| ᠨᠠ᠊ · ᠵᠢᠷᠭᠠᠯ ︵ᠠᠷᠤ ᠬᠤᠷᠴᠢᠨ | ᠬᠤᠰᠢᠭᠤ 18548636731︶ | | ᠬᠠᠪᠤᠷ ᠤᠨ ᠴᠢᠮᠡᠭᠡ | ᠬᠠᠪᠤᠷ ᠤᠨ ᠵᠦᠭᠡᠯᠡᠨ ᠴᠠᠭᠠᠨ ᠴᠠᠰᠤ | ᠬᠠᠴᠠᠷ ᠢ ᠦᠨᠦᠰᠦᠨ ᠬᠠᠶᠢᠯᠬᠤ ᠳᠤ | ᠬᠠᠰᠢᠶᠠᠨ ᠳᠠᠬᠢ ᠬᠤᠷᠠᠭᠠ ᠢᠰᠢᠭᠡ | ᠬᠠᠷᠠᠨ ᠬᠠᠷᠠᠨ ᠳᠠᠭᠤ ᠪᠠᠨ ᠡᠷᠭᠦᠨᠡ | | | ᠬᠠᠯᠠᠭᠤᠨ ᠬᠡᠪᠲᠡᠷᠢ ᠠᠴᠠ ᠢᠯᠴᠢ ᠢᠯᠪᠢᠬᠦ ᠳᠤ | ᠬᠠᠮᠠᠷ ᠰᠡᠭᠰᠦᠷᠦᠭᠰᠡᠨ ᠲᠦᠯ ᠲᠤᠭᠯᠠᠯᠳᠤᠵᠤ | ᠬᠠᠭᠠᠪᠴᠢ ᠶᠢᠨ ᠴᠠᠭᠠᠨᠠ ᠠᠴᠠ ᠡᠪᠡᠰᠦ ᠦᠨᠦᠷᠯᠡᠨ | ᠬᠠᠩᠭᠢᠨᠠᠲᠠᠯᠠ ᠮᠠᠶᠢᠯᠠᠨ ᠠᠶᠢᠵᠠᠮ ᠤᠶᠠᠩᠭᠠᠷᠠᠨᠠ | | | ᠤᠭᠵᠢ ᠠᠳᠬᠤᠭᠰᠠᠨ ᠡᠵᠢ ᠶᠢᠨ ᠭᠠᠷ ᠠᠴᠠ | ᠤᠷᠢᠳᠤ ᠶᠢᠨ ᠴᠠᠭ ᠤᠨ ᠰᠦ ᠬᠠᠩᠬᠤᠯᠵᠤ | ᠦᠰᠦᠷᠦᠨ ᠪᠤᠵᠢᠭᠢᠨᠠᠬᠤ ᠬᠤᠷᠠᠭᠠ ᠢᠰᠢᠭᠡ | ᠤᠷᠤᠭᠤᠯ ᠳᠤᠯᠢᠶᠠᠨ ᠬᠤᠷᠮᠤᠢ ᠵᠢᠭᠤᠷᠠᠯᠳᠤᠨᠠ | | | ᠰᠢᠪᠡᠭᠡᠨ ᠨᠦᠮᠦᠷᠢ ᠡᠪᠡᠰᠦ ᠴᠢᠮᠬᠢᠯᠡᠬᠦ | ᠰᠢᠭᠢᠷᠡ ᠠᠯᠠᠭ ᠬᠠᠷᠠ ᠴᠢᠬᠢᠲᠦ ᠬᠤᠨᠢ | ᠰᠢᠮᠡᠯᠳᠦᠬᠦ ᠤᠭᠵᠢ ᠶᠢᠨ ᠴᠢᠮᠡᠭᠡ ᠶᠢ ᠴᠢᠩᠨᠠᠨ | ᠰᠢᠷᠢᠯᠳᠦᠭᠰᠡᠨ ᠨᠤᠤᠰᠤ ᠪᠠᠨ ᠪᠠᠶᠢᠨ ᠪᠠᠶᠢᠨ ᠰᠡᠭᠰᠦᠷᠦᠨᠡ | | | ᠲᠤᠶᠢᠭ ᠤᠨ ᠳᠠᠭᠤᠨ ᠢᠶᠠᠷ ᠰᠦᠷᠦᠭ ᠤᠶᠠᠷᠠᠵᠤ | ᠲᠠᠮᠢᠷ ᠰᠡᠯᠪᠢᠭᠰᠡᠨ ᠲᠦᠯ ᠨᠠᠷᠭᠢᠯᠳᠤᠵᠤ | ᠲᠠᠪᠠᠭ ᠠᠳᠬᠤᠭᠰᠠᠨ ᠬᠡᠤᠬᠡᠳ ᠶᠠᠭᠠᠷᠠᠵᠤ | ᠲᠠᠩᠬᠢᠯ ᠪᠦᠰᠡᠭᠦᠢ ᠰᠠᠨᠴᠢᠭ ᠢᠶᠠᠨ ᠢᠯᠪᠢᠨᠡ | | | ᠢᠰᠡᠭᠡᠢ ᠤᠭᠤᠲᠠ ᠡᠭᠦᠷᠦᠭᠰᠡᠨ ᠢᠳᠡᠷ ᠡᠷᠡ | ᠢᠰᠢᠭᠡ ᠬᠤᠷᠠᠭᠠ ᠶᠢ ᠡᠬᠡ ᠳᠤᠨᠢ ᠬᠦᠬᠦᠭᠦᠯᠵᠦ | ᠢᠨᠢᠶᠡᠳᠦ ᠲᠤᠳᠤᠷᠠᠭᠰᠠᠨ ᠬᠦᠷᠦᠰᠦᠯᠢᠭ ᠴᠢᠷᠠᠢ ᠨᠢ | ᠡᠰᠡᠷᠡᠭ ᠬᠠᠪᠤᠷ ᠤᠨ ᠴᠠᠰᠤ ᠶᠢ ᠱᠠᠭᠰᠢᠨᠠ | | | ᠤᠭᠤᠷᠠᠭ ᠪᠤᠴᠠᠯᠭᠠᠬᠤ ᠡᠮᠡᠭᠡ ᠶᠢᠨ ᠮᠠᠩᠨᠠᠢ ᠳᠤ | ᠤᠷᠲᠤ ᠡᠪᠦᠯ ᠤᠨ ᠵᠦᠳᠡᠷᠡᠭᠡ ᠨᠢ ᠠᠶᠠᠷᠯᠠᠵᠤ | ᠦᠷᠦᠮᠡ ᠵᠤᠵᠠᠭᠠᠷᠠᠬᠤ ᠲᠤᠭᠤᠭᠠ ᠪᠠᠨ ᠬᠠᠷᠠᠵᠤ | ᠦᠨᠢᠷ ᠰᠦᠷᠦᠭ ᠤᠨ ᠬᠡᠰᠢᠭ ᠳᠠᠯᠠᠯᠤᠨᠠ | | | ᠰᠦᠷᠦᠭ ᠢᠶᠠᠨ ᠬᠠᠷᠠᠭᠰᠠᠨ ᠪᠤᠭᠤᠷᠤᠯ ᠡᠪᠦᠭᠡ | ᠰᠠᠬᠠᠯ ᠢᠮᠡᠷᠦᠨ ᠴᠠᠭ ᠠᠭᠠᠷ ᠢ ᠰᠢᠨᠵᠢᠵᠤ | ᠰᠡᠭᠦᠯ ᠭᠤᠶᠠᠳᠠᠬᠤ ᠤᠨᠠᠭᠠ ᠰᠠᠷᠪᠠ ᠶᠢ ᠪᠠᠭ᠋ᠠᠷᠬᠠᠨ | ᠰᠦᠮᠡᠶᠢᠨ ᠰᠡᠬᠦᠶᠢᠬᠦ ᠠᠰᠬᠠ ᠬᠠᠶᠢᠷᠠᠬᠠᠨ ᠳᠤ ᠨᠠᠮᠠᠨᠴᠢᠯᠠᠨᠠ | | | ᠬᠦᠳᠡᠭᠡ ᠠᠶᠢᠯ ᠤᠨ ᠪᠠᠭᠤᠴᠠ ᠨᠡᠭᠦᠳᠡᠯ ᠳᠤ | ᠬᠦᠬᠡᠷᠡᠬᠦ ᠬᠠᠪᠤᠷ ᠤᠨ ᠴᠢᠮᠡᠭᠡ ᠠᠶᠢᠰᠤᠢ | ᠬᠦᠯᠦᠭ ᠴᠤᠪᠬᠤᠴᠠᠬᠤ ᠲᠦᠯᠵᠢᠬᠦ ᠤᠯᠠᠷᠢᠯ | ᠬᠦᠬᠦᠬᠡ ᠶᠢᠨ ᠳᠠᠭᠤ ᠲᠠᠢ ᠠᠶᠢᠯᠴᠢᠯᠠᠨᠠ | | | ᠬᠠᠭᠳᠠ ᠶᠢᠨ ᠨᠤᠭᠤᠭᠠ ᠰᠡᠷᠪᠡᠶᠢᠬᠦ ᠳᠤ | ᠬᠠᠯᠠᠭᠤᠨ ᠠᠮᠢᠰᠬᠤᠯ ᠨᠤᠲᠤᠭ ᠢ ᠢᠯᠪᠢᠨᠡ | ᠬᠠᠷᠠᠭᠠᠨ ᠤ ᠡᠮᠦᠨᠡ ᠰᠦᠷᠦᠭ ᠨᠠᠯᠠᠶᠢᠭᠠᠳ | ᠬᠠᠪᠤᠷ ᠤᠨ ᠳᠠᠭᠤᠤ ᠰᠣᠨᠣᠷ ᠢ ᠪᠠᠶᠠᠰᠬᠠᠨᠠ᠃ | | | ᠢᠴᠡᠭᠰᠡᠳ ᠭᠰᠡᠳ ᠬᠦᠳᠡᠯᠬᠦ | ᠴᠠᠰᠤ ᠤᠶᠠᠷᠠᠨ ᠴᠢᠭᠢᠭ ᠨᠢ ᠰᠡᠩᠭᠢᠨᠡᠭᠡᠳ ᠬᠦᠷᠦᠰᠦ ᠨᠢ ᠵᠦᠭᠡᠯᠡᠨ | ᠴᠠᠭ ᠠᠭᠠᠷ ᠤᠶᠠᠬᠠᠨ ᠢᠯᠪᠢᠭᠡᠳ ᠨᠠᠷᠠ ᠨᠢ ᠢᠯᠴᠢ ᠳᠤᠯᠠᠭᠠᠬᠠᠨ | ᠴᠢᠮᠡᠭᠡ ᠠᠨᠢᠷ ᠨᠢ ᠬᠦᠭᠵᠢᠮ ᠰᠢᠭ ᠠᠶᠢᠵᠠᠮᠯᠠᠵᠤ ᠲᠠᠭᠠᠲᠠᠢ ᠡᠶᠡᠯᠰᠡᠭ | ᠴᠡᠴᠡᠭᠯᠡᠬᠦ ᠬᠠᠪᠤᠷ ᠨᠤᠲᠤᠭ ᠲᠤ ᠮᠢᠨᠢ ᠬᠤᠷᠭᠤᠲᠠᠨ ᠠᠶᠠᠲᠠᠢ ᠡᠶᠡᠷᠡᠭᠦᠨ | | | ᠨᠢᠳᠤᠨᠤᠨ ᠨᠠᠮᠤᠷ ᠢᠴᠡᠭᠡᠯᠡᠵᠦ ᠬᠤᠨᠤᠭᠯᠠᠭᠰᠠᠨ ᠪᠤᠮᠠᠨ ᠠᠮᠢᠲᠠᠨ | ᠨᠠᠷᠠ ᠰᠠᠷᠠᠨ ᠤ ᠤᠷᠴᠢᠯ ᠵᠢᠮᠡ ᠪᠠᠷ ᠡᠰᠡᠨ ᠮᠡᠨᠳᠦ ᠴᠠᠭ ᠲᠤᠭᠠᠯᠠᠵᠤ | ᠨᠠᠭᠠᠲᠦ ᠶᠢᠷᠲᠢᠨᠴᠦ ᠶᠢᠨ ᠦᠢᠮᠡᠭᠡᠨ ᠲᠡᠪᠵᠢᠶᠡᠨ ᠠᠯᠢ ᠪᠦᠬᠦᠨ ᠢ | ᠨᠤᠶᠢᠷ ᠠᠴᠠ ᠰᠡᠷᠢᠭᠰᠡᠨ ᠮᠡᠲᠦ ᠠᠵᠢᠭ ᠴᠦ ᠦᠭᠡᠢ ᠬᠤᠷᠸᠠ ᠰᠤᠨᠢᠷᠬᠠᠨᠠ | | | ᠤᠳᠠ ᠤᠯᠢᠶᠠᠰᠤ ᠤᠰᠤ ᠭᠦᠶᠦᠭᠡᠳ ᠨᠠᠮᠠᠭᠠ ᠰᠠᠯᠠᠭᠠ ᠦᠶᠦᠭᠯᠢᠭ | ᠠᠭᠤᠯᠠ ᠶᠢᠨ ᠪᠡᠯᠴᠢᠭᠡᠷ ᠦᠵᠢᠯ ᠪᠤᠲᠠ ᠡᠭᠡᠯᠵᠢᠯᠡᠬᠦ ᠤᠯᠠᠷᠢᠯ ᠢ ᠲᠠᠭᠤᠵᠤ | ᠠᠳᠤᠭᠤ ᠦᠬᠡᠷ ᠬᠦᠴᠦ ᠰᠡᠯᠪᠢᠨ ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠮᠦᠰᠭᠢᠵᠦ | ᠠᠭᠢ ᠦᠨᠦᠷᠯᠡᠨ ᠨᠤᠭᠤᠭᠠ ᠴᠢᠮᠬᠢᠯᠡᠬᠦ ᠰᠠᠶᠢᠬᠠᠨ ᠴᠠᠭ ᠢ ᠴᠢᠩᠨᠠᠨᠠ | | | ᠡᠷᠭᠢᠯᠲᠡ ᠪᠠᠷ ᠢᠷᠡᠬᠦ ᠬᠤᠷᠢᠨ ᠳᠦᠷᠪᠡᠨ ᠤᠯᠠᠷᠢᠯ ᠵᠢᠷᠦᠮ ᠢᠶᠠᠷ ᠴᠦᠷᠬᠦᠯᠡᠵᠦ | ᠡᠰᠡᠨ ᠮᠡᠨᠳᠦ ᠶᠢᠨ ᠪᠡᠯᠭᠡᠲᠦ ᠴᠠᠭ ᠬᠤᠷᠠ ᠰᠢᠮᠡᠳᠬᠦ ᠲᠡᠵᠢᠭᠡᠯ ᠢᠪᠡᠭᠡᠵᠦ | ᠡᠩ ᠳᠡᠯᠡᠬᠡᠢ ᠡᠩᠬᠡᠵᠢ ᠠᠮᠢᠯᠠᠬᠤ ᠲᠡᠷᠡ ᠴᠠᠭ ᠰᠦᠷᠦᠭ ᠪᠠᠶᠠᠰᠤᠨ ᠲᠤᠭᠯᠠᠵᠤ | ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠲᠠᠪᠠᠲᠠᠢ ᠰᠠᠭᠤᠬᠤ ᠡᠷᠡ ᠡᠷᠭᠢᠨ ᠬᠠᠷᠠᠵᠤ ᠰᠠᠷᠠᠪᠴᠢᠯᠠᠨᠠ᠃ | | | |