ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠡᠪᠦᠭᠡ ᠶᠢᠨ ᠦᠪᠡᠷ ᠤᠨ ᠦᠯᠢᠭᠡᠷ ︵ᠬᠤᠶᠠᠷ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/10/22
ᠮᠠᠨ ᠤ ᠨᠤᠳᠤᠭ ᠤᠨ ᠬᠢᠨᠢ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠬᠤ ᠶᠢᠨ ᠡᠬᠢ ᠪᠠᠷ ᠪᠠᠷᠢᠭᠠᠳᠠ ᠪᠠᠶᠢᠭᠤᠯᠤᠭᠳᠠᠵᠤ ᠨᠡᠶᠢᠲᠡ ᠪᠠᠷ ᠮᠠᠯᠵᠢᠵᠤ ᠲᠠᠷᠢᠶᠠᠯᠠᠳᠠᠭ ᠪᠤᠯᠵᠠᠢ᠃ ᠵᠢᠯ ᠪᠦᠷᠢ ᠶᠢᠨ ᠨᠠᠮᠤᠷ ᠤᠯᠤᠰ ᠲᠤ ᠦᠬᠡᠷ ᠬᠤᠨᠢ ᠠᠴᠠ ᠪᠠᠨ ᠬᠤᠳᠠᠯᠳᠣᠵᠤ ᠥᠭᠳᠡᠭ ᠪᠠ ᠦᠳᠦᠷᠮ᠎ᠡ ᠪᠠᠨ ᠠᠪᠴᠤ ᠪᠠᠷᠠᠪᠠᠯ ᠮᠠᠨ ᠤ ᠭᠠᠴᠠᠭ᠎ᠠ ᠠᠴᠠ ᠬᠠᠮᠤᠭ ᠤᠶᠢᠷ᠎ᠠ ᠭᠡᠳᠡᠭ ᠶᠡᠬᠡᠲᠡᠯ᠎ᠡ ᠳᠠᠬᠢ ᠤᠯᠤᠰ ᠤᠨ ᠠᠮᠤ ᠪᠤᠳᠠᠭᠠᠨ ᠤ ᠬᠦᠮᠦᠷᠭᠡ ᠳᠤ ᠦᠬᠡᠷ ᠲᠡᠷᠭᠡ ᠪᠠᠷ ᠬᠦᠷᠭᠡᠵᠦ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃    ᠨᠢᠭᠡ ᠵᠢᠯ ᠤᠨ ᠨᠠᠮᠤᠷ ᠮᠢᠨᠦ ᠡᠪᠦᠭᠡ ᠠᠯᠪᠠᠨ ᠠᠮᠤ ᠬᠦᠷᠭᠡᠵᠦ ᠤᠴᠢᠭᠰᠠᠨ ᠳᠤ ᠬᠦᠮᠦᠷᠭᠡ ᠶᠢᠨ ᠠᠵᠢᠯᠴᠢᠳ ᠨᠢ ᠲᠡᠷᠭᠡᠨ ᠲᠡᠭᠡᠷ᠎ᠡ ᠠᠴᠠ ᠨᠢ ᠪᠤᠳᠠᠭ᠎ᠠ ᠶᠢ ᠨᠢ ᠪᠠᠭᠤᠯᠭᠠᠨ ᠠᠪᠴᠤ ᠪᠦᠳᠦᠭᠦᠨ ᠮᠠᠳᠠᠢ ᠳᠤ ᠤᠭᠤᠲᠠᠯᠠᠵᠤ ᠠᠪᠤᠭᠠᠳ ᠬᠤᠶᠠᠷ ᠬᠦᠮᠦᠨ ᠲᠤᠮᠳᠠ ᠪᠠᠨ ᠳᠠᠮᠨᠠᠨ ᠶᠠᠪᠤᠵᠣ ᠬᠦᠮᠦᠷᠭᠡ ᠳᠤ ᠪᠠᠨ ᠵᠢᠩᠯᠡᠨ ᠤᠷᠤᠭᠤᠯᠵᠤ ᠪᠠᠶᠢᠪᠠ᠃ ᠡᠪᠦᠭᠡ ᠮᠠᠨᠢ ᠦᠵᠡᠭᠰᠡᠭᠡᠷ ᠪᠠᠶᠢᠵᠤ ︽ᠢᠩᠭᠢᠵᠦ ᠵᠦᠭᠡᠷ ᠵᠤᠭᠰᠤᠭᠰᠠᠨ ᠴᠤ ᠵᠤᠭᠰᠣᠨ᠎ᠠ᠂ ᠲᠡᠭᠡᠭᠡᠳ ᠲᠠᠭᠠᠷᠠᠵᠤ ᠵᠤᠭᠰᠣᠨ᠎ᠠ᠂ ᠲᠡᠭᠡᠬᠦ ᠶᠢᠨ ᠤᠷᠤᠨ ᠳᠤ ᠲᠡᠳᠡᠨᠦᠰ ᠲᠤ ᠬᠠᠮᠵᠢᠭᠠᠳ ᠥᠭᠬᠦ ᠳᠤ ᠲᠡᠷᠭᠡ ᠦᠬᠡᠷ ᠢᠶᠠᠨ ᠡᠷᠲᠡ ᠪᠠᠭᠤᠯᠭᠠᠵᠤ ᠠᠮᠠᠷᠠᠵᠤ ᠠᠮᠢᠰᠬᠤᠬᠤ ᠳᠤ ᠮᠠᠨᠢ ᠰᠠᠶᠢᠨ ᠶᠤᠮ︾ ᠭᠡᠵᠦ ᠰᠠᠨᠠᠵᠤ ᠠᠮᠵᠢᠬᠤ ᠳᠤ ᠪᠠᠨ ᠲᠡᠲᠡᠨ ᠤ ᠬᠠᠵᠠᠭᠤ ᠪᠠᠷ ᠭᠠᠭᠴᠠ ᠪᠠᠷ ᠢᠶᠠᠨ ᠨᠢᠭᠡ ᠮᠡᠳᠡᠢ ᠪᠤᠳᠠᠭ᠎ᠠ ᠶᠢ ᠰᠦᠷ ᠭᠡᠲᠡᠯ᠎ᠡ ᠠᠪᠴᠤ ᠡᠭᠦᠷᠦᠭᠡᠳ ᠬᠦᠮᠦᠷᠭᠡ ᠳᠤ ᠨᠢ ᠤᠷᠤᠭᠤᠯᠵᠤ ᠡᠬᠢᠯᠡᠵᠡᠢ᠃    ᠲᠡᠳᠡᠭᠡᠷ ᠠᠵᠢᠯᠴᠢᠳ ᠪᠦᠷ ᠭᠠᠶᠢᠬᠠᠯ ᠪᠤᠯᠣᠭᠰᠠᠨ ᠤ ᠲᠤᠲᠤᠷ᠎ᠠ ᠤᠴᠢᠷ ᠨᠠᠴᠢᠷ ᠲᠤ ᠲᠤᠷᠠᠳᠠᠢ ᠨᠢᠭᠡ ᠨᠢ ︽ᠲᠠ ᠬᠡᠷᠪᠡ ᠬᠤᠶᠠᠷ ᠮᠠᠳᠠᠢ ᠶᠢ ᠡᠭᠦᠷᠴᠦ ᠲᠡᠶᠢᠯᠪᠡᠯ ᠪᠢᠳᠡ ᠴᠢᠮ᠎ᠠ ᠳᠤ ᠬᠤᠶᠠᠷ ᠮᠠᠳᠠᠢ ᠪᠤᠳᠠᠭ᠎ᠠ ᠱᠠᠩᠨᠠᠶ᠎ᠠ︾ ᠭᠡᠳ ᠮᠡᠭ ᠮᠡᠭ ᠱᠤᠬᠤᠷᠬᠠᠨ ᠢᠨᠢᠶᠡᠪᠡ᠃ ᠮᠢᠨᠦ ᠡᠪᠦᠭᠡ ᠬᠦᠯᠢᠭᠡᠯᠵᠡᠵᠦ ᠪᠠᠶᠢᠲᠠᠯ᠎ᠠ ᠤᠯᠠᠨ ᠢᠶᠠᠷ ᠢᠶᠠᠨ ᠲᠠᠭᠤ ᠨᠡᠶᠢᠯᠡᠭᠦᠯᠦᠨ ︽ᠲᠠ ᠦᠨᠡᠨ ᠬᠤᠶᠠᠷ ᠮᠠᠳᠠᠢ ᠡᠭᠦᠷᠴᠦ ᠲᠡᠶᠢᠯᠪᠡᠯ ᠯᠡᠪᠳᠡᠢ ᠬᠤᠶᠠᠷ ᠮᠠᠳᠠᠢ ᠪᠤᠳᠠᠭ᠎ᠠ ᠥᠭᠭᠦᠨ᠎ᠡ︾ ᠭᠡᠳ ᠳᠦᠷᠭᠢᠯᠳᠦᠵᠡᠢ᠃    ᠮᠢᠨᠦ ᠡᠪᠦᠭᠡ ᠤᠷᠢᠳ ᠢᠶᠠᠷ ᠨᠢᠭᠡ ᠮᠠᠳᠡᠢ ᠪᠤᠳᠠᠭ᠎ᠠ ᠶᠢ ᠦᠪᠡᠷᠳᠡᠭᠡᠨ ᠮᠦᠷᠦᠨ ᠲᠡᠭᠡᠷ᠎ᠡ ᠪᠠᠨ ᠠᠪᠴᠤ ᠲᠠᠯᠪᠢᠭᠠᠳ ᠲᠤᠭᠤᠷᠢᠵᠣ ᠵᠤᠭᠰᠤᠭᠰᠠᠨ ᠬᠦᠮᠦᠰ ᠢ ᠲᠡᠭᠡᠷ᠎ᠡ ᠨᠢ ᠨᠢᠭᠡ ᠮᠡᠳᠡᠢ ᠨᠡᠮᠡᠵᠦ ᠲᠠᠯᠪᠢ ᠭᠡᠵᠡᠢ᠃ ᠥᠨᠥᠬᠢ ᠦᠢᠮᠡᠭᠡᠨ ᠳᠤ ᠲᠤᠷᠠᠳᠠᠢ ᠬᠦᠮᠦᠨ ᠨᠦᠭᠦᠭᠡ ᠨᠢᠭᠡ ᠪᠠᠨ ᠳᠠᠭᠤᠳᠠᠨ ᠬᠤᠶᠠᠭᠤᠯᠠ ᠪᠠᠨ ᠨᠢᠭᠡ ᠮᠡᠳᠡᠢ ᠪᠤᠳᠠᠭ᠎ᠠ ᠡᠷᠭᠦᠨ ᠠᠪᠴᠤ ᠡᠪᠦᠭᠡ ᠶᠢᠨ ᠮᠦᠷᠦᠨ ᠲᠡᠭᠡᠷ᠎ᠡ ᠳᠠᠪᠬᠤᠷᠯᠠᠵᠤ ᠲᠠᠯᠪᠢᠭᠰᠠᠨ ᠪᠠᠶᠢᠯ᠎ᠠ᠃ ᠡᠪᠦᠭᠡ ᠵᠡᠭᠦᠨ ᠭᠠᠷ ᠢᠶᠠᠷ ᠢᠶᠠᠨ ᠰᠦᠪᠡᠭᠡ ᠪᠠᠨ ᠲᠤᠯᠵᠤ᠂ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠪᠤᠳᠠᠭ᠎ᠠ ᠪᠠᠨ ᠲᠦᠰᠢᠭᠰᠡᠭᠡᠷ ᠨᠢᠭᠡ ᠯᠡ ᠠᠮᠢᠰᠬᠤᠭᠠᠨ ᠲᠡᠭᠡᠷ᠎ᠡ ᠵᠢᠷᠭᠤᠭᠠᠨ ᠮᠠᠳᠠᠢ ᠪᠤᠳᠠᠭ᠎ᠠ ᠶᠢ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠨᠢ ᠬᠦᠮᠦᠷᠭᠡ ᠳᠤ ᠨᠢ ᠤᠷᠣᠭᠤᠯᠵᠤ ᠥᠭᠪᠡ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠤᠯᠠᠨ ᠬᠦᠮᠦᠰ ᠨᠢᠳᠦ ᠪᠠᠨ ᠢᠲᠡᠭᠡᠵᠦ ᠶᠠᠳᠠᠨ ᠪᠠᠶᠢᠲᠠᠯ᠎ᠠ ᠴᠠᠭᠠᠨ᠎ᠠ ᠠᠴᠠ ᠨᠢᠭᠡ ᠰᠢᠷᠠᠪᠳᠣᠷ ᠴᠢᠷᠠᠢ ᠲᠠᠢ ᠳᠠᠷᠤᠭ᠎ᠠ ᠬᠦᠮᠦᠨ ᠬᠦᠷᠴᠦ ᠢᠷᠡᠭᠡᠳ ︽ᠲᠠᠨᠤᠰ ᠬᠡᠯᠡᠭᠰᠡᠨ ᠦᠭᠡᠨ ᠳᠤ ᠪᠠᠨ ᠰᠠᠭᠤᠵᠤ ᠶᠠᠪᠤ ᠳ᠋ᠡ᠂ ᠦᠭᠡᠢ ᠪᠣᠯ ᠶᠡᠬᠡᠲᠡᠯ᠎ᠡ ᠬᠦᠮᠦᠷᠭᠡ ᠶᠢᠨ ᠨᠢᠭᠤᠷ ᠢ ᠭᠡᠭᠡᠬᠦ ᠶᠤᠮ︾ ᠭᠡᠵᠦ ᠬᠦᠮᠦᠷᠭᠡ ᠶᠢᠨ ᠠᠵᠢᠯᠴᠢᠳ ᠲᠤ ᠪᠠᠨ ᠬᠡᠯᠡᠭᠡᠳ ᠶᠠᠪᠤᠪᠠ᠃ ᠠᠵᠢᠯᠴᠢᠳ ᠨᠢ ᠲᠠᠷᠤᠭ᠎ᠠ ᠶᠢᠨ ᠢᠶᠠᠨ ᠬᠡᠯᠡᠭᠰᠡᠨ ᠦᠭᠡ ᠶᠢ ᠬᠡᠷᠬᠢᠨ ᠠᠷᠭᠠᠴᠠᠬᠤ ᠲᠤᠬᠠᠢ ᠠᠷᠭ᠎ᠠ ᠣᠯᠳᠠᠬᠤ ᠦᠭᠡᠢ ᠬᠠᠷᠢᠯᠴᠠᠨ ᠨᠢᠭᠡᠨ ᠨᠢᠭᠡ ᠪᠠᠨ ᠬᠠᠷᠠᠭᠠᠳ ᠮᠡᠯᠡᠷᠡᠵᠦ ᠪᠠᠶᠢᠲᠠᠯ᠎ᠠ ᠡᠪᠦᠭᠡ ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ ᠲᠡᠷᠭᠡ ᠦᠬᠡᠷ ᠢᠶᠠᠨ ᠠᠪᠴᠤ ᠲᠡᠨᠳᠡ ᠠᠴᠠ ᠦᠭᠡ ᠦᠭᠡᠢ ᠰᠠᠯᠵᠤ ᠶᠠᠪᠤᠵᠠᠢ᠃    ᠡᠪᠦᠭᠡ ᠲᠡᠷᠭᠡ ᠦᠬᠡᠷ ᠢᠶᠠᠨ ᠪᠠᠭᠤᠯᠭᠠᠭᠠᠳ ᠪᠠᠷᠠᠲᠠᠯ᠎ᠠ ᠨᠠᠷᠠ ᠪᠠᠷᠠᠭᠤᠨᠰᠢ ᠵᠢᠷᠭᠠᠵᠤ ᠡᠬᠢᠯᠡᠪᠡ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠤᠯᠤᠰ ᠤᠨ ᠠᠮᠤ ᠪᠤᠳᠠᠭᠠᠨ ᠤ ᠬᠦᠮᠦᠷᠭᠡ ᠶᠢᠨ ᠬᠢᠨ ᠠᠯᠪᠠᠨ ᠠᠮᠤ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠠᠶᠢᠯ ᠭᠠᠴᠠᠭᠠᠨ ᠤ ᠬᠦᠮᠦᠰ ᠲᠤ ᠦᠷᠦᠭᠡ ᠪᠠᠭᠤᠳᠠᠯ ᠲᠤᠬᠢᠷᠠᠭᠤᠯᠵᠤ ᠥᠭᠳᠡᠭ ᠪᠦᠭᠡᠳ ᠲᠡᠷᠭᠡ ᠤᠨᠤᠭ᠎ᠠ ᠳᠤ ᠨᠢ ᠪᠠᠰᠠ ᠬᠦᠷᠢᠶ᠎ᠠ ᠬᠠᠰᠢᠶ᠎ᠠ ᠲᠠᠢ ᠪᠠᠶᠢᠵᠠᠢ᠃ ᠡᠪᠦᠭᠡ ᠮᠠᠨᠢ ᠪᠦᠬᠦᠯᠢ ᠨᠢᠭᠡ ᠡᠳᠦᠷ ᠵᠠᠮᠨᠠᠭᠰᠠᠨ ᠦᠬᠡᠷ ᠤᠳ ᠢᠶᠠᠨ ᠳᠠᠷᠤᠭᠤᠯ ᠬᠤᠳᠳᠤᠭ ᠠᠴᠠ ᠤᠰᠤ ᠲᠠᠲᠠᠨ ᠤᠰᠤᠯᠠᠵᠤ ᠪᠠᠷᠠᠭᠠᠳ ᠡᠪᠡᠰᠦ ᠪᠤᠷᠳᠤᠭ᠎ᠠ ᠶᠢ ᠨᠢ ᠠᠮᠵᠢᠭᠤᠯᠵᠤ ᠠᠲᠠᠯ᠎ᠠ ᠨᠢᠭᠡ ᠦᠨᠳᠦᠷᠬᠡᠨ ᠵᠠᠯᠠᠭᠤ ᠢᠷᠡᠵᠦ ︽ᠳᠠᠷᠤᠭ᠎ᠠ ᠲᠠᠨ ᠢ ᠵᠠᠯᠠᠵᠤ ᠪᠠᠶᠢᠨ᠎ᠠ︾ ᠭᠡᠳ ᠳᠠᠭᠠᠭᠤᠯᠵᠤ ᠤᠴᠢᠪᠠ᠃ ᠤᠳᠣ ᠪᠤᠳᠤᠪᠠᠯ ᠲᠤᠬᠠᠢ ᠶᠢᠨ ᠦᠶᠡᠰ ᠬᠡᠳᠦ᠋ᠢᠪᠡᠷ ᠠᠵᠤ ᠠᠬᠤᠢ ᠶᠠᠳᠠᠭᠤ ᠬᠤᠴᠤᠷᠣᠩᠭᠤᠢ᠂ ᠠᠷᠠᠳ ᠨᠡᠶᠢᠲᠡ ᠶᠢᠨ ᠠᠵᠤ ᠠᠮᠢᠲᠤᠷᠠᠯ ᠬᠦᠴᠢᠷᠳᠡᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠤᠯᠠᠨ ᠨᠡᠶᠢᠲᠡ ᠶᠢᠨ ᠶᠤᠰᠤ ᠲᠥᠷᠢᠮ ᠭᠡᠭᠴᠢ ᠨᠠᠷᠢᠨ ᠲᠤᠲᠤᠷᠬᠠᠢ ᠪᠦᠭᠡᠳ ᠬᠦᠮᠦᠨ ᠠᠷᠠᠳ ᠤᠨ ᠰᠠᠨᠠᠭ᠎ᠠ ᠰᠡᠳᠬᠢᠯ ᠭᠡᠳ ᠠᠰᠪᠤᠷ ᠴᠠᠶᠢᠯᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠭᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ ᠶᠤᠮ᠃    ᠥᠨᠥᠬᠢ ᠵᠠᠯᠠᠭᠤ ᠡᠪᠦᠭᠡ ᠶᠢ ᠳᠠᠭᠠᠭᠤᠯᠤᠨ ᠬᠦᠮᠦᠷᠭᠡ ᠶᠢᠨ ᠨᠡᠶᠢᠲᠡ ᠶᠢᠨ ᠬᠤᠭᠤᠯᠠᠨ ᠭᠡᠷ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠶᠢᠨ ᠨᠢᠭᠡ ᠵᠢᠵᠢᠭ ᠲᠠᠰᠣᠯᠭ᠎ᠠ ᠳᠤ ᠤᠷᠤᠵᠤ ᠤᠴᠢᠬᠤ ᠳᠤ ᠥᠨᠥᠬᠢ ︽ᠲᠠᠨᠤᠰ ᠬᠡᠯᠡᠭᠰᠡᠨ ᠦᠭᠡᠨ ᠳᠤ ᠪᠠᠨ ᠰᠠᠭᠤᠵᠤ ᠶᠠᠪᠤ ᠳ᠋ᠡ᠂ ᠦᠭᠡᠢ ᠪᠣᠯ ᠶᠡᠬᠡᠲᠡᠯ᠎ᠡ ᠬᠦᠮᠦᠷᠭᠡ ᠶᠢᠨ ᠨᠢᠭᠤᠷ ᠢ ᠭᠡᠭᠡᠬᠦ ᠶᠤᠮ︾ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠰᠢᠷ᠎ᠠ ᠳᠠᠷᠤᠭ᠎ᠠ ᠤᠷᠢᠳ ᠢᠶᠠᠷ ᠢᠷᠡᠴᠢᠭᠡᠭᠡᠳ ᠰᠠᠭᠤᠵᠣ ᠪᠠᠶᠢᠯ᠎ᠠ᠃ ᠰᠢᠷ᠎ᠠ ᠳᠠᠷᠤᠭ᠎ᠠ ᠡᠪᠦᠭᠡ ᠶᠢ ᠬᠠᠵᠠᠭᠤ ᠳᠤ ᠪᠠᠨ ᠠᠪᠤᠨ ᠰᠠᠭᠤᠯᠭᠠᠵᠤ ᠵᠠᠯᠠᠭᠤ ᠶᠢ ᠡᠰᠡᠷᠭᠦ ᠲᠠᠯ᠎ᠠ ᠳᠤ ᠪᠠᠨ ᠰᠠᠭᠤ ᠭᠡᠵᠦ ᠭᠠᠷ ᠲᠣᠬᠢᠵᠠᠢ᠃ ᠵᠠᠯᠠᠭᠤ ᠰᠠᠭᠤᠭᠰᠠᠨ ᠦᠭᠡᠢ ᠪᠡᠶ᠎ᠡ ᠡᠷᠭᠢᠨ ᠲᠡᠮᠦᠷ ᠵᠤᠤᠬᠠᠨ ᠲᠡᠭᠡᠷᠡᠬᠢ ᠬᠠᠷ᠎ᠠ ᠯᠠᠵᠠᠨ ᠳᠡᠪᠦᠷ᠎ᠡ ᠶᠢ ᠠᠪᠴᠤ ᠰᠢᠷ᠎ᠠ ᠳᠠᠷᠤᠭ᠎ᠠ ᠶᠢᠨ ᠬᠠᠷ᠎ᠠ ᠴᠠᠢ ᠪᠦᠷᠢᠭᠡᠳ ᠪᠠᠶᠢᠭᠰᠠᠨ ᠴᠣᠮᠣ ᠳᠤ ᠤᠰᠤ ᠨᠡᠮᠡᠨ ᠥᠭᠴᠦ ᠲᠠᠬᠢᠨ ᠡᠪᠦᠭᠡ ᠳᠤ ᠰᠢᠨ᠎ᠡ ᠴᠠᠢ ᠪᠦᠷᠢᠵᠦ ᠥᠭᠭᠦᠭᠡᠳ ᠭᠠᠷᠴᠤ ᠶᠠᠪᠤᠪᠠ᠃    ᠰᠢᠷ᠎ᠠ ᠳᠠᠷᠤᠭ᠎ᠠ ᠠᠮᠠ ᠨᠡᠬᠡᠭᠡᠵᠦ ︽ᠡᠪᠦᠭᠡᠨ ᠠᠬ᠎ᠠ ᠶᠢ ᠦᠨᠡᠬᠡᠷ ᠪᠢᠰᠢᠷᠡᠯ᠎ᠡ᠃ ᠶᠤᠰᠤᠳᠠᠢ ᠡᠷ᠎ᠡ ᠬᠦᠮᠦᠨ ᠤ ᠰᠦᠷ ᠭᠡᠷᠡᠯ ᠴᠢᠳᠠᠯ ᠳᠤᠷᠪᠢ ᠶᠢ ᠲᠡᠭᠰᠢ ᠰᠠᠶᠢᠬᠠᠨ ᠠᠪᠴᠤ ᠲᠦᠷᠦᠭᠰᠡᠨ ᠬᠦᠮᠦᠨ ᠪᠠᠶᠢᠨ᠎ᠠ ᠳ᠋ᠡ︾ ᠭᠡᠭᠰᠡᠭᠡᠷ ᠪᠡᠶ᠎ᠡ ᠦᠨᠳᠡᠶᠢᠨ ᠪᠤᠰᠴᠤ ᠰᠠᠶ᠋ᠢᠬᠠᠨ ᠬᠤᠶᠠᠷ ᠠᠮᠠ ᠤᠭᠤᠴᠢᠭᠰᠠᠨ ᠴᠤᠮᠤ ᠲᠠᠢ ᠴᠠᠢ ᠲᠡᠭᠡᠷ᠎ᠡ ᠨᠢ ᠬᠠᠯᠠᠭᠤᠨ ᠤᠰᠤ ᠨᠡᠮᠡᠵᠦ ᠥᠭᠪᠡ᠃ ᠡᠪᠦᠭᠡ ︽ᠶᠠᠭᠤ ᠯᠡ ᠪᠠᠶᠢᠬᠤ ᠳ᠋ᠡ᠂ ᠮᠠᠨ ᠤ ᠬᠦᠳᠡᠭᠡ ᠶᠢᠨ ᠤᠯᠤᠰ ᠭᠡᠵᠦ ᠲᠠᠷᠢᠶ᠎ᠠ ᠪᠠᠨ ᠲᠠᠷᠢᠵᠤ ᠮᠠᠯ ᠢᠶᠠᠨ ᠮᠠᠯᠵᠢᠵᠤ ᠶᠠᠪᠤᠭᠰᠠᠨ ᠡᠭᠡᠯ ᠵᠢᠷ ᠤᠨ ᠬᠦᠮᠦᠰ ᠰᠢᠦ ᠳ᠋ᠡ᠂ ᠪᠣᠯᠳᠠᠭ ᠪᠣᠯ ᠬᠡᠵᠢᠶ᠎ᠡ ᠬᠠᠮᠢᠭ᠎ᠠ ᠭᠡᠰᠡᠨ ᠦᠭᠡᠢ ᠬᠡᠨ ᠨᠢᠭᠡᠨ ᠳᠤ ᠪᠠᠨ ᠲᠤᠰᠠ ᠳᠡᠮ ᠪᠣᠯᠤᠭᠠᠳ ᠥᠭᠳᠡᠭ ᠯᠡ ᠶᠤᠮ︾ ᠭᠡᠵᠦ ᠡᠷᠡᠭᠡ ᠵᠢᠷᠤᠭ᠎ᠠ ᠲᠠᠢ ᠬᠡᠳᠦᠨ ᠦᠭᠡ ᠪᠠᠨ ᠡ᠊ᠨᠳᠡ ᠲᠡᠨᠳᠡ ᠠᠴᠠ ᠲᠡᠭᠦᠵᠦ ᠲᠤᠭᠰᠢᠨ ᠬᠡᠯᠡᠵᠦ ᠪᠠᠷᠠᠲᠠᠯ᠎ᠠ ᠰᠢᠷ᠎ᠠ ᠳᠠᠷᠤᠭ᠎ᠠ ᠪᠠᠰᠠ ᠦᠭᠡ ᠵᠠᠯᠭᠠᠵᠠᠢ᠃    ᠡᠪᠦᠭᠡᠨ ᠠᠬ᠎ᠠ ᠭᠡᠵᠦ ᠦᠨᠡᠬᠡᠷ ᠬᠤᠪᠤᠷᠬᠠᠨ ᠬᠠᠷᠭᠤᠳᠠᠭ ᠠᠪᠤᠷᠭᠤ ᠬᠦᠮᠦᠨ ᠪᠠᠶᠢᠨ᠎ᠠ᠃ ᠲᠡᠭᠡᠭᠡᠳ ᠦᠷᠦᠭᠡᠯ ᠪᠤᠰᠣᠳ ᠲᠤ ᠬᠤᠶᠢᠰᠢ ᠦᠭᠡᠢ ᠦᠨᠡᠨᠴᠢ ᠴᠠᠶᠢᠯᠭᠠᠨ ᠵᠠᠩ ᠲᠠᠢ ᠮᠠᠨ ᠤ ᠮᠣᠩᠭᠤᠯ ᠬᠦᠮᠦᠨ ᠤ ᠨᠢᠭᠡ ᠪᠤᠢ᠃ ᠪᠤᠰᠤᠳ ᠠᠶᠢᠯ ᠭᠠᠴᠠᠭᠠᠨ ᠤ ᠬᠢᠨ ᠠᠯᠪᠠᠨ ᠠᠮᠤ ᠬᠦᠷᠭᠡᠵᠦ ᠢᠷᠡᠳᠡᠭ ᠤᠯᠠᠨ ᠤᠯᠠᠨ ᠬᠦᠮᠦᠰ ᠤᠨ ᠲᠤᠲᠤᠷ᠎ᠠ ᠴᠢᠮ᠎ᠠ ᠰᠢᠬ ᠡᠶᠢᠮᠦᠷᠬᠦᠦ ᠮᠠᠨ ᠤ ᠠᠵᠢᠯᠴᠢᠳ ᠲᠤ ᠬᠠᠪᠰᠣᠷᠤᠭ᠎ᠠ ᠪᠤᠯᠣᠭᠰᠠᠨ ᠬᠦᠮᠦᠨ ᠢ ᠶᠡᠷᠦ ᠤᠯᠵᠣ ᠦᠵᠡᠭᠡ ᠦᠭᠡᠢ ᠶᠤᠮ᠃ ᠥᠨᠥᠳᠦᠷ ᠡᠪᠦᠭᠡᠨ ᠠᠬ᠎ᠠ ᠲᠠᠢ ᠲᠠᠨᠢᠯᠴᠠᠬᠤ ᠶᠢᠨ ᠬᠠᠮᠳᠣ ᠶᠠᠳᠠᠷᠠᠭ᠎ᠠ ᠶᠢ ᠴᠢᠨᠢ ᠲᠠᠶᠢᠯᠵᠤ ᠬᠤᠶᠠᠷ ᠬᠤᠨᠳᠠᠭ᠎ᠠ ᠤᠤᠭᠤᠬᠤ ᠶᠢ ᠪᠤᠳᠤᠭᠰᠠᠨ ᠭᠡᠵᠦ ᠬᠡᠯᠡᠵᠦ ᠵᠠᠪᠲᠣᠲᠠᠯ᠎ᠠ ᠥᠨᠥᠬᠢ ᠵᠠᠯᠠᠭᠤ ᠨᠢᠭᠡ ᠪᠦᠳᠦᠭᠦᠨ ᠠᠶᠠᠭ᠎ᠠ ᠬᠤᠨᠢᠨ ᠮᠢᠬ᠎ᠠ ᠲᠠᠢ ᠬᠠᠯᠠᠭᠤᠨ ᠱᠦᠯᠥ ᠠᠪᠴᠤ ᠤᠷᠤᠵᠤ ᠢᠷᠡᠭᠰᠡᠨ ᠪᠠ ᠬᠤᠶᠠᠷ ᠪᠦᠰᠡᠭᠦᠢ ᠨᠢᠭᠡ ᠨᠢ ᠬᠤᠶᠠᠷ ᠫᠢᠯᠡ ᠬᠠᠭᠤᠷᠤᠯᠭ᠎ᠠ ᠪᠠᠷᠢᠵᠤ ᠨᠦᠭᠦᠭᠡ ᠨᠢ ᠠᠯᠠᠭ ᠰᠣᠳᠠᠰᠣ ᠲᠠᠢ ᠱᠠᠭᠠᠵᠠᠩ ᠬᠤᠪᠢᠩ ᠳᠤ ᠬᠠᠯᠠᠭᠤᠯᠤᠭᠰᠠᠨ ᠬᠠᠷ᠎ᠠ ᠠᠷᠢᠬᠢ ᠪᠠᠷᠢᠵᠤ ᠢᠷᠡᠭᠡᠳ ᠰᠢᠷ᠎ᠠ ᠳᠠᠷᠤᠭ᠎ᠠ ᠪᠣᠯᠤᠨ ᠡᠪᠦᠭᠡ ᠶᠢᠨ ᠡᠮᠦᠨ᠎ᠡ ᠬᠤᠨᠳᠠᠭᠠᠯᠠᠨ ᠲᠡᠯᠪᠢᠪᠡ᠃ ᠵᠠᠯᠠᠭᠤ ᠨᠢ ᠠᠷᠢᠬᠢ ᠤᠤᠭᠤᠵᠤ ᠰᠣᠷᠣᠭᠠᠳᠣᠢ ᠪᠠᠶᠢᠭᠰᠠᠭᠠᠷ ᠭᠡᠳ ᠤᠤᠭᠤᠭᠰᠠᠨ ᠦᠭᠡᠢ ᠤᠰᠤ ᠴᠠᠢ ᠨᠡᠮᠡᠵᠦ ᠰᠠᠭᠤᠵᠠᠢ᠃    ᠠᠷᠢᠬᠢ ᠡᠷᠭᠢᠵᠦ ᠡᠬᠢᠯᠡᠬᠦ ᠪᠠᠷ ᠯᠡ ᠰᠢᠷᠡᠭᠡ ᠬᠦᠭᠵᠢᠶᠡᠨ ᠲᠠᠢ ᠪᠣᠯᠵᠤ ᠭᠠᠷᠤᠨ᠎ᠠ᠃ ᠡᠪᠦᠭᠡ ᠮᠠᠨᠢ ᠵᠠᠯᠠᠭᠤ ᠳᠤ ᠪᠠᠨ ᠠᠷᠢᠬᠢ ᠶᠡᠭᠡ ᠤᠤᠭᠤᠳᠠᠭ ᠪᠦᠭᠡᠳ ᠰᠠᠶᠢᠨ ᠤᠤᠭᠤᠳᠠᠭ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠨᠢᠭᠡ ᠤᠳᠠᠭᠠᠨ ᠤ ᠶᠠᠪᠤᠳᠠᠯ ᠠᠴᠠ ᠪᠣᠯᠵᠤ ᠨᠢᠭᠡ ᠨᠠᠰᠣᠨ ᠳᠤ ᠪᠠᠨ ᠠᠷᠢᠬᠢᠨ ᠳᠤ ᠤᠷᠤᠭᠤᠯ ᠬᠦᠷᠭᠡᠯ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠪᠢᠯᠡ᠃ ᠡᠪᠦᠭᠡ ᠶᠢ ᠪᠠᠭ᠎ᠠ ᠪᠠᠶᠢᠬᠤ ᠳᠤ ᠨᠢ ᠡᠴᠢᠭᠡ ᠨᠢ ︽ᠤᠯᠠᠭᠠᠨ ᠮᠠᠯᠠᠭᠠᠶᠢᠲᠠᠨ ᠤ ᠦᠢᠮᠡᠭᠡᠨ︾᠎ ᠠᠴᠠ ᠵᠠᠶᠢᠯᠠᠨ ᠠᠶᠢᠯ ᠭᠡᠷ ᠢᠶᠠᠨ ᠠᠪᠴᠤ ᠣᠳᠣ ᠶᠢᠨ ᠡᠨᠡ ᠨᠤᠲᠤᠭ ᠲᠤ ᠤᠷᠤᠩᠨᠠᠵᠤ ᠢᠷᠡᠭᠰᠡᠨ ᠪᠤᠯᠪᠠᠴᠤ ᠪᠠᠶᠠᠨ ᠴᠠᠳᠬᠤᠯᠠᠩ ᠤᠰᠤ ᠨᠤᠲᠤᠭ ᠠᠵᠤ ᠠᠮᠢᠲᠤᠷᠠᠯ ᠢᠶᠠᠨ ᠠᠯᠳᠠᠭᠠᠳ ᠡᠳᠦᠷᠵᠢᠨ ᠰᠦᠨᠢᠵᠢᠨ ᠰᠠᠨᠠᠭ᠎ᠠ ᠰᠢᠨᠡᠯᠵᠦ ᠰᠠᠳᠬᠢᠯ ᠢᠶᠠᠷ ᠢᠶᠠᠨ ᠤᠨᠠᠳᠠᠭ ᠪᠣᠯᠵᠤ ᠠᠷᠢᠬᠢᠨ ᠳᠤ ᠶᠡᠭᠡ ᠤᠷᠤᠭᠰᠠᠨ ᠪᠠ ᠵᠠᠩ ᠠᠭᠠᠰᠢ ᠨᠢ ᠴᠤ ᠡᠲᠡᠭᠡᠳ ᠲᠤᠭᠰᠢᠨ ᠪᠤᠯᠵᠠᠢ᠃ ᠵᠠᠷᠢᠮ ᠦᠶᠡᠰ ᠠᠷᠢᠬᠢ ᠪᠠᠨ ᠪᠠᠭ᠎ᠠ ᠬᠡᠳᠦᠷᠡᠪᠡᠯ ᠰᠡᠳᠬᠢᠯ ᠤᠨ ᠪᠤᠬᠢᠨᠢᠳᠦᠯ ᠢᠶᠠᠨ ᠬᠠᠰᠢᠵᠤ ᠲᠡᠶᠢᠯᠬᠦ ᠦᠭᠡᠢ ᠴᠢᠨᠠᠭᠰᠢᠲᠠ ᠬᠠᠷᠢᠨ ᠶᠠᠮᠠᠷ ᠴᠤ ᠰᠢᠯᠲᠠᠭ ᠪᠢᠰᠢ ᠶᠠᠭᠤᠮ᠎ᠠ ᠶᠢ ᠰᠢᠯᠲᠠᠭ ᠪᠤᠯᠭᠠᠨ ᠡᠪᠦᠭᠡ ᠡᠮᠡᠭᠡ ᠬᠤᠶᠠᠭᠤᠯᠠ ᠶᠢ ᠶᠠᠯᠠᠳᠠᠨ ᠵᠤᠪᠠᠭᠠᠳᠠᠭ᠃    ᠨᠢᠭᠡ ᠡᠳᠦᠷ ᠤᠨ ᠦᠳᠡᠰᠢ ᠠᠷᠢᠬᠢ ᠪᠠᠨ ᠪᠠᠰᠠ ᠪᠠᠭ᠎ᠠ ᠬᠡᠳᠦᠷᠡᠭᠰᠡᠨ ᠬᠤᠶᠢᠨ᠎ᠠ ᠡᠪᠦᠭᠡ ᠡᠮᠡᠭᠡ ᠬᠤᠶᠠᠷ ᠤᠨ ᠲᠤᠯᠤᠭᠠᠢ ᠲᠡᠭᠡᠷ᠎ᠡ ᠲᠦᠭᠦᠷᠡᠩ ᠤᠰᠤ ᠲᠠᠢ ᠪᠦᠳᠦᠭᠦᠨ ᠠᠶᠠᠭ᠎ᠠ ᠲᠠᠯᠪᠢᠵᠤ ᠰᠢᠷᠡᠭᠡᠨ ᠡᠮᠦᠨ᠎ᠡ ᠪᠠᠨ ᠰᠦᠭᠦᠳᠭᠡᠭᠡᠳ ᠦᠪᠡᠷᠳᠡᠭᠡᠨ ᠠᠷᠢᠬᠢ ᠪᠠᠨ ᠰᠢᠮᠠᠵᠦ ᠰᠠᠭᠤᠪᠠ᠃ ᠭᠡᠨᠡᠳᠲᠡ ᠡᠪᠦᠭᠡ ᠶᠢ ᠳᠠᠭᠤᠳᠠᠵᠣ ᠪᠤᠰᠠᠬᠠᠭᠠᠳ ᠬᠠᠨᠢ ᠪᠣᠯᠵᠤ ᠠᠷᠢᠬᠢ ᠤᠤᠭᠤ ᠭᠡᠵᠦ ᠵᠠᠩᠨᠠᠵᠠᠢ᠃ ᠡᠪᠦᠭᠡ ᠤᠤᠭᠤᠬᠤ ᠦᠭᠡᠢ ᠪᠣᠯᠬᠤᠷ ᠮᠣᠷᠢᠨ ᠲᠠᠰᠢᠭᠤᠷ ᠠᠪᠴᠢᠷᠠᠨ ᠭᠤᠶᠠᠳᠠᠵᠤ ᠡᠬᠢᠯᠡᠪᠡ᠃ ᠭᠤᠶᠠᠳᠠᠵᠤ ᠮᠤᠬᠤᠭᠰᠠᠨ ᠬᠤᠶᠢᠨ᠎ᠠ ︽ᠪᠢ ᠭᠠᠷ ᠢᠶᠠᠨ ᠬᠦᠰᠢᠲᠡᠯ᠎ᠡ ᠭᠤᠶᠠᠳᠠᠵᠤ ᠪᠠᠶᠢᠲᠠᠯ᠎ᠠ ᠴᠢ ᠬᠠᠷᠢᠨ ᠨᠢᠭᠡ ᠦᠭᠡ ᠴᠤ ᠬᠠᠷᠢᠭᠤ ᠪᠣᠯᠬᠤ ᠦᠭᠡᠢ ᠨᠠᠳᠠ ᠲᠠᠢ ᠦᠰᠢᠬᠦ ᠳᠤ ᠪᠠᠨ︾ ᠭᠡᠳ ᠲᠠᠭᠤ ᠲᠠᠯᠪᠢᠵᠤ ᠤᠬᠢᠯᠠᠭᠰᠠᠨ ᠭᠡᠨ᠎ᠡ᠃ ᠲᠡᠭᠡᠭᠡᠳ ᠡᠪᠦᠭᠡ ᠭᠦᠶᠦᠵᠦ ᠪᠤᠰᠤᠭᠠᠳ ᠠᠷᠤ ᠳᠤ ᠨᠢ ᠪᠠᠶᠢᠭᠰᠠᠨ ᠲᠠᠪᠤᠨ ᠵᠢᠩ ᠤᠨ ᠲᠠᠭᠠᠷᠴᠤᠭ ᠲᠠᠢ ᠬᠠᠷ᠎ᠠ ᠠᠷᠢᠬᠢ ᠶᠢ ᠨᠢ ᠨᠢᠭᠡ ᠯᠡ ᠬᠦᠨᠳᠦᠷᠴᠦ ᠤᠷᠭᠢᠭᠠᠳ ᠬᠤᠶᠠᠷ ᠡᠳᠦᠷ ᠭᠤᠷᠪᠠᠨ ᠰᠦᠨᠢ ᠬᠤᠷᠬᠢᠷᠠᠨ ᠤᠨᠳᠠᠵᠠᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠡᠪᠦᠭᠡ ᠮᠠᠨᠢ ︽ᠡᠨᠡ ᠪᠡᠶ᠎ᠡ ᠳᠤ ᠪᠠᠨ ᠲᠠᠬᠢᠵᠤ ᠠᠷᠢᠬᠢ ᠤᠤᠭᠤᠬᠤ ᠦᠬᠡᠢ︾ ᠭᠡᠵᠦ ᠠᠮᠠᠨ ᠳᠠᠩᠭᠠᠷᠢᠭ ᠬᠢᠭᠡᠳ ᠥᠨᠡᠬᠡᠷ ᠦᠬᠦᠨ ᠦᠬᠦᠲᠡᠯ᠎ᠡ ᠶᠡᠷᠦ ᠨᠢᠭᠡ ᠬᠤᠨᠳᠠᠭ᠎ᠠ ᠴᠤ ᠠᠷᠢᠬᠢ ᠤᠤᠭᠤᠭᠰᠠᠨ ᠦᠭᠡᠢ ᠪᠢᠯᠡ᠃    ᠰᠤᠨᠢᠷᠬᠠᠯᠳᠠᠢ ᠨᠢ ᠭᠡᠪᠡᠯ ᠡᠪᠦᠭᠡ ᠮᠢᠨᠢ ᠰᠢᠷ᠎ᠠ ᠳᠠᠷᠤᠭ᠎ᠠ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷ᠎ᠡ ᠨᠢᠭᠡ ᠬᠤᠪᠢᠩ ᠤᠤᠭᠤᠵᠠᠢ᠃ ᠰᠢᠷ᠎ᠠ ᠳᠠᠷᠤᠭ᠎ᠠ ᠪᠠᠰᠠ ᠨᠢᠭᠡ ᠬᠤᠪᠢᠩ ᠤᠤᠭᠤᠭᠠᠳ ᠴᠠᠭᠠᠰᠢ ᠤᠤᠭᠤᠬᠤ ᠠᠷᠢᠬᠢ ᠦᠭᠡᠢ ᠪᠤᠯᠵᠠᠢ᠃ ᠶᠠᠭᠤ ᠭᠡᠪᠡᠯ ᠲᠤᠬᠠᠢ ᠶᠢᠨ ᠦᠶᠡᠰ ᠠᠮᠤ ᠲᠠᠷᠢᠶ᠎ᠠ ᠬᠤᠷᠢᠶᠠᠯᠳᠠ ᠲᠤᠤᠷ᠎ᠠ᠂ ᠠᠷᠢᠬᠢ ᠳᠠᠷᠠᠰᠦ ᠨᠡᠷᠡᠵᠦ ᠬᠤᠳᠠᠯᠳᠣᠬᠤ ᠨᠢ ᠴᠦᠬᠡᠨ ᠪᠠᠶᠢᠪᠠ᠃ ᠲᠡᠶᠢᠮᠦ ᠠᠴᠠ ᠬᠡᠮᠵᠢᠶ᠎ᠡ ᠲᠠᠢ ᠠᠷᠢᠬᠢ ᠪᠠᠨ ᠤᠤᠭᠤᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠰᠢᠷ᠎ᠠ ᠳᠠᠷᠤᠭ᠎ᠠ ᠪᠤᠯᠣᠨ ᠵᠠᠯᠠᠭᠤ ᠬᠤᠶᠠᠭᠤᠯᠠ ᠨᠢᠭᠡ ᠬᠦᠮᠦᠨ ᠬᠤᠶᠠᠷ ᠮᠠᠨᠲᠠᠦ ᠶᠢ ᠦᠯᠡᠳᠡᠭᠰᠡᠨ ᠵᠠᠭᠤᠰᠢ ᠪᠠ ᠱᠦᠯᠦᠨ ᠳᠤ ᠲᠦᠷᠦᠵᠦ ᠢᠳᠡᠭᠰᠡᠨ ᠪᠠ ᠡᠪᠦᠭᠡ ᠭᠤᠷᠪᠠ ᠶᠢ ᠢᠳᠡᠵᠡᠢ᠃ ᠰᠢᠷᠡᠭᠡᠨ ᠠᠴᠠ ᠰᠠᠯᠬᠤ ᠦᠶᠡᠰ ᠨᠢᠭᠡ ᠡᠮᠡᠭᠳᠡᠢ ᠲᠣᠭᠤᠭᠠᠴᠢ ᠴᠠᠭᠠᠨ ᠪᠥᠰ ᠪᠤᠭᠤᠳᠠᠯ ᠲᠠᠢ ᠶᠠᠭᠤᠮ᠎ᠠ ᠠᠪᠴᠤ ᠢᠷᠡᠭᠡᠳ ᠰᠢᠷ᠎ᠠ ᠳᠠᠷᠤᠭ᠎ᠠ ᠳᠤ ᠠᠳᠬᠤᠭᠤᠯᠪᠠ᠃ ᠰᠢᠷ᠎ᠠ ᠳᠠᠷᠤᠭ᠎ᠠ ᠲᠤᠰᠴᠣ ᠠᠪᠤᠭᠠᠳ ︽ᠵᠠ᠂ ᠡᠪᠦᠭᠡᠨ ᠠᠬ᠎ᠠ ᠳᠤ ᠪᠠᠨ ᠥᠭᠡᠷ᠎ᠡ ᠪᠡᠯᠡᠭ ᠪᠣᠯᠭᠠᠮᠠᠷ ᠤᠯᠢᠭᠳᠠᠢ ᠶᠠᠭᠤᠮ᠎ᠠ ᠪᠠᠶᠢᠭ᠎ᠠ ᠦᠭᠡᠢ᠂ ᠡᠭᠦᠨ ᠢ ᠵᠠᠮ ᠤᠨ ᠬᠦᠨᠡᠰᠦ ᠪᠤᠯᠭᠠᠭᠠᠷᠠᠢ︾ ᠭᠡᠳ ᠪᠡᠯᠡᠭᠯᠡᠭᠰᠡᠨ ᠪᠠᠶᠢᠪᠠ᠃    ᠡᠪᠦᠭᠡ ᠮᠠᠷᠭᠠᠰᠢ ᠨᠢ ᠲᠡᠷᠭᠡ ᠪᠠᠨ ᠪᠠᠷᠢᠵᠤ ᠪᠤᠴᠠᠬᠤ ᠵᠠᠮ ᠳᠤ ᠪᠠᠨ ᠰᠢᠷ᠎ᠠ ᠳᠠᠷᠤᠭ᠎ᠠ ᠶᠢᠨ ᠦᠭᠭᠦᠭᠰᠡᠨ ᠪᠤᠭᠤᠳᠠᠯ ᠢ ᠠᠯᠳᠠᠷᠠᠭᠠᠵᠤ ᠦᠵᠡᠭᠰᠡᠨ ᠳᠤ ᠲᠡᠷᠡ ᠨᠢ ᠴᠠᠭᠠᠨ ᠭᠤᠯᠢᠷ ᠢᠶᠠᠷ ᠬᠢᠭᠰᠡᠨ ᠲᠠᠪᠤᠨ ᠮᠠᠨᠲᠠᠦ ᠪᠠᠶᠢᠵᠠᠢ᠃ ᠡᠪᠦᠭᠡ ᠥᠨᠥᠬᠢ ᠶᠢ ᠨᠢ ᠠᠮᠠ ᠬᠦᠷᠭᠡᠯ ᠦᠭᠡᠢ ᠬᠠᠯᠠᠭᠤᠨ ᠡᠪᠦᠷ ᠲᠤ ᠪᠠᠨ ᠡᠪᠦᠷᠯᠡᠭᠡᠳ ᠪᠤᠴᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠬᠤᠵᠢᠮ ᠨᠢ ᠰᠣᠨᠣᠰᠬᠤᠯᠠᠷ ᠰᠢᠷ᠎ᠠ ᠳᠠᠷᠤᠭ᠎ᠠ ᠠᠮᠢᠨ ᠤ ᠮᠦᠩᠭᠦ ᠪᠠᠨ ᠭᠠᠷᠭᠠᠵᠤ ᠡᠪᠦᠭᠡ ᠶᠢ ᠬᠤᠪᠢᠨ ᠤ ᠬᠡᠶᠢᠴᠢᠨ ᠢᠶᠠᠨ ᠪᠤᠯᠭᠠᠵᠤ ᠵᠤᠴᠢᠯᠠᠭᠰᠠᠨ ᠭᠡᠨ᠎ᠡ᠃ ᠶᠠᠭᠤᠨ ᠳᠤ ᠭᠡᠪᠡᠯ ᠨᠢᠭᠡ ᠳᠤ ᠡᠪᠦᠭᠡ ᠶᠢᠨ ᠠᠵᠢᠯᠴᠢᠳ ᠲᠤ ᠨᠢ ᠬᠠᠮᠵᠢᠯᠭ᠎ᠠ ᠪᠤᠯᠤᠭᠰᠠᠨ ᠳᠤ ᠰᠡᠳᠬᠢᠯ ᠬᠦᠳᠡᠯᠪᠡ ᠭᠡᠨ᠎ᠡ᠃ ᠬᠤᠶᠠᠷ ᠲᠤ ᠠᠵᠢᠯᠴᠢᠳ ᠤᠨ ᠢᠶᠠᠨ ᠠᠮᠠ ᠠᠯᠳᠠᠭᠰᠠᠨ ᠤᠴᠢᠷ ᠢ ᠰᠢᠯᠤᠭᠤᠳᠬᠠᠭᠰᠠᠨ ᠶᠤᠮ ᠭᠡᠨ᠎ᠡ᠃ ᠲᠡᠷᠡ ᠤᠳᠠᠭ᠎ᠠ ᠠᠴᠠ ᠬᠤᠶᠢᠰᠢ ᠡᠪᠦᠭᠡ ᠶᠢᠨ ᠮᠢᠨᠢ ᠲᠡᠷᠡ ᠬᠦ ︽ᠦᠬᠡᠷ ᠵᠠᠮᠰᠤ︾ ᠭᠡᠬᠦ ᠦᠪᠡᠷ ᠤᠨ ᠤᠳᠬ᠎ᠠ ᠪᠦᠬᠦᠢ ᠬᠠᠴᠢᠨ ᠲᠤᠲᠤᠳᠬᠠᠯ ᠨᠢ ᠤᠯᠠᠮ ᠢᠶᠠᠷ ᠲᠡᠯᠭᠡᠷᠡᠵᠦ ᠲᠦᠷᠦᠭᠰᠡᠨ ᠨᠣᠳᠤᠭ ᠤᠨ ᠬᠢᠵᠠᠭᠠᠷ ᠳᠠᠪᠠᠵᠤ ᠡᠷᠭᠢᠨ ᠲᠤᠭᠤᠷᠢᠨ ᠬᠤᠰᠢᠭᠤ ᠳᠠᠶᠠᠭᠠᠷ ᠨᠡᠶᠢᠳᠡᠮ ᠲᠠᠷᠬᠠᠵᠤ ᠶᠤᠮ ᠰᠠᠨ᠃ ᠶᠠᠭᠤᠨ ᠳᠤ ᠭᠡᠪᠡᠯ ᠨᠢᠭᠡ ᠳᠤ ᠡᠪᠦᠭᠡ ᠶᠢᠨ ᠠᠵᠢᠯᠴᠢᠳ ᠲᠤ ᠨᠢ ᠬᠠᠮᠵᠢᠯᠭ᠎ᠠ ᠪᠤᠯᠤᠭᠰᠠᠨ ᠳᠤ ᠰᠡᠳᠬᠢᠯ ᠬᠦᠳᠡᠯᠪᠡ ᠭᠡᠨ᠎ᠡ᠃ ᠬᠤᠶᠠᠷ ᠲᠤ ᠠᠵᠢᠯᠴᠢᠳ ᠤᠨ ᠢᠶᠠᠨ ᠠᠮᠠ ᠠᠯᠳᠠᠭᠰᠠᠨ ᠤᠴᠢᠷ ᠢ ᠰᠢᠯᠤᠭᠤᠳᠬᠠᠭᠰᠠᠨ ᠶᠤᠮ ᠭᠡᠨ᠎ᠡ᠃ ᠲᠡᠷᠡ ᠤᠳᠠᠭ᠎ᠠ ᠠᠴᠠ ᠬᠤᠶᠢᠰᠢ ᠡᠪᠦᠭᠡ ᠶᠢᠨ ᠮᠢᠨᠢ ᠲᠡᠷᠡ ᠬᠦ ︽ᠦᠬᠡᠷ ᠵᠠᠮᠰᠤ︾ ᠭᠡᠬᠦ ᠦᠪᠡᠷ ᠤᠨ ᠤᠳᠬ᠎ᠠ ᠪᠦᠬᠦᠢ ᠬᠠᠴᠢᠨ ᠲᠤᠲᠤᠳᠬᠠᠯ ᠨᠢ ᠤᠯᠠᠮ ᠢᠶᠠᠷ ᠲᠡᠯᠭᠡᠷᠡᠵᠦ ᠲᠦᠷᠦᠭᠰᠡᠨ ᠨᠣᠳᠤᠭ ᠤᠨ ᠬᠢᠵᠠᠭᠠᠷ ᠳᠠᠪᠠᠵᠤ ᠡᠷᠭᠢᠨ ᠲᠤᠭᠤᠷᠢᠨ ᠬᠤᠰᠢᠭᠤ ᠳᠠᠶᠠᠭᠠᠷ ᠨᠡᠶᠢᠳᠡᠮ ᠲᠠᠷᠬᠠᠵᠤ ᠶᠤᠮ ᠰᠠᠨ᠃  
  
ᠢᠷᠡᠯᠲᠡ᠄ ᠪ᠊ · ᠪᠢᠯᠢᠭ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠢᠳᠡᠭᠦᠨ ᠤ ᠫᠤᠤᠵᠢᠩ
︽6︾ ᠭᠡᠮᠡᠭᠦ ᠳᠤᠭ᠎ᠠ ᠪᠤᠶᠤ ᠮᠤᠩᠭᠤᠯ ᠠᠷᠠᠨᠰᠢᠨ
ᠰᠡᠩᠭᠡᠷᠡᠭᠦᠯᠦᠯ
ᠨᠤᠳᠤᠭ ᠤᠨ ᠰᠢᠷᠦᠢ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备07002090号