ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠮᠤᠩᠭᠤᠯ ᠭᠠᠵᠠᠷ ᠤᠨ  ᠵᠠᠷᠢᠮ ᠠᠭᠤᠯᠠ ᠤᠰᠤᠨ ᠤ ᠨᠡᠷ᠎ᠡ ᠎ ᠨᠢ  ᠤᠤᠯ ᠳᠠᠭᠠᠨ  ᠪᠠᠷᠳᠠᠮ ᠲᠤᠭᠰᠢᠨ  ᠪᠠᠶᠢᠭᠰᠠᠨ ᠲᠤᠬᠠᠢ  ᠬᠦᠨᠳᠡᠭᠡᠨ ᠦᠭᠦᠯᠡᠬᠦ ᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/30
 —— ᠪᠠᠷᠳᠠᠮ ᠬᠠᠷ᠎ᠠ  ᠴᠤᠤᠷᠠᠢ  ᠲᠠᠪᠴᠠᠩ  ᠡᠬᠢᠯᠡᠬᠦ  ᠤᠨᠢᠭᠠᠨ ᠲᠡᠭᠡᠷ᠎ᠡ ᠨᠢᠭᠡ  ᠄ ᠡᠮᠦᠨᠡᠬᠢ ᠦᠭᠡ   ᠮᠤᠩᠭᠤᠯ ᠦᠭᠡᠨ ᠳᠤ  ︽ᠤᠯᠪᠤᠭ ᠴᠤᠭᠤᠷᠳᠠᠯ᠎ᠠ ᠰᠠᠭᠤᠭᠰᠠᠨ  ᠮᠡᠷᠭᠡᠨ ᠠᠴᠠ  ᠂ ᠤᠯᠠᠨ ᠢ  ᠲᠤᠭᠤᠷᠢᠭᠰᠠᠨ ᠮᠤᠩᠬᠠᠭ  ︾  ᠭᠡᠳᠡᠭ ᠮᠡᠷᠭᠡᠨ ᠦᠭᠡ ᠪᠠᠶᠢᠳᠠᠭ᠂  ᠪᠢ ᠦᠨᠡᠨ ᠲᠡᠭᠡᠨ  ︽ᠤᠯᠪᠤᠭ ᠴᠤᠭᠤᠷᠳᠠᠯ᠎ᠠ ᠰᠠᠭᠤᠭᠰᠠᠨ  ᠮᠤᠩᠬᠠᠭ  ︾᠎ ᠤᠨ  ᠨᠢᠭᠡᠨ ᠪᠢᠯᠡ  ᠃  ᠭᠡᠳᠡᠯ᠎ᠡ  ︽ ᠪᠠᠷᠳᠠᠮ ᠬᠠᠷ᠎ᠠ   ᠸᠧᠢᠴᠠᠲ ᠲᠠᠪᠴᠠᠩ  ︾᠎ ᠤᠨ  ᠪᠦᠷᠢᠯᠳᠤᠨ  ᠨᠡᠶᠢᠯᠡᠬᠦ ᠬᠤᠭᠤᠴᠠᠭᠠᠨ ᠳᠤ  ᠤᠯᠠᠨ ᠤ ᠲᠤᠮᠳᠠ ᠰᠠᠨᠠᠮᠰᠠᠷ ᠦᠭᠡᠢ  ᠎ ᠪᠠᠷ ︽  ᠮᠤᠩᠭᠤᠯ ᠤᠷᠤᠨ ᠤ  ᠵᠠᠷᠢᠮ ᠠᠭᠤᠯᠠ ᠤᠰᠤᠨ ᠤ ᠨᠡᠷ᠎ᠡ  ᠎ ᠨᠢ  ᠣᠣᠯ ᠳᠠᠭᠠᠨ  ᠪᠠᠷᠳᠠᠮ ᠲᠤᠭᠰᠢᠨ ᠴᠢᠨᠠᠷᠳᠠᠢ ᠪᠠᠶᠢᠭᠰᠠᠨ ᠢᠶᠠᠨ  ᠠᠭᠠᠵᠢᠮ ᠎ ᠢᠶᠠᠷ ᠤᠶᠠᠨ ᠵᠦᠭᠡᠯᠡᠨ ᠨᠠᠶᠢᠷᠰᠠᠭ  ᠪᠤᠯᠵᠤ ᠬᠤᠪᠢᠷᠠᠭᠰᠠᠨ  ︾ ᠭᠡᠵᠦ  ᠶᠠᠷᠢᠭᠰᠠᠨ  ᠮᠢᠨᠢ  ᠨᠠᠷᠢᠨ ᠪᠢᠴᠢᠭ ᠤᠨ  ᠲᠠᠷᠤᠭ᠎ᠠ  ᠬᠦᠪᠴᠢᠨ᠂ ᠨᠤᠳᠤᠭ  ᠵᠡᠷᠭᠡ   ᠵᠠᠯᠠᠭᠤ ᠡᠷᠳᠡᠮᠳᠡᠳ  ᠎ ᠲᠤ ᠶᠡᠭᠡᠳᠡ ᠲᠠᠭᠠᠯᠠᠭᠳᠠᠨ ᠨᠠᠳᠠᠳᠤ ᠲᠠᠷᠦᠶᠢᠬᠠᠨ  ᠵᠤᠬᠢᠶᠠᠯ ᠪᠢᠴᠢᠬᠦ ᠡᠭᠦᠷᠭᠡ  ᠲᠤᠰᠢᠶᠠᠭᠰᠠᠨ  ᠃  ᠲᠡᠷᠡ  ᠬᠡᠳᠦᠶᠢᠪᠡᠷ  ᠴᠢᠩᠭ᠎ᠠ ᠲᠠᠳᠠᠭᠠᠯᠵᠠᠭᠰᠠᠨ ᠴᠦ  ᠬᠠᠰᠢᠯᠠ ᠬᠦᠯᠢᠶᠡᠵᠤ ᠠᠪᠤᠭᠰᠠᠨ  ᠂  ᠤᠴᠠᠷ ᠨᠢ  ᠡᠨᠡᠬᠦ  ᠬᠤᠯᠪᠤᠭᠠᠨ ᠳᠤ  ᠪᠢ  ᠬᠠᠮᠤᠭ ᠤᠨ  ᠠᠬᠠᠮᠠᠳ  ᠎ ᠨᠢ   ᠪᠤᠯᠤᠨ᠎ᠠ  ᠃  ᠡᠨᠡᠬᠦ  ᠵᠦᠢᠯ ᠤᠨ  ᠲᠤᠬᠠᠢ ᠵᠤᠬᠢᠶᠠᠯ ᠪᠢᠴᠢᠬᠦ ᠳᠤ  ᠶᠡᠷᠦᠨᠢ ᠬᠦᠴᠢᠷᠳᠠᠢ ᠰᠠᠨᠠᠭᠳᠠᠵᠤ ᠶᠠᠮᠠᠷ ᠨᠢᠭᠡ ᠦᠭᠦᠯᠡᠯ ᠤᠨ  ᠬᠡᠮᠵᠢᠶ᠎ᠡ ᠪᠠᠷ ᠪᠢᠴᠢᠬᠦ  ᠭᠡᠪᠡᠯ ᠬᠡᠳᠦᠨ ᠵᠢᠯ ᠤᠨ  ᠬᠤᠭᠤᠴᠠᠭ᠎ᠠ  ᠭᠡᠷᠡᠭᠰᠡᠵᠦ  ᠾᠦᠩᠨᠤ  ᠂  ᠰᠢᠶᠠᠨᠪᠢ  ᠎ ᠠᠴᠠ  ᠡᠬᠢᠯᠡᠵᠦ  ᠮᠢᠩ᠂ ᠴᠢᠩ᠂ ᠮᠤᠩᠭᠤᠯ  ᠦᠶ᠎ᠡ ᠶᠢᠨ  ᠲᠡᠦᠭᠡᠨ ᠨᠤᠮ ᠢ  ᠱᠦᠭᠦᠨ ᠤᠩᠰᠢᠬᠤ ᠴᠢᠬᠤᠯᠠᠳᠠᠢ  ᠮᠦᠷᠳᠡᠭᠡᠨ  ᠦᠷᠭᠡᠨ ᠲᠡᠯᠭᠡᠷ  ᠭᠠᠵᠠᠷ ᠵᠦᠢ ᠶᠢᠨ  ᠮᠡᠳᠡᠯᠭᠡ  ᠬᠡᠷᠡᠭᠰᠡᠨ᠎ᠡ᠃ ᠲᠤᠭᠳᠠᠬᠤ ᠪᠠᠭᠰᠢ ᠶᠢᠨ ︽  ᠢᠰᠡᠭᠡᠢ ᠲᠤᠭᠤᠷᠭᠠᠳᠠᠨ ᠤ ᠲᠡᠦᠭᠡ  ︾᠎ ᠶᠢ ᠤᠷᠪᠠᠭᠤᠯᠤᠨ  ᠭᠡᠳᠦᠨ ᠨᠡᠷ᠎ᠡ ᠤᠯᠤᠭᠰᠠᠨ ᠪᠤᠯᠪᠠᠴᠦ  ᠤᠳᠤᠬᠠᠨ ᠤ  ᠬᠢᠨᠢ ᠨᠡᠷ᠎ᠡ ᠲᠠᠢ  ᠬᠤᠯᠪᠤᠵᠤ ᠪᠠᠳᠤᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠳᠡᠭᠡᠨ  ᠴᠢᠭᠯᠡᠯ ᠢ  ᠎ ᠪᠠᠨ ᠤᠷᠬᠢᠵᠤ ᠯᠢᠶᠤᠤ ᠤᠯᠤᠰ  ᠂  ᠮᠢᠩ ᠤᠯᠤᠰ ᠤᠨ   ᠲᠡᠦᠭᠡᠨ ᠳᠤ  ᠰᠢᠷᠪᠢᠨ ᠤᠩᠰᠢᠯᠳᠡ ᠬᠢᠵᠤ  ᠠᠵᠢᠯ  ᠎ ᠢᠶᠠᠨ ᠡᠬᠢᠯᠡᠭᠰᠡᠨ᠃ ᠬᠡᠳᠦᠭᠡᠨ ᠡᠳᠦᠷ ᠎ ᠤᠨ   ᠴᠠᠭ ᠲᠤ ᠬᠡᠳᠦᠨ ᠵᠠᠭᠤᠨ ᠤ  ᠲᠡᠦᠭᠡ ᠶᠢ ᠤᠩᠰᠢᠨ  ᠪᠤᠯᠪᠠᠰᠤᠷᠠᠭᠤᠯᠵᠤ ᠴᠢᠳᠠᠬᠤ ᠭᠡᠳᠡᠭ ᠨᠢ ᠪᠠᠳᠤᠳᠠᠢ᠃ ᠢᠨᠬᠢᠬᠦ ᠳᠤ  ᠵᠤᠬᠢᠶᠠᠯ ᠪᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ  ᠂ ᠵᠦᠪᠭᠡᠨ   ︽ᠵᠤᠬᠢᠶᠠᠯ  ︾᠎ ᠤᠨ  ᠪᠠᠷᠢᠮᠵᠢᠶ᠎ᠠ ᠪᠠᠷ ᠤᠩᠰᠢᠬᠤ ᠎ ᠶᠢ ᠲᠠ ᠨᠠᠷ ᠲᠠᠭᠠᠨ  ᠨᠠᠶᠢᠳᠠᠨ᠎ᠠ᠃   ᠮᠡᠳᠡᠯᠭᠡ ᠶᠢᠨ  ᠴᠠᠷ᠎ᠠ ᠬᠦᠷᠢᠶᠡᠨ  ᠎ ᠳᠤ ᠪᠠᠷᠢᠭᠳᠠᠨ ᠤᠳᠤᠬᠠᠨ ᠤ ᠪᠠᠭᠠᠷᠢᠨ ᠤ  ᠬᠢᠵᠠᠭᠠᠷ ᠪᠠᠷ ᠭᠤᠤᠯ ᠪᠤᠯᠭᠠᠨ ᠮᠡᠳᠡᠳᠡᠭ ᠵᠦᠢᠯ  ᠎ ᠢᠶᠠᠷ ᠵᠢᠱᠢᠶ᠎ᠠ ᠲᠠᠳᠠᠵᠤ  ᠶᠠᠷᠢᠬᠤ ᠪᠤᠯᠤᠨ᠎ᠠ᠂  ᠦᠵᠡᠬᠦ ᠮᠡᠷᠭᠡᠳ  ᠤᠩᠰᠢᠨ ᠪᠤᠯᠭᠤᠭᠠᠵᠤ  ᠨᠡᠮᠡᠯᠳᠡ  ᠵᠠᠰᠠᠯᠳᠠ ᠬᠢᠵᠤ ᠦᠭᠬᠦ ᠶᠢ ᠤᠷᠢᠳᠠᠪᠡᠷ  ᠬᠦᠰᠡᠬᠦ ᠶᠢᠨ  ᠬᠠᠮᠳᠤ ᠬᠤᠵᠢᠮ ᠠᠯᠢ ᠨᠢᠭᠡᠨ ᠬᠡᠦᠭᠡᠳ ᠲᠡᠭᠦᠦ ᠡᠨᠡᠬᠦ ᠴᠢᠭᠯᠡᠯ  ᠎ ᠢᠶᠠᠷ ᠰᠤᠳᠤᠯᠵᠤ  ᠴᠤᠬᠤᠮ ᠶᠤᠰᠤᠳᠠᠢ ᠦᠭᠦᠯᠡᠯ ᠪᠢᠴᠢᠬᠦ ᠶᠢ ᠨᠠᠶᠢᠳᠠᠵᠤ  ᠪᠠᠶᠢᠨ᠎ᠠ᠂  ᠮᠢᠨᠦ ᠬᠤᠪᠢᠨ ᠳᠤ  ᠦᠪᠡᠷ ᠤᠨ  ᠎ ᠢᠶᠠᠨ ᠰᠡᠳᠤᠭ᠍ᠰᠡᠨ  ᠲᠤᠷᠠᠳᠤᠭᠰᠠᠨ ᠪᠢᠴᠢᠭᠰᠡᠨ‌ᠵᠦ᠋ᠢᠯ ᠳᠤ ᠪᠠᠨ ᠬᠠᠨᠤᠮᠵᠢ ᠦᠭᠡᠢ ᠠᠴᠠ  ᠭᠠᠳᠠᠨ᠎ᠠ ᠶᠠᠮᠠᠷ ᠨᠢᠭᠡᠨ ᠬᠡᠪᠯᠡᠯ ᠤᠨ  ᠡᠷᠭᠡ  ᠂  ᠮᠡᠳᠡᠯᠭᠡ ᠶᠢᠨ  ᠡᠷᠭᠡ ᠭᠡᠵᠦ ᠪᠠᠶᠢᠳᠠᠭ  ᠦᠭᠡᠢ  ᠭᠡᠳᠡᠭ  ᠎ ᠢᠶᠠᠨ  ᠢᠯᠡᠷᠡᠭᠡᠶᠢᠯᠡᠰᠦᠭᠡᠢ᠃   ᠬᠤᠶᠠᠷ  ᠄ ᠮᠤᠩᠭᠤᠯ ᠤᠷᠤᠨ ᠤ  ᠪᠠᠷᠳᠠᠮ ᠲᠤᠭᠰᠢᠨ ᠨᠡᠷᠡᠰ ᠤᠨ  ᠲᠤᠬᠠᠢ  ᠲᠤᠶᠢᠮᠦ ᠤᠳᠤᠬᠠᠨ  ᠎ ᠤ   ᠮᠤᠩᠭᠤᠯ ᠤᠷᠤᠨ ᠳᠤ    ︽ᠪᠠᠶᠠᠨ  ︾  ᠂  ︽ᠰᠠᠶᠢᠬᠠᠨ  ︾  ᠂ ︽ᠰᠠᠶᠢᠨ  ︾   ︽ᠴᠠᠭᠠᠨ  ︾ ᠵᠡᠷᠭᠡ  ᠎ ᠪᠠᠷ  ᠲᠤᠳᠤᠤᠬᠠᠯ ᠲᠤᠯᠤᠭᠠᠢ  ᠪᠤᠯᠭᠠᠭᠰᠠᠨ  ᠠᠭᠤᠯᠠᠨ ᠤᠰᠤᠨ ᠤ  ᠨᠡᠷ᠎ᠡ  ᠤᠯᠠᠰᠢᠷᠠᠵᠠᠢ  ᠃  ᠲᠡᠭᠡᠬᠦ  ᠎ ᠳᠤ  ᠡᠳᠡᠭᠡᠷ ᠭᠠᠵᠠᠷ ᠤᠷᠤᠨ ᠤ  ᠤᠤᠯ ᠨᠡᠷ᠎ᠡ ᠨᠢ  ᠬᠠᠷᠢᠨ ᠪᠠᠷᠳᠠᠮ ᠲᠤᠭᠰᠢᠨ ᠴᠢᠨᠠᠷᠳᠠᠢ ᠨᠡᠷᠡᠰ ᠪᠠᠶᠢᠭᠰᠠᠨ᠃  ᠡᠷᠳᠡᠨ ᠤ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ  ᠦᠯᠡᠳᠡᠭᠰᠡᠨ ᠪᠤᠶᠤ ᠤᠳᠤᠬᠠᠨ ᠳᠤ  ᠦᠷᠭᠦᠯᠵᠢᠯᠡᠨ ᠭᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭ᠎ᠠ  ᠵᠠᠷᠢᠮ  ᠭᠠᠵᠠᠷ ᠤᠰᠤᠨ ᠤ  ᠪᠠᠷᠳᠠᠮ ᠲᠤᠭᠰᠢᠨ ᠨᠡᠷ᠎ᠡ  ᠎ ᠨᠢ ᠶᠡᠭᠡ ᠲᠦᠯᠦᠪ  ᠎ ᠲᠤ  ︽ᠲᠡᠭᠷᠢ  ︾  ᠂  ︽ᠬᠠᠷ᠎ᠠ︾  ᠂ ︽  ᠪᠠᠷᠳᠠᠮ︾  ︽ᠬᠠᠯᠵᠠᠨ︾  ᠂ ︽ᠶᠡᠭᠡ︾  ᠂ ︽ᠦᠨᠳᠤᠷ  ︾  ︽ᠤᠯᠠᠭᠠᠨ︾  ︽ᠪᠤᠷᠤ︾  ᠂  ︽ᠬᠦᠢᠳᠡᠨ  ︾  ᠂ ︽ᠬᠦᠨᠳᠡᠯᠡᠨ︾  ᠂ ︽ᠬᠦᠨ  ︾᠂  ︽ᠪᠤᠬ᠎ᠠ︾  ᠂ ︽ᠪᠠᠷᠰ︾  ᠂  ︽ᠴᠢᠨ᠋ᠸ᠎ᠠ  ︾  ︿ᠠᠳᠠᠷᠭ᠎ᠠ︾ ᠵᠡᠷᠭᠡ  ᠨᠡᠷ᠎ᠡ᠂ ᠲᠡᠮᠳᠡᠭ ᠦᠭᠡ ᠪᠠᠷ ᠲᠤᠳᠤᠤᠬᠠᠯ  ᠪᠤᠯᠭᠠᠨ᠎ᠠ᠃  ᠲᠤᠤᠷ᠎ᠠ  ᠲᠤᠶᠢᠮᠦᠴᠢᠯᠠᠨ  ᠶᠠᠷᠢᠶ᠎ᠠ  ᠃  ︽ᠲᠡᠭᠷᠢ︾ ᠬᠡᠮᠡᠬᠦ ᠦᠭᠡ ᠶᠢ  ᠮᠤᠩᠭᠤᠯ ᠦᠭᠡᠨ ᠤ ᠤᠷᠬᠢᠯ ᠭᠡᠬᠦ ᠳᠤ   ᠮᠠᠷᠭᠤᠬᠤ  ᠬᠦᠮᠦᠨ ᠴᠦᠭᠡᠨ  ᠪᠠᠶᠢᠭ᠎ᠠ ᠂  ᠠᠯᠳᠠᠢ  ᠎ ᠶᠢᠨ  ᠰᠦᠷᠯᠢᠭ ᠠᠭᠤᠯᠠᠰ  ᠎ ᠲᠠᠢ  ᠵᠡᠷᠭᠡᠴᠨᠨ  ᠲᠤᠭᠳᠠᠨᠢᠭᠰᠠᠨ  ᠲᠡᠭᠷᠢ ᠠᠭᠤᠯᠠ   ᠲᠡᠯᠡᠬᠡᠢ  ᠎ ᠶᠢᠨ  ᠲᠤᠯᠤᠭᠠᠨ  ᠶᠡᠭᠡ ᠠᠭᠤᠯᠠ  ᠨᠢᠷᠤᠭᠤᠳ ᠤᠨ  ᠨᠢᠭᠡᠨ ᠪᠤᠯᠵᠤ  ᠲᠦᠷᠪᠡᠨ ᠤᠯᠤᠰ ᠤᠨ  ᠬᠢᠯᠢ ᠶᠢ ᠬᠦᠨᠳᠡᠯᠢᠰᠤᠨ ᠰᠤᠨᠳᠠᠯᠢᠰᠴᠦ    ︽  ᠲᠡᠭᠷᠢ ᠠᠭᠤᠯᠠ︾  ᠬᠡᠮᠡᠬᠦ ᠨᠡᠷ᠎ᠡ ᠲᠡᠭᠡᠨ ᠶᠤᠰᠤᠳᠠᠢ ᠵᠤᠬᠢᠷᠠᠭᠰᠠᠨ ᠪᠠᠷᠳᠠᠮ ᠲᠡᠨᠢᠭᠡᠷ  ᠲᠤᠭᠰᠢᠨ  ᠬᠦᠴᠦᠳᠤ  ᠠᠭᠤᠯᠠ  ᠪᠤᠯᠵᠠᠢ  ᠂  ᠲᠡᠷᠡᠪᠡᠷ  ᠲᠦᠷᠪᠡᠨ ᠤᠯᠤᠰ ᠤᠨ  ᠬᠢᠯᠢ ᠶᠢ ᠬᠦᠨᠳᠡᠯᠢᠰᠤᠨ  ᠰᠤᠨᠳᠠᠯᠢᠰᠴᠦ᠂  ᠲᠡᠯᠡᠭᠡᠢ ᠶᠢᠨ  ᠲᠤᠯᠤᠭᠠᠨ ᠶᠡᠭᠡ ᠠᠭᠤᠯᠠ  ᠬᠠᠶᠢᠷᠬᠠᠨ ᠤ ᠨᠢᠭᠡᠨ  ᠪᠤᠯᠵᠤ  ᠰᠦᠨᠳᠡᠷᠡᠯᠡᠨ᠎ᠡ᠂  ᠮᠤᠩᠭᠤᠯ ᠬᠦᠮᠦᠨ ᠲᠡᠭᠦᠨ ᠢ  ᠲᠡᠭᠷᠢ ᠠᠭᠤᠯᠠ  ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠨᠢ ᠶᠠᠮᠠᠷ ᠴᠦ  ᠤᠰᠤᠯ ᠦᠭᠡᠢ  ᠂ ᠤᠳᠤᠬᠠᠨ ᠎ ᠳᠤ ︽ᠲᠢᠶᠠᠨ ᠱᠠᠨ  ︾ ᠭᠡᠵᠦ ᠲᠤᠭᠳᠠᠨᠢᠰᠴᠦ ᠪᠤᠢ  ᠃   ︽ᠲᠡᠭᠷᠢ ᠡᠯᠡᠰᠦ  ︾  ᠤᠳᠤᠬᠠᠨ ᠤ  ᠠᠯᠠᠱᠠᠨ  ᠡᠯᠡᠰᠦᠨ ᠤ ᠨᠢᠭᠡ ᠭᠡᠰᠡᠭ ᠪᠤᠯᠵᠤ  ᠦᠪᠦᠷ ᠮᠤᠩᠭᠤᠯ ᠤᠨ  ᠪᠠᠷᠠᠭᠤᠨ ᠲᠠᠯ᠎ᠠ ᠳᠤ  ᠨᠡᠯᠦᠶᠢᠨ   ᠮᠤᠩᠭᠤᠯ  ᠨᠤᠳᠤᠭ ᠎ ᠤᠨ  ᠭᠠᠶᠢᠬᠠᠮᠰᠢᠭ  ᠰᠦᠷ  ᠎ ᠢ  ᠪᠠᠳᠠᠷᠠᠭᠤᠯᠵᠤ  ᠂  ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ    ᠮᠠᠷᠭᠠᠰᠢ ᠶᠢᠨ ᠲᠡᠦᠭᠡ ᠶᠢ  ᠦᠨᠦᠳᠤᠷ ᠲᠡᠯᠭᠡᠵᠤ  ᠲᠤᠯᠢᠳᠠᠨ᠎ᠠ᠃  ᠲᠡᠭᠦᠨ ᠤ ᠤᠮᠠᠷ᠎ᠠ ᠨᠢ  ︽  ᠤᠯᠠᠭᠠᠨᠪᠤᠬ᠎ᠠ ᠶᠢᠨ  ᠡᠯᠡᠰᠦ  ︾  ᠂   ᠪᠠᠳᠠᠢ ᠶᠢᠨ  ᠵᠢᠷᠡᠨ ᠤ ᠡᠯᠡᠰᠦ ᠲᠠᠢ  ᠵᠠᠬ᠎ᠠ ᠨᠡᠶᠢᠯᠡᠵᠦ ᠪᠠᠷᠳᠠᠮ ᠲᠤᠭᠰᠢᠨ  ᠮᠦᠷᠳᠡᠭᠡᠨ  ᠠᠤᠭ᠎ᠠ ᠠᠭᠤᠳᠠᠮ  ᠃  ︽ ᠪᠤᠬ᠎ᠠ  ︾ ᠨᠡᠷ᠎ᠡ ᠪᠠᠷ  ᠲᠤᠭᠰᠢᠨ ᠪᠠᠷᠳᠠᠮ  ᠭᠡᠴᠡᠭᠦᠦ  ᠪᠠᠭᠠᠳᠤᠷ ᠤᠨ  ᠢᠯᠡᠳᠭᠡᠭᠰᠡᠨ ᠨᠡᠷᠡᠰ  ᠶᠤᠸᠠᠨ ᠤᠯᠤᠰ ᠎ ᠤᠨ  ᠦᠶ᠎ᠡ ᠳᠤ ᠤᠯᠠᠨ ᠪᠠᠶᠢᠳᠠᠭ᠂  ᠲᠠᠷᠦᠢ  ︽ ᠬᠤᠸᠠᠭᠴᠢᠨᠪᠤᠬ᠎ᠠ︾  ᠂ ︽ ᠲᠡᠮᠦᠷᠪᠤᠬ᠎ᠠ︾  ︽ᠶᠢᠰᠦᠨᠪᠤᠬ᠎ᠠ  ︾ ᠭᠡᠬᠦ  ᠮᠡᠳᠦ  ᠃  ᠤᠮᠠᠷᠠᠳᠤ ᠶᠤᠸᠠᠨ ᠤ ᠬᠠᠮᠤᠭ ᠡᠴᠦᠰ ᠤᠨ  ᠨᠡᠶᠢᠰᠯᠡᠯ  ᠴᠠᠭᠠᠨ ᠬᠤᠳᠠ ᠶᠢᠨ  ᠡᠮᠦᠨ᠎ᠡ ᠡᠭᠦᠳᠡ ᠎ ᠨᠢ ᠪᠠᠰᠠ ᠨᠢᠭᠡᠨ  ︽ ᠪᠤᠬ᠎ᠠ ᠬᠠᠳᠠ  ︾  ᠎ ᠶᠢ ᠢᠰᠭᠦᠯᠵᠦ ᠪᠠᠶᠢᠭᠤᠯᠵᠠᠢ᠃   ᠲᠡᠷᠡᠬᠦ ᠵᠢᠭᠠᠬᠠᠨ   ᠬᠠᠳᠠ ᠶᠢ  ᠶᠠᠮᠠᠷ  ᠨᠢᠭᠡᠨ ᠬᠦᠴᠦᠨ ᠲᠡᠯᠪᠡᠴᠡᠵᠦ ᠦᠩᠭᠡᠷᠡᠭᠰᠡᠨ  ᠤᠷᠤ ᠮᠦᠷ ᠪᠠᠳᠤᠳᠠᠢ  ᠃  ᠬᠤᠳᠠ ᠶᠢᠨ  ᠠᠷᠦ ᠨᠢ ︽ᠠᠪᠠᠭ᠎ᠠ ᠬᠠᠷ᠎ᠠ  ︾ ᠠᠭᠤᠯᠠ  ᠂ ᠯᠢᠭᠳᠡᠨ ᠪᠤᠱᠤᠭᠳᠤ ᠬᠠᠭᠠᠨ ᠠᠳᠡ ᠠᠷᠠᠢ ᠬᠤᠶᠠᠷ ᠵᠢᠯ ᠨᠤᠳᠤᠭᠰᠢᠵᠠᠢ᠃  ᠲᠡᠷᠡ  ᠲᠤᠬᠠᠢ  ︽ ᠬᠤᠤᠷᠳᠤ  ᠮᠤᠭᠠᠢ ᠶᠢᠨ   ᠭᠡᠯᠡᠨ ᠳᠤ  ᠪᠤᠰᠬᠠᠭᠰᠠᠨ  ᠮᠢᠨᠦ ᠰᠦᠮ᠎ᠡ  ᠬᠡᠳᠦᠢ ᠲᠠᠭᠠᠶ᠎ᠠ᠂  ᠬᠤᠶᠠᠷ ᠪᠤᠬ᠎ᠠ ᠶᠢᠨ  ᠡᠪᠡᠷ ᠲᠤ ᠪᠠᠶᠢᠭᠤᠯᠤᠭᠰᠠᠨ ᠴᠢᠨᠦ ᠬᠤᠳᠠ ᠬᠡᠳᠦᠢ ᠲᠠᠭᠠᠶ᠎ᠠ ᠭᠡᠰᠡᠨ︾ ᠶᠠᠷᠢᠶ᠎ᠠ ᠪᠠᠶᠢᠳᠠᠭ᠃  ᠪᠠᠷᠭᠤᠨᠰᠢᠯᠠᠪᠠᠯ  ᠮᠤᠩᠭᠤᠯ ᠨᠡᠷᠡᠰ ᠦᠭᠡᠨ ᠳᠤ  ︽ᠪᠤᠷᠦ  ︾᠎ ᠪᠠᠷ ᠪᠠᠶᠢᠭᠠᠯᠢ ᠶᠢᠨ  ᠪᠡᠷᠭᠡ ᠪᠠᠷᠳᠠᠭ᠎ᠠ ᠶᠢ ᠢᠯᠡᠷᠡᠭᠡᠶᠢᠯᠭᠰᠡᠨ  ᠵᠢᠱᠢᠶ᠎ᠡ ᠨᠢ  ︽ ᠪᠤᠷᠦ ᠲᠤᠬᠤᠢ  ︾  ᠨᠡᠷ᠎ᠡ ᠪᠤᠢ᠂   ᠲᠤᠯᠤᠭᠠᠨ ᠭᠤᠤᠯ ᠤᠨ  ᠰᠠᠪᠠ ᠭᠠᠵᠠᠷ  ᠎ ᠢ ᠬᠤᠯᠪᠤᠭᠰᠠᠨ ᠡᠨᠡᠬᠦ ᠤᠷᠤᠨ  ᠪᠤᠷᠤ  ᠦᠩᠭᠡ  ᠎ ᠶᠢᠨ  ᠦᠨᠢᠶᠡᠷ ᠲᠠᠳᠠᠵᠤ᠂ ᠪᠠᠷᠠᠭᠠᠨ ᠡᠭᠦᠯᠡ  ᠲᠤᠭᠰᠢᠨ ᠪᠤᠷᠤᠭᠠᠨ ᠬᠤᠷᠠᠭᠤᠯᠤᠭᠰᠠᠨ ᠡᠨᠡᠬᠦ ᠤᠷᠤᠨ  ᠮᠤᠩᠭᠤᠯ ᠤᠨ  ᠦᠨᠳᠦᠷᠯᠢᠭ ᠪᠠ  ᠵᠦᠩ ᠶᠤᠸᠠᠨ ᠤᠷᠤᠨ ᠢ  ᠬᠤᠯᠪᠤᠨ᠎ᠠ᠃  ︽ᠪᠤᠷᠤ ᠲᠤᠬᠤᠢ  ︾ ᠦᠨᠢᠶ᠋ᠷᠳᠤ ᠡᠷᠬᠢᠨ ᠳᠤ  ᠮᠤᠳᠤᠨ ᠴᠠᠨ ᠢᠦᠢ  ᠂ ᠬᠠᠨ  ᠎ ᠤ  ᠬᠠᠭᠠᠨ  ᠎ ᠤ ᠪᠠᠶᠢᠯᠳᠤᠭᠠᠨ ᠶᠢᠨ  ᠦᠭᠦᠯᠡᠭᠳᠡᠨ᠎ᠡ  ᠃    ︽ᠴᠢᠦᠢ ᠪᠢᠩ ᠤᠨ  ᠴᠡᠷᠢᠭ  ᠴᠢ ᠯᠢᠶᠠᠨ ᠱᠠᠨ  ᠎ ᠳᠤ  ᠬᠦᠷᠴᠦ  ︾   ︵ ︽ ᠬᠢᠳᠡᠳ ᠬᠡᠪᠯᠡᠯ  ᠎ ᠤᠨ ᠬᠤᠷᠢᠨ ᠲᠦᠷᠪᠡᠨ ᠲᠡᠦᠭᠡ᠂  ᠰᠤᠳᠤᠷ ᠲᠡᠮᠳᠡᠭᠯᠡᠯ  ᠾᠦ᠋ᠸᠧ ᠴᠢᠦ ᠪᠢᠩ ᠤᠨ  ᠱᠠᠰᠢᠳᠢᠷ  2173 ᠨᠢᠭᠤᠷ  ᠎ ᠲᠤ  ︾ ᠬᠤᠵᠢᠮ ᠤᠨ  ᠡᠷᠳᠡᠮᠳᠡᠨ ᠶᠠᠨ ᠱᠢ ᠭᠦ᠋ ᠠᠪᠤᠭᠠᠢ   ︽  ᠴᠢ ᠯᠢᠶᠠᠨ ᠱᠠᠨ  ᠠᠨᠤ ᠲᠡᠭᠷᠢ ᠠᠭᠤᠯᠠ  ᠪᠤᠯᠠᠢ  ᠂   ᠾᠦᠩᠨᠤ ᠦᠭᠡ  ︾  ᠭᠡᠵᠦ ᠲᠠᠶᠢᠯᠠᠪᠤᠷᠢᠯᠠᠵᠠᠢ  ᠃  ᠴᠢ ᠯᠢᠶᠠᠨ ᠱᠠᠨ  ᠠᠭᠤᠯᠠ  ᠎ ᠨᠢ ︽ᠲᠡᠭᠷᠢ︾ ᠬᠡᠮᠡᠬᠦ ᠠᠤᠭ᠎ᠠ  ᠬᠦᠴᠦᠳᠦ ᠨᠡᠷ᠎ᠡ ᠲᠡᠭᠡᠨ ᠵᠤᠬᠢᠴᠠᠭᠰᠠᠨ ᠪᠠᠷᠳᠠᠭᠠᠳᠤ ᠰᠦᠷᠯᠢᠭ ᠬᠠᠶᠢᠷᠬᠠᠨ  ᠂  ᠪᠠᠷᠠᠭᠤᠨ‌ᠡᠴᠠ  ᠬᠦᠬᠡᠨᠠᠭᠤᠷ ᠮᠤᠵᠢ ᠤᠨ  ᠵᠡᠭᠦᠨ ᠲᠠᠯ᠎ᠠ  ᠎ ᠠᠴᠠ ᠡᠬᠢᠯᠡᠵᠦ  ᠵᠡᠭᠦᠨᠰᠢ᠂ᠭᠠᠨᠰᠤ ᠮᠤᠵᠢ ᠎ ᠶᠢᠨ  ᠪᠠᠷᠠᠭᠤᠨ ᠲᠠᠯ᠎ᠠ ᠶᠢ  ᠬᠦᠨᠳᠡᠯᠢᠰᠤᠨ  ᠮᠢᠩᠭᠠᠨ ᠢᠯᠡᠬᠦᠦ ᠺᠢᠯᠦᠮᠧᠲ᠋ᠡᠷ ᠰᠤᠨᠤᠯᠵᠠᠨ  ᠰᠦᠨᠳᠡᠷᠡᠯᠡᠨ᠎ᠡ᠃   ᠲᠤᠮᠤ ᠰᠦᠷᠯᠢᠭ ᠠᠭᠤᠯᠠ  ᠨᠢᠷᠤᠭᠤᠳ ᠶᠢᠨ  ᠠᠳᠡ ᠬᠦᠷᠳᠡᠯ᠎ᠡ ᠶᠠᠷᠢᠭᠠᠳ  ᠨᠤᠳᠤᠭ ᠵᠦᠭ  ᠎ ᠢᠶᠠᠨ ᠡᠷᠬᠢᠶ᠎ᠡ᠂  ᠬᠢᠩᠭᠠᠨ ᠤ  ᠦᠨᠳᠤᠷ  ᠨᠢᠷᠤᠭᠤᠳ ᠤᠨ  ᠵᠤᠤ ᠤᠳᠠ  ᠂ ᠵᠠᠷᠤᠳ ᠤᠨ   ᠭᠡᠰᠡᠭ  ᠎ ᠢ  ︽ ᠰᠦᠭᠡ ᠬᠠᠷᠠᠯᠢᠭ  ᠲᠠᠪᠠᠭ᠎ᠠ  ︾ ᠭᠡᠵᠦ ᠲᠡᠭᠦᠨ ᠤ  ᠤᠯᠠᠨ ᠭᠡᠰᠡᠭ ᠪᠤᠯᠬᠤ  ᠠᠭᠤᠯᠠ  ᠬᠠᠶᠢᠷᠬᠠᠳ ᠨᠢ  ︽ᠬᠠᠷ᠎ᠠ︾᠂ ︽ᠤᠯᠠᠭᠠᠨ  ︾  ᠂ ︽ᠬᠠᠯᠵᠠᠨ  ︾  ᠂  ︽ᠬᠦᠨᠳᠡᠯᠡᠨ  ︾  ᠂ ︽ᠬᠦᠢᠳᠡᠨ  ︾᠂  ︽ᠠᠳᠠᠷᠭ᠎ᠠ  ︾  ᠵᠡᠷᠭᠡ  ᠎ ᠪᠠᠷ  ᠲᠤᠭᠰᠢᠨ ᠰᠦᠷᠯᠢᠭ ᠢ  ᠎ ᠨᠢ ᠢᠯᠡᠷᠭᠡᠶᠢᠯᠡᠵᠦ ᠪᠠᠶᠢᠳᠠᠭ᠃ ᠤᠳᠤᠬᠠᠨ ᠪᠤᠯᠬᠤ ᠳᠤ  ᠪᠠᠭᠠᠷᠢᠨ  ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠬᠠᠮᠤᠭ ᠤᠨ  ᠲᠤᠮᠤ  ᠬᠠᠶᠢᠷᠬᠠᠨ ᠤ  ᠪᠤᠯᠬᠤ  ︽ᠰᠠᠶᠢᠬᠠᠨ ᠬᠠᠨ ᠠᠭᠤᠯᠠ  ︾  ᠎ ᠨᠢ  ᠵᠠᠷᠢᠮ  ᠎ ᠳᠠᠭᠠᠨ  ᠪᠠᠰᠠ ︽ᠰᠠᠶᠢᠬᠠᠨ ᠠᠭᠤᠯᠠ︾  ᠪᠤᠯᠵᠤ ᠠᠬᠠᠮᠠᠳ ᠤᠨ  ᠮᠢᠨᠢ ᠠᠭᠤᠷ ᠤᠴᠠᠭᠠᠷ ᠢ  ᠬᠦᠷᠭᠡᠵᠤ ᠪᠠᠶᠢᠭᠰᠠᠨ᠃   ᠡᠨᠡᠬᠦ ᠠᠭᠤᠯᠠ  ᠎ ᠨᠢ   ︽ᠯᠢᠶᠤᠤ ᠤᠯᠤᠰ ᠤᠨ  ᠪᠢᠴᠢᠭ  ᠎ ᠤᠨ ᠲᠠᠪᠢᠨ‌ᠭᠤᠷᠪᠠᠳᠤᠭᠠᠷ ᠡᠪᠬᠡᠮᠡᠯ  ︾  ᠎ ᠲᠤ  ︽ ᠬᠠᠷ᠎ᠠ ᠠᠭᠤᠯᠠ  ︾ ᠭᠡᠮᠡᠨ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠶᠢᠨ᠎ᠠ᠃  ᠲᠡᠮᠳᠡᠭᠡᠯᠡᠷᠦᠨ  ᠄  ︽  ᠡᠪᠦᠯᠦᠨ  ᠲᠤᠶᠢᠯᠦᠨ  ᠡᠳᠦᠷ  ᠂ ᠤᠯᠤᠰ ᠤᠨ   ᠵᠢᠷᠦᠮ ᠢᠶᠠᠷ   ᠴᠠᠭᠠᠨ ᠬᠤᠨᠢ᠂  ᠴᠠᠭᠠᠨ ᠮᠤᠷᠢ ︵ᠤᠩᠭᠤᠨ ᠰᠠᠷᠠᠯ︶  ᠂  ᠴᠠᠭᠠᠨ ᠭᠠᠯᠠᠭᠤ  ᠨᠢᠳᠦᠯᠡᠵᠦ᠂   ᠴᠢᠰᠦ ᠶᠢ  ᠠᠨᠤ  ᠠᠷᠢᠬᠢ  ᠎ ᠯᠤᠭ᠎ᠠ ᠬᠤᠯᠢᠵᠤ  ᠂  ᠲᠡᠭᠷᠢ ᠶᠢᠨ  ᠬᠦᠪᠡᠭᠦᠨ  ᠬᠠᠷ᠎ᠠ ᠠᠭᠤᠯᠠ  ᠎ ᠶᠢ ᠲᠠᠬᠢᠮᠦᠢ  ᠂ ᠬᠠᠷ᠎ᠠ ᠠᠭᠤᠯᠠ  ᠠᠨᠤ  ᠬᠢᠯᠢ ᠶᠢᠨ  ᠤᠮᠠᠷ᠎ᠠ ᠵᠦᠭ   ᠪᠠᠶᠢᠷᠢᠰᠢᠮᠦᠢ  ᠂ ᠤᠯᠤᠰ ᠤᠨ  ᠰᠦᠭ  ᠰᠦᠨᠡᠰᠤ  ᠪᠤᠯᠤᠮᠦᠢ  ᠂ ᠲᠠᠬᠢᠯᠭ᠎ᠠ ᠶᠢᠨ  ᠪᠠᠷᠢᠮᠵᠢᠶ᠎ᠠ  ᠠᠨᠤ   ᠬᠢᠳᠠᠳ ᠤᠷᠤᠨ ᠤ  ᠲᠠᠶᠢᠱᠠᠨ ᠠᠭᠤᠯᠠ  ᠎ ᠶᠢ ᠲᠠᠬᠢᠬᠤ  ᠮᠡᠳᠦ᠂  ᠲᠠᠬᠢᠯᠭ᠎ᠠ ᠳᠤ  ᠡᠰᠡ ᠤᠷᠤᠯᠴᠠᠭᠰᠠᠳ ᠤᠶᠢᠷᠳᠤᠵᠤ  ᠦᠯᠦ  ᠪᠤᠯᠤᠮᠦᠢ  ︾  ᠭᠡᠵᠠᠢ᠃   ᠲᠡᠭᠦᠨ  ᠎ ᠤ ᠡᠨᠡᠬᠦ ︽ ᠬᠠᠷ᠎ᠠ︾  ᠎ ᠨᠢ  ᠵᠦᠪᠭᠡᠨ  ︽ᠬᠠᠷ᠎ᠠ ᠦᠩᠭᠡ︾  ᠎ ᠶᠢᠨ  ︽ᠬᠠᠷ᠎ᠠ  ︾ ᠪᠢᠰᠢ ᠬᠠᠷᠢᠨ  ︽ ᠲᠦᠨᠡᠷ ᠬᠠᠷ᠎ᠠ  ︾  ᠂ ︽ ᠬᠠᠷ᠎ᠠ   ᠬᠦᠴᠦᠨ  ︾᠎ ᠶᠢᠨ    ︽ᠬᠠᠷ᠎ᠠ︾ ᠪᠤᠯᠬᠤ ᠪᠠᠶᠢᠭ᠎ᠠ  ᠂   ᠤᠳᠤᠬᠠᠨ ᠳᠤ  ᠡᠨᠡᠬᠦ ᠨᠢ  ᠨᠢᠭᠡᠮᠦᠰᠤᠨ  ᠭᠡᠷᠡᠭᠯᠡᠬᠦ ᠪᠠᠨ ᠪᠤᠯᠢᠵᠠᠢ᠃  ᠤᠳᠤᠬᠠᠨ  ᠎ ᠤ ᠮᠠᠨ ᠤ   ᠰᠡᠷᠭᠦᠭᠡᠨ ᠭᠡᠷᠡᠭᠯᠡᠵᠤ  ᠪᠠᠶᠢᠭ᠎ᠠ  ︽ᠪᠠᠷᠳᠠᠮ︾  ᠬᠠᠷ᠎ᠠ  ᠠᠭᠤᠯᠠ   ᠴᠦ  ︽ᠬᠠᠷ᠎ᠠ  ︾ ᠪᠠᠶᠢᠵᠤ  ᠂  ᠮᠠᠨ ᠤ ᠪᠠᠭ᠎ᠠ  ᠎ ᠶᠢᠨ ᠦᠶ᠎ᠡ ᠳᠤ  ︽ᠪᠠᠷᠳᠠᠩ  ᠬᠠᠷ᠎ᠠ︾ ᠭᠡᠵᠦ ᠴᠦ  ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠰᠠᠨ  ᠂ ᠶᠠᠭᠠᠬᠢᠭᠰᠨᠨ  ᠪᠠᠷᠳᠠᠭᠤᠰᠢᠳᠠᠢ᠂  ᠲᠤᠭᠰᠢᠨ ᠰᠦᠷᠯᠢᠭ ᠨᠡᠷ᠎ᠡ ᠪᠠᠶᠢᠭᠰᠠᠨ ᠪᠤᠢ᠂  ᠤᠳᠤᠬᠠᠨ ᠳᠤ  ︽ᠪᠠᠶᠠᠨ  ᠬᠠᠨ  ︾  ᠠᠭᠤᠯᠠ  ᠪᠤᠯᠵᠤ  ᠂ ᠬᠠᠶᠠ  ᠵᠠᠷᠢᠮ ᠬᠦᠮᠦᠰ  ︽ᠪᠠᠶᠠᠨ ᠬᠠᠷ᠎ᠠ ᠠᠭᠤᠯᠠ  ︾ ᠭᠡᠵᠦ ᠲᠠᠭᠤᠳᠠᠬᠤ ᠨᠢ ᠴᠦ  ᠪᠤᠢ  ᠃ 1700 ᠤᠨ ᠳᠤ ᠡᠨᠡᠬᠦ ᠠᠭᠤᠯᠠᠨ ᠳᠤ  ᠪᠠᠭᠠᠷᠢᠨ ᠤ ᠰᠡᠴᠡᠨ ᠲᠡᠭᠡᠳᠦ ᠬᠦᠷᠦᠨ ᠬᠦᠩᠵᠤ ᠶᠢ  ᠲᠦᠷ ᠤᠷᠤᠰᠢᠭᠤᠯᠬᠤ ᠳᠤ ᠤᠯᠠᠨ ᠠᠷᠪᠢᠨ  ᠦᠯᠢᠭᠡᠷ ᠲᠤᠮᠤᠭ  ᠦᠯᠡᠳᠡᠭᠳᠡᠵᠦ ᠲᠡᠭᠦᠨ ᠤ ᠭᠠᠶᠢᠬᠠᠮᠰᠢᠭ  ᠎ ᠢ  ᠲᠠᠭᠤᠷᠢᠰᠤᠭᠤᠯᠤᠭᠰᠠᠨ  ᠂ ᠡᠭᠦᠨ ᠳᠤ ᠪᠠᠷᠰᠳᠤ ᠶᠢᠨ  ᠠᠮᠠ  ᠂ ᠴᠢᠨᠤᠸ᠋ᠳᠤ ᠶᠢᠨ  ᠬᠦᠨᠳᠡᠢ ᠵᠡᠷᠭᠡ  ᠭᠠᠵᠠᠷ ᠤᠨ  ᠨᠡᠷ᠎ᠡ  ᠦᠯᠡᠳᠡᠵᠠᠢ᠃   ᠬᠤᠵᠢᠮ ᠨᠢ  ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ  ᠤᠨ ᠳᠤ  ᠲᠡᠭᠦᠨ ᠤ ᠤᠷᠬᠢᠯ ᠳᠤ  ᠤᠪᠤᠭ᠎ᠠ ᠪᠤᠰᠬᠠᠵᠦ ᠲᠠᠬᠢᠵᠠᠢ᠃ ᠬᠦᠭᠡᠨᠡᠭᠤᠷ ᠲᠦᠪᠡᠳ ᠤᠨ  ᠦᠨᠳᠦᠷᠯᠢᠭ ᠤᠨ  ᠵᠡᠭᠦᠨ ᠬᠢᠵᠠᠭᠠᠷ ᠢ   ᠮᠠᠨᠠᠭᠰᠠᠨ  ︽ ᠪᠠᠶ᠋ᠨᠨᠬᠠᠠᠷ᠎ᠠ  ︾ ᠠᠭᠤᠯᠠ  ᠎ ᠶᠢᠨ ᠭᠤᠤᠯ ᠤᠷᠬᠢᠯ ᠨᠢ ᠲᠠᠯᠠᠢ ᠶᠢᠨ  ᠲᠦᠪᠰᠢᠨ ᠠᠴᠠ 5369  ᠮᠧᠲ᠋ᠧᠷ ᠡᠷᠭᠦᠭᠳᠡᠵᠦ   ᠬᠠᠳᠤᠨ  ᠭᠤᠤᠯ ᠤᠨ  ᠡᠬᠢ ᠪᠤᠯᠤᠭᠰᠠᠭᠠᠷ᠂  ᠲᠡᠷᠡᠪᠡᠷ  ᠲᠠᠷᠦᠢ  ᠺᠦᠨ ᠯᠦᠨ ᠠᠭᠤᠯᠠ  ᠰᠠᠯᠪᠤᠷᠢ ᠬᠠᠶᠢᠷᠬᠠᠨ ᠪᠤᠯᠬᠤ ᠶᠤᠮ  ᠭᠡᠨ᠎ᠡ᠃   ᠴᠠᠰᠤ ᠮᠦᠰᠦᠨ ᠳᠤ ᠬᠤᠴᠢᠭᠳᠠᠭᠰᠠᠨ ︽ᠺᠦᠨ  ᠯᠦᠨ︾ ᠠᠭᠤᠯᠠ  ᠎ ᠶᠢᠨ  ︽ ᠺᠦᠨ ᠯᠦᠨ  ︾ ᠪᠤᠯᠪᠠᠯ  ᠮᠤᠩᠭᠤᠯ ᠦᠭᠡ  ︽ᠬᠦᠨᠳᠡᠯᠡᠨ ︵ᠺᠦᠨᠳᠡᠯᠡᠨ︶  ︾  ᠎ ᠤ ᠠᠪᠢᠶᠠᠨ  ᠎ ᠤ ᠬᠤᠪᠢᠷᠠᠯ ᠭᠡᠵᠦ ᠡᠷᠳᠡᠮᠳᠡᠳ ᠶᠠᠷᠢᠳᠠᠭ ᠨᠢ  ᠤᠷᠤ ᠦᠭᠡᠢ ᠦᠭᠡ ᠪᠢᠰᠢ᠃1717 ᠤᠨ ᠤ  ᠡᠬᠢ  ᠎ ᠪᠠᠷ  ᠶᠡᠭᠡ ᠴᠠᠷᠢᠩᠳᠤᠨᠳᠤᠪ  6000 ᠮᠢᠩᠭᠠᠨ  ᠤᠷᠢᠶᠠᠩᠬᠠᠢ ᠡᠷᠡᠰ ᠪᠠᠷ  ᠭᠤᠤᠯᠯᠠᠭᠰᠠᠨ ᠴᠡᠷᠢᠭ  ᠎ ᠢᠶᠠᠨ ᠠᠵᠢᠷᠭ᠎ᠠ ᠤᠨᠤᠭᠤᠯᠵᠤ  ︽ᠬᠦᠮᠦᠨ ᠠᠮᠢᠳᠠᠨ ᠦᠭᠡᠢ  ᠺᠦᠨ ᠯᠦᠨ  ᠎ ᠤ ᠴᠠᠰᠤᠳᠤ ᠠᠭᠤᠯᠠ  ᠎ ᠶᠢ  ᠲᠠᠪᠠᠵᠠᠢ  ︾  ︵ ︽ ᠲᠠᠶᠢᠴᠢᠩ  ᠤᠯᠤᠰ ᠤᠨ  ᠦᠶ᠎ᠡ ᠶᠢᠨ  ᠮᠤᠩᠭᠤᠯ ᠤᠨ  ᠲᠡᠦᠭᠡ  ︾  ︶    ᠃   ᠲᠤᠰ ᠤᠳᠠᠭᠠᠨ ᠤ ᠲᠠᠶᠢᠨ  ᠎ ᠳᠤ ᠶᠡᠭᠡ ᠴᠠᠷᠢᠩᠳᠤᠳᠤᠪ  ᠴᠡᠷᠢᠭ ᠲᠠᠶᠢᠨ ᠤ ᠠᠵᠢᠯᠯᠯᠭ᠎ᠠ᠂ ᠤᠯᠤᠰ ᠲᠦᠷᠦ ᠶᠢᠨ  ᠤᠪ ᠮᠡᠭᠡ᠂  ᠱᠠᠰᠢᠨ  ᠎ ᠤ  ᠤᠬᠠᠭᠠᠨ ᠵᠡᠷᠭᠡ ᠶᠢ ᠤᠷᠭᠠᠨᠢᠭ ᠎ ᠢᠶᠠᠷ  ᠬᠡᠷᠡᠭᠯᠡᠵᠦ  ᠲᠦᠪᠡᠳ  ᠤᠷᠤᠨ ᠢ  ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠬᠤᠱᠤᠳ   ᠠᠶᠢᠮᠠᠭ ᠢ  ᠶᠡᠭᠡᠳᠡ ᠢᠯᠠᠭᠰᠠᠨ ᠮᠦᠷᠳᠡᠭᠡᠨ ᠲᠡᠭᠦᠨ ᠢ  ︽ᠲᠤᠰᠠᠯᠠᠷ᠎ᠠ  ᠢᠷᠡᠭᠰᠡᠨ  ︾  ᠴᠢᠩ ᠤᠯᠤᠰ ᠤᠨ  ᠴᠡᠷᠢᠭ ᠢ   ︽ᠬᠠᠷ᠎ᠠ ᠤᠰᠤᠨ︾  ᠬᠡᠮᠡᠬᠦ ᠭᠠᠵᠠᠷ ᠬᠠᠷᠠᠰᠠᠯᠳᠠᠢ ᠬᠢᠳᠤᠵᠠᠢ᠃  ᠮᠤᠩᠭᠤᠯ ᠤᠷᠤᠨ ᠳᠤ  ︽ᠬᠦᠨᠳᠡᠯᠡᠨ︾  ᠬᠡᠮᠡᠬᠦ ᠤᠷᠤᠨ  ᠶᠡᠭᠡ ᠯᠡ ᠤᠯᠠᠨ ᠪᠠᠶᠢᠭᠰᠠᠨ᠃   ᠪᠠᠷᠠᠭᠤᠨ ᠠᠴᠠ   ᠤᠳᠤᠬᠠᠨ ᠤ   ︽ᠺᠦᠨ ᠯᠦᠨ  ︾ ᠠᠭᠤᠯᠠ ᠪᠤᠯᠤᠭᠰᠠᠨ  ︽ᠬᠦᠨᠳᠡᠯᠡᠨ ᠠᠭᠤᠯᠠ  ︾  ᠪᠤᠭᠤᠳᠤ ᠬᠤᠳᠠ ᠶᠢᠨ  ︽ ᠬᠦᠨᠳᠡᠯᠡᠨ ᠲᠤᠭᠤᠷᠢᠭ︾  ᠂  ᠯᠢᠨᠰᠢ ᠰᠢᠶᠠᠨ ᠤ ᠬᠠᠷᠢᠶᠠᠨ ᠎ ᠳᠤ ᠪᠠᠶᠢᠭ᠎ᠠ  ︽ᠪᠠᠶᠠᠨ ᠬᠦᠨᠳᠡᠯᠡᠨ︾ ᠨᠡᠷᠡᠳᠦ  ᠠᠭᠤᠯᠠ  ᠂  ᠲᠤᠰ ᠠᠭᠤᠯᠠᠨ ᠳᠤ  ᠪᠠᠭᠠᠷᠢᠨ ᠤ  ᠰᠡᠴᠡᠨ ᠲᠡᠭᠡᠳᠦ ᠬᠦᠷᠦᠨ ᠬᠦᠩᠵᠦ ᠶᠢ  ᠦᠨᠢᠳᠡ ᠤᠷᠤᠰᠢᠭᠤᠯᠤᠭᠰᠠᠨ ᠠᠴᠠ  ᠲᠤᠮᠳᠠᠳᠤ ᠤᠯᠤᠰ ᠤᠨ  ᠲᠡᠦᠭᠡᠨ ᠳᠤ ᠪᠠᠶᠢᠷᠢ ᠰᠠᠭᠤᠷᠢᠳᠠᠢ᠃  ᠡᠮᠦᠨ᠎ᠡ  ᠪᠤᠰᠤᠳ ᠤᠨ  ᠶᠡᠷᠢᠬᠤ ᠶᠢ ᠰᠤᠨᠤᠰᠬᠤ ᠳᠤ   ︽ᠪᠠᠶᠠᠨ ᠬᠦᠨᠳᠡᠯᠡᠨ ᠠᠭᠤᠯᠠ   ︾ ᠤᠤᠯ ᠤᠨ  ᠨᠡᠷ᠎ᠡ ᠨᠢ  ︽ᠭᠡᠳᠡᠷ  ᠬᠦᠨᠳᠡᠯᠡᠨ ᠬᠠᠷ᠎ᠠ  ︾ ᠠᠭᠤᠯᠠ  ︵ ᠲᠤᠰ ᠶᠠᠷᠢᠶ᠎ᠠ  ᠎ ᠨᠢ ᠲᠡᠦᠭᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ  ᠎ ᠤᠨ  ᠦᠨᠳᠤᠰᠤ ᠪᠠᠷᠢᠮᠳᠠ ᠤᠯᠳᠠᠭ᠎ᠠ ᠦᠭᠡᠢ᠃  ᠪᠤᠶᠠᠨᠴᠤᠭᠯᠠᠨ ᠪᠠᠭᠰᠢ ᠶᠢᠨ  ᠪᠠᠭᠠᠷᠢᠨ ᠤ ᠨᠤᠳᠤᠭ ᠤᠰᠤᠨ ᠤ ᠲᠡᠮᠳᠡᠭᠡᠯᠡᠯ ᠲᠠᠢ ᠠᠷᠠᠢ ᠵᠢᠭᠠᠬᠠᠨ ᠵᠦᠷᠢᠶ᠎ᠡ ᠲᠠᠢ  ︶  ᠪᠠᠶᠢᠵᠠᠢ  ᠂ ᠬᠠᠭᠠᠨ ᠤ ᠬᠦᠩᠵᠤ ᠶᠢ ᠤᠷᠤᠰᠢᠭᠤᠯᠬᠤ ᠪᠤᠯᠬᠤ ᠳᠤ  ᠲᠡᠭᠦᠨ ᠢ  ︽ᠪᠠᠶᠠᠨ ᠬᠦᠨᠳᠡᠯᠡᠨ ᠠᠭᠤᠯᠠ  ︾ ᠭᠡᠵᠦ ᠬᠠᠯᠠᠯ᠎ᠠ ᠭᠡᠳᠡᠭ  ᠃ ᠰᠦᠷᠯᠢᠭ ᠪᠠᠷᠳᠠᠭᠠᠳᠤ ᠡᠨᠡᠬᠦ ᠠᠭᠤᠯᠠᠨ ᠳᠤ  ᠲᠤᠬᠠᠢ ᠶᠢᠨ  ᠦᠶ᠎ᠡ ᠳᠤ ᠪᠠᠷᠰ ᠢᠷᠪᠢᠰ ᠡᠭᠦᠷᠯᠡᠵᠦ ᠪᠠᠶᠢᠭᠰᠠᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ᠢ ᠤᠩᠰᠢᠵᠤ ᠪᠠᠶᠢᠭᠰᠠᠨ ᠢᠶᠠᠨ  ᠠᠳᠡ ᠪᠤᠳᠠᠳᠠᠢ ᠪᠠᠷᠢᠮᠳᠠ ᠬᠠᠩᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃  ᠵᠦᠪᠭᠡᠨ ᠡᠩᠭᠡ ᠠᠮᠦᠭᠤᠯᠠᠩ ᠤᠨ  ᠬᠦᠪᠡᠭᠦᠨ ᠶᠦᠨ ᠲᠢ  ᠪᠠᠷᠰ  ᠨᠠᠮᠨᠠᠭᠰᠠᠨ᠂  ᠬᠠᠭᠠᠨ ᠤ ᠬᠦᠪᠡᠭᠦᠨ ᠪᠤᠯᠬᠤᠷ ᠪᠡᠷᠰ ᠢ  ᠨᠢᠭᠤᠵᠤ  ᠲᠠᠯᠳᠠᠯᠠᠵᠤ ᠨᠠᠮᠨᠠᠬᠤ  ᠪᠠᠶᠢᠳᠤᠭᠠᠢ ᠬᠠᠵᠠᠭᠤ ᠠᠴᠠ  ᠎ ᠨᠢ ᠴᠦ ᠬᠠᠷᠪᠤᠬᠤ ᠦᠭᠡᠢ  ᠬᠠᠷᠢᠨ  ᠲᠡᠭᠦᠯᠢᠨ ᠪᠤᠰᠴᠦ ᠠᠷᠬᠢᠷᠠᠨ ᠲᠠᠭᠠᠷᠢᠬᠤ  ᠪᠠᠷᠰ ᠤᠨ  ᠠᠰ ᠡᠮᠦᠨ᠎ᠡ ᠠᠴᠠ ᠨᠢ ᠬᠠᠷᠪᠤᠳᠠᠭ  ᠭᠡᠨ᠎ᠡ᠃  ︵  ︽ᠡᠩᠭᠡ ᠠᠮᠤᠭᠤᠯᠠᠩ ᠤᠨ  ᠦᠨᠡᠨ ᠲᠡᠮᠳᠡᠭᠯᠡᠯ  ︾᠎ ᠠᠴᠠ  ᠤᠩᠰᠢᠭᠰᠠᠨ ᠰᠢᠦᠬᠠᠨ︶  ᠃  ᠤᠳᠤᠬᠠᠨ ᠤ ᠠᠷᠤ ᠬᠤᠷᠴᠢᠨ ᠤ  ᠬᠠᠷᠢᠶᠠᠨ ᠳᠤ ᠪᠠᠶᠢᠭ᠎ᠠ ︽ ᠬᠦᠨᠳᠡᠯᠡᠨ  ︾ ᠨᠡᠷᠡᠳᠤ ᠤᠷᠤᠨ  ᠎ ᠳᠤ ᠮᠤᠩᠭᠤᠯ ᠬᠦᠮᠦᠨ ᠨᠡᠭᠦᠳᠡᠯ ᠮᠠᠯᠵᠢᠯ  ᠰᠤᠶᠤᠯ ᠎ ᠢ  ᠎ ᠪᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠭᠡᠳ  ᠡᠮᠦᠨᠡᠭᠡᠨ ᠤᠷᠤᠨ ᠤ  ᠲᠡᠷᠢᠭᠦᠯᠡᠭᠴᠢ  ᠪᠦ᠋ ᠰᠢᠶᠤᠤ ᠯᠢᠨ  ᠎ ᠠᠴᠠ  ︽ ᠠᠷᠦ ᠬᠤᠷᠴᠢᠨ ᠤ ᠨᠡᠭᠦᠳᠡᠯ ᠮᠠᠯᠵᠢᠯ  ᠎ ᠢ  ᠎ ᠢ  ᠲᠡᠯᠡᠭᠡᠢ  ᠎ ᠶᠢᠨ ᠦᠪ   ᠪᠤᠯᠭᠠᠨ᠎ᠠ  ︾  ᠭᠡᠰᠡᠨ ᠨᠢ  ᠬᠦᠮᠦᠰ  ᠎ ᠤᠨ  ᠰᠡᠳᠬᠢᠯ ᠳᠤ  ᠶᠡᠭᠡᠳᠡ ᠲᠠᠭᠠᠯᠠᠭᠳᠠᠭᠰᠠᠨ  ᠃  ᠢᠩᠬᠦᠯᠡᠷ  ︽ᠬᠦᠨᠳᠡᠯᠡᠨ  ︾  ᠬᠡᠮᠡᠬᠦ ᠦᠭᠡ  ᠎ ᠨᠢ ᠶᠡᠷᠦᠨᠢ  ᠵᠡᠭᠦᠨ ᠪᠠᠷᠠᠭᠤᠨᠰᠢ  ︽ᠬᠦᠨᠳᠡᠯᠢᠰᠦᠭᠰᠡᠨ  ︾ ᠪᠢᠰᠢ ᠬᠠᠷᠢᠨ ᠲᠡᠷᠡᠬᠦ ᠤᠷᠤᠨ ᠤ  ᠪᠠᠶᠢᠭᠠᠯᠢ ᠶᠢᠨ  ᠪᠠᠷᠳᠠᠭ᠎ᠠ ᠵᠢᠴᠢ ᠠᠭᠤᠷ ᠠᠮᠢᠰᠬᠤᠯ ᠨᠢ ︽ᠬᠦᠨᠳᠡᠯᠡᠨ ᠡᠷᠬᠢᠬᠦ  ︾  ᠂  ︽ᠬᠦᠨᠳᠡᠯᠡᠨ ᠭᠤᠤᠯᠳᠤ ᠠᠭᠠᠰᠢᠯᠠᠬᠤ  ︾᠎ ᠶᠢᠨ  ︽ᠬᠦᠨᠳᠡᠯᠡᠨ  ︾ ᠪᠠᠶᠢᠬᠤ ᠨᠢ  ᠢᠯᠡᠷᠭᠡᠢ  ᠂  ᠡᠨᠡᠬᠦ  ᠲᠤᠭᠰᠢᠨ  ᠠᠭᠤᠷ ᠠᠮᠢᠰᠬᠤᠯ  ᠪᠠᠷᠳᠠᠭᠠᠳᠤ ᠤᠷᠤᠨ ᠳᠤ  ᠤᠤᠭᠠᠯ  ᠮᠠᠯᠵᠢᠯ ᠰᠤᠶᠤᠯ ᠠᠴᠠ  ᠤᠨᠳᠤᠤ ᠲᠦᠷᠦᠯ ᠤᠨ  ᠠᠵᠤ ᠠᠬᠤᠢ ᠰᠤᠶᠤᠯ   ᠵᠤᠬᠢᠴᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ  ᠪᠠᠶᠢᠨ᠎ᠠ᠃  ᠵᠠᠷᠤᠳ ᠤᠨ  ᠬᠢᠵᠠᠭᠠᠷ ᠲᠤ  ︽ᠬᠦᠨᠳᠡᠯᠡᠨ︾ ᠪᠤᠢ  ᠂  ᠬᠢᠩᠭᠠᠨ  ᠠᠶᠢᠮᠠᠭ ᠤᠨ  ᠬᠢᠵᠠᠭᠠᠷ ᠎ ᠲᠤ  ︽ᠬᠦᠨᠳᠡᠯᠡᠨ  ︾ ᠪᠤᠢ  ᠃ ᠮᠤᠩᠭᠤᠯ ᠤᠷᠤᠨ ᠤ  ᠠᠭᠤᠯᠠ ᠤᠰᠤ ᠨᠢ ︽ᠬᠦᠨᠳᠡᠯᠡᠨ  ︾᠎ ᠢᠶᠠᠷ ᠲᠡᠭᠦᠨ ᠤ  ᠪᠡᠷᠭᠡ ᠪᠠᠷᠳᠠᠭ᠎ᠠ ᠢ  ᠢᠯᠡᠷᠭᠡᠶᠢᠯᠡᠬᠦ ᠶᠢᠨ  ᠬᠠᠮᠳᠤ  ︽ ᠦᠨᠳᠤᠷ︾᠂   ︽ ᠶᠡᠭᠡ  ︾᠎ ᠪᠠᠷ  ᠪᠠᠰᠠ ᠶᠢᠨ ᠢᠯᠡᠳᠭᠡᠵᠤ  ᠪᠠᠶᠢᠵᠤ᠂  ᠲᠤᠰ ᠲᠤᠳᠤᠤᠬᠠᠯ ᠨᠢ ᠬᠡᠳᠦᠷᠭᠡᠢ  ᠲᠤᠭᠰᠢᠨ ᠰᠦᠷᠭᠡᠢ ᠪᠢᠰᠢ ᠪᠤᠯᠬᠤ ᠪᠠᠷ ᠬᠠᠯᠠᠭᠳᠠᠭᠰᠠᠨ ᠦᠭᠡᠢ ᠤᠳᠤᠬᠠᠨ ᠪᠤᠯᠳᠠᠯ᠎ᠠ ᠭᠡᠷᠡᠭᠯᠡᠭᠳᠡᠭᠰᠡᠭᠡᠷ  ᠃   ᠡᠭᠦᠨ ᠤ ᠲᠤᠬᠠᠢ  ᠵᠢᠱᠢᠶᠡᠯᠡᠪᠡᠯ  ︽ ᠶᠡᠭᠡ ᠬᠠᠯᠵᠠᠨ︾ ᠨᠡᠷᠡᠳᠤ ᠠᠭᠤᠯᠠ᠂   ︽ᠦᠨᠳᠤᠷ ᠤᠯᠠᠭᠠᠨ  ︾  ᠨᠡᠷᠡᠳᠤ ᠠᠭᠤᠯᠠ  ᠵᠡᠷᠭᠡ ᠪᠤᠢ᠃  ᠤᠳᠤᠬᠠᠨ ᠤ ᠭᠡᠰᠢᠭᠳᠡᠨ᠂ ᠯᠢᠨᠰᠢ ᠶᠢᠨ  ᠵᠠᠭᠠᠭ ᠲᠤ ᠤᠷᠤᠰᠢᠬᠤ  ︽ᠦᠨᠳᠤᠷ ᠤᠯᠠᠭᠠᠨ︾ ᠨᠡᠷᠡᠳᠤ ᠠᠭᠤᠯᠠᠨ  ᠎ ᠨᠢ ᠤᠤᠯ  ᠎ ᠳᠠᠭᠠᠨ  ᠪᠠᠭᠠᠷᠢᠨ ᠸᠠᠩ  ᠎ ᠤᠨ  ᠲᠡᠭᠷᠢ ᠲᠠᠬᠢᠳᠠᠭ ᠤᠷᠤᠨ ᠪᠠᠶᠢᠵᠤ  ᠂ᠲᠡᠭᠦᠨ ᠤᠷᠬᠢᠯ ᠳᠤ ᠪᠠᠭᠠᠷᠢᠨ ᠮᠤᠩᠭᠤᠯᠴᠤᠳ ᠤᠨ ᠲᠤᠲ᠋ᠧᠮ   ᠴᠢᠯᠠᠭᠤᠨ  ᠴᠢᠨ᠋ᠸ᠎ᠠ  ᠎ ᠶᠢᠨ  ᠪᠠᠶᠢᠭᠰᠠᠨ ᠢ 1997 ᠤᠨ ᠪᠤᠯᠬᠤ ᠳᠤ ᠪᠠᠳᠤᠳᠠᠢ ᠬᠠᠷᠠᠭᠰᠠᠨ ᠬᠦᠮᠦᠨ ᠪᠠᠶᠢᠨ᠎ᠠ᠃  ᠲᠤᠰ ᠠᠭᠤᠯᠠᠨ  ᠎ ᠨᠢ 1908 ᠤᠨ ᠳᠤ ᠯᠢᠨᠰᠢ ᠰᠢᠶᠠᠨ ᠳᠤ  ᠵᠢᠷᠤᠭᠯᠠᠭᠳᠠᠭᠰᠠᠨ  ᠎ ᠠᠴᠠ  ᠪᠤᠯᠵᠤ  ᠴᠢᠩ ᠴᠢᠨ ᠸᠠᠩ ᠢ ᠺᠤᠸᠠᠩ ᠵᠠᠷᠯᠢᠭ  ᠪᠠᠭᠤᠯᠭᠠᠨ  ᠪᠠᠭᠠᠷᠢᠨ ᠸᠠᠩ ᠤᠨ  ᠠᠳᠡ ᠦᠷᠭᠦᠯᠵᠢᠯᠡᠨ ᠲᠡᠭᠷᠢ ᠲᠠᠬᠢᠬᠤ ᠎ ᠶᠢ  ᠵᠤᠭᠰᠤᠭᠠᠭᠰᠠᠨ ᠠᠵᠠᠢ᠃  ᠲᠡᠭᠡᠬᠦ ᠳᠤ  ᠡᠨᠡᠬᠦ ᠦᠨᠳᠤᠷ ᠤᠯᠠᠭᠠᠨ ᠴᠦ  ᠠᠭᠠᠵᠢᠮ ᠢᠶᠠᠷ  ︽ᠤᠪᠤᠭ᠎ᠠ ᠠᠭᠤᠯᠠ  ︾  ᠂  ︽ᠮᠠᠷᠴᠢᠨ ᠰᠦᠮᠪᠦᠷ  ︾  ᠂  ︽ᠵᠠᠯᠰᠠᠩ ᠰᠦᠮᠪᠤᠷ  ︾ ᠭᠡᠵᠦ ᠤᠯᠠᠷᠢᠠ   ᠬᠤᠪᠢᠷᠠᠭᠳᠠᠨ᠎ᠠ  ᠃ ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ  ᠰᠢᠳᠦᠭᠡᠨ ᠪᠤᠯᠤᠭᠰᠠᠨ ᠭᠤᠭᠤᠰᠤᠳᠠᠢ ᠬᠠᠨ ᠠᠭᠤᠯᠠᠨ ᠳᠤ  ᠪᠢ 2013 ᠤᠨ  ᠎ ᠤ 7 ᠰᠠᠷ᠎ᠠ ᠶᠢᠨ 13᠎ ᠳᠤ  ᠠᠵᠠ ᠪᠠᠷ  ᠠᠪᠠᠷᠢᠵᠤ ᠪᠢᠯᠠ  ᠂ ᠲᠡᠷᠡᠬᠦ  ᠮᠤᠩᠭᠤᠯ  ᠬᠦᠮᠦᠨ ᠤ  ᠬᠡᠶᠢᠮᠦᠷᠢ ᠎ ᠶᠢ ᠮᠠᠨᠳᠤᠭᠤᠯᠳᠠᠭ ᠠᠭᠤᠯᠠᠨ ᠤ  ᠤᠤᠯ ᠤᠨ  ᠨᠡᠷ᠎ᠡ ᠨᠢ ︽ᠶᠡᠭᠡ ᠬᠠᠯᠵᠠᠨ ᠠᠭᠤᠯᠠ  ︾ ᠭᠡᠮᠡᠭᠳᠡᠵᠦ  ᠂ ᠪᠤᠰᠤᠳ ᠎ ᠤᠨ  ᠴᠢᠬᠢ ᠨᠢᠳᠤᠨ  ᠎ ᠳᠤ    ᠲᠤᠮᠤ᠂  ᠰᠦᠷᠳᠠᠢ ᠨᠡᠷ᠎ᠡ ᠪᠠᠶᠢᠭᠰᠠᠨ ᠨᠢ ᠠᠭᠠᠵᠢᠮ ᠶᠢᠨ  ᠭᠤᠭᠤᠰᠤᠳᠠᠢ ᠬᠠᠨ ᠠᠭᠤᠯᠠ  ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠠᠵᠠᠢ᠃  ᠲᠡᠭᠡᠬᠦ ᠳᠤ ᠪᠠᠭᠠᠷᠢᠨ  ᠤᠩᠨᠢᠭᠤᠳ ᠤᠨ  ᠬᠢᠵᠠᠭᠠᠷ ᠢᠶᠠᠷ  ᠪᠠᠰᠠ ᠨᠢᠭᠡᠨ ︽ ᠶᠡᠭᠡ  ᠬᠠᠯᠵᠠᠨ ᠠᠭᠤᠯᠠ  ︾ ᠪᠠᠶᠢᠵᠤ  ᠂ ᠲᠡᠭᠷᠢ  ᠰᠡᠴᠡᠨ ᠤ   ᠨᠠᠶᠢᠮᠠᠳᠤᠭᠠᠷ ᠤᠨ ᠳᠤ  ᠬᠤᠸᠠᠩ ᠲᠠᠶᠢᠵᠢ ᠯᠢᠭᠳᠡᠨ ᠬᠠᠭᠠᠨ ᠢ  ᠲᠠᠶᠢᠯᠠᠷ᠎ᠠ ᠢᠷᠡᠬᠦ ᠳᠤ ᠪᠠᠨ  ᠡᠨᠡᠬᠦ ᠶᠡᠭᠡ ᠠᠭᠤᠯᠠᠨ  ᠎ ᠪᠠᠷ ᠦᠩᠭᠭᠡᠷᠡᠵᠠᠢ᠃  ︽ᠬᠠᠯᠵᠠᠨ  ︾ ᠭᠡᠰᠡᠨ ᠦᠭᠡ ᠨᠢ ᠤᠳᠤᠬᠠᠨ ᠤ ᠮᠤᠩᠭᠤᠯ ᠬᠡᠯᠡᠨ ᠳᠤ  ᠶᠡᠷᠦᠨᠢ  ︽ᠭᠡᠰᠡᠭ  ᠬᠠᠯᠴᠠᠭᠠᠢ  ᠎ ᠲᠠᠢ  ︾ ᠭᠡᠰᠡᠨ ᠤᠤᠬ᠎ᠠ ᠲᠠᠢ ᠪᠤᠯᠵᠤ  ᠬᠤᠪᠢᠷᠠᠭᠰᠠᠨ ᠪᠤᠯᠪᠠᠴᠦ  ᠂  ᠲᠡᠷᠡᠬᠦ ᠦᠶ᠎ᠡ ᠳᠤ ᠬᠤᠯᠠ  ᠬᠠᠷᠠᠭᠬᠤ  ᠎ ᠳᠤ  ︽ᠦᠨᠢᠶᠡᠷ ᠬᠦᠳᠡᠩ ᠬᠤᠯᠢᠯᠳᠤᠨ  ᠡᠭᠦᠯᠡ  ᠪᠤᠷᠤᠭᠠᠨ  ᠰᠤᠯᠢᠪᠢᠴᠢᠭᠰᠠᠨ  ᠰᠦᠷᠯᠢᠭ  ᠰᠤᠨᠢᠨ  ᠬᠠᠯᠵᠠᠨ ᠠᠯᠠᠭ  ᠬᠠᠷᠠᠭᠳᠠᠵᠤ  ︾ ᠪᠠᠶᠢᠭᠰᠠᠨ ᠭᠡᠬᠦ ᠤᠤᠬ᠎ᠠ ᠲᠠᠢ  ᠪᠠᠶᠢᠬᠤ ᠶᠤᠰᠤᠳᠠᠢ᠃  ᠮᠤᠩᠭᠤᠯ ᠭᠠᠵᠠᠷ ᠤᠨ  ᠨᠡᠷ᠎ᠡ ᠳᠤ ᠪᠠᠰᠠ ︽ᠬᠦᠢᠳᠡᠨ︾᠎ ᠪᠠᠷ ᠪᠠᠶᠢᠭᠠᠯᠢ ᠶᠢᠨ  ᠲᠤᠭᠰᠢᠨ ᠶᠢᠨ  ᠢᠯᠡᠳᠭᠡᠵᠤ ᠪᠠᠶᠢᠭᠰᠠᠨ ᠨᠡᠷ᠎ᠡ ᠤᠯᠠᠨ ᠪᠠᠶᠢᠨ᠎ᠠ᠃  ᠤᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ ︽ᠬᠦᠢᠳᠡᠨ ᠤ ᠪᠠᠶᠢᠯᠳᠤᠭᠠᠨ  ︾  ᠎ ᠤ  ᠬᠦᠢᠳᠡᠨ  ᠃ ᠤᠳᠤᠬᠠᠨ ᠤ  ᠠᠷᠦ ᠬᠤᠷᠴᠢᠨ ᠨᠤᠳᠤᠭ ᠲᠤ  ᠪᠠᠶᠢᠭ᠎ᠠ  ︽ᠬᠦᠢᠳᠡᠨ︾ ᠨᠡᠷᠡᠳᠤ ᠭᠤᠤᠯ᠂  ᠪᠤᠯᠠᠭ᠂  ᠵᠠᠷᠤᠳ ᠤᠨ  ᠬᠢᠵᠠᠭᠠᠷ ᠲᠤ ᠤᠷᠤᠰᠢᠬᠤ ︽ᠬᠦᠢᠳᠡᠨ ᠠᠭᠤᠯᠠ  ︾  ᠃    ︽ᠬᠦᠨ︾  ᠪᠠᠰᠠ ᠭᠠᠵᠠᠷ ᠤᠷᠤᠨ  ᠎ ᠤ ᠪᠡᠷᠭᠡ ᠪᠠᠷᠳᠠᠭ᠎ᠠ ᠶᠢ ᠢᠯᠡᠷᠡᠭᠡᠶᠢᠯᠡᠭᠰᠡᠨ ᠲᠤᠭᠰᠢᠨ ᠨᠡᠷ᠎ᠡ ᠪᠠᠶᠢᠵᠠᠢ᠃  ︽ᠨᠠᠬᠤ ᠬᠦᠨ ᠤ ᠪᠠᠶᠢᠯᠳᠤᠭᠠᠨ︾  ︵ᠴᠢᠩᠬᠢᠰ ᠬᠠᠭᠠᠨ ᠤ ᠲᠤᠪᠴᠢᠶᠠᠨ 290 ᠳ᠋ᠤᠭᠡᠷ ᠨᠢᠭᠤᠷ︶ ᠠᠳᠡ ᠲᠡᠯᠭᠡᠨ ᠶᠠᠷᠢᠬᠤ ᠦᠭᠡᠢ᠃  ᠬᠠᠷᠢᠨ  ᠮᠤᠩᠭᠤᠯ ᠭᠠᠵᠠᠷ ᠨᠡᠷ᠎ᠡ  ᠎ ᠤᠨ  ︽ᠬᠦᠨ︾ ᠤᠤᠬ᠎ᠠ ᠲᠠᠢ ᠮᠦᠷᠳᠡᠭᠡᠨ ᠲᠤᠭᠰᠢᠨ ᠴᠢᠨᠠᠷ ᠤᠨ  ᠲᠤᠬᠠᠢ ᠠᠳᠡ ᠬᠦᠷᠳᠡᠯ᠎ᠡ ᠲᠤᠶᠢᠮᠦᠴᠢᠯᠠᠨ ᠶᠠᠷᠢᠶ᠎ᠠ᠃   ᠭᠤᠷᠪᠠ  ᠄ ᠮᠤᠩᠭᠤᠯ ᠭᠠᠵᠠᠷ ᠤᠷᠤᠨ ᠤ ᠪᠠᠷᠳᠠᠮ ᠲᠤᠭᠰᠢᠨ ᠨᠡᠷᠡᠰ ᠤᠨ  ᠤᠯᠠᠷᠢᠨ  ᠬᠤᠪᠢᠷᠠᠭᠰᠠᠨ ᠰᠢᠯᠳᠠᠭᠠᠨ ᠨᠢᠭᠡ᠄  ᠱᠠᠰᠢᠨ ᠲᠠᠢ ᠬᠤᠯᠪᠤᠭᠠᠳᠠᠢ᠂  ᠡᠭᠦᠨ ᠳᠤ ᠪᠤᠳᠠᠳᠠᠢ ᠬᠠᠳᠠᠭᠠᠯᠠᠭᠳᠠᠬᠤ ᠵᠢᠱᠢᠶ᠎ᠡ ᠭᠡᠪᠡᠯ 1627 ᠤᠨ  ᠎ ᠳᠤ   ᠪᠠᠷᠠᠭᠤᠨ ᠮᠤᠩᠭᠤᠯ ᠳᠤ  ᠦᠰᠴᠦ ᠲᠦᠷᠦᠭᠰᠡᠨ ᠨᠢᠭᠡᠨ ᠦᠶ᠎ᠡ ᠶᠢᠨ  ᠡᠷᠳᠡᠮᠳᠤ  ᠯᠠᠮᠠ   ᠨᠠᠶᠢᠴᠢ ᠲᠤᠶᠢᠨ  ᠵᠡᠭᠦᠨ ᠮᠤᠩᠭᠤᠯ ᠵᠦᠭ  ᠠᠶᠠᠯᠠᠵᠤ    ︽ᠬᠠᠷ᠎ᠠ   ᠤᠰᠤᠨ︾  ᠭᠤᠤᠯ  ᠎ ᠢ  ᠭᠡᠳᠦᠯᠬᠦ ᠳᠡᠭᠡᠨ  ᠲᠤᠰ ᠨᠡᠷ᠎ᠡ ᠬᠡᠳᠦᠷᠭᠡᠢ ᠲᠤᠭᠰᠢᠨ ᠭᠡᠵᠦ  ᠲᠡᠭᠦᠨ ᠢ  ︽ᠴᠠᠭᠠᠨ ᠮᠦᠷᠡᠨ  ︾  ᠬᠠᠯᠠᠭᠰᠠᠨ  ᠲᠡᠦᠭᠡᠨ ᠲᠡᠮᠳᠡᠭᠯᠡᠯ ᠪᠤᠢ᠃    ᠨᠠᠶᠢᠴᠢ ᠲᠦᠢᠨ ᠤ ᠨᠡᠷ᠎ᠡ ᠶᠢ ᠲᠡᠶᠢᠯᠪᠤᠷᠢᠯᠠᠬᠤ ᠳᠠᠭᠠᠨ  ᠶᠡᠷᠦᠨᠢ   ︽ ᠨᠠᠶᠢᠴᠢ  ︾  ᠎ ᠶᠢ ᠨᠢ ︽ᠨᠢᠭᠵᠢᠨ  ᠰᠡᠳᠬᠢᠯ  ︾  ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠵᠤ  ᠪᠠᠶᠢᠳᠠᠭ᠂  ᠲᠡᠷᠡ  ᠪᠤᠯᠪᠠᠰᠤ  ᠠᠰᠢᠯᠦᠩᠪᠤ  ᠭᠡᠶᠢᠳ  ︵ᠵᠠᠰᠢᠯᠠᠩᠪᠤ  ︶  ᠭᠡᠶᠢᠳ ᠎ ᠤᠨ  ᠲᠦᠷᠪᠡᠳᠤᠭᠡᠷ   ᠦᠶ᠎ᠡ ᠶᠢᠨ  ᠪᠠᠨᠴᠠᠨ ᠪᠤᠭᠳᠠ  ᠯᠤᠪᠰᠠᠩᠴᠦᠵᠢᠵᠠᠯᠰᠠᠨ  ᠎ ᠤ  ᠱᠠᠪᠢ  ᠪᠠᠶᠢᠵᠤ  10 ᠢᠯᠡᠭᠦᠦ ᠤᠨ  ᠨᠤᠮ ᠰᠤᠷᠤᠭᠰᠠᠨ ᠠᠵᠠᠢ᠃  ᠬᠤᠵᠢᠮ ᠨᠢ ᠨᠠᠶᠢᠴᠢ ᠲᠤᠶᠢᠨ  ᠪᠠᠨᠴᠠᠨ ᠪᠤᠭᠳᠠ ᠶᠢᠨ  ᠵᠢᠭᠠᠪᠤᠷᠢ ᠎ ᠪᠠᠷ  ᠲᠤᠬᠠᠢ ᠶᠢᠨ  ᠦᠶ᠎ᠡ ᠶᠢᠨ  ᠮᠤᠩᠭᠤᠯ ᠤᠷᠤᠨ ᠤ ᠯᠠᠮᠠ  ᠎ ᠶᠢᠨ ᠱᠠᠰᠢᠨ ᠤ ᠲᠦᠪ ᠪᠤᠯᠬᠤ   ᠬᠦᠢ ᠬᠤᠸᠠ  ᠬᠤᠳᠠ ᠶᠢᠨ   ᠤᠷᠴᠢᠮ ᠤᠨ  ᠠᠪᠠᠭ᠎ᠠ ᠬᠠᠷ᠎ᠠ  ᠠᠭᠤᠯᠠᠨ ᠳᠤ   ᠪᠢᠰᠢᠯᠭᠠᠯ ᠬᠢᠵᠤ  35 ᠤᠨ  ᠎ ᠢ ᠡᠯᠭᠡᠭᠦ ᠳᠤ  ᠨᠢᠭᠡᠨ ᠡᠳᠦᠷ  ᠨᠤᠮ ᠤᠩᠰᠢᠬᠤ  ᠵᠠᠭᠤᠷ᠎ᠠ ᠲᠡᠭᠦᠨ ᠤ  ᠡᠰᠦᠭ ᠤᠨ  ᠰᠠᠭᠤᠯᠠᠭ᠎ᠠ ᠨᠢ ᠭᠡᠨᠡᠳᠳᠡ  ᠵᠡᠭᠦᠨ ᠵᠦᠭ ᠬᠠᠵᠠᠶᠢᠵᠤ  ᠰᠦ  ᠎ ᠨᠢ  ᠵᠡᠭᠦᠨ ᠵᠦᠭ ᠤᠷᠤᠰᠤᠭᠰᠠᠨ ᠭᠡᠨ᠎ᠡ᠃  ᠡᠭᠦᠨ  ᠎ ᠳᠤ ᠲᠡᠷᠡᠪᠡᠷ   ︽ᠵᠡᠭᠦᠨ ᠤᠷᠤᠨ ᠳᠤ ᠱᠠᠰᠢᠨ ᠲᠡᠯᠭᠡᠷᠡᠬᠦᠯᠬᠦ ᠴᠠᠭ ᠪᠤᠯᠵᠠᠢ︾  ᠬᠡᠮᠡᠨ ᠬᠤᠸᠠᠩ ᠲᠠᠶᠢᠵᠢ ᠶᠢᠨ  ᠵᠦᠪᠰᠢᠶᠡᠷᠡᠯ ᠢᠶᠠᠷ 30 ᠱᠠᠪᠢ ᠪᠠᠨ  ᠲᠠᠭᠠᠭᠤᠯᠵᠤ   ᠵᠡᠭᠦᠨ ᠮᠤᠩᠭᠤᠯ ᠵᠦᠭ ᠮᠤᠷᠳᠠᠵᠠᠢ᠃  ᠪᠠᠭᠠᠷᠢᠨ ᠤ  ︽ᠬᠠᠷ᠎ᠠ ᠤᠰᠤ  ︾  ᠎ ᠶᠢ ᠬᠡᠳᠦᠯᠬᠦ  ᠎ ᠳᠡᠭᠡᠨ  ᠲᠤᠰ ᠨᠡᠷ᠎ᠡ ᠬᠡᠳᠦᠷᠭᠡᠢ ᠲᠤᠭᠰᠢᠨ ᠭᠡᠵᠤ  ︽ ᠴᠠᠭᠠᠨ ᠮᠦᠷᠡᠨ  ︾  ᠭᠡᠵᠦ ᠬᠠᠯᠠᠭᠰᠠᠨ ᠠᠨᠤ ᠤᠳᠤᠬᠠᠨ ᠪᠤᠯᠳᠠᠯ᠎ᠠ ᠭᠡᠷᠡᠭᠯᠡᠭᠳᠡᠭᠡᠰᠡᠷ  ᠃  ᠨᠠᠶᠢᠴᠢ ᠲᠤᠶᠢᠨ  ᠬᠤᠷᠴᠢᠨ ᠪᠠᠷᠠᠭᠤᠨ  ᠭᠠᠷᠤᠨ ᠲᠤᠮᠳᠠ  ᠬᠤᠰᠢᠭᠤᠨ  ᠎ ᠳᠤ ᠱᠠᠰᠢᠨ ᠤᠯᠠᠮᠵᠢᠯᠠᠵᠤ  ᠠᠯᠠᠵᠤ ᠨᠢᠳᠦᠯᠡᠬᠦ ᠶᠢ  ᠬᠤᠷᠢᠭᠯᠠᠨ  ᠤᠩᠭᠤᠳ ᠢ  ᠦᠭᠡᠶᠢᠰᠬᠡᠵᠤ   ᠴᠢᠨᠳᠠᠮᠦᠨᠢ ᠡᠷᠳᠡᠨᠢ ᠶᠢ  ᠡᠷᠬᠢᠮᠨᠡᠨ ᠰᠢᠳᠦᠬᠦ  ᠪᠤᠯᠭᠠᠬᠤ ᠵᠦᠭ ᠲᠤ  ᠬᠦᠳᠦᠯᠵᠠᠢ᠃  ᠬᠤᠵᠢᠮ ᠲᠡᠷᠡᠪᠡᠷ  ᠬᠤᠷᠴᠢᠨ ᠤ ᠠᠷᠪᠠᠨ ᠬᠤᠰᠢᠭᠤᠨ ᠎ ᠤ  ᠪᠤᠭᠳᠠ ᠪᠤᠯᠵᠠᠢ᠃  ᠬᠤᠶᠠᠷ᠄  ᠲᠤᠬᠠᠢ ᠶᠢᠨ  ᠦᠶ᠎ᠡ ᠶᠢᠨ  ᠲᠦᠷᠦ  ᠵᠠᠰᠠᠭ ᠲᠠᠢ ᠬᠤᠯᠪᠤᠭᠠᠳᠠᠢ᠃ ᠴᠢᠩ ᠤᠯᠤᠰ ᠤᠨ  ᠵᠠᠰᠠᠭ ᠤᠨ  ᠭᠠᠵᠠᠷ  ᠮᠤᠩᠭᠤᠯ ᠤᠨ  ᠮᠤᠷᠢᠳᠤ ᠴᠡᠷᠢᠭ ᠤᠨ  ᠬᠦᠴᠦᠨ ᠢᠶᠠᠷ  ᠨᠠᠩᠬᠢᠶᠠᠳ ᠤᠷᠤᠨ  ᠎ ᠢ ᠲᠠᠶᠢᠯᠠᠨ ᠲᠠᠭᠠᠭᠤᠯᠵᠤ  ᠲᠦᠷᠦ ᠬᠦᠷᠦᠨ ᠢ  ᠎ ᠪᠠᠨ  ᠪᠠᠳᠤᠳᠬᠠᠭᠭᠰᠠᠨ ᠪᠤᠯᠪᠠᠴᠦ  ᠮᠤᠩᠭᠤᠯ ᠬᠦᠮᠦᠨ ᠢ  ᠰᠡᠷᠡᠮᠵᠢᠯᠡᠬᠦ  ᠮᠤᠬᠤᠭᠠᠬᠤ   ᠵᠦᠭᠡᠯᠡᠷᠡᠬᠦᠯᠬᠦ ᠠᠷᠠᠭ᠎ᠠ ᠪᠤᠳᠤᠯᠭ᠎ᠠ ᠪᠠᠨ  ᠶᠡᠷᠦ ᠵᠤᠭᠰᠤᠭᠰᠠᠨ ᠦᠭᠡᠢ᠂ ᠲᠡᠭᠦᠨ ᠤ ᠨᠢᠭᠡ ᠪᠤᠳᠤᠯᠭ᠎ᠠ ᠨᠢ ᠮᠤᠩᠭᠤᠯ ᠤᠷᠤᠨ ᠤ ᠠᠭᠤᠯᠠ ᠤᠰᠤᠨ  ᠎ ᠤ ᠤᠮᠤᠭ ᠰᠦᠷ ᠢ  ᠲᠠᠷᠤᠬᠤ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃   ᠲ᠊  ᠂ ᠪᠤᠶᠠᠨᠴᠤᠭᠯᠠᠨ ᠪᠠᠭᠰᠢ ᠶᠢᠨ  ᠄ ᠪᠠᠭᠠᠷᠢᠨ ᠤ ᠨᠤᠳᠤᠭ ᠤᠰᠤᠨ ᠤ ᠲᠡᠮᠳᠡᠭᠡᠯᠡᠯ ᠳᠤ  ︵119——120 ᠨᠢᠭᠤᠷ  ︶ ᠨᠢᠭᠡᠨ ᠲᠤᠮᠤᠭ ᠶᠠᠷᠢᠶ᠎ᠠ ᠶᠢ  ᠲᠡᠮᠳᠡᠭᠡᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠳᠠᠭ᠃ ᠠᠳᠡ ᠪᠠᠭᠴᠠᠯᠠᠨ   ᠰᠡᠶᠢᠷᠡᠭᠦᠯᠪᠡᠯ   ︽ ᠁ᠴᠢᠩ  ᠤᠯᠤᠰ ᠤᠨ   ᠰᠡᠭᠦᠯᠴᠢ ᠶᠢᠨ  ᠦᠶ᠎ᠡ ᠳᠤ  ᠁᠂  ᠪᠠᠭᠠᠷᠢᠨ ᠤ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠶᠢ ᠪᠠᠶᠢᠴᠠᠭᠠᠷ᠎ᠠ ᠢᠷᠡᠭᠰᠡᠨ ᠰᠦ ᠴᠢᠨ ᠸᠠᠩ ᠱᠠᠨ  ᡂᠢ᠂  ᠮᠤᠩᠭᠤᠯ ᠲᠦᠪᠡᠳ ᠤᠨ  ᠵᠤᠷᠭᠠᠨ ᠤ ᠵᠡᠭᠦᠨ ᠭᠠᠷᠤᠨ ᠰᠠᠶᠢᠳ   ᠶᠤᠤ ᠱᠢ ᠭᠤᠸᠠᠩ ᠵᠡᠷᠭᠡ  ᠬᠦᠮᠦᠰ  ᠪᠠᠭᠠᠷᠢᠨ ᠤ ᠷᠢᠳᠢ ᠰᠢᠳᠢ ᠲᠠᠢ ᠤᠩᠭᠤᠨ ᠲᠠᠷᠬᠠᠨ ᠠᠭᠤᠯᠠ  ᠤᠰᠤ ᠶᠢ ᠦᠵᠡᠭᠡᠳ ᠠᠶᠤᠬᠤ ᠰᠤᠴᠢᠬᠤ᠂ ᠭᠠᠶᠢᠬᠠᠬᠤ ᠪᠠᠭ᠋ᠠᠷᠠᠬᠠᠬᠤ ᠲᠠᠪᠬᠤᠴᠠᠵᠤ  ᠪᠠᠭᠠᠷᠢᠨ ᠤ ᠠᠭᠤᠯᠠ ᠤᠰᠤ  ᠎ ᠶᠢᠨ  ᠨᠡᠷ᠎ᠡ ᠶᠢ ᠦᠭᠡᠷᠡᠴᠢᠡᠯᠬᠦ  ᠶᠠᠪᠤᠳᠠᠯ ᠭᠠᠷᠴᠠᠢ  ᠁  ᠠᠯᠠᠭ ᠠᠰᠬᠠᠳᠤ᠂  ᠲᠤᠭᠤᠷ ᠤᠨ  ᠠᠭᠤᠯᠠ  ᠎ ᠶᠢ ᠲᠤᠩ ᠪᠠᠭ᠋ᠠᠷᠠᠭᠰᠬᠠᠨ ᠪᠦᠭᠡᠳ  ᠲᠡᠭᠦᠨ ᠠᠴᠠ  ᠵᠡᠭᠦᠨᠰᠢ  ᠲᠡᠯᠡᠭᠯᠡᠭᠰᠡᠨ  ᠪᠠᠶᠠᠨ ᠬᠤᠰᠢᠭᠤ  ᠠᠭᠤᠯᠠ  ᠎ ᠶᠢ ᠦᠵᠡᠭᠡᠳ  ᠶᠠᠭ ᠨᠢᠭᠡᠨ ᠦᠯᠦᠰᠭᠦᠯᠡᠩ  ᠠᠪᠤᠷᠬᠤ ᠮᠠᠩ ᠮᠤᠭᠠᠢ  ᠲᠠᠭᠠᠷᠠᠭᠰᠠᠨ ᠪᠦᠬᠦᠨ ᠢ  ᠲᠠᠭᠠᠷᠢᠯᠬᠢᠯᠠᠨ ᠵᠠᠯᠬᠢᠯᠠᠬᠤ  ᠎ ᠪᠠᠷ ᠶᠠᠪᠤᠵᠤ ᠪᠠᠶᠢᠭ᠎ᠠ ᠰᠢᠨᠵᠢ ᠲᠠᠢ ᠲᠤᠯᠠ ᠤᠳᠠᠭᠠᠨ ᠳᠠᠭᠠᠨ  ᠠᠳᠡ  ᠨᠡᠭᠡᠭᠡᠬᠦ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠯᠳᠠ ᠶᠢᠨ  ᠭᠠᠵᠠᠷ ᠭᠤᠷᠪᠠᠨ ᠮᠦᠷᠡᠨ  ᠎ ᠤ ᠰᠠᠪᠠ ᠭᠠᠵᠠᠷ ᠶᠢᠨ  ᠪᠦᠬᠦᠨ ᠢ  ᠵᠠᠯᠬᠢᠬᠤ ᠪᠤᠯᠤᠨ᠎ᠠ ᠭᠡᠵᠦ ᠦᠵᠡᠭᠡᠳ  ᠂ ᠪᠠᠶᠠᠨ  ᠬᠤᠰᠢᠭᠤ ᠠᠭᠤᠯᠠ  ᠎ ᠶᠢ ︿ᠲᠡᠮᠡᠭᠡᠨ ᠬᠦᠵᠦᠭᠦᠦ  ﹀ ᠭᠡᠵᠦ ᠨᠡᠷᠡᠯᠡᠵᠦ ᠭᠡᠨ᠎ᠡ  ᠁  ︿ᠡᠷᠳᠡᠨᠢ ᠠᠭᠤᠯᠠ﹀  ᠎ ᠶᠢ  ᠁  ︿ᠲᠡᠭᠡᠯᠢ ᠠᠭᠤᠯᠠ  ﹀ ᠭᠡᠵᠦ ᠨᠡᠷᠡᠡᠯᠵᠦ ᠭᠡᠨ᠎ᠡ  ︾  ᠡᠨᠡ ᠪᠤᠯᠪᠠᠯ  ᠲᠤᠮᠤᠭ ᠶᠠᠷᠢᠶ᠎ᠠ ᠮᠦᠨ᠃  ᠭᠡᠳᠡᠯ᠎ᠡ ᠲᠤᠮᠤᠭ ᠶᠠᠷᠢᠶ᠎ᠠ  ᠎ ᠨᠢ ᠪᠠᠰᠠᠴᠦ ᠨᠢᠭᠡᠨ ᠴᠠᠭ ᠦᠶ᠎ᠡ ᠶᠢᠨ  ᠤᠤᠬ᠎ᠠ ᠵᠤᠬᠢᠶᠠᠯ ᠪᠤᠯᠵᠤ  ᠠᠮᠢᠳᠦᠷᠠᠯ ᠲᠡᠮᠡᠴᠡᠯ ᠤᠨ  ᠲᠤᠰᠬᠠᠯ ᠪᠤᠯᠵᠤ ᠢᠷᠡᠭᠰᠡᠨ ᠢ  ᠬᠦᠮᠦᠨ ᠪᠦᠬᠦᠨ ᠦᠭᠡᠶᠢᠰᠬᠡᠬᠦ ᠦᠭᠡᠢ᠂  ᠠᠳᠡ ᠴᠠᠭ ᠎ ᠤᠨ  ᠬᠠᠷᠠᠭᠠᠨ᠎ᠠ ᠵᠢᠱᠢᠶ᠎ᠡ ᠤᠯᠵᠤ ᠠᠮᠵᠢᠬᠤ ᠦᠭᠡᠢ ᠳᠤ ᠪᠠᠨ ᠲᠤᠮᠤᠭ ᠶᠠᠷᠢᠶ᠎ᠠ ᠪᠠᠷ᠃ ᠭᠤᠷᠪᠠ  ᠄  ᠮᠤᠩᠭᠤᠯ ᠬᠦᠮᠦᠨ ᠤ ᠰᠡᠳᠬᠢᠯ ᠰᠠᠨᠠᠭᠠᠨ ᠤ ᠬᠤᠪᠢᠷᠠᠯᠳᠠ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃  ᠮᠤᠩᠭᠤᠯ ᠬᠦᠮᠦᠨ ᠤᠷᠳᠤ ᠤᠳᠠᠭᠠᠨ ᠤᠨ ᠤ  ᠬᠠᠳᠠᠭᠤ ᠲᠤᠭᠰᠢᠨ ᠪᠠᠶᠢᠭᠠᠯᠢ ᠶᠢᠨ  ᠠᠶᠤᠯ ᠴᠡᠷᠢᠭ ᠲᠠᠶᠢᠨ ᠤ  ᠠᠤᠶ᠋ᠯ  ᠵᠡᠷᠭᠡ ᠳᠤ ᠬᠢᠮᠦᠷᠠᠭᠳᠠᠨ ᠶᠠᠪᠤᠭᠤ  ᠎ ᠳᠠᠭᠠᠨ ᠡᠩᠭᠡ ᠲᠠᠶᠢᠪᠤᠩ ᠶᠢᠨ  ᠬᠦᠰᠡᠨ ᠪᠡᠯᠭᠡᠳᠡᠵᠦ  ᠵᠦᠩ ᠪᠢᠯᠢᠭ ᠢ  ᠵᠦᠩᠨᠡᠨ ᠠᠭᠤᠯᠠ  ᠤᠰᠤᠨ ᠤ ᠨᠡᠷ᠎ᠡ  ᠎ ᠳᠤ ᠪᠠᠨ ᠬᠦᠰᠡᠯ ᠲᠠᠭᠠᠳᠬᠠᠯ ᠢ ᠪᠠᠨ ᠡᠷᠭᠦᠨ ᠰᠢᠩᠭᠭᠡᠬᠦ ᠪᠤᠯᠤᠭᠰᠠᠨ ᠶᠠᠪᠤᠳᠠᠯ ᠴᠦ ᠭᠠᠷᠴᠠᠢ᠃  ᠵᠢᠱᠢᠶᠡᠯᠡᠪᠡᠯ ᠤᠳᠤᠬᠠᠨ ᠤ ᠠᠷᠤ ᠬᠤᠷᠴᠢᠨ ᠨᠤᠳᠤᠭ ᠤᠨ ᠬᠤᠰᠢᠭᠤᠨ  ᠲᠦᠪ ᠠᠴᠠ  ᠤᠮᠠᠷᠠᠰᠢ ᠠᠷᠪᠠᠨ ᠲᠠᠪᠤᠨ ᠭᠠᠵᠠᠷ ᠤᠷᠤᠰᠢᠬᠤ  ︽ᠪᠠᠭ᠎ᠠ ᠬᠠᠷ᠎ᠠ ᠠᠭᠤᠯᠠ  ︾  ᠎ ᠨᠢ ︽ᠦᠯᠵᠡᠶᠢᠳᠤ ᠤᠷᠤᠢ  ︾ ᠪᠤᠯᠤᠭᠰᠠᠨ᠃  ᠤᠷᠳᠤ ᠴᠢᠨᠤᠳ  ᠭᠤᠤᠯ  ᠎ ᠨᠢ  ︽ᠦᠯᠵᠡᠶᠢᠮᠦᠦᠷᠦᠨ  ︾ ᠪᠤᠯᠤᠭᠰᠠᠨ  ᠃ ︿ᠭᠡᠭᠡᠳᠤ ᠴᠢᠨᠤᠨ ᠭᠤᠤᠯ  ︾  ᠎ ᠨᠢ   ︿ ᠤᠦ ᠮᠦᠷᠡᠨ ᠪᠤᠯᠤᠭᠰᠠᠨ  ﹈   ᠪᠤᠯᠤᠭᠰᠠᠨ ᠪᠤᠳᠠᠳᠠᠢ ᠵᠢᠱᠢᠶ᠎ᠡ ᠪᠤᠢ᠃ ᠲᠡᠦᠭᠡ  ᠪᠠᠶᠢᠭᠠᠯᠢ ᠎ ᠶᠢᠨ  ᠬᠤᠪᠢᠷᠠᠯ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ  ᠃  ᠤᠤᠯ ᠤᠨ    ᠴᠠᠬᠠᠷ  ᠂ ᠦᠵᠦᠮᠦᠴᠢᠨ᠂   ᠪᠠᠭᠠᠷᠢᠨ ᠤ  ᠬᠢᠵᠠᠭᠠᠷ ᠎ ᠲᠤ   ᠤᠷᠤᠰᠢᠬᠤ  ︽ᠬᠦᠢᠳᠡᠨ  ᠬᠠᠪᠴᠢᠯ ᠠᠭᠤᠯᠠ  ︾᠎ ᠨᠢ   ︽ ᠯᠢᠶᠤᠤ ᠤᠯᠤᠰ ᠤᠨ   ᠲᠡᠦᠭᠡ︾  ᠎ ᠳᠤ   ᠲᠡᠮᠳᠡᠭᠡᠯᠡᠭᠳᠡᠨ ᠦᠯᠡᠳᠡᠵᠠᠢ᠃ ᠲᠡᠷᠡᠬᠦ ᠨᠡᠷ᠎ᠡ ᠨᠢ  ᠭᠠᠵᠠᠷ ᠵᠦᠢ ᠶᠢᠨ  ᠪᠠᠶᠢᠴᠠ ᠪᠠ ᠠᠭᠤᠷ  ᠠᠮᠢᠰᠬᠤᠯ ᠤᠨ  ᠤᠨᠴᠢᠯᠢᠠᠭ ᠰᠢᠨᠵᠢ ᠪᠠᠷ ᠨᠢ ᠨᠡᠷᠡᠯᠡᠭᠰᠡᠨ  ᠲᠤᠭᠰᠢᠨ  ᠨᠡᠷ᠎ᠡ ᠪᠤᠶᠤ᠂  ᠤᠳᠤᠬᠠᠨ ᠳᠤ  ︽ ᠠᠷᠤ ᠬᠠᠶᠢᠷᠬᠠᠨ  ︾  ᠪᠤᠯᠵᠤ  ᠬᠤᠪᠢᠷᠠᠵᠠᠢ᠃  ᠤᠨ ᠲᠤᠭᠠᠯᠠᠯ ᠤᠨ  712 ᠤᠨ ᠳᠤ  ᠲᠢᠩ ᠤᠯᠤᠰ  ᠎ ᠨᠢ  ᠤᠮᠠᠷᠠᠳᠤ ᠶᠢᠨ  ᠱᠢ ᠦᠨᠳᠤᠰᠤᠳᠡᠨ ᠬᠢᠭᠡᠳ ᠬᠢᠳᠠᠨ  ᠎ ᠤ  ᠬᠤᠯᠪᠤᠭᠠᠳᠤ ᠴᠡᠷᠢᠭ ᠲᠠᠢ ᠠᠳᠡ  ᠰᠢᠷᠦᠭᠦᠨ ᠲᠠᠶᠢᠨ ᠪᠤᠯᠵᠤ ᠲᠠᠩ ᠤᠯᠤᠰ ᠎ ᠤᠨ  ᠴᠡᠷᠢᠭ ᠭᠠᠰᠢᠭᠤᠨ ᠲᠠᠢ ᠢᠯᠠᠭᠳᠠᠵᠠᠢ᠃  ᠤᠳᠤᠬᠠᠨ ᠲᠡᠭᠦᠨ ᠤ ᠤᠷᠦᠢ ᠳᠤ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ ᠲᠠᠢ ᠂ ᠬᠢᠳᠠᠳᠴᠤᠳ ᠤᠳᠤᠬᠠᠨ ᠳᠤ ᠲᠡᠭᠦᠨ ᠢ  ︽ᠠᠷᠪᠠᠨ ᠭᠤᠷᠪᠠᠨ  ᠲᠠᠶᠢᠪᠤᠤ  ︾ ᠭᠡᠳᠡᠭ ᠨᠢ ᠪᠠᠰᠠᠴᠦ  ᠨᠡᠯᠢᠶᠡᠳ  ᠰᠦᠷ ᠬᠦᠴᠦᠨ ᠲᠠᠢ  ᠲᠠᠭᠤᠳᠠᠯᠭ᠎ᠠ  ᠪᠤᠯᠬᠤ ᠪᠤᠶᠤ  ᠃  ᠭᠤᠤᠯ ᠤᠪᠤᠭ᠎ᠠ  ᠎ ᠨᠢ ᠬᠠᠮᠳᠤ ᠶᠢᠨ  ᠤᠪᠤᠭ᠎ᠠ ᠪᠤᠯᠵᠤ᠂  ᠠᠷᠤ ᠬᠠᠵᠠᠭᠤ ᠶᠢᠨ  ᠲᠦᠷᠪᠡᠨ ᠤᠪᠤᠭ᠎ᠠ ᠶᠢ ᠦᠵᠦᠮᠦᠴᠢᠨ ᠲᠠᠬᠢᠵᠤ᠂  ᠪᠠᠷᠠᠭᠤᠨ ᠲᠠᠯ᠎ᠠ ᠶᠢᠨ  ᠲᠦᠷᠪᠡᠨ ᠤᠪᠤᠭ᠎ᠠ ᠎ ᠶᠢ ᠬᠡᠰᠢᠭᠳᠡᠨ ᠲᠠᠬᠢᠵᠤ᠂  ᠡᠮᠦᠨ᠎ᠡ  ᠡᠩᠭᠡᠷ ᠤᠨ  ᠲᠦᠷᠪᠡᠨ ᠤᠪᠤᠭ᠎ᠠ ᠶᠢ ᠪᠠᠷᠠᠭᠤᠨ ᠲᠠᠬᠢᠵᠤ᠂  ᠵᠡᠭᠦᠨ ᠬᠠᠪᠢᠷᠭ᠎ᠠ ᠎ ᠶᠢᠨ  ᠲᠦᠷᠪᠡᠨ ᠤᠪᠤᠭ᠎ᠠ ᠶᠢ  ᠵᠡᠭᠦᠨ ᠪᠠᠭᠠᠷᠢᠨ ᠲᠠᠬᠢᠳᠠᠭ ᠭᠡᠳᠡᠭ᠃ ᠤᠳᠤᠬᠠᠨ ᠪᠤᠯᠳᠠᠯ᠎ᠠ ᠲᠠᠬᠢᠯᠭ᠎ᠠ ᠲᠠᠰᠤᠷᠭ᠎ᠠ ᠦᠭᠡᠢ᠂ ᠭᠤᠤᠯᠳᠠᠬᠤ  ᠦᠵᠦᠮᠦᠴᠢᠨ᠂ ᠭᠡᠰᠢᠭᠳᠡᠨ ᠤ ᠮᠤᠩᠭᠤᠯᠴᠤᠳ ᠪᠠ ᠯᠢᠨᠰᠢ ᠰᠢᠶᠠᠨ ᠤ ᠬᠢᠳᠠᠳ ᠦᠨᠳᠤᠰᠤᠳᠡᠨ ᠲᠠᠬᠢᠵᠤ ᠪᠠᠶᠢᠨ᠎ᠠ᠂  ᠵᠢᠯ ᠪᠦᠷᠢ ᠤᠨ  ᠪᠢᠯᠢᠭ ᠤᠨ  ᠤᠯᠠᠷᠢᠯ ᠤᠨ  ᠬᠤᠷᠢᠨ ᠲᠦᠷᠪᠡᠨ ᠳᠤ ᠶᠠᠪᠤᠭᠳᠠᠳᠠᠭ᠃      ᠬᠤᠷᠴᠢᠨ  ᠲᠤᠪᠴᠢᠶᠠᠨ ᠳᠤ   ᠲᠡᠮᠳᠡᠭᠡᠯᠡᠭᠳᠡᠭᠰᠡᠨ  ︽ᠶᠡᠭᠡ ᠲᠠᠩᠭᠠᠷᠢᠭ ᠤᠨ  ᠰᠢᠯᠢ  ︾᠎ ᠨᠢ ᠤᠳᠤᠬᠠᠨ ᠳᠤ  ︽ᠬᠤᠸᠠ ᠲᠤᠭᠤᠯ ᠰᠤᠮᠤ︾  ︵ᠤᠷᠴᠢᠮ︶  ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ 1624 ᠤᠨ  ᠎ ᠤ 2 ᠰᠠᠷ᠎ᠠ ᠳᠤ   ᠨᠤᠷᠬᠠᠴᠢ  ᠎ ᠪᠠᠷ ᠪᠠᠺᠰᠢ᠂  ᠭᠡᠸᠠ  ᠂ ᠺᠦᠷᠽᠠᠨ ᠵᠡᠷᠭᠡ ᠬᠦᠮᠦᠨ ᠢ  ᠲᠤᠮᠢᠯᠠᠵᠤ ᠶᠡᠭᠡ ᠲᠠᠩᠭᠠᠷᠢᠭ ᠰᠢᠯᠢ ᠳᠤ ᠤᠤᠪᠠ ᠲᠡᠷᠢᠭᠦᠳᠠᠢ ᠤᠯᠠᠨ ᠲᠠᠶᠢᠵᠢ ᠨᠠᠷ ᠲᠠᠢ  ᠴᠠᠭᠠᠨ ᠮᠤᠷᠢ ᠬᠠᠷ᠎ᠠ ᠦᠭᠡᠷ ᠠᠯᠠᠵᠤ ᠲᠡᠩᠭᠠᠷᠢᠯᠠᠪᠠ᠃  ︶  ︽ᠬᠤᠷᠴᠢᠨ ᠵᠠᠩ ᠦᠢᠯᠡ  ᠎ ᠢ ᠰᠤᠶᠤᠯ ᠰᠤᠳᠤᠯᠤᠯ  ︾ 37 ᠳ᠋ᠤᠭᠡᠷ ᠨᠢᠭᠤᠷ  ︶      ᠲᠦᠷᠪᠡ  ᠄ ᠮᠤᠩᠭᠤᠯ ᠭᠠᠵᠠᠷ ᠤᠨ  ᠨᠡᠷ᠎ᠡ  ᠬᠢᠳᠠᠳ ᠭᠡᠯᠡ  ᠎ ᠪᠠᠷ ᠲᠠᠮᠵᠢᠨ ᠤᠷᠴᠢᠭᠤᠯᠠᠭᠳᠠᠬᠤ ᠳᠠᠭᠠᠨ  ᠠᠶᠠᠨᠳᠠᠭᠠᠨ  ᠬᠤᠪᠢᠷᠠᠵᠤ ᠪᠠᠶᠢᠨ᠎ᠠ᠃  ᠡᠭᠦᠨ  ᠎ ᠳᠤ  ᠾᠦᠩᠨᠤ  ᠎ ᠶᠢᠨ  ᠦᠶ᠎ᠡ ᠶᠢᠨ ︽  ᠲᠡᠭᠷᠢ ᠠᠭᠤᠯᠠ  ︾  ᠠᠶᠤᠮᠰᠢᠭᠳᠤ ᠪᠠᠷᠳᠠᠭᠠᠳᠤ   ᠠᠭᠤᠯᠠ  ᠎ ᠨᠢ ᠬᠢᠳᠠᠳ  ᠎ ᠢᠶᠠᠷ  ︽ᠴᠢ ᠯᠢᠶᠠᠨ ᠱᠠᠨ  ︾ ᠬᠡᠮᠡᠨ ᠠᠪᠢᠶᠠᠯᠠᠭᠳᠠᠨ   ᠬᠤᠪᠢᠷᠠᠵᠠᠢ᠃  ᠵᠡᠭᠦᠨ ᠬᠤᠶᠢᠳᠤ ᠤᠷᠤᠨ ᠳᠤ  ᠬᠦᠷᠪᠡᠯᠵᠡᠨ ᠤᠷᠤᠰᠬᠤ ᠠᠶᠤᠮᠰᠢᠭᠳᠤ ᠲᠤᠭᠰᠢᠨ   ︽ᠬᠠᠷ᠎ᠠ ᠮᠦᠷᠡᠨ  ︾  ᠎ ᠨᠢ  ︽ᠾᠧᠢ ᠯᠦᠩ ᠵᠢᠶᠠᠩ︾  ᠪᠤᠯᠵᠤ ᠬᠤᠪᠢᠷᠠᠵᠠᠢ᠃       ᠲᠦᠷᠪᠡ  ᠄ ᠵᠠᠷᠢᠮ  ᠪᠠᠷᠳᠠᠮ ᠲᠤᠭᠰᠢᠨ ᠨᠡᠷᠡᠰ ᠤᠨ  ᠦᠯᠦ  ᠰᠤᠯᠢᠭᠳᠠᠭᠰᠠᠨ ᠲᠤᠬᠠᠢ      ᠨᠢᠭᠡ  ᠎ ᠳᠤ  ᠄ ᠮᠤᠩᠭᠤᠯ ᠬᠦᠮᠦᠨ ᠲᠡᠭᠷᠢ  ᠎ ᠶᠢ ᠰᠢᠳᠦᠬᠦ ᠵᠠᠩ ᠰᠢᠳᠦᠯᠭᠡ ᠪᠠᠨ ᠬᠠᠶᠠᠭᠰᠠᠨ ᠦᠭᠡᠢ᠂  ᠬᠠᠷᠢᠨ ᠲᠡᠭᠦᠨ ᠢ ᠪᠠᠨ  ᠪᠤᠷᠬᠠᠨ ᠱᠠᠰᠢᠨ ᠲᠠᠢ ᠨᠢᠭᠳᠠ ᠬᠤᠯᠪᠤᠵᠤ   ︽ᠪᠤᠷᠠᠬᠨ ᠲᠡᠭᠷᠢ︾ ᠭᠡᠵᠦ ︽ᠬᠦᠭᠡ ᠲᠡᠭᠷᠢ  ᠬᠦᠷᠦᠰᠤᠳᠤ ᠲᠡᠯᠡᠭᠡᠢ  ᠦᠷᠭᠦᠯᠵᠢᠯᠡᠨ ᠰᠢᠳᠦᠵᠤ᠂  ︽ᠮᠦᠭᠭᠡ ᠲᠡᠭᠷᠢ ᠶᠢᠨ ᠬᠦᠴᠦᠨ ᠳᠤ ᠲᠠᠭᠠᠳ  ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ  ᠵᠤᠬᠢᠴᠠᠯ ᠢ  ᠢᠯᠡᠳᠭᠡᠭᠰᠡᠨ ᠠᠴᠠ  ᠡᠨᠡᠬᠦ ᠨᠡᠷ᠎ᠡ ᠦᠯᠡᠳᠡᠵᠠᠢ᠃  ᠲᠠᠷᠦᠢ ︽ᠲᠡᠭᠷᠢ ᠠᠭᠤᠯᠠ  ︾  ︽ᠲᠡᠭᠷᠢ ᠡᠯᠡᠰᠦ  ︾  ᠵᠡᠷᠭᠡ  ᠃     ᠬᠤᠶᠠᠷ ᠲᠤ  ᠮᠤᠩᠭᠤᠯ ᠨᠡᠷ᠎ᠡ ᠪᠠᠷ ᠨᠢ ᠦᠨᠳᠤᠰᠤᠨ ᠲᠡᠭᠡᠨ ᠦᠯᠦ ᠲᠡᠭᠤᠳᠠᠬᠤ ᠪᠤᠯᠤᠭᠰᠠᠨ  ᠎ ᠠᠴᠠ  ᠡᠰᠨ ᠬᠤᠪᠢᠷᠠᠭᠰᠠᠨ ᠪᠤᠶᠤ᠃    ︽ᠲᠠᠯᠠᠨ ᠬᠠᠷ᠎ᠠ ᠠᠭᠤᠯᠠ  ︾᠎ ᠶᠢᠨ  ︽ᠲᠠᠯᠠᠨ  ︾  ᠎ ᠨᠢ  ︽ᠲᠤᠩ  ︾ ᠭᠡᠰᠡᠨ ᠤᠤᠬ᠎ᠠ ᠲᠠᠢ ᠪᠠᠶᠢᠬᠤ᠂  ᠮᠤᠩᠭᠤᠯ ᠬᠡᠯᠡᠨ ᠳᠤ  ᠶᠡᠷᠦᠨᠢ  ︽ᠲᠠᠯᠠᠨ ᠲᠠᠪᠬᠤᠷ  ︾  ᠂  ︽ ᠲᠠᠯᠠᠨ  ᠨᠦᠬᠦᠭᠡᠰᠦ  ︾  ᠂  ︽ᠲᠠᠯᠠᠨ ᠰᠢᠯᠳᠠᠭ  ︾  ᠂ ︽ᠲᠠᠯᠠᠨ ᠬᠤᠳᠠᠯᠴᠢ    ︾ ᠭᠡᠬᠦ ᠮᠡᠳᠤ ᠪᠠᠷ  ᠤᠯᠠᠨ ᠲᠤᠭ᠎ᠠ ᠶᠢ ᠢᠯᠡᠳᠭᠡᠳᠡᠭ᠃  ᠡᠰᠡᠭᠦᠯ᠎ᠡ  ︽ᠲᠠᠯᠠᠩ ᠬᠠᠷ᠎ᠠ  ︾   ︽ᠲᠠᠯᠠᠨ  ᠬᠠᠷ᠎ᠠ  ︾ ᠲᠠᠬᠢᠭᠠᠳ  ᠬᠢᠳᠠᠳ ᠪᠠᠷ   ︽ᠳ᠋ᠠ ᠴᠢᠩ ᠱᠠᠨ  ︾  ᠪᠤᠯᠤᠭᠰᠠᠨ ᠠᠴᠠ  ᠡᠨᠡᠬᠦ ᠨᠡᠷ᠎ᠡ ᠬᠤᠪᠢᠷᠠᠭᠰᠠᠨ ᠦᠭᠡᠢ  ᠃       ᠭᠤᠷᠪᠠ ᠳᠤ  ᠭᠠᠵᠠᠷ ᠤᠰᠤᠨ ᠤ ᠬᠡᠪᠴᠢᠶ᠎ᠡ ᠨᠢ ᠠᠷᠠᠢ ᠵᠢᠭᠠᠬᠠᠨ ᠰᠢᠭ ᠤᠷᠤᠨ᠃  ᠡᠭᠦᠨ ᠳᠤ  ︽ᠠᠳᠠᠷᠭ᠎ᠠ  ︾  ᠂ ︽ᠤᠯᠠᠭᠠᠨ ᠪᠤᠳᠤᠩ  ︾  ᠂ ︽ ᠬᠦᠨᠳᠡᠯᠡᠨ  ︾ ᠨᠡᠷᠡᠳᠤ  ᠠᠭᠤᠯᠠ  ᠤᠰᠤᠨ ᠤ ᠨᠡᠷ᠎ᠡ  ᠬᠠᠳᠠᠭᠠᠠᠯᠠᠭᠳᠠᠵᠠᠢ᠃  ︽ᠠᠳᠠᠷᠭ᠎ᠠ  ︾ ᠬᠡᠮᠡᠬᠦ ᠠᠭᠤᠯᠠ  ᠎ ᠨᠢ ᠠᠷᠠᠢ  ᠪᠠᠭ᠎ᠠ ᠪᠤᠯᠤᠭᠰᠠᠨ ᠳᠠᠭᠠᠨ  ᠦᠯᠡᠳᠡᠭᠰᠡᠨ ᠪᠤᠶᠤ ᠭᠡᠵᠦ  ᠪᠢ ᠰᠡᠳᠬᠢᠳᠡᠭ᠃  ᠲᠡᠷᠡᠬᠦ   ︽ᠠᠳᠠ ᠰᠢᠳᠢ︾ ᠭᠡᠮᠡᠬᠦ ᠦᠭᠡᠰ ᠠᠴᠠ  ᠢᠷᠡᠯᠳᠡᠳᠠᠢ ᠠᠭᠤᠯᠠᠨ ᠤ   ᠪᠡᠷᠭᠡ ᠪᠠᠷᠳᠠᠭᠠᠨ ᠳᠤ  1953 ᠤᠨ  ᠪᠤᠯᠳᠠᠯ᠎ᠠ ᠪᠠᠷᠰ  ᠨᠢᠭᠤᠭᠳᠠᠨ  ᠤᠷᠦᠰᠢᠵᠤ ᠪᠠᠶᠢᠭᠰᠠᠨ᠂   ᠮᠠᠩᠬ᠎ᠠ ᠬᠤᠳᠤᠭᠤᠷ ᠴᠦ   ᠠᠯᠢ ᠨᠢ   ᠪᠡᠷᠭᠡ ᠪᠠᠷᠳᠠᠭ᠎ᠠ ᠪᠠᠷ  ᠮᠤᠩᠭᠤᠯ ᠤᠷᠤᠨ ᠤ  ᠨᠢᠭᠡ ᠵᠦᠢᠯ ᠤᠨ  ᠬᠠᠰᠢᠯᠭ᠎ᠠ  ᠭᠡᠷᠡᠮ  ᠪᠤᠯᠵᠤ  ᠮᠠᠯ ᠰᠦᠷᠦᠭ ᠤᠨ  ᠬᠠᠮᠤᠭ ᠰᠢᠦ ᠰᠡᠭᠦᠯᠴᠢ  ᠎ ᠶᠢᠨ  ᠤᠷᠤᠰᠢᠨ ᠦᠯᠡᠳᠡᠬᠦ  ᠤᠷᠤᠨ  ᠪᠤᠯᠤᠭᠰᠠᠨ᠂    ︽ᠤᠯᠠᠭᠠᠨ ᠪᠤᠳᠤᠩ  ︾ ᠬᠡᠮᠡᠬᠦ  ᠲᠤᠭᠰᠢᠨ ᠨᠡᠷ᠎ᠡ  ᠎ ᠨᠢ ᠶᠤᠰᠤᠳᠠᠢ  ᠪᠠᠶᠢᠭᠠᠯᠢ ᠪᠠᠶᠢᠴᠠ ᠳᠠᠭᠠᠨ   ᠲᠤᠬᠢᠷᠠᠭᠰᠠᠨ ᠤᠯᠠᠭᠠᠨ ᠦᠩᠭᠡ ᠶᠢᠨ  ᠦᠨᠢᠶᠡᠷ ᠪᠤᠳᠤᠩ ᠲᠠᠳᠠᠵᠤ ᠪᠠᠶᠢᠭᠰᠠᠨ ᠤᠷᠤᠨ ᠪᠤᠶᠤ᠃ 1691 ᠤᠨ ᠳᠤ   ᠡᠨᠡᠬᠦ ᠭᠠᠵᠠᠷ  ᠮᠠᠨᠵᠤ  ᠵᠦᠩᠭᠠᠷ  ᠎ ᠤᠨ   ᠴᠡᠷᠢᠭ‌‍ᠰᠢᠢᠳᠪᠤᠷᠢᠳᠤ ᠲᠠᠶᠢᠯᠠᠯᠳᠤᠭᠠᠨ   ᠪᠤᠯᠵᠤ  ᠲᠡᠶᠢᠨ ᠤ ᠳ᠋ᠦᠩ ᠎ ᠳᠤ  ᠵᠦᠩᠭᠠᠷ ᠴᠡᠷᠢᠭ ᠶᠡᠭᠡᠳᠡ ᠢᠯᠠᠭᠳᠠᠭᠰᠠᠨ  ᠴᠦ ᠠᠮᠵᠢᠯᠳᠠ  ᠤᠬᠤᠷᠢᠵᠤ ᠴᠢᠳᠠᠭᠰᠠᠨ ᠲᠤᠬᠠᠢ ᠶᠢᠨ  ᠦᠶ᠎ᠡ  ᠎ ᠳᠤ ᠴᠢᠩ ᠤᠯᠤᠰ ᠤᠨ  ᠴᠡᠷᠢᠭ ᠤᠨ  ᠵᠠᠩᠵᠤᠨ ᠨᠠᠷ ᠠᠶᠢᠯᠠᠳᠬᠠᠯ ᠪᠢᠴᠢᠵᠤ   ︽ ᠬᠦᠮᠦᠨ ᠬᠡᠳᠦᠶᠢᠪᠡᠷ  ᠢᠯᠠᠭᠰᠠᠨ ᠪᠤᠯᠪᠠᠴᠦ  ᠮᠤᠷᠢᠨ ᠦᠯᠦ  ᠨᠡᠭᠡᠮᠵᠢᠯᠡᠵᠤ ᠲᠡᠶᠢᠯᠬᠦ ᠦᠭᠡᠢ  ︾ ᠭᠡᠵᠦ  ᠡᠨᠡᠬᠦ ᠠᠭᠤᠯᠠᠨ ᠤ  ᠪᠡᠷᠭᠡ ᠪᠠᠷᠳᠠᠭ᠎ᠠ ᠪᠠ  ᠵᠦᠩᠭᠠᠷ ᠴᠡᠷᠢᠭ ᠤᠨ  ᠮᠤᠷᠢᠨ ᠮᠡᠷᠭᠡᠵᠢᠯ ᠢ  ᠲᠠᠯᠳᠠ ᠪᠠᠷ ᠢᠯᠡᠳᠭᠡᠵᠠᠢ᠃            ᠲᠦᠷᠪᠡ ᠳᠤ   ᠬᠦᠮᠦᠨ  ᠎ ᠤ ᠠᠮᠢᠳᠦᠷᠠᠯ  ᠎ ᠲᠠᠢ  ᠵᠢᠭᠠᠬᠠᠨ ᠵᠠᠶᠢᠳᠠᠭᠤ  ᠪᠠᠶᠢᠳᠠᠭ ᠡᠯᠡᠰᠦ ᠮᠠᠩᠬ᠎ᠠ ᠎ ᠶᠢᠨ ᠨᠡᠷ᠎ᠡ  ᠃ᠡᠭᠦᠨ ᠤ  ᠬᠤᠷᠴᠢᠨ ᠤ  ᠡᠯᠡᠰᠦᠨ ᠤ ᠳᠤ ᠦᠯᠡᠳᠡᠭᠰᠡᠨ——   ︽ᠪᠡᠷᠭᠡ ᠶᠢᠨ  ᠮᠠᠩᠬ᠎ᠠ  ︾   ᠭᠡᠮᠡᠬᠦ ᠨᠡᠷ᠎ᠡ ᠪᠠᠷ  ᠵᠢᠱᠢᠶᠡᠶᠡᠯᠳᠠᠢ᠃  ᠠᠯᠠᠱᠠᠨ ᠤ  ︽ᠤᠯᠠᠭᠠᠨᠪᠤᠬ᠎ᠠ ᠶᠢᠨ ᠡᠯᠡᠰᠦ  ︾ ᠵᠡᠷᠭᠡ  ᠨᠡᠷᠡᠰ           ᠮᠤᠩᠭᠤᠯ ᠭᠠᠵᠠᠷ  ᠤᠰᠤᠨ ᠤ ᠨᠡᠷ᠎ᠡ  ᠤᠯᠠᠷᠢᠯ ᠬᠤᠪᠢᠷᠠᠯ ᠨᠢ  ᠬᠦᠮᠦᠨ ᠲᠦᠷᠦᠯᠬᠢᠳᠠᠡᠨ ᠨᠡᠶᠢᠭᠡᠮ ᠤᠨ  ᠬᠦᠭᠵᠢᠯ ᠬᠤᠪᠢᠷᠠᠯ ᠵᠢᠴᠢ ᠪᠠᠶᠢᠭᠠᠯᠢ  ᠵᠦᠢ ᠢ  ᠤᠯᠠᠷᠢᠯ ᠬᠤᠪᠢᠰᠤᠯ  ᠤᠷᠤᠰᠢᠨ ᠰᠠᠭᠤᠷᠢᠰᠢᠭᠴᠢ ᠶᠢᠨ  ᠬᠢᠨᠢ ᠪᠤᠳᠤᠯ ᠰᠡᠳᠬᠢᠯ  ᠎ ᠲᠠᠢ ᠰᠢᠭᠤᠳ  ᠬᠤᠯᠪᠤᠭᠳᠠᠬᠤ ᠨᠢ ᠲᠡᠮᠵᠢᠭ ᠦᠭᠡᠢ᠃  ᠦᠨᠦᠳᠤᠷ  ᠪᠤᠯᠬᠤ ᠳᠤ ᠲᠤᠭᠰᠢᠨ ᠪᠠᠷᠳᠠᠮ ᠨᠡᠷ᠎ᠡ ᠨᠢ  ᠤᠶᠠᠨ ᠵᠦᠭᠡᠯᠡᠨ ᠪᠤᠯᠬᠤ ᠳᠤ ᠮᠠᠷᠭᠠᠰᠢ ᠪᠤᠯᠬᠤ ᠳᠤ ᠲᠠᠬᠢᠨ ᠰᠡᠷᠭᠦᠨ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠤᠮᠵᠢ  ᠴᠦ ᠪᠤᠢ᠃  ︽ᠪᠠᠷᠳᠠᠮ ᠬᠠᠷ᠎ᠠ︾ ᠴᠤᠤᠷᠠᠢ ᠲᠠᠪᠴᠠᠩ  ︾ ᠨᠢᠭᠡᠨ ᠵᠢᠱᠢᠶ᠎ᠡ  ᠪᠢᠰᠢᠦ  ︖  
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠴᠠᠨ ᠶᠤᠸᠠᠨ ᠤ ᠬᠡᠯᠡᠯᠴᠡᠭᠡᠷ︾ — ᠯᠢᠶᠤᠤ ᠤᠯᠤᠰ ᠤᠨ ᠱᠠᠭᠠᠵᠠᠩ ᠰᠠᠪᠠ  ᠶᠢᠨ ᠦᠢᠯᠡᠳᠪᠤᠷᠢᠯᠡᠯ  ᠳᠤ ᠁
ᠨᠠᠭᠤᠨᠪᠢᠯᠢᠭ᠌ ᠪᠠᠭᠰᠢ ᠶᠢᠨ ᠰᠤᠷᠪᠤᠯᠵᠢᠯᠭ᠎ᠠ ᠬᠢᠭᠡᠳ ᠬᠤᠷᠢᠨ ᠲᠦᠷᠪᠡᠨ ᠤᠯᠠᠷᠢᠯ
ᠤ᠂ ᠰᠡᠴᠡᠨᠪᠠᠭᠠᠳᠤᠷ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠵᠤᠭᠤᠭ ᠪᠡ ᠲᠡᠬᠦᠨ ᠤ ᠲᠤᠭᠤᠵᠢᠰ ᠤᠨ ᠲᠤᠬᠠᠢ
ᠷᠠᠰᠢᠫᠣᠩᠰᠤᠭ ︵1755 ᠊᠊᠊︖︶
ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠨᠡᠷ᠎ᠡ ᠳᠠᠭᠤᠳᠠᠯᠭ᠎ᠠ  ᠶᠢ ᠳᠠᠬᠢᠨᠲᠠ ᠨᠠᠷᠢᠪᠴᠢᠯᠠᠬᠤ ᠨᠢ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备07002090号