— ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠪᠤᠯᠤᠭᠰᠠᠨ | ︽ᠱᠠᠭᠳᠠᠷ ᠬᠤᠨᠳᠠᠭᠠᠲᠦ︾ ᠪᠦᠬᠦ ᠤᠯᠤᠰ ᠤᠨ | ᠲᠤᠭᠤᠵᠢᠰ ᠤᠨ ᠤᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ | ᠤᠯᠭᠤᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠭᠠᠳ | ᠨᠢᠭᠡ | ᠭᠢᠯᠤᠪᠠᠷ ᠵᠤ ᠶᠢᠨ ᠪᠠᠭᠤᠴᠠ ᠶᠢ ᠴᠢᠭᠯᠡᠭᠡᠳ | ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠢᠷᠡᠭᠰᠡᠨ ᠪᠢᠯᠡ | ᠭᠢᠳᠠᠨ ᠤ ᠲᠡᠤᠬᠡ ᠶᠢᠨ ᠮᠦᠷ ᠲᠠᠢ ᠰᠠᠴᠠᠭᠤ | ᠭᠠᠶᠢᠬᠠᠮᠰᠢᠭᠲᠦ ᠰᠢᠳᠢ ᠶᠢ ᠪᠠᠭ᠋ᠠᠷᠬᠠᠭᠰᠠᠨ ᠪᠢᠯᠡ | ᠭᠠᠩᠰᠠᠷᠠᠭᠰᠠᠨ ᠬᠡᠯᠡᠨ ᠤ ᠰᠢᠷᠬᠠ ᠶᠢ | ᠱᠠᠭᠳᠠᠷ ᠤᠨ ᠠᠳᠢᠰ ᠠᠨᠠᠭᠠᠨᠠ ᠪᠢᠯᠡ | ᠭᠠᠩᠳᠠᠭᠰᠠᠨ ᠨᠤᠲᠤᠭ ᠤᠨ ᠬᠦᠷᠦᠰᠦ ᠶᠢ | ᠰᠢᠪᠡᠷᠡᠭᠡ ᠬᠤᠷᠠ ᠤᠮᠳᠠᠯᠠᠨᠠ ᠪᠢᠯᠡ | ᠵᠠᠭᠤᠨ ᠤ ᠳᠡᠷᠲᠡᠭᠡᠬᠢ ᠰᠦᠵᠢᠭ ᠢ | ᠵᠡᠭᠦᠨ ᠪᠠᠭᠠᠷᠢᠨ ᠬᠤᠷᠤᠶᠢᠯᠠᠨᠠ ᠪᠢᠯᠡ | ᠵᠦᠩ ᠪᠢᠯᠢᠭ ᠤᠨ ᠬᠦᠰᠡᠯ ᠢ | ᠵᠡᠭᠦᠨ ᠪᠠᠭᠠᠷᠢᠨ ᠤᠷᠠᠶᠢᠯᠠᠨᠠ ᠪᠢᠯᠡ | ᠪᠤᠰᠤᠭᠠ ᠦᠰᠦᠭ ᠤᠨ ᠨᠠᠷᠭᠢᠶᠠᠨ ᠳᠤ | ᠪᠤᠭᠳᠠ ᠶᠢᠨ ᠷᠠᠰᠢᠶᠠᠨ ᠢᠪᠡᠭᠡᠨᠡ ᠪᠢᠯᠡ | ᠪᠤᠶᠠᠨᠲᠦ ᠶᠡᠬᠡᠰ ᠤᠨ ᠦᠷᠦᠰᠢᠶᠡᠯ ᠳᠤ | ᠪᠤᠷᠬᠠᠨ ᠲᠡᠭᠷᠢ ᠮᠢᠨᠢ ᠪᠠᠶᠠᠰᠤᠨᠠ ᠪᠢᠯᠡ | ᠠᠷᠪᠠᠨ ᠲᠠᠪᠤᠨ ᠤᠨ ᠰᠠᠷᠠ ᠶᠢ | ᠣᠳᠬᠠ ᠶᠢᠨ ᠡᠷᠢᠬᠢᠰ ᠢᠶᠠᠷ ᠤᠷᠭᠠᠯᠠᠨᠠ | ᠠᠷᠪᠠᠨ ᠵᠢᠷᠭᠤᠭᠠᠨ ᠤ ᠰᠠᠷᠠ ᠶᠢ | ᠤᠶᠠᠩᠭᠠ ᠶᠢᠨ ᠡᠭᠡᠰᠢᠭ ᠢᠶᠠᠷ ᠢᠴᠢᠭᠡᠨᠡ | ᠨᠠᠮᠤᠷ ᠤᠨ ᠪᠤᠷᠤᠭᠠᠨ ᠵᠦᠰᠡᠷᠡᠬᠦ ᠳᠤ | ᠨᠤᠲᠤᠭ ᠤᠨ ᠰᠠᠶᠢᠬᠠᠨ ᠳᠤᠷᠠᠰᠤᠭᠳᠠᠨᠠ | ᠨᠠᠶᠢᠷᠠᠭ ᠤᠨ ᠴᠡᠴᠡᠭᠡᠰ ᠪᠦᠵᠢᠭᠯᠡᠬᠦ ᠳᠤ | ᠨᠤᠮ ᠤᠨ ᠠᠭᠤᠯᠠᠰ ᠮᠦᠰᠢᠶᠡᠯᠴᠡᠨᠡ | ᠬᠤᠶᠠᠷ | ᠲᠤᠷᠤᠨᠠᠲ᠋ᠡᠭᠷᠢ ᠪᠠᠭᠰᠢ ᠶᠢᠨ ᠲᠠᠶᠢᠯᠤᠮᠵᠢ | ᠳᠤᠲᠤᠭᠠᠳᠦ ᠰᠡᠳᠬᠢᠯᠭᠡ ᠶᠢ ᠠᠭᠤᠳᠠᠯᠠᠭᠠᠳ ᠪᠤᠢ | ᠳᠤᠷᠤᠨᠠ ᠦᠷᠦᠨᠡ ᠶᠢᠨ ᠴᠡᠭ | ᠲᠤᠭᠲᠠᠯᠴᠠᠭᠠ ᠨᠢᠭᠡ ᠯᠡ ᠪᠤᠯᠤᠭᠠᠳ ᠪᠤᠢ | ᠡᠷᠳᠡᠨᠢ ᠪᠠᠭᠰᠢ ᠶᠢᠨ ᠦᠭᠡ ᠨᠢ | ᠡᠷᠭᠢᠨ ᠡᠷᠭᠢᠨ ᠪᠤᠳᠤᠭᠳᠠᠭᠠᠳ ᠪᠤᠢ | ᠡᠷᠭᠢᠴᠡᠭᠦᠯᠦᠨ ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠬᠤ ᠳᠤ | ᠡᠷᠳᠡᠨᠢ ᠠᠴᠠ ᠦᠨᠡ ᠲᠠᠢ ᠨᠠᠨᠳᠢᠨ ᠪᠤᠢ | ᠲᠡᠮᠦᠷᠵᠢᠨ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ | ᠲᠠᠯᠠ ᠠᠴᠠ ᠠᠭᠤᠳᠠᠮ ᠲᠡᠯᠡᠭᠡᠳ ᠪᠤᠢ | ᠳᠡᠯᠡᠬᠡᠢ ᠬᠡᠳᠦᠢ ᠶᠡᠭᠡ ᠴᠦ | ᠳᠠᠩᠳᠠ ᠢᠪᠴᠤᠣ ᠬᠠᠷᠠᠭᠳᠠᠭᠠᠳ ᠪᠤᠢ | ᠰᠢᠨᠡᠪᠠᠶᠠᠷ ᠳᠠᠷᠤᠭᠠ ᠶᠢᠨ ᠶᠠᠷᠢᠶᠠ | ᠰᠡᠳᠬᠢᠯ ᠤᠨ ᠰᠢᠵᠢᠮ ᠢ ᠬᠤᠯᠪᠤᠭᠠᠳ ᠪᠤᠢ | ᠰᠡᠳᠦᠵᠦ ᠬᠢᠭᠰᠡᠨ ᠠᠵᠢᠯ ᠦᠢᠯᠡᠰ ᠨᠢ | ᠰᠤᠶᠤᠯ ᠤᠨ ᠤᠴᠢ ᠭᠢᠯᠠᠯᠵᠠᠭᠠᠳ ᠪᠤᠢ | ᠰᠣᠳᠤᠪᠢᠯᠢᠭ᠌ ᠵᠠᠯᠠᠭᠤ ᠶᠢᠨ ᠦᠭᠡ | ᠬᠤᠰᠢᠭᠤ ᠨᠤᠲᠤᠭ ᠤᠨ ᠬᠢᠨᠢ ᠲᠤᠩᠬᠠᠭ | ᠰᠣᠤᠲᠤ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠨ | ᠬᠦᠴᠦ ᠤᠬᠠᠭᠠᠨ ᠤ ᠲᠤᠭᠴᠢ | ᠭᠤᠷᠪᠠ | ᠱᠠᠭᠳᠠᠷ ᠮᠠᠮᠠ ᠶᠢᠨ ᠪᠤᠩᠬᠤᠨ ᠳᠤ | ᠨᠠᠮᠠᠨᠴᠢᠯᠠᠨ ᠳᠠᠭᠠᠳᠬᠠᠨ ᠵᠤᠭᠰᠤᠬᠤ ᠳᠤ | ᠱᠠᠰᠳᠢᠷ ᠲᠡᠤᠬᠡ ᠶᠢᠨ ᠤᠯᠪᠠᠭᠠ | ᠨᠠᠷᠠᠲᠦ ᠶᠢᠨ ᠵᠠᠢ ᠳᠤ ᠳᠤᠷᠠᠶᠢᠨᠠ | ᠤᠬᠠᠭᠠᠨ ᠤ ᠭᠦᠨ ᠢ ᠨᠡᠪᠲᠡᠷᠡᠭᠰᠡᠨ | ᠤᠷᠢᠳᠦ ᠶᠢᠨ ᠨᠢᠭᠡᠨ ᠳᠤᠮᠤᠭ | ᠤᠷᠪᠠᠭᠠ ᠬᠦᠷᠪᠡᠭᠡ ᠲᠠᠢ ᠴᠠᠭ ᠲᠤ | ᠤᠶᠤᠨ ᠢ ᠰᠡᠭᠡᠭᠡᠷᠡᠭᠦᠯᠦᠭᠰᠡᠨ ᠵᠤᠯᠠ | ᠶᠢᠷᠲᠢᠨᠴᠦ ᠶᠢᠨ ᠶᠤᠰᠤ ᠶᠢ ᠮᠦᠷᠳᠡᠭᠰᠡᠨ | ᠶᠧᠯᠸᠢ ᠶᠢᠨ ᠨᠢᠭᠡᠨ ᠤᠪᠠᠳᠢᠰᠲᠠᠨ | ᠶᠠᠩᠵᠤ ᠶᠢᠨ ᠬᠦᠮᠦᠨ ᠢ ᠰᠤᠷᠭᠠᠭᠰᠠᠨ | ᠶᠡᠭᠡ ᠡᠷᠲᠡ ᠶᠢᠨ ᠭᠡᠷᠡᠯᠲᠦ ᠤᠳᠤ | ᠦᠯᠢᠭᠡᠷ ᠤᠨ ᠤᠯᠠᠨ ᠪᠦᠲᠦᠭᠡᠯ ᠴᠢᠨᠢ | ᠦᠨᠦᠳᠦᠷ ᠤᠨ ᠬᠦᠮᠦᠰ ᠤᠨ ᠲᠤᠯᠢ ᠶᠤᠮ | ᠦᠴᠦᠬᠡᠨ ᠬᠦᠮᠦᠰ ᠤᠨ ᠳᠣᠤᠷᠠᠰᠢᠶᠠᠭᠰᠠᠨ | ᠦᠷᠯᠦᠭ ᠶᠡᠭᠡ ᠮᠤᠩᠭᠤᠯ ᠬᠦᠮᠦᠨ ᠶᠤᠮ | ᠠᠭᠤᠤ ᠶᠡᠭᠡ ᠡᠷᠳᠡᠮᠲᠡᠨ ︽ᠰᠤᠯᠢᠶᠠᠲᠦ︾ ᠲᠠᠨ ᠳᠤ | ᠠᠶᠤᠰᠢ ᠬᠠᠳᠠᠭ ᠢ ᠠᠯᠳᠠᠯᠠᠨ ᠰᠦᠬᠦᠷᠡᠶᠡ | ᠠᠩᠬᠠ ᠤᠷᠢᠳᠦ ᠶᠢᠨ ᠪᠢᠯᠢᠭ ᠤᠨ ᠰᠠᠬᠢᠭᠤᠰᠤ ᠶᠢ | ᠠᠯᠲᠠᠨ ᠪᠤᠷᠬᠠᠨ ᠰᠢᠭ᠋ ᠬᠦᠨᠳᠦᠳᠬᠡᠨ ᠮᠦᠷᠭᠦᠶᠡ | ᠤᠷᠢᠳᠦ ᠶᠢᠨ ᠶᠡᠭᠡ ᠬᠡᠯᠡᠨ ᠤ ᠮᠡᠷᠭᠡᠳ ᠲᠤ | ᠢᠳᠡᠭᠡᠨ ᠤ ᠳᠡᠭᠡᠵᠢ ᠶᠢ ᠰᠡᠷᠵᠢᠮᠯᠡᠶᠡ | ᠢᠳᠡᠭᠡᠯ ᠬᠦᠰᠡᠯ ᠤᠨ ᠢᠳᠡ ᠰᠢᠳᠢ ᠶᠢ | ᠢᠪᠡᠭᠡᠨ ᠰᠤᠶᠠᠷᠬᠠᠬᠤ ᠶᠢ ᠵᠠᠯᠪᠠᠷᠢᠶᠠ | ᠳᠦᠷᠪᠡ | ᠵᠡᠭᠦᠨ ᠪᠠᠭᠠᠷᠢᠨ ᠮᠤᠩᠭᠤᠯᠴᠤᠳ | ᠵᠤᠷᠢᠭ ᠤᠬᠠᠭᠠᠨ ᠨᠢᠭᠡᠲᠡᠢ ᠪᠢᠯᠡ | ᠵᠤᠷᠢᠵᠦ ᠵᠢᠳᠬᠦᠬᠦ ᠦᠢᠯᠡᠰ ᠨᠢ | ᠵᠢᠷᠤᠭ ᠰᠢᠭ᠋ ᠭᠤᠶᠤᠬᠠᠨ ᠰᠡᠬᠦᠶᠢᠨᠡ | ᠲᠦᠷᠦ ᠶᠢᠨ ᠳᠠᠭᠤᠤ ᠶᠢᠨ ᠳᠦᠷᠢᠯᠭᠡ ᠨᠢ | ᠲᠦᠮᠡᠨ ᠤ ᠪᠤᠳᠤᠯ ᠢ ᠬᠦᠭᠵᠢᠭᠡᠨᠡ | ᠲᠦᠮᠡᠨ ᠠᠭᠲᠠ ᠶᠢᠨ ᠲᠦᠪᠡᠷᠭᠡᠨ | ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠠᠴᠠ ᠴᠣᠤᠷᠠᠶᠢᠯᠠᠨᠠ | ᠶᠠᠲᠤᠭᠠ ᠶᠢᠨ ᠡᠶᠡᠷᠡᠭᠦᠨ ᠡᠭᠡᠰᠢᠭ ᠨᠢ | ᠡᠵᠢ ᠶᠢᠨ ᠵᠦᠭ ᠲᠤ ᠬᠦᠲᠦᠯᠦᠭᠡᠳ ᠪᠤᠢ | ᠡᠬᠡ ᠬᠡᠯᠡᠨ ᠤ ᠤᠶᠠᠩᠭᠠᠯᠠᠯ ᠨᠢ | ᠶᠠᠭᠤ ᠨᠢᠭᠡ ᠶᠢ ᠰᠠᠨᠠᠭᠳᠠᠭᠤᠯᠤᠭᠠᠳ ᠪᠤᠢ | ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠦᠵᠡᠭᠦᠯᠦᠯᠭᠡ ᠨᠢ | ᠬᠤᠷᠸᠠ ᠶᠢ ᠰᠢᠨᠡ ᠪᠠᠷ ᠴᠢᠮᠡᠭᠡᠳ ᠪᠤᠢ | ᠬᠦᠭᠡᠷᠦᠬᠦᠨ ᠬᠡᠤᠬᠡᠳ ᠤᠨ ᠪᠦᠵᠢᠭᠯᠡᠯ ᠨᠢ | ᠬᠦᠳᠡᠭᠡ ᠠᠷᠠᠯ ᠢ ᠬᠠᠷᠠᠭᠳᠠᠭᠤᠯᠤᠭᠠᠳ ᠪᠤᠢ | ᠴᠢᠯᠠᠭᠤᠨᠪᠠᠭᠠᠨᠠ ᠭᠤᠸᠠᠢ ᠶᠢᠨ ᠬᠦᠩᠭᠢᠨᠡᠮᠡ ᠳᠠᠭᠤ | ᠴᠢᠬᠢᠨ ᠳᠤ ᠠᠶᠠᠲᠠᠶᠢᠬᠠᠨ ᠬᠠᠩᠭᠢᠨᠠᠭᠠᠳ ᠯᠡ ᠪᠤᠢ | ᠴᠡᠭᠡᠯᠭᠡᠨ ᠢᠷᠠᠭᠤ ᠠᠶᠢᠵᠠᠮ ᠠᠶᠠᠰ ᠨᠢ | ᠴᠢᠮᠠ ᠨᠠᠮᠠ ᠶᠢ ᠤᠷᠮᠠᠰᠢᠭᠤᠯᠤᠭᠠᠳ ᠯᠡ ᠪᠤᠢ | ᠠ᠊ ᠭᠡ ᠭᠡ ᠶᠢᠨ ᠮᠢᠨᠢ ᠢᠳᠡᠷᠬᠡᠭ ᠠᠯᠬᠤᠭᠠ ᠨᠢ | ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠢ ᠪᠤᠳᠤᠭᠳᠠᠭᠤᠯᠤᠨᠠ | ᠠᠭᠢᠭᠠᠳ ᠪᠠᠰᠠ ᠤᠴᠠᠷᠠᠨ ᠵᠤᠯᠭᠠᠬᠤ ᠶᠢᠨ | ᠠᠶᠤᠰᠢ ᠬᠠᠳᠠᠭ ᠢᠶᠠᠨ ᠡᠷᠭᠦᠨ ᠳᠡᠪᠰᠢᠭᠦᠯᠦᠨᠡᠮ︕ | | | | |