| ︵ ᠠᠶᠠᠯᠠᠯ ᠰᠢᠯᠦᠭ ᠤᠨ ᠴᠢᠭᠤᠯᠭᠠᠨ︶ | ᠪ᠊᠂ ᠪᠢᠯᠢᠭ | ᠲᠦᠷᠰᠦᠯᠢᠭ ᠬᠤᠷᠸᠠ | ᠲᠤᠭᠤᠷᠢᠭᠠᠳ ᠰᠠᠭᠤᠭᠰᠠᠨ ᠮᠠᠯᠴᠢᠳ ᠲᠠᠭᠠᠨ | ᠲᠡᠮᠡᠭᠡ ᠪᠠᠨ ᠪᠢᠳᠡᠭᠡᠢ ᠮᠠᠷᠳᠠᠭᠠᠰᠠᠢ ᠬᠡᠮᠡᠨ | ᠲᠡᠨᠲᠡ ᠪᠠᠨ ᠲᠠ ᠰᠦᠭᠦᠳᠦᠭᠰᠡᠭᠡᠷ ᠪᠠᠶᠢᠨᠤ︖ | ᠲᠤᠶᠢᠯᠠᠭᠠᠳ ᠪᠤᠰᠳᠠᠭ ᠭᠠᠵᠠᠷ ᠲᠠᠭᠠᠨ | ᠲᠠᠭᠤ ᠮᠠᠨᠢ ᠪᠢᠳᠡᠭᠡᠢ ᠪᠠᠯᠠᠷᠠᠭᠠᠰᠠᠢ ᠬᠡᠮᠡᠨ | ᠲᠡᠷᠡ ᠬᠡᠯᠪᠡᠷᠢ ᠪᠠᠨ ᠰᠠᠬᠢᠭᠰᠠᠭᠠᠷ ᠪᠠᠶᠢᠨᠤ︕ | ᠭᠠᠴᠤᠷᠠ | ᠲᠡᠷᠡ ᠨᠢᠭᠡ ᠪᠦᠭᠡᠮ ᠪᠦᠯᠢᠶᠡᠨ ᠲᠦᠯᠦ | ᠲᠡᠶᠠᠩ ᠤᠨ ᠨᠢᠭᠡ ᠲᠠᠯᠠ ᠶᠢ ᠲᠠᠷᠤᠵᠤ ᠠᠰᠠᠬᠤ ᠪᠠᠷ | ᠲᠠᠪᠬᠤᠷ ᠵᠠᠶᠠᠭᠠᠬᠤ ᠦᠬᠡᠢ ᠨᠤᠳᠤᠭ ᠭᠡᠭᠴᠢ | ᠲᠡᠭᠷᠢ ᠶᠢᠨ ᠬᠡᠦᠬᠡᠳ ᠬᠦᠢᠰᠦ ᠪᠠᠨ ᠬᠠᠶᠠᠭᠠᠳ ᠶᠠᠪᠤᠭᠰᠠᠨ ᠬᠡᠮᠡᠷ | | ᠪᠠᠷᠠ ᠶᠢ ᠨᠢ ᠪᠠᠷᠳᠠᠮ ᠬᠠᠷᠠᠭᠰᠠᠨ ᠭᠤᠪᠢ | ᠪᠠᠰᠠ ᠨᠢᠭᠡ ᠵᠠᠭᠤᠨ ᠢᠶᠠᠷ | ᠪᠠᠭᠠᠳᠤᠷᠴᠤᠳ ᠤᠨ ᠨᠠᠷᠠ ᠪᠠᠨ ᠪᠤᠴᠠᠭᠠᠳ ᠠᠪᠤᠮᠠᠷ | | ᠴᠡᠩᠭᠡᠷᠯᠡᠨ ᠪᠤᠰᠤᠭᠰᠠᠨ ᠵᠡᠷᠭᠡᠯᠭᠡᠨ ᠨᠢ | ᠴᠡᠩᠭᠡᠷᠳᠡᠨ ᠰᠤᠨᠤᠯᠵᠠᠬᠤ ᠠᠭᠤᠯᠠᠰ ᠲᠠᠢ ᠪᠠᠨ | ᠴᠢᠪ ᠬᠡᠮᠡᠨ ᠨᠢᠭᠡᠨ ᠵᠠᠭᠤᠨ ᠤ ᠲᠤᠤᠯᠢᠶᠠᠨ ᠪᠤᠶᠤ | ᠴᠢᠯᠦᠭᠡ ᠠᠭᠤᠵᠢᠮ ᠮᠢᠩᠭᠠᠨ ᠭᠠᠯᠠᠪ ᠤᠨ ᠲᠠᠶᠢᠯᠤᠨ ᠬᠡᠮᠡᠷ | ᠰᠡᠬᠦᠳᠡᠷ ᠢ ᠨᠢ ᠬᠦᠷᠳᠡᠯᠡ ᠬᠠᠷᠠᠮᠨᠠᠭᠰᠠᠨ ᠪᠢ | ᠰᠠᠯᠵᠤ ᠲᠠᠶᠢᠯᠬᠦ ᠦᠬᠡᠢ ᠳᠡᠭᠡᠨ | ᠰᠢᠬᠦᠲᠡᠷᠢ ᠶᠢᠨ ᠨᠢᠳᠦ ᠪᠠᠨ ᠬᠠᠳᠠᠭᠠᠯᠠᠭᠠᠳ ᠦᠭᠭᠦᠮᠡᠷ | ᠤᠯᠠᠭᠠᠨ ᠪᠤᠳᠤᠩ | ᠤᠯᠠᠨ ᠮᠢᠩᠭᠠᠨ ᠴᠡᠴᠡᠭ ᠨᠢ ᠤᠯᠠᠪᠠᠯᠵᠠᠬᠤ ᠪᠠᠷ | ᠠᠭᠤᠯᠠᠰ ᠨᠢ ᠤᠯᠠᠭᠠᠨ ᠪᠠᠶᠢᠭᠰᠠᠨ ᠶᠤᠮ ᠤᠤ ᠭᠡᠵᠦ ᠪᠤᠳᠤᠨᠠᠮ | ᠤᠯᠠ ᠲᠤᠤᠷᠠ ᠤᠪᠣᠯᠵᠠᠬᠤ ᠴᠢᠯᠠᠭᠤᠨ ᠲᠡᠭᠡᠷᠡ ᠨᠢ | ᠤᠷᠢᠳᠦ ᠶᠢᠨ ᠶᠠᠭᠠᠨ ᠪᠤᠳᠤᠩ ᠤᠬᠢᠯᠠᠨ ᠬᠠᠷᠠᠭᠳᠠᠨᠠᠮ | ᠮᠤᠩᠭᠤᠯ ᠶᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠲᠡᠪᠬᠡᠷᠴᠤ ᠲᠡᠭᠵᠢᠷᠡᠭᠰᠡᠨ | ᠮᠤᠬᠤᠭᠤ ᠨᠢᠭᠡᠨ ᠠᠪᠤᠷᠭᠤ ᠲᠦᠷᠦ ᠶᠢᠨ ᠲᠠᠯᠠᠢ ᠱᠤᠤᠬᠢᠶᠠᠨ | ᠮᠢᠨᠦ ᠮᠢᠬᠠ ᠴᠢᠰᠦ ᠬᠤᠶᠠᠷ ᠲᠠᠢ ᠲᠡᠷᠰᠯᠡᠵᠦ ᠲᠡᠮᠡᠴᠡᠯᠳᠦᠭᠰᠡᠨ | ᠮᠤᠩᠭᠤᠯ ᠡᠮᠡᠭᠡ ᠶᠢᠨ ᠭᠠᠷ ᠲᠤᠯᠢᠶᠠᠭᠰᠠᠨ ᠬᠠᠭᠠᠨ ᠬᠦᠪᠡᠬᠦᠨ | | ᠮᠢᠩᠭᠠᠨ ᠤᠨ ᠶᠢ ᠤᠯᠵᠤ ᠦᠯᠦ ᠴᠢᠳᠠᠭᠰᠠᠨ ᠳᠤ ᠨᠢ | ᠮᠢᠨᠵᠢ ᠶᠢᠨ ᠬᠦᠬᠡ ᠰᠢᠯᠢ ᠨᠢᠯᠪᠤᠰᠤ ᠠᠯᠭᠠ | ᠮᠦᠩᠭᠡ ᠨᠤᠭᠤᠭᠠᠨ ᠰᠠᠯᠬᠢ ᠨᠢ ᠬᠡᠪ ᠢᠶᠠᠷ ᠢᠶᠠᠨ ᠴᠤ | ᠮᠦᠮᠦ ᠪᠠᠨ ᠰᠠᠨᠠᠭᠰᠠᠨ ᠢᠨᠵᠠᠭᠠ ᠢᠨᠢᠶᠡᠳᠦ ᠠᠯᠭᠠ | ᠬᠠᠯᠢᠰᠦ ᠴᠠᠭᠠᠨ ᠲᠠᠶᠢᠭᠠ ᠶᠢᠨ ᠬᠦᠨ ᠳᠤ | ᠬᠠᠭᠠᠨ ᠤ ᠬᠡᠦᠬᠡᠨ ᠦᠷᠡ ᠪᠠᠨ ᠡᠷᠢᠵᠦ ᠬᠡᠯᠳᠦᠷᠢᠯᠡᠨᠡᠮ | ᠬᠠᠷᠠᠭᠠᠨ ᠭᠠᠳᠠᠨᠠᠬᠢ ᠬᠠᠩᠭᠠᠢ ᠲᠠᠯᠠ ᠶᠢᠨ ᠡᠬᠢᠨ ᠳᠤ | ᠬᠠᠶᠢᠷᠠ ᠪᠠ ᠬᠤᠷᠤᠰᠤᠯ ᠬᠤᠶᠠᠷ ᠯᠡ ᠵᠢᠭᠤᠷᠠᠯᠳᠣᠵᠤ ᠬᠡᠶᠢᠰᠦᠨᠡᠮ | | ᠲᠠᠯᠠᠢ ᠨᠠᠭᠤᠷ | ᠶᠡᠭᠡ ᠲᠠᠯᠠ ᠦᠷᠦᠴᠡ ᠪᠠᠷ ᠢᠶᠠᠨ ᠠᠭᠤᠵᠢᠷᠠᠵᠤ | ᠶᠡᠬᠡᠰ ᠤᠨ ᠨᠢᠭᠡᠨ ᠦᠶᠡ ᠲᠠᠪᠠᠯᠭᠠ ᠬᠠᠶᠠᠯᠠᠨ ᠮᠡᠯᠮᠡᠯᠵᠡᠭᠡᠳ ᠯᠡ | ᠶᠡᠷᠦ ᠪᠤᠰᠤ ᠪᠠᠷ ᠦᠩᠭᠡᠷᠡᠭᠰᠡᠨ ᠤᠨ ᠴᠠᠭ ᠤᠨ ᠲᠤᠷᠠᠳᠬᠠᠯ | ᠶᠡᠷᠦ ᠳᠡᠭᠡᠨ ᠲᠡᠭᠡᠵᠦ ᠠᠯᠳᠠᠭ ᠤᠨᠤᠭ ᠤᠨ ᠲᠤᠮᠲᠠ ᠡᠷᠬᠢᠯᠳᠦᠭᠡᠳ ᠯᠡ | ᠬᠦᠪᠡᠭᠡ ᠪᠠᠨ ᠲᠦᠯᠬᠢᠬᠦ ᠤᠰᠤᠨ ᠤ ᠤᠷᠠᠨ ᠤᠬᠠᠭᠠᠨ | ᠬᠦᠳᠡᠭᠡ ᠪᠠᠨ ᠴᠢᠮᠡᠬᠦ ᠴᠡᠩᠭᠡᠷ ᠰᠢᠪᠠᠭᠤᠳ ᠤᠨ ᠰᠤᠨᠤᠷ ᠲᠤ | ᠬᠦᠭᠡᠷᠦᠬᠦᠢ ᠶᠠᠭᠤ ᠨᠢᠭᠡ ᠠᠴᠠ ᠰᠢᠪᠡᠨᠡᠵᠦ ᠦᠭᠭᠦ ᠨᠢ ᠰᠢᠭᠤᠷᠬᠠᠢ | ᠬᠦᠯᠦᠭ ᠢᠶᠠᠨ ᠦᠬᠡᠶᠢᠯᠡᠭᠰᠡᠨ ᠲᠠᠯᠠ ᠲᠡᠷᠡ ᠵᠦᠭ ᠲᠤ ᠰᠢᠯᠤᠭᠤᠨ | ᠬᠦᠬᠡ ᠪᠤᠬᠠ ᠶᠢᠨ ᠲᠠᠯᠤ ᠬᠦᠬᠡ ᠮᠦᠩᠬᠦ ᠰᠢᠭ ᠴᠠᠶᠢᠯᠵᠠᠵᠤ | ᠬᠦᠮᠦᠨ ᠵᠤᠨ ᠬᠤᠶᠠᠷ ᠲᠠᠪᠠᠭᠠ ᠪᠠᠨ ᠲᠠᠭᠠᠨ ᠰᠡᠷᠬᠦᠯᠡᠩ ᠪᠠᠶᠢᠯᠠ | ᠬᠦᠴᠦᠷᠬᠡᠭ ᠤᠯᠠᠷᠢᠯ ᠤᠰᠤ ᠪᠠᠨ ᠨᠠᠪᠴᠢ ᠰᠢᠭ᠋ ᠴᠡᠴᠡᠭᠯᠡᠬᠦᠯᠵᠦ | ᠬᠦᠳᠡᠩ ᠵᠡᠷᠭᠡᠯᠬᠡᠨ ᠬᠤᠶᠠᠷ ᠲᠠᠢ ᠪᠠᠨ ᠬᠡᠵᠢᠶᠡᠳᠡ ᠦᠵᠡᠰᠬᠦᠯᠡᠩ ᠪᠠᠶᠢᠯᠠ | ᠪᠠᠳᠠᠷᠠᠬᠤ ᠳᠠᠭᠠᠨ ᠪᠤᠯᠠᠭ ᠤᠳ ᠤᠨ ᠤᠷᠤᠰᠬᠠᠯ ᠬᠢᠵᠠᠭᠠᠷ ᠦᠬᠡᠢ | ᠪᠠᠷᠠᠭᠳᠠᠬᠤ ᠳᠠᠭᠠᠨ ᠲᠠᠯᠠᠢ ᠶᠢᠨ ᠴᠤᠮᠤᠳᠬᠠᠯ ᠬᠡᠯᠡ ᠦᠬᠡᠢ | ᠪᠤᠳᠠ ᠪᠤᠲᠠ ᠴᠡᠴᠡᠭ ᠬᠠᠳᠤᠭᠠᠳ ᠬᠠᠶᠠᠭᠰᠠᠨ ᠬᠢᠯᠠᠭᠠᠨᠠ ᠪᠢᠰᠢ ᠪᠠᠶᠢᠭᠠᠳ | ᠪᠤᠳᠤᠭ ᠰᠠᠭᠤᠯᠭᠠᠵᠤ ᠠᠪᠤᠶᠠ ᠬᠡᠬᠦᠯᠡᠷ ᠪᠤᠳᠤᠯ ᠰᠡᠳᠬᠢᠯ ᠳᠤ ᠦᠩᠬᠡ ᠦᠬᠡᠢ | ᠲᠡᠷᠡ ᠨᠢᠭᠡ ᠬᠠᠳᠠ | ᠦᠴᠦᠭᠡᠳᠦᠷ ᠴᠢ ᠮᠢᠨᠢ | ᠲᠡᠭᠷᠢ ᠶᠢᠨ ᠦᠨᠳᠦᠷ ᠢ ᠪᠠᠰᠤᠭᠰᠠᠨ | ᠲᠦᠷᠢᠯᠡᠭᠡᠷ ᠬᠤᠶᠠᠷ ᠲᠠᠯᠠᠪᠴᠢ ᠪᠠᠶᠢᠪᠠ | | ᠲᠡᠷᠭᠡᠳᠡ ᠴᠢᠨᠢ ᠪᠢ | ᠲᠡᠯᠡᠬᠡᠢ ᠶᠢᠨ ᠲᠡᠨᠢᠭᠡᠷ ᠢ ᠪᠠᠷᠠᠯᠠᠭᠰᠠᠨ | ᠲᠦᠷᠢᠮᠡᠬᠡᠢ ᠨᠢᠭᠡᠨ ᠨᠢᠷᠤᠭᠤᠪᠴᠢ ᠪᠠᠶᠢᠪᠠ | ᠦᠨᠦᠳᠦᠷ ᠴᠢ ᠮᠢᠨᠢ | ᠨᠤᠳᠤᠭ ᠢᠶᠠᠨ ᠲᠡᠷᠡᠯᠡᠭᠡᠳ ᠲᠤᠭᠵᠢᠷᠠᠭᠰᠠᠨ | ᠨᠡᠷᠡ ᠶᠢᠨ ᠲᠡᠳᠦᠢ ᠭᠡᠰᠡᠭ ᠴᠢᠯᠠᠭᠤ ᠪᠠᠶᠢᠪᠠ | ᠦᠪᠦᠷ ᠲᠤ ᠴᠢᠨᠢ ᠪᠢ | ᠦᠯᠢᠭᠡᠷ ᠢ ᠴᠢᠨᠢ ᠦᠬᠡᠶᠢᠯᠡᠭᠡᠳ ᠤᠷᠭᠤᠭᠰᠠᠨ | ᠦᠷᠡ ᠶᠢᠨ ᠲᠡᠳᠦᠢ ᠰᠢᠷᠬᠡᠭ ᠡᠪᠡᠰᠦ ᠪᠠᠶᠢᠪᠠ | | ᠬᠦᠩᠬᠢᠷ ᠤᠨ ᠲᠠᠯᠠ ᠳᠤ | ᠡᠷᠳᠡ ᠤᠷᠢᠳᠤᠬᠢ ᠬᠡᠯᠪᠡᠷᠢ ᠶᠢᠨ | ᠢᠵᠠᠭᠤᠷ ᠨᠢ ᠠᠳᠡ ᠦᠯᠡᠳᠡᠭᠰᠡᠨ ᠪᠤᠯᠪᠠᠤ | ᠠᠳᠡᠬᠦᠦ ᠦᠬᠡᠢ ᠲᠡᠭᠡᠳᠦᠰ ᠤᠨ ᠮᠢᠨᠢ | ᠡᠷᠡᠬᠦᠯ ᠤᠬᠠᠭᠠᠨ ᠨᠢ ᠬᠤᠴᠤᠷᠤᠭᠰᠠᠨ ᠪᠢᠯᠢᠦ | ᠡᠪᠡᠰᠦ ᠶᠢ ᠨᠢ ᠲᠠᠭᠠᠯᠠᠵᠤ ᠰᠡᠪᠡᠯᠵᠡᠬᠦ | ᠡᠩᠭᠡᠷ ᠤᠨ ᠰᠠᠯᠬᠢ ᠨᠢ ᠦᠭᠬᠢᠶᠡᠮᠦᠷ | ᠡᠬᠢ ᠪᠠᠨ ᠲᠠᠭᠠᠭᠠᠳ ᠮᠡᠯᠮᠡᠯᠵᠡᠬᠦ | ᠡᠩᠬᠦᠷᠡᠢ ᠤᠰᠤᠨ ᠦᠶᠡᠷᠬᠡᠭ | ᠤᠶᠠᠬᠠᠨ ᠲᠡᠯᠭᠡᠷᠡᠬᠦ ᠴᠡᠴᠡᠭᠡᠰ ᠢᠶᠠᠷ ᠢᠶᠠᠨ | ᠤᠳᠤᠮ ᠤᠨ ᠮᠢᠨᠢ ᠤᠯᠪᠠᠭᠠ ᠲᠠᠢ ᠢᠵᠢᠯᠰᠢᠵᠦ | ᠤᠪᠤᠯᠵᠠᠨ ᠰᠤᠨᠤᠰᠳᠠᠬᠤ ᠠᠶᠠᠰ ᠲᠠᠭᠠᠨ | ᠤᠳᠤᠭᠠᠨ ᠤ ᠪᠠᠨ ᠦᠨᠦᠷ ᠲᠠᠢ ᠢᠳᠡᠭᠡᠰᠢᠵᠦ | ᠠᠰᠢᠲᠠ ᠶᠢᠨ ᠨᠠᠷᠠᠨ ᠤ ᠦᠪᠦᠷ | ᠠᠪᠤ ᠶᠢᠨ ᠠᠳᠤᠭᠤᠳ ᠢᠶᠠᠷ ᠭᠠᠩᠬᠤᠨᠠ | ᠠᠶᠢᠯ ᠤᠨ ᠮᠢᠨᠢ ᠰᠤᠷᠮᠤᠤᠰᠤᠨ ᠦᠵᠦᠬᠦᠷ | ᠠᠶᠢᠷᠠᠭ ᠤᠨ ᠠᠷᠠᠳ ᠢᠶᠠᠨ ᠭᠠᠩᠬᠤᠯᠤᠨᠠ | ᠪᠠᠷᠰ ᠬᠤᠳᠠ ᠶᠢ ᠬᠠᠷᠠᠭᠠᠳ | ᠶᠠᠭᠤ ᠬᠡᠮᠡᠨ ᠠᠲᠡ ᠢᠷᠡᠭᠰᠡᠨ ᠪᠤᠢ ᠬᠡᠵᠦ | ᠶᠠᠭᠠᠬᠢᠵᠤ ᠪᠢ ᠬᠦᠮᠦᠨ ᠠᠴᠠ ᠠᠰᠠᠭᠤᠨᠠ︖ | ᠶᠠᠭᠤᠨ ᠤ ᠬᠦᠮᠦᠨ ᠶᠤᠮ ᠪᠤᠢ ᠴᠢ ᠭᠡᠵᠦ | ᠶᠠᠮᠠᠷ ᠬᠦᠮᠦᠨ ᠨᠠᠳᠠ ᠠᠴᠠ ᠠᠰᠠᠭᠤᠵᠤ ᠪᠠᠶᠢᠨᠠ ︕ | ᠲᠡᠦᠬᠡ ᠭᠡᠵᠦ ᠠᠰᠠᠭᠤᠯᠲᠠ ᠪᠠᠶᠢᠭᠰᠠᠨ ᠪᠤᠯᠪᠠᠤ︕ | ᠲᠦᠷᠦ ᠭᠡᠳᠡᠭ ᠬᠠᠷᠢᠭᠤᠯᠲᠠ ᠨᠢ ᠪᠠᠶᠢᠭᠰᠠᠨ ᠪᠢᠯᠢᠦ︕ | ᠲᠦᠷᠦ ᠭᠠᠵᠠᠷᠳᠠᠬᠤ ᠠᠴᠠ ᠬᠦᠮᠦᠨ ᠠᠶᠤᠳᠠᠭ ᠦᠬᠡᠢ | ᠲᠡᠦᠬᠡ ᠭᠠᠵᠠᠭᠤᠳᠠᠬᠤ ᠠᠴᠠ ᠲᠡᠭᠷᠢ ᠭᠠᠵᠠᠷ ᠠᠶᠤᠳᠠᠭ | | ᠬᠡᠪᠳᠡᠬᠦᠯ ᠤ ᠬᠤᠶᠢᠨᠠ ᠠᠴᠠ | ᠬᠡᠪᠳᠡᠭᠡ ᠢᠶᠠᠷ ᠵᠤᠭᠰᠤᠨᠠ ᠭᠡᠭᠴᠢ | ᠶᠠᠮᠠᠷ ᠠᠤᠭᠠ ᠶᠡᠭᠡ ᠰᠦᠭ ᠰᠦᠨᠡᠰᠦ ᠪᠠᠶᠢᠭᠰᠠᠨ ᠪᠤᠢ︖ | ᠶᠠᠮᠠᠷ ᠬᠦᠮᠦᠨ ᠤ ᠴᠡᠷᠢᠭ | ᠬᠡᠪᠳᠡᠭᠡ ᠪᠠᠷ ᠵᠤᠭᠰᠤᠳᠠᠭ ᠪᠠᠶᠢᠭᠰᠠᠨ ᠪᠤᠢ︖ | ᠬᠡᠴᠢᠨᠡᠨ ᠠᠭᠤᠤ ᠶᠡᠭᠡ ᠴᠢᠩ ᠵᠤᠷᠢᠭ ᠪᠠᠶᠢᠭᠰᠠᠨ ᠪᠢᠯᠡ︕ | ᠵᠠᠭᠤᠨ ᠲᠦᠮᠡᠨ ᠴᠢᠯᠠᠭᠤᠨ ᠴᠡᠷᠢᠭ | ᠵᠠᠭᠤᠳᠠᠯ ᠲᠡᠭᠡᠷᠡ ᠪᠠᠨ ᠪᠤᠰᠤᠭᠠ ᠪᠠᠷ ᠢᠶᠠᠨ | ᠵᠠᠭᠤᠨ ᠵᠠᠭᠤᠨ ᠢ ᠡᠯᠡᠭᠡᠭᠰᠡᠨ ᠬᠡᠪᠳᠡᠬᠦᠯᠴᠢᠳ | ᠵᠢᠯᠣᠭᠤ ᠪᠠᠨ ᠠᠯᠳᠠᠭᠠ ᠦᠭᠡᠢ ᠵᠤᠭᠰᠤᠭᠠ ᠪᠠᠷ ᠢᠶᠠᠨ | ᠵᠠᠰᠠᠭ ᠤᠨ ᠨᠠᠷᠠᠨ ᠡᠬᠦᠷᠢᠳᠡ ᠲᠡᠨᠳᠡ ᠤᠷᠭᠤᠭᠠ ᠪᠠᠶᠢᠵᠤ ᠪᠢᠯᠡ︕ | ᠬᠤᠩᠬᠢᠷᠠᠳ ᠬᠡᠬᠦ ᠪᠠᠷ | ᠬᠠᠨᠴᠤᠢ ᠲᠤᠲᠤᠷᠠ ᠪᠠᠨ ᠪᠢ | ᠬᠤᠩᠬᠢᠷᠠᠳ ᠤᠨ ᠬᠠᠶ᠋ᠢᠭ ᠶᠢ ᠬᠠᠳᠠᠭᠠᠯᠠᠵᠤ ᠠᠪᠤᠯᠠ | ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠳᠤᠭ ᠲᠠᠭᠠᠨ | ᠬᠠᠳᠤᠨ ᠡᠬᠡ ᠶᠢᠨ ᠬᠤᠳᠤᠭ ᠢ ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠶᠤᠮᠰᠠᠨ | ᠬᠤᠩᠬᠢᠷᠠᠳ᠂ ᠬᠤᠩᠬᠢᠷᠠᠳ᠂ ᠬᠤᠩᠬᠢᠷᠠᠳ | ᠬᠤᠰᠢᠭᠤ ᠴᠢᠭᠤᠯᠭᠠᠨ ᠬᠤᠭᠤᠰᠤᠨ ᠰᠠᠨᠠᠭᠳᠠᠭᠠᠳ ᠯᠠ ᠪᠠᠶᠢᠨᠠ | ᠬᠤᠱᠤᠢ ᠲᠦᠮᠡᠨ ᠠᠶᠢᠯ ᠤᠳ ᠲᠤ | ᠬᠤᠷᠠᠬᠤ ᠮᠤᠩᠭᠤᠯ ᠭᠠᠭᠴᠠᠭᠠᠷ ᠡᠷᠢᠭᠳᠡᠭᠡᠳ ᠯᠡ ᠪᠠᠶᠢᠨᠠ | ᠬᠠᠭᠠᠨ ᠬᠠᠶᠢᠷᠬᠠᠨ ᠬᠦᠪᠡᠬᠦᠳ ᠤᠨ | ᠬᠠᠶᠢᠯᠭᠠᠨ ᠴᠠᠭᠠᠨ ᠨᠢᠳᠤᠳ ᠢᠷᠮᠡᠯᠵᠡᠭᠡᠳ ᠯᠡ ᠪᠠᠶᠢᠨᠠ | ᠬᠤᠷᠠᠭᠠᠨ ᠴᠡᠩᠭᠡᠷ ᠡᠬᠦᠯᠡᠰ ᠤᠨ ᠨᠠᠭᠠᠨᠠ | ᠬᠤᠯᠠᠨ ᠰᠢᠷᠭᠠ ᠠᠳᠤᠭᠤᠳ ᠢᠨᠴᠠᠭᠠᠭᠠᠳ ᠯᠡ ᠪᠠᠶᠢᠨᠠ | | ᠬᠤᠩᠬᠤᠨ ᠤᠯᠠᠭᠠᠨ ᠴᠡᠴᠡᠭᠡᠰ ᠢ ᠨᠢ | ᠬᠤᠷᠮᠤᠢ ᠪᠠᠨ ᠲᠦᠬᠦᠷᠡᠳᠡᠯᠡ ᠲᠡᠬᠦᠵᠦ ᠠᠪᠤᠯᠠ | ᠬᠤᠪᠢᠯᠭᠠᠨ ᠰᠢᠳᠢ ᠰᠠᠭᠤᠭᠰᠠᠨ ᠠᠭᠤᠯᠠᠰ ᠶᠢ ᠨᠢ | ᠬᠤᠰᠢᠭᠤ ᠪᠠᠨ ᠬᠠᠯᠠᠰᠲᠠᠯᠠ ᠲᠠᠭᠤᠯᠠᠵᠤ ᠶᠠᠪᠤᠬᠤ ᠶᠤᠮᠰᠠᠨ | ᠠᠰᠠᠭᠳᠤ | ᠮᠢᠨᠦ ᠪᠢᠰᠢ ᠪᠠᠶᠢᠭᠰᠠᠨ ᠦᠶᠡ ᠳᠡᠭᠡᠨ ᠴᠢ | ᠮᠤᠩᠭᠤᠯ ᠨᠡᠷᠡ ᠲᠠᠢ ᠪᠠᠶᠢᠭᠰᠠᠨ ᠶᠤᠮ ᠪᠤᠯ ᠤᠤ︖ | ᠮᠤᠩᠭᠤᠯ ᠨᠡᠷᠡ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ | ᠮᠢᠨᠦ ᠠᠰᠠᠭᠳᠤ ᠪᠢᠰᠢ ᠴᠣ᠋ ᠪᠤᠯᠳᠠᠭ ᠪᠤᠯᠪᠠᠤ︕ | ᠴᠢ ᠪᠢᠲᠡ ᠬᠤᠶᠠᠭᠤᠯᠠ | ᠴᠢᠩᠬᠢᠰ ᠤᠨ ᠰᠠᠬᠢᠶᠠ ᠶᠢ ᠡᠷᠬᠦᠵᠦ ᠶᠠᠪᠤᠭᠰᠠᠨ ᠪᠤᠯᠪᠠᠴᠤ | ᠬᠡᠨ ᠨᠢᠭᠡᠨ ᠳᠡᠭᠡᠨ ᠤᠰᠤᠯᠳᠠᠭᠰᠠᠨ ᠰᠢᠭ᠋ ᠶᠤᠮ ᠡ | ᠭᠡᠳᠡᠶᠢᠭᠰᠡᠨ ᠭᠠᠵᠠᠷ ᠲᠠᠭᠠᠨ ᠴᠢ ᠰᠢᠯᠵᠢᠭᠡ ᠦᠬᠡᠢ | ᠬᠡᠨᠡᠨ ᠴᠠᠭᠠᠨ ᠤᠨ ᠵᠢᠯ ᠢ ᠤᠭᠳᠤᠨ ᠦᠳᠡᠭᠰᠡᠭᠡᠷ | ᠬᠡᠶᠢᠬᠦ ᠦᠦᠷ ᠲᠠᠢ ᠪᠠᠨ ᠴᠤᠭᠠᠷ ᠮᠦᠨ ᠬᠠᠳᠠ ᠰᠢᠭ᠋ ᠢᠶᠠᠨ | | ᠭᠡᠳᠡᠯᠡ ᠪᠢ ᠡᠩᠬᠡᠷ ᠠᠴᠠ ᠴᠢᠨᠢ ᠡᠮᠵᠢᠭᠯᠡᠵᠦ ᠶᠠᠪᠤᠭᠠᠳ | ᠭᠡᠷ ᠤᠨ ᠢᠰᠡᠬᠡᠢ ᠪᠠᠨ ᠬᠦᠷᠳᠡᠯᠡ ᠤᠷᠬᠢᠬᠤ ᠳᠤ ᠲᠤᠯᠵᠠᠢ | ᠬᠡᠨᠡᠳᠦᠯ ᠶᠤᠮ ᠤᠤ︖ ᠭᠡᠮᠰᠢᠯ ᠶᠤᠮ ᠤᠤ︖ | ᠭᠡᠨᠡᠳᠲᠡ ᠮᠡᠳᠡᠬᠦ ᠳᠤ ᠤᠰᠤᠯᠳᠠᠭᠰᠠᠨ ᠨᠢ ᠪᠢ ᠪᠠᠶᠢᠵᠠᠢ | ᠴᠢᠨᠦ ᠵᠠᠬᠠ ᠳᠤ ᠪᠢᠳᠡ ᠴᠢᠨᠢ | ᠴᠢᠩᠬᠢᠰ ᠤᠨ ᠨᠢᠭᠤᠷ ᠢ ᠭᠡᠭᠡᠭᠰᠡᠨ ᠨᠤᠪᠴᠢ ᠪᠠᠶᠢᠵᠤ ᠤᠤ ᠳ᠋ᠠ︕ | ᠤᠰᠤᠯ ᠭᠡᠳᠡᠭ ᠤᠭᠵᠤᠮ ᠨᠢᠭᠡᠯᠬᠡᠨ ᠴᠠᠭ ᠤᠨ ᠬᠢ | ᠤᠷᠤᠰᠢᠯ ᠬᠡᠭᠴᠢ ᠤᠰᠠᠳᠳᠠᠰᠢ ᠦᠬᠡᠢ ᠡᠬᠦᠷᠢᠲᠡ ᠶᠢᠨ ᠬᠢ | ᠬᠠᠳᠠᠨ ᠤ ᠴᠢᠨᠢ ᠬᠠᠭᠠᠷᠬᠠᠢ ᠶᠢ ᠲᠡᠬᠦᠵᠦ | ᠬᠠᠵᠠᠭᠤ ᠳᠤ ᠴᠢᠨᠢ ᠤᠪᠤᠭᠠ ᠪᠤᠯᠵᠤ ᠨᠡᠶᠢᠯᠡᠵᠦ ᠰᠠᠭᠤᠨᠠᠮ ᠤᠤ︖ | ᠬᠠᠶ᠋ᠢᠭ᠄ 赤峰市残联：毕力格 | （赤峰市新城区亲水湾小区051信箱） | ᠤᠳᠠᠰᠤ᠄ 13947673036 | ᠰᠢᠦᠳᠠᠨ᠄ 024000 | | | |