| ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠨᠡᠷᠡ ᠳᠠᠭᠤᠳᠠᠯᠭᠠ ᠶᠢ ᠳᠠᠬᠢᠨᠲᠠ ᠨᠠᠷᠢᠪᠴᠢᠯᠠᠬᠤ ᠨᠢ | ᠰᠠᠯᠬᠢᠨ | ᠮᠢᠨᠣ ᠪᠢᠴᠢᠭᠰᠡᠨ ︽ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠬᠤᠰᠢᠭᠤ ᠬᠤᠪᠢᠶᠠᠷᠢᠯᠠᠭᠳᠠᠭᠰᠠᠨ 370 ᠵᠢᠯ ᠤᠨ | ᠣᠢ ᠶᠢ ᠳᠣᠷᠠᠰᠬᠠᠬᠤ ᠨᠢ︾ ᠬᠡᠬᠦ ᠣᠯᠳᠣᠢ ᠵᠣᠬᠢᠶᠠᠯ ᠳᠠᠭᠠᠨ ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠨᠡᠷᠡᠶᠢᠳᠦᠯ ᠤᠨ ᠲᠣᠬᠠᠢ | ᠦᠪᠡᠷ ᠤᠨ ᠦᠵᠡᠯᠲᠡ ᠪᠠᠨ ᠲᠣᠳᠣᠷᠬᠠᠶᠢᠯᠠᠨ ᠶᠠᠷᠢᠭᠠᠳ ᠪᠠᠭᠠ ᠪᠣᠰᠣ ᠰᠠᠨᠠᠯ ᠰᠢᠭᠦᠮᠵᠢᠯᠡᠯ ᠢ ᠬᠦᠯᠢᠶᠡᠯᠡ᠃ ᠠᠳᠡ | ᠪᠢ ᠦᠪᠡᠷ ᠤᠨ ᠦᠵᠡᠯᠲᠡ ᠶᠢᠨ ᠲᠣᠭᠤᠷᠢᠨ ᠳᠤ ᠦᠪᠡᠷ ᠤᠨ ᠦᠵᠡᠯᠲᠡ ᠪᠠᠨ ᠴᠢᠨᠠᠭᠰᠢᠲᠠ ᠳᠡᠯᠭᠡᠨ ᠶᠠᠷᠢᠬᠤ ᠶᠢ | ᠵᠣᠷᠢᠪᠠ᠃ ︽ᠣᠩᠨᠢᠭᠤᠳ︾ ᠬᠡᠮᠡᠬᠦ ᠨᠡᠷᠡ ᠶᠢ ︽ᠸᠠᠩ ᠨᠤᠭᠤᠳ︾ ᠲᠠᠢ ᠬᠤᠯᠪᠣᠨ ᠦᠵᠡᠬᠦ ᠨᠢ ᠨᠢᠭᠡᠨᠲᠡ | ᠵᠣᠷᠰᠢᠯ ᠪᠣᠯᠴᠢᠬᠠᠭᠰᠠᠨ ᠣᠴᠢᠷ ᠪᠠᠭᠠ ᠪᠣᠰᠣ ᠡᠰᠡᠷᠭᠦᠴᠡᠯ ᠪᠠ ᠦᠭᠡᠶᠢᠰᠭᠡᠯ ᠳᠤ ᠬᠦᠷᠬᠦ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ | ᠬᠠᠮᠤᠭ ᠡᠬᠢᠨ ᠳᠤ ᠡᠨᠡᠬᠦ ᠨᠡᠷᠡ ᠶᠢ ᠠᠯᠪᠠ ᠪᠠᠷ ᠲᠣᠬᠤᠭᠰᠠᠨ ᠨᠢ ᠵᠦᠪᠯᠡᠯᠲᠣ ᠶᠢᠨ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠨ ᠪᠣᠯᠣᠨᠠ | ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠣᠷᠣᠰ ᠵᠦᠪᠯᠡᠯᠲᠣ ᠶᠢ ᠪᠢᠰᠢᠷᠡᠨ ᠰᠢᠲᠣᠵᠣ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠣᠴᠢᠷ ᠠᠴᠠ | ᠵᠦᠪᠯᠡᠯᠲᠣ ᠶᠢᠨ ᠡᠷᠳᠡᠮᠲᠡᠨ ᠤ ᠬᠡᠯᠡᠭᠰᠡᠨ ᠨᠢ ᠯᠣᠣ ᠳᠣᠣᠭᠠᠷᠣᠭᠰᠠᠨ ᠮᠡᠲᠣ ᠪᠣᠯᠵᠣ ᠮᠣᠩᠭᠤᠯ ᠣᠯᠣᠰ ᠠᠴᠠ ᠦᠪᠦᠷ | ᠮᠣᠩᠭᠤᠯ ᠳᠤ ᠣᠷᠣᠵᠣ ᠢᠷᠡᠵᠣ ︽ᠦᠨᠡᠨ ᠶᠣᠰᠣ︾ ᠮᠡᠲᠣ ᠪᠣᠯᠵᠣ ︽ᠪᠠᠲᠣᠯᠠᠭᠳᠠᠵᠠᠢ︾᠃ ︵1︶ ᠬᠡᠪᠡᠴᠣ | ᠨᠠᠷᠢᠪᠴᠢᠯᠠᠵᠣ ᠦᠨᠦ ᠦᠵᠡᠬᠦ ᠳᠤ ᠡᠨᠡ ᠬᠤᠶᠠᠷ ᠦᠭᠡ ᠨᠢ ᠶᠠᠭᠠᠬᠢᠪᠠᠴᠣ ᠨᠢᠭᠡ ᠳᠣᠣᠷᠠ ᠪᠣᠯᠵᠣ ᠳᠡᠶᠢᠯᠬᠦ ᠦᠭᠡᠢ | ᠶᠣᠮ᠃ ᠲᠣᠣᠷᠠ ᠪᠢ ᠨᠢᠭᠡ ᠨᠢᠭᠡ ᠪᠠᠷ ᠬᠠᠷᠭᠤᠭᠤᠯᠣᠶᠠ᠄ | 1 ᠂ ᠵᠦᠪᠯᠡᠯᠲᠣ ᠶᠢᠨ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠨ ᠠᠴᠠ ᠣᠳᠣ ᠶᠢᠨ ︽ᠸᠠᠩ︾ ᠪᠣᠯᠣᠨ ︽ ᠨᠤᠭᠤᠳ︾ | ᠬᠤᠶᠠᠷ ᠢ ᠬᠤᠯᠪᠣᠵᠣ ︽ᠣᠩᠨᠢᠭᠤᠳ︾ ᠪᠣᠯᠭᠠᠪᠠ᠃ ᠦᠨᠡᠨᠳᠡᠭᠡᠨ ︽ᠸᠠᠩ︾ ᠭᠡᠰᠡᠨ ᠢ ᠶᠣᠸᠠᠨ ᠣᠯᠣᠰ ᠤᠨ | ᠦᠶᠡ ᠳᠤ ︽ᠦᠩ︾ ᠭᠡᠵᠤ ᠪᠢᠴᠢᠵᠣ ᠪᠠᠶᠢᠪᠠ᠃ ︽ᠦᠩ︾ ᠲᠠᠢ ᠣᠯᠠᠨ ᠲᠣᠭᠠᠨ ᠤ ᠳᠠᠭᠠᠪᠣᠷᠢ ᠵᠠᠯᠭᠠᠪᠠᠯ | ᠰᠢᠭᠤᠳ ︽ ᠤᠳ︾ ᠵᠠᠯᠭᠠᠳᠠᠭ ᠰᠢᠭ᠃ ᠢᠩᠬᠢᠪᠡᠯ ︽ᠦᠩᠭᠦᠳ ︾ ᠭᠡᠵᠤ ᠪᠢᠴᠢᠨᠡ᠃ ︽ ᠨᠤᠭᠤᠳ︾ ᠢ | ᠵᠠᠯᠭᠠᠪᠠᠯ ︽ᠦᠩᠨᠢᠭᠤᠳ︾ ᠭᠡᠵᠤ ᠪᠢᠴᠢᠬᠦ ᠠᠴᠠ ᠪᠢᠰᠢ᠂ ︽ᠣᠩᠨᠢᠭᠤᠳ︾ ᠭᠡᠵᠤ ᠪᠢᠴᠢᠬᠦ ᠦᠭᠡᠢ ᠶᠣᠮ᠃ | ᠦᠩ+ ᠤᠳ — ᠦᠩᠭᠦᠳ | ᠦᠩ+ ᠨᠤᠭᠤᠳ — ᠦᠩᠨᠢᠭᠤᠳ | ᠣᠳᠣ ᠶᠢᠨ ᠠᠪᠢᠶᠠᠯᠠᠯᠭᠠ ᠪᠠᠷ ︽ᠦᠩᠯᠢᠭᠦᠳ︾᠂ ︽ᠦᠩᠯᠢᠭᠤᠳ︾ ᠭᠡᠵᠤ ᠬᠤᠪᠢᠷᠠᠵᠣ ᠴᠦ | ᠪᠣᠯᠳᠠᠭ ᠪᠣᠯᠪᠠᠴᠣ ︽ᠣᠩᠨᠢᠭᠤᠳ︾ ᠲᠤ ᠬᠤᠪᠢᠷᠠᠵᠣ ᠢᠷᠡᠳᠡᠭ ᠪᠣᠰᠣ᠃ ︽ᠣᠩᠨᠢᠭᠤᠳ︾ ᠭᠡᠰᠡᠨ ᠢ ᠡᠷᠲᠡᠨ ᠤ | ᠳᠠᠭᠤᠳᠠᠯᠭᠠ ᠪᠠᠷ ᠳᠠᠭᠤᠳᠠᠪᠠᠰᠣ ︽ᠾᠦᠩᠯᠢᠭᠤᠳ︾ ᠪᠣᠶᠣ ︽ᠾᠦᠩᠨᠣᠳ︾ ︽ᠾᠦᠩᠨᠦᠭᠦᠳ︾ ᠬᠡᠬᠦ | ᠳᠠᠭᠤᠳᠠᠯᠭᠠ ᠳᠤ ᠣᠶᠢᠷᠠᠲᠣᠨᠠ᠃ ᠶᠠᠭᠠᠬᠢᠪᠠᠴᠣ ︽ᠸᠠᠩ ᠨᠤᠭᠤᠳ ︾ ᠲᠤ ᠬᠦᠷᠦᠮᠡᠷ ᠦᠭᠡᠢ᠃ ︽ᠸᠠᠩ | ᠨᠤᠭᠤᠳ︾ ᠭᠡᠰᠡᠨ ᠨᠢ ᠮᠣᠩᠭᠤᠯ ᠬᠡᠯᠡᠨ ᠤ ᠡᠷᠲᠡᠨ ᠡᠳᠦᠭᠡ ᠶᠢᠨ ᠳᠠᠭᠤᠳᠠᠯᠭᠠ ᠶᠢ ᠬᠤᠳᠬᠤᠯᠳᠣᠭᠤᠯᠵᠣ᠂ ᠰᠢᠨᠡ | ᠬᠠᠭᠤᠴᠢᠨ ᠢ ᠬᠤᠯᠢᠭᠰᠠᠨ ᠨᠢᠭᠡ ᠠᠮᠢᠳᠣ ᠵᠢᠱᠢᠶᠡ ᠪᠣᠯᠬᠤ ᠶᠣᠮ᠃ | 2 ᠂ ᠶᠣᠸᠠᠨ ᠣᠯᠣᠰ ᠨᠢ ᠲᠣᠬᠠᠢ ᠶᠢᠨ ᠦᠶᠡ ᠳᠡᠭᠡᠨ ︽ᠨᠢᠭᠡ ᠣᠯᠣᠰ ᠬᠤᠶᠠᠷ ᠪᠠᠶᠢᠭᠤᠯᠣᠯ︾ | ᠪᠣᠶᠣ ︽ᠨᠢᠭᠡ ᠣᠯᠣᠰ ᠬᠤᠶᠠᠷ ᠳᠠᠭᠤᠳᠠᠯᠭᠠ︾ ᠶᠢ ᠬᠡᠷᠡᠭᠯᠡᠵᠣ ᠪᠠᠶᠢᠭᠰᠠᠨ ᠢ ᠣᠮᠳᠣᠭᠠᠶᠢᠯᠠᠵᠠᠢ᠃ ᠡᠨᠡ ᠨᠢ᠄ | ᠬᠢᠲᠠᠳ ᠣᠷᠣᠨ ᠳᠤ ᠬᠢᠲᠠᠳ ᠤᠨ ᠶᠣᠰᠣ ᠪᠠᠷ ᠬᠠᠭᠠᠨ ᠤ ᠣᠨ ᠤ ᠴᠣᠯᠠ᠂ ᠣᠯᠣᠰ ᠤᠨ ᠨᠡᠷᠡ᠂ ᠸᠠᠩ ᠤᠨ ᠴᠣᠯᠠ | ᠶᠢ ᠬᠢᠲᠠᠳ ᠢᠶᠠᠷ ᠵᠠᠷᠣᠵᠣ᠂ ᠮᠣᠩᠭᠤᠯ ᠣᠷᠣᠨ ᠳᠠᠭᠠᠨ ᠮᠣᠩᠭᠤᠯ ᠢᠶᠠᠷ ᠵᠠᠷᠣᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠤᠪᠢᠯᠠᠢ | ᠬᠠᠭᠠᠨ ᠢ ᠮᠣᠩᠭᠤᠯ ᠢᠶᠠᠷ ᠰᠡᠴᠡᠨ ᠬᠠᠭᠠᠨ ᠭᠡᠵᠤ᠂ ᠬᠢᠲᠠᠳ ᠢᠶᠠᠷ ᠬᠤᠪᠢᠯᠠᠢ ᠭᠡᠵᠤ᠂ ᠬᠤᠵᠢᠮ ᠨᠢ ᠱᠾᠽᠥ ᠬᠠᠭᠠᠨ | ᠭᠡᠵᠤ ᠣᠨ ᠤ ᠴᠣᠯᠠ ᠶᠢ ︽ᠵᠦᠩ ᠲᠦᠩ︾ ᠭᠡᠵᠤ ᠵᠠᠷᠣᠳᠠᠭ᠃ ᠬᠢᠲᠠᠳ ᠢᠶᠠᠷ ᠣᠯᠣᠰ ᠤᠨ ᠨᠡᠷᠡ ᠪᠠᠨ ︽ ᠲᠠᠢ | ᠶᠣᠸᠠᠨ︾ ᠣᠯᠣᠰ ᠭᠡᠵᠤ᠂ ᠮᠣᠩᠭᠤᠯ ᠢᠶᠠᠷ ︽ᠶᠡᠭᠡ ᠮᠣᠩᠭᠤᠯ ᠣᠯᠣᠰ ︾ ᠬᠡᠮᠡᠳᠡᠭ ᠃ ᠬᠠᠭᠠᠨ ᠬᠤᠲᠠ ᠪᠠᠨ ︽ | ᠳ᠋ᠠ ᠳ᠋ᠦ᠋︾ ᠭᠡᠳᠡᠭ ᠪᠣᠯᠪᠠᠴᠣ ᠮᠣᠩᠭᠤᠯ ᠢᠶᠠᠷ ︽ᠬᠠᠨ ᠪᠠᠯᠢᠭ︾ ᠭᠡᠳᠡᠭ᠃ ︽ᠸᠠᠩ︾ ᠭᠡᠰᠡᠨ ᠨᠢ ᠴᠦ ᠠᠳᠠᠯᠢ᠃ | ᠬᠢᠲᠠᠳ ᠢᠶᠠᠷ ᠶᠠᠮᠠᠷ ᠶᠠᠮᠠᠷ ᠸᠠᠩ ᠭᠡᠳᠡᠭ ᠪᠣᠯᠪᠠᠴᠣ ᠮᠣᠩᠭᠤᠯ ᠢᠶᠠᠷ ︽ᠨᠣᠶᠠᠨ︾ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠠᠶᠢᠨᠠ᠃ | ᠬᠤᠵᠢᠮ ᠨᠢ ᠠᠷᠣ ᠭᠠᠵᠠᠷ ᠲᠠᠭᠠᠨ ᠪᠣᠴᠠᠭᠰᠠᠨ ᠠᠴᠠ ︽ᠸᠠᠩ︾ ᠭᠡᠬᠦ ᠨᠡᠷᠡᠶᠢᠳᠦᠯ ᠭᠡᠭᠡᠭᠳᠡᠵᠠᠢ᠃ ᠮᠣᠩᠭᠤᠯ | ᠨᠣᠶᠠᠳ ᠤᠨ ᠬᠡᠷ ᠤᠨ ᠪᠢᠴᠢᠮᠡᠯ ᠢ ᠦᠵᠡᠪᠡᠯ ᠡᠨᠡᠬᠦ ᠨᠡᠷᠡᠶᠢᠳᠦᠯ ᠣᠯᠠᠨ ᠭᠠᠷᠴᠣ ᠢᠷᠡᠨᠡ᠃ ᠬᠤᠵᠢᠮ ᠤᠨ | ᠬᠢᠲᠠᠳ ᠮᠠᠨᠵᠣ ᠲᠡᠣᠬᠡ ᠶᠢᠨ ᠨᠣᠮ ᠤᠨ ᠨᠦᠯᠦᠭᠡ ᠠᠴᠠ ᠪᠣᠯᠵᠣ ᠣᠷᠣᠵᠣ ᠢᠷᠡᠭᠰᠡᠨ ᠸᠠᠩ ᠭᠡᠬᠦ ᠦᠭᠡ ᠶᠢ | ᠡᠭᠦᠨ ᠠᠴᠠ ᠬᠤᠯᠠ ᠡᠷᠲᠡ ᠭᠠᠷᠣᠭᠰᠠᠨᠠᠶᠢᠮᠠᠭ ᠤᠨ ᠨᠡᠷᠡ ᠳᠤ ᠠᠪᠴᠢᠷᠠᠨ ᠳᠣᠬᠤᠬᠤ ᠨᠢ ᠢᠯᠦᠨᠲᠡ ᠪᠣᠷᠣᠭᠤ ᠶᠣᠮ | ᠃ | 3 ᠂ ︽ᠣᠩᠨᠢᠭᠤᠳ︾ ᠭᠡᠬᠦ ᠪᠢᠴᠢᠯᠭᠡ ᠨᠢ ᠣᠩᠨᠢᠭᠤᠳ ᠠᠶᠢᠮᠠᠭ ᠮᠠᠨᠵᠣ ᠳᠤ ᠣᠷᠣᠬᠤ ᠠᠴᠠ | ᠡᠮᠦᠨᠡ ᠨᠢᠭᠡᠨᠲᠡ ᠳᠦᠷᠢᠮᠵᠢᠵᠠᠢ᠃ ᠵᠠᠷᠢᠮ ᠲᠡᠣᠬᠡᠴᠢᠨ ᠤ ᠪᠢᠴᠢᠳᠡᠭ ᠮᠠᠨᠵᠣ ᠪᠠᠷ ᠠᠪᠢᠶᠠᠯᠠᠵᠣ ᠪᠢᠴᠢᠭᠡᠳ ︽ | ᠣᠩᠨᠢᠭᠤᠳ︾ ᠪᠣᠯᠵᠠᠢ ᠭᠡᠰᠡᠨ ᠬᠡᠯᠡᠯᠭᠡ ᠪᠣᠷᠣᠭᠤ ᠶᠣᠮ᠃ ᠣᠩᠨᠢᠭᠤᠳ ᠠᠶᠢᠮᠠᠭ ᠮᠠᠨᠵᠣ ᠳᠤ ᠣᠷᠣᠵᠣ ᠦᠭᠬᠦ ᠠᠴᠠ | 15 ᠵᠢᠯ ᠤᠨ ᠡᠮᠦᠨᠡ ᠴᠢᠯᠠᠭᠤᠨ ᠳᠤ ᠰᠡᠶᠢᠯᠦᠭᠰᠡᠨ ︽ᠴᠣᠭᠲᠣ ᠲᠠᠶᠢᠵᠢ ᠶᠢᠨ ᠬᠠᠳᠠᠨ ᠪᠢᠴᠢᠭ︾ ᠲᠤ ᠪᠦᠷ | ᠴᠢᠭ ᠳᠣᠰᠣᠯ ᠦᠭᠡᠢ ᠪᠣᠯᠪᠠᠴᠣ ᠣᠳᠣ ᠶᠢᠨ ᠪᠢᠴᠢᠯᠭᠡ ᠲᠠᠢ ᠠᠳᠠᠯᠢᠬᠠᠨ ᠪᠢᠴᠢᠵᠣ ᠪᠠᠶᠢᠨᠠ᠃ | 4 ᠂ ᠮᠣᠩᠭᠤᠯ ᠬᠡᠯᠡ ᠨᠢ ᠵᠠᠯᠭᠠᠮᠠᠯ ᠬᠡᠯᠡ ᠪᠣᠯᠬᠤ ᠣᠴᠢᠷ ᠦᠭᠡ ᠦᠰᠦᠭ ᠢ ᠢᠵᠠᠭᠤᠷ᠂ | ᠦᠨᠳᠦᠰᠦ᠂ ᠳᠠᠭᠠᠪᠣᠷᠢ ᠪᠣᠯᠭᠠᠨ ᠵᠠᠳᠠᠯᠵᠣ ᠪᠣᠯᠳᠠᠭ᠃ ᠣᠨᠴᠣᠭᠤᠶᠢᠯᠠᠨ ᠮᠣᠩᠭᠤᠯ ᠦᠰᠦᠭ ᠢᠶᠠᠷ ᠪᠢᠴᠢᠭᠰᠡᠨ | ᠦᠰᠦᠭ ᠨᠢ ᠪᠦᠷ ᠦᠭᠡ ᠶᠢᠨ ᠢᠵᠠᠭᠤᠷ ᠢᠶᠠᠨ ᠬᠠᠳᠠᠭᠠᠯᠠᠵᠣ ᠪᠠᠶᠢᠳᠠᠭ᠃ ︽ᠣᠩᠨᠢᠭᠤᠳ︾ ᠬᠡᠮᠡᠬᠦ ᠦᠰᠦᠭ ᠨᠢ | ᠪᠦᠷ ᠴᠦ ︽ᠣᠩᠭᠤ︾ ᠬᠡᠮᠡᠬᠦ ᠣᠭ ᠢᠵᠠᠭᠤᠷ ᠢᠶᠠᠨ ᠬᠠᠳᠠᠭᠠᠯᠠᠵᠣ ᠪᠠᠶᠢᠲᠠᠯᠠ ︽ᠸᠠᠩ ᠨᠤᠭᠤᠳ︾ ᠭᠡᠵᠤ | ᠬᠤᠶᠠᠷ ᠦᠰᠦᠭ ᠪᠣᠯᠭᠠᠨ ᠵᠠᠳᠠᠯᠬᠤ ᠨᠢ ᠪᠣᠷᠣᠭᠤ ᠶᠣᠮ᠃ ᠶᠠᠭ ᠯᠠ ᠨᠠᠶᠠᠭᠠᠳ ᠣᠨ ᠳᠤ ᠣᠩᠨᠢᠭᠤᠳ ᠤᠨ ᠨᠢᠭᠡ | ᠪᠦᠯᠦᠭ ᠬᠦᠮᠦᠰ ᠤᠨ ︽ᠣᠩᠭᠤᠨ ᠣᠳᠠ︾ ᠪᠣᠯᠭᠠᠨ ᠵᠠᠳᠠᠯᠣᠭᠰᠠᠨ ᠲᠠᠢ ᠠᠳᠠᠯᠢᠬᠠᠨ ᠢᠨᠢᠶᠡᠳᠦᠮᠲᠠᠢ ᠶᠠᠪᠣᠳᠠᠯ | ᠶᠣᠮ᠃ | ᠪᠠᠭᠴᠠᠯᠠᠪᠠᠯ ︽ᠣᠩᠨᠢᠭᠤᠳ︾ ᠢ ︽ᠸᠠᠩ ᠨᠤᠭᠤᠳ︾ ᠲᠠᠢ ᠬᠤᠯᠪᠣᠵᠣ ᠲᠠᠶᠢᠯᠪᠣᠷᠢᠯᠠᠬᠤ ᠨᠢ ᠬᠠᠷᠢ | ᠡᠷᠳᠡᠮᠲᠡᠨ ᠤ ᠬᠢ ᠶᠢ ᠰᠢᠲᠣᠵᠣ ᠳᠣᠯᠳᠣᠶᠢᠴᠢᠯᠠᠵᠣ ᠪᠠᠶᠢᠭᠰᠠᠨ ᠤ ᠨᠢᠭᠡ ᠪᠣᠷᠣᠭᠤ ᠬᠡᠯᠪᠡᠷᠢᠯ ᠪᠣᠯᠣᠨᠠ᠃ ︽ᠠᠶᠢᠯ | ᠠᠴᠠ ᠡᠷᠢᠬᠦ ᠪᠠᠷ ᠠᠪᠳᠠᠷᠠ ᠠᠴᠠ ᠪᠠᠨ ᠡᠷᠢ︾ ᠭᠡᠳᠡᠭᠴᠢᠯᠡᠨ ᠮᠣᠩᠭᠤᠯ ᠦᠭᠡᠨ ᠠᠴᠠ ᠡᠭᠦᠰᠦᠯᠲᠡᠢ ︽ᠣᠩᠨᠢᠭᠤᠳ︾ | ᠬᠡᠮᠡᠬᠦ ᠦᠭᠡ ᠨᠢ ᠣᠳᠣᠣ ᠢᠷᠡᠯᠲᠡ ᠲᠠᠢ ᠪᠠᠶᠢᠬᠤ ᠶᠣᠰᠣᠲᠠᠢ᠃ ︽ᠣᠩᠨᠢᠭᠤᠳ︾ ᠬᠡᠮᠡᠬᠦ ᠳᠠᠭᠤᠳᠠᠯᠭᠠ ᠨᠢ | ᠮᠣᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠤ ᠡᠷᠲᠡᠨ ᠠᠴᠠ ᠣᠯᠠᠨ ᠠᠶᠢᠮᠠᠭ ᠣᠭᠰᠠᠭᠠ ᠳᠠᠮᠵᠢᠨ ᠬᠡᠷᠡᠭᠯᠡᠭᠳᠡᠵᠣ ᠢᠷᠡᠵᠠᠢ᠃ | ᠮᠣᠩᠭᠤᠯ ᠣᠭᠰᠠᠭᠠᠲᠠᠨ ᠪᠣᠯ ᠨᠡᠭᠦᠳᠡᠯᠴᠢᠨ ᠭᠠᠷᠣᠯ ᠲᠠᠢ ᠣᠴᠢᠷ ᠬᠢᠲᠠᠳ ᠤᠨ ᠪᠣᠶᠣ ᠪᠠᠷᠠᠭᠤᠨ ᠤ ᠡᠷᠳᠡᠮᠲᠡᠨ ᠤ | ᠰᠣᠳᠣᠯᠳᠠᠭ ᠰᠢᠭ ᠨᠢᠭᠡ ᠭᠠᠵᠠᠷ ᠲᠤ ᠨᠢ ᠵᠣᠭᠰᠣᠩᠭᠤᠶᠢᠷᠠᠭᠤᠯᠣᠨ ᠰᠣᠳᠣᠯᠵᠣ ᠦᠯᠦ ᠪᠣᠯᠣᠨᠠ᠃ ᠡᠷᠲᠡᠨ ᠤ | ᠪᠠᠭᠠᠷᠢᠨ ᠠᠶᠢᠮᠠᠭ ᠨᠢ ᠡᠳᠦᠭᠡ ᠶᠢᠨ ᠪᠠᠭᠠᠷᠢᠨ ᠬᠤᠰᠢᠭᠤ ᠶᠢᠨ ᠳᠡᠭᠡᠳᠦᠰ ᠪᠣᠰᠣ᠂ ᠡᠷᠲᠡᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠴᠦ | ᠣᠳᠣ ᠶᠢᠨ ᠨᠠᠢᠮᠠᠨ ᠬᠤᠰᠢᠭᠤ ᠶᠢᠨ ᠳᠡᠭᠡᠳᠦᠰ ᠪᠣᠰᠣ ᠪᠠᠶᠢᠳᠠᠭ ᠲᠠᠢ ᠠᠳᠠᠯᠢ ᠪᠠᠷ ᠡᠷᠲᠡᠨ ᠤ ᠲᠡᠣᠬᠡᠨ ᠳᠠᠪᠴᠠᠩ | ᠳᠤ ᠢᠯᠡᠷᠡᠭᠰᠡᠨ ᠣᠩᠨᠢᠭᠤᠳ ᠬᠡᠮᠡᠬᠦ ᠨᠡᠷᠡᠶᠢᠳᠦᠯ ᠲᠠᠢ ᠠᠶᠢᠮᠠᠭ ᠣᠭᠰᠠᠭᠠ ᠶᠢ ᠪᠦᠷ ᠣᠳᠣ ᠶᠢᠨ ᠣᠩᠨᠢᠭᠤᠳ | ᠬᠤᠰᠢᠭᠤ ᠲᠠᠢ ᠬᠤᠯᠪᠣᠵᠣ ᠨᠢᠭᠡ ᠭᠠᠷᠣᠯ ᠲᠠᠢ ᠬᠡᠮᠡᠨ ᠬᠤᠯᠪᠣᠨ ᠶᠠᠷᠢᠵᠣ ᠦᠯᠦ ᠪᠣᠯᠣᠨᠠ᠃ | ︽ᠣᠩᠨᠢᠭᠤᠳ︾ ᠬᠡᠮᠡᠬᠦ ᠨᠡᠷᠡᠶᠢᠳᠦᠯ ᠪᠣᠯ ᠣᠳᠣᠬᠢ ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠬᠢᠨ ᠬᠠᠴᠢᠭᠤᠨ ᠤ | ᠣᠭ ᠡᠵᠡᠮᠰᠢᠯ ᠨᠣᠲᠤᠭ ᠢ ᠦᠮᠴᠢᠯᠡᠵᠣ ᠰᠠᠭᠤᠭᠠᠳ ᠠᠪᠣᠭᠰᠠᠨ ᠨᠡᠷᠡ ᠪᠣᠯᠬᠤ ᠶᠣᠮ᠃ ᠣᠣᠯ ᠳᠠᠭᠠᠨ ︽ | ᠣᠩᠨᠢᠭᠤᠳ᠂ ᠬᠠᠷᠠ ᠴᠡᠷᠢᠭ᠂ ᠢᠰᠦᠳ︾ ᠬᠡᠮᠡᠬᠦ ᠭᠤᠷᠪᠠᠨ ᠠᠶᠢᠮᠠᠭ ᠠᠴᠠ ᠪᠦᠷᠢᠯᠳᠦᠵᠠᠢ᠃ ᠴᠢᠩ ᠣᠯᠣᠰ ᠠᠴᠠ | ᠬᠤᠰᠢᠭᠤ ᠬᠤᠪᠢᠶᠠᠷᠢᠯᠠᠬᠤ ᠳᠠᠭᠠᠨ ᠣᠩᠨᠢᠭᠤᠳ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠣᠯᠭᠠᠨ ᠨᠡᠶᠢᠯᠡᠭᠦᠯᠦᠭᠰᠡᠨ ᠠᠴᠠ ᠬᠠᠷᠠ | ᠴᠡᠷᠢᠭ ᠠᠶᠢᠮᠠᠭ ᠪᠠ ᠢᠰᠦᠳ ᠨᠢ ᠪᠠᠶᠢᠬᠤ ᠦᠭᠡᠢ ᠪᠣᠯᠵᠠᠢ᠃ ᠣᠩᠨᠢᠭᠤᠳ ᠵᠡᠭᠦᠨ ᠬᠤᠰᠢᠭᠤ ᠶᠢᠨ ᠭᠤᠴᠢᠨ | ᠨᠠᠶᠢᠮᠠᠨ ᠰᠣᠮᠣ ᠨᠢ ᠣᠩᠨᠢᠭᠤᠳ ᠠᠶᠢᠮᠠᠭ ᠠᠴᠠ ᠪᠦᠷᠢᠯᠳᠦᠵᠣ᠂ ᠪᠠᠷᠠᠭᠤᠨ ᠣᠩᠨᠢᠭᠤᠳ ᠤᠨ ᠬᠤᠷᠢᠨ ᠰᠣᠮᠣ ᠨᠢ | ᠬᠠᠷᠠ ᠴᠡᠷᠢᠭ ᠠᠶᠢᠮᠠᠭ ᠪᠠ ᠢᠰᠦᠳ ᠠᠶᠢᠮᠠᠭ ᠠᠴᠠ ᠪᠦᠷᠢᠯᠳᠦᠭᠰᠡᠨ ᠭᠡᠳᠡᠭ ᠶᠣᠮ᠃ ᠵᠠᠷᠢᠮ ᠲᠡᠣᠬᠡ ᠶᠢᠨ ᠪᠢᠴᠢᠯᠭᠡ | ᠳᠤ ᠣᠩᠨᠢᠭᠤᠳ ᠠᠶᠢᠮᠠᠭ ᠢ ᠭᠢᠷᠬᠢᠰ ᠣᠳᠣᠮ ᠲᠠᠢ ᠭᠡᠵᠤ ᠪᠢᠴᠢᠭᠰᠡᠨ ᠨᠢ ᠴᠦ ᠪᠠᠶᠢᠳᠠᠭ ᠃ ᠡᠨᠡ ᠨᠢ ᠪᠠᠰᠠᠴᠣ | ᠨᠢᠭᠡ ᠲᠡᠣᠬᠡ ᠶᠢᠨ ᠡᠰᠢᠯᠡᠯ ᠲᠠᠢ ᠪᠠᠶᠢᠬᠠ᠃ ᠣᠴᠢᠷ ᠨᠢ ᠣᠩᠨᠢᠭᠤᠳ ᠸᠠᠩ ᠨᠢ ᠬᠦᠭᠡᠰᠡᠭᠦᠯ ︵ᠬᠦᠪᠰᠦᠯ︶ ( 2 | ) ( 3 ) ᠣᠪᠣᠭ ᠲᠠᠢ ᠶᠣᠮ᠃ ᠲᠣᠬᠠᠢ ᠶᠢᠨ ᠴᠠᠭ ᠦᠶᠡ ᠳᠤ ᠴᠢᠩᠭᠢᠰ ᠤᠨ ᠠᠯᠲᠠᠨ ᠣᠷᠤᠭ ᠯᠠ ᠲᠦᠪ ᠶᠣᠰᠣ | ᠪᠠᠷ ᠮᠣᠩᠭᠤᠯ ᠠᠶᠢᠮᠠᠭ ᠢ ᠨᠣᠶᠠᠷᠬᠠᠵᠣ ᠪᠠᠶᠢᠭᠰᠠᠨ ᠣᠴᠢᠷ ᠣᠨᠳᠣᠣ ᠣᠭᠰᠠᠭᠠᠲᠠᠨ ᠤ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠨᠢ | ᠬᠠᠰᠢᠭᠳᠠᠬᠤ ᠪᠠ ᠬᠤᠪᠢᠶᠠᠭᠳᠠᠬᠤ ᠠᠶᠣᠯ ᠲᠠᠢ ᠪᠠᠶᠢᠳᠠᠭ ᠲᠣᠯᠠ ᠬᠠᠴᠢᠭᠤᠨ ᠤ ᠬᠠᠭᠤᠴᠢᠨ ᠨᠣᠲᠤᠭ ᠢ ᠡᠵᠡᠯᠡᠵᠣ | ᠰᠠᠭᠤᠭᠠᠳ ᠬᠠᠴᠢᠭᠤᠨ ᠤ ᠬᠤᠶᠢᠴᠢᠰ ᠬᠡᠮᠡᠨ ᠪᠠᠷᠢᠮᠲᠠᠯᠠᠭᠰᠠᠨ ᠶᠠᠪᠣᠳᠠᠯ ᠪᠣᠯᠪᠠᠣ ᠬᠡᠵᠣ ᠪᠣᠳᠣᠨᠠ᠃ ᠣᠳᠣ ᠪᠠᠷ | ᠮᠢᠨᠣ ᠭᠠᠷ ᠲᠤ ᠪᠠᠶᠢᠭᠠ ᠣᠩᠨᠢᠭᠤᠳ ᠤᠨ ᠣᠪᠣᠭ ᠠᠶᠢᠮᠠᠭ ᠤᠨ ᠪᠦᠷᠢᠳᠬᠡᠯ ᠠᠴᠠ ᠦᠵᠡᠪᠡᠯ᠂ ᠣᠩᠨᠢᠭᠤᠳ | ᠬᠤᠰᠢᠭᠤᠨ ᠤ ᠬᠠᠷᠠᠴᠣ ᠢᠵᠠᠭᠤᠷᠲᠣ ᠠᠷᠠᠳ ᠤᠨ ᠳᠣᠲᠣᠷᠠ ᠮᠣᠩᠭᠤᠯ ᠣᠪᠣᠭ ᠣᠯᠠᠨ ᠪᠣᠰᠣ᠂ ᠬᠠᠷᠢᠨ ᠣᠨᠳᠣᠣ | ᠭᠠᠷᠣᠯ ᠲᠠᠢ ︵ ᠲᠦᠷᠦᠭ ᠢᠵᠠᠭᠤᠷᠲᠣ ︶ ᠬᠦᠮᠦᠰ ᠬᠠᠷᠢᠨ ᠣᠯᠠᠩᠬᠢ ᠲᠤᠭᠠ ᠶᠢ ᠡᠵᠡᠯᠡᠵᠣ ᠪᠠᠶᠢᠳᠠᠭ ᠪᠠᠶᠢᠨᠠ | ᠃ ᠭᠢᠷᠬᠢᠰᠴᠣᠳ ᠪᠣᠯᠪᠠᠰᠣ ᠳᠣᠮᠳᠠᠳᠣ ᠠᠽᠢᠶᠠ ᠶᠢᠨ ᠡᠷᠲᠡᠨ ᠤ ᠣᠭᠰᠠᠭᠠᠲᠠᠨ ᠪᠣᠯᠬᠤ ᠪᠦᠭᠡᠳ ᠲᠦᠷᠺ ᠭᠠᠷᠣᠯ | ᠲᠠᠢ᠂ ᠮᠣᠩᠭᠤᠯᠴᠣᠳ ᠲᠠᠢ ᠪᠠᠰᠠ ᠭᠠᠷᠣᠯ ᠣᠭᠰᠠᠭᠠ ᠣᠶᠢᠷᠠ ᠪᠠᠶᠢᠳᠠᠭ ᠪᠦᠭᠡᠳ ᠣᠶᠢᠷᠠᠳ ᠤᠨ ᠪᠦᠷᠢᠯᠳᠦᠭᠦᠨ | ᠳᠤ ᠪᠠᠭᠲᠠᠭᠳᠠᠵᠣ ︽ᠭᠢᠷᠬᠢᠰ ᠲᠦᠮᠡᠨ︾ ᠭᠡᠵᠤ ᠳᠠᠭᠤᠳᠠᠭᠳᠠᠵᠣ ᠪᠠᠶᠢᠵᠠᠢ᠃ ᠣᠣᠯ ᠳᠠᠭᠠᠨ ᠬᠠᠯᠠᠬᠠ ᠪᠠ ᠣᠶᠢᠷᠠᠳ | ᠤᠨ ᠬᠤᠭᠤᠷᠣᠨᠳᠣᠬᠢ ᠨᠣᠲᠤᠭ ᠢᠶᠠᠷ ᠨᠣᠲᠣᠭᠯᠠᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠵᠡᠭᠦᠨᠭᠠᠷ ᠬᠠᠭᠠᠨᠲᠣ ᠣᠯᠣᠰ ᠤᠨ ᠦᠶᠡ ᠳᠤ | ᠴᠡᠷᠢᠭ ᠳᠠᠶᠢᠨ ᠤ ᠬᠡᠷᠡᠭᠴᠡᠭᠡ ᠠᠴᠠ ᠪᠣᠯᠵᠣ ᠡᠮᠦᠨᠡᠰᠢᠯᠡᠭᠦᠯᠦᠨ ᠨᠡᠭᠦᠯᠭᠡᠭᠡᠳ ᠣᠳᠣ ᠶᠢᠨ ᠨᠣᠲᠤᠭ ᠲᠤ | ᠰᠠᠭᠤᠷᠢᠰᠢᠵᠠᠢ᠃ ᠵᠦᠪᠯᠡᠯᠲᠣ ᠵᠠᠳᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠵᠦᠪᠯᠡᠯᠲᠣ ᠶᠢᠨ ᠬᠠᠷᠢᠶᠠᠨ ᠳᠤ ᠬᠤᠯᠪᠣᠭᠠᠨ ᠤ ᠣᠯᠣᠰ | ᠪᠠᠶᠢᠭᠰᠠᠨ ᠭᠢᠷᠬᠢᠰᠲ᠋ᠠᠨ ᠨᠢ ᠣᠳᠣ ᠳᠣᠰᠠᠭᠠᠷ ᠣᠯᠣᠰ ᠪᠣᠯᠵᠠᠢ᠃ ᠰᠢᠨᠵᠢᠶᠠᠩ ᠳᠤ ᠪᠠᠰᠠ ᠨᠢᠭᠡ ᠪᠦᠯᠦᠭ | ᠭᠢᠷᠬᠢᠰᠴᠣᠳ ᠰᠠᠭᠤᠵᠣ ᠪᠠᠶᠢᠳᠠᠭ᠃ ᠲᠡᠳᠡᠨᠦᠰ ᠤᠨ ᠲᠦᠷᠦᠭᠰᠡᠨ ᠲᠦᠯᠦᠪ ᠪᠠᠶᠢᠳᠠᠯ ᠨᠢ ᠮᠣᠩᠭᠤᠯ ᠬᠦᠮᠦᠨ ᠲᠠᠢ | ᠳᠡᠮᠡᠢ ᠢᠯᠡᠭᠠᠭᠠ ᠦᠭᠡᠢ ᠪᠢᠯᠡ᠃ | ᠲᠠᠶᠢᠯᠪᠣᠷᠢ᠄ | ︵1︶ ᠬᠠᠮᠤᠭ ᠠᠩᠬᠠᠨ ᠳᠤ ᠣᠩᠨᠢᠭᠤᠳ ᠢ ︽ᠸᠠᠩ ᠨᠤᠭᠤᠳ︾ ᠲᠠᠢ ᠬᠤᠯᠪᠣᠵᠣ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠨᠢ | ᠵᠦᠪᠯᠡᠯᠲᠣ ᠶᠢᠨ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠨ ᠸᠠᠯᠠᠳᠢᠮᠢᠷᠦᠽᠧ ᠪᠣᠯᠣᠨᠠ᠃ | ︵2︶ ᠣᠩᠨᠢᠭᠤᠳ ᠲᠠᠶᠢᠵᠢ ᠶᠢ ᠠᠷᠪᠠᠨ ᠠᠶᠢᠮᠠᠭ ᠲᠤ ᠬᠤᠪᠢᠶᠠᠳᠠᠭ᠃ ᠡᠨᠡ ᠨᠢ᠄ ᠴᠦᠨᠳᠦᠪ ᠠᠶᠢᠮᠠᠭ᠂ | ᠲᠠᠪᠣᠨ ᠬᠤᠲᠠ ᠂ ᠲᠣᠯᠣᠭᠠᠨ ᠬᠤᠲᠠ ᠂ ᠴᠠᠬᠠᠷ ᠲᠠᠶᠢᠵᠢ᠂ ᠲᠣᠯᠣᠭᠠᠨ ᠮᠣᠳᠣ ᠲᠠᠶᠢᠵᠢ᠂ ᠳᠣᠭᠤᠷᠣᠣ | ︵dvgrvv) ᠴᠠᠭᠠᠨ᠂ ᠬᠦᠬᠡᠰᠡᠭᠦᠯ ︵ᠬᠦᠪᠰᠦᠯ︶᠂ ᠪᠠᠷᠠᠭᠤᠨ ᠣᠩᠨᠢᠭᠤᠳ ᠲᠠᠶᠢᠵᠢ᠂ ᠬᠠᠮᠪᠤ ᠶᠢᠨ ᠰᠦᠮᠡ ︵ | ᠣᠷᠤᠭ ᠳᠣᠰᠠᠯᠠᠭᠴᠢ ᠶᠢᠨ ᠬᠤᠶᠢᠴᠢᠰ︶ ᠂ ᠪᠣᠷᠵᠢᠭᠢᠨ ᠭᠡᠵᠤ ᠬᠤᠪᠢᠶᠠᠨᠠ᠃ | ︵3︶ ᠬᠦᠬᠡᠰᠡᠭᠦᠯ ︵ᠬᠦᠪᠰᠦᠯ︶ ᠠᠶᠢᠮᠠᠭ ᠤᠨ ᠲᠣᠬᠠᠢ ᠲᠣᠮᠤᠭ ᠲᠤ ᠣᠩᠨᠢᠭᠤᠳ ᠸᠠᠩ ᠨᠢ ᠬᠠᠭᠠᠨ ᠤ | ᠪᠠᠨ ᠮᠣᠷᠢ ᠶᠢ ᠬᠤᠯᠭᠤᠭᠠᠳ ᠰᠡᠭᠦᠯ ᠢ ᠨᠢ ᠬᠦᠬᠡ ᠪᠠᠷ ᠪᠣᠳᠣᠭᠠᠳ ᠡᠶᠢᠮᠣ ᠣᠪᠣᠭ ᠲᠠᠢ ᠪᠣᠯᠣᠭᠰᠠᠨ ᠭᠡᠵᠤ | ᠶᠠᠷᠢᠳᠠᠭ᠃ ᠪᠣᠣᠰᠢ ᠶᠢᠨ ᠪᠢᠴᠢᠭᠰᠡᠨ ︽ᠮᠣᠩᠭᠤᠯ ᠣᠪᠣᠭ ᠤᠨ ᠣᠴᠢᠷ︾ ᠭᠡᠬᠦ ᠨᠣᠮ ᠳᠠᠭᠠᠨ ᠬᠦᠬᠡᠰᠡᠭᠦᠯ | ᠳᠠᠪᠠᠭᠠᠨ ᠠᠴᠠ ᠢᠷᠡᠯᠲᠡᠲᠡᠢ ᠭᠡᠵᠤ ᠪᠢᠴᠢᠵᠠᠢ᠃ ᠭᠡᠪᠡᠴᠦ ᠬᠦᠬᠡᠰᠡᠭᠦᠯ ᠳᠠᠪᠠᠭᠠ ᠭᠡᠵᠤ ᠬᠠᠮᠢᠭᠠ ᠪᠠᠶᠢᠳᠠᠭ ᠢ | ᠡᠷᠢᠵᠣ ᠣᠯᠬᠤ ᠦᠭᠡᠢ ᠪᠠᠶᠢᠨᠠ᠃ ᠬᠠᠷᠢᠨ ᠮᠣᠩᠭᠤᠯ ᠣᠯᠣᠰ ᠲᠤ ᠬᠦᠬᠡᠰᠡᠭᠦᠯ ︵ᠬᠦᠪᠰᠦᠭᠦᠯ︶ ᠨᠠᠭᠤᠷ ᠭᠡᠵᠤ | ᠪᠠᠶᠢᠳᠠᠭ᠃ ᠬᠦᠪᠰᠦᠭᠦᠯ ᠨᠠᠭᠤᠷ ᠨᠢ ᠣᠣᠯ ᠤᠨ ᠭᠢᠷᠬᠢᠰ ᠠᠶᠢᠮᠠᠭ ᠤᠨ ᠨᠡᠭᠦᠳᠡᠯᠯᠡᠨ ᠠᠮᠢᠳᠣᠷᠠᠵᠣ ᠪᠠᠶᠢᠭᠰᠠᠨ ᠭᠠᠵᠠᠷ | ᠠᠴᠠ ᠣᠶᠢᠷᠠᠯᠴᠠᠭᠠ ᠪᠠᠶᠢᠵᠠᠢ᠃ ᠲᠡᠭᠡᠬᠦ ᠪᠠᠷ ᠢᠶᠠᠨ ᠣᠩᠨᠢᠭᠤᠳ ᠠᠶᠢᠮᠠᠭ ᠢ ᠭᠢᠷᠬᠢᠰ ᠭᠠᠷᠣᠯ ᠲᠠᠢ ᠬᠡᠰᠡᠨ ᠮᠠᠭᠠᠳ᠃ | ᠣᠩᠨᠢᠭᠤᠳ ᠲᠤ ᠴᠠᠳ᠋ ︵ᠴᠠᠳ︶ ᠠᠶᠢᠮᠠᠭ ᠤᠨ ᠬᠦᠮᠦᠰ ᠣᠯᠠᠨ ᠪᠠᠶᠢᠳᠠᠭ᠃ ᠴᠠᠳ᠋ ᠬᠦᠮᠦᠰ ᠣᠣᠯ ᠨᠢ | ᠬᠦᠪᠰᠦᠭᠦᠯ ᠨᠠᠭᠤᠷ ᠣᠶᠢᠷᠠᠯᠴᠠᠭᠠ ᠨᠡᠭᠦᠳᠡᠯᠯᠡᠨ ᠠᠮᠢᠳᠣᠷᠠᠳᠠᠭ ᠲᠦᠷᠦᠭ ᠭᠠᠷᠣᠯ ᠲᠠᠢ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ | ᠪᠦᠭᠡᠳ ᠣᠳᠣ ᠳᠤ ᠪᠠᠰᠠ ᠲᠡᠨᠳᠡ ᠨᠢᠭᠡ ᠪᠦᠯᠦᠭ ᠴᠠᠳ᠋ ᠬᠦᠮᠦᠰ ᠴᠠ ᠪᠣᠭᠤ ᠲᠡᠵᠢᠭᠡᠵᠣ ᠨᠡᠭᠦᠳᠡᠯᠯᠡᠨ | ᠠᠮᠢᠳᠣᠷᠠᠵᠣ ᠪᠠᠶᠢᠳᠠᠭ᠃ ᠴᠠ ᠪᠣᠭᠤ ᠬᠠᠷᠢᠭᠤᠯᠳᠠᠭ ᠠᠴᠠ ᠴᠠᠲᠠᠨ ︵chaatan ) ᠭᠡᠵᠤ ᠨᠡᠷᠡᠯᠡᠪᠡ ᠭᠡᠵᠤ | ᠬᠠᠯᠠᠬᠠ ᠳᠤ ᠲᠠᠶᠢᠯᠪᠣᠷᠢᠯᠠᠳᠠᠭ ᠴᠦ ᠣᠩᠨᠢᠭᠤᠳ ᠤᠨ ᠴᠠᠳ᠋ ᠠᠶᠢᠮᠠᠭ ᠤᠨ ᠬᠢᠨ ᠪᠣᠯ ᠮᠦᠩᠭᠦ ᠶᠢ ᠣᠷᠣᠯᠠᠭᠤᠯᠣᠨ | ᠬᠡᠷᠡᠭᠯᠡᠳᠡᠭ ᠴᠠᠭᠠᠨ ᠭᠠᠣᠯᠢ ᠶᠢ ᠬᠡᠯᠡᠨᠡ ᠭᠡᠵᠤ ᠲᠠᠶᠢᠯᠪᠣᠷᠢᠯᠠᠳᠠᠭ᠃ ᠴᠠᠳ᠋ ᠬᠦᠮᠦᠰ ᠤᠨ ᠳᠣᠲᠣᠷᠠ ᠺᠠᠣᠺᠠᠰ ᠵᠢᠰᠦ | ᠲᠠᠢ ᠬᠦᠮᠦᠰ ᠪᠢᠰᠢᠭᠦᠢ ᠲᠠᠭᠠᠷᠢᠯᠳᠣᠳᠠᠭ᠃ | ᠡᠰᠢᠯᠡᠭᠰᠡᠨ ᠮᠠᠲ᠋ᠧᠷᠢᠶᠠᠯ᠄ | 1 ᠂ ︽ᠮᠣᠩᠭᠤᠯ ᠣᠪᠣᠭ ᠤᠨ ᠣᠴᠢᠷ︾᠃ ᠪᠣᠣ ᠰᠢ ᠨᠠᠶᠢᠷᠠᠭᠤᠯᠣᠨ ᠵᠣᠬᠢᠶᠠᠪᠠ᠃ ᠪᠣᠶᠠᠨᠬᠦᠦ ᠣᠷᠴᠢᠭᠤᠯᠪᠠ᠃ | ᠦᠪᠦᠷ ᠮᠣᠩᠭᠤᠯ ᠤᠨ ᠰᠣᠶᠣᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠪᠠ᠃2002 ᠣᠨ ᠤ ᠬᠡᠪᠯᠡᠯ᠃ | 2 ᠂ ︽ᠮᠣᠩᠭᠤᠯ ᠣᠪᠣᠭ ᠤᠨ ᠲᠣᠪᠴᠢᠶᠠᠨ︾᠂ ᠮᠢᠩᠭᠠᠳ ᠲᠦᠩᠰᠢᠭ ᠵᠣᠬᠢᠶᠠᠪᠠ᠃ ᠯᠢᠶᠥᠥᠨᠢᠩ ᠤᠨ | ᠦᠨᠳᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠪᠠ᠃2009 ᠣᠨ ᠤ ᠬᠡᠪᠯᠡᠯ᠃ | 3 ᠂ ︽ᠭᠡᠷᠰᠡᠩ ᠨᠣᠲᠤᠭ ᠤᠨ ᠣᠶᠢᠯᠠᠯᠭᠠ︾᠂ ᠪᠦᠬᠡᠴᠢᠯᠠᠭᠤ ᠨᠠᠶᠢᠷᠠᠭᠤᠯᠪᠠ᠃ 2004 ᠣᠨ ᠤ 5 ᠰᠠᠷᠠ | ᠶᠢᠨ ᠬᠡᠪᠯᠡᠯ᠂ ᠰᠢᠶᠠᠩᠭᠠᠩ ᠤᠨ ᠲᠢᠶᠠᠨ ᠮᠠ ᠬᠡᠪᠯᠡᠯ ᠤᠨ ᠺᠣᠮᠫᠠᠨᠢ ᠬᠡᠪᠯᠡᠭᠦᠯᠪᠡ᠃ | 4 ᠂ ︽ᠮᠣᠩᠭᠤᠯ ᠨᠣᠲᠤᠭ ᠲᠠᠬᠢ ᠲᠡᠣᠬᠡ ᠰᠤᠶᠤᠯ ᠤᠨ ᠳᠤᠷᠠᠰᠬᠠᠯ︾᠂ [ᠮᠣᠩᠭᠤᠯ ᠣᠯᠤᠰ ] ᠯ᠊᠂ ᠳᠠᠰᠢᠨᠨᠢᠮᠠ | ᠭᠤᠣᠯᠯᠠᠨ ᠨᠠᠶᠢᠷᠠᠭᠤᠯᠪᠠ᠂ 2006 ᠣᠨ ᠤ 7 ᠰᠠᠷᠠ ᠶᠢᠨ ᠬᠡᠪᠯᠡᠯ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ | ᠤᠨ ᠬᠤᠷᠢᠶᠠ ᠬᠡᠪᠯᠡᠭᠦᠯᠪᠡ᠃ | 5 ᠂ ︽ᠤᠡᠭᠨ᠋ᠵᠭᠤᠤᠡ ᠠᠶᠢᠮᠠᠭ ᠤᠨ ᠬᠤᠰᠵᠭᠤ ᠬᠤᠪᠢᠶᠠᠷᠵᠯᠠᠭᠳᠠᠭᠰᠠᠡ 370 ᠵᠵᠯ ᠤᠨ ᠤᠢ ᠶᠢ ᠲᠤᠷᠠᠰᠬᠠᠬᠤ | ᠨᠢ ︾᠂ ︽ᠳᠣᠮᠳᠠᠳᠣ ᠣᠯᠣᠰ ᠤᠨ ᠮᠣᠩᠭᠤᠯ ᠰᠣᠳᠣᠯᠣᠯ︾ ᠰᠡᠳᠭᠦᠯ᠂ 2007 ᠣᠨ ᠤ 6 ᠳ᠋ᠣᠭᠠᠷ | ᠬᠤᠭᠤᠴᠠᠭᠠ 61 — 66 ᠳ᠋ᠣᠭᠠᠷ ᠬᠠᠭᠤᠳᠠᠰᠣ᠃ | | |