| ᠪᠠ᠊᠂ ᠣᠳᠽᠡᠷ | ᠪᠢ ᠪᠣᠯ ᠬᠥᠳᠡᠭᠡ ᠨᠤᠲᠤᠭ ᠲᠤ ᠲᠦᠷᠦᠵᠦ ᠦᠰᠦᠭᠰᠡᠨ ᠪᠤᠷᠤᠭᠵᠢᠭᠤᠨ ᠬᠠᠷᠠ ᠪᠣᠷᠤ ᠬᠦᠦ ᠶᠤᠮᠰᠠᠨ᠃ ᠮᠢᠨᠦ | ᠨᠤᠲᠤᠭ ᠲᠤ ᠬᠠᠪᠤᠷ ᠤᠨ ᠠᠭᠤᠷ ᠢ ᠬᠠᠮᠤᠭ ᠡᠷᠲᠡ ᠮᠡᠳᠡᠭᠡᠯᠡᠳᠡᠭ ᠨᠢ ᠳᠠᠷᠤᠢ ᠨᠤᠲᠤᠭ ᠤᠨ ᠡᠷᠳᠡᠨᠢ ᠬᠠᠷᠭᠠᠨᠠ | ᠪᠣᠯᠤᠨᠠ᠃ | ᠨᠠᠷᠠᠨ ᠤ ᠭᠡᠷᠡᠯ᠂ ᠭᠠᠵᠠᠷ ᠤᠨ ᠰᠢᠮᠡ᠂ ᠠᠭᠠᠷ ᠤᠰᠤ ᠨᠠᠶᠢᠷᠠᠮᠳᠠᠨ ᠵᠣᠬᠢᠴᠠᠭᠰᠠᠨ ᠤ ᠬᠦᠴᠦ ᠪᠠᠷ ᠨᠤᠲᠤᠭ ᠤᠨ | ᠡᠷᠳᠡᠨᠢ ᠬᠠᠷᠭᠠᠨᠠ ᠤᠷᠭᠤᠨ ᠳᠡᠯᠭᠡᠷᠡᠭᠡᠳ ᠨᠠᠷᠠᠲᠤ ᠡᠨᠡ ᠣᠷᠴᠢᠯᠠᠩ ᠢ ᠠᠮᠢᠯᠠᠯ ᠲᠠᠢ ᠦᠵᠡᠮᠵᠢ ᠰᠠᠶᠢᠲᠠᠢ ᠪᠣᠯᠭᠠᠳᠠᠭ | ᠶᠤᠮ ᠡ᠃ | ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠪᠢ ᠦᠷᠬᠦᠯᠵᠢ ᠠᠬᠠ ᠲᠠᠢ ᠪᠠᠨ ᠬᠠᠮᠲᠦ ᠮᠠᠩᠬᠠᠨ ᠳᠤ ᠭᠠᠷᠴᠦ ᠠᠯᠠᠭᠳᠠᠭᠠ ᠵᠤᠷᠠᠮᠠ | ᠬᠦᠭᠡᠭᠡᠵᠦ ᠭᠦᠶᠦᠵᠦ ᠶᠠᠪᠤᠬᠤ ᠳᠠᠭᠠᠨ ᠮᠠᠩᠬᠠᠨ ᠤ ᠣᠷᠣᠢ᠂ ᠵᠣ ᠶᠢᠨ ᠭᠥᠳᠥᠯ ᠳᠡᠭᠡᠷᠡ ᠠᠴᠠ ᠬᠡᠰᠡᠭ ᠬᠡᠰᠡᠭ ᠰᠢᠷᠭᠠᠯ | ᠥᠩᠭᠡ ᠲᠠᠢ ᠬᠠᠷᠭᠠᠨᠠ ᠬᠡᠦᠬᠡᠳ ᠪᠢᠳᠡᠨ ᠢ ᠶᠠᠭ ᠳᠠᠯᠠᠯᠠᠵᠦ ᠪᠠᠶᠢᠬᠤ ᠮᠡᠲᠦ ᠨᠠᠶᠢᠭᠤᠨ ᠤᠷᠭᠤᠵᠤ᠂ ᠬᠠᠷᠭᠠᠨᠠ ᠶᠢᠨ | ᠬᠠᠵᠠᠭᠤ ᠳᠤ ᠨᠠᠷᠠᠨ ᠳᠤ ᠪᠡᠶᠡ ᠪᠠᠨ ᠡᠭᠡᠭᠡᠵᠦ᠂ ᠬᠠᠷᠭᠠᠨᠠ ᠪᠠᠨ ᠭᠠᠶᠢᠬᠠᠵᠤ ᠱᠤᠬᠤᠭᠤᠷᠬᠠᠨ ᠬᠡᠪᠳᠡᠬᠦ ᠳᠤ ᠶᠠᠭᠤᠲᠠᠢ | ᠵᠢᠷᠭᠠᠯᠲᠠᠢ ᠪᠠᠶᠢᠯᠠ᠃ | ᠲᠡᠷᠡ ᠬᠦ ᠵᠢᠭᠳᠡ ᠲᠡᠭᠰᠢ ᠥᠳᠭᠡᠷᠡᠵᠦ᠂ ᠢᠭᠴᠤ ᠪᠤᠲᠠᠯᠢᠭ ᠮᠦᠷᠳᠡᠭᠡᠨ ᠡᠷᠭᠢᠨ ᠲᠣᠭᠤᠷᠢᠨ ᠤ ᠪᠠᠨ ᠦᠵᠡᠮᠵᠢ | ᠠᠬᠤᠢ ᠠᠴᠠ ᠡᠷᠡᠰ ᠢᠯᠭᠠᠭᠳᠠᠭᠰᠠᠨ ᠰᠢᠷᠭᠠᠯ ᠥᠩᠭᠡ᠂ ᠦᠴᠦᠬᠡᠨ ᠴᠤ ᠭᠬᠢᠷ ᠪᠤᠷᠳᠠᠭ ᠦᠭᠡᠢ᠂ ᠬᠤᠯᠢᠴᠡ ᠦᠭᠡᠢ | ᠰᠢᠵᠢᠷ ᠥᠩᠭᠡ ᠶᠢ ᠤᠳᠠᠭᠠᠨ ᠰᠢᠷᠳᠡᠵᠦ ᠤᠲᠠᠲᠠᠯᠠ ᠱᠤᠬᠤᠭᠤᠷᠬᠠᠬᠤ ᠳᠠᠭᠠᠨ ᠪᠢ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠥᠷᠦ | ᠵᠢᠷᠦᠬᠡ ᠪᠠᠨ ᠨᠡᠪᠲᠡ ᠰᠢᠩᠭᠡᠭᠡᠴᠢᠭᠡᠶᠡ ᠭᠡᠵᠦ ᠶᠡᠭᠡ ᠯᠡ ᠰᠠᠨᠠᠳᠠᠭ ᠠᠵᠠᠢ᠃ ᠴᠡᠴᠡᠭᠯᠡᠨ ᠳᠡᠯᠭᠡᠷᠡᠭᠡᠳ ᠵᠤᠯᠭᠠᠷᠠᠬᠤ | ᠪᠤᠯᠲᠠᠯᠠ ᠡᠭᠦᠷᠢᠳᠡ ᠰᠢᠷᠭᠠᠯ ᠥᠩᠭᠡ ᠪᠠᠷ ᠢᠶᠠᠨ ᠮᠦᠰᠢᠶᠡᠵᠦ ᠪᠠᠶᠢᠳᠠᠭ ᠴᠡᠪᠡᠷ ᠴᠢᠨᠠᠷ ᠢ ᠡᠴᠢᠭᠡ ᠲᠡᠭᠷᠢ ᠠᠴᠠ | ᠭᠠᠭᠴᠠ ᠬᠦ ᠮᠢᠨᠦ ᠨᠤᠲᠤᠭ ᠤᠨ ᠡᠷᠳᠡᠨᠢ ᠬᠠᠷᠭᠠᠨᠠ ᠳᠤ ᠯᠡ ᠰᠠᠶ᠋ᠢ ᠢᠪᠡᠭᠡᠭᠰᠡᠨ ᠪᠠᠶᠢᠵᠠᠢ᠃ | ᠬᠠᠷᠭᠠᠨᠠ ᠭᠡᠵᠦ ᠥᠳᠦᠨ ᠬᠡᠯᠪᠡᠷᠢᠲᠠᠢ ᠨᠡᠶᠢᠯᠡᠮᠡᠯ ᠬᠤᠣᠰ ᠵᠢᠵᠢᠭ ᠨᠠᠪᠴᠢ ᠲᠠᠢ᠂ ᠨᠠᠪᠴᠢ ᠶᠢᠨ ᠬᠢᠨᠢ ᠤᠭ ᠲᠤᠨᠢ | ᠢᠮᠠᠭᠠᠨ ᠤ ᠡᠪᠡᠷ ᠰᠢᠭ ᠬᠤᠶᠠᠷ ᠰᠠᠯᠠᠭᠠ ᠥᠷᠭᠡᠰᠦ ᠲᠠᠢ᠂ ᠳᠠᠩ ᠴᠡᠴᠡᠭ ᠳᠡᠯᠭᠡᠷᠡᠳᠡᠭ ᠪᠤᠲᠠᠯᠢᠭ ᠤᠷᠭᠤᠮᠠᠯ | ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠠᠮᠢ ᠨᠠᠰᠤ ᠤᠷᠲᠤ ᠪᠠᠶᠢᠳᠠᠭ ᠶᠤᠮ᠃ ᠬᠠᠪᠲᠠᠭᠠᠢ ᠨᠣᠭᠤᠭᠠᠨ ᠥᠩᠭᠡᠲᠡᠢ ᠵᠢᠵᠢᠭ ᠬᠢᠲᠤᠭᠠ | ᠬᠡᠯᠪᠡᠷᠢᠲᠦ ᠵᠢᠮᠢᠰ ᠰᠠᠭᠤᠨᠠ᠃ ᠵᠢᠮᠢᠰ ᠨᠢ ᠪᠤᠯᠪᠠᠰᠤᠷᠠᠪᠠᠯ ᠤᠯᠠᠭᠠᠨ ᠬᠦᠷᠡᠩ ᠥᠩᠭᠡᠲᠡᠢ ᠪᠣᠯᠤᠨᠠ᠃ ᠬᠠᠷᠭᠠᠨᠠ | ᠦᠨᠳᠦᠰᠦ ᠪᠠᠨ ᠬᠦᠷᠦᠰᠦᠨ ᠳᠤ ᠪᠠᠨ ᠬᠠᠳᠬᠤᠵᠤ᠂ ᠬᠦᠷᠦᠰᠦᠨ ᠳᠣᠣᠷᠠᠬᠢ ᠤᠰᠤ ᠶᠢ ᠪᠡᠶᠡ ᠳᠡᠭᠡᠨ ᠰᠣᠷᠤᠵᠤ | ᠠᠪᠳᠠᠭ ᠠᠴᠠ ᠭᠠᠩ ᠬᠠᠭᠤᠷᠠᠢ ᠳᠤ ᠲᠤᠶᠢᠯ ᠤᠨ ᠲᠡᠰᠪᠦᠷᠢᠲᠠᠢ᠃ ᠬᠦᠳᠡᠭᠡ ᠨᠤᠲᠤᠭ ᠲᠤ ᠪᠣᠯ ᠲᠦᠯᠡᠰᠢ ᠬᠢᠵᠦ | ᠪᠣᠯᠳᠠᠭ᠂ ᠨᠡᠩ ᠴᠢᠬᠤᠯᠠ ᠨᠢ ᠡᠯᠡᠰᠦ ᠮᠠᠩᠬᠠ ᠶᠢ ᠲᠣᠭᠳᠠᠪᠤᠷᠢᠵᠢᠭᠤᠯᠵᠤ ᠨᠣᠭᠤᠭᠤᠷᠠᠭᠤᠯᠬᠤ ᠳᠤ ᠶᠡᠭᠡ ᠬᠤᠪᠢ | ᠨᠡᠮᠡᠷᠢ ᠦᠵᠡᠭᠦᠯᠳᠡᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠭᠦᠨ ᠤ ᠦᠨᠳᠦᠰᠦ ᠨᠢ ᠴᠦ ᠡᠮ ᠳᠤ ᠣᠷᠤᠳᠠᠭ ᠶᠤᠮ᠃ | ᠬᠠᠷᠭᠠᠨᠠ ᠶᠢᠨ ᠮᠦᠴᠢᠷ ᠰᠠᠯᠠᠭᠠ ᠨᠢ ᠨᠢᠭᠡ ᠨᠢᠭᠡ ᠪᠠᠷ ᠳᠡᠭᠡᠭᠰᠢ ᠰᠡᠷᠡᠶᠢᠵᠦ ᠤᠷᠭᠤᠬᠤ ᠮᠦᠷᠳᠡᠭᠡᠨ ᠶᠡᠷᠦ ᠠᠴᠠ | ᠰᠠᠯᠵᠤ ᠰᠠᠯᠪᠠᠷᠠᠳᠠᠭ ᠦᠭᠡᠢ᠂ ᠰᠠᠨᠠᠭᠠ ᠵᠣᠷᠢᠭ ᠨᠢᠭᠡᠲᠡᠢ ᠪᠠᠶᠢᠳᠠᠭ ᠵᠠᠩ ᠴᠢᠨᠠᠷ ᠨᠢ ᠶᠠᠭᠤᠲᠠᠢ ᠡᠷᠬᠢᠮ ᠪᠣᠢ︕ | ᠲᠡᠷᠡ ᠭᠠᠵᠠᠷ ᠳᠡᠯᠡᠬᠡᠢ᠂ ᠤᠷᠭᠤᠵᠤ ᠲᠦᠯᠵᠢᠭᠰᠡᠨ ᠣᠷᠤᠨ ᠨᠤᠲᠤᠭ ᠲᠠᠭᠠᠨ ᠪᠦᠭᠡᠯᠢᠭ ᠦᠨᠳᠦᠰᠦ ᠪᠠᠨ ᠭᠦᠨ | ᠬᠠᠳᠬᠤᠵᠤ᠂ ᠭᠤᠶᠣ ᠰᠠᠶᠢᠬᠠᠨ ᠨᠠᠪᠴᠢ ᠴᠡᠴᠡᠭ ᠢᠶᠠᠷ ᠢᠶᠠᠨ ᠨᠣᠭᠤᠭᠠᠨ ᠪᠠᠶᠢᠭᠠᠯᠢ ᠪᠠᠨ ᠴᠢᠮᠡᠵᠦ᠂ ᠡᠬᠡ | ᠨᠤᠲᠤᠭ ᠤᠨ ᠮᠢᠨᠢ ᠠᠮᠢᠯᠠᠯ ᠤᠨ ᠰᠢᠳᠤᠷᠭᠤ ᠬᠠᠮᠠᠭᠠᠯᠠᠭᠴᠢ ᠪᠣᠯᠵᠦ ᠪᠠᠶᠢᠳᠠᠭ ᠡ︕ | ᠲᠠᠪᠤᠨ ᠰᠠᠷᠠ ᠶᠢᠨ ᠨᠢᠭᠡᠨ ᠤ ᠠᠮᠠᠷᠠᠯᠲᠠ ᠪᠠᠷ ᠪᠢ ᠭᠡᠷ ᠲᠡᠭᠡᠨ ᠬᠠᠷᠢᠵᠦ ᠨᠢᠭᠡᠨ ᠡᠳᠦᠷ ᠠᠪᠤ ᠪᠠᠨ ᠣᠷᠤᠯᠠᠨ ᠬᠦᠳᠡᠭᠡ | ᠬᠡᠭᠡᠷᠡ ᠬᠤᠨᠢ ᠬᠠᠷᠢᠭᠤᠯᠬᠤ ᠪᠠᠷ ᠭᠠᠷᠪᠠ᠃ ᠬᠠᠪᠤᠷ ᠤᠨ ᠤᠷᠢᠨ ᠰᠠᠶ᠋ᠢ ᠡᠬᠢᠯᠡᠵᠦ ᠪᠠᠶᠢᠭᠠ ᠤᠴᠢᠷ ᠠᠴᠠ ᠨᠠᠷᠢᠨ | ᠨᠣᠭᠤᠭᠠ ᠡᠪᠡᠰᠦ ᠠᠷᠠᠢ ᠭᠡᠵᠦ ᠰᠣᠶᠣᠭᠠᠯᠠᠨ ᠥᠩᠭᠡ ᠦᠵᠡᠮᠵᠢ ᠰᠠᠶᠢᠬᠠᠨ ᠪᠦᠷᠢᠳᠦᠭᠡᠳᠦᠢ ᠪᠠᠶᠢᠬᠤ ᠳᠤ ᠭᠠᠭᠴᠠ ᠬᠦ | ᠨᠤᠲᠤᠭ ᠤᠨ ᠡᠷᠳᠡᠨᠢ ᠬᠠᠷᠭᠠᠨᠠ ᠨᠠᠪᠴᠢᠯᠠᠵᠤ ᠨᠣᠭᠤᠭᠠᠷᠠᠭᠠᠳ᠂ ᠰᠢᠪᠠᠭᠤᠨ ᠳᠡᠭᠳᠡᠭᠡᠬᠡᠢ ᠰᠢᠭ ᠠᠩᠭᠢᠷ ᠰᠢᠷᠠ | ᠴᠡᠴᠡᠭ ᠪᠠᠭᠰᠠᠶᠢᠨ ᠳᠡᠯᠭᠡᠷᠡᠵᠦ ᠪᠠᠶᠢᠯᠠ᠃ ᠪᠢ ᠪᠠᠭ᠋ᠠᠷᠬᠠᠨ ᠬᠠᠶᠢᠷᠠᠯᠠᠵᠤ ᠭᠠᠷ ᠢᠶᠠᠨ ᠬᠠᠳᠬᠤᠭᠤᠯᠴᠢᠬᠠᠬᠤ ᠪᠠᠨ ᠥᠯᠦ | ᠬᠠᠶᠢᠬᠤᠷᠤᠨ᠂ ᠨᠢᠭᠡ ᠰᠢᠷᠬᠡᠭ ᠢ ᠲᠠᠰᠤᠲᠠᠨ ᠠᠪᠤᠭᠠᠳ ᠲᠡᠭᠦᠨ ᠤ ᠬᠤᠪᠢᠷᠠᠰᠢ ᠦᠭᠡᠢ ᠰᠢᠷᠠ ᠥᠩᠭᠡ᠂ ᠨᠤᠭᠤᠷᠠᠰᠢ | ᠦᠭᠡᠢ ᠬᠠᠲᠠᠨ ᠵᠣᠷᠢᠭ᠂ ᠬᠠᠪᠤᠷ ᠪᠤᠯᠤᠭᠰᠠᠭᠠᠷ ᠯᠡ ᠬᠠᠮᠤᠭ ᠠᠴᠠ ᠲᠡᠷᠢᠭᠦᠨ ᠳᠤ ᠠᠮᠢᠯᠠᠳᠠᠭ ᠠᠮᠢᠵᠢᠷᠠᠯ ᠤᠨ | ᠬᠦᠴᠦᠨ ᠢ ᠨᠢ ᠪᠠᠭ᠋ᠠᠷᠬᠠᠨ ᠰᠢᠨᠵᠢᠵᠦ ᠰᠠᠭᠤᠯᠠ᠃ | ᠨᠤᠲᠤᠭ ᠲᠤ ᠮᠢᠨᠢ ᠬᠡᠳᠦᠨ ᠵᠢᠯ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠭᠰᠠᠨ ᠠᠴᠠ ᠪᠣᠯᠵᠦ᠂ ᠡᠯᠡᠰᠦᠨ ᠰᠢᠭᠤᠷᠭᠠ ᠪᠣᠰᠬᠤ ᠪᠣᠯᠪᠠ᠃ | ᠡᠨᠡ ᠦᠶᠡᠰ ᠮᠠᠨ ᠤ ᠨᠤᠲᠤᠭ ᠤᠨ ᠬᠢᠨ ᠮᠣᠳᠤ ᠵᠠᠶᠢᠯᠠᠬᠤ ᠪᠠ ᠬᠠᠷᠭᠠᠨᠠ ᠲᠠᠷᠢᠬᠤ ᠬᠦᠳᠡᠯᠭᠡᠭᠡᠨ ᠦᠷᠨᠢᠭᠦᠯᠵᠦ | ᠡᠬᠢᠯᠡᠪᠡ᠃ ᠨᠤᠲᠤᠭ ᠤᠨ ᠬᠦᠮᠦᠰ ᠡᠨᠡ ᠦᠶᠡᠰ ᠠᠴᠠ ᠡᠬᠢᠯᠡᠵᠦ ᠬᠠᠷᠭᠠᠨᠠ ᠪᠠᠨ ᠨᠡᠩ ᠴᠦ ᠬᠠᠶᠢᠷᠠᠯᠠᠵᠤ | ᠬᠠᠮᠠᠭᠠᠯᠠᠬᠤ ᠪᠣᠯᠤᠭᠰᠠᠨ ᠪᠦᠭᠡᠳ ᠪᠣᠷᠤ ᠬᠦᠦ ᠪᠢ ᠴᠦ ᠬᠠᠷᠭᠠᠨᠠ ᠪᠠᠨ ᠬᠤᠭᠤᠯᠵᠤ ᠲᠠᠰᠤᠲᠠᠬᠤ ᠠᠴᠠ ᠨᠡᠩ ᠴᠦ | ᠬᠢᠴᠢᠶᠡᠳᠡᠭ ᠪᠣᠯᠤᠭᠰᠠᠨ ᠶᠤᠮ ᠃ | ᠡᠩ ᠦᠭᠡᠢ ᠪᠠᠶᠢᠭᠠᠯᠢ ᠶᠢᠨ ᠲᠤᠭᠠ ᠦᠭᠡᠢ ᠠᠷᠪᠢᠨ ᠤᠷᠭᠤᠮᠠᠯ ᠠᠴᠠ ᠲᠣᠭᠤᠵᠤ ᠪᠠᠭ᠋ᠠᠷᠬᠠᠭᠰᠠᠨ ᠨᠢ ᠭᠠᠭᠴᠠ ᠬᠦ | ᠨᠤᠲᠤᠭ ᠤᠨ ᠡᠷᠳᠡᠨᠢ ᠬᠠᠷᠭᠠᠨᠠ ᠶᠢ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠮᠠᠷᠲᠠᠵᠤ ᠴᠦ ᠪᠣᠯᠳᠠᠭ ᠦᠭᠡᠢ ᠨᠢ ᠪᠠᠰᠠ ᠤᠴᠢᠷ | ᠲᠠᠢ ᠶᠤᠮ ᠡ᠃ ᠮᠠᠩᠬᠠᠨ ᠳᠤᠮᠳᠠᠬᠢ ᠭᠤᠸᠠ ᠬᠡᠦᠬᠡᠨ ᠬᠠᠷᠭᠠᠨᠠ ᠠᠴᠠ ᠨᠤᠲᠤᠭ ᠤᠨ ᠠᠷᠠᠳ ᠤᠨ ᠬᠠᠭᠤᠴᠢ ᠵᠣᠭᠤᠭ | ᠂ ᠬᠦᠭᠡᠷᠦᠭᠦᠢ ᠬᠡᠦᠬᠡᠳ ᠤᠨ ᠪᠠᠶᠠᠷᠲᠦ ᠢᠨᠢᠶᠡᠲᠦ᠂ ᠮᠢᠨᠦ ᠠᠪᠤ ᠶᠢᠨ ᠡᠷᠬᠢᠮ ᠰᠤᠷᠭᠠᠯ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ | ᠡᠷᠭᠢᠴᠡᠭᠦᠯᠦᠭᠳᠡᠨᠡ᠂᠂᠂᠂ | ᠡᠪᠦᠭᠡ ᠭᠡᠵᠦ ᠦᠯᠢᠭᠡᠷ ᠲᠡᠦᠬᠡ ᠶᠢ ᠰᠠᠶᠢᠨ ᠶᠠᠷᠢᠳᠠᠭ ᠯᠡ ᠬᠦᠮᠦᠨ᠃ ᠦᠷᠬᠦᠯᠵᠢ ᠠᠬᠠ ᠳᠡᠭᠦᠦ ᠪᠢᠳᠡ | ᠵᠢᠷᠭᠤᠭᠤᠯᠠ ᠳᠤ ᠬᠠᠷᠭᠠᠨᠠ ᠶᠢᠨ ᠦᠯᠢᠭᠡᠷ ᠢᠶᠠᠷ ︽ᠭᠤᠸᠠ ᠰᠠᠶᠢᠬᠠᠨ ᠪᠣᠯ ᠪᠣᠷᠤᠭᠵᠢᠭᠤᠨ ᠪᠠᠶᠢᠳᠠᠭ᠃ ᠦᠨᠡᠨ | ᠶᠣᠰᠤ ᠪᠣᠯ ᠪᠣᠷᠤᠭᠵᠢᠭᠤᠨ ᠪᠠᠶᠢᠳᠠᠭ᠃ ᠪᠣᠷᠤᠭᠵᠢᠭᠤᠨ᠂ ᠭᠤᠸᠠ ᠰᠠᠶᠢᠬᠠᠨ ᠯᠡ ᠪᠣᠯ ᠬᠦᠮᠦᠰ ᠤᠨ ᠰᠡᠳᠭᠢᠯ ᠢ | ᠬᠦᠳᠡᠯᠭᠡᠵᠦ ᠴᠢᠳᠠᠳᠠᠭ᠃ ᠬᠠᠷᠭᠠᠨᠠ ᠶᠢᠨ ᠪᠣᠷᠤᠭᠵᠢᠭᠤᠨ ᠭᠤᠸᠠ ᠰᠢᠷᠭᠠᠯ ᠴᠡᠴᠡᠭᠡᠰ ᠨᠢ ᠰᠣᠪᠤᠳ ᠤᠨ ᠭᠢᠯᠪᠠᠭᠠ | ᠰᠢᠭ᠋ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ ᠠᠮᠤᠷᠵᠢᠭᠤᠯᠳᠠᠭ᠂᠂᠂᠂︾ ᠭᠡᠵᠦ ᠬᠠᠭᠤᠴᠢᠯᠠᠵᠤ ᠶᠠᠷᠢᠳᠠᠭ ᠰᠠᠨ᠃ | ᠪᠢ ᠠᠪᠤ ᠪᠠᠨ ᠳᠠᠭᠠᠵᠤ ᠬᠦᠳᠡᠭᠡ ᠬᠡᠭᠡᠷᠡ ᠠᠷᠭᠠᠯ ᠲᠡᠭᠦᠭᠦ ᠪᠠᠷ ᠭᠠᠷᠤᠭᠠᠳ ᠬᠠᠷᠭᠠᠨᠠ ᠶᠢᠨ ᠦᠷᠦᠭᠡᠰᠦᠨ ᠳᠤ | ᠬᠤᠷᠤᠭᠤ ᠪᠠᠨ ᠬᠠᠳᠬᠤᠭᠤᠯᠤᠨ ᠤᠬᠢᠯᠠᠵᠤ ᠶᠠᠪᠤᠭᠰᠠᠨ ᠦᠯᠢᠭᠡᠷ ᠲᠠᠢ ᠪᠦᠭᠡᠳ ᠬᠤᠷᠤᠰᠴᠦ ᠶᠠᠪᠤᠭᠰᠠᠨ ᠴᠦ ᠲᠡᠦᠬᠡ | ᠲᠠᠢ ᠶᠤᠮ ᠃ ᠨᠤᠲᠤᠭ ᠤᠨ ᠮᠢᠨᠢ ᠬᠠᠷᠭᠠᠨᠠ ᠠᠮᠢᠯᠠᠯ ᠤᠨ ᠬᠦᠴᠦᠨ ᠲᠠᠢ ᠤᠷᠭᠤᠮᠠᠯ ᠪᠠᠶᠢᠳᠠᠭ ᠠᠴᠠ ᠶᠤᠮ ︖ | ᠬᠠᠲᠠᠭᠤ ᠪᠡᠷᠬᠡ ᠰᠠᠷᠠ ᠡᠲᠦᠷ ᠲᠤ ᠠᠪᠤ ᠮᠢᠨᠢ ᠬᠠᠷᠭᠠᠨᠠ ᠶᠢᠨ ᠬᠠᠯᠠ ᠶᠢ ᠠᠮᠰᠠᠵᠤ ᠶᠠᠪᠤᠭᠰᠠᠨ ᠲᠡᠦᠬᠡ ᠲᠠᠢ | ᠪᠠᠶᠢᠭᠰᠠᠨ ᠠᠴᠠ ᠪᠣᠯᠪᠠ︖ ᠨᠠᠲᠠᠲᠤ ︽ᠬᠠᠷᠭᠠᠨᠠ︾ ᠭᠡᠰᠡᠨ ᠨᠡᠷᠡ ᠬᠠᠶᠢᠷᠠᠯᠠᠭᠰᠠᠨ ᠰᠢᠦ᠃ ᠥᠨᠦᠳᠦᠷ ᠡᠬᠡ | ᠪᠠᠶᠢᠭᠠᠯᠢ ᠶᠢᠨ ᠨᠠᠨᠳᠢᠨ ᠬᠡᠰᠡᠭ ᠢ ᠬᠦᠷᠲᠡᠵᠦ᠂ ᠡᠪᠦᠭᠡ ᠶᠢᠨ ᠮᠢᠨᠢ ᠦᠯᠢᠭᠡᠷ ᠤᠨ ᠤᠳᠬᠠ ᠤᠴᠢᠷ ᠢ ᠤᠶᠢᠯᠭᠠᠬᠤ | ᠪᠣᠯᠤᠭᠰᠠᠨ ᠳᠠᠭᠠᠨ ᠪᠢ ᠨᠤᠲᠤᠭ ᠤᠨ ᠡᠷᠳᠡᠨᠢ ᠬᠠᠷᠭᠠᠨᠠ ᠪᠠᠨ ᠦᠨᠡᠨ ᠰᠡᠳᠭᠢᠯ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠬᠤ ᠪᠣᠯᠤᠭᠰᠠᠨ | ᠶᠤᠮ ᠃ | ᠶᠠᠭ ᠡᠶᠢᠮᠦ ᠠᠴᠠ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠬᠠᠷᠭᠠᠨᠠ ᠠᠳᠠᠯᠢ ᠰᠦᠰᠦᠯᠢᠭ ᠬᠠᠲᠠᠭᠤ᠂ ᠨᠤᠲᠤᠭ ᠤᠰᠤᠨ ᠳᠠᠭᠠᠨ | ᠡᠭᠡᠯᠢᠲᠠᠢ ᠮᠦᠷᠳᠡᠭᠡᠨ ᠲᠦᠷᠦᠭᠰᠡᠨ ᠨᠤᠲᠤᠭ ᠢᠶᠠᠨ ᠭᠡᠵᠦ ᠬᠦᠮᠦᠵᠢᠭᠳᠡᠬᠦ ᠶᠢ ᠡᠷᠢᠯ ᠬᠦᠰᠡᠯ ᠪᠣᠯᠭᠠᠵᠤ ᠢᠷᠡᠭᠰᠡᠨ | ᠶᠤᠮ ᠃ | ᠴᠠᠭ ᠤᠨᠰᠠᠶᠢᠬᠠᠨ ᠵᠤᠨ᠂ ᠨᠠᠰᠤᠨ ᠤ ᠰᠠᠶᠢᠬᠠᠨ ᠨᠠᠮᠤᠷ︕ ᠮᠠᠨᠳᠤᠵᠤ ᠪᠠᠶᠢᠭᠠ ᠴᠠᠭ ᠦᠶᠡ᠂ ᠦᠲᠡᠯᠡᠵᠦ ᠶᠠᠪᠤᠭᠠ | ᠨᠠᠰᠤᠨ ᠳᠤ ᠨᠤᠲᠤᠭ ᠤᠨ ᠮᠢᠨᠢ ᠬᠠᠷᠭᠠᠨᠠ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠤᠳᠤᠭᠳᠠᠵᠤ᠂ ᠲᠣᠭᠤᠰᠤᠲᠦ ᠡᠨᠡ | ᠶᠢᠷᠳᠢᠨᠴᠦ ᠳᠤ ᠲᠣᠭᠤᠰᠤ ᠬᠦᠳᠡᠯᠭᠡᠵᠦ ᠶᠠᠪᠤᠬᠤ ᠳᠠᠭᠠᠨ ᠡᠨᠡ ᠪᠡᠶᠡ ᠪᠠᠨ ᠬᠠᠷᠭᠠᠨᠠ ᠰᠢᠭ᠋ ᠬᠠᠲᠠᠨ ᠵᠣᠷᠢᠭ ᠲᠠᠢ᠂ | ᠲᠠᠯᠠᠢ ᠰᠢᠭ᠋ ᠳᠡᠯᠭᠡᠷ ᠡᠷᠳᠡᠮ ᠢᠶᠠᠷ ᠴᠢᠮᠡᠵᠦ᠂ ᠰᠢᠯᠦᠭ ᠤᠶᠠᠩᠭᠠ ᠪᠠᠨ ᠪᠢᠴᠢᠵᠦ ᠶᠠᠪᠤᠶᠠ ᠳ᠋ᠠ︕ | ᠬᠠᠷᠭᠠᠨᠠ ᠨᠤᠲᠤᠭ ᠤᠨ ᠮᠢᠨᠢ ᠡᠷᠳᠡᠨᠢ ᠬᠡᠰᠢᠭ᠂ ᠰᠣᠨᠤᠰᠴᠦ ᠶᠠᠪᠤᠭᠰᠠᠨ ᠡᠪᠦᠭᠡ ᠶᠢᠨ ᠮᠢᠨᠢ ᠦᠯᠢᠭᠡᠷ ᠲᠡᠦᠬᠡ᠂ | ᠤᠬᠢᠯᠠᠵᠤ ᠶᠠᠪᠤᠭᠰᠠᠨ ᠪᠠᠭᠠ ᠨᠠᠰᠤᠨ ᠤ ᠮᠢᠨᠢ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠳᠤᠷᠠᠳᠬᠠᠯ᠂ ᠬᠤᠷᠸᠠ ᠶᠢᠷᠳᠢᠨᠴᠦ ᠳᠤ | ᠢᠨᠢᠶᠡᠵᠦ ᠶᠠᠪᠤᠬᠤ ᠮᠠᠷᠭᠠᠰᠢ ᠶᠢᠨ ᠮᠢᠨᠢ ᠠᠮᠢ ᠨᠠᠰᠤ ᠶᠤᠮ ᠡ︕ | | | ᠳᠥᠡᠭᠯᠢᠶᠣᠣ ᠮᠣᠩᠭᠤᠯ ᠥᠨᠳᠥᠰᠥᠳᠡᠨ ᠤ | ᠲᠤᠮᠳᠠᠳᠥ ᠰᠤᠷᠭᠠᠭᠤᠯᠢ ᠶᠢᠨ | ᠮᠣᠩᠭᠤᠯ ᠬᠡᠯᠡᠨ ᠤ ᠵᠢᠭᠠᠨ | ᠰᠤᠷᠭᠠᠬᠤ ᠲᠤᠭᠤᠶᠢᠯᠠᠩ | 姓名：敖斯尔 | 15750560906 | | | | | | | |