| | ᠠᠭᠠᠳᠠᠷ ᠪᠤᠷᠤᠭᠠᠨ ᠳᠤ ᠰᠡᠷᠭᠦᠳᠡᠭ | ᠠᠷᠤ ᠰᠢᠪᠠᠷᠳᠠᠢ ᠭᠤᠤᠯ ᠲᠠᠢ | ᠦᠶᠡᠷ ᠤᠨ ᠴᠠᠭ ᠲᠤ ᠲᠠᠪᠠᠯᠭᠠᠯᠠᠳᠠᠭ | ᠦᠷᠭᠡᠨ ᠭᠠᠯᠳᠠᠰᠤᠳᠠᠢ ᠭᠤᠤᠯ ᠲᠠᠢ ᠂ | ᠤᠷᠤᠰᠬᠠᠯ ᠲᠠᠰᠤᠷᠠᠭᠠᠳ ᠤᠳᠠᠭᠰᠠᠨ | ᠤᠯᠢᠶᠠᠰᠤᠳᠠᠢ ᠭᠤᠤᠯ ᠤᠨ ᠬᠡᠪᠡᠯᠢ ᠲᠠᠢ ᠂ | ᠤᠷᠤᠮ ᠲᠡᠳᠦᠢ ᠪᠤᠯᠤᠭᠰᠠᠨ | ᠬᠠᠷᠤᠰᠤ ᠭᠤᠤᠯ ᠤᠨ ᠵᠢᠷᠤᠭ ᠲᠠᠢ᠃ | ᠲᠠᠪᠠᠭᠠ ᠬᠢᠩᠭᠠᠨ ᠤ ᠵᠠᠯᠭᠠᠮᠵᠢ | ᠲᠠᠯᠠᠩ ᠠᠭᠤᠯᠠ ᠶᠢᠨ ᠪᠠᠷᠠ ᠲᠠᠢ | ᠲᠤᠲ᠋ᠧᠮ ᠴᠢᠨᠤᠸᠠ ᠶᠢᠨ ᠱᠤᠭᠤᠮᠠᠯ ᠲᠠᠢ | ᠮᠠᠷᠴᠢᠨ ᠰᠦᠮᠪᠦᠷ ᠤᠨ ᠪᠠᠷᠳᠠᠭᠠ ᠲᠠᠢ ᠂ | ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠ ᠲᠠᠬᠢᠭᠰᠠᠨ | ᠠᠷᠤ ᠬᠠᠶᠢᠷᠬᠠᠨ ᠤ ᠨᠠᠮᠪᠠ ᠲᠠᠢ ᠂ | ᠠᠰᠬᠠ ᠬᠠᠳᠠ ᠪᠠᠷ ᠭᠤᠤᠯᠯᠭᠰᠠᠨ | ᠭᠤᠷᠪᠠᠨ ᠰᠡᠷᠡᠩ ᠤᠨ ᠦᠵᠡᠮᠵᠢ ᠲᠠᠢ᠃ | ᠢᠨᠢᠶᠡᠮᠰᠦᠭᠯᠡᠵᠦ ᠪᠠᠶᠢᠭᠠ ᠲᠦᠷᠢᠳᠠᠢ | ᠶᠢᠰᠦᠨ ᠪᠤᠷᠬᠠᠨᠳᠤ ᠠᠭᠤᠯᠠ ᠲᠠᠢ᠂ | ᠢᠩᠭᠡ ᠶᠢᠨ ᠰᠦᠷᠤᠭ᠌ ᠢᠶᠠᠨ ᠬᠠᠷᠢᠭᠤᠯᠳᠠᠭ | ᠢᠩᠭᠡᠳᠦ ᠬᠦᠨᠳᠢ ᠶᠢᠨ ᠨᠡᠷᠡᠶᠢᠳᠦᠯ ᠲᠠᠢ ᠂ | ᠤᠭᠠᠯᠵᠠ ᠵᠡᠭᠡᠷᠡ ᠪᠦᠷᠭᠦᠳᠡᠭ | ᠤᠭᠠᠯᠵᠠ ᠠᠭᠤᠯᠠ ᠶᠢᠨ ᠠᠯᠳᠠᠷ ᠲᠠᠢ ᠃ | ᠪᠠᠪᠤᠵᠠᠪ ᠤᠨ ᠰᠤᠮᠤᠨ ᠳᠤ ᠤᠨᠤᠭᠳᠠᠭᠰᠠᠨ | ᠪᠠᠶᠢᠬᠠᠳᠤ ᠠᠭᠤᠯᠠ ᠶᠢᠨ ᠲᠡᠦᠬᠡ ᠲᠠᠢ | ᠪᠤᠤᠷᠠ ᠲᠡᠮᠡᠭᠡ ᠪᠠᠨ ᠬᠠᠷᠢᠭᠤᠯᠳᠠᠭ | ᠪᠤᠤᠷᠠ ᠶᠢᠨ ᠬᠦᠨᠳᠢ ᠶᠢᠨ ᠨᠡᠷᠡ ᠲᠠᠢ ᠂ | ᠪᠦᠷᠭᠦᠳ ᠱᠤᠩᠭᠤᠷ ᠡᠭᠦᠷᠯᠡᠳᠡᠭ | ᠪᠠᠭᠠ ᠶᠤᠯᠤ ᠶᠢᠨ ᠠᠭᠤᠯᠠ ᠲᠠᠢ ᠂ | ᠪᠠᠭᠠᠷᠢᠨ ᠬᠡᠰᠢᠭᠳᠡᠨ ᠢ ᠵᠠᠭᠠᠭᠯᠠᠭᠰᠠᠨ | ᠪᠠᠭᠠᠷᠢᠨ ᠤ ᠬᠢᠵᠠᠭᠠᠷ ᠨᠡᠷᠡᠶᠢᠳᠦᠯ ᠲᠠᠢ᠃ | ᠦᠯᠡᠮᠵᠢ ᠬᠡᠮᠵᠢᠶᠡᠳᠦ ᠶᠢ ᠰᠠᠨᠠᠭᠳᠠᠭᠤᠯᠤᠭᠰᠠᠨ | ᠪᠠᠶᠠᠨ ᠬᠦᠨᠳᠡᠯᠡᠨ ᠠᠭᠤᠯᠠ ᠲᠠᠢ | ᠪᠠᠷᠰ ᠢᠷᠪᠢᠰ ᠡᠭᠦᠷᠯᠡᠵᠦ ᠪᠠᠶᠢᠭᠰᠠᠨ | ᠪᠠᠷᠰᠳᠤ ᠲᠠᠪᠠᠭᠠᠨ ᠤ ᠪᠡᠷᠭᠡ ᠲᠠᠢ ᠃ | ᠡᠭᠴᠨ ᠦᠨᠳᠦᠷ ᠢᠶᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠨ | ᠡᠷᠭᠡᠯᠵᠢ ᠠᠭᠤᠯᠠ ᠶᠢᠨ ᠰᠦᠷ ᠲᠠᠢ᠂ | ᠤᠪᠤᠭᠠ ᠴᠢᠯᠭᠤᠨ ᠳᠠᠭᠠᠨ ᠨᠡᠷᠯᠡᠭᠳᠡᠭᠰᠡᠨ | ᠤᠪᠤᠭᠠᠳᠤ ᠴᠢᠯᠠᠭᠤᠨ ᠲᠤᠪᠤ ᠲᠠᠢ ᠂ | ᠤᠯᠡᠶᠢᠮᠡ ᠦᠩᠭᠡ ᠪᠠᠷ ᠲᠠᠭᠤᠳᠠᠭᠳᠠᠭᠰᠠᠨ | ᠤᠯᠠᠭᠠᠨ ᠬᠠᠳᠠ ᠶᠢᠨ ᠴᠤᠯᠠ ᠲᠠᠢ ᠃ | ᠬᠤᠪᠳᠤ ᠶᠢᠨ ᠲᠠᠪᠠᠭᠠ ᠮᠦᠷᠭᠦᠯᠴᠡᠭᠡ ᠠᠭᠤᠯᠠ | ᠬᠤᠷᠢᠶᠠ ᠠᠭᠤᠯᠠ ᠱᠠᠪᠠᠭᠳᠤ ᠠᠭᠤᠯᠠ | ᠬᠠᠳᠠᠳᠤ ᠠᠭᠤᠯᠠ ᠢᠩᠭᠳᠦ ᠠᠭᠤᠯᠠ | ᠬᠠᠮᠷᠳᠦ ᠤᠪᠤᠭᠠ ᠱᠤᠷᠤᠩ ᠠᠭᠤᠯᠠ ᠂ | ᠠᠰᠬᠠᠨ ᠲᠠᠪᠠᠭᠠ ᠴᠤᠭ ᠠᠭᠤᠯᠠ | ᠠᠭᠳᠠᠷᠭᠠ ᠶᠢᠨ ᠨᠠᠭᠤᠷ ᠬᠠᠭᠤᠷᠠᠢ ᠲᠠᠪᠠᠭᠠ | ᠡᠮᠡᠭᠡᠯ ᠤᠨ ᠠᠭᠤᠯᠠ ᠬᠤᠩᠭᠤᠳᠤ ᠶᠢᠨ ᠲᠠᠪᠠᠭᠠ | ᠠᠷᠭᠤᠳᠤ ᠠᠭᠤᠯᠠ ᠲᠡᠮᠡᠭᠡᠨ ᠴᠢᠯᠭᠠᠤᠨ | ᠠᠯᠢ ᠤᠯᠠᠨ ᠮᠤᠩᠭᠤᠯ ᠨᠡᠷᠡᠰ ᠢ | ᠠᠶᠠ ᠪᠤᠷᠬᠠᠨ ᠪᠠᠭᠳᠠᠭᠠᠬᠤ ᠪᠠᠨ ᠪᠤᠯᠢᠯᠠ᠃ | | | |