| ᠬᠦᠳᠡᠯᠮᠦᠷᠢ ᠶᠢᠨ ᠬᠦᠬᠡ ᠨᠤᠮᠢᠨ ᠰᠠᠴᠤᠷᠠᠭ | — ᠪ᠊᠂ ᠪᠢᠯᠢᠭ | ᠬᠦᠳᠡᠯᠮᠦᠷᠢ | ᠵᠠᠭᠤᠨ ᠦᠩᠭᠡ ᠶᠢᠨ ᠴᠡᠴᠡᠭᠡᠰ ᠠᠴᠠ | ᠵᠠᠳᠠᠷᠠᠨ ᠰᠡᠩᠭᠢᠨᠡᠭᠰᠡᠨ ᠦᠨᠦᠷ | ᠵᠠᠶᠠᠭᠠᠨ ᠳᠠᠭᠠᠨ ᠪᠢᠴᠢᠬᠦ ᠰᠢᠯᠦᠭ ᠴᠢ ᠪᠠᠶᠢᠯᠠ | ᠵᠢᠨᠵᠢᠨ ᠡᠷᠳᠡᠨᠢ ᠰᠦᠷᠦᠭ ᠤᠨ ᠮᠠᠨᠢ | ᠵᠡᠷᠭᠡᠯᠭᠡᠨ ᠰᠠᠮᠨᠠᠭᠰᠠᠨ ᠠᠨᠢᠷ | ᠵᠡᠭᠡᠷᠡ ᠲᠠᠢ ᠪᠠᠨ ᠳᠠᠰᠬᠤ ᠡᠭᠡᠰᠢᠭᠯᠡᠩ ᠴᠢ ᠪᠠᠶᠢᠯᠠ | ᠪᠤᠭᠤᠷᠤᠯ ᠤᠨ ᠮᠠᠨᠢ ᠣᠷᠠᠭᠠᠨ ᠦᠵᠦᠭᠦᠷ | ᠪᠤᠯᠵᠤᠮᠤᠷ ᠰᠢᠭ᠋ ᠬᠦᠭᠵᠢᠨ ᠵᠢᠷᠭᠢᠳᠡᠭ | ᠪᠤᠷᠬᠠᠨ ᠤ ᠪᠢᠰᠢᠯᠭᠠᠭᠰᠠᠨ ᠰᠣᠳᠣᠷ ᠴᠢ ᠪᠠᠶᠢᠯᠠ | ᠪᠤᠱᠤᠭᠳᠤ ᠭᠤᠪᠠᠢ ᠶᠢᠨ ᠮᠢᠨᠢ ᠡᠩᠭᠡᠷ | ᠪᠣᠲᠣᠭᠤ ᠰᠢᠭ᠋ ᠬᠦᠦᠷᠨᠢᠨ ᠵᠢᠩᠬᠢᠨᠡᠳᠡᠭ | ᠪᠤᠳᠢ ᠮᠦᠷ ᠤᠨ ᠬᠢᠨ ᠰᠤᠨᠤᠰᠬᠤᠯᠠᠩ ᠴᠢ ᠪᠠᠶᠢᠯᠠ | | ᠬᠦᠳᠡᠯᠮᠦᠷᠢᠴᠢᠨ ᠪᠢ | ᠤᠷᠤᠢ ᠶᠢᠨ ᠭᠦᠯᠦᠰᠦ ᠪᠠᠨ | ᠤᠯᠠ ᠳᠠᠭᠠᠨ ᠲᠤᠯᠲᠠᠯᠠ ᠤᠷᠤᠰᠬᠠᠳᠠᠭ ᠪᠢ | ᠤᠳᠤᠨ ᠠᠴᠠ ᠤᠶᠢᠯᠵᠤ ᠤᠷᠤᠰᠤᠭᠰᠠᠨ ᠰᠠᠴᠤᠷᠠᠭ ᠪᠢ | ᠬᠦᠮᠦᠨ ᠤ ᠶᠢᠷᠳᠢᠨᠴᠦ ᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ | ᠬᠦᠯᠦᠰᠦᠨ ᠲᠤᠲᠤᠷᠠ ᠪᠠᠨ ᠪᠦᠳᠦᠭᠡᠳᠡᠭ ᠪᠢ | ᠬᠦᠷᠦᠰᠦᠨ ᠠᠴᠠ ᠬᠦᠪᠦᠷᠢᠵᠦ ᠤᠷᠭᠤᠭᠰᠠᠨ ᠨᠠᠪᠴᠢᠰ ᠪᠢ | ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ | ᠬᠤᠷᠸᠠ ᠶᠢ ᠬᠡᠦᠬᠡᠳ ᠰᠢᠭ ᠦᠰᠭᠡᠳᠡᠭ ᠪᠢ | ᠬᠠᠶᠢᠷᠠ ᠠᠴᠠ ᠬᠠᠯᠭᠢᠯᠠᠵᠤ ᠤᠨᠳᠤᠷᠤᠭᠰᠠᠨ ᠤᠭᠤᠷᠠᠭ ᠪᠢ | ᠲᠠᠯᠠᠯᠵᠤ ᠪᠤᠢ ᠮᠠᠷᠭᠠᠰᠢ ᠶᠢᠨ ᠰᠣᠳᠣᠨ ᠪᠦᠬᠦᠨ ᠢ | ᠲᠠᠯᠠᠨ ᠲᠡᠭᠡᠷᠡ ᠪᠠᠨ ᠲᠡᠵᠢᠭᠡᠳᠡᠭ ᠪᠢ | ᠳᠤᠰᠤᠯ ᠠᠴᠠ ᠨᠡᠶᠢᠯᠡᠵᠦ ᠣᠪᠣᠭᠠᠷᠠᠭᠰᠠᠨ ᠲᠠᠩᠭᠢᠰ ᠪᠢ | ᠬᠦᠳᠡᠯᠮᠦᠷᠢᠴᠢᠳ ᠮᠠᠨᠳᠤᠳᠤᠭᠠᠢ | ᠶᠢᠷᠳᠢᠨᠴᠦ ᠶᠢᠨ ᠴᠢᠬᠢᠨ ᠳᠤ | ᠶᠢᠰᠦᠨ ᠲᠡᠭᠷᠢ ᠶᠢᠨ ᠦᠯᠦᠭᠡᠢ ᠶᠤᠮ ᠭᠡᠵᠦ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠠᠶᠢᠵᠢᠮ ᠢᠶᠠᠷ | ᠢᠰᠡᠭᠡᠢ ᠭᠡᠷ ᠢᠶᠠᠨ ᠦᠨᠦᠳᠦᠷ ᠳᠠᠭᠤᠯᠠᠶᠤ | ᠡᠭᠡᠯ ᠪᠤᠷᠤᠭᠵᠢᠭᠤᠨ ᠠᠴᠠ ᠨᠢ | ᠡᠷᠭᠢᠮᠰᠦᠭ ᠤᠨ ᠡᠭᠡᠰᠢᠭ ᠬᠠᠩᠭᠢᠨᠠᠭᠰᠠᠨ | ᠡᠩᠬᠡ ᠮᠡᠨᠳᠦ ᠶᠢᠨ ᠬᠦᠳᠡᠯᠮᠦᠷᠢᠴᠢᠳ ᠮᠠᠨᠢ | ᠡᠷᠡᠭᠦᠯ ᠰᠠᠷᠠᠭᠤᠯ ᠳᠠᠭᠠᠨ ᠦᠯᠡᠮᠵᠢ ᠵᠢᠷᠭᠠᠭᠳᠤᠨ | ᠤᠭᠳᠤᠯ ᠵᠠᠭᠤᠨ ᠤ ᠡᠬᠢᠨ ᠳᠤ | ᠤᠶᠠᠩᠭᠠ ᠲᠡᠯᠡᠬᠡᠢ ᠶᠢᠨ ᠦᠦᠷ ᠶᠤᠮ ᠭᠡᠵᠦ | ᠤᠷᠳᠦ ᠶᠢᠨ ᠲᠠᠭᠤᠨ ᠤ ᠨᠤᠭᠤᠯᠤᠭᠠ ᠪᠠᠷ | ᠦᠩ ᠬᠡᠶᠢᠮᠦᠷᠢ ᠤᠨ ᠮᠠᠷᠭᠠᠰᠢ ᠪᠠᠨ ᠮᠢᠯᠢᠶᠠᠮᠦ | ᠡᠯᠢᠭᠡᠰᠡᠭ ᠨᠤᠮᠤᠬᠠᠨ ᠠᠴᠠ ᠨᠢ | ᠢᠨᠢᠶᠠᠮᠰᠦᠭ ᠤᠨ ᠬᠡᠰᠢᠭ ᠬᠢᠯᠠᠯᠵᠠᠭᠰᠠᠨ | ᠡᠷᠬᠡ ᠴᠢᠯᠦᠭᠡᠨ ᠤ ᠬᠦᠳᠡᠯᠮᠦᠷᠢᠴᠢᠳ ᠮᠢᠨᠢ | ᠡᠰᠡᠷᠡᠭ ᠰᠠᠶᠢᠬᠠᠨ ᠳᠠᠭᠠᠨ ᠠᠰᠠᠷᠤᠤ ᠪᠠᠶᠠᠰᠤᠭᠳᠤᠨ | | ᠬᠠᠶ᠋ᠢᠭ᠄ 赤峰市残联：毕 力 格 | ᠤᠳᠠᠰᠤ᠄ 0476 — 8822913 | ᠰᠢᠦᠳᠠᠨ᠄ 024000 | | | | |