| ᠤᠶᠢᠮᠡᠳ ᠪᠠᠶᠠᠨᠳᠤᠩᠭᠠᠯᠠᠭ | ᠬᠠᠪᠤᠷ ᠤᠨ ᠵᠢᠪᠠᠷ ᠲᠤ ᠬᠠᠶᠢᠷᠠ ᠪᠠᠶᠢᠳᠠᠭ | ᠬᠠᠷᠠᠰᠦ ᠬᠤᠭᠤᠯᠠᠨ ᠤ ᠠᠮᠳᠠ ᠪᠠᠶᠢᠳᠠᠭ | ᠬᠠᠯᠢᠶᠠ ᠲᠠᠢ ᠭᠤᠤᠯ ᠤᠨ ᠮᠦᠰᠦ ᠪᠠᠶᠢᠳᠠᠭ | ᠬᠠᠳᠠᠭᠤᠵᠢᠯ ᠪᠤᠯᠪᠠᠰᠤᠷᠠᠯ ᠤᠨ ᠬᠢᠴᠢᠶᠡᠯ ᠤᠳ ᠪᠠᠶᠢᠳᠠᠭ | ᠬᠡᠤᠬᠡᠳ ᠨᠠᠰᠤᠨ ᠤ ᠵᠡᠬᠦᠳᠦ ᠪᠠᠶᠢᠳᠠᠭ | ᠬᠦᠳᠦᠰᠦᠨ ᠲᠡᠪᠡᠯ ᠤᠨ ᠦᠨᠦᠷ ᠪᠠᠶᠢᠳᠠᠭ | ᠬᠦᠰᠡᠯ ᠮᠦᠷᠦᠭᠡᠳᠦᠯ ᠤᠨ ᠴᠡᠴᠡᠭᠡᠰ ᠪᠠᠶᠢᠳᠠᠭ | ᠬᠦᠷᠬᠦ ᠵᠠᠮ ᠤᠨ ᠡᠬᠢᠯᠡᠯᠳᠡ ᠪᠠᠶᠢᠳᠠᠭ᠃ | ᠵᠤᠨ ᠤ ᠵᠢᠪᠠᠷ ᠲᠤ ᠬᠠᠶᠢᠷᠠ ᠪᠠᠶᠢᠳᠠᠭ | ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠴᠠᠬᠢᠷᠮᠠ ᠪᠠᠶᠢᠳᠠᠭ | ᠴᠡᠴᠡᠭᠬᠡᠨ ᠲᠠᠯᠠ ᠶᠢᠨ ᠲᠤᠷᠠᠯᠠᠯ ᠪᠠᠶᠢᠳᠠᠭ | ᠴᠡᠩᠬᠡᠯ ᠵᠢᠷᠭᠠᠯ ᠤᠨ ᠵᠠᠯᠠᠭᠤ ᠨᠠᠰᠦ ᠪᠠᠶᠢᠳᠠᠭ | ᠬᠤᠯᠠ ᠶᠢᠨ ᠲᠡᠷᠳᠡᠭᠡ ᠳᠤ ᠪᠠᠭᠤᠴᠠ ᠮᠢᠨᠢ ᠪᠠᠶᠢᠳᠠᠭ | ᠬᠤᠮᠰᠠᠬᠠᠨ ᠴᠠᠳᠬᠤᠯᠠᠩ ᠮᠦᠴᠡ ᠨᠦᠭᠦᠳ ᠪᠠᠶᠢᠳᠠᠭ | ᠬᠤᠷᠠ ᠶᠢᠨ ᠡᠭᠦᠯᠡ ᠲᠠᠢ ᠨᠤᠳᠤᠭ ᠮᠢᠨᠢ ᠪᠠᠶᠢᠳᠠᠭ | ᠬᠤᠷᠸᠠ ᠳᠤ ᠮᠠᠷᠳᠠᠮᠠ ᠦᠭᠡᠢ ᠤᠯᠠᠷᠢᠯ ᠤᠳ ᠪᠠᠶᠢᠳᠠᠭ᠃ | ᠨᠠᠮᠤᠷ ᠤᠨ ᠵᠢᠪᠠᠷ ᠲᠤ ᠬᠠᠶᠢᠷᠠ ᠪᠠᠶᠢᠳᠠᠭ | ᠨᠠᠷᠠᠳᠦ ᠶᠢᠨ ᠰᠢᠷᠭᠠᠯ ᠡᠳᠦᠷ ᠤᠳ ᠪᠠᠶᠢᠳᠠᠭ | ᠨᠠᠪᠴᠢ ᠨᠢ ᠠᠯᠳᠠᠷᠠᠭᠰᠠᠨ ᠮᠤᠳᠤᠳ ᠪᠠᠶᠢᠳᠠᠭ | ᠨᠠᠮᠠ ᠶᠢ ᠬᠦᠯᠢᠶᠡᠭᠰᠡᠨ ᠪᠤᠯᠵᠤᠭᠠ ᠪᠠᠶᠢᠳᠠᠭ | ᠪᠤᠴᠠᠭᠠᠳ ᠬᠠᠷᠢᠳᠠᠭ ᠭᠠᠯᠠᠭᠤᠳ ᠪᠠᠶᠢᠳᠠᠭ | ᠪᠤᠳᠤᠭᠠᠳ ᠵᠡᠭᠦᠳᠦᠯᠡᠳᠡᠭ ᠨᠤᠳᠤᠭ ᠮᠢᠨᠢ ᠪᠠᠶᠢᠳᠠᠭ | ᠬᠦᠷᠦᠰᠢ ᠦᠭᠡᠢ ᠬᠤᠯᠠ ᠶᠢᠨ ᠮᠦᠷᠦᠭᠡᠳᠦᠯ ᠪᠠᠶᠢᠳᠠᠭ | ᠬᠦᠰᠡᠭᠡᠳ ᠢᠷᠡᠳᠡᠭ ᠦᠭᠡᠢ ᠴᠢ ᠮᠢᠨᠢ ᠪᠠᠶᠢᠳᠠᠭ᠃ | ᠡᠪᠦᠯ ᠤᠨ ᠵᠢᠪᠠᠷ ᠲᠤ ᠬᠠᠶᠢᠷᠠ ᠪᠠᠶᠢᠳᠠᠭ | ᠦᠯᠢ ᠶᠢᠨ ᠲᠠᠪᠠᠭᠠᠨ ᠤ ᠬᠦᠢᠳᠡᠨ ᠪᠠᠶᠢᠳᠠᠭ | ᠦᠰᠦᠭᠰᠡᠨ ᠨᠤᠳᠤᠭ ᠤᠨ ᠮᠠᠩᠬᠠ ᠨᠤᠭᠤᠳ ᠪᠠᠶᠢᠳᠠᠭ | ᠦᠯᠡᠳᠡᠭᠡᠳ ᠬᠤᠴᠤᠷᠤᠭᠰᠠᠨ ᠪᠠᠭᠠ ᠨᠠᠰᠦ ᠮᠢᠨᠢ ᠪᠠᠶᠢᠳᠠᠭ | ᠡᠴᠢᠭᠡ ᠶᠢᠨ ᠬᠠᠯᠠ ᠲᠠᠢ ᠵᠠᠷᠯᠢᠭ ᠪᠠᠶᠢᠳᠠᠭ | ᠡᠵᠢ ᠶᠢᠨ ᠶᠠᠷᠢᠳᠠᠭ ᠦᠯᠢᠭᠡᠷ ᠤᠳ ᠪᠠᠶᠢᠳᠠᠭ | ᠠᠷᠭᠠᠯ ᠤᠨ ᠴᠡᠩᠬᠡᠷ ᠤᠳᠤᠭᠠ ᠪᠠᠶᠢᠳᠠᠭ | ᠠᠵᠠ ᠵᠢᠷᠭᠠᠯ ᠤᠨ ᠬᠤᠪᠤᠩ ᠪᠠᠶᠢᠳᠠᠭ᠃ | ᠬᠠᠶ᠋ᠢᠭ᠄ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠰᠢᠨᠡᠰᠦ᠋ᠮᠡ ᠰᠤᠷᠭᠠᠭᠤᠯᠢ（翁牛特旗 新苏莫学校 | ）白音同拉嘎（13947633492） | | | |