| | ︵ᠪᠠᠷᠢᠮᠳᠠᠳᠦ ᠨᠠᠶᠢᠷᠠᠭᠤᠯᠤᠯ︶ | ᠨᠣᠷᠪᠤᠪᠠᠽᠠᠷ | ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠰᠢᠪᠡᠷ ᠰᠢᠪᠡᠷ ᠪᠣᠷᠣᠭᠠᠨ ᠲᠠᠢ ᠰᠡᠷᠢᠭᠦᠨ ᠲᠠᠭᠠᠯᠠᠮᠵᠢᠳᠠᠢ ᠭᠠᠷᠠᠭ ᠤᠨ | ᠵᠢᠷᠭᠤᠭᠠᠨ ᠳᠤ ᠠᠬᠠ᠂ ᠡᠭᠡᠴᠢ᠂ ᠮᠠᠨ ᠤ ᠬᠢ᠂ ᠦᠬᠢᠨ ᠲᠡᠭᠦᠦ ᠶᠢᠨ ᠲᠦᠷᠪᠡᠨ ᠭᠡᠷ ᠤᠨ ᠭᠡᠤᠭᠡᠳ ᠤᠳ ᠪᠠᠭᠠᠷᠢᠨ | ᠤ ᠰᠢᠳᠦᠭᠡᠨᠳᠦ ᠠᠭᠤᠯᠠ ᠰᠠᠶᠢᠬᠠᠨ ᠬᠠᠨ ᠤ ᠡᠩᠭᠡᠷ ᠲᠠᠬᠢ ᠴᠣᠩᠵᠢᠨ ᠭᠠᠴᠠᠭᠠ ᠶᠢᠨ ᠵᠤᠭᠠᠴᠠᠯ ᠤᠨ ᠭᠠᠵᠠᠷ | ᠵᠤᠭᠠᠴᠠᠬᠤ ᠪᠠᠷ ᠶᠠᠪᠤᠵᠠᠭᠠᠯᠠ᠃ ᠬᠤᠰᠢᠭᠤᠨ ᠲᠦᠪ ᠳ᠋ᠠᠪᠠᠨ ᠠᠴᠠ ᠵᠡᠭᠦᠨ ᠬᠤᠶᠢᠰᠢ 120 ᠭᠠᠵᠠᠷ ᠠᠯᠤᠰ ᠲᠠᠬᠢ | ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠬᠦᠷᠬᠦ ᠪᠠᠷ ᠠᠮᠧᠷᠢᠺᠠ᠂ ᠶᠠᠫᠤᠨ᠂ ᠭᠧᠷᠮᠠᠨ ᠬᠢᠴᠠᠳᠠᠢ ᠮᠠᠰᠢᠨ ᠪᠠᠷᠢᠵᠦ ᠲᠡᠭᠰᠢ ᠲᠠᠷᠳᠠᠩ | ᠴᠠᠷᠳᠠᠮᠠᠯ ᠵᠠᠮ ᠢᠶᠠᠷ ᠶᠠᠪᠤᠬᠤ ᠳᠠᠭᠠᠨ ᠵᠠᠮ ᠲᠠᠭᠠᠤ ᠶᠢᠨ ᠦᠵᠡᠮᠵᠢ ᠶᠢ ᠸᠢᠴᠠᠲ ᠢᠶᠠᠷ ᠮᠠᠨ ᠳᠤ ᠣᠷᠣ ᠲᠣᠣᠷᠠ ᠨᠢ | ᠲᠠᠮᠵᠢᠭᠤᠯᠤᠨᠠ᠃ ᠲᠡᠭᠡᠭᠡᠳ ᠵᠠᠭᠤ ᠬᠤᠷᠢᠨ ᠭᠠᠵᠠᠷ ᠢ ᠲᠤᠮᠳᠠ ᠶᠢᠨ ᠬᠤᠷᠳᠤᠴᠠ ᠪᠠᠷ ᠴᠠᠭ ᠢᠯᠡᠭᠦᠭᠡᠨ ᠳᠤ | ᠡᠪᠭᠡᠵᠦ ︽ᠴᠣᠩᠵᠢᠨ ᠭᠠᠴᠠᠭᠠ︾ ᠭᠡᠬᠦ ᠬᠢᠯᠢ ᠶᠢᠨ ᠫᠠᠶᠢᠰᠠ ᠶᠢᠨ ᠡᠮᠤᠨᠠ ᠮᠠᠰᠢᠨ ᠢᠶᠠᠨ ᠡᠩᠨᠡᠭᠦᠯᠦᠨ ᠵᠣᠭᠰᠣᠭᠠᠵᠦ | ᠪᠦᠭᠦᠳᠡᠭᠡᠷ ᠵᠣᠷᠢᠭᠰᠠᠨ ᠭᠠᠵᠠᠷ ᠢᠶᠠᠨ ᠬᠦᠷᠦᠯᠡ ᠭᠡᠵᠦ ᠲᠡᠪᠭᠡᠴᠡᠨ ᠪᠠᠶᠠᠷᠯᠠᠵᠦ ᠪᠠᠶᠢᠬᠤ ᠵᠢᠷᠤᠭ ᠸᠢᠴᠠᠲ ᠲᠤ | ᠢᠯᠡᠷᠡᠨᠡ᠃ ᠡᠭᠦᠨ ᠢ ᠬᠠᠷᠠᠭᠰᠠᠨ ᠬᠦᠭᠰᠢᠨ ᠪᠢᠳᠡ ᠬᠤᠶᠠᠷ ᠵᠠᠮ ᠤᠨ ᠲᠠᠷᠳᠠᠩ ᠲᠡᠷᠭᠡᠨ ᠤ ᠬᠤᠷᠳᠤᠴᠠ ᠳᠤ | ᠭᠠᠶᠢᠬᠠᠰᠢ ᠠᠯᠳᠠᠨ ᠦᠩᠭᠡᠷᠡᠵᠦ ᠣᠳᠣᠭᠰᠠᠨ ᠲᠦᠴᠢ ᠲᠠᠪᠢᠨ ᠵᠢᠯ ᠤᠨ ᠤᠴᠢᠷ ᠤᠳ ᠵᠠᠮ᠂ ᠲᠡᠷᠭᠡ ᠬᠤᠶᠠᠷ ᠲᠤ | ᠲᠦᠪᠯᠡᠷᠡᠨ ᠵᠣᠭᠤᠭ ᠤᠨ ᠰᠦᠪᠡᠭᠴᠢ ᠡᠯᠭᠦᠵᠦ ᠡᠷᠬᠢᠴᠠᠭᠦᠯᠦᠯ ᠤᠨ ᠬᠦᠰᠢᠭᠡ ᠶᠢ ᠢᠷᠠᠭᠳᠠᠯᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ 59 ᠳ᠋ᠤᠭᠡᠷ ᠣᠨ ᠤ 8 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠳᠤ ᠪᠢ ᠦᠪᠦᠷ ᠮᠣᠩᠭᠤᠯ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠭᠡᠯᠡ ᠤᠳᠬᠠ ᠵᠣᠬᠢᠶᠠᠯ ᠤᠨ ᠰᠠᠯᠪᠦᠷᠢ ᠳᠤ ᠡᠯᠰᠡᠭᠳᠡᠭᠰᠡᠨ ᠮᠡᠳᠡᠭᠳᠡᠯ ᠢ ᠲᠣᠰᠣᠭᠠᠳ | ᠣᠷᠣ ᠲᠡᠪᠢᠰᠭᠡᠷ ᠢᠶᠠᠨ ᠪᠠᠭᠯᠠᠨ᠂ ᠭᠠᠷ ᠦᠵᠤᠭᠦᠷ ᠵᠠᠷᠤᠬᠤ ᠭᠡᠷᠡᠭᠰᠡᠯ ᠢᠶᠠᠨ ᠪᠦᠰ ᠸᠠᠳᠠᠩ ᠳᠠᠭᠠᠨ ᠪᠣᠭᠤᠵᠦ᠂ ᠮᠠᠨ | ᠤ ᠬᠢ ᠠᠴᠠ 70 ᠭᠠᠵᠠᠷ ᠤᠨ ᠦᠵᠤᠭᠦᠷ ᠲᠤ ᠪᠠᠶᠢᠭᠠ ︽ᠭᠤᠷᠪᠠᠨ ᠮᠠᠩᠬᠠ ᠮᠣᠷᠢᠨ ᠲᠡᠷᠭᠡᠨ ᠪᠠᠭᠤᠳᠠᠯ︾ ᠳᠤ | ᠬᠦᠷᠴᠦ ᠯᠢᠨᠳᠦ᠋ᠩ ᠠᠴᠠ ᠤᠯᠠᠭᠠᠨᠬᠠᠳᠠ ᠳᠤ ᠬᠦᠷᠬᠦ ᠶᠠᠫᠤᠨ ᠬᠢᠴᠡᠳᠠᠢ ᠮᠣᠳᠣᠨ ᠰᠢᠳᠠᠭᠠᠯᠭᠠ ᠲᠠᠢ ᠠᠶᠠᠨᠴᠢᠨ ᠤ | ᠵᠠᠳᠠᠭᠠᠢ ᠮᠠᠰᠢᠨ ᠢ ᠲᠣᠰᠴᠦ ᠰᠠᠭᠤᠬᠤ ᠪᠠᠷ ᠮᠠᠷᠭᠠᠰᠢ ᠨᠢ ᠦᠭᠡᠷ ᠲᠡᠷᠭᠡ ᠪᠠᠨ ᠬᠦᠯᠤᠵᠦ ᠶᠠᠪᠤᠬᠤ ᠪᠠᠷ ᠪᠣᠯᠬᠤ ᠳᠤ | ᠠᠪᠤ ᠮᠢᠨᠢ ᠤᠳᠠᠭᠠᠨ ᠬᠤᠨᠤᠭ ᠵᠠᠷᠤᠭᠰᠠᠨ ᠦᠭᠡᠢ ᠬᠠᠭᠰᠠᠷᠠᠭᠰᠠᠨ ᠲᠠᠷᠭᠡᠨ ᠤ ᠮᠦᠭᠡᠷ ᠭᠡᠭᠡᠰᠦ ᠤᠷᠤᠭᠤ ᠤᠰᠤ | ᠴᠢᠳᠬᠤᠨ ᠬᠠᠭᠰᠠᠷᠠᠭᠠ ᠶᠢ ᠨᠢ ᠭᠠᠷᠭᠠᠵᠦ᠂ ᠲᠡᠩᠭᠡᠯᠢᠭ ᠢ ᠨᠢ ᠲᠣᠰᠣᠯᠠᠵᠦ ᠦᠭᠭᠦᠭᠰᠡᠨ ᠴᠦ ᠦᠪᠡᠷ ᠤᠨ ᠡᠭᠦᠰᠭᠡᠨ | ᠪᠠᠶᠢᠭᠤᠯᠤᠭᠰᠠᠨ ᠮᠠᠯᠵᠢᠬᠤ ᠬᠤᠷᠰᠢᠶᠠᠨ ᠤ ᠪᠠᠨ ᠠᠵᠢᠯ ᠳᠤ ᠶᠠᠭᠠᠷᠠᠬᠤ ᠪᠣᠯᠵᠦ᠂ ᠠᠬᠠ ᠮᠢᠨᠢ ᠰᠢᠨᠡᠭᠡᠨ ᠨᠡᠭᠡᠭᠡᠭᠰᠡ | ᠵᠡᠰ ᠤᠨ ᠠᠭᠤᠷᠬᠠᠢ ᠳᠤ ᠠᠵᠢᠯᠯᠠᠬᠤ ᠪᠠᠷ ᠶᠠᠪᠤᠭᠰᠠᠨ ᠲᠤᠯᠠ ᠪᠡᠷᠭᠡᠨ ᠨᠠᠮᠠ ᠶᠢ ᠲᠡᠷᠭᠡᠨ ᠦᠷᠳᠡᠭᠡᠨ ᠳᠤ ᠬᠦᠷᠭᠡᠬᠦ | ᠪᠠᠷ ᠪᠣᠯᠪᠠ᠃ ᠪᠢᠳᠡ ᠬᠤᠶᠠᠷ ᠰᠦᠨᠢ ᠬᠠᠭᠠᠰ ᠢᠶᠠᠷ ᠬᠦᠳᠡᠯᠵᠦ ᠦᠷᠯᠦᠭᠡ ᠶᠢᠨ ᠠᠶᠠᠨᠴᠢᠨ ᠤ ᠮᠠᠰᠢᠨ ᠳᠤ ᠭᠠᠷᠬᠤ | ᠪᠠᠷ ᠵᠠᠮ ᠢᠶᠠᠨ ᠡᠯᠭᠦᠪᠡ᠃ ᠠᠷᠪᠠᠳ ᠤᠨ ᠰᠠᠷᠠ ᠶᠢᠨ ᠪᠦᠳᠡᠭᠢᠭᠡᠨ ᠭᠡᠷᠡᠯ ᠳᠤ ᠠᠯᠬᠤᠭᠠ ᠰᠠᠶᠢᠳᠠᠢ ᠠᠷᠠᠯ ᠤᠨ ᠱᠠᠷ | ᠨᠢᠭᠡ ᠯᠡ ᠬᠦᠭ ᠢᠶᠠᠷ ᠵᠠᠮ ᠢᠶᠠᠨ ᠡᠪᠭᠡᠨᠡ᠃ ᠨᠤᠤᠷᠭᠠᠢ ᠪᠠᠷᠢᠭᠠᠳᠠ ᠶᠢᠨ ᠲᠣᠮᠣᠨ ᠰᠢᠷᠡᠭᠡ ᠠᠷᠦ ᠶᠢᠨ ᠠᠭᠤᠷᠬᠠᠢ | ᠶᠢᠨ ᠨᠦᠭᠡᠨ ᠠᠴᠠ ᠮᠠᠯᠳᠠᠵᠦ ᠭᠠᠷᠭᠠᠭᠰᠠᠨ ᠬᠢᠷᠠ ᠲᠠᠢ ᠢᠷ ᠲᠠᠢ ᠴᠢᠯᠠᠭᠤᠳ ᠤᠨ ᠲᠤᠮᠳᠠᠭᠤᠷ ᠭᠡᠳᠦᠭᠡᠨ ᠠᠯᠬᠤᠮ | ᠶᠠᠪᠤᠭᠰᠠᠨ ᠴᠢᠨᠢ ︽ᠲᠦᠱ︕ ᠨᠦᠱ︕︾ ᠭᠡᠳ ᠲᠡᠷᠭᠡ ᠵᠣᠭᠰᠤᠴᠢᠬᠠᠪᠠ᠃ ᠪᠠᠭᠤᠭᠠᠳ ᠦᠵᠡᠭᠰᠡᠨ ᠴᠢᠨᠢ ︽ | ᠪᠠᠷᠠᠵᠠᠢ᠂ ᠲᠡᠷᠭᠡ ᠶᠢᠰᠦᠯᠡᠴᠢᠭᠡᠵᠠᠢ︾᠃ ᠨᠣᠮ ᠪᠢᠴᠢᠭ ᠭᠡᠳ ᠭᠦᠶᠦᠭᠰᠡᠨ ᠪᠢ᠂ ᠰᠠᠭᠠᠯᠢ ᠰᠦ ᠭᠡᠳ ᠶᠠᠭᠠᠷᠠᠭᠰᠠᠨ | ᠪᠡᠷᠭᠡᠨ ᠪᠢᠳᠡ ᠬᠤᠶᠠᠷ ᠲᠤ ᠶᠠᠮᠠᠷ ᠴᠦ ᠠᠷᠭᠠ ᠪᠠᠶᠢᠬᠤᠪ᠂ ᠬᠠᠭᠠᠷᠠᠵᠦ ᠰᠤᠭᠤᠷᠠᠭᠰᠠᠨ ᠮᠦᠭᠡᠷ ᠢᠶᠠᠨ ᠲᠡᠷᠭᠡᠨ | ᠲᠡᠭᠡᠷᠡ ᠪᠠᠨ ᠬᠠᠶᠠᠵᠦ ᠭᠤᠷᠪᠠᠨ ᠭᠡᠭᠡᠰᠦ ᠶᠢᠨ ᠬᠢᠨᠢ ᠰᠤᠷᠮᠣᠰᠦ ᠪᠠᠷ ᠭᠠᠵᠠᠷ ᠴᠢᠴᠢᠯᠡᠨ ︽ᠲᠦᠱ︕ ᠨᠦᠱ︕︾ | ᠭᠡᠯᠭᠡᠨ ᠮᠠᠯᠬᠢᠭᠤᠯᠤᠭᠰᠠᠭᠠᠷ ᠦᠷᠳᠡᠭᠡᠨ ᠳᠤ ᠬᠦᠷᠬᠦ ᠳᠤ ᠯᠢᠨᠳᠦ᠋ᠩ ᠠᠴᠠ ᠢᠷᠡᠬᠦ ᠠᠶᠠᠨᠴᠢᠨ ᠤ ᠮᠠᠰᠢᠨ ᠭᠡᠳᠤᠶᠢᠨ | ᠦᠩᠭᠡᠷᠡᠨ ᠣᠳᠴᠠᠢ᠃ ᠪᠢ ᠲᠡᠷᠭᠡ ᠬᠦᠯᠢᠶᠡᠨ ᠬᠤᠴᠣᠷᠴᠦ᠂ ᠪᠡᠷᠭᠡᠨ ᠭᠡᠷ ᠵᠦᠭ ᠢᠶᠠᠨ ᠪᠣᠴᠠᠯᠠ᠃ ᠪᠢ ᠲᠡᠨᠳᠡ | ᠲᠡᠷᠭᠡ ᠬᠦᠯᠢᠶᠡᠵᠦ ᠰᠠᠭᠤᠭᠠ ᠭᠡᠳᠦᠨ ᠠᠶᠠᠨᠴᠢᠨ ᠲᠠᠢ ᠮᠠᠰᠢᠨ ᠤ ᠲᠠᠭᠤ ᠰᠣᠨᠣᠰᠳᠠᠪᠠᠯ ᠬᠦᠶᠦᠨ ᠭᠠᠷᠴᠦ ᠭᠠᠷ | ᠡᠷᠭᠦᠨ ᠲᠣᠰᠴᠦ᠂ ᠵᠠᠷᠢᠮ ᠠᠶᠠᠨᠴᠢᠨ ᠫᠢᠨᠠ ︵ᠭᠡᠪ︶ ᠲᠠᠢ ᠬᠤᠷᠤᠳ ᠢᠶᠠᠨ ᠪᠠᠷᠢᠵᠦ ᠲᠠᠯᠠᠯᠤᠭᠰᠠᠨ ᠴᠦ ᠣᠯᠵᠦ | ᠰᠠᠭᠤᠭᠠᠦᠭᠡᠢ ᠤᠶᠢᠳᠬᠠᠷᠳᠠᠶᠢᠬᠠᠨ ᠬᠤᠨᠣᠭᠯᠠᠬᠤ ᠳᠠᠭᠠᠨ ︽ᠡᠨᠡ ᠵᠠᠮ᠂ ᠡᠨᠡ ᠲᠡᠷᠭᠡ ᠡ︕︾ ᠭᠡᠵᠦ ᠯᠡ | ᠪᠣᠳᠣᠵᠦ ᠪᠠᠶᠢᠭᠰᠠᠭᠠᠷ ᠦᠷ ᠴᠠᠶᠢᠯᠭᠠᠪᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠯᠠᠭᠠᠳ ᠣᠨ ᠤ ᠲᠤᠮᠳᠠᠴᠢ ᠳᠤ ᠪᠢ ᠬᠤᠰᠢᠭᠤᠨ ᠤ ᠪᠠᠨ ᠵᠡᠭᠦᠨ ᠵᠠᠬᠠ ᠳᠤ | ᠪᠠᠭᠰᠢᠯᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠨᠤᠳᠤᠭ ᠪᠣᠴᠠᠨ ᠪᠠᠭᠰᠢᠯᠠᠵᠦ ᠪᠠᠶᠢᠳᠠᠯᠠ ᠵᠢᠷᠭᠠᠯ ᠤᠨ ᠵᠠᠮ ᠨᠢᠭᠡᠳᠦᠯ ᠤᠨ ᠰᠤᠷᠭᠠᠨ | ᠬᠦᠮᠤᠵᠢᠯ ᠤᠨ ᠠᠯᠪᠠᠨ ᠭᠡᠷ ︵ᠣᠳᠣ ᠶᠢᠨ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ︶ ᠳᠤ ᠰᠢᠯᠵᠢᠭᠦᠯᠦᠨ ᠠᠵᠢᠯᠯᠠᠭᠤᠯᠵᠠᠢ᠃ | ᠨᠢᠭᠡᠳᠦᠯ ᠠᠴᠠ ᠮᠢᠨᠦ ᠭᠡᠷ ᠬᠦᠷᠳᠡᠯᠡ 40 ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠲᠤᠯᠠ ᠬᠠᠩᠭᠠᠯᠭᠠ ᠶᠢᠨ ᠬᠤᠷᠰᠢᠶᠠᠨ ᠳᠤ ᠦᠭᠡᠷ | ᠬᠤᠳᠠᠯᠳᠤᠨ ᠦᠭᠭᠦᠭᠰᠡᠨ ᠬᠦᠮᠤᠨ ᠳᠤ ᠬᠠᠩᠭᠠᠳᠠᠭ ︽ᠪᠠᠢ ᠱᠠᠨ︾ ᠲᠡᠮᠳᠡᠭᠳᠦ ᠲᠤᠭᠤᠢ ᠶᠢ ᠠᠪᠤ ᠨᠠᠳᠠ ᠳᠤ | ᠬᠤᠳᠠᠯᠳᠦᠨ ᠠᠪᠴᠦ ᠦᠭᠴᠠᠢ᠃ ᠶᠠᠭᠤ ᠴᠦ ᠭᠡᠰᠡᠨ ᠤᠨᠤᠭᠠ ᠲᠠᠢ ᠪᠣᠯᠣᠯᠠ ᠭᠡᠳ ᠦᠮᠤᠳᠦᠨ ᠤ ᠪᠠᠨ ᠬᠤᠶᠠᠷ | ᠡᠪᠦᠳᠦᠭ ᠢ ᠨᠤᠯᠠᠭᠠᠷᠠᠳᠠᠯᠠ ᠤᠶᠢᠴᠢᠵᠦ ᠪᠠᠶᠢᠭᠠᠳ ᠰᠤᠷᠤᠭᠰᠠᠨ ᠴᠢᠨᠢ ᠲᠡᠷᠡ ᠦᠶᠡ ᠶᠢᠨ ᠬᠤᠳᠠᠯ ᠬᠠᠭᠤᠷᠮᠠᠭ | ᠶᠠᠭᠤᠮᠠ ᠪᠠᠷ ᠤᠶᠢᠯᠡᠳᠦᠭᠰᠡᠨ ︽ᠰᠣᠯᠢᠭᠠ ᠬᠦᠢᠯᠭᠡᠭᠡ ︵对流︶︾ ᠳᠤ ᠢᠷᠡᠭᠰᠡᠨ ᠡᠳ᠋ ᠪᠣᠯᠬᠤᠷ | ᠬᠤᠯᠬᠤᠪᠴᠢ ᠮᠦᠬᠦᠯᠢᠭ ᠨᠢ ᠬᠠᠭᠠᠷᠠᠵᠦ ᠰᠤᠶᠢᠷᠡᠭᠡᠳ ᠬᠢᠨᠵᠢ ᠨᠢ ᠲᠠᠰᠤᠷᠠᠵᠦ ᠵᠣᠯ ᠳᠠᠭᠠᠨ ᠮᠠᠨ ᠤ ᠨᠢᠭᠡᠳᠦᠯ ᠳᠤ | ᠪᠠᠶᠢᠭᠤᠯᠤᠭᠰᠠᠨ ᠠᠶᠢᠮᠠᠭ ᠤᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠦᠷᠳᠡᠭᠡᠨ ᠤ ᠪᠣᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠲᠤ | ᠦᠭᠭᠦᠭᠰᠡᠨ ︽ᠴᠠᠭᠠᠨ ᠣᠷᠣᠰ︾ ᠲᠡᠮᠳᠡᠭᠳᠦ ᠲᠷᠡᠺᠠᠲ᠋ᠣᠷ ᠢ ᠵᠢᠯᠤᠭᠤᠳᠳᠠᠭ ᠯᠢᠦ ᠪᠠᠭᠰᠢ ᠳᠤ ᠪᠣᠰᠣᠳ ᠠᠴᠠ | ᠭᠤᠶᠤᠵᠦ ᠭᠤᠩᠰᠢᠵᠦ ᠣᠯᠣᠭᠰᠠᠨ ᠠᠷᠢᠬᠢᠨ ᠫᠢᠶᠤᠤ᠂ ᠪᠣᠭᠤᠷᠰᠤᠭ ᠤᠨ ᠫᠢᠶᠤᠤ ᠪᠠᠷ ᠠᠪᠤᠭᠰᠠᠨ ᠨᠢᠭᠡ ᠵᠢᠩ | ᠠᠷᠢᠬᠢ ᠪᠣᠣᠪᠤ ᠪᠠᠨ ᠦᠭᠴᠦ ᠵᠠᠰᠠᠭᠤᠯᠵᠦ ᠠᠪᠤᠭᠰᠠᠨ ᠰᠠᠨ᠃ ᠭᠡᠪᠡᠴᠦ ᠰᠡᠭᠦᠯᠡᠷ ᠨᠢ ᠭᠡᠷ ᠤᠷᠤᠭᠤ ᠪᠠᠨ ᠶᠠᠪᠤᠬᠤ | ᠭᠤᠷᠪᠠᠨ ᠵᠤᠷᠬᠠᠳᠦ ᠦᠭᠡᠷ ᠲᠡᠷᠭᠡᠨ ᠵᠠᠮ ᠢᠶᠠᠷ ᠭᠡᠭᠡᠭᠦᠯᠵᠦ ︵hegeguulz ᠭᠦᠨ ᠵᠤᠷᠬᠠ ᠪᠠᠷ ᠤᠳᠠᠭᠠᠨ | ᠶᠠᠪᠤᠵᠦ ᠲᠡᠶᠢᠯᠬᠦ ᠦᠭᠡᠢ ᠨᠠᠰᠢ ᠴᠠᠰᠢ ᠰᠦᠯᠵᠢᠨ ᠶᠠᠪᠤᠬᠤ︶ ᠴᠣᠭᠬᠢᠭᠤᠯᠤᠭᠰᠠᠭᠠᠷ ᠬᠢᠨᠵᠢ ᠶᠢ ᠨᠢ ᠲᠠᠰᠤᠯᠠᠬᠤ | ᠦᠭᠡᠢ ᠪᠣᠯ ᠪᠣᠯᠣ ᠶᠢ ᠨᠢ ᠲᠡᠯᠪᠡᠯᠡᠴᠢᠭᠡᠳ ᠠᠷᠭᠠ ᠶᠠᠳᠠᠬᠤ ᠳᠠᠭᠠᠨ ᠮᠦᠷᠦᠪᠴᠢᠯᠡᠵᠦ ᠠᠯᠬᠤᠭᠰᠠᠨ᠃ ᠭᠡᠴᠢᠨᠡᠨ | ᠤᠳᠠᠭᠠ ᠢᠩᠬᠢᠵᠦ ᠮᠣᠩᠬᠢᠨᠠᠬᠤ ᠳᠠᠭᠠᠨ ᠪᠠᠰᠠ ᠯᠠ ︽ᠡᠨᠡ ᠵᠠᠮ ᠡ᠂ ᠡᠨᠡ ᠲᠡᠷᠭᠡ ᠡ︕︾ ᠭᠡᠵᠦ ᠪᠣᠳᠣᠭᠰᠠᠭᠠᠷ | ᠪᠠᠶᠢᠭᠠᠳ ᠨᠤᠶᠢᠷ ᠬᠤᠯᠵᠢᠪᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠡᠬᠢᠨ ᠳᠤ᠂ ᠬᠤᠰᠢᠭᠤᠨ ᠲᠦᠪ ᠳ᠋ᠠᠪᠠᠨ ᠪᠠᠯᠭᠠᠰᠦ ᠳᠤ ᠰᠢᠯᠵᠢᠨ ᠢᠷᠡᠵᠦ | ᠳ᠋ᠠᠪᠠᠨ ᠤ ᠨᠢᠭᠡᠳᠤᠭᠡᠷ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠪᠠ᠃ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠭᠡᠪᠡᠯ ᠳ᠋ᠠᠪᠠᠨ ᠠᠴᠠ | ᠯᠢᠨᠳᠦ᠋ᠩ ᠬᠦᠷᠬᠦ ᠴᠠᠷᠳᠠᠮᠠᠯ ᠵᠠᠮ ︵ᠯᠢᠶᠤᠤᠨᠢᠩ ᠮᠣᠵᠢ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠬᠤ ᠦᠶᠡ ᠳᠤ ᠲᠡᠪᠢᠰᠴᠦ | ᠦᠭᠭᠦᠭᠰᠡᠨ ᠲᠣᠰᠣᠨ ᠵᠠᠮ︶ ᠢᠶᠠᠷ ᠶᠠᠪᠤᠵᠦ ︽ᠭᠤᠷᠪᠠᠨ ᠮᠠᠩᠬᠠ ᠦᠷᠳᠡᠭᠡ︾ ︵ᠤᠤᠯ ᠤᠨ ᠮᠣᠷᠢᠨ ᠲᠡᠷᠭᠡᠨ | ᠪᠠᠭᠤᠳᠠᠯ ᠨᠢ ᠵᠠᠰᠠᠮᠠᠯ ᠵᠠᠮ ᠤᠨ ᠭᠡᠰᠡᠭ ᠪᠣᠯᠵᠦ᠂ ᠠᠶᠠᠨᠴᠢᠳ ᠲᠡᠷᠭᠡ ᠬᠦᠯᠢᠶᠡᠵᠦ ᠲᠡᠷᠭᠡᠨ ᠳᠤ ᠰᠠᠭᠤᠬᠤ ᠦᠷᠳᠡᠭᠡ | ᠪᠣᠯᠪᠠ︶ ᠳᠤ ᠪᠠᠭᠤᠪᠠᠯ ᠭᠡᠷ ᠲᠡᠭᠡᠨ ᠬᠦᠷᠬᠦ 70 ᠭᠠᠵᠠᠷ ᠤᠨ ᠵᠠᠮ ᠳᠤ ᠮᠣᠷᠢᠨ ᠲᠡᠷᠭᠡ᠂ ᠡᠯᠵᠢᠭᠡᠨ ᠲᠡᠷᠭᠡ | ᠲᠠᠭᠠᠷᠠᠬᠤ ᠦᠭᠡᠢ ᠪᠣᠯ ᠪᠣᠭᠴᠦ ᠪᠣᠭᠤᠳᠠᠯ ᠢᠶᠠᠨ ᠡᠭᠦᠷᠦᠭᠡᠳ ᠠᠯᠬᠤᠬᠤ ᠯᠠ ᠭᠡᠷᠡᠭ᠃ ᠨᠢᠭᠡᠨ ᠤᠳᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠠᠷᠭᠠᠯ ᠲᠦᠯᠡᠰᠢ ᠲᠡᠭᠡᠭᠡᠳᠡᠭ ᠵᠢᠯᠣᠭᠤᠴᠢ ᠳᠤ ᠭᠤᠶᠤᠵᠦ ᠠᠪᠤ ᠶᠢᠨ ᠲᠡᠭᠦᠭᠰᠡᠨ ᠠᠷᠭᠠᠯ ᠢ ᠬᠢᠮᠳᠡ | ᠦᠨᠡ ᠪᠠᠷ ᠦᠭᠭᠦ ᠪᠠᠷ ᠲᠣᠬᠢᠷᠠᠨ ︽ᠵᠢᠶᠧ ᠹᠠᠩ︾ ᠮᠠᠰᠢᠨ ᠢᠶᠠᠷ ᠨᠢ ᠬᠠᠷᠢᠯᠠ᠃ ᠠᠷᠭᠠᠯ ᠢᠶᠠᠨ ᠲᠡᠭᠡᠭᠡᠴᠢᠭᠡᠳ | ᠮᠠᠷᠭᠠᠰᠢ ᠨᠢ ᠪᠣᠴᠠᠬᠤ ᠳᠤ ᠠᠶᠢᠯ ᠤᠨ ᠡᠮᠤᠨᠡᠬᠢ ᠭᠤᠣᠯ ᠭᠠᠷᠬᠤ ᠳᠤ ᠲᠦᠷᠦᠭᠦᠦ ᠣᠷᠣᠢ ᠨᠢ ᠭᠤᠣᠯ ᠤᠨ ᠡᠬᠢᠨ ᠳᠤ | ᠶᠡᠭᠡ ᠪᠣᠷᠣᠭᠠᠨ ᠣᠷᠣᠭᠰᠠᠨ ᠪᠣᠯᠤᠯᠳᠠᠢ ᠡᠯᠡᠰᠦ ᠬᠦᠭᠡᠭ ᠭᠤᠣᠯ ᠤᠨ ᠣᠯᠣᠮ ᠳᠤ ᠬᠤᠷᠠᠵᠦ ᠣᠯᠣᠮ ᠳᠤ | ᠲᠡᠪᠢᠰᠦᠭᠰᠡᠨ ᠴᠢᠯᠠᠭᠤ ᠶᠢ ᠪᠦᠳᠡᠭᠡᠭᠰᠡᠨ ᠠᠴᠠ ᠠᠴᠢᠶᠠ ᠬᠦᠨᠳᠦ ᠪᠢᠰᠢ ᠴᠦ ᠰᠢᠪᠠᠷᠳᠠᠴᠢᠭᠠᠳ ᠶᠠᠭᠠᠬᠢᠵᠦ | ᠵᠢᠳᠬᠦᠬᠦᠯᠦᠭᠰᠡᠨ ᠴᠦ ᠬᠦᠷᠳᠦ ᠨᠢ ᠲᠣᠣᠷᠠ ᠪᠠᠨ ᠡᠷᠬᠢᠯᠳᠦᠨ ᠣᠯᠠᠮ ᠢᠯᠡᠬᠦᠦ ᠰᠢᠬᠢᠳᠦᠨ ᠰᠠᠭᠤᠨᠠ᠃ ᠪᠢ ᠬᠠᠮᠤᠭ | ᠤᠶᠢᠷᠠ ᠪᠠᠶᠢᠭᠠ ᠭᠠᠳᠠᠨᠠ ᠪᠠᠨ ᠲᠷᠠᠺᠠᠲ᠋ᠣᠷ ᠲᠠᠢ ᠠᠶᠢᠯ ᠳᠤ ᠲᠤᠰᠠᠯᠠᠬᠤ ᠶᠢ ᠭᠤᠶᠤᠬᠤ ᠪᠠᠷ ᠣᠴᠢᠬᠤ ᠳᠤ ᠵᠣᠯ | ᠢᠶᠠᠷ ᠡᠨᠡ ᠠᠶᠢᠯ ᠨᠢ ᠬᠠᠷᠢᠨ ᠮᠢᠨᠦ ᠰᠤᠷᠤᠭᠴᠢ ᠶᠢᠨ ᠭᠡᠷ ᠪᠠᠶᠢᠭᠰᠠᠨ ᠲᠤᠯᠠ ᠲᠣᠣᠷᠠ ᠪᠠᠨ ᠵᠦᠪᠰᠢᠶᠡᠷᠡᠵᠦ | ᠲᠷᠡᠺᠠᠲ᠋ᠣᠷ ᠢᠶᠠᠨ ᠵᠢᠯᠣᠭᠤᠳᠴᠦ ᠪᠣᠯᠣᠳ ᠤᠳᠠᠰᠤᠨ ᠲᠠᠳᠠᠯᠭᠠ ᠪᠠᠨ ᠠᠪᠴᠦ ᠣᠴᠢᠭᠠᠳ᠂ ᠰᠢᠪᠠᠷᠳᠠᠭᠰᠠᠨ ᠲᠡᠷᠭᠡᠨ | ᠤ ᠵᠢᠯᠤᠭᠤᠴᠢ ᠲᠣᠰᠣ ᠦᠭᠴᠦ ᠬᠦᠴᠦ ᠪᠠᠨ ᠨᠡᠮᠡᠬᠦ ᠳᠤ ᠲᠡᠷᠡ ᠬᠦᠴᠦᠨ ᠳᠤ ᠨᠢ ᠨᠡᠶᠢᠴᠡᠭᠦᠯᠦᠨ ᠤᠬᠤᠰᠬᠢᠨ | ᠤᠷᠤᠭᠰᠢ ᠲᠠᠳᠠᠭᠰᠠᠭᠠᠷ ᠪᠠᠶᠢᠵᠦ ᠠᠷᠠᠢ ᠭᠡᠵᠦ ᠭᠤᠣᠯ ᠠᠴᠠ ᠭᠠᠷᠴᠦ ᠵᠠᠮ ᠢᠶᠠᠨ ᠡᠯᠭᠦᠪᠡ᠃ ᠵᠠᠮ ᠶᠠᠪᠤᠬᠤ ᠵᠠᠭᠤᠷᠠ | ᠵᠢᠯᠣᠭᠤᠴᠢ᠄ ︽ᠮᠠᠨ ᠤ ᠬᠤᠰᠢᠭᠤ ᠭᠡᠵᠢᠶᠡ ᠨᠢᠭᠡ ᠲᠡᠩᠭᠡᠷᠡᠵᠦ ᠤᠰᠤ ᠶᠡᠭᠡᠳᠠᠢ ᠲᠡᠭᠡᠷᠡ ᠪᠠᠨ ᠰᠡᠳᠡᠭᠦᠢ | ︵setegui ᠵᠠᠪ ᠴᠢᠯᠦᠭᠡ ᠦᠭᠡᠢ︶ ᠠᠭᠤᠯᠠᠨ ᠦᠶᠡᠷ ᠪᠠᠭᠤᠳᠠᠭ ᠭᠤᠣᠯ ᠲᠡᠭᠡᠷᠡ ᠬᠦᠬᠦᠷᠭᠡ ᠲᠠᠯᠪᠢᠳᠠᠭ ᠪᠣᠯ | ᠳ᠋ᠠ︾ ᠭᠡᠵᠦ ᠭᠤᠷᠢᠳᠠᠯᠳᠠᠶᠢᠬᠠᠨ ᠶᠠᠷᠢᠨᠠ᠃ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠣᠴᠠᠭᠰᠠᠨ ᠲᠡᠷᠡ ᠤᠷᠤᠢ᠂ ᠦᠳᠡᠰᠢ ᠶᠢᠨ | ᠲᠠᠪᠳᠠᠯᠭᠠ ᠶᠢᠨ ᠲᠠᠷᠠᠭᠠ ᠬᠠᠷᠢᠵᠦ ᠤᠨᠳᠠᠭᠠᠳ ︽ᠮᠢᠨᠦ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠬᠦᠷᠳᠡᠯᠡ ᠲᠡᠪᠢᠰᠦᠭᠰᠡᠨ | ᠴᠠᠷᠳᠠᠮᠠᠯ ᠵᠠᠮ ᠢᠶᠠᠷ ᠲᠤᠭᠤᠢ ᠪᠠᠨ ᠤᠨᠤᠨ ᠲᠠᠪᠬᠢᠭᠤᠯᠤᠭᠠᠳ ᠬᠤᠶᠠᠷ ᠴᠠᠭ ᠪᠣᠯᠤᠯ ᠦᠭᠡᠢ ᠬᠦᠷᠴᠢᠭᠡᠯᠡ︾ ᠭᠡᠵᠦ | ᠵᠡᠭᠦᠳᠦᠯᠡᠪᠡ᠃ ᠰᠡᠷᠢᠴᠡᠭᠡᠳ ᠲᠠᠷᠢᠬᠢᠨ ᠳᠤ ᠮᠦᠨ ᠯᠡ ︽ᠵᠠᠮ᠂ ᠲᠡᠷᠭᠡ︾ ᠪᠣᠳᠣᠭᠳᠠᠭᠰᠠᠭᠠᠷ ᠪᠠᠶᠢᠪᠠ᠃ | ᠭᠠᠷ ᠤᠳᠠᠰᠤᠨ ᠤ ᠮᠡᠳᠡᠭᠡ ᠵᠠᠩᠬᠢ ᠶᠢᠨ ᠲᠣᠬᠢᠶᠠ ᠲᠤᠤᠭᠠᠷᠴᠦ ᠪᠠᠶᠢᠨᠠ᠃ ᠨᠡᠭᠡᠭᠡᠨ ᠦᠵᠡᠬᠦ ᠳᠤ᠂ ᠰᠠᠶᠢᠬᠠᠨ | ᠬᠠᠨ ᠠᠭᠤᠯᠠ ᠶᠢᠨ ᠵᠡᠭᠦᠨ ᠰᠣᠭᠤ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠤᠨ ᠰᠢᠪᠡᠷᠡᠭᠡ ᠪᠣᠷᠣᠭᠠᠨ ᠳᠤ | ᠤᠬᠢᠶᠠᠭᠳᠠᠨ ᠤᠭ᠍ᠶᠤᠷᠠᠨ ᠬᠠᠯᠢᠭᠤᠷᠠᠭᠰᠠᠨ ᠠᠭᠤᠳᠠᠮ ᠬᠦᠨᠳᠡᠢ ᠶᠢᠨ ᠮᠢᠷᠠᠯᠵᠢᠨ ᠲᠡᠯᠭᠡᠷᠡᠭᠰᠡᠨ ᠦᠩᠭᠡ ᠶᠢᠨ ᠴᠡᠴᠡᠭ | ᠤᠨ ᠲᠤᠮᠳᠠ ᠭᠡᠷ ᠭᠡᠷ ᠢᠶᠠᠷ ᠢᠶᠠᠨ᠂ ᠬᠤᠣᠰ ᠬᠤᠣᠰ ᠢᠶᠠᠷ ᠢᠶᠠᠨ ᠵᠢᠷᠤᠭ ᠰᠡᠭᠦᠳᠡᠷ ᠲᠠᠳᠠᠭᠤᠯᠵᠦ᠂ ᠣᠮᠪᠣᠯ ᠤᠳ | ᠮᠢᠨᠢ ᠴᠡᠴᠡᠭ ᠲᠡᠭᠦᠨ ᠪᠠᠶᠠᠷᠯᠠᠨ ᠲᠡᠪᠭᠡᠷᠴᠦ ᠤᠷᠠᠶᠢᠯᠠᠨ ᠬᠠᠰᠬᠢᠷᠴᠦ ᠪᠠᠶᠢᠭᠠ ᠭᠤᠶᠣ ᠰᠡᠭᠦᠳᠡᠷ ᠢᠶᠠᠨ ᠬᠤᠶᠢᠨᠠ | ᠬᠤᠶᠢᠨᠠ ᠠᠴᠠ ᠨᠢ ᠶᠠᠪᠤᠭᠤᠯᠵᠦ ᠪᠠᠶᠢᠯᠠ᠃ ᠡᠨᠡᠬᠦ ᠬᠦᠷ ᠨᠠᠷᠭᠢᠶᠠᠳᠦ ᠪᠠᠶᠢᠳᠠᠯ ᠢ ᠪᠠᠭ᠋ᠠᠷᠠᠨ ᠱᠠᠭᠰᠢᠬᠤ ᠳᠤ | ᠦᠩᠭᠡᠷᠡᠭᠰᠡᠨ ᠤ ᠴᠣᠩᠵᠢᠨ ᠭᠠᠴᠠᠭᠠ ᠶᠢᠨ ᠲᠤᠬᠠᠢ ᠯᠣᠷᠵᠣᠣ ᠰᠢᠭ᠋ ᠱᠤᠭ ᠰᠠᠨᠠᠭᠠᠨ ᠣᠷᠣᠪᠠ᠃ ᠰᠠᠶᠢᠬᠠᠨ ᠬᠠᠨ ᠤ | ᠡᠩᠭᠡᠷ ᠲᠤ ᠰᠠᠭᠤᠷᠢᠰᠢᠭᠰᠠᠨ ᠴᠣᠩᠵᠢᠨ ᠭᠠᠴᠠᠭᠠ ᠪᠣᠯ ᠲᠦᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠠᠭᠤᠯᠠ ᠪᠠᠷ | ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠪᠤᠶᠢᠳᠠ ᠪᠦᠭᠯᠡᠬᠦᠦ ᠨᠤᠳᠤᠭ ᠶᠤᠮ᠃ ᠵᠢᠷᠭᠠᠯ ᠤᠨ ᠵᠠᠮ ᠨᠢᠭᠡᠳᠦᠯ ᠤᠨ ᠭᠡᠯᠡ ᠠᠮᠠ ᠬᠤᠷᠴᠠᠯᠢᠭ | ᠭᠡᠵᠦ ᠣᠯᠠᠨ ᠳᠠᠭᠠᠨ ᠲᠣᠭᠤᠭᠳᠠᠭᠰᠠᠨ ᠨᠢᠭᠡᠨ ᠵᠠᠯᠠᠭᠤ ᠺᠠᠳ᠋ᠷ ᠠᠳᠡ ᠢᠷᠡᠵᠦ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠦᠷᠦ ᠶᠢᠨ | ᠪᠣᠳᠣᠯᠭᠠ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠢ ᠤᠬᠠᠭᠤᠯᠤᠨ ᠲᠠᠶᠢᠯᠪᠦᠷᠢᠯᠠᠬᠤ ᠳᠤ ᠲᠦᠭᠦᠭᠡᠷᠦᠭᠰᠡᠨ ᠬᠦᠮᠤᠨ ᠨᠢᠭᠡ ᠴᠦ ᠦᠭᠡᠢ᠂ | ᠪᠢ ᠶᠠᠭᠤ ᠶᠠᠷᠢᠪᠠ ᠭᠡᠵᠦ ᠠᠰᠠᠭᠤᠬᠤ ᠳᠤ ᠱᠠᠯ ᠣᠨᠳᠣᠣ ᠶᠠᠭᠤᠮᠠ ᠬᠠᠷᠢᠭᠤᠯᠬᠤ ᠶᠢ ᠰᠣᠨᠣᠰᠤᠭᠠᠳ ᠭᠠᠴᠢᠭᠳᠠᠬᠤ | ᠳᠠᠭᠠᠨ ᠲᠡᠷᠡ᠄ ︽ᠤᠷᠭᠤᠵᠦ ᠭᠠᠷᠬᠤ ᠨᠠᠷᠠ ᠨᠢ ᠣᠷᠤᠢ/ ᠤᠨᠠᠵᠦ ᠵᠢᠷᠭᠠᠬᠤ ᠨᠠᠷᠠ ᠨᠢ ᠡᠷᠳᠡ/ ᠣᠯᠵᠦ ᠦᠵᠡᠬᠦ | ᠲᠡᠭᠷᠢ ᠨᠢ ᠵᠢᠵᠢᠭ / ᠣᠯᠵᠠᠭᠤᠷᠬᠠᠵᠦ ᠰᠣᠨᠣᠰᠬᠤ ᠰᠤᠷᠠᠭ ᠨᠢ ᠬᠤᠵᠢᠳ/ ᠮᠠᠨ ᠮᠠᠨ ᠢ ᠪᠣᠳᠣᠪᠠᠯ ᠡ / ᠮᠠᠨᠵᠦ ᠶᠢᠨ | ᠦᠶᠡ ᠳᠡᠭᠡᠨ ᠪᠠᠶᠢᠨᠠ᠂ ᠲᠠ ᠨᠡᠷ ᠴᠢᠨᠢ ᠶᠤᠰᠤᠳᠠᠢ ︽ᠬᠠᠭᠤᠴᠢᠨ ᠬᠦᠦ︾ ᠪᠠᠨ ᠪᠣᠯᠴᠢᠬᠠᠵᠠᠢ︾ ᠭᠡᠬᠦ ᠳᠤ ︽ | ᠬᠠᠭᠤᠴᠢᠨᠬᠦᠦ︾ ᠭᠡᠳᠡᠭ ᠨᠢ ᠬᠠᠮᠢᠭᠠᠬᠢ ᠶᠢᠨ ᠶᠠᠮᠠᠷ ᠬᠦᠦ ᠪᠣᠢ︖ ᠭᠡᠵᠦ ᠨᠢᠭᠡ ᠨᠢᠭᠡᠨ ᠠᠴᠠ ᠪᠠᠨ ᠠᠰᠠᠭᠤᠵᠦ | ᠤᠶᠢᠮᠡᠯᠡᠳᠦᠵᠦ ᠭᠡᠨᠡ᠃ ᠲᠡᠭᠡᠭᠡᠳ ᠵᠠᠯᠠᠭᠤ ᠺᠠᠳ᠋ᠷ ᠤᠨ ᠡᠨᠡᠬᠦ ᠠᠮᠠᠨ ᠬᠤᠯᠪᠣᠭᠠ ᠯᠣᠷᠵᠤᠤ ᠰᠢᠭ᠋ ᠬᠤᠰᠢᠭᠤ ᠲᠠᠶᠠᠭᠠᠷ | ᠲᠤ ᠲᠠᠷᠬᠠᠵᠦ ᠪᠢᠯᠡ ᠃ | ᠰᠢᠨᠡ ᠵᠠᠭᠤᠨ ᠡᠬᠢᠯᠡᠳᠡᠯᠡ ᠴᠣᠩᠵᠢᠨ ᠭᠠᠴᠠᠭᠠ ᠨᠢ ᠵᠢᠷᠭᠠᠯ ᠤᠨ ᠵᠠᠮ ᠨᠢᠭᠡᠳᠦᠯ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ | ᠪᠠᠷᠤᠭ ᠪᠦᠬᠦ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠮᠤᠭ ᠤᠨ ᠪᠣᠶᠢᠳᠠ ᠪᠦᠭᠯᠡᠬᠦᠦ ᠪᠠᠯᠠᠷᠯᠢᠭ ᠭᠠᠵᠠᠷ ᠪᠠᠶᠢᠭᠰᠠᠨ᠃ ᠲᠡᠭᠡᠷᠡ ᠵᠠᠭᠤᠨ | ᠤ ᠨᠠᠶᠠᠭᠠᠳ ᠣᠨ ᠤ ᠡᠬᠢᠨ ᠳᠤ ᠪᠢ ᠲᠤᠭᠤᠢ ᠤᠨᠤᠵᠦ ᠠᠵᠢᠯ ᠢᠶᠠᠷ ᠣᠴᠢᠬᠤ ᠳᠤ ᠵᠠᠮ ᠤᠨ ᠬᠦᠪᠡᠭᠡᠨ ᠤ ᠠᠶᠢᠯ | ᠤᠨ ᠬᠢᠨ ᠭᠠᠷᠴᠦ ᠢᠷᠡᠭᠡᠳ ᠲᠤᠭᠤᠢ ᠶᠢ ᠶᠡᠭᠡᠯᠡ ᠰᠣᠨᠢᠷᠬᠠᠨ ᠰᠠᠷᠠᠪᠴᠢᠯᠠᠨ ᠬᠠᠷᠠᠵᠦ᠄ ︽ᠬᠦᠶ᠋ᠢ︕ ᠬᠤᠶᠠᠷᠬᠠᠨ | ᠬᠤᠷᠤᠭᠤ ᠪᠣᠯᠣ ᠲᠠᠢ᠂ ᠠᠯᠳᠠ ᠬᠢᠷᠢ ᠯᠡ ᠠᠷᠠᠯ ᠲᠠᠢ ᠪᠠᠶᠢᠭᠠᠳ ᠲᠡᠶᠢᠮᠦ ᠪᠦᠳᠦᠭᠦᠨ ᠬᠦᠮᠤᠨ ᠢ ᠤᠨᠤᠭᠤᠯᠤᠭᠠᠳ | ᠲᠡᠭᠰᠢ ᠭᠠᠵᠠᠷ ᠲᠤᠯᠠᠵᠦ ᠭᠤᠯᠭᠤᠭᠠᠳ ᠲᠠᠪᠬᠢᠴᠢᠬᠠᠨᠠ᠂ ᠬᠠᠴᠢᠨ ᠡᠳ᠋ ᠳ᠋ᠠ︕︾ ᠭᠡᠵᠡᠭᠡᠵᠦ ᠪᠠᠶᠢᠭᠰᠠᠨ᠃ | ᠣᠳᠣ ᠴᠣᠩᠵᠢᠨ ᠭᠠᠴᠠᠭᠠᠨ ᠳᠤ ᠬᠤᠶᠠᠷ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠲᠠᠢ᠂ ᠨᠢᠭᠡ ᠨᠢ ᠰᠠᠶᠢᠬᠠᠨ ᠬᠠᠨ ᠤ | ᠪᠠᠷᠠᠭᠤᠨ ᠡᠮᠤᠨᠡᠬᠢ ᠬᠤᠩᠬᠤᠷ ᠤᠨ ᠵᠢᠯᠠᠭᠠ ᠳᠤ ᠪᠠᠶᠢᠷᠢᠯᠠᠵᠦ᠂ ᠨᠦᠭᠦᠭᠡ ᠨᠢ ᠮᠠᠨ ᠤ ᠭᠡᠤᠭᠡᠳ ᠤᠨ ᠵᠤᠭᠠᠴᠠᠭᠰᠠᠨ | ᠵᠡᠭᠦᠨ ᠰᠤᠭᠤ ᠶᠢᠨ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠪᠣᠯᠣᠨᠠ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ | ᠭᠤᠷᠪᠠᠨ ᠤ ᠣᠪᠤᠭᠠᠨ ᠲᠠᠬᠢᠯᠭᠠ ᠪᠣᠯᠬᠤ ᠳᠤ ᠬᠤᠩᠬᠤᠷ ᠤᠨ ᠵᠢᠯᠠᠭᠠ ᠳᠤ ᠵᠡᠭᠦᠨ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ᠂ | ᠵᠡᠭᠦᠨ ᠪᠠᠷᠠᠭᠤᠨ ᠪᠠᠭᠠᠷᠢᠨ᠂ ᠭᠡᠰᠢᠭᠳᠡᠨ ᠤ ᠵᠡᠭᠦᠨ ᠡᠮᠤᠨᠡ ᠭᠡᠰᠡᠭ᠂ ᠠᠷᠦ ᠬᠤᠷᠴᠢᠨ ᠤ ᠬᠤᠶᠢᠳᠦ ᠭᠡᠰᠡᠭ ᠤᠨ | ᠲᠠᠬᠢᠯᠭᠠᠴᠢᠳ ᠮᠠᠰᠢᠨ ᠮᠣᠲ᠋ᠣᠷ ᠢᠶᠠᠷ ᠬᠦᠷᠤᠯᠴᠡᠨ ᠢᠷᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠳᠤ | ᠡᠷᠳᠡᠮ ᠴᠢᠳᠠᠯ ᠢᠶᠠᠨ ᠦᠵᠡᠯᠴᠡᠬᠦ ᠪᠠᠷ ᠮᠣᠩᠭᠤᠯ ᠤᠯᠤᠰ᠂ ᠬᠦᠯᠤᠨ ᠪᠤᠶᠢᠷ᠂ ᠬᠢᠩᠭᠠᠨ᠂ ᠲᠦᠩᠯᠢᠶᠦᠦ᠂ ᠰᠢᠯᠢ ᠶᠢᠨ | ᠭᠤᠣᠯ ᠤᠨ ᠡᠯᠡ ᠬᠤᠰᠢᠭᠤᠳ ᠤᠨ ᠠᠯᠳᠠᠷᠳᠦ ᠪᠦᠭᠡ᠂ ᠲᠦᠩᠯᠢᠶᠦᠦ ᠬᠤᠳᠠ ᠶᠢᠨ ᠬᠤᠷᠳᠤᠨ ᠮᠣᠷᠢ᠂ ᠵᠢᠷᠤᠭᠠ | ᠮᠣᠷᠢ᠂ ᠠᠷᠦ ᠬᠤᠷᠴᠢᠨ᠂ ᠣᠩᠨᠢᠭᠤᠳ ᠤᠨ ᠨᠡᠷᠡᠳᠦ ᠪᠦᠭᠡ᠂ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ᠂ ᠬᠠᠰᠢᠷ ᠤᠶᠠᠭᠠᠴᠢ ᠵᠡᠷᠭᠡ | ᠲᠦᠮᠡ ᠰᠢᠬᠠᠮ ᠬᠦᠮᠤᠨ ᠴᠤᠭᠯᠠᠷᠠᠨ᠂ ᠵᠠᠷᠢᠮ ᠳᠠᠭᠠᠨ ᠬᠠᠷᠢ ᠭᠠᠳᠠᠭᠠᠳᠦ ᠶᠢᠨ ᠡᠷᠳᠡᠮᠳᠡᠨ ᠭᠡᠭᠡᠷᠡ ᠶᠢᠨ ᠰᠢᠨᠵᠢᠯᠡᠭᠡ | ᠬᠢᠬᠦ ᠪᠠᠷ ᠮᠣᠷᠢᠯᠠᠨ ᠰᠠᠭᠠᠳᠠᠬᠤ ᠪᠣᠯᠪᠠ᠃ ᠤᠤᠯ ᠳᠠᠭᠠᠨ ᠲᠤᠭᠤᠢ ᠲᠡᠷᠭᠡ ᠰᠣᠨᠢᠷᠬᠠᠨ ᠬᠠᠴᠢᠷᠠᠬᠠᠵᠦ ᠪᠠᠶᠢᠭᠰᠠᠨ | ᠠᠳᠡᠬᠢ ᠮᠠᠯᠴᠢᠳ ᠤᠨ ᠮᠡᠳᠡᠯᠭᠡ ᠨᠡᠮᠡᠭᠳᠡᠨ ᠬᠠᠷᠠᠭᠠ ᠲᠡᠯᠡᠵᠦ᠂ ᠨᠡᠷᠡᠳᠦ ᠮᠠᠰᠢᠨ᠂ ᠡᠯᠳᠡᠪ ᠤᠨ ᠲᠡᠭᠡᠳᠦ ᠮᠡᠷᠭᠡᠵᠢᠯ | ᠤᠨ ᠮᠠᠰᠢᠨ ᠲᠣᠨᠤᠭ᠂ ᠵᠢᠷᠤᠭᠯᠠᠬᠤ ᠨᠢᠰᠭᠡᠯ ᠵᠡᠷᠭᠡ ᠶᠢ ᠴᠦ ᠮᠠᠨ ᠠᠴᠠ ᠬᠤᠯᠠ ᠢᠯᠡᠬᠦᠦ ᠮᠡᠳᠡᠬᠦ ᠪᠣᠯᠣᠭᠰᠠᠨ ᠢᠶᠠᠷ | ᠪᠠᠷᠠᠬᠤ᠂ ᠸᠢᠴᠠᠲ ᠢᠶᠠᠷ ᠰᠢᠨᠡ ᠮᠡᠳᠡᠭᠡ ᠵᠠᠩᠬᠢ ᠬᠠᠶᠢᠬᠤ᠂ ᠰᠦᠯᠵᠢᠶᠡᠨ ᠲᠡᠭᠡᠷᠡ ᠨᠤᠳᠤᠭ ᠤᠨ ᠭᠠᠷᠤᠯᠳᠠ᠂ ᠮᠠᠯ | ᠤᠨ ᠠᠰᠢᠭ ᠰᠢᠮᠡ ᠪᠠᠨ ᠪᠣᠷᠣᠯᠠᠭᠤᠯᠵᠦ᠂ ᠠᠶᠢᠯ ᠪᠣᠯᠭᠠᠨ ᠰᠠᠭᠤᠭᠠᠳ ᠶᠠᠪᠤᠬᠤ ᠠᠴᠠ ᠰᠡᠤᠭᠡ ᠮᠠᠰᠢᠨ᠂ ᠠᠴᠢᠶᠠ | ᠪᠠᠨ ᠲᠡᠭᠡᠭᠡᠬᠦ ᠠᠴᠠ ᠫᠢᠺᠠ ᠮᠠᠰᠢᠨ ᠲᠠᠢ ᠪᠣᠯᠵᠦ᠂ ᠭᠡᠳᠦᠨ ᠡᠷᠦᠭᠡ ᠶᠢᠨ ᠲᠤᠮᠳᠠ ᠡᠪᠡᠰᠦ ᠬᠠᠳᠤᠵᠦ ᠬᠠᠮᠤᠬᠤ | ᠮᠠᠰᠢᠨ᠂ ᠡᠪᠡᠰᠦ ᠪᠣᠭᠤᠵᠦ ᠪᠤᠭᠤᠵᠢᠯᠠᠬᠤ ᠮᠠᠰᠢᠨ᠂ ᠨᠤᠭᠤᠭᠠᠨ ᠲᠠᠷᠤᠰᠢ ᠶᠢᠨ ᠵᠤᠭᠤᠷᠢ ᠮᠠᠯᠳᠠᠬᠤ ᠤᠳᠬᠤᠭᠤᠷ | ᠮᠠᠰᠢᠨ᠂ ᠡᠷᠳᠡᠨᠢ ᠰᠢᠰᠢ ᠶᠢ ᠬᠠᠳᠤᠵᠦ ᠬᠤᠷᠢᠶᠠᠨ ᠮᠦᠯᠢᠵᠦ ᠴᠠᠭᠠᠯᠠᠬᠤ ᠮᠠᠰᠢᠨ᠂᠂᠂᠂ ᠭᠡᠳ ᠮᠢᠨᠦ ᠲᠠᠨᠢᠬᠤ ᠦᠭᠡᠢ | ᠮᠡᠳᠡᠬᠦ ᠦᠭᠡᠢ ᠮᠠᠰᠢᠨ ᠮᠧᠬᠠᠨᠢᠭ ᠭᠡᠴᠢᠨᠡᠨ ᠪᠠᠶᠢᠬᠤ ᠶᠢ ᠮᠡᠳᠡᠬᠦ ᠦᠭᠡᠢ᠃ ᠦᠭᠡᠷᠡᠴᠢᠯᠠᠯᠳᠡ ᠨᠡᠭᠡᠭᠡᠯᠳᠡ ᠶᠢᠨ ᠰᠠᠶᠢᠨ | ᠢᠶᠠᠷ ᠦᠭᠡᠳᠡᠯᠡᠨ ᠲᠡᠭᠵᠢᠷᠡᠭᠰᠡᠨ ᠨᠤᠳᠤᠭ ᠮᠢᠨᠢ ᠦᠨᠡᠭᠡᠷ ᠬᠤᠪᠢᠷᠠᠵᠠᠢ᠃ ᠢᠳᠡᠭᠡᠵᠦ ᠶᠠᠳᠠᠮᠠ᠂ ᠲᠠᠨᠢᠵᠦ ᠶᠠᠳᠠᠮᠠ | ᠬᠤᠪᠢᠷᠠᠵᠠᠢ᠃ | ᠮᠠᠨ ᠤ ᠬᠢ ᠤᠭ ᠲᠠᠭᠠᠨ ᠬᠤᠶᠠᠷ ᠭᠠᠵᠠᠷ ᠤᠨ ᠬᠤᠯᠠ ᠶᠢᠨ ᠬᠤᠤᠨᠳᠤᠭ ᠠᠴᠠ ᠮᠦᠷᠦ ᠪᠠᠨ ᠬᠠᠪᠤᠳᠠᠳᠠᠯᠠ | ᠤᠰᠤ ᠲᠠᠮᠠᠨᠠᠳᠠᠭ ᠪᠠᠶᠢᠭᠰᠠᠨ ᠴᠢᠨᠢ ᠣᠳᠣ ᠲᠦᠭᠡᠭᠡᠯ ᠤᠰᠤᠨ ᠤ ᠨᠡᠭᠡᠯᠭᠡᠢ ᠶᠢ ᠨᠡᠭᠡᠭᠡᠮᠡᠭᠴᠡ ᠠᠭᠤᠯᠠᠷᠬᠠᠭ ᠣᠷᠣᠨ ᠤ | ᠴᠡᠪᠡᠷ ᠲᠤᠩᠭᠠᠯᠠᠭ ᠤᠰᠤ ᠤᠷᠬᠢᠯᠤᠭᠠ ᠪᠣᠯᠠᠭ ᠰᠢᠭ᠋ ᠤᠨᠳᠤᠷᠤᠨ᠂ ᠪᠣᠷᠳᠤᠭᠠᠨ ᠲᠠᠷᠢᠶᠠ᠂ ᠪᠣᠳᠠ ᠪᠣᠭ ᠮᠠᠯ ᠢᠶᠠᠨ | ᠤᠰᠤᠯᠠᠨᠠ ᠤᠤ ︖ ᠪᠣᠬᠢᠷᠳᠤᠯ ᠦᠭᠡᠢ ᠢᠳᠡᠰᠢᠨ ᠨᠣᠭᠤᠭᠠ ᠪᠠᠨ ᠲᠠᠷᠢᠨᠠ ᠤᠤ︖ ᠴᠠᠭ ᠪᠠ ᠬᠦᠴᠦ ᠴᠢᠨᠢ | ᠮᠡᠳᠡᠭᠰᠡᠨ ᠭᠡᠷᠡᠭ᠃ ᠲᠡᠭᠰᠢ ᠲᠠᠷᠳᠠᠩ ᠴᠠᠷᠳᠠᠮᠠᠯ ᠵᠠᠮ ᠠᠶᠢᠯ ᠲᠤᠰᠬᠤᠨ ᠪᠣᠯᠭᠠᠨ ᠳᠤ ᠨᠡᠪᠳᠡᠷᠡᠵᠦ᠂ ᠤᠶᠤᠨᠯᠢᠭ ᠭᠠᠷ | ᠤᠳᠠᠰᠦ᠂ ᠢᠨᠲ᠋ᠧᠷ ᠰᠦᠯᠵᠢᠶᠡ ᠵᠡᠷᠭᠡ ᠤᠭ ᠲᠠᠭᠠᠨ ᠦᠵᠡᠬᠦ ᠪᠠᠶᠢᠳᠤᠭᠠᠢ ᠵᠡᠭᠦᠳᠤᠯᠡᠵᠦ ᠴᠦ ᠦᠵᠡᠭᠡ ᠦᠭᠡᠢ | ᠲᠡᠭᠡᠳᠦ ᠰᠢᠨᠡ ᠮᠡᠷᠭᠡᠵᠢᠯ ᠢ ᠬᠦᠳᠡᠭᠡ ᠶᠢᠨ ᠬᠦᠮᠤᠨ ᠬᠤᠳᠠ ᠶᠢᠨ ᠬᠦᠮᠤᠨ ᠠᠴᠠ ᠢᠯᠡᠭᠦᠦ ᠡᠳ᠋ᠯᠡᠵᠦ ᠶᠠᠪᠤᠨᠠ᠃ | ᠮᠣᠩᠬᠢᠨᠠᠵᠦ ᠴᠦ ᠦᠵᠡᠭᠰᠡᠨ᠂ ᠭᠠᠴᠢᠭᠳᠠᠵᠦ ᠴᠦ ᠦᠩᠭᠡᠷᠡᠭᠰᠡᠨ᠂ ᠬᠦᠰᠡᠵᠦ ᠴᠦ ᠪᠠᠶᠢᠭᠰᠠᠨ᠂ ᠵᠡᠭᠦᠳᠦᠯᠡᠵᠦ | ᠴᠦ ᠤᠳᠠᠭᠰᠠᠨ ︽ᠵᠠᠮ᠂ ᠲᠡᠷᠭᠡ︾ ᠣᠳᠣ ᠵᠣᠪᠠᠯᠳᠠ ᠦᠭᠡᠢ ᠪᠣᠯᠣᠭᠰᠠᠨ ᠢ ᠭᠡᠤᠭᠡᠳ ᠤᠳ ᠤᠨ ᠮᠢᠨᠢ ᠪᠠᠷᠢᠭᠰᠠᠨ | ᠲᠡᠷᠭᠡ᠂ ᠬᠦᠷᠴᠦ ᠣᠴᠢᠵᠦ ᠵᠤᠭᠠᠴᠠᠭᠰᠠᠨ ᠭᠠᠵᠠᠷ ᠨᠠᠳᠠᠳᠦ ᠦᠵᠡᠭᠦᠯᠦᠭᠡᠳ ᠦᠭᠭᠦᠯᠡ᠃ ᠰᠡᠳᠬᠢᠯ ᠢ ᠮᠢᠨᠢ | ᠠᠭᠤᠵᠢᠷᠠᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠶᠠ ᠶᠢ ᠲᠦᠷᠦᠭᠡᠯᠡᠭᠰᠡᠨ ᠨᠠᠮᠠ ᠶᠢ ᠭᠡᠤᠭᠡᠳ ᠰᠢᠭ ᠬᠦᠭᠡᠷᠤᠭᠦᠯᠦᠨ | ᠲᠡᠪᠭᠡᠷᠡᠭᠦᠯᠦᠭᠰᠡᠨ ᠢ ᠶᠠᠭᠤᠨ ᠦᠭᠦᠯᠡᠬᠦ ᠠᠵᠢ᠃ | ᠬᠠᠶ᠋ᠢᠭ᠄巴林右旗大板镇新世纪小区 11# 4好信箱 | | 敖日布巴斯尔 | 邮编：025150 | 电话：13015181977 | | | | | | | | | | | |