠦᠳᠡ | ᠭᠠᠷᠬᠤ ᠠᠴᠠ ᠪᠠᠨ ᠬᠢᠴᠢᠶᠡᠵᠦ ᠤᠶᠢᠷᠠ ᠲᠦᠷᠦᠯ ᠲᠠᠢ ᠪᠠᠨ ᠦᠭᠡ ᠬᠡᠯᠡᠯᠴᠡᠬᠦ ᠠᠴᠠ ᠠᠶᠤᠳᠠᠭ ᠪᠠᠶᠢᠵᠠᠢ᠃ ᠮᠠᠨ ᠤ | ᠬᠢᠨ ᠶᠡᠭᠡ ᠠᠪᠠᠭᠠ ᠶᠢᠨ ᠭᠡᠷ ᠲᠠᠢ ᠵᠡᠭᠦᠨ ᠪᠠᠷᠠᠭᠤᠨ ᠬᠥᠷᠰᠢ ᠰᠠᠭᠤᠳᠠᠭ ᠪᠣᠯᠬᠤᠷ ᠪᠠᠶᠢᠩᠭᠤ ᠬᠤᠶᠠᠷ ᠠᠶᠢᠯ ᠤᠨ | ᠬᠡᠦᠬᠡᠳ ᠤᠳ ᠨᠢᠭᠡ ᠴᠤᠭ ᠪᠦᠭᠡᠮᠨᠡᠷᠡᠨ ᠨᠠᠭᠠᠳᠣᠨᠠ᠃ ᠵᠠᠷᠢᠮ ᠨᠢᠭᠡ ᠳᠡᠭᠡᠨ ᠠᠶᠢᠯ ᠤᠳ ᠤᠨ ᠬᠡᠦᠬᠡᠳ ᠲᠠᠢ | ᠨᠡᠶᠢᠯᠡᠵᠦ ᠲᠤᠭᠯᠠᠬᠤ ᠦᠶᠡᠰ ᠪᠢᠳᠡ ᠠᠬᠠ ᠲᠡᠭᠦᠦ ᠬᠡᠳᠦᠭᠦᠯᠡ ᠳᠡᠭᠡᠨ ᠪᠠᠷᠳᠠᠮᠨᠠᠨ ᠰᠦᠷ ᠭᠡᠷᠡᠯ ᠭᠠᠶᠢᠬᠠᠭᠤᠯᠵᠤ | ᠭᠠᠷᠳᠠᠭ ᠪᠠ ᠮᠢᠨᠦ ᠦᠪᠡᠷ ᠤᠨ ᠠᠬᠠ ᠭᠡᠵᠦ ᠶᠤᠰᠤᠳᠠᠢ ᠨᠢᠭᠡ ᠰᠠᠶᠢᠨ ᠮᠠᠭᠤ ᠤᠯᠠᠨ ᠤᠬᠠᠭᠠᠨ ᠲᠤᠲᠠᠭᠳᠠᠳᠠᠭ | ᠦᠭᠡᠢ ᠲᠦᠢᠳᠭᠡᠷ ᠤᠨ ᠲᠦᠷᠦᠭᠦᠦ ᠠᠯᠢᠶᠠ ᠬᠡᠦᠬᠡᠳ ᠪᠠᠶᠢᠵᠠᠢ᠃ | ᠮᠠᠨ ᠤ ᠲᠤᠰᠬᠤᠨ ᠤ ᠵᠠᠭᠦᠨ ᠲᠤᠰᠢᠶᠠ ᠪᠠᠷ ᠨᠢᠭᠡᠨ ᠵᠤᠷᠪᠤᠰ ᠬᠤᠶᠠᠷ ᠬᠤᠰᠢᠭᠤ ᠶᠢ ᠬᠤᠯᠪᠣᠵᠤ ᠴᠠᠰᠢ ᠠᠶᠢᠮᠠᠭ | ᠣᠷᠣᠳᠠᠭ ᠵᠠᠰᠠᠮᠠᠯ ᠰᠢᠷᠤᠶᠢᠨ ᠵᠠᠮ ᠲᠠᠢ ᠪᠠᠶᠢᠵᠠᠢ᠃ ᠶᠡᠬᠡᠴᠤᠤᠯ ᠤᠨ ᠬᠡᠯᠡᠬᠦ ᠪᠠᠷ ᠲᠡᠷᠡ ᠨᠢ ᠲᠠᠶᠢᠨ ᠳᠤ ᠪᠡᠯᠡᠳᠭᠡᠵᠦ | ᠵᠠᠰᠠᠭᠰᠠᠨ ᠲᠤᠰᠬᠠᠢ ᠵᠠᠮ ᠶᠤᠮ ᠭᠡᠳᠡᠭ᠃ ᠡᠩ ᠤᠨ ᠴᠠᠭ ᠲᠤ ᠲᠡᠮᠡᠢ ᠤᠯᠠᠨ ᠮᠠᠰᠢᠨ ᠲᠡᠷᠭᠡ ᠶᠠᠪᠤᠳᠠᠭ ᠦᠭᠡᠢ | ᠪᠤᠯᠪᠠᠴᠤ ᠰᠠᠷᠠ ᠤᠳᠠᠭᠠᠳ ᠬᠠᠷᠠ ᠦᠩᠭᠡᠳᠡᠢ ᠲᠤᠭᠤᠢ ᠤᠨᠤᠭᠰᠠᠨ ᠨᠤᠭᠤᠭᠠᠨ ᠬᠤᠪᠴᠠᠰᠣ ᠲᠠᠢ ᠬᠤᠶᠠᠷ ᠭᠤᠷᠪᠠᠨ | ᠬᠦᠮᠦᠰ ᠲᠤᠭᠤᠢ ᠬᠢᠯᠠᠯᠵᠠᠭᠤᠯᠤᠨ ᠭᠠᠷᠳᠠᠭ᠃ ᠠᠶᠢᠯ ᠤᠨ ᠬᠦᠮᠦᠰ ᠲᠡᠳᠡᠭᠡᠷ ᠲᠤᠭᠤᠢ ᠲᠠᠢ ᠬᠦᠮᠦᠰ ᠤᠳ ᠢ | ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠴᠢᠮᠡᠭᠡ ᠬᠤᠯᠪᠤᠭᠠᠨ ᠤ ᠴᠡᠷᠢᠭ ᠭᠡᠳᠡᠭ ᠪᠠ ᠵᠠᠷᠢᠮ ᠨᠢ ᠪᠠᠰᠠ ᠲᠠᠶᠢᠨ ᠤ ᠵᠠᠮ ᠢ ᠬᠠᠶᠢᠨ | ᠬᠠᠮᠠᠭᠠᠯᠠᠳᠠᠭ ᠴᠡᠷᠢᠭ ᠤᠳ ᠶᠤᠮ ᠭᠡᠵᠦ ᠬᠡᠯᠡᠯᠴᠡᠨᠡ᠃ ᠲᠡᠭᠡᠵᠦ ᠡᠪᠦᠯ ᠤᠨ ᠭᠤᠣᠯ ᠤᠷᠣᠵᠤ ᠴᠠᠭᠠᠨ ᠰᠠᠷᠠ | ᠲᠦᠬᠦᠵᠦ ᠪᠠᠶᠢᠭᠰᠠᠨ ᠨᠢᠭᠡ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ ᠭᠦᠨ ᠨᠤᠭᠤᠭᠠᠨ ᠦᠩᠭᠡᠳᠡᠢ ᠭᠤᠷᠪᠠᠨ ᠮᠠᠰᠢᠨ | ᠢᠷᠡᠵᠦ ᠲᠤᠰᠬᠤᠨ ᠤ ᠲᠠᠷᠤᠭᠤᠯ ᠬᠤᠳᠳᠤᠭ ᠠᠴᠠ ᠤᠰᠤ ᠠᠪᠴᠤ ᠲᠡᠷᠭᠡᠨ ᠳᠡᠭᠡᠨ ᠨᠡᠮᠡᠭᠡᠳ ᠪᠠᠷᠢᠭᠠᠳᠠ ᠶᠢᠨ | ᠵᠦᠪᠯᠡᠯ ᠤᠨ ᠡᠮᠦᠨᠡ ᠤᠴᠢᠵᠤ ᠵᠤᠭᠰᠤᠭᠰᠠᠨ ᠪᠠ ᠵᠢᠷᠭᠤᠭᠠᠨ ᠴᠡᠷᠢᠭ ᠭᠠᠷᠴᠤ ᠢᠷᠡᠭᠡᠳ ᠲᠤᠲᠤᠭᠰᠢ ᠤᠷᠤᠪᠡ᠃ | ᠠᠶᠢᠯ ᠤᠨ ᠲᠤᠮᠳᠠᠬᠢ ᠨᠠᠭᠤᠷ ᠤᠨ ᠲᠤᠮᠤ ᠮᠦᠰᠦᠨ ᠲᠡᠭᠡᠷᠡ ᠡᠯᠳᠡᠪ ᠵᠦᠢᠯ ᠢᠶᠠᠷ ᠲᠤᠭᠯᠠᠨ ᠨᠠᠭᠠᠳᠴᠣ | ᠪᠠᠶᠢᠭᠰᠠᠨ ᠤᠯᠠᠨ ᠬᠡᠦᠬᠡᠳ ᠤᠳ ᠲᠡᠷᠡ ᠲᠤᠤᠷᠠ ᠨᠢ ᠨᠠᠭᠠᠳᠴᠣ ᠪᠠᠨ ᠪᠣᠯᠢᠭᠠᠳ ᠭᠤᠷᠪᠠᠨ ᠮᠠᠰᠢᠨ ᠢ ᠬᠦᠷᠢᠶᠡᠯᠡᠨ | ᠠᠪᠴᠤ ᠰᠤᠨᠢᠷᠬᠠᠨ ᠦᠢᠮᠡᠯᠳᠦᠵᠦ ᠡᠬᠢᠯᠡᠪᠡ᠃ ᠭᠡᠨᠡᠳᠲᠡ ᠮᠢᠨᠦ ᠠᠬᠠ ᠬᠠᠮᠢᠭᠠ ᠠᠴᠠ ᠨᠢ ᠭᠠᠷᠴᠤ ᠢᠷᠡᠭᠰᠡᠨ ᠢ | ᠮᠡᠳᠡᠭᠰᠡᠨ ᠦᠭᠡᠢ ᠭᠡᠨᠡᠳᠲᠡ ᠨᠢᠭᠡ ᠭᠦᠯᠳᠡᠭᠦᠦ ᠠᠷᠭᠠᠯ ᠲᠡᠭᠦᠵᠦ ᠠᠪᠤᠭᠠᠳ ᠮᠠᠰᠢᠨ ᠤ ᠵᠦᠭ ᠰᠢᠲᠡᠭᠰᠡᠨ ᠨᠢ ᠶᠠᠭ | ᠵᠡᠭᠦᠨ ᠭᠠᠷ ᠤᠨ ᠰᠢᠯ ᠲᠡᠭᠡᠷᠡ ᠨᠢ ᠲᠦᠰ ᠭᠡᠲᠡᠯᠡ ᠲᠤᠰᠴᠠᠢ᠃ ᠲᠤᠰᠬᠤᠨ ᠤ ᠭᠡᠷ ᠲᠤ ᠪᠠᠶᠢᠭᠰᠠᠨ ᠴᠡᠷᠢᠭ ᠤᠨ | ᠲᠤᠲᠤᠷᠠ ᠠᠴᠠ ᠨᠢᠭᠡ ᠨᠢ ᠭᠦᠶᠦᠨ ᠭᠠᠷᠴᠤ ᠢᠷᠡᠬᠦ ᠳᠤ ᠲᠤᠭᠤᠷᠢᠵᠤ ᠪᠠᠶᠢᠭᠰᠠᠨ ᠤᠯᠠᠨ ᠬᠡᠦᠬᠡᠳ ᠪᠠᠯᠠᠭ ᠠᠯᠳᠠᠨ | ᠭᠡᠷ ᠭᠡᠷ ᠵᠦᠭ ᠢᠶᠠᠨ ᠭᠠᠷᠴᠤ ᠭᠦᠶᠦᠯᠳᠦᠵᠡᠢ᠃ ᠰᠤᠨᠢᠭᠤᠴᠢ ᠲᠠᠢ ᠥᠨᠥᠬᠢ ᠴᠡᠷᠢᠭ ᠵᠡᠷᠭᠡᠯᠡᠵᠦ ᠵᠤᠭᠰᠤᠭᠠᠭᠰᠠᠨ | ᠭᠤᠷᠪᠠᠨ ᠮᠠᠰᠢᠨ ᠢᠶᠠᠨ ᠨᠢᠭᠡ ᠤᠳᠠᠭᠠ ᠲᠤᠭᠤᠷᠢᠵᠤ ᠦᠵᠡᠭᠡᠳ ᠬᠠᠭᠠᠷᠠᠵᠤ ᠡᠪᠳᠡᠷᠡᠭᠰᠡᠨ ᠶᠠᠭᠤᠮᠠ ᠤᠯᠤᠭᠰᠠᠨ | ᠦᠭᠡᠢ ᠪᠤᠯᠣᠯᠳᠠᠢ ᠡᠷᠭᠢᠭᠡᠳ ᠪᠤᠴᠠᠵᠤ ᠤᠷᠤᠭᠰᠠᠨ ᠪᠠᠶᠢᠯᠠ᠃ ᠮᠢᠨᠦ ᠠᠬᠠ ᠲᠡᠷᠡ ᠬᠤᠯᠠ ᠳᠤ ᠵᠤᠭᠰᠤᠭᠰᠠᠨ | ᠤᠷᠤᠨ ᠠᠴᠠ ᠪᠠᠨ ᠲᠥᠭᠡ ᠬᠢᠷᠢ ᠬᠦᠳᠡᠯᠦᠯ ᠦᠭᠡᠢ ᠪᠠᠶᠢᠳᠠᠯ ᠶᠠᠮᠠᠷ ᠪᠣᠯᠬᠤ ᠲᠤᠬᠠᠢ ᠨᠠᠷᠢᠨ ᠠᠵᠢᠭᠯᠠᠵᠤ ᠪᠠᠶᠢᠲᠠᠯᠠ | ᠲᠣᠰᠬᠤᠨ ᠤ ᠵᠦᠪᠯᠡᠯ ᠵᠦᠭ ᠶᠠᠭᠠᠷᠠᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠠᠶᠢᠯ ᠤᠨ ᠨᠠᠭᠠᠴᠤ ᠳᠤ ᠰᠢᠭᠤᠳ ᠪᠠᠷᠢᠭᠳᠠᠵᠠᠢ᠃ | ᠲᠡᠭᠡᠵᠦ ᠲᠤᠮᠤ ᠬᠡᠷᠡᠭ ᠭᠠᠷᠤᠭᠰᠠᠨ ᠪᠣᠯᠬᠤᠷ ᠪᠢᠳᠡ ᠪᠦᠷ ᠭᠡᠷ ᠲᠡᠭᠡᠨ ᠰᠡᠮᠡᠬᠡᠷ ᠬᠠᠷᠢᠭᠠᠳ ᠰᠠᠨᠠᠭᠠ ᠠᠮᠤᠷ | ᠦᠭᠡᠢ ᠴᠢᠮᠡᠭᠡ ᠢᠮᠡᠭᠡ ᠴᠢᠩᠨᠠᠨ ᠰᠠᠭᠤᠵᠠᠭᠠᠪᠠ᠃ ᠦᠳᠡᠰᠢ ᠨᠢ ᠭᠤᠷᠪᠠᠨ ᠨᠤᠬᠠᠢ ᠲᠦᠩᠭᠡᠵᠢ ᠭᠠᠷᠤᠲᠠᠯᠠ | ᠠᠶᠢᠯ ᠤᠨ ᠨᠠᠭᠠᠴᠤ ᠰᠢᠪᠳᠤᠩ ᠤᠷᠳᠤ ᠬᠠᠷᠠ ᠴᠢᠷᠠᠢ ᠪᠠᠨ ᠨᠢᠭᠡᠯᠡ ᠴᠠᠯ ᠬᠥᠬᠡᠷᠡᠭᠦᠯᠥᠭᠰᠡᠭᠡᠷ ᠮᠠᠨ ᠤ ᠳᠤ ᠢᠷᠡᠵᠦ | ᠠᠬᠠ ᠶᠢᠨ ᠴᠡᠷᠢᠭ ᠤᠨ ᠮᠠᠰᠢᠨ ᠢ ᠬᠦᠯᠳᠡᠭᠦᠦ ᠠᠷᠭᠠᠯ ᠢᠶᠠᠷ ᠴᠣᠬᠢᠭᠰᠠᠨ ᠬᠡᠷᠡᠭ ᠢ ᠳᠡᠯ ᠲᠠᠢ ᠰᠡᠭᠦᠯ ᠲᠠᠢ ᠪᠠᠷ | ᠡᠪᠦᠭᠡ ᠳᠤ ᠨᠢᠳᠦᠨ ᠦᠵᠡᠭᠳᠡᠵᠦ ᠭᠠᠷ ᠲᠤ ᠪᠠᠷᠢᠭᠳᠠᠮᠠ ᠲᠦᠷᠰᠦᠯᠢᠭ ᠶᠠᠷᠢᠵᠤ ᠴᠠᠰᠢ ᠤᠴᠢᠷ ᠶᠠᠪᠤᠳᠠᠯ ᠤᠨ ᠶᠠᠮᠠᠷ | ᠬᠦᠨᠳᠦ ᠨᠤᠴᠢᠳᠠᠢ ᠦᠷᠡ ᠳ᠋ᠦᠩ ᠳᠤ ᠬᠦᠷᠴᠦ ᠮᠡᠳᠡᠬᠦ ᠲᠤᠬᠠᠢ ᠨᠡᠩ ᠭᠦᠨ ᠭᠦᠨᠵᠡᠭᠡᠢ ᠲᠡᠶᠢᠯᠪᠦᠷᠢᠯᠠᠵᠤ ᠭᠠᠷᠪᠠ᠃ | ᠲᠤᠰᠤᠨ ᠳ᠋ᠧᠩ ᠤᠨ ᠢᠶᠠᠨ ᠲᠤᠤᠷᠠ ᠤᠶᠤᠳᠠᠯ ᠤᠶᠤᠵᠤ ᠪᠠᠶᠢᠭᠰᠠᠨ ᠡᠵᠢ ᠠᠶᠤᠵᠤ ᠰᠠᠨᠳᠣᠷᠠᠬᠤ ᠳᠠᠭᠠᠨ ᠭᠠᠷ | ᠲᠤᠲᠤᠷᠠᠬᠢ ᠠᠵᠢᠯ ᠢᠶᠠᠨ ᠴᠠᠰᠢ ᠲᠦᠯᠬᠢᠨ ᠰᠠᠷᠠ ᠰᠢᠨᠡ ᠳᠠᠭᠠᠨ ᠭᠡᠳ ᠴᠠᠭᠠᠨᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠠᠨ | ᠲᠣᠰᠣ ᠬᠤᠷᠤᠳ ᠵᠢᠴᠢ ᠰᠢᠬᠢᠷ ᠪᠤᠭᠤᠷᠰᠤᠭ ᠢᠶᠠᠨ ᠬᠤᠶᠢᠰᠢ ᠦᠭᠡᠢ ᠲᠠᠪᠠᠭᠯᠠᠨ ᠠᠪᠴᠢᠷᠠᠵᠤ ᠰᠢᠨᠡ ᠴᠠᠢ ᠴᠢᠨᠠᠨ | ᠠᠶᠢᠯ ᠤᠨ ᠨᠠᠭᠠᠴᠤ ᠶᠢ ᠬᠦᠨᠳᠦᠳᠭᠡᠨ ᠵᠣᠴᠢᠯᠠᠪᠠ᠃ ᠠᠶᠢᠯ ᠤᠨ ᠨᠠᠭᠠᠴᠤ ᠴᠠᠭ ᠭᠠᠷᠤᠢ ᠤᠤᠭᠤᠵᠤ ᠢᠳᠡᠵᠦ | ᠰᠠᠭᠤᠭᠠᠳ ᠪᠦᠭᠰᠡ ᠬᠦᠳᠡᠯᠬᠦ ᠦᠶᠡᠰ ︿︿ᠬᠡᠦᠬᠡᠳ ᠤᠨ ᠴᠢᠨᠢ ᠭᠠᠷᠭᠠᠭᠰᠠᠨ ᠡᠨᠡ ᠬᠡᠷᠡᠭ ᠪᠠᠭᠠ ᠪᠢᠰᠢ᠂ ᠬᠡᠷᠪᠡ | ᠶᠡᠬᠡᠳᠡᠪᠡᠯ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠨᠠ ᠲᠤᠮᠤ ᠬᠡᠷᠡᠭ ᠪᠣᠯᠵᠤ ᠮᠡᠳᠡᠨᠡ᠃ ᠬᠤᠵᠢᠮ ᠬᠡᠦᠬᠡᠳ ᠢᠶᠠᠨ ᠰᠠᠶᠢᠳᠤᠷ | ᠰᠣᠷᠭᠠᠵᠤ ᠴᠢᠩᠭᠠ ᠬᠠᠮᠢᠶᠠᠷᠠᠬᠤ ᠬᠡᠷᠡᠭᠳᠡᠢ﹀﹀ ᠭᠡᠰᠡᠨ ᠪᠠ ᠥᠨᠥ ᠦᠳᠡᠰᠢ ᠮᠢᠨᠦ ᠬᠠᠷᠠᠭᠤᠯ ᠤᠨ ᠡᠭᠡᠯᠵᠢ ᠶᠤᠮ | ᠭᠡᠳ ᠪᠤᠰᠴᠤ ᠭᠠᠷᠪᠠ᠃ | ᠠᠶᠢᠯ ᠤᠨ ᠨᠠᠭᠠᠴᠤ ᠶᠢ ᠮᠤᠷᠳᠠᠭᠤᠯᠵᠤ ᠭᠠᠷᠭᠠᠭᠰᠠᠨ ᠬᠤᠶᠢᠨᠠ ᠡᠪᠦᠭᠡ ᠬᠡᠳᠦᠶᠢᠨ ᠲᠠᠶᠢᠯᠤᠭᠠᠳ ᠪᠠᠶᠢᠭᠰᠠᠨ | ᠭᠠᠳᠠᠷ ᠬᠤᠪᠴᠠᠰᠤ ᠪᠠᠨ ᠲᠠᠬᠢᠨ ᠠᠪᠴᠤ ᠡᠮᠦᠰᠦᠭᠡᠳ ᠭᠠᠳᠠᠨᠠ ᠭᠠᠷᠴᠤ ᠬᠠᠪᠣᠷ ᠲᠠᠭᠠᠨ ᠰᠢᠪᠡᠭᠡ ᠪᠠᠷᠢᠬᠤ ᠪᠠᠷ | ᠪᠡᠯᠡᠳᠭᠡᠵᠦ ᠪᠠᠶᠢᠭᠰᠠᠨ ᠡᠷᠡᠬᠡᠢ ᠬᠤᠷᠣᠭᠤ ᠬᠢᠷᠢ ᠪᠦᠳᠦᠭᠦᠨ ᠴᠠᠭᠠᠨ ᠪᠤᠷᠭᠠᠰᠣ ᠠᠴᠠ ᠬᠠᠭᠠᠰ ᠠᠯᠲᠠ ᠤᠷᠳᠤ | ᠬᠤᠶᠠᠷ ᠢ ᠰᠢᠯᠢᠨ ᠠᠪᠴᠢᠷᠠᠵᠤ ᠬᠤᠪᠤᠩ ᠲᠠᠢ ᠭᠠᠯ ᠲᠡᠭᠡᠷᠡ ᠬᠦᠨᠳᠡᠯᠡᠨ ᠲᠠᠯᠪᠢᠪᠠ᠃ ᠵᠠᠯᠭᠠᠭᠠᠳ ᠠᠬᠠ ᠪᠢᠳᠡ | ᠬᠤᠶᠠᠭᠤᠯᠠ ᠶᠢ ᠬᠠᠨᠵᠤᠨ ᠲᠡᠭᠡᠷᠡ ᠡᠯᠢᠭᠡ ᠲᠦᠷᠦᠭᠦᠯᠵᠦ ᠨᠢᠴᠦᠭᠦᠨ ᠬᠡᠪᠲᠡᠭᠦᠯᠦᠭᠰᠡᠨ ᠬᠤᠶᠢᠨᠠ ᠮᠠᠨ ᠤ ᠬᠠᠵᠠᠭᠤ | ᠳᠤ ᠦᠪᠡᠷ ᠢᠶᠠᠨ ᠬᠢᠭᠰᠡᠨ ᠢᠰᠢᠭᠡ ᠬᠤᠷᠠᠭᠠ ᠡᠰᠭᠡᠳᠡᠭ ᠤᠭᠤᠨᠤ ᠶᠢᠨ ᠡᠪᠡᠷ ᠬᠤᠢ ᠲᠠᠢ ᠬᠢᠳᠤᠭᠠ ᠪᠠᠨ ᠠᠪᠴᠤ | ᠭᠠᠷᠭᠠᠭᠠᠳ ᠪᠢᠯᠡᠭᠦᠦᠳᠡᠵᠦ ᠡᠬᠢᠯᠡᠵᠡᠢ᠃ ᠬᠢᠳᠤᠭᠠ ᠪᠣᠯᠤᠨ ᠪᠢᠯᠡᠭᠦᠦ ᠶᠢᠨ ᠲᠤᠮᠲᠠ ᠠᠴᠠ ᠡᠭᠦᠰᠦᠭᠰᠡᠨ ᠲᠡᠷᠡᠬᠦ ᠰᠢᠷ | ᠰᠢᠷ ᠭᠡᠬᠦ ᠦᠷᠦᠯᠳᠦᠬᠦ ᠲᠠᠭᠤᠨ ᠨᠢ ᠴᠢᠬᠢᠨ ᠰᠣᠨᠤᠷ ᠢ ᠴᠤᠷᠬᠢᠨᠠ ᠭᠡᠭᠴᠢ ᠦᠨᠡᠬᠡᠷ ᠠᠷᠭᠠ ᠦᠭᠡᠢ ᠬᠠᠷᠠ | ᠠᠶᠤᠮᠰᠢᠭ ᠬᠦᠷᠦᠭᠦᠯᠵᠦ ᠪᠠᠶᠢᠪᠠ᠃ | ᠡᠪᠦᠭᠡ ᠬᠢᠳᠤᠭᠠ ᠪᠠᠨ ᠨᠡᠯᠢᠶᠡᠳ ᠤᠳᠠᠲᠠᠯᠠ ᠪᠢᠯᠡᠭᠦᠦᠳᠡᠭᠡᠳ ᠢᠷ ᠶᠢ ᠨᠢ ᠲᠡᠭᠡᠭᠡᠰᠢ ᠬᠠᠨᠳᠣᠭᠤᠯᠤᠨ ᠡᠷᠡᠬᠡᠢ | ᠬᠤᠷᠣᠭᠤᠨ ᠤ ᠬᠤᠮᠤᠰᠤ ᠪᠠᠷ ᠢᠶᠠᠨ ᠱᠦᠷᠭᠦᠭᠡᠵᠦ ᠦᠵᠡᠭᠰᠡᠨ ᠢᠶᠠᠨ ᠴᠠᠰᠢ ᠦᠭᠡ ᠦᠭᠡᠢ ᠬᠤᠪᠤᠩ ᠲᠠᠢ ᠭᠠᠯ | ᠲᠡᠭᠡᠷᠡ ᠵᠦᠭᠡᠯᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠴᠠᠭᠠᠨ ᠪᠤᠷᠭᠠᠰᠣ ᠪᠠᠨ ᠠᠪᠤᠭᠠᠳ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠡᠶᠡ ᠵᠦᠭ ᠢᠶᠠᠨ | ᠮᠠᠳᠠᠵᠤ ᠦᠵᠡᠪᠡ᠃ ᠭᠠᠯ ᠦᠵᠡᠵᠦ ᠵᠦᠭᠡᠯᠡᠷᠡᠭᠰᠡᠨ ᠨᠤᠶᠢᠳᠡᠨ ᠪᠤᠷᠭᠠᠰᠣ ᠨᠢ ᠭᠠᠷ ᠤᠨ ᠬᠢᠨ ᠠᠶᠠ ᠪᠠᠷ ᠠᠶᠠᠷᠬᠠᠨ | ᠨᠤᠭᠤᠷᠠᠵᠤ ᠨᠢᠴᠦᠭᠦᠨ ᠪᠦᠭᠰᠡᠨ ᠲᠡᠭᠡᠷᠡ ᠲᠤᠰᠬᠤ ᠳᠤ ᠯᠡ ᠠᠶᠠᠳᠠᠶᠢᠬᠠᠨ ᠪᠤᠯᠤᠭᠠᠳ ᠪᠠᠶᠢᠯᠠ᠃ | ᠡᠪᠦᠭᠡ ᠤᠷᠢᠳᠠᠪᠠᠷ ᠡᠯᠢᠭᠡ ᠪᠠᠨ ᠳᠠᠷᠣᠨ ᠬᠡᠪᠳᠡᠵᠦ ᠪᠠᠶᠢᠭᠰᠠᠨ ᠠᠬᠠ ᠮᠠᠨ ᠤ ᠬᠤᠶᠠᠭᠤᠯᠠ ᠶᠢᠨ ᠨᠢᠴᠦᠭᠦᠨ | ᠪᠦᠭᠰᠡᠨ ᠲᠡᠭᠡᠷᠡ ᠨᠢᠭᠡ ᠤᠳᠠᠭᠠ ᠰᠡᠷ ᠰᠡᠷ ᠭᠡᠲᠡᠯᠡ ᠭᠤᠶᠠᠳᠠᠵᠤ ᠭᠠᠷᠤᠭᠰᠠᠨ ᠳᠤ ᠪᠢ ᠲᠠᠰᠴᠤ ᠲᠡᠶᠢᠯᠬᠦ ᠦᠭᠡᠢ | ᠲᠠᠭᠤ ᠲᠠᠯᠪᠢᠨ ᠣᠷᠢᠯᠠᠭᠰᠠᠨ ᠪᠤᠯᠪᠠᠴᠤ ᠠᠬᠠ ᠶᠠᠮᠠᠷᠴᠤ ᠲᠠᠭᠤ ᠭᠠᠷᠭᠠᠭᠰᠠᠨ ᠦᠭᠡᠢ ᠦᠩᠭᠡᠷᠡᠭᠡᠪᠡ᠃ ᠡᠪᠦᠭᠡ | ᠡᠷᠭᠢᠭᠡᠳ ᠬᠤᠶᠠᠳᠣᠭᠠᠷ ᠤᠳᠠᠭᠠ ᠪᠠᠨ ᠭᠤᠶᠠᠳᠠᠬᠤ ᠳᠤ ᠠᠬᠠ ᠮᠦᠨ ᠲᠠᠭᠤ ᠦᠭᠡᠢ ᠬᠡᠪᠲᠡᠨᠡ᠃ ᠪᠢ ᠭᠤᠰ | ᠭᠡᠲᠡᠯᠡ ᠦᠰᠦᠷᠦᠨ ᠪᠤᠰᠴᠤ ᠲᠠᠭᠤ ᠲᠠᠯᠪᠢᠨ ᠤᠬᠢᠯᠠᠭᠠᠳ ᠡᠷᠭᠢᠵᠦ ᠤᠷᠤᠨ ᠳᠠᠭᠠᠨ ᠤᠷᠣᠵᠤ ᠬᠡᠪᠲᠡᠵᠡᠢ᠃ | ᠭᠤᠷᠪᠠᠳᠣᠭᠠᠷ ᠤᠳᠠᠭᠠᠨ ᠤ ᠪᠤᠷᠭᠠᠰᠣ ᠡᠷᠭᠢᠬᠦ ᠦᠶᠡᠰ ᠠᠬᠠ ᠴᠤ ᠲᠠᠰᠴᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠭᠤᠷᠤᠶᠢᠲᠠᠯᠠ | ᠪᠤᠰᠴᠣ ᠰᠦᠭᠦᠳᠦᠭᠡᠳ ᠡᠭᠦᠨ ᠠᠴᠠ ᠬᠤᠶᠢᠰᠢ ᠶᠠᠭᠠᠬᠢᠭᠰᠠᠨ ᠴᠤ ᠢᠩᠭᠢᠵᠦ ᠲᠡᠭᠡᠵᠦ ᠠᠷᠳᠠᠭ ᠠᠯᠢᠶᠠ ᠠᠭᠠᠰᠢᠯᠠᠵᠤ | ᠶᠠᠪᠤᠬᠤ ᠦᠭᠡᠢ ᠭᠡᠵᠦ ᠠᠮᠠᠨ ᠬᠠᠭᠠᠷᠠᠨ ᠠᠮᠠᠯᠳᠣᠨ ᠭᠤᠶᠤᠵᠤ ᠡᠬᠢᠯᠡᠪᠡ᠃ | ᠡᠪᠦᠭᠡ ᠶᠢ ᠰᠡᠮᠡᠬᠡᠷ ᠨᠢᠭᠡ ᠬᠠᠷᠠᠵᠤ ᠠᠪᠬᠤ ᠳᠤ ᠠᠳᠬᠤᠨ ᠲᠤᠲᠤᠷᠠᠬᠢ ᠪᠤᠷᠭᠠᠰᠣ ᠪᠠᠨ ᠲᠠᠯᠪᠢᠭᠰᠠᠨ | ᠪᠤᠯᠪᠠᠴᠤ ᠡᠷᠭᠢᠭᠡᠳ ᠬᠢᠳᠤᠭᠠ ᠪᠠᠨ ᠠᠪᠴᠤ ᠪᠢᠯᠡᠭᠦᠦ ᠪᠠᠨ ᠬᠠᠵᠠᠭᠤ ᠳᠠᠭᠠᠨ ᠲᠠᠯᠪᠢᠭᠠᠳ ︿︿ᠬᠡᠷᠪᠡ ᠲᠠᠬᠢᠵᠤ ᠪᠠᠰᠠ | ᠡᠨᠡ ᠮᠡᠲᠦ ᠶᠤᠰᠤ ᠪᠤᠰᠤ ᠬᠡᠷᠡᠭ ᠵᠣᠷᠢᠭ ᠭᠠᠷᠭᠠᠵᠤ ᠬᠡᠷᠡᠮ ᠬᠠᠨᠠ ᠴᠤᠭᠤᠯᠪᠠᠯ ᠡᠨᠡ ᠬᠢᠳᠤᠭᠠ ᠪᠠᠷ ᠰᠡᠷᠢᠰᠦᠨ | ᠪᠤᠷᠪᠢ ᠶᠢ ᠴᠢᠨᠢ ᠤᠭᠳᠣᠯᠵᠣ ᠬᠠᠶᠠᠶᠠ﹀﹀ ᠭᠡᠵᠦ ᠠᠭᠠᠵᠢᠮ ᠬᠡᠯᠡᠭᠡᠳ ᠪᠠᠰᠠ ᠨᠢᠭᠡ ᠤᠳᠠᠭᠠ ᠬᠢᠳᠤᠭᠠᠨ ᠤ ᠪᠠᠨ ᠢᠷ | ᠲᠡᠭᠡᠷᠡ ᠬᠤᠮᠤᠰᠤ ᠪᠠᠷ ᠢᠶᠠᠨ ᠱᠦᠷᠭᠦᠭᠡᠵᠦ ᠭᠠᠷᠪᠠ᠃ ᠪᠢ ᠨᠢᠭᠡᠮᠦᠰᠦᠨ ᠲᠠᠭᠤ ᠠᠯᠳᠠᠷᠠᠵᠤ ᠵᠢᠷᠦᠬᠡ ᠬᠠᠭᠠᠷᠠᠬᠤ ᠳᠤ | ᠬᠦᠷᠴᠦ ᠪᠠᠶᠢᠲᠠᠯᠠ ᠠᠬᠠ ᠭᠡᠨᠡᠳᠲᠡ ᠡᠪᠦᠭᠡ ᠶᠢᠨ ᠬᠦᠵᠦᠭᠦᠨ ᠠᠴᠠ ᠲᠡᠪᠡᠷᠢᠵᠤ ᠠᠪᠤᠭᠠᠳ ︿︿ᠡᠪᠦᠭᠡ ᠡ᠂ ᠡᠨᠡ | ᠤᠳᠠᠭᠠᠨ ᠤ ᠬᠡᠷᠡᠭ ᠠᠩᠭᠠ ᠳᠤ ᠬᠠᠮᠢᠶᠠ ᠦᠭᠡᠢ᠂ ᠪᠦᠷ ᠮᠢᠨᠦ ᠭᠠᠭᠴᠠᠭᠠᠷ ᠬᠢᠭᠰᠡᠨ ᠬᠡᠷᠡᠭ ᠶᠤᠮ᠃ ᠪᠢ ᠲᠠᠬᠢᠵᠤ | ᠬᠡᠷᠡᠭ ᠭᠠᠷᠭᠠᠬᠤ ᠦᠭᠡᠢ᠂ ᠡᠨᠡ ᠨᠢᠭᠡ ᠤᠳᠠᠭᠠ ᠶᠢ ᠠᠭᠤᠴᠢᠯᠠᠴᠢᠬᠠ﹀﹀ ᠭᠡᠳ ᠡᠭᠡᠷ ᠲᠠᠲᠠᠨ ᠤᠬᠢᠯᠠᠭᠰᠠᠨ ᠳᠤ | ᠪᠢ ᠪᠠᠰᠠ ᠲᠠᠭᠠᠭᠠᠳ ᠲᠠᠭᠤ ᠲᠠᠯᠪᠢᠨ ᠤᠬᠢᠯᠠᠵᠠᠢ᠃ ᠡᠴᠦᠰ ᠲᠡᠭᠡᠨ ᠡᠪᠦᠭᠡ ᠶᠢᠨ ᠰᠡᠳᠬᠢᠯ ᠵᠦᠭᠡᠯᠡᠷᠡᠵᠦ ᠪᠢᠳᠡ | ᠬᠤᠶᠠᠭᠤᠯᠠ ᠶᠢ ᠳᠠᠭᠤᠳᠠᠨ ᠪᠤᠰᠬᠠᠵᠤ ᠬᠠᠵᠠᠭᠤ ᠳᠠᠭᠠᠨ ᠬᠡᠪᠲᠡᠭᠦᠯᠦᠭᠡᠳ ᠲᠡᠭᠡᠷᠡ ᠬᠦᠨᠵᠢᠭᠦᠯ ᠢ ᠬᠤᠴᠢᠵᠤ ᠥᠭᠪᠡ᠃ | ᠲᠡᠷᠡ ᠨᠢᠭᠡ ᠤᠳᠠᠭᠠᠨ ᠤ ᠭᠤᠷᠪᠠᠨ ᠴᠠᠭᠠᠨ ᠪᠤᠷᠭᠠᠰᠣᠨ ᠤ ᠬᠠᠳᠠᠭᠤ ᠤᠷᠣᠮ ᠬᠡᠳᠦᠨ ᠡᠳᠦᠷ ᠵᠠᠯᠭᠠᠨ ᠢᠬᠢᠷᠡᠵᠦ | ᠡᠪᠡᠳᠦᠭᠰᠡᠭᠡᠷ ᠰᠠᠷᠠ ᠦᠩᠭᠡᠷᠡᠭᠡᠳ ᠰᠠᠶ᠋ᠢ ᠡᠪᠡᠳᠬᠦ ᠨᠢ ᠪᠠᠯᠠᠷᠠᠭᠰᠠᠨ ᠪᠠ ᠬᠢᠳᠤᠭᠠ ᠪᠢᠯᠡᠭᠦᠦ ᠬᠤᠶᠠᠷ ᠤᠨ | ᠱᠠᠷᠴᠢᠬᠢᠨᠡᠭᠰᠡᠨ ᠲᠠᠭᠤᠨ ᠨᠢ ᠤᠳᠣ ᠪᠤᠯᠲᠠᠯᠠ ᠴᠢᠬᠢᠨ ᠰᠣᠨᠣᠷ ᠠᠴᠠ ᠠᠷᠢᠯᠤᠭᠠ ᠦᠭᠡᠢ ᠪᠢᠯᠡ᠃ | ᠬᠤᠵᠢᠮ ᠨᠢ ᠰᠤᠨᠤᠰᠬᠤᠯᠠᠷ ᠠᠯᠢ ᠨᠢᠭᠡ ᠬᠡᠦᠬᠡᠳ ᠴᠡᠷᠢᠭ ᠤᠨ ᠮᠠᠰᠢᠨ ᠢ ᠴᠣᠬᠢᠭᠰᠠᠨ ᠲᠤᠬᠠᠢ ᠥᠨᠥᠬᠢ | ᠬᠡᠳᠦᠨ ᠴᠡᠷᠢᠭ ᠶᠡᠷᠦ ᠠᠰᠠᠭᠤᠳᠠᠯ ᠪᠤᠯᠭᠠᠨ ᠨᠡᠬᠡᠮᠵᠢᠯᠡᠭᠰᠡᠨ ᠤᠴᠢᠷ ᠦᠭᠡᠢ ᠪᠠᠶᠢᠵᠠᠢ᠃ ᠬᠡᠷᠡᠭ ᠪᠤᠯᠭᠠᠵᠤ | ᠭᠦᠶᠦᠭᠰᠡᠨ ᠨᠢ ᠮᠢᠨᠦ ᠠᠶᠢᠯ ᠤᠨ ᠨᠠᠭᠠᠴᠤ ᠯᠡ ᠪᠤᠯᠤᠨᠠ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠲᠡᠷᠡ ᠶᠠᠳᠠᠭᠤ ᠶᠠᠳᠠᠭᠤᠯᠢᠭ | ᠲᠠᠷᠢᠶᠠᠴᠢᠨ ᠭᠠᠷᠣᠯ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠨᠠᠷᠠ ᠰᠠᠯᠬᠢ ᠨᠢ ᠲᠡᠩᠴᠡᠵᠦ ᠨᠠᠷᠢᠨ ᠰᠢᠯᠪᠢ ᠪᠠᠷ ᠢᠶᠠᠨ ᠡᠷᠭᠢᠯᠳᠦᠬᠦ | ᠪᠤᠯᠤᠭᠠᠳ ᠲᠤᠰᠬᠤᠨ ᠤ ᠤᠯᠠᠭᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠪᠠᠶᠢᠯᠳᠤᠬᠤ ᠠᠩᠭᠢ ᠶᠢᠨ ᠳᠡᠳ᠋ ᠳᠠᠷᠤᠭᠠ ᠰᠠᠭᠤᠵᠤ | ᠶᠠᠪᠤᠭᠰᠠᠨ ᠲᠤᠯᠠ ᠡᠪᠦᠭᠡ ᠮᠢᠨᠢ ᠵᠢᠭᠰᠢᠬᠦ ᠳᠡᠭᠡᠨ᠂ ᠪᠠᠰᠠ ᠰᠡᠷᠡᠮᠵᠢᠯᠡᠬᠦ ᠳᠡᠭᠡᠨ ᠲᠡᠭᠦᠨ ᠤ ᠡᠮᠦᠨᠡ ᠮᠠᠨ ᠤ | ᠬᠤᠶᠠᠭᠤᠯᠠ ᠶᠢ ᠢᠯᠡ ᠪᠠᠷ ᠭᠤᠶᠠᠳᠠᠨ ᠠᠷᠤ ᠳᠠᠭᠠᠨ ᠰᠣᠷᠭᠠᠵᠤ ᠠᠪᠬᠤ ᠵᠣᠷᠢᠯᠭᠠ ᠪᠠᠷ ᠰᠡᠷᠢᠰᠦᠨ ᠪᠤᠷᠪᠢ ᠶᠢ | ᠤᠭᠳᠣᠯᠬᠤ ᠭᠡᠰᠡᠨ ᠶᠤᠮ᠃ | ᠡᠨᠡᠬᠦ ᠦᠨᠡᠨ ᠤᠴᠢᠷ ᠦᠩᠭᠡᠷᠡᠭᠡᠳ ᠨᠢᠭᠡᠨᠲᠡ ᠲᠠᠪᠢ ᠰᠢᠬᠠᠮ ᠵᠢᠯ ᠪᠤᠯᠤᠭᠰᠠᠨ ᠪᠣᠯᠪᠠᠴᠤ ᠲᠡᠷᠡᠬᠦ ᠦᠨᠡᠨ | ᠤᠴᠢᠷ ᠠᠴᠠ ᠤᠯᠵᠣ ᠮᠡᠳᠡᠭᠰᠡᠨ᠂ ᠤᠬᠠᠭᠠᠷᠠᠵᠤ ᠰᠡᠷᠢᠭᠰᠡᠨ ᠵᠦᠢᠯ ᠢᠶᠠᠨ ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠬᠤ ᠪᠦᠷᠢ | ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠡᠪᠦᠭᠡ ᠪᠠᠨ ᠰᠠᠨᠠᠨ ᠮᠦᠷᠦᠭᠡᠳᠦᠵᠦ ᠡᠬᠢᠯᠡᠨᠡ᠃ ᠡᠪᠦᠭᠡ ᠮᠢᠨᠢ ᠲᠡᠭᠡᠵᠦ ᠬᠠᠮᠤᠭ | ᠰᠢᠯᠤᠭᠤᠳᠬᠠᠨ ᠠᠷᠭᠠ ᠮᠠᠶ᠋ᠢᠭ ᠢᠶᠠᠷ ᠬᠠᠮᠤᠭ ᠭᠦᠨ ᠬᠦᠨᠵᠡᠭᠡᠢ ᠰᠤᠷᠭᠠᠨ ᠬᠦᠮᠦᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠨᠢ ᠶᠠᠮᠠᠷ | ᠠᠵᠠᠳᠠᠢ ᠰᠠᠨᠠᠭᠳᠠᠭᠤᠯᠬᠤ ᠪᠢᠯᠡ ᠳ᠋ᠠ᠃ | | | | | | | |