| | ︵ᠬᠦᠳᠦᠯᠦᠬᠡ ᠬᠤᠶᠠᠷ︶ | ᠨᠤᠳᠤᠭ ᠲᠤ ᠮᠢᠨᠢ ᠪᠠᠶᠢᠳᠠᠭ ᠳᠡᠷᠡ ᠴᠢᠯᠠᠭᠤ | ᠬᠢᠯᠠᠨᠴᠠᠭ ᠵᠢᠰᠦ ᠬᠡᠯᠳᠡᠶᠢᠭᠰᠡᠨ ᠵᠠᠩ ᠦᠬᠡᠢ | ᠨᠤᠭᠤᠰᠤᠨ ᠦᠨᠳᠡᠭᠡ ᠰᠢᠭ᠋ ᠪᠦᠮᠪᠦᠷᠢᠬᠡᠨ | ᠬᠢᠩᠰᠢᠬᠦ ᠠᠶᠠᠯᠭᠤ ᠬᠡᠷᠡᠯ ᠤᠨ ᠦᠢᠯᠳᠠ ᠲᠠᠢ | ᠪᠤᠭᠤ ᠤᠷᠤᠮᠳᠠᠭᠰᠠᠨ ᠦᠨᠡᠰᠤᠨ ᠪᠠᠭᠤᠷᠢ ᠶᠢ | ᠨᠠᠢᠮᠠᠨ ᠵᠠᠭᠤᠨ ᠤᠨ ᠮᠠᠨᠠᠭᠰᠠᠨ | ᠪᠤᠭᠤᠷᠤᠯ ᠬᠤᠷᠸᠠ ᠶᠢᠨ ᠤᠷᠳᠤ ᠬᠤᠷᠮᠤᠢ ᠳᠤ | ᠨᠠᠶᠠᠨ ᠦᠶᠠ ᠶᠢᠨ ᠬᠦᠢ ᠶᠢ ᠪᠤᠯᠠᠭᠰᠠᠨ | ᠢᠰᠡᠬᠡᠢ ᠳᠤᠭᠤᠷᠭᠠᠳᠠᠨ ᠤ ᠳᠤᠯᠭᠠ ᠶᠢ | ᠦᠬᠡᠳᠡ ᠬᠠᠨᠳᠤᠭᠤᠯᠤᠨ ᠳᠤᠯᠤᠭᠰᠠᠨ | ᠠᠯᠳᠠᠨ ᠶᠠᠰᠤᠳᠠᠨ ᠤ ᠴᠠᠳᠢᠭ ᠢ | ᠦᠰᠦᠭ ᠳᠠᠰᠢᠶᠠ ᠦᠬᠡᠢ ᠳᠡᠮᠳᠡᠭᠯᠡᠭᠰᠡᠨ | ᠮᠦᠬᠦᠰᠢ ᠦᠬᠡᠢ ᠵᠠᠶᠠᠭᠠ ᠲᠠᠢ | ᠮᠢᠨᠦ ᠨᠤᠳᠤᠭ ᠤᠨ ᠴᠢᠯᠠᠭᠤᠳ | ᠮᠦᠩᠬᠡ ᠶᠢᠨ ᠬᠡᠬᠡᠨ ᠰᠢᠳᠦᠬᠡᠨ ᠲᠠᠢ | ᠮᠢᠩᠭᠠᠨ ᠭᠠᠯᠪᠠ ᠶᠢᠨ ᠰᠠᠬᠢᠭᠤᠯᠰᠤᠨ | ᠳᠤᠷᠠᠯᠠᠯ | ᠴᠢᠨᠦ ᠤᠷᠤᠭᠤᠯ ᠢᠶᠠᠷ ᠵᠢᠷᠤᠭᠰᠠᠨ | ᠵᠢᠷᠤᠬᠡᠨ ᠬᠡ ᠲᠠᠢ ᠴᠡᠴᠡᠭ | ᠵᠤᠨ ᠪᠢᠰᠢ ᠴᠤ ᠨᠠᠳᠠ ᠤᠷᠤᠭᠤ | ᠵᠤᠤᠮᠠᠯᠵᠠᠨ ᠳᠡᠯᠬᠡᠷᠡᠨᠡ | ᠴᠢᠨᠦ ᠨᠢᠳᠦ ᠪᠠᠷ ᠴᠠᠬᠢᠭᠰᠠᠨ | ᠴᠠᠬᠢᠭᠤᠷ ᠴᠢᠯᠠᠭᠤᠨ ᠤᠴᠢ | ᠴᠢᠮᠡᠭᠡ ᠦᠬᠡᠶᠢᠬᠡᠨ ᠨᠠᠭᠠᠰᠢ | ᠴᠢᠷᠮᠡᠯ ᠦᠬᠡᠢ ᠨᠤᠴᠤᠨᠠ | ᠬᠢᠯᠢ ᠦᠬᠡᠢ ᠳᠡᠮᠡᠤᠯᠤᠯ | ᠬᠡᠨ ᠠᠴᠠ ᠴᠤ ᠬᠤᠷᠳᠤᠨ ᠠᠶᠢᠰᠤᠢ | ᠬᠡᠯᠡ ᠲᠠᠢ ᠰᠡᠳᠬᠢᠯ ᠢ ᠠᠰᠠᠭᠠᠨ | ᠬᠡᠨᠡᠨ ᠬᠤᠩᠭᠤᠷᠬᠠᠨ ᠡᠷᠬᠡᠯᠡᠨᠡ | | ᠭᠤᠳᠤᠯ | ᠡᠮᠡᠭᠡ ᠶᠢᠨ ᠤᠯᠠᠯᠠᠭᠰᠠᠨ ᠠᠷᠠᠰᠤᠨ ᠭᠤᠳᠤᠯ ᠢ | ᠠᠪᠤ ᠮᠢᠨᠢ ᠨᠠᠳᠠ ᠳᠤ ᠪᠡᠯᠡᠭᠯᠡᠭᠰᠡᠨ ᠶᠤᠮ | ᠤᠯᠠ ᠲᠦᠷᠡᠢ ᠨᠢ ᠬᠠᠳᠠᠭᠤᠬᠠᠨ ᠪᠠᠶᠢᠭᠰᠠᠨ ᠴᠤ | ᠤᠳᠠᠭᠠᠨ ᠡᠮᠦᠰᠬᠦ ᠳᠤ ᠪᠦᠬᠡ ᠲᠠᠢ ᠪᠠᠶᠢᠯᠠ | ᠮᠤᠳᠤ ᠴᠢᠯᠠᠭᠤ ᠲᠠᠢ ᠭᠠᠵᠠᠷ ᠡᠮᠦᠰᠦᠭᠰᠡᠨ ᠴᠤ | ᠮᠤᠷᠤᠶᠢᠵᠤ ᠠᠳᠤᠷᠢᠬᠤ ᠶᠢ ᠮᠡᠳᠡᠳᠡᠭ ᠦᠬᠡᠢ | ᠮᠦᠰᠦ ᠴᠠᠰᠤᠨ ᠳᠡᠬᠡᠷᠡ ᠶᠠᠪᠤᠭᠰᠠᠨ ᠴᠤ | ᠮᠤᠷᠢᠨ ᠳᠠᠬᠠ ᠰᠢᠭ᠋ ᠠᠶᠢᠵᠠᠮ ᠳᠤᠭᠤᠯᠳᠠᠨᠠ | ᠬᠠᠮᠠᠷ ᠨᠢ ᠡᠷᠳᠡᠬᠡᠷ ᠬᠠᠷᠠᠬᠤ ᠳᠤ ᠡᠪᠯᠢᠭᠬᠡᠨ | ᠬᠠᠯᠠᠭᠤᠨ ᠳᠤ ᠰᠡᠷᠢᠬᠦᠬᠡᠨ ᠬᠦᠢᠳᠡᠨ ᠳᠤ ᠳᠤᠯᠠᠭᠠᠬᠠᠨ | ᠬᠠᠵᠠᠭᠠᠢ ᠬᠢᠰᠬᠢᠵᠤ ᠮᠠᠶᠢᠵᠢᠬᠢ ᠠᠯᠬᠤᠭᠰᠠᠨ ᠴᠤ | ᠬᠦᠯ ᠢ ᠵᠠᠰᠠᠵᠤ ᠳᠡᠭᠰᠢ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ | ᠰᠢᠷᠢᠨ ᠭᠤᠳᠤᠯ ᠤᠨ ᠰᠢᠳᠢ ᠶᠢ ᠬᠦᠷᠳᠡᠬᠡᠳ | ᠰᠢᠨᠵᠢ ᠲᠦᠷᠬᠦ ᠲᠠᠢ ᠬᠦᠮᠦᠨ ᠪᠤᠯᠤᠭᠰᠠᠨ ᠶᠤᠮ | ᠰᠢᠨᠠ ᠡᠷᠢᠨ ᠤ ᠬᠡᠤᠬᠡᠳ ᠲᠤ ᠪᠠᠨ | ᠰᠤᠨᠢᠷᠬᠠᠯ ᠪᠤᠯᠭᠠᠨ ᠤᠯᠠᠮᠵᠢᠯᠠᠭᠰᠠᠨ ᠶᠤᠮ | | |