| ᠶ᠋᠊ ᠂ ᠬᠠᠶᠢᠷᠠ | | ᠨᠠᠷᠠᠨ ᠰᠠᠷᠠᠨ ᠢ ᠰᠠᠭᠠᠳᠠᠭᠤᠯᠤᠭᠰᠠᠨ ᠪᠢᠯᠢᠭ ᠤᠨ ᠵᠤᠯᠠᠢ ᠨᠢ ᠨᠡᠭᠡᠭᠡᠭᠳᠡᠬᠦ ᠳᠤ | ᠨᠡᠭᠦᠳᠡᠯ ᠤᠨ ᠰᠢᠷᠭᠠᠯ ᠲᠤᠭᠤᠰᠤ ᠡᠪᠦᠷ ᠲᠤ ᠨᠢ ᠪᠤᠴᠠᠵᠤ ᠠᠮᠤᠷᠵᠢᠬᠤ | ᠳᠡᠭᠷᠢ ᠭᠠᠵᠡᠷ ᠢ ᠪᠠᠭᠠᠨᠠᠳᠠᠭᠰᠠᠨ ᠪᠤᠰᠤᠭᠠ ᠬᠡᠶᠢᠮᠤᠷᠢ ᠨᠢ ᠳᠦᠷᠡᠯᠵᠡᠬᠦ ᠳᠤ | ᠳᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠡᠯᠢᠭᠡᠨ ᠳᠤ ᠨᠢ ᠡᠩᠬᠡᠵᠢᠵᠤ ᠮᠦᠡᠭᠬᠡᠷᠡᠬᠦ | | | ᠬᠦᠷᠡᠩ ᠠᠭᠤᠯᠠᠰ ᠨᠦᠮᠦᠷᠢᠳᠡᠭᠰᠡᠨ ᠮᠦᠴᠢᠷ ᠰᠠᠯᠠᠭᠠ ᠨᠢ ᠨᠠᠬᠢᠯᠵᠡᠬᠤ ᠳᠤ | ᠦᠨᠳᠤᠷ ᠲᠤ ᠳᠡᠭᠦᠯᠢᠬᠦ ᠪᠦᠷᠭᠦᠳ ᠵᠢᠭᠦᠷ ᠢᠶᠠᠨ ᠬᠤᠮᠢᠭᠠᠳ ᠨᠠᠮᠠᠨᠴᠢᠯᠠᠬᠤ | ᠬᠦᠭᠡ ᠲᠤᠤᠯᠢ ᠬᠠᠶᠢᠯᠠᠭᠰᠠᠨ ᠡᠷᠳᠡᠨᠢ ᠶᠢᠨ ᠨᠠᠪᠴᠢᠰ ᠨᠢ ᠱᠤᠤᠭᠢᠬᠤ ᠳᠤ | ᠦᠨᠳᠦᠷᠯᠢᠭ ᠤᠨ ᠠᠯᠳᠠᠭᠤᠯ ᠰᠠᠯᠬᠢ ᠡᠮᠤᠨᠠ ᠨᠢ ᠢᠷᠡᠭᠡᠳ ᠰᠦᠭᠦᠷᠡᠬᠦ | | | ᠪᠤᠭᠤᠷᠤᠯ ᠬᠠᠨᠭ᠍ᠭᠠᠢ ᠪᠠᠨ ᠦᠬᠦᠬᠡᠷᠳᠡᠭᠰᠡᠨ ᠪᠤᠳᠤᠯ ᠤᠨ ᠰᠡᠭᠦᠷᠡᠰᠤ ᠤᠨᠠᠭᠠᠬᠤ ᠳᠤ | ᠪᠤᠷᠤ ᠰᠠᠭᠠᠷᠠᠯ ᠡᠭᠦᠯᠡᠰ ᠬᠤᠷᠠ ᠪᠤᠯᠤᠨ ᠠᠰᠬᠠᠷᠠᠬᠤ | ᠪᠤᠯᠵᠤᠮᠤᠷ ᠰᠢᠪᠠᠭᠤᠬᠠᠢ ᠵᠢᠷᠭᠢᠭᠰᠡᠨ ᠬᠠᠨᠠᠭᠠᠷ ᠴᠡᠭᠡᠵᠢ ᠪᠠᠨ ᠳᠡᠨᠡᠶᠢᠯᠭᠡᠬᠦ ᠳᠤ | ᠪᠤᠮᠠᠨ ᠳᠠᠭᠤᠤ ᠮᠢᠩᠭᠠᠨ ᠡᠭᠡᠰᠢᠭ ᠨᠠᠮᠠᠭᠠᠨ ᠳᠡᠭᠡᠷᠡ ᠨᠢ ᠡᠷᠬᠡᠯᠡᠬᠦ | | | ᠦᠷ ᠰᠦᠨᠢ ᠶᠢᠨ ᠵᠠᠶᠢᠴᠢᠨ ᠳᠤ ᠠᠯᠤᠰ ᠢ ᠮᠦᠷᠦᠭᠡᠳᠤᠨ ᠤᠶᠡᠷᠡᠬᠤ ᠳᠤ | ᠠᠳᠤᠭᠤᠳ ᠤᠨ ᠤᠨᠠᠭᠠᠨ ᠦᠤᠷᠰᠡᠭᠡ ᠬᠤᠷᠮᠤᠢ ᠳᠤ ᠨᠢ ᠦᠨᠡᠭᠡᠴᠢᠯᠡᠨ ᠲᠤᠭᠵᠢᠷᠠᠬᠤ | ᠦᠯᠡᠮᠵᠢ ᠶᠢᠨ ᠪᠤᠶᠠᠨ ᠬᠤᠷᠤᠶᠢᠯᠠᠭᠰᠠᠨ ᠰᠦᠵᠢᠭ ᠤᠨ ᠯᠠᠪᠠᠷᠢ ᠨᠢ ᠳᠡᠷᠪᠡᠬᠦ ᠳᠤ | ᠦᠡᠭᠭᠡ ᠶᠢᠨ ᠭᠡᠷᠡᠯᠳᠤ ᠴᠡᠴᠡᠭᠡᠰ ᠳᠡᠯᠪᠢ ᠪᠠᠨ ᠵᠠᠳᠠᠯᠤᠭᠠᠳ ᠮᠢᠰᠢᠶᠡᠬᠦ | | | ᠴᠡᠩᠬᠡᠷ ᠮᠠᠨᠠᠨ ᠬᠦᠰᠢᠭᠡᠯᠡᠭᠰᠡ ᠶᠧᠯᠧᠢ ᠶᠢᠨ ᠲᠦᠷᠢ ᠨᠢ ᠲᠤᠳᠤᠷᠠᠬᠤ ᠳᠤ | ᠦᠨᠳᠤᠰᠤ ᠪᠠᠨ ᠬᠠᠳᠬᠤᠭᠰᠠᠨ ᠬᠦᠷᠦᠰᠤ ᠨᠢ ᠰᠦ ᠢᠪᠢᠯᠦᠭᠡᠳ ᠳᠠᠶᠢᠪᠤᠰᠢᠷᠠᠬᠤ | ᠴᠠᠴᠠ ᠤᠬᠠᠭᠠᠨ ᠨᠤᠮᠯᠠᠭᠰᠠᠨ ᠡᠪᠤᠭᠡᠳ ᠤᠨ ᠰᠦᠷ ᠢᠶᠠᠷ ᠰᠦᠨᠳᠡᠷᠯᠡᠬᠦ ᠳᠤ | ᠡᠩᠭᠡᠷ ᠤᠨ ᠪᠤᠷᠤᠭ ᠡᠪᠡᠰᠤ ᠦᠯᠡᠮᠡᠢ ᠳᠤ ᠨᠢ ᠨᠢᠯᠬᠠᠷᠠᠭᠠᠳ ᠵᠢᠷᠭᠠᠬᠤ | | | ᠦᠳᠡᠰᠢ ᠶᠢᠨ ᠲᠦᠮᠡᠨ ᠤᠳᠤ ᠲᠠᠢ ᠦᠭᠡ ᠨᠡᠪᠲᠡᠷᠡᠵᠤ ᠦᠶᠡᠷᠬᠡᠭᠰᠡᠨ | ᠦᠦᠬᠡ ᠲᠡᠤᠬᠡ ᠪᠠᠨ ᠪᠢᠴᠢᠭᠯᠡᠭᠰᠡᠨ ᠴᠢᠩᠭᠢᠰ ᠴᠠᠳᠢᠭ ᠤᠨ ᠦᠴᠢᠯ | ᠭᠡᠭᠡᠨ ᠬᠠᠷᠠᠩᠭᠤᠢ ᠶᠢᠨ ᠤᠷᠴᠢᠯᠠᠩ ᠲᠠᠢ ᠡᠶᠡ ᠪᠠᠷ ᠢᠶᠠᠨ ᠡᠪᠰᠡᠵᠤ ᠭᠠᠨᠭ᠍ᠬᠤᠭᠰᠠ | ᠭᠡᠷᠡᠯᠳᠤ ᠨᠤᠭᠤᠭᠠᠨ ᠢᠶᠠᠷ ᠬᠤᠶᠠᠭᠯᠠᠭᠰᠠ ᠮᠦᠡᠭᠬᠡ ᠶᠢᠨ ᠰᠦᠯᠳᠡ ᠰᠢᠳᠤᠭᠡᠨ | | | ᠬᠦᠵᠢ ᠳᠡᠯᠡᠭᠡᠢ ᠶᠢᠨ ᠷᠢᠳᠢ ᠰᠢᠳᠢ ᠪᠠᠷ ᠮᠢᠩᠭᠠ ᠮᠢᠩᠭᠠᠨ ᠢ ᠲᠤᠭᠤᠯᠠᠭᠰᠠᠨ | ᠬᠦᠪᠴᠢ ᠤᠢ ᠠᠴᠠ ᠲᠠᠰᠤᠷᠠᠭᠰᠠᠨ ᠬᠦᠭᠡ ᠮᠤᠩᠭᠤᠯ ᠤᠨ ᠮᠢᠨᠢ ᠤᠡᠭᠭᠤᠳ | ᠬᠦᠷᠬᠦ ᠮᠠᠷᠭᠠᠰᠢ ᠶᠢᠨ ᠬᠠᠷᠭᠤᠢ ᠳᠤ ᠴᠠᠮᠬᠠᠭ ᠪᠤᠯᠵᠤ ᠭᠡᠷᠡᠯᠳᠦᠭᠰᠡᠨ | ᠬᠦᠮᠦᠨ ᠮᠤᠳᠤᠨ ᠪᠡᠶᠡᠯᠡᠭᠡ ᠲᠠᠢ ᠳᠡᠭᠡᠳᠤᠰ ᠤᠨ ᠮᠢᠨᠢ ᠤᠡᠭᠭᠤᠨ ᠰᠦᠨᠡᠰᠣᠨ | | | ᠨᠠᠮᠤᠭ ᠲᠠᠯᠠ ᠪᠠᠨ ᠪᠦᠪᠠᠶᠢᠯᠠᠵᠤ ᠨᠠᠮᠤᠷ ᠤᠨ ᠰᠢᠭᠦᠳᠡᠷᠢ ᠴᠡᠮᠴᠡᠭᠡᠨᠠᠭᠦᠯᠦᠭᠰᠡᠨ | ᠨᠢᠭᠡᠭᠡᠨ ᠬᠤᠷᠤᠭᠤ ᠭᠠᠵᠡᠷ ᠢᠶᠠᠨ ᠪᠤᠷᠬᠠᠨ ᠠᠴᠠ ᠬᠦᠷᠳᠡᠯᠠ ᠬᠠᠷᠠᠮᠨᠠᠭᠰᠠᠨ | ᠨᠤᠷᠠᠵᠤ ᠪᠤᠯᠤᠰᠢ ᠦᠭᠡᠢ ᠵᠠᠭᠢᠶᠠ ᠨᠦᠭᠦᠵᠤ ᠪᠤᠯᠤᠰᠢ ᠦᠭᠡᠢ ᠰᠠᠬᠢᠶᠠ | ᠨᠤᠳᠤᠭ ᠤᠨ ᠪᠤᠭᠤᠷᠤᠯ ᠱᠠᠩᠰᠢ ᠮᠢᠨᠢ᠂ ᠨᠤᠮᠢᠨ ᠦᠡᠭᠭᠡᠳᠤ ᠠᠮᠢ ᠮᠢᠨᠤ ᠁ | | | |