| — ᠤ · ᠮᠦᠡᠭᠭᠡ | ᠬᠢᠵᠠᠭᠠᠷ ᠦᠭᠡᠢ ᠠᠭᠤᠳᠠᠮ ᠬᠤᠯᠠ ᠳᠤ ᠪᠢ ᠠᠯᠬᠤᠯᠠᠵᠤ ᠬᠦᠷᠦᠨᠡ | ᠬᠠᠶᠢᠷᠠᠳᠠᠢ ᠪᠦᠬᠦᠨ ᠲᠡᠨᠳᠡ | ᠬᠠᠨᠢ ᠶᠢᠨ ᠮᠢᠨᠢ ᠵᠢᠰᠦ ᠰᠢᠭ᠋ ᠢᠨᠢᠶᠠᠮᠰᠦᠭᠯᠡᠵᠦ ᠪᠠᠶᠢᠬᠤ ᠶᠢ ᠮᠡᠳᠡᠷᠡᠨᠡ | ᠡᠳᠦᠷ ᠰᠦᠨᠢ ᠭᠡᠵᠦ ᠬᠤᠪᠢᠶᠠᠷᠢ ᠠᠪᠳᠠᠭ ᠦᠭᠡᠢ | ᠡᠩᠬᠦᠷᠠᠢ ᠴᠠᠭ ᠮᠦᠴᠡ ᠤᠳ ᠨᠠᠮᠠ ᠶᠢ ᠲᠤᠰᠴᠤ ᠠᠪᠤᠨᠠ | ᠡᠷᠭᠡ ᠴᠢᠯᠦᠭᠡ ᠪᠤᠯ ᠬᠦᠨ ᠴᠡᠩᠬᠡᠷ ᠤᠭᠳᠠᠷᠭᠤᠢ ᠭᠡᠬᠦ | ᠡᠷᠡᠯᠭᠡᠭ ᠲᠤᠭᠰᠢᠨ ᠪᠦᠷᠭᠦᠳ ᠶᠢᠨ ᠰᠢᠳᠢᠳᠤ ᠵᠢᠭᠦᠷ ᠢ ᠢᠳᠡᠭᠡᠨᠡ ᠡ | ᠨᠠᠮ ᠬᠦᠮ ᠤᠨ ᠬᠢᠨᠢ ᠲᠤᠮᠳᠠ ᠪᠢ ᠰᠢᠩᠭᠡᠵᠦ ᠬᠤᠯᠠᠳᠠᠨᠠ | ᠨᠠᠷᠠᠳᠤ ᠳᠤ ᠶᠠᠪᠤᠵᠤ ᠢᠷᠡᠭᠰᠡᠨ ᠮᠦᠷ ᠢᠶᠠᠨ ᠡᠷᠬᠢᠨ ᠬᠠᠷᠠᠭᠠᠳ | ᠨᠠᠰᠤ ᠶᠢ ᠡᠯᠡᠭᠡᠭᠰᠡᠨ ᠨᠡᠷᠡ ᠪᠠᠨ ᠲᠤᠪ ᠲᠤᠳᠤᠬᠠᠨ ᠤᠯᠵᠤ ᠲᠠᠨᠢᠨᠠ | ᠨᠠᠮᠤᠷ ᠤᠨ ᠦᠩᠭᠡ ᠪᠠᠷ ᠲᠠᠬᠢᠨ ᠤᠷᠭᠤᠵᠤ ᠡᠭᠢᠯᠡᠭᠰᠡᠨ ᠢᠶᠠᠨ | ᠨᠠᠪᠴᠢᠰ ᠨᠢ ᠬᠤᠪᠬᠠᠶᠢᠷᠠᠬᠤ ᠦᠭᠡᠢ ᠤᠶᠠᠩᠭᠠᠳᠤ ᠮᠤᠳᠤᠨ ᠳᠤ ᠬᠤᠪᠢᠯᠤᠨ | ᠨᠠᠢᠮᠠᠨ ᠵᠦᠭ ᠤᠨ ᠬᠦᠮᠦᠰ ᠲᠤ ᠴᠠᠯ ᠨᠤᠭᠤᠭᠠᠷᠠᠵᠤ ᠬᠠᠷᠠᠭᠳᠠᠨᠠ | | ᠬᠢᠵᠠᠭᠠᠷ ᠦᠭᠡᠢ ᠬᠦᠨ ᠴᠡᠩᠬᠡᠷ ᠲᠤ ᠪᠢ ᠨᠢᠰᠴᠦ ᠬᠦᠷᠦᠨᠡ | ᠬᠠᠷᠠᠩᠭᠤᠢ ᠪᠤᠯᠭᠠᠨ ᠢ ᠲᠡᠨᠳᠡ | ᠤᠳᠤᠳᠤᠨ ᠬᠠᠷᠠᠴᠠ ᠭᠡᠷᠡᠯᠳᠦᠭᠦᠯᠵᠦ ᠪᠠᠶᠢᠳᠠᠭ ᠢ ᠦᠨᠡᠮᠰᠢᠨᠡ | ᠪᠤᠷᠤᠭᠠ ᠴᠠᠰᠤ ᠬᠤᠶᠠᠷ ᠤᠯᠠᠷᠢᠵᠤ ᠬᠤᠪᠢᠷᠠᠳᠠᠭ ᠤᠨ ᠲᠤᠬᠠᠢ | ᠪᠤᠷᠤᠭᠤ ᠵᠦᠪ ᠬᠤᠶᠠᠷ ᠢᠬᠢᠷᠡ ᠤᠷᠤᠰᠢᠳᠠᠭ ᠤᠨ ᠲᠤᠬᠠᠢ | ᠪᠤᠷᠬᠠᠨ ᠲᠡᠭᠷᠢ ᠠᠴᠠ ᠪᠢ ᠮᠦᠷᠭᠦᠨ ᠪᠠᠶᠢᠵᠤ ᠠᠰᠠᠭᠤᠨᠠ | ᠡᠪ ᠨᠠᠶᠢᠷᠠᠮᠳᠠᠭᠤ ᠪᠤᠯ ᠲᠤᠨᠳᠠᠷᠠᠰᠢ ᠦᠭᠡᠢ ᠮᠦᠩᠭᠡ ᠶᠢᠨ ᠤᠰᠤᠨ ᠭᠡᠳᠡᠭ ᠢ | ᠡᠩᠬᠦᠷᠡᠶᠢᠯᠡᠵᠦ ᠭᠡᠷᠡᠯᠳᠦᠬᠦ ᠮᠡᠯᠮᠡᠢ ᠠᠴᠠ ᠨᠢ ᠤᠬᠠᠭᠠᠷᠠᠨ ᠮᠡᠳᠡᠵᠦ ᠠᠪᠤᠨᠠ ᠡ | ᠬᠦᠨ ᠴᠡᠩᠬᠡᠷ ᠢᠶᠠᠷ ᠨᠢ ᠲᠤᠪ ᠲᠤᠩᠭᠠᠯᠠᠭ ᠦᠵᠡᠯ ᠪᠤᠳᠤᠯ ᠢᠶᠠᠨ ᠨᠠᠶᠢᠷᠠᠨᠠ | ᠬᠦᠨᠵᠡᠭᠡᠢ ᠮᠦᠷᠳᠡᠭᠡᠨ ᠢᠷᠠᠭᠤ ᠡᠭᠡᠰᠢᠭᠳᠦ ᠰᠢᠯᠦᠭ ᠤᠨ ᠰᠠᠨᠠᠭᠠ ᠤᠷᠭᠤᠭᠤᠯᠤᠨᠠ | ᠭᠡᠭᠡᠨ ᠵᠦᠭ ᠲᠤ᠂ ᠵᠦᠪᠬᠡᠨ ᠭᠡᠭᠡᠨ ᠵᠦᠭ ᠲᠤ ᠯᠡ | ᠭᠡᠨ ᠪᠦᠬᠦᠨ ᠢ ᠲᠠᠯᠠᠯᠠᠬᠤ ᠢᠷᠠᠭᠤ ᠨᠠᠶᠢᠷᠠᠭ ᠪᠤᠯᠵᠤ ᠴᠡᠩᠭᠡᠷᠯᠡᠨ | ᠬᠡᠵᠢᠶᠡ ᠡᠭᠦᠷᠢᠳᠡ ᠦᠷᠭᠦᠯᠵᠢᠯᠡᠬᠦ ᠶᠢᠨ ᠨᠢᠭᠤᠴᠠᠰ ᠪᠤᠯᠵᠤ ᠵᠠᠳᠠᠷᠠᠨᠠ | ᠬᠢᠵᠠᠭᠠᠷ ᠲᠠᠢ ᠠᠮᠢ ᠨᠠᠰᠤ ᠪᠠᠨ | ᠤᠶᠠᠩᠭᠠ ᠨᠠᠶᠢᠷᠠᠭ ᠢᠶᠠᠷ ᠤᠷᠳᠤᠳᠬᠠᠬᠤ ᠭᠡᠵᠦ | ᠬᠢᠵᠠᠭᠠᠷ ᠦᠭᠡᠢ ᠬᠤᠯᠠ ᠶᠢᠨ ᠴᠡᠩᠬᠡᠷ ᠪᠠᠭᠤᠴᠠ ᠲᠡᠶᠢᠰᠢ ᠪᠠᠷᠳᠠᠮᠬᠠᠨ ᠲᠠᠪᠬᠢᠨᠠ | ᠲᠦᠷᠦᠭᠡᠨ ᠲᠡᠭᠡᠷᠡ ᠡᠵᠢ ᠮᠢᠨᠢ ᠰᠦ ᠲᠤᠰᠤᠭᠠᠵᠤ ᠦᠭᠭᠦᠭᠰᠡᠨ | ᠲᠦᠷᠦᠯᠬᠢ ᠬᠡᠯᠡ ᠮᠢᠨᠢ ᠨᠠᠳᠠ ᠳᠤ ᠤᠨᠤᠭᠠ ᠤᠯᠭᠤᠵᠦ ᠦᠭᠭᠦᠭᠰᠡᠨ | ᠰᠠᠯᠬᠢ ᠡᠰᠭᠡᠬᠦ ᠴᠢᠯᠠᠭᠤᠳ ᠠᠴᠠ ᠪᠢᠯᠢᠭ ᠬᠤᠷᠴᠠᠯᠠᠬᠤ ᠶᠢ ᠰᠤᠷᠤᠭᠰᠠᠨ | ᠰᠠᠨᠰᠠᠷ ᠲᠤ ᠨᠡᠭᠦᠭᠦ ᠭᠠᠯᠠᠭᠤᠳ ᠠᠴᠠ ᠲᠡᠰᠪᠦᠷᠢ ᠬᠠᠳᠠᠭᠤᠵᠢᠬᠤ ᠶᠢ ᠰᠤᠷᠤᠭᠰᠠᠨ ᠡ | ᠠᠭᠤᠯᠠ ᠠᠭᠤᠯᠠ ᠶᠢᠨ ᠬᠦᠬᠡᠮᠳᠡᠭ ᠲᠤ ᠰᠢᠯᠦᠭ ᠢᠶᠠᠨ ᠤᠨᠢᠶᠠᠷᠳᠠᠭᠤᠯᠵᠤ ᠶᠠᠪᠤᠨᠠ | ᠤᠰᠤ ᠤᠰᠤᠨ ᠤ ᠲᠤᠩᠭᠠᠯᠠᠭ ᠲᠤ ᠰᠡᠳᠬᠢᠯ ᠢᠶᠠᠨ ᠠᠷᠢᠭᠤᠰᠬᠠᠵᠤ ᠶᠠᠪᠤᠨᠠ᠂᠂᠂᠂ | ᠬᠤᠯᠠ ᠶᠠᠪᠤᠨᠠ ᠳ᠋ᠠ ᠪᠢ᠂ ᠬᠤᠯᠠ ᠶᠠᠪᠤᠨᠠ | ᠬᠤᠪᠳᠤᠯ ᠵᠢᠷᠦᠬᠡ ᠶᠢ ᠮᠢᠨᠢ ᠭᠡᠷᠡᠯᠳᠦᠬᠦᠯᠬᠦ ᠭᠡᠭᠡᠨ ᠪᠠᠭᠤᠴᠠ ᠳᠤ ᠬᠦᠷᠦᠨᠡ | ᠬᠤᠷᠸᠠ ᠶᠢᠷᠳᠢᠨᠴᠦ ᠶᠢᠨ ᠬᠠᠷᠠᠩᠭᠤᠢ ᠶᠢ ᠰᠢᠯᠦᠭ ᠢᠶᠠᠷ ᠵᠢᠷᠤᠵᠤ ᠠᠰᠠᠭᠠᠭᠠᠳ | ᠬᠦᠭᠡᠷᠦᠬᠦᠢ ᠡᠵᠢ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠡᠷᠭᠡᠯᠡᠬᠦ ᠪᠠᠷ ᠪᠤᠴᠠᠨᠠ | ᠬᠠᠶ᠋ᠢᠭ᠄ ᠪᠠᠭᠠᠷᠢᠨ ᠵᠡᠬᠦᠨ ᠬᠤᠰᠢᠭᠤ᠂ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ | ᠲᠤᠪᠴᠢᠶᠠ | | | | | | | | | |