| ᠮᠠᠨ ᠤ ᠬᠢᠨ ᠦᠭᠡᠷᠡᠴᠢᠯᠡᠯᠲᠡ ᠨᠡᠬᠡᠭᠡᠯᠲᠡ ᠪᠤᠯᠲᠠᠯᠠ ᠮᠦᠨ ᠯᠡ ᠪᠠᠷᠢᠭᠠᠳᠠ ᠭᠡᠵᠦ ᠪᠠᠶᠢᠭᠰᠠᠨ ᠪᠠ ᠦᠢᠯᠡᠳᠪᠦᠷᠢᠯᠡᠯ | ᠡᠵᠡᠩᠨᠡᠯᠲᠡ ᠳᠡᠭᠡᠨ ᠨᠡᠶᠢᠲᠡ ᠶᠢᠨ ᠲᠥᠷᠢᠮ ᠲᠠᠢ ᠪᠠᠶᠢᠵᠠᠢ᠃ ᠲᠡᠭᠡᠬᠦ ᠪᠠᠷ ᠬᠦᠳᠡᠯᠮᠦᠷᠢ ᠬᠦᠴᠦ ᠪᠦᠷ ᠪᠠᠷᠢᠭᠠᠲᠠ ᠶᠢᠨ | ᠠᠵᠢᠯ ᠬᠦᠳᠡᠯᠮᠦᠷᠢ ᠳᠤ ᠶᠠᠪᠤᠵᠠᠭᠠᠳᠠᠭ ᠪᠣᠯᠬᠤᠷ ᠡᠳᠦᠷ ᠲᠡᠭᠡᠨ ᠨᠠᠰᠣᠨ ᠳᠤ ᠬᠦᠷᠦᠭᠡ ᠦᠭᠡᠢ ᠰᠣᠷᠭᠠᠭᠤᠯᠢ ᠶᠢᠨ | ᠰᠣᠷᠣᠭᠴᠢᠳ ᠬᠡᠭᠡᠷᠡ ᠭᠠᠷᠴᠤ ᠠᠷᠭᠠᠯ ᠲᠡᠭᠦᠳᠡᠭ ᠪᠠ ᠠᠶᠢᠯ ᠤᠨ ᠬᠢᠨ ᠤ ᠲᠤᠮᠤ ᠬᠦᠮᠦᠰ ᠦᠦᠷ ᠪᠢᠳᠡᠭᠦᠦ ᠡᠷᠲᠡᠯᠡᠨ | ᠪᠤᠰᠴᠣ ᠡᠪᠦᠯ ᠤᠨ ᠬᠡᠪᠲᠡᠰᠢ ᠲᠠᠢ ᠬᠦᠯᠳᠡᠭᠦᠦ ᠠᠷᠭᠠᠯ ᠠᠪᠳᠠᠭ᠃ ᠭᠡᠪᠡᠴᠦ ᠲᠦᠯᠡᠰᠢᠨ ᠤ ᠱᠢᠪᠠᠭ ᠪᠤᠷᠭᠠᠰᠣ ᠠᠪᠬᠤ | ᠳᠤ ᠲᠣᠷᠠ ᠲᠠᠪᠠ ᠪᠠᠷ ᠢᠶᠠᠨ ᠬᠠᠳᠣᠵᠤ ᠪᠣᠯᠳᠠᠭ ᠦᠭᠡᠢ ᠴᠡᠭᠡᠷ ᠬᠤᠷᠢᠭᠠ ᠲᠠᠢ ᠪᠠᠶᠢᠵᠤ ᠪᠠᠷᠢᠭᠠᠳᠠ ᠠᠴᠠ | ᠲᠤᠭᠲᠠᠭᠰᠠᠨ ᠨᠢᠭᠡ ᠴᠠᠭ ᠲᠡᠭᠡᠷᠡ ᠵᠢᠯ ᠤᠨ ᠰᠢᠲᠠᠭᠠᠯᠭᠠ ᠠᠪᠬᠤ ᠲᠤᠰᠬᠠᠢ ᠴᠢᠯᠦᠭᠡ ᠲᠠᠯᠪᠢᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ | ᠨᠢᠭᠡ ᠵᠢᠯ ᠤᠨ ᠡᠪᠦᠯ ᠪᠠᠷᠢᠭᠠᠳᠠ ᠠᠴᠠ ᠨᠢᠭᠡ ᠡᠷᠦᠬᠡ ᠨᠢᠭᠡ ᠬᠦᠳᠡᠯᠮᠦᠷᠢ ᠬᠦᠴᠦ ᠭᠠᠷᠭᠠᠨ ᠭᠤᠷᠪᠠᠨ | ᠡᠳᠦᠷ ᠤᠨ ᠴᠢᠯᠦᠭᠡ ᠲᠠᠯᠪᠢᠭᠠᠳ ᠵᠠᠭᠤᠨ ᠪᠤᠭᠤᠵᠢ ᠪᠠᠷ ᠬᠡᠮᠵᠢᠶᠡᠯᠡᠨ ᠲᠦᠯᠡᠭᠡ ᠬᠠᠳᠣᠭᠤᠯᠵᠠᠢ᠃ ᠲᠡᠷᠡ ᠦᠶᠡᠰ | ᠡᠪᠦᠭᠡ ᠮᠢᠨᠢ ᠨᠢᠭᠡᠨᠲᠡ ᠵᠢᠷᠢᠨ ᠨᠠᠰᠤ ᠶᠢ ᠳᠠᠪᠠᠭᠰᠠᠨ ᠪᠣᠯᠪᠠᠴᠤ ︿︿ᠬᠠᠰᠢᠯᠠ ᠪᠢ ᠦᠪᠡᠷᠳᠡᠭᠡᠨ ᠭᠠᠷᠤᠶᠠ﹀﹀ ᠭᠡᠳ | ᠨᠢᠭᠡ ᠬᠦᠩᠭᠡᠨ ᠰᠢᠭ ᠲᠦᠯᠡᠭᠡᠨ ᠬᠠᠳᠣᠭᠤᠷ ᠪᠠ ᠪᠠᠰᠠ ᠨᠢᠭᠡ ᠦᠷᠭᠡᠨ ᠢᠷ ᠲᠠᠢ ᠪᠦᠳᠦᠭᠦᠨ ᠰᠦᠬᠡ ᠪᠠᠨ | ᠠᠪᠤᠭᠠᠳ ᠶᠠᠪᠤᠵᠠᠢ᠃ | ᠠᠶᠢᠯ ᠤᠳ ᠬᠢᠨ ᠭᠠᠷ ᠰᠢᠯᠡᠮᠳᠡᠨ ᠤᠷᠤᠯᠳᠤᠵᠠᠭᠠᠵᠤ ᠠᠯᠢ ᠪᠤᠯᠣᠮᠠᠷ ᠤᠷᠭᠤᠴᠠ ᠰᠠᠶᠢᠲᠠᠢ ᠪᠦᠭᠡᠳ ᠬᠠᠳᠣᠵᠤ | ᠤᠷᠣᠭᠤᠯᠬᠤ ᠳᠤ ᠲᠤᠬᠢᠳᠠᠢ ᠲᠦᠯᠡᠭᠡᠨ ᠵᠦᠭ ᠭᠦᠶᠦᠵᠦ ᠪᠠᠶᠢᠯᠠ᠃ ᠮᠢᠨᠦ ᠡᠪᠦᠭᠡ ᠠᠶᠢᠯ ᠶᠢᠨ ᠪᠠᠷᠠᠭᠤᠨᠳᠠᠢ ᠤᠯᠠᠨ | ᠬᠦᠮᠦᠨ ᠤ ᠭᠤᠯᠤᠭᠠᠳ ᠬᠠᠷᠠᠵᠤ ᠦᠵᠡᠳᠡᠭ ᠦᠭᠡᠢ ᠬᠠᠵᠠᠭᠠᠢ ᠳᠠᠪᠠᠭᠠ ᠭᠡᠳᠡᠭ ᠨᠢᠭᠡ ᠬᠤᠨᠢᠨ ᠰᠢᠪᠠᠭ ᠵᠦᠭᠡᠷᠬᠡᠨ | ᠤᠷᠭᠤᠳᠠᠭ ᠰᠤᠭᠤ ᠭᠠᠵᠠᠷ ᠢ ᠰᠣᠩᠭᠤᠨ ᠬᠠᠳᠣᠵᠤ ᠡᠬᠢᠯᠡᠪᠡ᠃ ᠡᠪᠦᠭᠡ ᠦᠷᠦᠭᠡᠯ ᠤᠨ ᠬᠢᠨ ᠤ ᠠᠳᠠᠯᠢ ᠲᠡᠭᠡᠵᠦ | ᠦᠦᠷ ᠪᠢᠲᠡᠭᠦᠦ ᠪᠠᠷ ᠪᠤᠰᠴᠦ ᠭᠠᠷᠤᠭᠠᠳ ᠰᠢᠷᠠ ᠪᠦᠷᠦᠢ ᠲᠡᠮᠲᠡᠷᠢᠨ ᠬᠠᠷᠢᠵᠤ ᠢᠷᠡᠳᠡᠭ ᠦᠭᠡᠢ ᠬᠠᠷᠢᠨ | ᠡᠷᠲᠡ ᠶᠢᠨ ᠨᠠᠷᠠᠨ ᠠᠷᠪᠠᠨ ᠠᠯᠲᠠ ᠳᠡᠭᠳᠡᠭᠰᠡᠨ ᠬᠤᠶᠢᠨᠠ ᠰᠠᠶ᠋ᠢ ᠢᠷᠯᠡᠵᠦ ᠲᠠᠯᠪᠢᠭᠰᠠᠨ ᠬᠠᠳᠣᠭᠤᠷ ᠪᠤᠯᠣᠨ ᠰᠦᠬᠡ | ᠬᠤᠶᠠᠷ ᠢᠶᠠᠨ ᠰᠣᠶᠢᠷᠠᠭᠠᠳ ᠦᠳᠡ ᠶᠢᠨ ᠬᠦᠨᠡᠰᠦ ᠬᠡᠮᠡᠨ ᠭᠤᠷᠪᠠᠨ ᠠᠶᠠᠭᠠ ᠬᠠᠭᠤᠷᠤᠭᠰᠠᠨ ᠠᠮᠤ ᠶᠢᠨ ᠲᠡᠭᠡᠷᠡ | ᠴᠠᠭᠠ ᠬᠤᠯᠢᠭᠰᠠᠨ ᠬᠤᠶᠠᠷ ᠰᠢᠯᠦᠨ ᠯᠤᠩᠬᠤ ᠲᠠᠢ ᠤᠰᠤ ᠠᠪᠴᠤ ᠶᠠᠪᠤᠭᠠᠳ ᠤᠷᠤᠢ ᠶᠢᠨ ᠭᠠᠯ ᠬᠢᠬᠦ ᠨᠠᠷᠠ ᠲᠠᠢ | ᠬᠠᠷᠢᠵᠤ ᠢᠷᠡᠳᠡᠭ᠃ | ᠲᠡᠷᠡ ᠨᠢᠭᠡᠨ ᠴᠠᠭ ᠦᠶᠡ ᠭᠡᠵᠦ ᠤᠯᠤᠰ ᠲᠥᠷᠦ ᠪᠠᠷ ᠯᠡ ᠠᠯᠢᠪᠡ ᠶᠢ ᠵᠤᠬᠢᠴᠠᠭᠤᠯᠵᠤ ᠪᠠᠶᠢᠭᠰᠠᠨ ᠲᠤᠯᠠ | ᠭᠠᠴᠠᠭᠠ ᠲᠤᠰᠬᠤᠨ ᠤ ᠬᠢᠨ ᠠᠵᠢᠯ ᠬᠦᠳᠡᠯᠮᠦᠷᠢ ᠢᠶᠠᠨ ᠬᠢᠵᠦ ᠪᠠᠷᠠᠪᠠᠯ ᠦᠳᠡᠰᠢ ᠳᠡᠭᠡᠨ ᠵᠠᠪᠠᠯ ᠨᠢᠭᠡ ᠤᠳᠠᠭᠠ | ᠪᠠᠷᠢᠭᠠᠳᠠ ᠶᠢᠨ ᠵᠦᠪᠯᠡᠯ ᠳᠤ ᠤᠴᠢᠵᠠᠭᠠᠵᠤ ᠡᠳᠦᠷ ᠤᠨ ᠬᠢᠭᠰᠡᠨ ᠠᠵᠢᠯ ᠢᠶᠠᠨ ᠬᠤᠪᠢ ᠲᠡᠮᠲᠡᠭᠯᠡᠭᠦᠯᠦᠭᠡᠳ ᠴᠠᠰᠢ | ᠪᠠᠰᠠ ᠦᠷᠦᠭᠡᠯ ᠵᠠᠭᠤᠷᠠ ᠪᠠᠨ ᠦᠭᠡ ᠵᠤᠭᠤᠭ ᠲᠡᠯᠭᠡᠵᠦ ᠰᠠᠭᠤᠳᠠᠭ ᠪᠠᠶᠢᠵᠠᠢ᠃ ᠲᠡᠭᠡᠬᠦ ᠪᠠᠷ ᠴᠢᠯᠦᠭᠡ ᠲᠠᠯᠪᠢᠭᠰᠠᠨ | ᠲᠡᠷᠡ ᠬᠤᠶᠠᠷ ᠡᠳᠦᠷ ᠰᠢᠲᠠᠭᠠᠯᠭᠠ ᠳᠤ ᠭᠠᠷᠤᠭᠰᠠᠨ ᠢᠳᠡᠷᠴᠤᠳ ᠪᠤᠯᠤᠨ ᠵᠠᠯᠠᠭᠤᠴᠤᠳ ᠪᠠᠷᠢᠭᠠᠳᠠ ᠶᠢᠨ ᠭᠡᠷ ᠲᠤ | ᠳᠦᠭᠦᠷᠡᠲᠡᠯᠡ ᠴᠤᠭᠯᠠᠷᠠᠵᠠᠭᠠᠨ ᠦᠪᠡᠷ ᠦᠪᠡᠷ ᠤᠨ ᠬᠠᠮᠢᠭᠠᠭᠤᠷ ᠶᠠᠪᠤᠵᠤ ᠬᠠᠮᠢᠭᠠᠬᠢ ᠰᠠᠶᠢᠨ ᠲᠦᠯᠡᠭᠡ ᠠᠴᠠ ᠬᠡᠳᠦᠢ | ᠪᠤᠭᠤᠵᠢ ᠬᠠᠳᠤᠭᠰᠠᠨ ᠲᠤᠬᠠᠢ ᠪᠠᠨ ᠨᠢᠭᠡᠨ ᠵᠡᠷᠭᠡ ᠲᠦᠴᠢᠭᠡᠨᠡᠲᠡᠯᠡ ᠬᠡᠯᠡᠯᠴᠡᠵᠦ ᠮᠤᠬᠤᠭᠠᠳ ᠰᠠᠶ᠋ᠢ ᠬᠠᠷᠢᠵᠤ | ᠤᠨᠳᠠᠳᠠᠭ ᠨᠢ ᠶᠡᠭᠡ ᠭᠠᠶᠢᠬᠠᠯᠳᠠᠢ ᠰᠠᠨᠠᠭᠳᠠᠭᠤᠯᠵᠤ ᠪᠠᠶᠢᠪᠠ᠃ | ᠠᠶᠢᠯ ᠤᠨ ᠬᠢᠨ ᠨᠢᠭᠡ ᠪᠤᠬᠠ ᠨᠢᠳᠦᠯᠡᠬᠦ ᠪᠤᠵᠠᠭᠠᠢ ᠴᠢᠳᠠᠯ ᠲᠠᠢ ᠭᠡᠰᠡᠨ ᠢᠳᠡᠷ ᠨᠠᠰᠣᠨ ᠤ ᠰᠠᠶᠢᠨ ᠡᠷᠡ | ᠪᠠᠶᠢᠵᠠᠢ᠃ ᠲᠡᠷᠡ ᠠᠵᠢᠯ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠴᠠᠭᠠᠷᠠᠭᠰᠠᠨ ᠭᠠᠷ ᠪᠦᠭᠡᠳ ᠬᠦᠴᠦ ᠲᠠᠮᠢᠷ ᠢᠶᠠᠷ ᠴᠤ ᠲᠤᠯᠢᠳᠠᠳᠠᠭ | ᠦᠭᠡᠢ ᠠᠶᠢᠯ ᠠᠶᠢᠮᠠᠭ ᠢᠶᠠᠨ ᠳᠠᠭᠠᠭᠤᠯᠤᠨ ᠠᠵᠢᠯ ᠬᠦᠳᠡᠯᠮᠦᠷᠢ ᠳᠤ ᠶᠠᠪᠤᠳᠠᠭ᠃ ᠡᠶᠢᠮᠦ ᠠᠴᠠ ᠬᠦᠮᠦᠰ ᠪᠦᠷ | ᠲᠡᠭᠦᠨ ᠤ ᠲᠦᠯᠡᠭᠡ ᠵᠢᠴᠢ ᠪᠤᠭᠤᠵᠢ ᠪᠠᠷ ᠪᠠᠷᠢᠮᠵᠢᠶᠠ ᠪᠤᠯᠭᠠᠨ ᠦᠪᠡᠷ ᠢ ᠪᠠᠨ ᠲᠡᠭᠦᠨ ᠲᠠᠢ ᠵᠡᠷᠭᠡᠴᠡᠭᠦᠯᠵᠦ | ᠮᠠᠵᠠᠭᠤᠯᠤᠨ ᠰᠠᠶᠢᠬᠠᠮᠰᠦᠷᠴᠤ ᠭᠠᠷᠤᠨᠠ᠃ ᠨᠢᠭᠡ ᠦᠳᠡᠰᠢ ᠪᠢ ᠠᠬᠠ ᠪᠠᠨ ᠲᠠᠭᠠᠨ ᠪᠠᠷᠢᠭᠠᠳᠠ ᠲᠡᠭᠡᠷᠡ ᠤᠴᠢᠭᠰᠠᠨ | ᠳᠤ ᠭᠡᠷ ᠲᠦᠭᠦᠷᠡᠩ ᠬᠦᠮᠦᠰ ᠪᠦᠭᠡᠮᠨᠡᠷᠡᠭᠡᠳ ᠬᠡᠨ ᠨᠢᠭᠡ ᠴᠤ ᠠᠮᠠ ᠰᠣᠯᠠ ᠦᠭᠡᠢ ᠪᠦᠷ ᠯᠡ ᠡᠳᠦᠷ ᠤᠨ | ᠬᠠᠳᠤᠭᠰᠠᠨ ᠲᠦᠯᠡᠭᠡᠨ ᠤ ᠪᠠᠨ ᠲᠤᠬᠠᠢ ᠱᠤᠬᠤᠷᠬᠠᠵᠠᠭᠠᠵᠤ ᠪᠠᠶᠢᠯᠠ᠃ | ᠪᠠᠷᠢᠭᠠᠳᠠ ᠶᠢᠨ ᠭᠡᠷ ᠢ ᠰᠠᠬᠢᠳᠠᠭ ᠮᠡᠭᠵᠢᠭᠡᠷ ᠰᠢᠷᠠ ᠡᠪᠦᠭᠡᠨ ᠤᠯᠠᠶᠢᠲᠠᠯᠠ ᠨᠤᠴᠤᠭᠰᠠᠨ ᠲᠡᠮᠦᠷ ᠵᠤᠤᠬᠠᠨ | ᠲᠡᠭᠡᠷᠡ ᠪᠠᠨ ᠪᠦᠳᠦᠬᠦᠨ ᠰᠠᠭᠤᠯᠭᠠ ᠲᠠᠢ ᠤᠰᠤ ᠪᠠᠭᠲᠠᠬᠤ ᠲᠤᠮᠤ ᠳᠡᠪᠦᠷᠡ ᠲᠠᠢ ᠤᠰᠤ ᠪᠤᠴᠠᠯᠭᠠᠨ ᠤᠯᠠᠨ ᠳᠤ | ᠤᠤᠭᠤᠯᠭᠠᠨ ᠭᠦᠶᠦᠵᠦ ᠪᠠᠶᠢᠲᠠᠯᠠ ᠥᠨᠥᠬᠢ ᠪᠤᠬᠠ ᠨᠢᠳᠦᠯᠡᠬᠦ ᠴᠢᠳᠠᠯ ᠲᠠᠢ ᠰᠠᠶᠢᠨ ᠡᠷᠡ ᠬᠦᠷᠦᠭᠡᠳ ᠢᠷᠡᠪᠡ᠃ | ᠤᠯᠠᠨ ᠢᠶᠠᠷ ᠢᠶᠠᠨ ᠪᠦᠷ ᠨᠠᠮ ᠭᠡᠵᠦ ᠲᠡᠭᠦᠨ ᠤ ᠵᠦᠭ ᠬᠠᠷᠠᠵᠠᠭᠠᠯᠠ᠃ ᠲᠡᠷᠡ ᠴᠤ ᠡᠷᠢᠶᠡ ᠦᠭᠡᠢ ᠨᠢᠭᠡ ᠠᠶᠠᠭᠠ | ᠬᠠᠯᠠᠭᠤᠨ ᠤᠰᠤ ᠠᠶᠠᠭᠠᠯᠠᠵᠤ ᠠᠪᠤᠭᠠᠳ ︿︿ᠪᠢ ᠨᠢᠭᠡᠯᠬᠡᠨ ᠠᠳᠠᠯᠢ ᠲᠠᠪᠤᠨ ᠲᠥᠭᠡ ᠶᠢᠨ ᠪᠤᠭᠤᠵᠢ ᠬᠢᠯᠡ᠃ | ᠰᠠᠶᠢᠨ ᠳᠥᠷᠪᠡ ᠬᠦᠯᠦᠭᠰᠡᠨ ᠮᠤᠷᠢᠨ ᠲᠡᠷᠭᠡ ᠦᠭᠡᠢ ᠪᠣᠯ ᠨᠢᠭᠡ ᠤᠳᠠᠭᠠ ᠳᠤ ᠲᠡᠭᠡᠭᠡᠵᠦ ᠠᠪᠴᠢᠷᠠᠬᠤ ᠳᠤ | ᠬᠦᠴᠢᠷᠳᠡᠬᠦ ᠪᠠᠶᠢᠬᠠ ᠳ᠋ᠡ᠃ ᠵᠠ᠂ ᠶᠠᠭᠠᠬᠢᠪ ︖ ᠵᠢᠯ ᠤᠨ ᠲᠦᠯᠡᠰᠢ ᠶᠤᠮ ᠴᠢᠨᠢ ᠭᠠᠶᠢᠭᠤᠢ ᠨᠢᠭᠡ ᠲᠡᠷᠭᠡ | ᠤᠷᠤᠭᠤᠯᠵᠤ ᠠᠪᠬᠤ ᠦᠭᠡᠢ ᠪᠠᠷ ᠶᠠᠭᠠᠬᠢᠨᠠ ︕﹀﹀ ᠭᠡᠰᠡᠨ ᠳᠤ ᠵᠠᠯᠭᠠᠭᠠᠳ ᠤᠯᠠᠨ ᠬᠦᠮᠦᠰ ᠪᠦᠷ ᠲᠡᠭᠦᠨ ᠤ | ᠵᠦᠭ ᠡᠷᠡᠬᠡᠢ ᠭᠤᠵᠤᠶᠢᠯᠭᠠᠨ ᠪᠠᠭ᠋ᠠᠷᠬᠠᠵᠤ ᠭᠠᠷᠪᠠ᠃ ᠪᠢ ᠤᠯᠵᠣ ᠰᠣᠨᠣᠰᠣᠭᠠᠳ ᠲᠤᠲᠤᠷᠠ ᠪᠠᠨ ᠲᠤᠭᠠ ᠲᠠᠢ | ᠪᠤᠯᠵᠣ ᠠᠬᠠ ᠪᠠᠨ ᠬᠠᠶᠠᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠬᠠᠨᠵᠤᠨ ᠵᠠᠬᠠ ᠳᠤ ᠬᠠᠳᠤᠭᠤᠷ ᠪᠢᠯᠡᠭᠦᠳᠡᠨ ᠰᠠᠭᠤᠵᠤ | ᠪᠠᠶᠢᠭᠰᠠᠨ ᠡᠪᠦᠭᠡ ᠳᠡᠭᠡᠨ ᠬᠡᠯᠡᠵᠦ ᠥᠭᠪᠡ᠃ ᠡᠪᠦᠭᠡ ᠮᠠᠨᠢ ᠲᠡᠮᠡᠢ ᠰᠤᠨᠢᠨ ᠪᠣᠯᠭᠠᠭᠰᠠᠨ ᠦᠭᠡᠢ ᠠᠶᠠᠷᠬᠠᠨ | ᠰᠣᠨᠣᠰᠴᠦ ᠪᠠᠷᠠᠭᠠᠳ ︿︿ᠥᠨᠥᠬᠢ ᠴᠢᠨᠢ ᠰᠠᠶᠢᠨ ᠡᠷᠡ ᠨᠢ ᠴᠤ ᠰᠠᠶᠢᠨ ᠡᠷᠡ ᠪᠤᠯᠪᠠᠴᠤ ᠶᠡᠷᠦ ᠶᠡᠭᠡ ᠦᠭᠡ | ᠲᠠᠯᠪᠢᠭᠠᠳ ᠪᠠᠶᠢᠬᠤ ᠶᠤᠮ᠃ ᠮᠠᠷᠭᠠᠰᠢ ᠶᠢᠨ ᠨᠢᠭᠡ ᠡᠳᠦᠷ ᠢ ᠦᠩᠭᠡᠷᠡᠭᠡᠵᠦ ᠪᠠᠶᠢᠭᠠᠳ ᠯᠡ ᠰᠠᠶ᠋ᠢ ᠬᠡᠨ ᠨᠢᠭᠡ ᠪᠠᠨ | ᠮᠡᠳᠡᠨᠡ ᠳ᠋ᠡ﹀﹀ ᠭᠡᠳ ᠥᠭᠡᠷᠡ ᠦᠭᠡ ᠦᠭᠡᠢ ᠪᠤᠯᠵᠠᠢ᠃ | ᠭᠤᠷᠪᠠᠨ ᠡᠳᠦᠷ ᠲᠠᠭᠤᠰᠴᠦ ᠠᠶᠢᠯ ᠤᠳ ᠬᠢᠨ ᠬᠠᠳᠣᠭᠰᠠᠨ ᠲᠦᠯᠡᠭᠡ ᠪᠠᠨ ᠤᠷᠤᠭᠤᠯᠵᠤ ᠡᠬᠢᠯᠡᠪᠡ᠃ | ᠥᠨᠥᠬᠢ ᠰᠠᠶᠢᠨ ᠡᠷᠡ ᠶᠢᠨ ᠵᠠᠭᠤᠨ ᠪᠤᠭᠤᠵᠢ ᠲᠦᠯᠡᠭᠡ ᠶᠢ ᠨᠢ ᠲᠠᠪᠤᠨ ᠲᠠᠪᠬᠤᠷ ᠢᠶᠠᠷ ᠲᠡᠭᠰᠢᠯᠡᠨ ᠲᠡᠭᠡᠭᠡᠳ ᠰᠠᠶ᠋ᠢ | ᠨᠢᠭᠡ ᠤᠳᠠᠭᠠᠨ ᠤ ᠲᠡᠷᠭᠡᠨ ᠳᠤ ᠲᠡᠭᠡᠭᠡᠵᠦ ᠠᠪᠴᠢᠷᠠᠪᠠ᠃ ᠠᠶᠢᠯ ᠤᠳ ᠤᠨ ᠨᠢᠭᠡᠯᠡ ᠱᠤᠤᠬᠢᠶᠠᠨ ᠪᠣᠯᠵᠤ ᠬᠡᠳᠦᠨ | ᠡᠳᠦᠷ ᠠᠮᠠ ᠠᠮᠠᠨ ᠲᠡᠭᠡᠷᠡ ᠪᠠᠨ ᠥᠭᠡᠷᠡ ᠵᠤᠭᠤᠭ ᠦᠭᠡᠢ ᠰᠠᠶᠢᠨ ᠡᠷᠡ ᠶᠢᠨ ᠰᠠᠶᠢᠨ ᠲᠦᠯᠡᠭᠡ ᠪᠠᠷ ᠱᠠᠭᠰᠢᠵᠤ | ᠪᠠᠶᠢᠲᠠᠯᠠ ᠲᠡᠷᠭᠡᠨ ᠤ ᠵᠢᠰᠢᠶᠡ ᠮᠠᠨ ᠤ ᠬᠢ ᠲᠡᠭᠡᠷᠡ ᠲᠤᠯᠵᠠᠢ᠃ ᠠᠶᠢᠯ ᠤᠨ ᠬᠦᠮᠦᠰ ᠮᠠᠨ ᠤ ᠬᠢ ᠠᠴᠠ ᠡᠪᠦᠭᠡ | ᠦᠪᠡᠷᠳᠡᠭᠡᠨ ᠭᠠᠷᠴᠤ ᠬᠠᠳᠣᠭᠰᠠᠨ ᠭᠡᠳᠡᠭ ᠢ ᠮᠡᠳᠡᠭᠰᠡᠨ ᠬᠤᠶᠢᠨᠠ ᠮᠦᠨ ᠪᠠᠰᠠ ᠥᠨᠥᠬᠢ ᠰᠠᠶᠢᠨ ᠡᠷᠡ ᠶᠢᠨ | ᠲᠦᠯᠡᠭᠡ ᠶᠢ ᠲᠡᠭᠡᠭᠡᠭᠰᠡᠨ ᠲᠡᠷᠭᠡ ᠪᠠ ᠲᠡᠷᠭᠡᠴᠢᠨ ᠢ ᠲᠣᠬᠢᠷᠠᠭᠤᠯᠵᠤ ᠥᠭᠪᠡ᠃ ᠡᠴᠦᠰ ᠲᠡᠭᠡᠨ ᠨᠢᠭᠡ ᠤᠳᠠᠭᠠ ᠳᠤ | ᠲᠦᠩᠭᠡᠵᠢ ᠵᠢᠷᠢᠨ ᠪᠤᠭᠤᠵᠢ ᠶᠢ ᠨᠢ ᠠᠷᠠᠭᠠᠯᠠᠵᠤ ᠠᠴᠢᠶᠠᠯᠠᠨ ᠢᠷᠡᠭᠡᠳ ᠲᠦᠴᠢᠨ ᠪᠤᠭᠤᠵᠢ ᠶᠢ ᠨᠢ ᠬᠤᠴᠤᠷᠭᠠᠵᠠᠢ᠃ | ᠭᠡᠪᠡᠴᠦ ᠠᠶᠢᠯ ᠲᠥᠰᠦᠷ ᠵᠠᠮ ᠤᠶᠢᠷᠠ ᠪᠤᠯᠬᠤᠷ ᠪᠠᠰᠠ ᠨᠢᠭᠡ ᠤᠳᠠᠭᠠ ᠲᠠᠬᠢᠵᠤ ᠭᠦᠶᠦᠯᠭᠡᠭᠡᠳ ᠰᠠᠶ᠋ᠢ | ᠦᠯᠡᠳᠡᠭᠰᠡᠨ ᠲᠦᠴᠢᠨ ᠪᠤᠭᠤᠵᠢ ᠶᠢ ᠨᠢ ᠤᠷᠤᠭᠤᠯᠵᠤ ᠢᠷᠡᠵᠡᠢ᠃ | ᠡᠵᠢ ᠠᠪᠤ ᠮᠢᠨᠢ ᠠᠯᠵᠢᠶᠠᠯ ᠵᠦᠳᠡᠷᠡᠯ ᠢᠶᠠᠨ ᠬᠠᠶᠢᠬᠤᠷᠠᠯ ᠦᠭᠡᠢ ᠬᠤᠶᠠᠷ ᠲᠠᠬᠢᠨ ᠭᠦᠶᠦᠵᠦ ᠥᠭᠭᠦᠭᠰᠡᠨ | ᠲᠡᠷᠭᠡᠴᠢᠨ ᠳᠡᠭᠡᠨ ᠰᠠᠶᠢᠨ ᠬᠤᠭᠤᠯᠠ ᠬᠤᠱᠢ ᠪᠠᠵᠠᠭᠠᠵᠤ ᠢᠳᠡᠭᠦᠯᠵᠡᠢ᠃ ᠪᠤᠳᠤᠪᠠᠯ ᠲᠡᠷᠭᠡᠴᠢᠨ ᠮᠠᠨᠢ ᠬᠤᠶᠠᠷ ᠯᠠᠩ | ᠲᠠᠢ ᠬᠤᠭᠤᠯᠠᠨ ᠤ ᠰᠠᠶᠢᠨ ᠳᠤ ᠪᠠᠶᠠᠰᠣᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠡ᠂ ᠦᠭᠡᠢ ᠪᠣᠯ ᠡᠪᠦᠭᠡ ᠶᠢᠨ ᠬᠠᠳᠣᠭᠰᠠᠨ | ᠲᠦᠯᠡᠭᠡ ᠶᠢ ᠦᠵᠡᠭᠡᠳ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠦᠭᠡᠶᠢᠯᠡᠵᠦ ᠭᠠᠶᠢᠬᠠᠭᠰᠠᠨ ᠴᠤ ᠪᠠᠶᠢᠵᠤ ᠮᠡᠳᠡᠨᠡ᠃ | ᠬᠤᠨᠳᠠᠭᠠ ᠲᠠᠢ ᠪᠠᠨ ᠠᠮᠲᠠᠷᠬᠠᠨ ᠰᠢᠮᠡᠬᠦ ᠵᠠᠭᠤᠷᠠ ︿︿ᠮᠠᠨ ᠤ ᠬᠢᠨ ᠪᠦᠷ ᠯᠡ ᠡᠨᠡ ᠨᠢ ᠰᠠᠶᠢᠨ ᠡᠷᠡ᠂ ᠲᠡᠷᠡ ᠨᠢ | ᠰᠣᠳᠣᠨ ᠡᠷᠡ ᠭᠡᠳ ᠯᠡ ᠬᠡᠢ ᠰᠣᠷᠲᠤᠭᠤ ᠤᠷᠬᠢᠵᠠᠭᠠᠬᠤ ᠶᠤᠮ᠃ ᠡᠴᠦᠰ ᠲᠡᠭᠡᠨ ᠠᠯᠢ ᠨᠢ ᠴᠤ ᠭᠡᠳ ᠡᠷᠲᠡ | ᠵᠢᠷᠢᠨ ᠨᠠᠰᠤ ᠪᠠᠨ ᠳᠠᠪᠠᠭᠤᠯᠣᠭᠰᠠᠨ ᠦᠨᠳᠦᠷ ᠡᠪᠦᠭᠡᠨ ᠳᠤ ᠲᠤᠯᠤᠭᠰᠠᠨ ᠬᠦᠮᠦᠨ ᠠᠯᠭᠠ ᠶᠤᠮ᠃ ᠮᠠᠨ ᠤ ᠬᠢᠨ | ᠭᠡᠵᠦ ᠪᠦᠷ ᠵᠠᠯᠠᠭᠤ ᠢᠳᠡᠷ ᠯᠡ ᠪᠠᠶᠢᠭᠠᠳ ᠦᠨᠡᠬᠡᠷ ᠴᠤ ᠭᠡᠵᠢ ᠴᠠᠭ ᠤᠨ ᠰᠠᠶᠢᠨ᠂ ᠡᠷᠡ ᠬᠦᠮᠦᠨ ᠤ ᠨᠢᠭᠤᠷ | ᠬᠤᠶᠠᠷ ᠢ ᠭᠡᠭᠡᠵᠦ ᠪᠠᠶᠢᠬᠤ ᠶᠤᠮ﹀﹀ ᠭᠡᠭᠰᠡᠭᠡᠷ ᠪᠤᠰᠤᠳ ᠠᠶᠢᠯ ᠤᠳ ᠬᠢᠨ ᠤ ᠲᠦᠯᠡᠭᠡ ᠨᠢ ᠪᠦᠷ ᠳᠥᠷᠪᠡ ᠲᠠᠪᠤᠨ | ᠲᠥᠭᠡ ᠠᠴᠠ ᠳᠠᠪᠠᠭᠰᠠᠨ ᠪᠤᠭᠤᠵᠢ ᠪᠠᠶᠢᠭᠰᠠᠨ ᠦᠭᠡᠢ ᠳᠤ ᠡᠪᠦᠭᠡ ᠶᠢᠨ ᠨᠢᠭᠡ ᠪᠤᠭᠤᠵᠢ ᠨᠢ ᠨᠡᠶᠢᠮᠡ ᠶᠢᠰᠦᠨ ᠲᠥᠭᠡ | ᠪᠠᠶᠢᠭᠰᠠᠨ ᠢ ᠭᠠᠷᠭᠠᠵᠤ ᠬᠡᠯᠡᠭᠡᠳ ᠡᠪᠦᠭᠡ ᠶᠢᠨ ᠵᠦᠭ ᠬᠤᠳᠠᠯ ᠦᠭᠡ ᠬᠡᠯᠡᠭᠰᠡᠨ ᠦᠭᠡᠢ ᠰᠢᠭ ᠮᠡᠯᠮᠡᠯᠵᠡᠨ ᠬᠠᠷᠠᠵᠠᠢ᠃ | | ᠮᠠᠷᠭᠠᠰᠢ ᠠᠴᠠ ᠨᠢ ᠠᠶᠢᠯ ᠲᠦᠭᠦᠷᠡᠩ ᠰᠢᠨᠡ ᠵᠤᠭᠤᠭ ᠪᠤᠢ ᠪᠣᠯᠵᠤ ᠤᠴᠠᠷᠠᠭᠰᠠᠨ ᠪᠤᠯᠭᠠᠨ ᠨᠢᠭᠡᠨ ᠵᠦᠭ ᠢᠶᠠᠨ | ︿︿ ᠲᠠᠨᠣᠰ ᠴᠢᠨᠢ ᠲᠡᠭᠡᠭᠡᠳ ᠥᠨᠥᠬᠢ ︿ᠦᠬᠡᠷ ᠵᠠᠮᠰᠣ﹀ ᠭᠡᠳᠡᠭ ᠦᠨᠳᠦᠷ ᠨᠡᠷᠡ ᠶᠢ ᠨᠢ ᠬᠤᠭᠤᠰᠣᠨ ᠤᠯᠤᠭᠰᠠᠨ | ᠭᠡᠵᠦ ᠪᠤᠳᠤᠭᠰᠠᠨ ᠶᠤᠮ ᠦᠦ︖ ᠡᠪᠦᠭᠡᠨ ᠴᠢᠨᠢ ᠶᠠᠫᠦᠨ ᠪᠥᠬᠡ ᠶᠢ ᠲᠠᠤᠯᠠᠢ ᠰᠠᠪᠠᠭ᠋ᠤ ᠮᠡᠲᠦ ᠭᠠᠭᠴᠠᠬᠠᠨ ᠠᠪᠴᠤ | ᠴᠢᠯᠠᠭᠤᠳᠠᠭᠰᠠᠨ ᠡᠷᠡ ᠶᠤᠮ ᠰᠢᠦ᠃ ᠬᠦᠮᠦᠨ ᠭᠡᠳᠡᠭ ᠴᠢᠨᠢ ᠬᠡᠯᠡᠭᠰᠡᠨ ᠢᠶᠠᠷ ᠪᠣᠯᠳᠠᠭ ᠪᠢᠰᠢ᠂ ᠬᠠᠷᠢᠨ ᠬᠢᠳᠡᠭ ᠢᠶᠠᠷ | ᠪᠣᠯᠳᠠᠭ ᠶᠤᠮ﹀﹀ ᠬᠡᠮᠡᠨ ᠶᠡᠭᠡ ᠶᠠᠭᠤᠮᠠ ᠮᠡᠳᠡᠭᠰᠡᠨ ᠪᠣᠯᠵᠤ ᠶᠡᠬᠡᠯᠡ ᠱᠤᠭᠳᠠᠢ ᠮᠡᠷᠭᠡᠯᠡᠨ ᠬᠡᠯᠡᠵᠦ ᠶᠠᠪᠤᠳᠠᠭ ᠬᠦᠮᠦᠰ | ᠤᠯᠠᠰᠢᠷᠠᠵᠤ ᠯᠡ ᠪᠠᠶᠢᠯᠠ᠃ | | |