ᠡᠵᠢ ᠲᠠᠢ ᠪᠠᠶᠢᠭᠰᠠᠨ ᠴᠠᠭᠠᠨ ᠰᠠᠷᠠ | ᠨᠠᠶᠠᠭᠠᠳ ᠤᠨ ᠤ ᠡᠬᠢᠨ ᠤ ᠲᠡᠷᠡ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠮᠢᠨᠤ ᠬᠡᠤᠬᠡᠳ ᠨᠠᠰᠤᠨ ᠤ ᠮᠢᠨᠢ᠂ ᠮᠦᠨ | ᠴᠦ᠂ ᠮᠢᠨᠤ ᠨᠢᠬᠡ ᠨᠠᠰᠤᠨ ᠤ ᠬᠠᠮᠤᠭ ᠤᠨ ᠵᠢᠷᠭᠠᠯ ᠲᠠᠢ᠂ ᠬᠠᠮᠤᠭ ᠤᠨ ᠬᠠᠷᠠᠮᠰᠠᠯ ᠲᠠᠢ ᠴᠠᠭᠠᠨ ᠰᠠᠷᠠ ᠭᠡᠵᠦ | ᠬᠡᠯᠡᠵᠦ ᠪᠤᠯᠤᠨᠠ᠃ ᠲᠡᠷᠡ ᠦᠶᠡ ᠳᠤ ᠬᠡᠳᠦᠶᠢᠪᠡᠷ ᠶᠡᠷᠳᠢᠨᠴᠦ ᠶᠢᠨ ᠡᠷᠢᠶᠡᠨ ᠪᠠᠷᠢᠶᠠᠨ ᠢ ᠲᠡᠶᠢᠮᠦᠷᠬᠦ ᠲᠤᠳᠤᠷᠬᠠᠢ | ᠮᠡᠳᠡᠭᠡ ᠦᠭᠡᠢ ᠭᠡᠳᠡᠭ ᠪᠤᠯᠪᠠᠴᠤ ᠡᠵᠢ ᠶᠢᠨ ᠮᠢᠨᠢ ᠬᠡᠯᠡᠭᠰᠡᠨ ᠨᠢᠭᠡᠯᠡ ᠦᠭᠡ ᠨᠠᠳᠠᠳᠤ ᠲᠤᠪ ᠲᠤᠳᠤᠷᠠᠬᠠᠢ | ᠴᠡᠭᠡᠵᠢᠯᠡᠭᠳᠡᠭᠰᠡᠭᠡᠷ ᠪᠠᠶᠢᠨᠠ ᠃ ᠤᠳᠤ ᠪᠤᠳᠤᠭᠰᠠᠭᠠᠷ ᠨᠢᠯᠪᠤᠰᠤ ᠤᠨᠠᠮᠠᠷ ᠶᠤᠮ᠂᠂᠂ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠢᠴᠢᠭ ᠲᠡᠭᠡᠷᠡ ᠠᠴᠠ ︽ ᠡᠯᠢᠬᠡ ᠪᠦᠳᠦᠨ ᠨᠢ ᠬᠠᠮᠤᠭ ᠤᠨ ᠶᠡᠭᠡ ᠵᠢᠷᠭᠠᠯ ᠲᠠᠢ | ᠬᠡᠤᠬᠡᠳ︾ ᠭᠡᠳᠡᠭ ᠠᠴᠠ ᠰᠡᠳᠦᠪ ᠵᠠᠯᠭᠠᠵᠤ ᠂ ᠪᠢ ᠡᠵᠢ ᠠᠴᠠ ᠪᠠᠨ ︽ᠪᠢ ᠵᠢᠷᠭᠠᠯ ᠲᠠᠢ ᠬᠡᠤᠬᠡᠳ ᠤᠤ︖ | ᠡᠯᠢᠭᠡ ᠪᠦᠳᠦᠨ ᠭᠡᠳᠡᠭ ᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠶᠤᠮ ᠪᠤᠢ︖︾ ᠭᠡᠬᠦ ᠳᠤ ᠡᠵᠢ ᠂ ᠮᠢᠨᠤ ᠬᠠᠴᠠᠷ ᠲᠡᠭᠡᠷᠡ | ᠲᠠᠪᠳᠠᠶᠢᠬᠠᠨ ᠨᠢᠭᠡ ᠦᠨᠦᠰᠦᠭᠡᠳ ︽ᠲᠠ ᠪᠤᠯ ᠶᠡᠷᠳᠢᠨᠴᠦ ᠲᠡᠭᠡᠷᠡᠬᠢ ᠬᠠᠮᠤᠭ ᠤᠨ ᠵᠢᠷᠭᠠᠯ ᠲᠠᠢ ᠬᠡᠤᠬᠡᠳ᠂ ᠡᠯᠢᠭᠡ | ᠪᠦᠳᠦᠨ ᠭᠡᠳᠡᠭ ᠨᠢ ᠡᠵᠢ ᠲᠠᠢ ᠠᠪᠤ ᠲᠠᠢ ᠲᠠᠨ ᠰᠢᠭ ᠬᠡᠤᠭᠡᠳ ᠢ ᠬᠡᠯᠡᠵᠦ ᠪᠠᠶᠢᠨᠠ᠂ ᠢᠩᠭᠢᠬᠦ ᠳᠡᠭᠡᠨ ᠲᠠ | ᠵᠢᠷᠭᠠᠯᠳᠠᠢ ᠬᠡᠤᠬᠡᠳ︾ ᠭᠡᠵᠦ ᠬᠠᠷᠢᠭᠤᠯᠤᠭᠰᠠᠨ ᠪᠢᠯᠡ᠃ ᠲᠡᠷᠡ ᠨᠢᠭᠡ ᠦᠨᠦᠰᠦᠯᠳᠡ ᠪᠠ ᠬᠠᠷᠢᠭᠤᠯᠳᠠ ᠨᠢ ᠨᠠᠳᠠᠳᠤ | ᠡᠳᠦᠢ ᠪᠤᠯᠳᠠᠯᠠ ᠬᠠᠳᠠᠩᠰᠢᠭᠰᠠᠭᠠᠷ᠂ ᠡᠮᠵᠢᠭᠯᠡᠭᠰᠡᠭᠡᠷ ᠂ ᠬᠠᠷᠠᠮᠰᠠᠭᠰᠠᠭᠠᠷ᠂᠂᠂᠂ ᠠᠢ᠂᠂᠂ ᠬᠡᠤᠬᠡᠳ ᠨᠠᠰᠤ ᠭᠡᠵᠦ | ᠡᠶᠢᠮᠦ ᠯᠡ ᠳ᠋ᠠ᠂᠂᠂ ᠢᠯᠡᠭᠦᠤ ᠲᠤᠳᠠᠭᠤ ᠶᠠᠭᠤᠮᠠ ᠪᠤᠳᠤᠳᠠᠭ ᠦᠭᠡᠢ ᠳᠠᠩᠴᠢ ᠴᠠᠶᠢᠯᠭᠠᠨ ᠪᠠᠶᠢᠵᠡᠢ᠃ | ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠬᠦᠪᠡᠭᠡ ᠪᠠᠷ ᠢᠶᠠᠨ ᠬᠦᠬᠡᠷᠡᠭᠰᠡᠨ ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠦᠩᠭᠡᠷᠡᠵᠦ ᠂ | ᠭᠠᠯ ᠤᠨ ᠪᠤᠳᠠᠭᠠ ᠠᠶᠢᠯ ᠪᠤᠯᠭᠠᠨ ᠳᠤ ᠲᠦᠭᠡᠭᠡᠭᠳᠡᠭᠰᠡᠨ ᠤ ᠰᠡᠭᠦᠯᠡᠷ᠂ ᠫᠤᠤᠵᠢᠶᠠᠩ ᠤᠨ ᠲᠠᠭᠤᠨ ᠮᠠᠨ ᠤ ᠨᠤᠳᠤᠭ | ᠢᠶᠠᠷ ᠬᠠᠶᠠ ᠴᠠᠶᠠ ︿ᠲᠦᠩ ᠲᠠᠩ﹀ ᠲᠤᠤᠭᠠᠷᠬᠤ ᠰᠤᠨᠤᠰᠳᠠᠬᠤ ᠪᠤᠯᠵᠡᠢ᠃ ᠲᠡᠷᠡᠬᠦ ᠲᠠᠭᠤᠨ ᠨᠢ ᠬᠡᠳᠦᠶᠢᠪᠡᠷ | ᠨᠦᠰᠡᠷ ᠭᠡᠳᠡᠭ ᠪᠤᠯᠪᠠᠴᠤ ᠬᠡᠤᠭᠡᠳ ᠨᠠᠰᠤᠨ ᠳᠠᠭᠠᠨ ᠪᠠᠶᠢᠭᠠ ᠮᠢᠨᠤ ᠰᠡᠳᠬᠢᠯ ᠵᠢᠷᠦᠭᠡ ᠶᠢ ᠪᠦᠷᠢᠮᠰᠦᠨ ᠡᠵᠡᠮᠳᠡᠵᠦ᠂ | ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠠᠨᠵᠤᠨ ᠠᠴᠠ ᠪᠠᠨ ᠰᠢᠪᠳᠤᠷᠤᠨ ᠪᠠᠭᠤᠵᠤ᠂ ᠠᠪᠤ ᠶᠢᠨ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ | ᠲᠤᠭᠠᠳᠠᠢ ᠬᠡᠳᠦᠨ ᠫᠤᠤᠵᠢᠶᠠᠩ ᠢᠶᠠᠨ ᠬᠠᠷᠮᠠᠯᠠᠵᠤ᠂ ᠠᠶᠢᠯ ᠤᠨ ᠬᠡᠤᠬᠡᠳ ᠤᠨ ᠡᠩᠨᠡᠭᠡᠨ ᠳᠤ ᠭᠡᠰᠢᠭᠦᠨ ᠪᠤᠯᠬᠤ | ᠪᠠᠷ ᠭᠦᠶᠦᠳᠡᠭ ᠪᠠᠶᠢᠭᠰᠠᠨ᠃ ᠡᠵᠢ ᠶᠢᠨ ᠪᠡᠶᠡ ᠲᠡᠷᠡ ᠦᠶᠡ ᠳᠤ ᠶᠠᠮᠠᠷᠬᠠᠨ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠲᠠᠭ | ᠬᠠᠮᠢᠶᠠᠷᠠᠳᠠᠭ ᠦᠭᠡᠢ ᠭᠡᠳᠡᠭ ᠨᠢ ᠦᠨᠡᠨ ᠦᠭᠡ ᠪᠢᠯᠡ᠃ ᠨᠠᠭᠠᠳᠤᠮ ᠳᠤ ᠰᠢᠨᠤᠭᠰᠠᠨ ᠲᠡᠷᠰᠡᠯᠭᠦᠤ ᠴᠠᠭ ᠭᠡᠵᠦ ᠲᠡᠷᠡ | ᠯᠡ ᠳ᠋ᠠ᠂ ᠮᠠᠨ ᠤ ᠨᠠᠭᠠᠳᠤᠮ ᠶᠡᠷᠦᠩᠬᠡᠢ ᠳᠡᠭᠡᠨ ᠠᠪᠤ ᠡᠵᠢ ᠶᠢᠨ ᠫᠠᠷᠭᠢᠯ ᠲᠠᠭᠤᠨ ᠂ ᠠᠪᠠᠭᠠ ᠠᠨᠢᠶᠠ ᠶᠢᠨ | ᠱᠤᠪᠰᠢᠷᠭᠠ ᠰᠢᠳᠠᠮ ᠪᠤᠶᠤ ᠬᠡᠷᠡᠭᠦᠯ ᠵᠢᠭᠤᠷᠭᠠᠨ ᠤ ᠡᠴᠦᠰ ᠤᠨ ᠲᠡᠮᠡᠴᠡᠭᠡᠨ ᠢᠶᠠᠷ ᠦᠨᠳᠦᠷᠯᠡᠵᠦ᠂ ᠲᠤᠯᠤᠭᠠᠢ | ᠨᠢᠭᠤᠷ ᠲᠡᠭᠡᠨ ᠪᠦᠭᠡᠮ ᠰᠢᠷᠬᠠ ᠲᠠᠢ ᠪᠤᠴᠠᠳᠠᠭ ᠪᠤᠯᠪᠠᠴᠤ ᠡᠵᠢ ᠮᠢᠨᠢ ᠶᠡᠷᠦᠨᠢ ᠠᠰᠠᠭᠤᠳᠠᠭ ᠴᠦ ᠦᠭᠡᠢ ᠮᠦᠷᠳᠡᠭᠡᠨ | ᠬᠠᠶᠠ ᠵᠠᠷᠢᠮ ᠪᠦᠳᠦᠭᠦᠨ ᠵᠠᠭᠠᠯᠳᠤᠯᠭᠠ ᠲᠠᠢ ᠬᠦᠷᠬᠦ ᠳᠤ ᠯᠡ ︽ᠡᠷᠡ ᠬᠦᠮᠦᠨ ᠠᠭᠤᠵᠢᠭᠤ ᠪᠠᠢ᠂ ᠡᠷᠡ ᠬᠦᠮᠦᠨ | ᠢᠩᠭᠢᠳᠡᠭ ᠦᠭᠡᠢ ᠶᠤᠮ︾ ᠬᠡᠬᠦ ᠵᠡᠷᠭᠡ ᠪᠠᠷ ᠬᠠᠮᠰᠢᠷᠠᠭᠰᠠᠨ ᠪᠦᠮᠪᠦᠭᠡ ᠳᠤ ᠬᠡᠢ ᠴᠤᠬᠢᠭᠰᠠᠨ ᠰᠢᠭ ᠲᠤᠮᠤ ᠭᠡᠩᠬᠡᠷ | ᠡᠷᠡ ᠪᠤᠯᠭᠠᠴᠢᠬᠠᠭᠠᠳ ᠦᠨᠳᠦᠷ ᠮᠠᠯᠠᠭᠠᠢ ᠵᠡᠭᠦᠯᠭᠡᠨ᠂ ᠮᠤᠳᠤᠨ ᠮᠤᠷᠢ ᠲᠠᠢ ᠪᠦᠭᠰᠡ ᠶᠢ ᠮᠢᠨᠢ ᠠᠯᠭᠠᠳᠠᠭᠤᠯᠤᠭᠠᠳ | ᠪᠠᠶᠠᠷᠳᠠᠢ ᠪᠤᠴᠠᠭᠠᠳᠠᠭ ᠪᠢᠯᠡ ᠃ | ᠮᠠᠨ ᠤ ᠠᠶᠢᠯ ᠭᠡᠵᠦ ᠦᠨᠳᠦᠷ ᠰᠦᠷᠯᠢᠭ ᠢᠮᠠᠭᠠᠳᠤ ᠶᠢᠨ ᠠᠭᠤᠯᠠᠨ ᠡᠩᠭᠡᠷ ᠲᠠᠬᠢ ᠳ᠋ᠠᠷᠴᠠᠭᠳᠤ ᠲᠠᠯᠠᠩ ᠤᠨ | ᠡᠩᠭᠡᠷ ᠢᠶᠠᠷ ᠰᠠᠭᠤᠷᠢᠰᠢᠨ ᠰᠠᠭᠤᠵᠤ᠂ ᠬᠤᠷᠢᠭᠠᠳᠬᠠᠨ ᠡᠷᠦᠬᠡ ᠪᠤᠯᠪᠠᠴᠤ ᠲᠤᠳᠤᠷᠠ ᠵᠠᠭᠤᠷᠠ ᠪᠠᠨ ᠶᠡᠭᠡ ᠡᠶᠡ ᠡᠪ | ᠲᠠᠢ ᠪᠠᠶᠢᠵᠤ᠂ ᠤᠨᠴᠤᠭᠤᠶᠢᠯᠠᠨ ᠡᠵᠢ ᠶᠢ ᠡᠪᠡᠳᠴᠢᠯᠡᠭᠰᠡᠨ ᠤ ᠰᠡᠭᠦᠯᠡᠷ ᠠᠶᠢᠯ ᠰᠠᠬᠠᠯᠳᠠ ᠪᠠᠷ ᠢᠶᠠᠨ ᠶᠡᠭᠡ ᠪᠠᠭᠠ | ᠠᠵᠢᠯ ᠳᠤ ᠢ ᠮᠢᠨᠢ ᠬᠠᠪᠰᠤᠷᠤᠯᠴᠠᠨ ᠬᠢᠳᠡᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠡᠮᠦᠨᠠ ᠠᠶᠢᠯ ᠤᠨ ᠨᠤᠷᠪᠤ ᠠᠨᠢᠶᠠ ᠭᠡᠵᠦ | ᠲᠤᠶᠢᠯ ᠤᠨ ᠰᠡᠳᠬᠢᠯ ᠴᠠᠶᠢᠯᠭᠠᠨ᠂ ᠡᠵᠢ ᠠᠴᠠ ᠮᠢᠨᠢ ᠦᠯᠢᠭᠡᠷ ᠰᠤᠨᠤᠰᠬᠤ ᠲᠤᠷᠠᠳᠠᠢ ᠂ ᠡᠵᠢ ᠶᠢᠨ ᠲᠤᠬᠠᠢ | ᠶᠠᠷᠢᠭᠰᠠᠭᠠᠷ ᠯᠡ ᠮᠡᠯᠮᠡᠷᠡᠴᠢᠬᠡᠳᠡᠭ ᠬᠦᠭᠰᠢᠨ ᠪᠢᠯᠡ᠃ ᠬᠡᠳᠦᠶᠢᠪᠡᠷ ᠮᠠᠨ ᠤ ᠬᠢ ᠠᠴᠠ ᠨᠠᠯᠢᠶᠡᠳ ᠵᠠᠢ ᠲᠠᠢ ᠭᠡᠳᠡᠭ | ᠪᠤᠯᠪᠠᠴᠤ ᠰᠡᠯᠡᠭᠦᠤ ᠭᠠᠷᠤᠭᠰᠠᠭᠠᠷ ᠯᠡ ᠮᠠᠨ ᠬᠢᠨ ᠳᠤ ᠢᠷᠡᠵᠦ ᠡᠨᠡ ᠲᠡᠷᠡ ᠶᠢ ᠮᠢᠨᠢ ᠲᠤᠬᠤᠨᠢᠭᠤᠯᠵᠤ᠂᠂ | ᠵᠦᠭᠰᠢᠷᠡᠭᠦᠯᠵᠦ ᠪᠠᠷᠠᠴᠢᠬᠠᠭᠠᠳ᠂ ᠡᠵᠢ ᠲᠠᠢ ᠮᠢᠨᠢ ᠵᠤᠭᠤᠭᠳᠠᠵᠤ ᠰᠠᠭᠤᠳᠠᠭ ᠪᠢᠯᠡ᠃ | ᠲᠡᠷᠡ ᠵᠢᠯ ᠤᠨ ᠪᠢᠳᠢᠭᠦᠨ ᠤ ᠡᠳᠦᠷ ᠢ ᠪᠢ ᠶᠡᠷᠦ ᠮᠠᠷᠳᠠᠬᠤ ᠦᠭᠡᠢ ᠂ ᠠᠪᠤ ᠮᠢᠨᠢ ᠬᠤᠨᠢᠨ ᠤ | ᠡᠭᠡᠯᠵᠢ ᠳᠤ ᠮᠤᠷᠳᠠᠵᠤ ᠂ ᠪᠢ ᠠᠪᠤ ᠶᠢᠨ ᠬᠠᠳᠠᠭᠤ ᠵᠠᠬᠢᠶᠠ ᠳᠤ ᠬᠤᠷᠭᠤᠭᠠᠭᠳᠠᠵᠤ ᠠᠶᠢᠯ ᠬᠡᠰᠦᠭᠡ ᠦᠭᠡᠢ᠂ | ᠬᠠᠨᠵᠤᠨ ᠲᠡᠭᠡᠷᠡ ᠪᠠᠨ ᠡᠭᠡᠴᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠴᠦᠢᠳᠡᠩ ᠬᠠᠷᠪᠤᠵᠤ ᠨᠠᠭᠠᠳᠴᠦ ᠰᠠᠭᠤᠯᠠ᠃ ᠦᠳᠡ | ᠪᠤᠯᠬᠤ ᠶᠢᠨ ᠠᠯᠳᠠ ᠪᠠᠷ ᠦᠬᠡᠷ ᠲᠤ ᠶᠠᠪᠤᠭᠰᠠᠨ ᠡᠭᠡᠴᠢ ᠮᠢᠨᠢ ᠬᠠᠷᠢᠵᠤ ᠢᠷᠡᠵᠦ᠂ ᠪᠢᠳᠡᠭᠦᠨ ᠤ ᠭᠠᠯ ᠲᠠᠭᠠᠨ | ᠶᠠᠭᠠᠷᠠᠯᠠ᠃ ᠡᠵᠢ ᠮᠢᠨᠢ ᠴᠦ ᠠᠭᠠᠵᠢᠮᠬᠠᠨ ᠪᠤᠰᠴᠤ᠂ ᠬᠠᠶᠠᠭᠠ ᠲᠦᠰᠢᠨ ᠭᠠᠳᠠᠨᠠ ᠭᠡᠷ ᠲᠤ ᠭᠠᠷᠤᠯᠠ᠃ | ︽ᠡᠵᠢ ᠡ᠂ ᠲᠠ ᠪᠠᠶᠢᠴᠢᠬᠠ᠂ ᠪᠢ ᠡᠪᠯᠡᠭᠦᠯᠴᠢᠬᠡᠨᠡ᠂᠂᠂ ᠲᠡᠨᠡᠭ ᠡ᠂ ᠡᠵᠢ ᠳᠤ ᠰᠠᠨᠳᠠᠯᠢ ᠠᠪᠴᠢᠷᠠᠵᠤ ᠦᠭ | ︾ ᠭᠡᠰᠡᠨ ᠡᠭᠡᠴᠢ ᠶᠢᠨ ᠵᠠᠬᠢᠷᠤᠩᠭᠤᠢ ᠲᠠᠭᠤᠨ ᠳᠤ ᠪᠢ ᠬᠠᠨᠵᠤᠨ ᠠᠴᠠ ᠪᠠᠨ ᠭᠤᠤᠰ ᠦᠰᠦᠷᠦᠨ ᠪᠠᠭᠤᠵᠤ | ᠰᠠᠨᠳᠠᠯᠢ ᠲᠡᠪᠡᠷᠢᠨ ᠭᠦᠶᠦᠨ ᠭᠠᠷᠬᠤ ᠳᠤ ᠡᠵᠢ ᠮᠢᠨᠢ ᠬᠠᠶᠠᠭᠠ ᠲᠦᠰᠢᠨ ᠵᠤᠭᠰᠤᠵᠤ᠂ ᠡᠪᠦᠳᠦᠭ ᠢᠶᠠᠷ ᠢᠶᠠᠨ | ᠰᠠᠯᠭᠠᠨᠠᠨ ᠴᠡᠴᠡᠷᠬᠢᠯᠡᠵᠦ᠂ ᠬᠤᠶᠡᠷ ᠲᠡᠰᠢ ᠭᠤᠶᠢᠪᠠᠵᠤ᠂ ᠮᠠᠩᠨᠠᠢ ᠠᠴᠠ ᠨᠢ ᠬᠦᠯᠦᠰᠦ ᠴᠢᠭᠢᠭᠯᠡᠨ ᠭᠢᠯᠳᠠᠭᠠᠨᠠᠨ | ᠬᠠᠷᠠᠭᠳᠠᠵᠤ ᠪᠠᠶᠢᠯᠠ᠃ ᠪᠢ ᠡᠵᠢ ᠶᠢ ᠲᠦᠰᠢᠨ ᠰᠠᠨᠳᠠᠯᠢ ᠲᠡᠭᠡᠷᠡ ᠰᠠᠭᠤᠯᠭᠠᠪᠠ᠃ ᠡᠵᠢ᠂ ᠡᠭᠡᠴᠢ ᠳᠤ ︽ᠡᠨᠡ ᠢ | ᠨᠢ ᠢᠩᠭᠢᠵᠦ ᠬᠢ᠂᠂᠂᠂ ᠲᠠᠷᠡ ᠢ ᠨᠢ ᠤᠷᠢᠳᠠᠪᠡᠷ ᠴᠢᠨᠠ᠂᠂᠂︾ ᠭᠡᠳ ᠨᠢᠭᠡᠳ ᠨᠢᠭᠡ ᠪᠠᠷ ᠵᠢᠭᠠᠵᠤ ᠦᠭᠴᠦ | ᠪᠠᠶᠢᠯᠠ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠭᠠᠯ ᠲᠤᠭᠤᠭᠠ ᠵᠡᠷᠭᠡ ᠳᠡᠭᠡᠨ ᠬᠦᠭᠵᠢᠵᠦ᠂ ᠬᠤᠨᠢᠨ ᠮᠢᠬᠠᠨ ᠤ ᠰᠤᠷᠭᠤᠭ | ᠦᠨᠦᠷ ᠬᠠᠮᠠᠷ ᠴᠤᠷᠭᠢᠨ ᠰᠡᠩᠭᠢᠨᠡᠨ ᠬᠤᠪᠳᠤᠭ ᠲᠦᠷᠦᠭᠰᠡᠨ ᠮᠢᠨᠤ ᠬᠤᠷᠤᠬᠠᠢ ᠶᠢ ᠬᠦᠳᠡᠯᠭᠡᠨ ᠶᠠᠭᠠᠷᠠᠭᠤᠯᠤᠨᠠ᠃ | ᠠᠪᠤ ᠬᠤᠨᠢᠨ ᠠᠴᠠ ᠪᠠᠨ ᠪᠤᠴᠠᠵᠤ᠂ ᠬᠦᠯᠢᠶᠡᠵᠦ ᠰᠠᠨᠳᠤᠷᠤᠭᠰᠠᠨ ᠪᠢᠳᠡᠭᠦᠨ ᠤ ᠬᠤᠭᠤᠯᠡ ᠫᠤᠤᠵᠢᠶᠠᠩ ᠤᠨ | ᠲᠤᠮᠳᠠ ᠨᠢᠵᠢᠭᠡᠷ ᠶᠡᠭᠡ ᠪᠠᠷ ᠡᠬᠢᠯᠡᠯᠡ᠃ ᠠᠪᠤ ᠡᠷᠭᠦᠯᠳᠡ ᠰᠠᠴᠤᠯᠳᠠ ᠪᠠᠨ ᠲᠠᠭᠤᠰᠬᠠᠵᠤ ᠤᠷᠤᠵᠤ ᠢᠷᠡᠭᠡᠳ ᠄ | ︽ᠵᠠ᠂ ᠦᠨᠦᠭᠡᠳᠦᠷ ᠤᠨ ᠪᠠᠩᠰᠢ ᠶᠢ ᠰᠠᠶᠢᠨ ᠢᠳᠡᠨᠡ ᠰᠢᠤ᠂ ᠪᠠᠩᠰᠢᠨ ᠲᠤᠳᠤᠷᠠ ᠶᠠᠭᠤᠮᠠ ᠪᠠᠶᠢᠨᠠ᠂ ᠬᠡᠨ | ᠨᠢ ᠤᠷᠢᠳᠠᠪᠠᠷ ᠤᠯᠪᠠᠯ ᠲᠡᠷᠠ ᠨᠢ ᠡᠨᠡ ᠵᠢᠯ ᠳᠡᠭᠡᠨ ᠰᠠᠶᠢᠨ ︾ ᠭᠡᠵᠦ ᠶᠡᠭᠡ ᠯᠡ ᠪᠠᠶᠠᠷᠳᠠᠢ ᠶᠠᠷᠢᠯᠠ᠃ | ᠡᠵᠢ᠄ ︽ᠬᠡᠤᠬᠡᠳ ᠤᠳ ᠢᠳᠡᠵᠦ ᠪᠠᠶᠢᠭᠠᠷᠠᠢ᠂ ᠪᠢ ᠴᠠᠳᠬᠤᠯᠠᠩ ᠪᠠᠶᠢᠨᠠ︾ ᠬᠡᠳ ᠬᠤᠶᠢᠰᠢ ᠤᠷᠤ | ᠲᠦᠰᠢᠨ ᠬᠠᠵᠠᠭᠤᠯᠤᠯᠠ᠃ ᠡᠵᠢ ᠶᠢᠨ ᠮᠢᠨᠢ ᠴᠠᠷᠠᠢ ᠶᠡᠭᠡ ᠯᠡ ᠬᠤᠵᠡᠶᠢᠨ ᠰᠢᠷᠠᠯᠠᠵᠠᠢ ᠃ ᠪᠢ ᠯᠡ ᠶᠠᠭᠤ ᠶᠢ ᠴᠦ | ᠬᠠᠮᠢᠶᠠᠷᠤᠯ ᠦᠭᠡᠢ ᠲᠤᠳᠤᠷᠠᠬᠢ ᠶᠠᠭᠤᠮᠠ ᠶᠢ ᠨᠢ ᠤᠯᠳᠠᠬᠤ ᠪᠠᠷ ᠬᠦᠴᠦᠯᠡᠨ ᠴᠠᠷᠮᠠᠶᠢᠵᠤ ᠢᠳᠡᠵᠦ ᠪᠠᠶᠢᠯᠠ᠃ | ᠠᠬᠠ ᠬᠦᠪᠦᠩ᠂᠂ ᠡᠭᠡᠴᠢ ᠤᠳᠠᠰᠤ ᠭᠡᠳ ᠨᠢᠭᠡᠳ ᠨᠢᠭᠡ ᠪᠠᠷ ᠪᠠᠩᠰᠢ ᠶᠢᠨ ᠲᠤᠳᠤᠷᠠᠬᠢ ᠶᠠᠭᠤᠮᠠ ᠨᠢ ᠲᠤᠳᠤᠷᠠᠵᠤ | ᠯᠡ ᠪᠠᠶᠢᠯᠠ᠃ ᠪᠢ ᠲᠦᠷᠦᠭᠦᠤ ᠡᠬᠢᠯᠡᠭᠡᠳ ᠰᠡᠭᠦᠯ ᠰᠢᠪᠳᠤᠷᠠᠳᠠᠯᠠ ᠶᠠᠭᠤ ᠴᠦ ᠤᠯᠤᠭᠠ ᠦᠭᠡᠢ᠂ ᠭᠤᠮᠤᠳᠠᠬᠤ | ᠳᠠᠭᠠᠨ ᠡᠵᠢ ᠤᠷᠤᠭᠤ ᠪᠠᠨ ᠴᠤᠷᠪᠤᠶᠢᠪᠠ᠃ ᠡᠵᠢ ᠮᠢᠨᠤ ᠲᠤᠯᠤᠭᠠᠢ ᠶᠢ ᠢᠯᠪᠢᠵᠤ ︽ᠮᠢᠨᠤ ᠬᠦᠤ ᠰᠠᠶᠢᠨ ᠢᠳᠡ | ᠪᠠᠰᠠ ᠪᠠᠶᠢᠨᠠ︾ ᠭᠡᠵᠦ ᠶᠡᠭᠡ ᠡᠭᠡᠴᠢ ᠶᠢᠨ ᠵᠦᠭ ᠲᠤᠬᠢᠬᠤ ᠳᠤ ᠡᠭᠡᠴᠢ᠂ ᠲᠦᠮᠫᠦᠨ ᠳᠤᠳᠤᠷᠠ ᠬᠠᠭᠠᠰ ᠡᠳᠦᠷ | ᠡᠷᠢᠵᠦ ᠪᠠᠶᠢᠭᠠᠳ ᠨᠢᠭᠡ ᠪᠠᠩᠰᠢ ᠶᠢ ᠮᠢᠨᠤ ᠠᠶᠠᠭᠠᠨ ᠳᠤ ᠬᠢᠬᠡᠳ ︽ᠮᠢᠨᠤ ᠲᠡᠭᠦᠤ ᠡᠨᠡ ᠪᠠᠩᠰᠢ ᠶᠢ ᠢᠳᠡᠵᠦ ᠦᠵᠡ | ︾ ᠭᠡᠯᠡ᠃ ᠪᠢ ᠶᠠᠭᠠᠷᠠᠤᠬᠠᠨ ᠠᠪᠴᠤ ᠬᠠᠵᠠᠬᠤ ᠳᠤ ᠨᠢᠭᠡ ᠲᠡᠮᠦᠷ ᠵᠤᠭᠤᠰ ᠲᠠᠱ ᠬᠢᠳᠡᠯᠡ ᠬᠠᠵᠠᠭᠳᠠᠯᠠ᠃ | ᠢᠩᠭᠢᠬᠡᠳ ᠯᠡ ᠪᠢᠳᠡᠭᠦᠨ ᠤ ᠬᠤᠭᠤᠯᠠ ᠪᠠᠶᠠᠷ ᠬᠦᠷ ᠲᠠᠢ ᠲᠡᠭᠦᠰᠦᠯᠡ᠃ ᠰᠡᠭᠦᠯᠡᠷ ᠨᠢ᠂ ᠬᠦᠭᠡᠷᠤᠭᠦᠢ᠂ ᠪᠤᠳᠤᠵᠤ | ᠦᠵᠡᠬᠦᠯᠡᠷ ᠡᠵᠢ ᠠᠪᠤ ᠮᠢᠨᠢ ᠬᠡᠤᠬᠡᠳ ᠤᠳ ᠢᠶᠠᠨ ᠴᠠᠳᠬᠤ ᠦᠭᠡᠢ ᠠᠴᠠ ᠡᠮᠢᠶᠡᠭᠰᠡᠨ ᠪᠠᠶᠢᠵᠤ ᠮᠡᠳᠡᠨᠡ᠃ | ᠪᠢ ᠲᠡᠷᠡ ᠵᠢᠯ ᠠᠷᠪᠠᠨ ᠭᠤᠷᠪᠡ ᠪᠤᠯᠵᠤ ᠵᠢᠯ ᠵᠢᠷᠭᠢᠬᠦ ᠪᠤᠯᠬᠤᠷ ᠡᠵᠢ ᠮᠢᠨᠢ ᠨᠠᠳᠠᠳᠤ ᠤᠷᠢᠳᠦ ᠠᠶᠢᠯ ᠤᠨ | ᠨᠤᠷᠪᠤ ᠠᠨᠢᠶᠠ ᠪᠠᠷ ᠨᠤᠭᠤᠭᠠᠨ ᠬᠤᠸᠠᠷ ᠲᠠᠢ ᠰᠢᠨᠡ ᠤᠯᠠᠨᠳᠠᠢ᠂ ᠠᠳᠠᠯᠢᠬᠠᠨ ᠦᠩᠭᠡ ᠲᠠᠢ ᠬᠦᠪᠤᠩ ᠦᠮᠦᠳᠦ | ᠤᠶᠤᠭᠤᠯᠤᠭᠠᠳ ᠠᠯᠢ ᠡᠷᠳᠡ ᠪᠡᠯᠡᠳᠬᠡᠵᠤ ᠲᠠᠯᠪᠢᠭᠰᠠᠨ ᠪᠠᠶᠢᠵᠠᠢ ᠃ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠨᠠᠮᠠ ᠶᠢ ᠲᠠᠭᠤᠳᠠᠵᠤ | ᠂ ᠪᠦᠬᠦᠨ ᠢ ᠳᠡᠷᠢ ᠲᠡᠭᠰᠢ ᠡᠮᠦᠰᠬᠡᠴᠢᠬᠡᠭᠡᠳ ︽ᠮᠢᠨᠤ ᠬᠦᠤ ᠪᠤᠤ ᠯᠡ ᠭᠬᠢᠷ ᠪᠤᠯᠭᠠᠴᠢᠬᠠ᠂ ᠮᠠᠷᠭᠠᠰᠢ ᠰᠢᠨᠡ ᠵᠢᠯ | ᠢᠶᠠᠷ ᠠᠶᠢᠯ ᠳᠤ ᠵᠤᠴᠢᠯᠠᠨᠠ ᠰᠢᠤ︾ ᠭᠡᠵᠦ ᠠᠮᠢᠰᠬᠤᠭᠠᠳᠠᠨ ᠬᠡᠯᠡᠯᠡ᠃ | ᠲᠡᠷᠡ ᠤᠷᠤᠢ ᠮᠠᠨ ᠳᠤ ᠲᠤᠩ ᠤᠯᠠᠨ ᠠᠪᠠᠭᠠ ᠠᠨᠢᠶᠠ ᠨᠠᠷ ᠠᠶᠢᠯᠠᠴᠢᠯᠠᠬᠤ ᠪᠠᠷ ᠢᠷᠡᠵᠦ᠂ ᠤᠯᠠᠨ ᠬᠡᠤᠬᠡᠳ | ᠴᠤᠭᠯᠠᠷᠠᠵᠠᠢ᠃ ᠵᠢᠯ ᠪᠤᠯᠭᠠᠨ ᠤ ᠪᠢᠳᠡᠭᠦᠨ ᠳᠤ ᠮᠠᠨ ᠳᠤ ᠤᠯᠠᠨ ᠬᠦᠮᠦᠨ ᠴᠤᠭᠯᠠᠷᠠᠵᠤ ᠲᠠᠭᠤᠯᠠᠵᠤ ᠬᠦᠭᠡᠷᠦᠯᠳᠦᠳᠡᠭ | ᠪᠤᠯᠪᠠᠴᠤ ᠡᠨᠡ ᠵᠢᠯ ᠬᠠᠷᠢᠨ ᠠᠰᠳᠠᠭᠠᠨ᠃ ᠨᠠᠮ ᠨᠠᠮᠵᠢᠭᠤᠬᠠᠨ ᠴᠠᠢ ᠤᠤᠭᠤᠯᠴᠠᠨ ᠰᠠᠭᠤᠯᠴᠠᠵᠤ ᠶᠠᠷᠢᠶᠠ ᠵᠤᠭᠤᠭ | ᠲᠠᠯᠪᠢᠵᠤ ᠲᠠᠪᠳᠠᠶᠢᠬᠠᠨ ᠵᠤᠭᠤᠭᠳᠠᠵᠠᠭᠠᠨᠠ᠃ ᠭᠠᠭᠴᠠ ᠯᠡ ᠬᠦᠷᠢᠶᠡᠨ ᠳᠠᠬᠢ ᠬᠡᠤᠬᠡᠳ ᠤᠨ ᠲᠠᠭᠤᠨ᠂ ᠰᠦᠨᠢ | ᠲᠤᠮᠳᠠᠬᠢ ᠫᠤᠤᠵᠢᠶᠠᠩ ᠤᠨ ᠲᠠᠭᠤᠨ ᠲᠠᠢ ᠬᠦᠭ ᠨᠡᠶᠢᠯᠡᠨ ᠫᠠᠴᠢᠭᠢᠨᠠᠵᠤ ᠪᠠᠶᠢᠯᠠ᠃ | ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠨᠤᠶᠢᠷ ᠲᠠᠭᠠᠨ ᠯᠡ ᠬᠡᠴᠡᠭᠦᠤ ᠪᠢ ᠡᠷᠳᠡᠯᠡᠨ ᠪᠤᠰᠤᠭᠠᠳ ᠨᠠᠰᠤ ᠰᠠᠴᠠᠭᠤ ᠬᠡᠳᠦ ᠲᠠᠢ | ᠪᠠᠨ ᠠᠶᠢᠯ ᠬᠡᠰᠦᠵᠤ ᠵᠢᠯ ᠵᠢᠷᠭᠢᠭᠰᠡᠨ ᠢᠶᠠᠨ ᠠᠶᠢᠯ ᠲᠠᠷᠠᠭᠠᠯᠠᠨ ᠮᠡᠳᠡᠭᠦᠯᠦᠨ ᠲᠤᠭᠤᠷᠢᠵᠠᠢ᠃ ᠤᠷᠤᠢ ᠨᠠᠷᠠ ᠰᠢᠩᠭᠡᠬᠦ | ᠶᠢᠨ ᠠᠯᠳᠠ ᠪᠠᠷ ᠤᠯᠤᠭᠰᠠᠨ ᠶᠠᠭᠤᠮᠠ ᠪᠠᠨ ᠡᠵᠢ ᠳᠡᠭᠡᠨ ᠭᠠᠶᠢᠬᠠᠭᠤᠯᠤᠨ ᠭᠠᠪᠢᠶᠠᠷᠬᠠᠵᠤ᠂ ᠵᠤᠭᠤᠰ ᠮᠦᠩᠭᠦ᠂ | ᠠᠯᠢᠮᠠ ᠪᠤᠤᠪᠤ ᠭᠡᠳ ᠡᠵᠢ ᠪᠠᠷ ᠢᠶᠠᠨ ᠢᠯᠭᠠᠭᠤᠯᠵᠤ᠂ ᠲᠤᠭᠠᠯᠠᠭᠤᠯᠵᠤ᠂ ᠬᠡᠨ ᠨᠢ ᠶᠠᠭᠤ ᠦᠭᠭᠦᠭᠰᠡᠨ ᠂ ᠬᠡᠨ ᠨᠢ | ᠶᠠᠭᠤ ᠤᠯᠤᠭᠰᠠᠨ ᠭᠡᠳ ᠶᠠᠷᠢᠭᠠᠳ ᠪᠠᠷᠠᠳᠠᠭ ᠦᠭᠡᠢ ᠵᠤᠭᠤᠭ ᠢᠶᠠᠨ ᠡᠵᠢ ᠳᠡᠭᠡᠨ ᠶᠠᠷᠢᠵᠤ᠂ ᠡᠵᠢ ᠮᠢᠨᠢ ᠴᠦ | ᠬᠠᠯᠠᠰᠢᠷᠠᠯ ᠦᠭᠡᠢ ᠰᠤᠨᠤᠰᠳᠠᠭ ᠪᠠᠶᠢᠯᠠ᠃ | ᠲᠡᠷᠡ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ ᠰᠦᠨᠢ ᠭᠡᠵᠦ ᠶᠤᠰᠤᠳᠠᠢ ᠲᠡᠭᠷᠢ ᠭᠠᠵᠠᠷ ᠨᠡᠶᠢᠯᠮᠡᠷ | ᠲᠡᠰᠬᠢᠮᠡ ᠬᠦᠢᠳᠡᠨ ᠰᠦᠨᠢ ᠪᠠᠶᠢᠭᠰᠠᠨ ᠶᠤᠮ᠃ ᠪᠢ ᠬᠦᠢᠳᠡᠨ ᠠᠴᠠ ᠠᠶᠤᠵᠤ ᠠᠶᠢᠯ ᠬᠡᠰᠦᠵᠦ ᠴᠢᠳᠠᠭᠠ ᠦᠭᠡᠢ | ᠤᠷᠤ ᠲᠡᠭᠡᠷᠡ ᠪᠠᠨ ᠭᠠᠷᠤᠮᠠᠭᠴᠠ ᠨᠤᠶᠢᠷᠮᠤᠭᠯᠠᠪᠠ᠃ ᠭᠡᠨᠡᠳᠳᠡ᠄ | ︽ᠬᠦᠭᠰᠢᠨ ᠡ ᠬᠦᠭᠰᠢᠨ ᠡ︾ ᠬᠡᠬᠦ ᠰᠤᠴᠢᠮᠠᠭ ᠲᠠᠭᠤᠨ ᠠᠴᠠ ᠰᠤᠴᠢᠨ ᠰᠡᠷᠢᠵᠦ ᠭᠦᠶᠦᠨ ᠪᠤᠰᠬᠤ ᠳᠤ | ᠡᠵᠢ ᠮᠢᠨᠢ ᠤᠷᠤ ᠲᠦᠰᠢᠨ ᠰᠤᠯᠳᠠᠶᠢᠨ ᠤᠶᠢᠴᠢᠵᠦ᠂ ᠠᠪᠤ ᠭᠠᠷ ᠠᠴᠠ ᠨᠢ ᠳᠠᠳᠠᠨ ᠰᠡᠭᠰᠦᠷᠴᠦ ᠳᠠᠭᠤᠳᠠᠨ | ᠬᠠᠰᠬᠢᠷᠴᠦ ᠪᠠᠶᠢᠯᠠ᠃ ᠨᠤᠶᠢᠷᠮᠤᠭ ᠰᠤᠴᠢᠭᠰᠠᠨ ᠪᠢ ᠂ ᠤᠷᠤᠨ ᠠᠴᠠ ᠪᠠᠨ ᠬᠦᠳᠡᠯᠦᠯ ᠦᠭᠡᠢ ᠮᠡᠯᠡᠷᠡᠨ ᠵᠤᠭᠰᠤᠬᠤ | ᠳᠤ ︽ᠮᠢᠨᠤ ᠬᠦᠤ᠂ ᠬᠤᠷᠳᠤᠨ ᠶᠠᠪᠤ᠂ ᠠᠶᠢᠯ ᠤᠨ ᠨᠠᠭᠠᠴᠤ ᠪᠠᠨ ᠲᠠᠭᠤᠳᠠᠭᠠᠳ ᠢᠷᠡ︾ ᠭᠡᠵᠤ ᠪᠢᠴᠢᠮᠳᠠᠩᠭᠤᠢ | ᠬᠠᠰᠬᠢᠴᠠᠪᠠ᠃ ᠪᠢ ᠱᠠᠬᠠᠢ ᠴᠦ ᠡᠮᠦᠰᠦᠯ ᠦᠭᠡᠢ ᠲᠡᠪᠬᠢᠷᠡᠨ ᠭᠦᠶᠦᠵᠦ ᠨᠠᠭᠠᠴᠤ ᠠᠪᠤ ᠶᠢᠨ ᠡᠭᠦᠳᠡᠨ ᠳᠤ ᠬᠦᠷᠴᠦ | ︽ᠨᠠᠭᠠᠴᠤ ᠠᠪᠤ ᠡ ᠂ ᠨᠠᠭᠠᠴᠤ ᠠᠪᠤ ᠡ᠂ ᠡᠵᠢ᠂᠂᠂ ᠡᠵᠢ᠂᠂᠂︾ ᠭᠡᠵᠦ ᠬᠤᠶᠠᠷ ᠲᠠᠪᠳᠠᠨ ᠬᠠᠰᠬᠢᠷᠤᠭᠠᠳ ᠂ | ᠤᠯᠵᠤ ᠰᠤᠨᠤᠰᠤᠭᠰᠠᠨ ᠡᠰᠡᠬᠦ ᠦᠯᠦ ᠬᠠᠶᠢᠬᠤᠷᠤᠨ ᠭᠡᠷ ᠵᠦᠭ ᠢᠶᠠᠨ ᠪᠤᠴᠠᠨ ᠭᠦᠶᠦᠯᠡ᠃ ᠭᠡᠷ ᠲᠤ ᠤᠷᠤᠬᠤ ᠳᠤ | ᠡᠭᠡᠴᠢ ᠨᠠᠷ ᠤᠬᠢᠯᠠᠨ ᠪᠠᠬᠢᠷᠠᠯᠴᠠᠵᠤ᠂ ᠠᠪᠤ ᠶᠠᠮᠠᠷᠬᠠᠨ ᠪᠠᠶᠢᠳᠠᠯ ᠲᠠᠢ ᠪᠤᠯᠤᠭᠰᠠᠨ ᠢ ᠲᠦᠰᠦᠪᠯᠡᠭᠰᠡᠨ ᠮᠠᠶ᠋ᠢᠭᠳᠠᠢ ᠡᠵᠢ | ᠶᠢ ᠠᠶᠠᠷᠬᠠᠨ ᠤᠷᠤ ᠲᠦᠰᠢᠭᠦᠯᠦᠨ ᠬᠡᠪᠳᠡᠭᠦᠯᠪᠡ᠃ ᠡᠵᠢ ᠶᠢᠨ ᠴᠠᠷᠠᠢ ᠴᠢᠰᠤ ᠦᠭᠡᠢ ᠬᠤᠵᠠᠶᠢᠨ ᠴᠠᠶᠢᠷᠠᠵᠠᠢ᠃ | ᠲᠡᠮᠡᠢ ᠤᠳᠠᠯ ᠦᠭᠡᠢ᠂ ᠠᠶᠢᠯ ᠤᠨ ᠨᠠᠭᠠᠴᠤ᠂ ᠠᠶᠢᠯ ᠤᠨ ᠠᠪᠠᠭᠠ ᠨᠠᠷ ᠴᠤᠪᠤᠷᠠᠯᠳᠤᠨ ᠬᠦᠷᠴᠦ ᠢᠷᠡᠯᠡ᠃ | ᠠᠶᠢᠯ ᠤᠨ ᠠᠪᠠᠭᠠ ︽ᠬᠡᠤᠬᠡᠳ ᠤᠳ ᠢ ᠨᠦᠭᠦᠭᠡ ᠭᠡᠷ ᠠᠪᠤᠭᠠᠳ ᠤᠷᠤᠵᠤ ᠪᠠᠢ᠂᠂᠂ ᠵᠠ ᠵᠠ ᠶᠠᠪᠤᠵᠤ ᠪᠠᠢ︾ | ᠭᠡᠳ ᠨᠠᠮᠠ ᠶᠢ ᠨᠦᠭᠦᠭᠡ ᠭᠡᠷ ᠵᠦᠭ ᠲᠦᠯᠬᠢᠪᠡ᠃ ᠡᠨᠡ ᠭᠡᠷ ᠲᠤ ᠶᠠᠭᠤ ᠪᠤᠯᠵᠤ ᠦᠩᠭᠡᠷᠡᠭᠰᠡᠨ᠂ ᠤᠳᠤ ᠶᠠᠭᠤ | ᠪᠤᠯᠵᠤ ᠪᠠᠶᠢᠭᠠ ᠂ ᠶᠠᠭᠤ ᠪᠤᠯᠬᠤ ᠭᠡᠵᠤ ᠪᠠᠶᠢᠭᠠ ᠶᠢ ᠶᠡᠷᠦ ᠤᠶᠢᠯᠭᠠᠭᠰᠠᠨ ᠦᠭᠡᠢ ᠪᠢ ᠶᠠᠭᠤ ᠬᠠᠢ ᠦᠭᠡᠢ | ᠨᠦᠭᠦᠭᠡ ᠭᠡᠷ ᠲᠤ ᠲᠦᠯᠬᠢᠭᠳᠡᠨ ᠤᠷᠤᠵᠠᠢ᠃ ᠰᠦᠨᠢ ᠲᠤᠮᠳᠠ ᠶᠢᠨ ᠠᠯᠳᠠ ᠪᠠᠷ ᠨᠠᠭᠠᠴᠤ ᠡᠮᠡᠭᠡ ᠪᠠᠭᠠ ᠡᠭᠡᠴᠢ | ᠪᠢᠳᠡ ᠬᠤᠶᠠᠷ ᠢ ᠬᠦᠳᠦᠯᠵᠤ ᠭᠡᠷ ᠲᠡᠭᠡᠨ ᠠᠪᠠᠭᠠᠴᠢᠪᠠ᠃ ᠲᠡᠷᠡ ᠰᠦᠨᠢ ᠪᠢ ᠨᠢᠳᠦ ᠬᠠᠮᠬᠢᠯ ᠦᠭᠡᠢ ᠬᠤᠨᠤᠵᠡᠢ᠃ | ᠰᠠᠶ᠋ᠢᠬᠠᠨ ᠲᠤᠬᠢᠶᠠᠯᠳᠤᠭᠰᠠᠨ ᠠᠶᠤᠮᠰᠢᠭᠳᠤ ᠦᠵᠡᠭᠳᠡᠯ᠂ ᠡᠵᠢ ᠮᠢᠨᠢ ᠶᠠᠭᠠᠬᠢᠭᠠ ᠪᠤᠯ ᠡ ᠭᠡᠳᠡᠭ ᠬᠦᠭᠡᠷᠦᠭᠦᠢ ᠪᠤᠳᠤᠯ | ᠡᠭᠡᠳᠡᠷᠡᠨ ᠡᠷᠭᠢᠯᠳᠦᠵᠦ᠂ ᠪᠠᠶᠢᠨ ᠲᠠᠬᠢᠨ ᠡᠵᠢ ᠶᠢᠨ ᠲᠤᠬᠠᠢ ᠡᠷᠭᠢᠭᠦᠯᠦᠨ ᠤᠷᠪᠠᠭᠤᠯᠤᠨ ᠠᠰᠠᠭᠤᠪᠠᠴᠤ ᠨᠠᠭᠠᠴᠤ | ᠡᠮᠡᠭᠡ ︽ᠡᠵᠢ ᠴᠢᠨᠢ ᠪᠤᠷᠬᠠᠨ ᠤ ᠤᠷᠤᠨ ᠡᠪᠡᠳᠴᠢᠨ ᠪᠠᠨ ᠵᠠᠰᠠᠭᠤᠯᠬᠤ ᠪᠠᠷ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠨᠠ᠂ ᠬᠡᠳᠦᠨ | ᠡᠳᠦᠷ ᠪᠤᠯ ᠬᠠᠷᠢᠭᠠᠳ ᠢᠷᠡᠴᠢᠬᠡᠨᠡ︾ ᠭᠡᠳ ᠯᠡ ᠠᠷᠭᠠᠳᠠᠨ ᠰᠠᠭᠠᠳᠠᠭᠠᠵᠤ ᠪᠠᠶᠢᠯᠠ᠃ ᠨᠠᠭᠠᠴᠤ ᠡᠮᠡᠭᠡ ᠲᠡᠷᠡ | ᠰᠦᠨᠢ ᠨᠢᠳᠦ ᠪᠠᠨ ᠬᠠᠪᠳᠤᠳᠠᠯᠠ ᠤᠬᠢᠯᠠᠭᠰᠠᠨ ᠪᠠᠶᠢᠵᠠᠢ ᠃ | ᠦᠷᠯᠦᠭᠡ ᠦᠷ ᠮᠠᠩᠬᠠᠶᠢᠬᠤ ᠶᠢᠨ ᠦᠶᠡ ᠪᠠᠷ ᠨᠠᠭᠠᠴᠤ ᠡᠮᠡᠭᠡ ᠪᠢᠳᠡ ᠬᠤᠶᠠᠷ ᠢ ᠲᠠᠭᠠᠭᠤᠯᠤᠨ ᠭᠡᠷ ᠲᠤ ᠮᠢᠨᠢ | ᠪᠤᠴᠠᠵᠤ ᠢᠷᠡᠬᠦ ᠳᠤ ᠬᠤᠯᠡ ᠤᠶᠢᠷᠠ ᠶᠢᠨ ᠠᠬᠠ ᠲᠡᠭᠦᠤ ᠰᠠᠳᠤᠨ ᠪᠦᠷ ᠬᠦᠷᠦᠯᠴᠡᠨ ᠢᠷᠡᠵᠡᠭᠡᠵᠦ᠂ ᠭᠡᠷ | ᠲᠦᠭᠦᠷᠡᠩ ᠬᠦᠮᠦᠰ ᠨᠢᠳᠦᠨ ᠳᠡᠭᠡᠨ ᠨᠢᠯᠪᠤᠰᠤ ᠲᠠᠢ ᠰᠠᠭᠤᠵᠠᠭᠠᠵᠦ ᠪᠠᠶᠢᠯᠠ᠃ ᠭᠠᠶᠢᠬᠠᠯᠳᠠᠢ ᠨᠢ ᠭᠠᠳᠠᠨᠠ ᠭᠡᠷ ᠲᠤ | ᠬᠦᠨᠳᠡᠯᠡᠨ ᠪᠦᠰ ᠲᠠᠳᠠᠵᠤ᠂ ᠭᠠᠵᠠᠷ ᠲᠤᠮᠳᠠ ᠲᠦᠷᠪᠡᠯᠵᠢᠨ ᠰᠢᠷᠡᠭᠡ ᠲᠠᠯᠪᠢᠵᠤ᠂ ᠵᠤᠯᠠ ᠬᠦᠵᠡ ᠠᠰᠠᠭᠠᠵᠤ᠂ | ᠰᠢᠷᠡᠭᠡ ᠲᠦᠭᠦᠷᠡᠩ ᠪᠤᠤᠪᠤ ᠪᠤᠭᠤᠷᠰᠤᠭ᠂ ᠠᠯᠢᠮᠠ ᠵᠢᠮᠢᠰ ᠦᠷᠦᠵᠦ ᠲᠠᠯᠪᠢᠭᠰᠠᠨ ᠪᠠᠶᠢᠯᠠ ᠃ ᠨᠠᠭᠠᠴᠤ ᠡᠮᠡᠭᠡ ᠮᠢᠨᠤ | ᠭᠠᠷ ᠠᠴᠠ ᠰᠡᠮᠡᠬᠡᠨ ᠳᠠᠳᠠᠵᠤ ︽ᠡᠵᠢ ᠳᠡᠭᠡᠨ ᠮᠦᠷᠬᠦ︾ ᠭᠡᠰᠡᠨ ᠢᠶᠠᠨ ᠡᠭᠡᠷ ᠲᠠᠳᠠᠨ ᠤᠬᠢᠯᠠᠪᠠ᠃ ᠭᠡᠷ ᠲᠠᠬᠢ | ᠬᠦᠮᠦᠰ ᠨᠢᠯᠪᠤᠰᠤ ᠬᠠᠭᠤᠷᠠᠢ ᠬᠦᠮᠦᠨ ᠨᠢᠭᠡᠴᠦ ᠪᠠᠶᠢᠭᠠ ᠦᠭᠡᠢ ᠂ ᠪᠢ ᠤᠬᠢᠯᠠᠭᠠ ᠦᠭᠡᠢ᠃ ᠤᠴᠢᠷ ᠨᠢ ᠨᠠᠭᠠᠴᠤ | ᠡᠮᠡᠭᠡ ᠶᠢᠨ ᠬᠡᠯᠡᠭᠰᠡᠨ ᠦᠭᠡ ᠶᠢ ᠪᠠᠳᠤ ᠢᠳᠡᠬᠡᠭᠰᠡᠭᠡᠷ ᠪᠠᠶᠢᠯᠠ᠃ | ᠮᠠᠷᠭᠠᠰᠢ ᠶᠢᠨ ᠬᠢᠨ ᠶᠢᠰᠦᠨ ᠴᠠᠭ ᠤᠨ ᠦᠶᠡ ᠪᠠᠷ ︽ᠮᠤᠷᠳᠠᠬᠤ ᠴᠠᠭ ᠪᠤᠯᠵᠠᠢ︾ ᠭᠡᠬᠦ ᠠᠶᠢᠯ ᠤᠨ | ᠠᠪᠠᠭᠠ ᠫᠠᠷᠬᠢᠯ ᠲᠠᠭᠤᠨ ᠢᠶᠠᠷ ᠡᠵᠢ ᠶᠢ ᠮᠢᠨᠢ ᠪᠠᠭᠳᠠᠭᠠᠭᠰᠠᠨ ᠬᠡᠪᠳᠡᠭᠡ ᠲᠦᠷᠪᠡᠯᠵᠢᠨ ᠠᠪᠰᠠ ᠲᠠᠮᠨᠠᠭᠳᠠᠨ ᠭᠠᠷᠴᠤ | ᠢᠷᠡᠭᠡᠳ ᠬᠤᠤᠰ ᠬᠦᠯᠦᠭᠰᠡᠨ ᠮᠤᠷᠢᠨ ᠲᠡᠷᠭᠡᠨ ᠳᠤ ᠲᠡᠭᠡᠭᠡᠭᠳᠡᠪᠡ᠃ ᠠᠶᠢᠯ ᠤᠨ ᠠᠪᠠᠭᠠ ᠨᠠᠮᠠ ᠶᠢ ᠲᠠᠭᠤᠳᠠᠵᠤ ︽ | ᠡᠵᠢ ᠳᠡᠭᠡᠨ ᠲᠠᠯᠠᠯᠤᠯᠭᠠ ᠠᠪᠤᠭᠠᠷᠠᠢ︾ ᠭᠡᠳ ᠫᠢᠯᠠ ᠳᠤ ᠬᠢᠭᠰᠡᠨ ᠴᠠᠭᠠᠨ ᠢᠳᠡᠭᠡ ᠪᠠᠷᠢᠭᠤᠯᠵᠤ ᠮᠤᠷᠢᠨ ᠲᠡᠷᠭᠡ ᠶᠢ | ᠬᠡᠳᠦ ᠲᠤᠭᠤᠷᠢᠭᠤᠯᠵᠤ ᠲᠠᠯᠠᠯᠤᠯᠭᠠ ᠠᠪᠤᠭᠤᠯᠵᠤ ︽ᠵᠠ ᠮᠤᠷᠳᠠᠭᠠᠷᠠᠢ︾ ᠭᠡᠳ ᠨᠠᠳᠠᠳᠦ ᠤᠭᠤᠳᠠ ᠳᠤ ᠬᠢᠭᠰᠡᠨ | ᠴᠠᠭᠠᠨ ᠪᠤᠳᠠᠭᠠ ᠪᠠᠷᠢᠭᠤᠯᠵᠤ ᠭᠠᠷ ᠠᠴᠠ ᠬᠦᠳᠦᠯᠵᠦ ︽ᠡᠵᠢ ᠳᠡᠭᠡᠨ ᠴᠠᠭᠠᠨ ᠵᠠᠮ ᠲᠡᠪᠢᠰᠴᠦ ᠦᠭᠭᠦᠭᠡᠷᠠᠢ ᠂ | ᠭᠤᠤ ᠬᠤᠩᠬᠤᠯ ᠲᠠᠢ ᠭᠠᠵᠠᠷ ᠲᠤᠨᠢ ᠰᠦᠷᠴᠢᠵᠦ ᠪᠠᠶᠢᠭᠠᠷᠠᠢ︾ ᠭᠡᠳ ᠮᠤᠷᠢᠨ ᠲᠡᠷᠭᠡᠨ ᠤ ᠡᠮᠦᠨᠡ ᠨᠢ ᠤᠷᠤᠵᠤ | ᠠᠯᠬᠤᠯᠠ᠃ ᠬᠤᠶᠢᠨᠠ ᠠᠴᠠ ᠠᠶᠢᠯ ᠠᠶᠢᠮᠠᠭ ᠤᠨ ᠠᠬᠠ ᠲᠠᠭᠦᠤ ᠰᠠᠳᠤᠨ᠂ ᠡᠭᠡᠴᠢ ᠲᠡᠷᠢᠭᠦᠳᠠᠢ ᠮᠦᠷᠭᠦᠯ ᠠᠪᠴᠤ | ᠪᠠᠬᠢᠷᠠᠯᠴᠠᠨ ᠤᠬᠢᠯᠠᠯᠳᠤᠵᠤ ᠬᠤᠴᠤᠷᠠᠯᠠ᠃ | ᠱᠠᠷᠢᠯ ᠤᠨ ᠭᠠᠵᠠᠷ ᠬᠦᠷᠴᠦ ᠢᠷᠡᠯᠡ᠃ ᠠᠯᠢ ᠡᠷᠳᠡ ᠪᠤᠯᠠᠰᠢᠨ ᠨᠦᠭᠡᠨ ᠳᠤ ᠮᠤᠷᠳᠠᠭᠰᠠᠨ ᠬᠦᠮᠦᠰ ᠨᠡᠯᠢᠶᠡᠳ | ᠬᠦᠯᠢᠶᠡᠭᠰᠡᠨ ᠮᠠᠶ᠋ᠢᠭᠳᠠᠢ ᠴᠡᠴᠡᠷᠬᠢᠯᠡᠨ ᠵᠤᠭᠰᠤᠵᠤ ᠪᠠᠶᠢᠯᠠ᠃ ᠮᠤᠷᠢᠨ ᠲᠡᠷᠭᠡ ᠤᠬᠤᠭᠰᠠᠨ ᠨᠦᠬᠡᠨ ᠤ ᠡᠮᠦᠨᠡᠭᠦᠷ | ᠵᠡᠭᠦᠨᠰᠢ ᠬᠠᠨᠳᠤᠨ ᠵᠤᠭᠰᠤᠵᠤ ᠠᠷᠠᠯ ᠢ ᠨᠢ ᠬᠦᠳᠡᠯᠭᠡᠭᠰᠡᠭᠡᠷ ᠠᠪᠰᠠ ᠶᠢ ᠲᠠᠮᠨᠠᠨ ᠨᠦᠬᠡᠨ ᠤᠷᠤᠭᠤ ᠠᠭᠠᠵᠢᠮᠬᠠᠨ | ᠲᠠᠯᠪᠢᠯᠠ᠃ ᠨᠤᠳᠤᠭ ᠤᠨ ᠲᠤᠮᠤᠴᠤᠤᠯ ᠬᠠᠷᠠᠴᠠ ᠢᠰᠬᠦᠴᠡ ᠬᠡᠳ ᠤᠶᠢᠮᠡᠯᠳᠦᠨ ᠵᠠᠰᠠᠵᠤ ᠪᠤᠵᠢᠭᠢᠨᠠᠯᠳᠤᠨᠠ᠃ ᠪᠢ | ᠤᠯᠠᠨ ᠬᠦᠮᠦᠨ ᠤ ᠠᠷᠤ ᠳᠤ ᠮᠡᠨᠡᠭᠷᠡᠨ ᠵᠤᠭᠰᠤᠵᠤ ᠲᠤᠳᠤᠷᠠ ᠪᠠᠨ ︿ᠡᠵᠢ ᠶᠢ ᠮᠢᠨᠢ ᠡᠨᠡ ᠨᠦᠬᠡᠨ ᠳᠤ | ᠪᠤᠯᠠᠴᠢᠬᠠᠪᠠᠯ ᠶᠠᠭᠠᠬᠢᠵᠤ ᠭᠡᠷ ᠲᠡᠭᠡᠨ ᠪᠤᠴᠠᠬᠤ ᠪᠤᠢ﹀ ᠬᠡᠬᠦ ᠬᠡᠤᠬᠡᠳ ᠪᠤᠳᠤᠯ ᠳᠤ ᠡᠵᠡᠮᠳᠡᠵᠦ ᠪᠠᠶᠢᠳᠠᠯᠠ ᠠᠶᠢᠯ ᠤᠨ | ᠠᠪᠠᠭᠠ ᠨᠠᠮᠠ ᠶᠢ ᠲᠠᠭᠤᠳᠠᠵᠤ ︽ᠵᠠ ᠮᠢᠨᠤ ᠬᠦᠤ᠂ ᠨᠠᠰᠢ ᠢᠷᠡ᠂ ᠡᠵᠢ ᠶᠢᠨ ᠬᠢᠨ ᠲᠡᠭᠡᠷᠡ ᠰᠢᠷᠦᠢ ᠨᠡᠮᠡᠬᠦ ᠶᠤᠮ | ᠰᠢᠤ︾ ᠭᠡᠵᠦ ᠬᠦᠷᠵᠡ ᠦᠭᠭᠦᠯᠡ᠃ | ᠪᠢ ᠬᠦᠷᠵᠡ ᠶᠢ ᠨᠢ ᠴᠠᠭᠠᠰᠢ ᠪᠠᠨ ᠰᠢᠳᠡᠵᠦ ᠤᠯᠠᠨ ᠤ ᠳᠤᠮᠳᠠᠭᠤᠷ ᠱᠤᠩᠭᠤᠯᠠᠨ ᠤᠷᠤᠵᠤ ᠄ | ︽ ᠪᠢ ᠲᠠ ᠨᠠᠷ ᠭᠤᠶᠤᠶᠠ᠂ ᠮᠢᠨᠤ ᠡᠵᠢ ᠶᠢ ᠪᠢᠳᠡᠬᠡᠢ ᠪᠤᠯᠠ᠂ ᠡᠵᠢ ᠮᠢᠨᠢ ᠬᠠᠷᠢᠵᠤ ᠴᠢᠳᠠᠬᠤ ᠪᠠᠨ | ᠪᠤᠯᠢᠴᠢᠬᠠᠨᠠ᠂ ᠪᠢ ᠭᠤᠶᠤᠶᠠ︾ ᠭᠡᠵᠦ ᠬᠦᠴᠦ ᠮᠡᠳᠡᠨ ᠴᠠᠬᠢᠷᠠᠨ ᠤᠬᠢᠯᠠᠯᠠ᠃ ᠤᠯᠠᠨ ᠬᠦᠮᠦᠰ ᠴᠦ ᠲᠠᠰᠬᠡᠯ | ᠦᠭᠡᠢ ᠨᠢᠯᠪᠤᠰᠤ ᠰᠤᠪᠤᠷᠠᠭᠤᠯᠵᠤ ᠪᠠᠶᠢᠯᠠ᠃ ᠠᠪᠤ ᠮᠢᠨᠢ ᠢᠷᠡᠵᠦ᠂ ᠨᠠᠮᠠ ᠶᠢ ᠲᠡᠪᠡᠷᠢᠨ ᠠᠪᠤᠭᠠᠳ᠄ ︽ᠬᠦᠤ ᠮᠢᠨᠢ | ᠂᠂᠂ ᠲᠡᠭᠡᠵᠦ᠂᠂᠂︾ ᠭᠡᠳ ᠴᠠᠰᠢ ᠬᠡᠯᠡᠵᠦ ᠭᠠᠷᠤᠯ ᠦᠭᠡᠢ ᠡᠭᠡᠷ ᠲᠠᠳᠠᠨ ᠤᠬᠢᠯᠠᠯᠠ᠃ | ᠮᠢᠨᠤ ᠲᠡᠯᠴᠢᠯᠡᠯᠳᠡ᠂ ᠮᠢᠨᠤ ᠤᠬᠢᠯᠡᠯ᠂ ᠶᠠᠮᠠᠷ ᠴᠦ ᠦᠷᠡ ᠳ᠋ᠦᠩ ᠭᠠᠷᠴᠤ ᠴᠢᠳᠠᠭᠠ ᠦᠭᠡᠢ᠂ ᠲᠡᠮᠡᠢ | ᠤᠳᠠᠯ ᠦᠭᠡᠢ ᠡᠵᠢ ᠶᠢᠨ ᠮᠢᠨᠢ ᠰᠢᠨᠡ ᠤᠩᠭᠤᠨ ᠪᠤᠰᠬᠠᠭᠳᠠᠯᠠ᠃ | ᠠᠢ᠂᠂᠂ ᠢᠩᠭᠢᠭᠡᠳ ᠯᠡ ᠦᠷᠡ ᠶᠢᠨ ᠲᠦᠯᠦᠭᠡ ᠭᠡᠵᠦ ᠢᠳᠡᠬᠦ ᠪᠠᠨ ᠠᠷᠪᠢᠯᠠᠵᠤ ᠡᠮᠦᠰᠬᠦ ᠪᠠᠨ ᠨᠢᠮᠭᠡᠯᠡᠭᠰᠡᠨ | ᠬᠦᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠮᠦᠩᠬᠡ ᠨᠤᠶᠢᠰᠤᠴᠢᠬᠠᠯᠠ᠃ | ᠪᠢ ᠡᠵᠢ ᠮᠢᠨᠢ ᠢᠷᠡᠳᠡᠭ ᠴᠦ ᠪᠤᠯᠪᠠᠤ ᠭᠡᠵᠦ ᠬᠤᠸᠠ ᠶᠢᠨ ᠵᠠᠮ ᠢ ᠤᠳᠠᠭᠠᠨ ᠰᠢᠷᠳᠡᠳᠡᠭ ᠪᠠᠶᠢᠭᠰᠠᠨ ᠡ᠂ | ᠡᠵᠢ ᠮᠢᠨᠢ ᠢᠷᠡᠭᠡ ᠦᠭᠡᠢ᠃ | ᠢᠩᠭᠡᠬᠦ ᠳᠡᠭᠡᠨ ᠯᠡ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠪᠦᠷᠢ ᠡᠵᠢ ᠲᠠᠢ ᠪᠠᠶᠢᠭᠰᠠᠨ ᠴᠠᠭᠠᠨ ᠰᠠᠷᠠ ᠪᠤᠳᠤᠭᠳᠠᠵᠤ᠂ ᠡᠵᠢ | ᠶᠢ ᠮᠢᠨᠢ ᠠᠪᠠᠭᠠᠴᠢᠭᠰᠠᠨ ᠴᠠᠭᠠᠨ ᠰᠠᠷᠠ ᠳᠤ ᠪᠠᠰᠠ ᠭᠤᠮᠤᠳᠠᠳᠠᠭ ᠶᠤᠮ ᠳ᠋ᠠ᠃ ︿ᠲᠡᠭᠦᠰᠪᠡ ﹀ | | ᠭᠠᠵᠠᠷ᠄ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠴᠠᠭᠠᠨᠮᠦ᠋ᠷᠡᠨ ᠪᠠᠯᠭᠠᠰᠤᠨ ᠤ | ᠪᠤᠯᠤᠩ ᠭᠠᠴᠠᠭᠠᠨ ᠤ ᠢᠮᠠᠭᠠᠳᠤ ᠲᠤᠭᠤᠶᠢᠯᠠᠩ ᠪᠦᠬᠡᠳᠤᠭᠳᠠᠬᠤ | ᠤᠳᠠᠰᠤ 15047615102 | | | | | | | | |