ᠮᠢᠨᠦ ᠡᠪᠦᠭᠡ ᠶᠢ ᠳᠠᠮᠪᠠᠵᠠᠮᠰᠤ ᠭᠡᠳᠡᠭ᠃ ᠣᠨ ᠵᠢᠯ ᠤᠨ ᠤᠷᠳᠣ ᠳᠤ ᠳᠠᠮᠪᠠ ᠨᠢ ᠤᠷᠬᠢᠭᠳᠠᠭᠠᠳ ᠤᠷᠤᠨ ᠳᠤᠨᠢ ︽ | ᠦᠬᠡᠷ︾ ᠭᠡᠳᠡᠭ ᠡᠲᠡᠭᠡᠳ ᠨᠢᠭᠡ ᠬᠠᠴᠢᠨ ᠦᠭᠡ ᠪᠤᠢ ᠪᠣᠯᠤᠭᠰᠠᠨ ᠪᠠ ᠦᠬᠦᠨ ᠦᠬᠦᠲᠡᠯᠡ ᠲᠠᠭᠠᠯᠳᠤᠵᠠᠢ᠃ | ᠭᠡᠲᠡᠯᠡ ᠭᠠᠶᠢᠬᠠᠯᠳᠠᠢ ᠨᠢ ᠭᠡᠪᠡᠯ ᠡᠪᠦᠭᠡ ᠮᠢᠨᠢ ᠶᠠᠭ ᠥᠨᠥᠬᠢ ︽ᠦᠬᠡᠷ︾ ᠭᠡᠬᠦ ᠲᠤᠲᠤᠳᠬᠠᠯ ᠢᠶᠠᠷ ᠢᠶᠠᠨ ᠡᠨᠡ | ᠰᠠᠶᠢᠬᠠᠨ ᠶᠢᠷᠳᠢᠨᠴᠦ ᠳᠤ ᠡᠲᠡᠭᠡᠳ ᠰᠦᠷᠯᠢᠭ ᠠᠯᠳᠠᠷ ᠴᠤᠤ ᠲᠠᠢ ᠠᠮᠢᠲᠤᠷᠠᠵᠤ ᠦᠪᠡᠷ ᠤᠨ ᠢᠶᠠᠨ ᠭᠡᠰᠡᠨ ᠦᠯᠢᠭᠡᠷ | ᠤᠯᠠᠮᠵᠢᠯᠠᠯ ᠲᠠᠢ ᠶᠠᠪᠤᠵᠠᠢ ᠪᠢᠯᠡ᠃ | ᠮᠢᠨᠦ ᠡᠪᠦᠭᠡ ᠲᠡᠭᠡᠷᠡ ᠵᠠᠭᠤᠨ ᠤ ᠡᠬᠢ ᠪᠠᠷ ᠤᠤᠯ ᠤᠨ ᠵᠤᠰᠤᠳᠣ ᠶᠢᠨ ᠴᠢᠭᠤᠯᠭᠠᠨ ᠤ ᠵᠡᠭᠦᠨ ᠲᠦᠮᠡᠳ | ᠬᠤᠰᠢᠭᠤᠨ ᠤ ᠬᠤᠰᠢᠭᠤ ᠸᠠᠩ ᠤᠨ ᠲᠦᠰᠢᠶᠡ ᠨᠢᠭᠡ ᠲᠢᠲᠠᠮᠯᠡᠭᠰᠠᠨ ᠡᠷᠬᠡ ᠵᠢᠩᠰᠡ ᠦᠭᠡᠢ ᠪᠤᠯᠪᠠᠴᠤ ᠲᠤᠬᠠᠶᠢᠯᠠᠭᠰᠠᠨ | ᠡᠷᠬᠡ ᠮᠡᠳᠡᠯ ᠲᠠᠢ ᠬᠦᠮᠦᠨ ᠤ ᠭᠡᠷ ᠪᠦᠯᠢ ᠳᠤ ᠲᠦᠷᠦᠵᠡᠢ᠃ ᠪᠤᠳᠤᠪᠠᠯ ᠪᠠᠷᠤᠭ 1880 ᠣᠨ ᠤ ᠡᠮᠦᠨᠡ ᠬᠤᠶᠢᠭᠤᠷ | ᠡᠴᠢᠭᠡ ᠡᠬᠡ ᠨᠢ ᠭᠡᠷ ᠪᠦᠯᠢ ᠪᠠᠨ ᠠᠪᠴᠤ ︽ᠤᠯᠠᠭᠠᠨ ᠮᠠᠯᠠᠭᠠᠶᠢᠲᠠᠨ ᠤ ᠦᠢᠮᠡᠭᠡᠨ︾ ᠠᠴᠠ ᠵᠠᠶᠢᠯᠠᠨ ᠤᠳᠣ ᠶᠢᠨ | ᠨᠣᠳᠤᠭ ᠬᠢᠶᠠᠭᠳᠤ ᠳᠤ ᠢᠷᠡᠵᠦ ᠰᠦᠮᠡ ᠶᠢᠨ ᠬᠠᠷᠢᠶᠠ ᠠᠴᠠ ᠭᠠᠵᠠᠷ ᠨᠤᠳᠤᠭ ᠬᠤᠳᠠᠯᠳᠣᠨ ᠠᠪᠴᠤ ᠰᠠᠭᠤᠷᠢᠰᠢᠪᠠ᠃ | | ᠡᠪᠦᠭᠡ ᠮᠢᠨᠢ ᠪᠡᠶᠡ ᠪᠢᠯᠳᠠᠷ ᠦᠨᠳᠦᠷ ᠰᠦᠷᠯᠡᠬᠦᠨ᠂ ᠮᠦᠷᠦ ᠳᠠᠯᠣ ᠲᠡᠨᠢᠭᠡᠷ ᠲᠠᠭᠰᠢᠨ ᠬᠦᠮᠦᠨ᠃ ᠬᠠᠭᠤᠴᠢᠨ | ᠲᠤᠬᠤᠢ ᠪᠠᠷ ᠨᠠᠶ᠋ᠮᠡᠨ ᠲᠤᠬᠤᠢ ᠳᠠᠪᠠᠭᠰᠠᠨ ᠦᠨᠳᠦᠷ ᠪᠡᠶᠡ ᠲᠠᠢ᠂ ᠠᠷᠪᠠᠨ ᠭᠤᠷᠪᠠᠨ ᠲᠤᠬᠤᠢ ᠡᠩ ᠲᠠᠢ ᠪᠥᠰ ᠢᠶᠠᠷ | ᠳᠡᠪᠡᠯ ᠬᠢᠵᠦ᠂ ᠬᠤᠶᠠᠷ ᠲᠥᠭᠡ ᠵᠠᠪᠳᠠᠭᠤ ᠤᠷᠳᠣ ᠤᠯᠠ ᠲᠠᠢ ᠭᠤᠳᠣᠯ ᠡᠮᠦᠰᠳᠡᠭ ᠭᠡᠵᠦ ᠶᠠᠷᠢᠵᠠᠭᠠᠨᠠ᠃ 1932 | ᠣᠨ ᠳᠤ ᠶᠠᠫᠤᠨ ᠡᠵᠡᠷᠬᠡᠭ ᠳᠦᠷᠢᠮᠡᠬᠡᠶᠢᠲᠡᠨ ᠤ ᠲᠡᠮᠵᠢᠯᠭᠡ ᠪᠠ ᠦᠳᠦᠭᠡᠯᠭᠡ ᠲᠤᠤᠷᠠ ᠬᠠᠭᠤᠴᠢᠨ ᠮᠠᠨᠵᠤ ᠶᠢᠨ | ᠬᠠᠮᠤᠭ ᠰᠡᠭᠦᠯᠡᠷᠬᠢ ᠬᠡᠪ ᠶᠤᠰᠤᠳᠣ ︵ᠫᠦ᠋ ᠢ︶ ᠬᠠᠭᠠᠨ ᠰᠢᠨ ᠵᠢᠩ ︵ᠤᠳᠣ ᠶᠢᠨ ᠴᠠᠩᠴᠦ᠋ᠨ︶ ᠳᠤ ᠬᠠᠭᠤᠷᠮᠠᠭ | ᠮᠠᠨᠵᠤ ᠶᠢ ᠰᠡᠷᠭᠦᠭᠡᠵᠦ ᠠᠪᠤᠭᠰᠠᠨ ᠪᠠ ᠪᠠᠷᠤᠭ 1934 ᠣᠨ ᠤ ᠦᠶᠡ ᠶᠢᠨ ᠨᠢᠭᠡ ᠵᠤᠨ ᠳᠠᠯᠠᠢ ᠶᠡᠭᠡ ᠨᠡᠶᠢᠷ | ᠡᠷᠭᠢᠯᠡᠵᠦ ᠦᠪᠡᠳᠡᠭᠰᠢ ᠨᠢᠵᠢᠭᠢᠷ ᠨᠠᠭᠠᠳᠣᠮ ᠪᠤᠯᠵᠠᠢ᠃ | ᠡᠨᠡ ᠬᠦ ᠶᠡᠭᠡ ᠨᠠᠶᠢᠷ ᠲᠤ ᠶᠠᠫᠣᠨ ᠪᠠ ᠵᠡᠭᠦᠨ ᠬᠤᠶᠢᠳᠦ ᠶᠢᠨ ᠭᠤᠷᠪᠠᠨ ᠮᠤᠵᠢ ᠵᠢᠴᠢ ᠦᠪᠦᠷ ᠮᠣᠩᠭᠤᠯ ᠤᠨ | ᠵᠡᠭᠦᠨ ᠪᠦᠰᠡ ᠶᠢᠨ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠠᠴᠠ ᠪᠦᠬᠡ ᠮᠣᠷᠢ ᠲᠤᠮᠢᠯᠠᠨ ᠤᠷᠤᠯᠴᠠᠭᠰᠠᠨ ᠪᠠ ᠮᠢᠨᠦ ᠡᠪᠦᠭᠡ ᠪᠢᠩᠲᠦ | ᠬᠤᠰᠢᠭᠤᠨ ᠤ ᠬᠠᠷᠠᠴᠤ ᠶᠢᠨ ᠪᠦᠬᠡ ᠪᠠᠷ ᠤᠴᠢᠵᠦ ᠪᠠᠷᠢᠯᠳᠣᠵᠠᠢ᠃ ᠶᠡᠭᠡ ᠨᠠᠶᠢᠷ ᠲᠡᠭᠡᠷᠡ ᠬᠤᠶᠠᠷ ᠵᠠᠭᠤ ᠲᠠᠪᠢᠨ | ᠵᠢᠷᠭᠤᠭᠠᠨ ᠬᠤᠣᠰ ᠰᠦᠮᠡ ᠶᠢᠨ ᠪᠦᠬᠡ ᠪᠣᠯᠤᠨ ᠬᠠᠷᠠᠴᠤ ᠶᠢᠨ ᠪᠦᠬᠡᠴᠤᠳ ᠵᠤᠳᠤᠭᠯᠠᠵᠠᠢ᠃ ᠡᠳᠦᠷ ᠬᠠᠭᠠᠰ ᠤᠨ | ᠬᠤᠷᠴᠠ ᠰᠢᠷᠦᠬᠦᠨ ᠲᠡᠮᠡᠴᠡᠭᠡᠨ ᠢ ᠦᠩᠭᠡᠷᠡᠭᠡᠭᠡᠳ ᠰᠡᠭᠦᠯᠴᠢ ᠶᠢᠨ ᠭᠠᠷᠤᠭᠠ ᠲᠡᠭᠡᠷᠡ ᠲᠡᠭᠡᠳᠦ ᠲᠦᠷᠪᠡᠨ ᠪᠦᠬᠡ | ᠰᠢᠯᠭᠠᠷᠠᠨ ᠦᠯᠡᠳᠡᠬᠦ ᠦᠶᠡᠰ ᠨᠢᠭᠡ ᠶᠠᠫᠣᠨ ᠪᠦᠬᠡ ᠲᠠᠢ ᠮᠢᠨᠦ ᠡᠪᠦᠭᠡ ᠲᠠᠭᠠᠷᠠᠵᠤ ᠬᠤᠶᠠᠷ ᠰᠦᠮᠡ ᠶᠢᠨ ᠪᠦᠬᠡ ᠨᠢ | ᠬᠤᠭᠤᠷᠤᠨᠳᠦ ᠪᠠᠨ ᠲᠠᠭᠠᠷᠠᠵᠠᠢ᠃ ᠶᠠᠫᠣᠨ ᠪᠦᠬᠡ ᠶᠠᠭ ᠦᠯᠦᠰᠭᠦᠯᠡᠩ ᠠᠵᠢᠷᠭᠠᠨ ᠴᠢᠨ᠋ᠸᠠ ᠮᠡᠲᠦ ᠰᠢᠳᠦ | ᠢᠷᠵᠠᠶᠢᠯᠭᠠᠨ ᠦᠷᠦᠪᠴᠢ ᠨᠤᠮᠤᠬᠠᠨ ᠬᠤᠨᠢᠨ ᠳᠤ ᠳᠠᠭᠠᠷᠢᠬᠤ ᠰᠢᠬ ᠤᠯᠠᠩᠭᠠᠰᠣᠨ ᠨᠤᠴᠤᠵᠤ ᠡᠬᠢᠯᠡᠪᠡ᠃ | ᠡᠪᠦᠭᠡ ᠮᠢᠨᠢ ᠲᠤᠲᠤᠷᠠ ᠪᠠᠨ ᠵᠠᠭᠤᠳᠠᠯ ᠲᠠᠢ ᠲᠤᠯᠤᠭᠠ ᠤᠳᠠᠭᠠᠨ ᠤ ᠬᠡᠷᠴᠡᠭᠡᠢ ᠳᠠᠭᠠᠷᠢᠯᠲᠠ ᠳᠤᠨᠢ ᠪᠦᠷ ᠨᠡᠶᠢᠷ | ᠲᠠᠯᠪᠢᠨ ᠵᠠᠶᠢᠯᠠᠨ ᠥᠭᠴᠦ ᠭᠠᠷᠲᠠᠯᠠ ᠶᠠᠫᠣᠨ ᠪᠦᠬᠡ ᠭᠡᠨᠡᠳᠲᠡ ᠡᠪᠦᠭᠡ ᠶᠢᠨ ᠭᠠᠷ ᠠᠴᠠ ᠮᠤᠯᠲᠤᠷᠠᠵᠤ ᠭᠠᠷᠤᠭᠠᠳ | ᠰᠢᠭᠤᠳ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠵᠡᠭᠦᠨ ᠴᠢᠬᠢᠨ ᠲᠡᠭᠡᠷᠡ ᠨᠢ ᠭᠠᠯ ᠪᠤᠲᠠᠷᠠᠲᠠᠯᠠ ᠠᠯᠠᠭᠠᠳᠠᠵᠤ ᠵᠠᠪᠳᠠᠪᠠ᠃ | ᠡᠪᠦᠭᠡ ᠶᠢᠨ ᠨᠢᠳᠦᠨ ᠠᠴᠠ ᠤᠯᠠᠭᠠᠨ ᠨᠤᠭᠤᠭᠠᠨ ᠭᠡᠷᠡᠯ ᠦᠰᠦᠷᠴᠦ ᠭᠠᠷᠤᠭᠠᠳ ᠪᠡᠶᠡ ᠪᠠᠨ ᠠᠷᠠᠢ ᠲᠤᠭᠲᠠᠭᠠᠵᠤ | ᠠᠪᠬᠤ ᠬᠤᠷᠤᠮ ᠥᠨᠥᠬᠢ ᠶᠠᠫᠣᠨ ᠪᠦᠬᠡ ᠠᠷᠤ ᠲᠠᠯᠠ ᠳᠤᠨᠢ ᠵᠠᠪᠳᠣᠨ ᠤᠷᠤᠵᠤ ᠪᠦᠰᠡᠳᠡᠨ ᠲᠠᠷᠤᠬᠤ ᠶᠢ ᠪᠠᠵᠠᠭᠠᠵᠤ | ᠪᠠᠶᠢᠲᠠᠯᠠ ᠡᠪᠦᠭᠡ ᠶᠢᠨ ᠮᠠᠨᠢ ᠲᠤᠭᠰᠢᠨ ᠣᠮᠤᠭ ᠲᠦᠷᠡᠯᠵᠡᠨ ᠪᠠᠳᠠᠷᠠᠵᠤ ᠲᠡᠭᠦᠨ ᠤ ᠬᠤᠶᠠᠷ ᠲᠠᠯᠤᠨ ᠲᠡᠭᠡᠷᠡ ᠠᠴᠠ ᠨᠢ | ᠠᠷᠤᠨᠰᠢ ᠰᠢᠭᠦᠷᠡᠵᠦ ᠠᠪᠤᠭᠠᠳ ᠡᠮᠦᠨᠡᠰᠢ ᠰᠠᠪᠠᠵᠤ ᠶᠠᠪᠤᠭᠤᠯᠪᠠ᠃ ᠶᠠᠫᠣᠨ ᠪᠦᠬᠡ ᠶᠠᠭ ᠭᠤᠣᠯ ᠨᠢᠷᠣᠭᠤ ᠪᠠᠷ ᠢᠶᠠᠨ | ᠭᠤᠣᠯᠰᠠᠨ ᠤᠨᠠᠭᠠᠳ ᠲᠡᠬᠢᠵᠤ ᠪᠤᠰᠴᠤ ᠲᠡᠶᠢᠯᠬᠦ ᠪᠠᠨ ᠪᠠᠶᠢᠵᠠᠢ᠃ | ᠲᠡᠷᠡ ᠬᠦ ᠭᠱᠠᠨ ᠶᠡᠭᠡ ᠨᠡᠶᠢᠷ ᠤᠨ ᠦᠷᠭᠡᠨ ᠲᠠᠯᠠᠪᠠᠢ ᠳᠤ ᠴᠤᠭᠯᠠᠷᠠᠭᠰᠠᠨ ᠤᠯᠠᠨ ᠬᠦᠮᠦᠨ ᠪᠠᠶᠠᠰᠣᠨ | ᠤᠤᠬᠠᠶᠢᠯᠠᠵᠠᠭᠠᠵᠤ ᠲᠠᠶᠢᠰᠦᠨ ᠢᠶᠠᠨ ᠳᠠᠷᠣᠵᠤ ᠲᠠᠷᠬᠠᠨ ᠴᠣᠯᠠ ᠪᠠᠨ ᠮᠠᠨᠳᠣᠭᠤᠯᠤᠭᠰᠠᠨ ᠳᠤ ᠪᠠᠭ᠋ᠠᠷᠬᠠᠨ ᠪᠠᠶᠠᠰᠴᠤ | ᠪᠠᠶᠢᠲᠠᠯᠠ ᠶᠠᠫᠣᠨ ᠤ ᠲᠠᠯᠠ ᠠᠴᠠ ᠲᠦᠷᠪᠡᠨ ᠰᠢᠷᠠᠩᠭᠤᠢ ᠬᠤᠪᠴᠠᠰᠤ ᠲᠠᠢ ᠴᠡᠷᠢᠭ ᠤᠳ ᠢᠷᠡᠵᠦ ᠰᠢᠷᠦ᠋ᠢᠲᠠᠭᠰᠠᠨ | ᠪᠦᠬᠡ ᠪᠠᠨ ᠳᠠᠮᠨᠠᠵᠤ ᠶᠠᠪᠤᠭᠰᠠᠨ ᠪᠠ ᠪᠢᠩᠳᠦ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠲᠤᠰᠠᠯᠠᠭᠴᠢ ᠪᠣᠯᠬᠤ ᠲᠤᠰ ᠤᠳᠠᠭᠠᠨ ᠤ | ᠨᠠᠶᠢᠷ ᠤᠨ ᠳᠠᠭᠠᠭᠤᠯᠤᠭᠴᠢ ᠤᠯᠴᠠᠭᠠᠷ ᠰᠢᠷᠠ ᠮᠠᠮᠠ ᠴᠢᠷᠠᠢ ᠳᠠᠭᠠᠨ ᠴᠢᠰᠦ ᠦᠭᠡᠢ ᠴᠡᠴᠡᠷᠡᠭᠰᠡᠭᠡᠷ ᠢᠷᠡᠵᠦ ᠡᠪᠦᠭᠡ ᠶᠢ | ᠳᠠᠭᠤᠳᠠᠵᠤ ᠭᠠᠷᠤᠭᠠᠳ ᠨᠢᠭᠡᠨ ᠵᠡᠷᠭᠡ ᠠᠭᠰᠣᠮᠨᠠᠨ ᠵᠠᠩᠨᠠᠪᠠ᠃ | ᠲᠤᠬᠠᠢ ᠶᠢᠨ ᠦᠶᠡᠰ ᠮᠤᠩᠭᠤᠯ ᠨᠤᠳᠤᠭ ᠤᠨ ᠶᠡᠬᠡᠩᠬᠡᠢ ᠭᠠᠵᠠᠷ ᠤᠷᠣᠨ ᠢᠶᠠᠷ ᠱᠠᠰᠢᠨ ᠲᠦᠷᠥ ᠨᠢᠭᠡᠳᠦᠮᠡᠯ | ᠪᠠᠶᠢᠵᠤ ᠰᠦᠮᠡ ᠬᠡᠶᠢᠳ ᠤᠨ ᠯᠠᠮᠠ ᠬᠤᠪᠢᠯᠭᠠᠨ ᠨᠠᠷ ᠰᠢᠭᠤᠷᠬᠠᠢ ᠡᠷᠬᠡ ᠮᠡᠳᠡᠯ ᠲᠠᠢ ᠪᠠᠶᠢᠭᠰᠠᠨ ᠤ ᠲᠠᠭᠠᠣ ᠵᠡᠭᠦᠨ | ᠬᠤᠶᠢᠳᠦ ᠶᠢᠨ ᠬᠠᠷᠢᠶᠠ ᠲᠥᠰᠦᠷ ᠲᠡᠭᠡᠨ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠤ ᠬᠠᠷᠢ ᠶᠢᠨ ᠨᠤᠶᠠᠷᠬᠠᠯ ᠭᠠᠵᠠᠷ | ᠠᠪᠴᠦ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠲᠤᠰ ᠤᠳᠠᠭᠠᠨ ᠤ ᠶᠡᠭᠡ ᠨᠠᠶᠢᠷ ᠤᠨ ᠲᠥᠷᠢᠮ ᠳᠤ ︽ᠲᠤᠮᠳᠠᠳᠣ | ᠤᠯᠤᠰ ᠤᠨ ᠪᠦᠬᠡ ᠶᠠᠫᠤᠨ ᠪᠦᠬᠡ ᠶᠢ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ᠂ ᠬᠠᠷᠠᠴᠤ ᠶᠢᠨ ᠪᠦᠬᠡ ᠰᠦᠮᠡ ᠶᠢᠨ ᠪᠦᠬᠡ ᠶᠢ | ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ︾ ᠭᠡᠬᠦ ᠴᠢᠩᠭᠠ ᠲᠤᠲᠤᠷᠬᠠᠢ ᠲᠤᠭᠲᠠᠭᠠᠯ ᠵᠤᠷᠪᠤᠰ ᠲᠠᠢ ᠪᠠᠶᠢᠭᠰᠠᠨ ᠤ ᠲᠤᠲᠤᠷᠠ ︽ᠬᠡᠷᠪᠡ | ᠠᠯᠢ ᠨᠢᠭᠡ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠪᠤᠶᠤ ᠬᠡᠨ ᠨᠢᠭᠡᠨ ᠬᠦᠮᠦᠨ ᠡᠨᠡ ᠬᠦ ᠶᠡᠭᠡ ᠲᠥᠷᠢᠮ ᠢ ᠳᠠᠭᠠᠬᠤ ᠦᠭᠡᠢ | ᠵᠤᠷᠢᠭᠤᠳᠠ ᠡᠪᠳᠡᠨ ᠲᠡᠷᠰᠯᠡᠬᠦ ᠳᠤ ᠬᠦᠷᠪᠡᠯ ᠰᠢᠭᠤᠳ ᠠᠯᠠᠬᠤ ᠶᠠᠯᠠ ᠪᠠᠷ ᠰᠢᠢᠳᠭᠡᠨᠡ︾ ᠭᠡᠵᠡᠢ᠃ ᠲᠡᠭᠡᠭᠡᠳ | ᠨᠠᠶᠢᠷ ᠲᠤ ᠮᠤᠷᠳᠠᠬᠤ ᠠᠴᠠ ᠡᠮᠦᠨᠡ ᠪᠢᠩᠲᠦ ᠬᠤᠰᠢᠭᠤ ᠸᠠᠩ ᠤᠨ ᠲᠠᠯᠠ ᠠᠴᠠ ᠡᠳᠡᠭᠡᠷ ᠵᠦᠢᠯ ᠢ ᠪᠦᠬᠦ | ᠲᠠᠮᠢᠷᠴᠢᠨ ᠳᠠᠭᠠᠨ ᠪᠦᠷ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠤᠯᠠᠮᠵᠢᠯᠠᠨ ᠮᠡᠳᠡᠭᠦᠯᠦᠭᠰᠡᠨ ᠶᠤᠮ᠃ ᠭᠡᠲᠡᠯᠡ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ | ᠮᠢᠨᠦ ᠡᠪᠦᠭᠡ ᠬᠠᠷᠠᠴᠤ ᠶᠢᠨ ᠪᠦᠬᠡ ᠭᠡᠳᠡᠭ ᠨᠢ ᠶᠠᠭᠠᠬᠢᠵᠤ ᠪᠠᠷᠢᠯᠳᠣᠬᠤ ᠬᠡᠷᠡᠭᠳᠡᠢ ᠪᠠᠶᠢᠭᠰᠠᠨ ᠢᠶᠠᠨ ᠲᠠᠰᠣ ᠮᠠᠷᠲᠠᠨ | ᠮᠤᠬᠤᠷ ᠬᠢᠯᠢᠩ ᠤᠨ ᠢᠶᠠᠨ ᠬᠠᠷᠢᠭᠤ ᠳᠤ ᠰᠦᠮᠡ ᠶᠢᠨ ᠪᠦᠬᠡ ᠪᠢᠰᠢ ᠰᠢᠭᠤᠳ ᠶᠠᠫᠤᠨ ᠪᠦᠬᠡ ᠶᠢᠨ ᠠᠮᠢᠰᠬᠤᠯ ᠢ ᠨᠢ | ᠪᠦᠭᠯᠡᠷᠡᠲᠡᠯᠡ ᠴᠢᠯᠠᠭᠤᠳᠠᠭᠠᠳ ᠲᠡᠷᠢᠭᠦᠨ ᠳᠡᠳ᠋ ᠤᠨ ᠰᠶᠢᠳᠪᠦᠷᠢ ᠲᠡᠭᠡᠷᠡ ᠬᠦᠷᠴᠡᠢ᠃ ᠡᠴᠦᠰ ᠲᠡᠭᠡᠨ ᠦᠪᠡᠷ ᠤᠨ | ᠸᠠᠩ ᠤᠨ ᠪᠦᠬᠡ ᠳᠡᠭᠡᠨ ᠨᠡᠶᠢᠷ ᠲᠠᠯᠪᠢᠨ ᠤᠶᠢᠴᠢᠵᠦ ᠥᠭᠭᠦᠭᠰᠡᠨ ᠪᠤᠯᠪᠠᠴᠤ ᠨᠢᠭᠡᠨᠲᠡ ᠲᠡᠭᠷᠢ ᠲᠤᠯᠤᠮᠠ ᠶᠡᠭᠡ ᠬᠡᠷᠡᠭ | ᠭᠠᠷᠭᠠᠭᠰᠠᠨ ᠲᠤᠯᠠ ᠠᠮᠢ ᠨᠠᠰᠣᠨ ᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠠᠴᠠ ᠵᠠᠶᠢᠯᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠪᠠ᠃ | ᠶᠠᠫᠤᠨ ᠪᠦᠬᠡ ᠶᠢ ᠤᠶᠢᠴᠢᠭᠤᠯᠤᠭᠰᠠᠨ ᠲᠡᠷᠡ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ ᠨᠠᠶᠢᠷ ᠲᠠᠷᠬᠠᠵᠤ ᠡᠪᠦᠭᠡ ᠶᠢᠨ | ᠳᠡᠳ᠋ ᠪᠦᠬᠡ ᠶᠢᠨ ᠰᠠᠭᠤᠳᠠᠯ ᠳᠤ ᠬᠤᠶᠠᠷ ᠨᠠᠰᠣᠳᠠᠢ ᠨᠢᠭᠡ ᠲᠠᠭᠠ ᠡᠯᠵᠢᠭᠡ ᠱᠠᠩᠨᠠᠵᠠᠢ᠃ ᠡᠪᠦᠭᠡ ᠲᠡᠷᠡ ᠡᠳᠦᠷ ᠤᠨ | ᠰᠦᠨᠢ ᠬᠠᠭᠠᠰ ᠦᠩᠭᠡᠷᠡᠭᠰᠡᠨ ᠬᠤᠶᠢᠨᠠ ᠨᠣᠳᠤᠭ ᠤᠯᠠᠨ ᠳᠠᠭᠠᠨ ᠬᠠᠶᠢᠷᠠ ᠦᠷᠦᠰᠢᠶᠡᠯ ᠲᠠᠢ ᠬᠤᠰᠢᠭᠤ | ᠸᠠᠩ ᠤᠨ ᠢᠶᠠᠨ ᠨᠢᠭᠤᠴᠠ ᠲᠤᠬᠢᠷᠠᠭᠤᠯᠭᠠ ᠵᠢ ᠰᠤᠨᠣᠰᠴᠦ᠂ ᠤᠯᠤᠭᠰᠠᠨ ᠳᠠᠭᠠ ᠡᠯᠵᠢᠭᠡ ᠪᠠᠨ ᠬᠦᠳᠥᠯᠥᠨ ᠵᠠᠮ | ᠪᠤᠷᠣᠭᠤᠯᠠᠨ ᠭᠠᠷᠴᠤ ᠲᠤᠲᠠᠭᠠᠭᠰᠠᠭᠠᠷ ᠡᠮᠦᠨᠡᠰᠢ ᠲᠤᠭᠤᠷᠠ ᠶᠢᠨ ᠭᠤᠣᠯ ᠢ ᠭᠡᠳᠦᠯᠬᠦ ᠦᠶᠡᠰ ᠡᠯᠵᠢᠭᠡᠨ ᠲᠠᠭᠠ ᠪᠠᠨ | ᠠᠷᠤ ᠳᠠᠭᠠᠨ ᠠᠪᠴᠤ ᠡᠭᠦᠷᠦᠨ ᠭᠤᠣᠯ ᠭᠡᠳᠦᠯᠵᠦ ᠰᠠᠶᠢᠨ ᠬᠦᠮᠦᠰ ᠤᠨ ᠰᠠᠶᠢᠬᠠᠨ ᠲᠤᠰᠠᠯᠠᠮᠵᠢ ᠲᠤᠤᠷᠠ ᠤᠬᠠᠭᠠᠨ | ᠵᠠᠷᠣᠵᠤ ᠡᠮᠦᠨᠡᠰᠢ ᠶᠠᠪᠤᠬᠤ ᠪᠠᠨ ᠪᠠᠶᠢᠭᠠᠳ ᠰᠢᠭᠤᠳ ᠪᠠᠷᠠᠭᠤᠨ ᠵᠦᠭ ᠴᠢᠭᠯᠡᠯ ᠢᠶᠠᠨ ᠦᠭᠡᠷᠡᠴᠢᠯᠡᠨ ᠶᠠᠪᠤᠭᠰᠠᠭᠠᠷ | ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠬᠠᠷᠢᠶᠠᠨ ᠳᠤ ᠤᠷᠤᠵᠤ ᠢᠷᠡᠭᠡᠳ ᠲᠠᠬᠢᠨ ᠪᠠᠰᠠ ᠨᠢᠭᠡ ᠤᠳᠠᠭᠠ ᠴᠢᠭᠯᠡᠯ ᠢᠶᠠᠨ | ᠦᠭᠡᠷᠡᠴᠢᠯᠡᠵᠦ ᠶᠠᠪᠤᠭᠠᠳ ᠨᠠᠷᠢᠳ ᠤᠨ ᠭᠤᠣᠯ ᠤᠨ ᠡᠷᠭᠢᠨ ᠳᠤ ᠬᠦᠷᠴᠦ ᠢᠷᠡᠪᠡ᠃ | ᠪᠢᠯᠢᠭ ᠤᠨ ᠲᠣᠯᠤᠭᠠᠨ ᠰᠠᠷᠠ ᠭᠡᠭᠴᠢ ᠤᠮᠠᠷᠠᠳᠣ ᠤᠷᠤᠨ ᠤ ᠬᠤᠷᠠ ᠪᠤᠷᠣᠭᠠᠨ ᠲᠦᠪᠯᠡᠷᠡᠳᠡᠭ ᠴᠠᠭ ᠪᠠᠶᠢᠵᠠᠢ᠃ | ᠨᠠᠷᠢᠳ ᠤᠨ ᠭᠤᠣᠯ ᠬᠡᠪᠡᠯᠢ ᠦᠰᠴᠦ ᠣᠯᠣᠮ ᠲᠤᠬᠤᠢ ᠪᠠᠨ ᠳᠠᠪᠠᠲᠠᠯᠠ ᠭᠦᠨ ᠪᠤᠯᠣᠭᠠᠳ ᠬᠦᠮᠦᠨ ᠬᠠᠷᠠ | ᠭᠡᠳᠦᠯᠬᠦ ᠳᠤ ᠪᠡᠷᠬᠡ ᠪᠠᠶᠢᠯᠠ᠃ ᠡᠪᠦᠭᠡ ᠮᠠᠨᠢ ᠨᠢᠭᠡ ᠮᠤᠩᠭᠤᠯ ᠠᠶᠢᠯ ᠤᠨ ᠤᠰᠤ ᠮᠡᠳᠡᠳᠡᠭ ᠤᠰᠤᠴᠢᠨ ᠤ ᠬᠠᠮᠵᠢᠯᠭᠠ | ᠲᠤᠤᠷᠠ ᠲᠠᠭᠠ ᠡᠯᠵᠢᠭᠡ ᠪᠠᠨ ᠡᠮᠦᠨᠡ ᠪᠠᠨ ᠲᠡᠪᠡᠷᠢᠭᠡᠳ ᠭᠤᠣᠯ ᠭᠠᠳᠣᠯᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠵᠡᠢ᠃ | ᠡᠪᠦᠭᠡ ᠶᠢ ᠲᠤᠲᠠᠭᠠᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠲᠡᠷᠡ ᠦᠳᠡᠰᠢ ᠶᠢᠨ ᠦᠤᠷ ᠲᠤᠲᠤᠷᠠᠬᠤ ᠦᠶᠡᠰ ᠲᠤᠯᠤᠭᠠᠨ ᠶᠠᠫᠤᠨ | ᠴᠡᠷᠢᠭ ᠭᠠᠷ ᠲᠠᠭᠠᠨ ᠤᠷᠳᠣ ᠫᠤᠤ ᠪᠠᠷᠢᠭᠰᠠᠭᠠᠷ ᠪᠠᠭᠤᠭᠰᠠᠨ ᠮᠠᠶᠢᠬᠠᠨ ᠳᠤᠨᠢ ᠪᠠᠷᠢᠪᠴᠢᠯᠠᠬᠤ ᠪᠠᠷ ᠢᠷᠡᠪᠡ᠃ ᠭᠡᠪᠡᠴᠦ | ᠤᠬᠠᠭᠠᠨ ᠠᠯᠳᠠᠳᠠᠭ ᠦᠭᠡᠢ ᠬᠤᠰᠢᠭᠤ ᠸᠠᠩ ᠨᠢ ᠬᠡᠳᠦ᠋ᠢᠨ ᠤᠷᠠᠨ ᠠᠷᠭᠠ ᠠᠪᠴᠤ ᠡᠪᠦᠭᠡ ᠶᠢᠨ ᠤᠷᠣᠨ ᠳᠤ ᠨᠢᠭᠡ | ᠴᠠᠢ ᠴᠢᠨᠠᠬᠤ ᠲᠦᠯᠡᠰᠢᠨ ᠮᠤᠳᠤ ᠬᠠᠭᠠᠯᠳᠠᠭ ᠬᠢᠲᠡᠳ ᠢᠷᠭᠡᠨ ᠢ ᠰᠤᠯᠢᠵᠤ ᠤᠨᠲᠠᠭᠤᠯᠤᠭᠠᠳ ᠡᠪᠦᠭᠡ ᠶᠢ ᠠᠯᠢ ᠡᠷᠲᠡ | ᠲᠣᠲᠠᠭᠠᠯᠭᠠᠭᠰᠠᠨ ᠪᠠᠶᠢᠵᠠᠢ᠃ ᠶᠠᠫᠤᠨ ᠴᠡᠷᠢᠭ ᠬᠥᠯ ᠬᠤᠵᠢᠭᠳᠠᠭᠰᠠᠨ ᠢᠶᠠᠨ ᠮᠡᠳᠡᠭᠡᠳ ᠡᠪᠦᠭᠡ ᠶᠢᠨ ᠬᠤᠶᠢᠨᠠ ᠠᠴᠠ | ᠲᠤᠭᠤᠷᠠ ᠶᠢᠨ ᠭᠤᠣᠯ ᠢ ᠭᠡᠳᠣᠯᠣᠨ ᠡᠮᠦᠨᠡᠰᠢ ᠪᠦᠢᠷ ᠤᠨ ᠲᠠᠷᠢᠶᠠ ︵ᠣᠳᠣ ᠶᠢᠨ ᠲᠦᠩᠯᠢᠶᠦᠦ︶ ᠬᠦᠷᠦᠭᠰᠡᠨ | ᠪᠣᠯᠪᠠᠴᠤ ᠨᠡᠬᠡᠮᠵᠢᠯᠡᠭᠰᠡᠨ ᠴᠢᠭᠯᠡᠯ ᠨᠢ ᠪᠤᠷᠤᠭᠤᠳᠠᠭᠰᠠᠨ ᠢᠶᠠᠷ ᠪᠠᠷᠢᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠬᠤᠭᠤᠰᠣᠨ ᠪᠤᠴᠠᠭᠰᠠᠨ | ᠪᠠᠶᠢᠯᠠ᠃ ᠡ᠊ᠨᠳᠡ ᠠᠴᠠ ᠡᠬᠢᠯᠡᠵᠦ ︽ᠡᠯᠵᠢᠭᠡ ᠡᠭᠦᠷᠦᠭᠰᠡᠨ ᠬᠠᠷᠠ ᠶᠢᠨ ᠪᠦᠬᠡ︾ ᠪᠤᠶᠤ ︽ᠦᠬᠡᠷ ᠵᠠᠮᠰᠣ︾ ᠭᠡᠬᠦ | ᠮᠠᠭᠲᠠᠭᠠᠯ ᠶᠤᠮ ᠦᠦ︖ ᠡᠰᠡᠭᠦᠯᠡ ᠬᠤᠱᠤᠩᠨᠠᠯ ᠴᠤ ᠶᠤᠮ ᠦᠦ︖ ᠡᠶᠢᠮᠦ ᠨᠢᠭᠡ ᠨᠡᠷᠡ ᠪᠤᠢ ᠪᠣᠯᠵᠤ ᠲᠡᠯᠭᠡᠷᠡᠭᠰᠡᠨ | ᠪᠠ ᠰᠡᠭᠦᠯ ᠳᠡᠭᠡᠨ ︽ᠦᠬᠡᠷ ᠵᠠᠮᠰᠤ︾ ᠭᠡᠳᠡᠭ ᠨᠢ ᠦᠪᠡᠷ ᠤᠨ ᠢᠶᠠᠨ ᠤᠷᠤᠨ ᠪᠠᠶᠢᠷᠢ ᠲᠠᠢ ᠦᠯᠡᠳᠡᠵᠦ ᠤᠯᠠᠮ ᠢᠶᠠᠷ | ᠤᠯᠠᠮ ᠳᠡᠯᠭᠡᠷᠡᠨ ᠲᠠᠷᠬᠠᠵᠠᠢ᠃ | ᠦᠵᠡᠵᠦ ᠪᠠᠶᠢᠲᠠᠯᠠ ᠨᠠᠮᠤᠷ ᠤᠨ ᠰᠠᠯᠬᠢ ᠬᠤᠩᠭᠤᠷᠯᠠᠵᠤ ᠨᠣᠳᠤᠭ ᠤᠰᠤᠨ ᠤ ᠬᠢᠨᠢ ᠨᠠᠮᠤᠷᠵᠢᠶᠠ ᠬᠠᠳᠣᠯᠠᠩ | ᠭᠡᠳ ᠶᠠᠭᠠᠷᠠᠵᠤ ᠪᠠᠶᠢᠭᠰᠠᠨ ᠨᠢᠭᠡ ᠡᠳᠦᠷ ᠬᠤᠰᠢᠭᠤ ᠲᠤᠰᠠᠯᠠᠭᠴᠢ ᠪᠤᠷᠤ ᠵᠡᠭᠡᠷᠲᠡ ᠮᠣᠷᠢ ᠲᠠᠢ ᠬᠡᠭᠡᠷᠡ ᠶᠢᠨ | ᠬᠠᠳᠣᠯᠠᠩ ᠳᠤ ᠢᠷᠡᠵᠦ ᠨᠠᠶᠢᠷ ᠤᠨ ᠲᠠᠯᠠ ᠠᠴᠠ ᠣᠯᠭᠤᠬᠤ ᠶᠤᠰᠤᠳᠠᠢ ᠮᠦᠩᠭᠦᠨ ᠮᠧᠲᠠᠯ ᠤᠨ ᠬᠢᠨ ᠤᠷᠤᠨ ᠳᠤ | ᠠᠷᠭᠠ ᠮᠤᠬᠤᠷᠳᠠᠵᠤ ᠥᠭᠦᠭᠰᠡᠨ ᠲᠦᠭᠦᠬᠡᠢ ᠵᠡᠰ ᠮᠧᠲᠡᠯ ᠢ ᠬᠤᠰᠢᠭᠤ ᠸᠠᠩ ᠤᠨ ᠵᠠᠬᠢᠶᠠ ᠪᠠᠷ ᠡᠪᠦᠭᠡ ᠳᠤ ᠬᠦᠷᠭᠡᠵᠦ | ᠥᠭᠪᠡ᠃ ᠥᠨᠥᠬᠢ ᠮᠧᠲᠡᠯ ᠢ ᠨᠢ ᠠᠪᠤ ᠡᠵᠢ ᠬᠤᠶᠠᠭᠤᠯᠠ ᠬᠥᠬᠡ ᠲᠤᠷᠭᠠᠨ ᠬᠠᠳᠠᠭ ᠲᠤ ᠪᠠᠭᠯᠠᠭᠠᠳ ᠬᠠᠶᠢᠯᠠᠰᠤᠨ | ᠮᠤᠳᠣᠨ ᠠᠪᠳᠠᠷᠠ ᠶᠢᠨ ᠢᠶᠠᠨ ᠲᠥᠪᠡᠳ ᠤᠨᠢᠰᠦ ᠲᠠᠢ ᠬᠠᠶᠢᠷᠴᠠᠭ ᠲᠤᠨᠢ ᠠᠮᠢᠨᠴᠢᠷᠬᠠᠨ ᠬᠠᠳᠠᠭᠠᠯᠠᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠡᠪᠦᠭᠡ ᠲᠠᠭᠠᠯᠠᠯ ᠪᠤᠯᠤᠭᠰᠠᠨ ᠬᠤᠶᠢᠨᠠ ᠬᠡᠭᠦᠷ ᠢ ᠨᠢ ᠳᠠᠭᠠᠭᠤᠯᠵᠤ ᠬᠦᠳᠡᠭᠡᠯᠡᠭᠦᠯᠦᠨ | ᠤᠷᠤᠰᠢᠭᠤᠯᠵᠤ ᠥᠭᠪᠡ᠃ | ᠡᠪᠦᠭᠡ ᠮᠢᠨᠢ ᠶᠡᠷᠡᠨ ᠬᠤᠶᠠᠷᠳᠠᠢ ᠵᠢᠯ ᠤᠨ ᠢᠶᠠᠨ ᠨᠡᠮᠤᠷ ᠪᠤᠷᠬᠠᠨ ᠪᠤᠯᠵᠠᠢ᠃ ᠲᠡᠷᠡ ᠬᠦ ︽ᠦᠬᠡᠷ︾ ᠭᠡᠬᠦ | ᠵᠠᠰᠠᠭ ᠤᠨ ᠲᠢᠲᠢᠮᠯᠢᠭ ᠪᠢᠰᠢ ᠠᠷᠠᠳ ᠲᠦᠮᠡᠨ ᠠᠴᠠ ᠪᠢᠰᠢᠷᠡᠨ ᠬᠦᠨᠳᠦᠳᠭᠡᠵᠦ ᠬᠠᠶᠢᠷᠠᠯᠠᠭᠰᠠᠨ ᠲᠤᠲᠤᠳᠬᠠᠯ | ᠨᠡᠷᠡ ᠲᠠᠢ ᠪᠠᠨ ᠴᠤᠭ ᠦᠨᠡᠨ ᠤ ᠭᠠᠵᠠᠷ ᠢᠶᠠᠨ ᠶᠠᠪᠤᠭᠰᠠᠨ ᠪᠤᠯᠪᠠᠴᠤ ᠲᠡᠷᠡ ᠨᠢ ᠡᠳᠦᠭᠡ ᠨᠣᠳᠤᠭ ᠤᠰᠣᠨ ᠳᠠᠭᠠᠨ | ᠪᠦᠷᠢᠨ ᠪᠦᠳᠦᠨ ᠦᠯᠡᠳᠡᠵᠦ ᠰᠣᠳᠣᠨ ᠰᠠᠶᠢᠬᠠᠨ ᠠᠮᠠᠨ ᠦᠯᠢᠭᠡᠷ ᠪᠤᠯᠵᠤ ᠶᠠᠷᠢᠭᠳᠠᠬᠤ ᠨᠢ ᠭᠠᠶᠢᠬᠠᠯᠳᠠᠢ ᠶᠤᠮᠰᠠᠨ᠃ | | |