| —ᠪᠣᠷᠬᠠᠨ ᠪᠣᠯᠤᠭᠰᠠᠨ ᠠᠪᠤ ᠶᠢᠨ ᠢᠶᠠᠨ ᠭᠡᠭᠡᠨ ᠰᠦᠨᠡᠰᠦᠨ ᠳᠤ ᠳᠠᠭᠠᠳᠬᠠᠪᠠ | ᠪᠠ᠊᠂ ᠣᠳᠽᠡᠷ | ᠬᠤᠷᠸᠠ ᠶᠢᠷᠳᠢᠨᠴᠦ ᠶᠢᠨ ᠵᠠᠢ ᠳᠤ | ᠬᠤᠶᠢᠴᠢ ᠦᠶᠡ ᠪᠠᠨ ᠵᠠᠯᠭᠠᠮᠵᠢᠯᠠᠬᠤ ᠶᠢᠨ ᠲᠦᠯᠦᠭᠡ | ᠪᠣᠭᠤᠷᠤᠯ ᠠᠪᠤ ᠡᠵᠢ ᠲᠠᠢ ᠪᠠᠨ | ᠪᠣᠷᠬᠠᠨ ᠲᠡᠭᠷᠢ ᠳᠤ ᠵᠠᠯᠪᠠᠷᠢᠵᠤ ᠳᠠᠭᠠᠳᠬᠠᠭᠰᠠᠨ ᠶᠤᠮ ᠡ︕ | ᠪᠣᠭᠤᠷᠤᠯ ᠠᠪᠤ ᠶᠢᠨ ᠲᠦᠷᠦᠭᠰᠡᠨ ᠨᠤᠲᠤᠭ | ᠪᠠᠭᠠᠲᠤᠷ ᠭᠠᠳᠠ ᠮᠠᠶᠢᠷᠠᠨ ᠤ ᠮᠢᠨᠢ ᠦᠯᠦᠭᠡᠢ | ᠪᠣᠭᠤᠷᠤᠯ ᠡᠵᠢ ᠶᠢᠨ ᠮᠢᠨᠢ ᠡᠩᠭᠦᠷᠡᠢ ᠬᠠᠶᠢᠷᠠ | ᠪᠣᠮᠪᠠ ᠶᠢᠨ ᠣᠷᠤᠨ ᠬᠤᠷᠴᠢᠨ ᠳᠤ ᠰᠢᠩᠭᠡᠭᠡᠭᠰᠡᠨ ᠶᠤᠮ ᠡ︕ | ᠨᠠᠷᠠ ᠲᠠᠢ ᠰᠠᠷᠠ ᠲᠠᠢ ᠬᠤᠷᠸᠠ ᠶᠢᠷᠳᠢᠨᠴᠦ ᠳᠤ | ᠨᠠᠰᠤ ᠪᠠᠷ ᠢᠶᠠᠨ ᠲᠡᠮᠡᠴᠡᠵᠦ ᠢᠷᠡᠭᠰᠡᠨ ᠠᠪᠤ ᠮᠢᠨᠢ | ᠨᠠᠷᠢᠨ ᠭᠡᠳᠡᠰᠦ ᠪᠠᠨ ᠳᠦᠭᠦᠷᠭᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠠᠮᠢᠳᠤᠷᠠᠯ ᠳᠤ | ᠨᠠᠮᠠᠶᠢ ᠪᠠᠨ ᠬᠦᠮᠦᠨ ᠪᠣᠯᠭᠠᠶᠠ ᠭᠡᠵᠦ ᠵᠢᠳᠭᠦᠭᠰᠡᠨ ᠠᠪᠤ ᠮᠢᠨᠢ | ᠰᠢᠨᠡ ᠠᠶᠢᠯ ᠤᠨ ᠢᠶᠠᠨ ᠨᠤᠲᠤᠭ ᠤᠰᠤᠨ ᠳᠤ ᠪᠠᠨ | ᠰᠢᠯᠢᠳᠡᠭ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠢ ᠭᠠᠷᠭᠠᠵᠤ ᠶᠠᠪᠤᠭᠰᠠᠨ ᠶᠤᠮ | ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠᠬᠢ ᠬᠤᠷᠰᠢᠶᠠᠴᠢᠯᠠᠯᠲᠠ ᠳᠤ | ᠤᠭᠰᠠᠭᠠ ᠦᠨᠳᠦᠰᠦᠲᠡᠨ ᠳᠡᠭᠡᠨ ᠨᠡᠮᠡᠷᠢ ᠬᠠᠨᠳᠢᠪ ᠢ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠶᠤᠮ ᠃ | ᠨᠠᠮ ᠤᠨ ᠰᠤᠷᠭᠠᠯ ᠠᠯᠲᠠ ᠠᠴᠠ ᠦᠨᠡ ᠦᠷᠡᠳᠡᠭ ᠲᠠᠢ ᠭᠡᠵᠦ | ᠨᠠᠰᠤ ᠪᠠᠷ ᠢᠶᠠᠨ ᠪᠢᠳᠡᠨ ᠢ ᠬᠦᠮᠦᠵᠢᠭᠦᠯᠵᠦ ᠬᠦᠮᠦᠨ ᠪᠣᠯᠭᠠᠯᠠ᠂ | ᠨᠡᠶᠢᠭᠡᠮ ᠵᠢᠷᠦᠮ ᠤᠨ ᠰᠠᠷᠠᠭᠤᠯ ᠳᠠᠷᠳ᠋ᠭᠭ᠌ ᠵᠠᠮ ᠢᠶᠠᠷ | ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠬᠦᠳᠡᠯᠮᠦᠷᠢ ᠬᠦᠴᠦ ᠪᠠᠨ ᠭᠠᠷᠭᠠᠵᠤ ᠶᠠᠪᠤᠭᠰᠠᠨ᠃ | ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠮᠡᠷᠡᠶᠢᠨ ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠭᠠᠷᠠᠢ ᠭᠡᠵᠦ | ᠦᠷᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠵᠤ ᠶᠠᠪᠤᠭᠰᠠᠨ᠂ | ᠡᠬᠡ ᠣᠷᠤᠨ ᠳᠠᠭᠠᠨ ᠬᠡᠷᠡᠭᠴᠡᠭᠡ ᠲᠠᠢ ᠬᠦᠮᠦᠨ ᠪᠣᠯᠤᠭᠠᠷᠠᠢ ᠭᠡᠵᠦ | ᠡᠯᠢᠭᠡ ᠵᠢᠷᠦᠬᠡᠨ ᠤ ᠦᠭᠡ ᠪᠠᠷ ᠢᠶᠠᠨ ᠬᠦᠮᠦᠵᠢᠭᠦᠯᠵᠦ ᠶᠠᠪᠤᠯᠠ᠃ | ᠠᠪᠤ ᠶᠢᠨ ᠲᠣᠬᠠᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠤᠬᠤ ᠳᠤ | ᠦᠡᠭᠭᠡᠷᠡᠭᠰᠡᠨ ᠤ ᠤᠴᠢᠷ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠣᠳᠤᠭᠳᠠᠨᠠ᠂ | ᠠᠷᠠᠳ ᠤᠨ ᠠᠮᠠ ᠪᠠᠷ ᠶᠠᠷᠢᠳᠠᠭ ᠦᠯᠢᠭᠡᠷ ᠤᠳ ᠨᠢ | ᠠᠶᠢᠯ ᠣᠯᠠᠨ ᠤ ᠪᠠᠨ ᠬᠦᠨᠳᠦᠳᠭᠡᠯ ᠪᠢᠰᠢᠷᠡᠯ ᠢ ᠣᠯᠤᠭᠰᠠᠨ ᠨᠢ ᠪᠣᠳᠤᠭᠳᠠᠨᠠ᠃ | ᠬᠠᠬᠢᠷ ᠡᠪᠦᠯ ᠤᠨ ᠶᠢᠰᠤᠨ ᠤ ᠬᠦᠢᠲᠡᠨ ᠳᠤ ᠴᠤ | ᠬᠤᠶᠢᠰᠢ ᠤᠬᠤᠷᠢᠬᠤ ᠦᠭᠡᠢ ᠪᠠᠷ ᠠᠵᠢᠯᠯᠠᠳᠠᠭ ᠣᠪᠤᠷ ᠨᠢ | ᠬᠠᠮᠤᠭ ᠣᠯᠠᠨ ᠤ ᠪᠠᠨ ᠦᠢᠯᠡᠰ ᠤᠨ ᠲᠦᠯᠦᠭᠡ | ᠬᠠᠲᠠᠭᠤ ᠰᠢᠷᠭᠠᠭᠤ ᠬᠦᠳᠡᠯᠮᠦᠷᠢ ᠳᠤ ᠵᠢᠳᠭᠦᠵᠥ ᠶᠠᠪᠤᠯᠠ᠃ | ᠦᠨᠡᠨᠴᠢ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠵᠠᠩ ᠵᠠᠩᠰᠢᠯ ᠢᠶᠠᠷ ᠢᠶᠠᠨ | ᠦᠷᠭᠡᠨ ᠣᠯᠠᠨ ᠢᠶᠠᠨ ᠪᠠᠶᠠᠰᠬᠠᠵᠤ ᠶᠠᠪᠤᠭᠰᠠᠨ ᠴᠠᠭᠠᠪᠤᠷᠢ ᠬᠦᠮᠦᠨ | ᠢᠲᠡᠭᠡᠯ ᠵᠦᠭᠡᠯᠡᠨ ᠰᠠᠶᠢᠬᠠᠨ ᠰᠡᠳᠭᠢᠯ ᠢᠶᠠᠷ ᠢᠶᠠᠨ | ᠡᠶᠡ ᠨᠠᠶᠢᠷᠲᠠᠢ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠵᠢᠱᠢᠶᠡᠴᠢ ᠬᠦᠮᠦᠨ᠃ | ᠨᠢᠭᠡᠲᠦᠯ ᠤᠨ ᠭᠡᠰᠢᠭᠦᠨ ᠤ ᠡᠭᠦᠷᠭᠡ ᠶᠢ ᠬᠠᠷᠢᠴᠠᠭᠤᠭᠰᠠᠨ ᠴᠤ | ᠨᠢᠭᠡ ᠯᠠ ᠰᠡᠳᠭᠢᠯ ᠢᠶᠠᠷ ᠣᠯᠠᠨ ᠳᠠᠭᠠᠨ ᠵᠢᠳᠭᠦᠭᠰᠡᠨ ᠬᠦᠮᠦᠨ᠂ | ᠨᠡᠶᠢᠭᠡᠮ ᠵᠢᠷᠦᠮ ᠤᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠲᠦᠯᠦᠭᠡ | ᠨᠢᠭᠡ ᠨᠠᠰᠤ ᠪᠠᠨ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠤᠭᠰᠠᠨ ᠬᠦᠮᠦᠨ᠃ | ᠠᠪᠤ ᠶᠢᠨ ᠲᠣᠬᠠᠢ ᠤᠴᠢᠷ ᠶᠠᠪᠤᠳᠠᠯ ᠢ ᠨᠢ ᠪᠣᠳᠤᠭᠠᠳ ᠰᠠᠭᠤᠬᠤ ᠳᠤ | ᠠᠶᠠᠯᠭᠤ ᠰᠢᠯᠦᠭ ᠮᠢᠨᠢ ᠡᠷᠬᠡ ᠦᠭᠡᠢ ᠤᠨᠲᠤᠷᠤᠭᠠᠳ ᠪᠠᠶᠢᠳᠠᠭ᠂ | ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠪᠠᠭᠰᠢᠯᠠᠵᠤ ᠶᠠᠪᠤᠬᠤ ᠳᠤ | ᠠᠯᠤᠰ ᠤᠨ ᠬᠦᠰᠡᠯᠡᠩ ᠥᠭᠡᠳᠡ ᠲᠡᠮᠡᠦᠯᠡᠬᠦ ᠰᠡᠳᠭᠢᠯ ᠣᠷᠭᠢᠯᠤᠭᠠᠳ ᠪᠠᠶᠢᠳᠠᠭ᠃ | ᠡᠴᠢᠭᠡ ᠶᠢᠨ ᠲᠣᠬᠠᠢ ᠳᠤᠷᠠᠰᠤᠨ ᠮᠦᠷᠦᠭᠡᠳᠦᠬᠦ ᠳᠤ | ᠡᠨᠡ ᠪᠡᠶᠡ ᠶᠢᠨ ᠮᠢᠨᠢ ᠰᠢᠨᠳᠠᠰᠤ ᠴᠢᠩᠭᠠᠷᠠᠭᠠᠳ ᠪᠠᠶᠢᠳᠠᠭ᠂ | ᠡᠬᠡ ᠣᠷᠤᠨ ᠤ ᠪᠠᠨ ᠲᠦᠯᠦᠭᠡ ᠠᠯᠢᠪᠠ ᠪᠠᠨ ᠵᠣᠷᠢᠭᠤᠯᠬᠤ ᠳᠤ | ᠡᠷᠴᠢ ᠵᠣᠷᠢᠭ ᠮᠢᠨᠢ ᠬᠦᠪᠴᠢᠯᠡᠭᠳᠡᠭᠡᠳ ᠪᠠᠶᠢᠳᠠᠭ᠃ | ᠦᠲᠡᠯᠦᠭᠡᠳ ᠰᠠᠶᠢᠬᠠᠨ ᠵᠢᠷᠭᠠᠬᠤ ᠴᠠᠭ ᠦᠶᠡ ᠳᠤ ᠨᠢ | ᠦᠷᠬᠦᠯᠵᠢ ᠬᠠᠵᠠᠭᠤ ᠳᠤᠨᠢ ᠪᠠᠶᠢᠭᠰᠠᠨ ᠦᠭᠡᠢ ᠨᠢ ᠬᠠᠷᠠᠮᠰᠠᠯᠲᠠᠢ︕ | ᠡᠪᠡᠳᠴᠢᠨ ᠲᠠᠬᠤᠯ ᠳᠤ ᠨᠡᠷᠪᠡᠭᠳᠡᠭᠡᠳ ᠵᠣᠪᠠᠭ᠋ᠤ ᠦᠶᠡ ᠳᠤᠨᠢ | ᠡᠷᠭᠦᠵᠦ ᠰᠣᠪᠢᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠳᠡᠭᠡᠨ ᠭᠡᠮᠰᠢᠯᠲᠡᠢ︕ | ᠬᠤᠲᠠᠯᠠ ᠣᠯᠠᠨ ᠬᠦᠮᠦᠰ ᠤᠨ ᠢᠶᠠᠨ | ᠬᠠᠯᠠᠭᠤᠨ ᠰᠡᠳᠭᠢᠯ ᠢ ᠣᠯᠤᠭᠰᠠᠨ ᠪᠣᠶᠠᠨᠲᠠᠨ ᠶᠤᠮ ︕ | ᠬᠤᠨᠭ᠍ᠭᠤᠷ ᠦᠷᠡᠴᠦᠳ ᠪᠢᠳᠡ ᠵᠢᠷᠭᠤᠭᠤᠯᠠ ᠶᠢᠨ ᠢᠶᠠᠨ | ᠬᠠᠶᠢᠷᠠ ᠪᠠᠭ᠋ᠠᠷᠤᠯ ᠢ ᠲᠠᠲᠠᠭᠰᠠᠨ ᠪᠣᠷᠬᠠᠨ ᠶᠤᠮ ᠡ︕ | ᠪᠣᠷᠬᠠᠨ ᠪᠣᠯᠤᠭᠰᠠᠨ ᠪᠣᠭᠤᠷᠤᠯ ᠠᠪᠤ ᠮᠢᠨᠢ | ᠪᠣᠶᠠᠨᠲᠠᠢ ᠪᠣᠭᠤᠷᠤᠯᠴᠤᠳ ᠤᠨ ᠨᠢᠭᠡ ᠨᠢ ᠪᠣᠯᠬᠤ ᠪᠢᠯᠡ︕ | ᠮᠦᠩᠭᠡᠷᠡᠵᠦ ᠴᠢᠳᠠᠬᠤ ᠦᠭᠡᠢ ᠴᠤ ᠴᠢ ᠮᠢᠨᠢ | ᠮᠦᠩᠭᠡ ᠲᠡᠭᠷᠢ ᠶᠢᠨ ᠭᠡᠷᠡᠯᠲᠦ ᠣᠳᠤᠳ ᠤᠨ ᠨᠢᠭᠡ ᠨᠢ ᠪᠣᠯᠬᠤ ᠪᠢᠯᠡ︕ | | ᠳᠥᠡᠭᠯᠢᠶᠣᠣ ᠮᠣᠩᠭᠤᠯ ᠥᠨᠳᠥᠰᠥᠳᠡᠨ ᠤ | ᠲᠤᠮᠳᠠᠳᠥ ᠰᠤᠷᠭᠠᠭᠤᠯᠢ ᠶᠢᠨ | ᠮᠣᠩᠭᠤᠯ ᠬᠡᠯᠡᠨ ᠤ ᠵᠢᠭᠠᠨ | ᠰᠤᠷᠭᠠᠬᠤ ᠲᠤᠭᠤᠶᠢᠯᠠᠩ | 姓名 | ：敖斯尔 | 手机 | ：15750560906 | | | | | | | |